Quote: لوووووووووووووول يا معتصم انت لو منتظر مني انا دومه رحمه للانجليز ديل يكون متل عشم ابليس في الجنه يا اخي انا كنت عايزه اي shot في مرماهم تكو ن هدف
Quote: لكن فرصه نضحك علي قمربوبا ومعتصم وكل الشمتو فينا هههههههه
زي الضحكتي علينا يا أماني .. ياخي نحن لسه مراهنين على الإسبان بي هناك .. سلام وشوق شديد .. لعلك طيبة يا صديقة ..
Quote: حكم شنو يا معتصم ؟ ناس ماخذ اربعه و الكوره كلها ما لعبت غير ربع ساعه !!
أمين يا صاحب سلام .. ياخي الناس كلها تشكي من التحكيم .. عارف زي الأهداف دي بتغير شكل المباراة تماماً وهذا ما حصل في مباراة إنجلترا وألمانيا والأرجنتين والمكسيك .. القون دا لو كان الحكم إحتسبه الكفة كانت ترجحت تماماً لصالح الإنجليز .. على كل حال دا ما تحيز للإنجليز ولكن الواحد يقول الحقيقة بس .. أها نتلاقى قدام ..
06-28-2010, 12:37 PM
Al Sunda
Al Sunda
تاريخ التسجيل: 01-18-2005
مجموع المشاركات: 1854
ست الاسم دوما الراقية كلام بالجد ولا تمنيات بهزيمة الارجنتين عارف في ناس بتشجع فرق عشان تتغلب اها حددي موقعك
غايتو الليله سلوفاكيا الدخلت بالرجالة دي تعملها وتطير هولندا يعنى تمثيل جغرافي لأوروبا الشرقية او ما تبقى منها وكده بعد غياب كورياوالغياب المتوقع لليابان الآسيويتين
القمر بوبا "معليش وبدون استئذان طالما ست الخيط مسافرة" وين طار بوستك بتاع جريدة الحقيقة انت الناس ديل (ناس الطاهر وجماعته) عاجباهم صورهم ولا شنو الجريدة بين كل صورة تلقى صورة حاجة تجنن
اها قرط على الاسبان بس قالو في مسجات متبادلة بين بتاعين الريال رونالدو وراموس وكل زول منهم قال هو حيفوز
06-28-2010, 01:23 PM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
مبروكين استاذنا الملك الهولنديين لعبوا كويس... السلوفاك كانوا تعبانيين هولندا هجوميا لا تقل عن اي منتخب كبير روبن اشنايدر ولاعب الارسنال وحتي التم استبداله الاسمر ده ما ساهليين
06-28-2010, 05:56 PM
Al Sunda
Al Sunda
تاريخ التسجيل: 01-18-2005
مجموع المشاركات: 1854
اها نقوم نشجع البرازيل عشان تتغلب ولا شنو يعني وفي الاصل إذا كان مستوى البرازيل ذلك الذي ظهر به امام البرتغال حقو ما يمشو لقدام وحقيقة دونقا (على فكرة قاو اصوله المانية )حرمنا من متعة اللعب البرازيلي بالمناسبة وين الكوتش معتصم قمربوبا
Quote: السنده ..قصدك كتاب الاعمدة؟
بالظبط كده يا خي ديل كتار وبعدين ليه إظهار العمود أكثر مرة
06-28-2010, 05:45 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
* مارادونا يرقص التانغو ويقترب من اللقب العالمي .. وجد الأرجنتينيون أنفسهم في مواجهة من العيار الثقيل مع المكسيك ولم تخلوا المباراة من الهجمات الخطرة منذ بدايتها وكاد المكسيكيون أن يحرزوا الهدف الأول ويردفوهو بالثاني لولا العراضة وسوء الطالع لمهاجميها .. في الناحية الأخرى واصل التحكيم مسلسل أزماته مهدياً هدفاً غير صحيح للأرجنتين رجح به الكفة وقلب موازين المباراة بعدها دانت السيطرة لهم بفضل تحركات الماكر والخطير ميسي وفاعلية هوقوين وتافريز في خط المقدمة حتى تمكنوا من إحراز ثلاثة أهداف كفلت لهم الصعود للدور ربع النهائي مقابل هدف وحيد للمكسيك ..
