مناضل .. المصادر .. الرفاعي حجــر ..

Quote: الفترة الفاتت ومن بداية المناوشة ومن البوست بتاع نجلاء سيد أحمد مجردة .. ومتابعتو لي وكلامو البيكتب فوقو .. تدخل بيناتنا صديق من هنا هو الأخ وليد بجدة ربنا يشفي والدتو كنت اتمنى انو يكون قاعد .. اتصل علي وقالي بالحرف الواحد يا تمبس علشان خاطري انسى المسالة دي .. قلت ليهو يا وليد الزول دا بيكتب في كلام شين .. لكن علشان خاطرك ان ح اتجاوز لاني ما برد لي أخو وممكن اكرم مليون عين .. قلت ليهو على شرط الزول دا يمسح البوست الكاتبو وكان بي عنوان (وبعدين يا طمبز) البوست دا الآن ما لقيتو شكلو اتحذف .. قالي خلاص ليك علي انا بقول ليهو .. قعدت اكتر من يوم منتظر يمسح البوست خاصة إني م اتداخلت معاهو في البوست كنت عايزو يقول فيهو العايز يقولو .. ما شال البوست .. بقيت متحسس إني ادخل ليهو .. في الوقت المدي فوقو وليد كلمة .. وحسب علمي إنو قال ح يرسل لي بكري عشان يشيل البوست .. لما لقيتو ما شالو .. دخلت ليهو .. ورفض يشيل البوست واستمر من جديد في حركاتو دي .. وقالي إنت دخلت الاجاويد .. تخيلي شان ارفع يدي منك .. تخيلي ..؟

دي والله العظيم كانت آخر مداخله لي مع الزول دا لانو حسيت إنو المسالة ماشه لي حتة مقفولة .. وإنو الناس البتقرا ما ليها اي ذنب لي الكلام البتكتب دا .. وقلت يا زول ماف مشكلة اطلع من هنـا لكن لو جاك .. يبقى البادي أظلم .. والمسالة يبقى فيها قصد .. وهنا الواحد ممكن يعلن الجهاد عديل كدا.. ودي هنا نماذج من كتاباتو وشوف تعال دي عاملة كيف ...؟

..

.. دي كانت آخر مدخلة قريته بعدما توقفت .. حتى إني ما قريته من تلقا نفسي ودخلت البوست بل واحد من ضمن الناس المتابعة للبوست والطلبو مني إني اقيف اخبرني بيها واعتذر لي إنو طلب مني أن اقيف .. وبرضو يا ود العمدة ضغطت علي نفسي وقلت يازول مشي الحال ..

Quote: اما تمبس فدعه فهو قبل كل شئ يحتاج الى تأهيل ... !!!! كل في وقته حلو يا تامبا... طول بالك بس .

لقيت الكلام دا مكتوب في مداخله وليك حرية ان تفهمه عامله كيف يا ود العمدة ..
وفي اقرب فرصة اكتملت فوقه حاجاتو .. جا دخل هنا مرحب بالمحلل الرياضي والناقد الفني .. عمر الفاروق بيننا وكتب الكلام دا ..