مناضل .. المصادر .. الرفاعي حجــر ..

Quote: الاخت مياده ازيك يازولة والله كلامك ده عجيب وغريب ـ ياقولك ياعاصم ابوبكر (بالمناسبة وين الزول ده ليهو فترة ماظاهر) ماعلينا ياميادة مثلاً : زول غلط علي زول تاني وجاء اعتذر تفتكري بعد داك نحنا كناس قريبين من الطرفين دورنا بكون شنو مثلاً ؟ هل نطالب مثلاً بإعدام الزول الاعتذر ولا نطالب الطرف التاني بعدم قبول الاعتذار أخطأ حجر وكنا له من الناصحين ومشكور قبل نصحنا واعتذر عن ما كتب ببقي بعد داك من واجبنا انو نعلي من قيمة الاعتذار موش ننتقصو وببقي برضو من واجبنا دعوة الطرف الثاني واللي هم تمبس واسرته الكريمة ممثلة في الاخت داليا قبول الاعتذار . الاتكتب ده كلام شين بالمناسبة ومافي زول قبلوا كان المتفقين مع تمبس كان المختلفين معاه كان (المثقفين الثوريين كان المزارعين كان الضباط والجنود الثوريين كان الرسمالية الغير مرتبطة بالاستعمار) كان تحالف المستنكحين واللصوص كان اي حاجة ياميادة . وبالتالي يهمني ساي للعرفة والزمن أن أقول لك شيئاً ـ ربما نسيتيه بخصوص الحكمة التي تقول (الرجوع الي الحق فضيلة ) واني اري في إعتذار حجر فضيلة وقيمة أتمني أن يستفيد منها حجر في المقام الأول في قادم مساهماته المنبرية ـ وبالتالي إختلف معك في الحتة بتاعت انو دي نهاية حجر فالآجال بيد الله ياميادة ولا يدري حجر نفسه في أي بوست ستكون نهايته ـ لكنني أستطيع أن أقول أن هذا الاعتذار هي بداية لحجر وليس نهايته كما تفضلتي مع كثير الاحترام