* هولندا للدور ربع النهائي بعد فوزها على سلوفاكيا 2/1 .. بعد مباراة متوسطة الأداء فازت الطاحونة الهولندية على سلوفاكيا المنظم بهدفين مقابل هدف وحيد لسلوفاكيا نتج عن ركلة جزاء في الدقيقة الأخيرة من زمن المباراة .. وكان للأسلوب الحذر الذي إنتهجه الفريقين أثره على مجريات المباراة فخلت من اللمحات الحلوة والخطورة على المرميين إلا ما ندر من هجمات خجولة للطرفين .. الحسنة الوحيدة في المباراة عودة اللاعب الهولندي روبن والذي أحرز الهدف الأول لهولندا من كرة رائعة تعامل معها بذكائه وطريقته المعهودة ..
06-28-2010, 06:03 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
شكرا يا قمرناعلى الدعم .. فعلا نزول روبر اعطى اللعب رونقة على الرغم من انه الى حد كبير كان حذر بسبب اصابته.. ايليا الاسمر دا معجب الجماهير في هولندا وكانوا بطالبوا باشراكه من اول المباراة.. لانه لاعب سريع ومراوق جيد.. كذلك ابراهيم افلاي المغربي الاصل.. عموما ايليا شايفه ملتزم الحذر .. ولم يمارس ابداعانه في الملعب حتى الان ربما بسبب حساسية المباريات. .. وين يا معتصم ياخي راجنك من زمان.
06-28-2010, 06:05 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
أمين الكج متعاطف متعاااااااااطف! وبكون سعيد انا من طار جنا الوزين بقي ما عندي وجيع
الا قول لي يا نوتة انت بتشجع ياتو فريق
كرهتنا البلي غايتو
_ السندة الشغل ده برمجته انا (عندي الحاجة دي بشتغلها بعد الدوام )وهم قالوا عدد الكتاب اليوميين عددهم كدة فلم يحتجبوا 2 أو تلاتة بحصل كدة..كدي بناقشهم واغير ليهم الفكرة..تشكرات
06-28-2010, 06:08 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Quote: أرجو إنو يكون عندكم أخلاق رياضيه و تجو تباركو لينا الكاس إن شاء الله !!
لا دي بتلقاها عندي تب علي اليمين اكتر كورة بشجعها واكتر فريق بحبه برشلونة لما الريـلابي عبداللطيف فتح بوست اسمه ومورينهو وبرشلونة اتدق دق الريحة جيب لعبداللطيف قلت ليه مبروك برغم الاسي وحنقي علي مورينو البني سدود وما لعب كورة فياخي ممكن ارقص معاك سامبا زاتو لكن اتمني الكاس لدولة غير الالمان والبرازيل والارجنتين..كرهونا البلي ..اتمناها للاسبان أو هولندا..لو كان التمني بتحقق كنت قلت غانا ياخ..عايزين نغيير
06-28-2010, 11:41 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
صدقوني البرازيل ليست هي البرازيل ولو تميز احد من هجوم شيلي بقوة التهديف من خارج الخط لكانت البرازيل مهزومة منذ الشوط الاول ففرض التهديف على المرمي لاحت لطرش شيلي مليون مرة في النصف الاول من الشوط الاول قبل ان تبدا الماكينة البرازيلية لكن تقول ايه اعتقد ان مهارات لعيبة البرازيل هي التي حسمت اللقاء عكس لعيبة شيلي واللذين افتقدو كل شيء (حتى الحظ) فكان لا بد من هزيمة وغريب الا تبدأ شيلي المباراة بلاعب بقدرات فالديفيا (دا ولدنا بتاع الامارات)
06-29-2010, 06:22 AM
doma
doma
تاريخ التسجيل: 02-04-2002
مجموع المشاركات: 15970
أستاذنا الملك .. صباحك خير وكل سعادة .. موجود والله بس مرات الواحد بنشغل وما بلقى طريقة يتواجد بإستمرار .. لك التحايا وأنت تشجعنا للمزيد ..
Quote: بشجع البرازيل يا بوبا ، رغم الدعوات الشريره لخالتك دوما !! أرجو إنو يكون عندكم أخلاق رياضيه و تجو تباركو لينا الكاس إن شاء الله !!
تشمو قدحة يا أمين .. البرازيل ما ياها البرازيل البنعرفه ياخ .. دي بدائل ما عندها يعني لو غاب كاكا وروبينهو ولوسيو الضحك شرطكم .. هو أصلو شارطكم المره دي كأس مافي ليكم
Quote: لكن اتمني الكاس لدولة غير الالمان والبرازيل والارجنتين..كرهونا البلي ..اتمناها للاسبان أو هولندا..لو كان التمني بتحقق كنت قلت غانا ياخ..عايزين نغيير
معاك للطيش يا قمر .. إسبانيا أو هولندا أو غاااااانا ..
Quote: صدقوني البرازيل ليست هي البرازيل ولو تميز احد من هجوم شيلي بقوة التهديف من خارج الخط لكانت البرازيل مهزومة منذ الشوط الاول
كلامك صاح يا السندا .. البرازيل قاعده تلعب بخبرتها وهيبتها .. لكن لعب في الميدان مافي ولو تعاملت الفرق التي قابلتها بطريقة غير التي لعبت بها لتغلبت عليها ..
06-29-2010, 09:07 AM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
* البرازيل بخبرتها للدور ربع النهائي .. تغلبت البرازيل على شيلي بثلاثية نظيفة أحرزها المدافع جوان وروبينهو ولويس فابيانو .. وجد البرازيليون أنفسهم أمام خصم عنيد هدد مرمامهم كثيراً ولو وجد الشيليون شوية حظ لتغيرت شكل النتيجة .. الطريقة التي يلعب بها دونقا سوف تهدد مسيرتهم في مقبل المباريات مع ملاحظة الضعف الواضح في الطرف الشمال مما أرهق وسط الدفاع كثيراً زيادة وجود محورين على حساب صناعة اللعب وهي ليست الطريقة التي يلعب بها الفريق البرازيلي في السابق .. البرازيل بدون كاكا وروبينهو لين يكون هنالك فريقاً .. أظهرت جميع المباريات التي أداها الفريق البرازيلي عدم وجود بدائل تشكل إضافة للموجودين .. مبروك للبرازيل وهاردلك شيلي ..
06-29-2010, 12:05 PM
محمود بكر
محمود بكر
تاريخ التسجيل: 10-25-2005
مجموع المشاركات: 763
* لمن ستكون الغلبة برغواي أم اليابان .. في مواجهة خالية من الملامح وحتى صافرة الحكم معلناً نهاية الزمن الرسمي للمباراة صفر في كل شي مباراة خالية من اللمحات والإثارة الحذر يشوب أداء الفريقين وحتى نهاية الهجمة ضعيف وعدم تعامل المهاجمين بصورة طيبة مع الفرص القليلة التي وجدوها .. من واقع مجريات المباراة أتوقع وصولها لركلات الترجيح كأول مباراة في هذا المونديال تحسم بالركلات وأن ينتهي الشوطين الإضافيين كسابقيهما تعادلية ..
أدونا الخبر بعد نهايته يا شباب لأني لم أستطع متابعة بقيتها ..
Quote: حسبما شاهدت زادت قناعتي ان اي فريق يلاقي البرازيل يدخل الملعب بروح الهزيمة لذا هي لا تنتصر بل ان منافسيها يهزمون انفسهم والدليل مباراة شيلي
كلامك صحيح أستاذنا محمود بكر .. وهذا سر تفوق البرازيل على بقية الفرق هيبتها وتعاملها بخبرة مع كل المباريات ..
06-29-2010, 12:44 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
وجعتني هزيمه اليابان جدا يا جماعه اصحي للمباره الجايه دي ولا انوم اشوفها باكر ؟؟ والله زمنا هنا مشاتر تب مع اني بقيت اخد لي نومه من خمسه لي تمانيه ونص بالمساء .
______________________ دعاء لهزيمه البرازيل يا رب تهزم البرازيل شر هزيمه وتشمتني في امين ياسمين وكل الرهط البرازيلي ز آمين يا رب العالمين
06-29-2010, 06:36 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
يا ماما دوما والله مباراة اليوم دي ما بتتفوت .. ممكن تاخدي ليك غمدة كده قبل المباراة زي ساعة ونصف كده .. دي زي ما بنسميها نحن في كرة القدم طقش جد .. يعني ح تكون مباراة ممتعة بكل المقائيس ..
Quote: اردتها لليابان والله ومنظر اللاعب البضيع ضربة الجزاء يبكي الكافر ياخ
سلام يا قمربوبا .. للأسف لم أكمل المباراة وتوقعتها كذلك .. وزي ما عارف الحظ بيلعب دور كبير في ركلات الترجيح .. اليابان تابعتها بدقة في البطولة وهي تستق المضي أكثر من ذلك .. لكنها كرة القدم لابد من خاسر .. ألف مبروك للبرغواي ..
تحياتي ومحبتي ..
06-29-2010, 06:50 PM
doma
doma
تاريخ التسجيل: 02-04-2002
مجموع المشاركات: 15970
غايتو يا معتصم ولدي لسه ما نعست الساعه هنا اتنين الا ربع قربت يا اخي ما بنوم لو مشيت نمت تاني ما بصحي . طبعا ابو سامي ما عنده شغله بالكوره زول غياظ خلاص . __________________________
-دعاء لهزيمه البرازيل
يا رب تهزم البرازيل شر هزيمه وتشمتني في امين ياسمين وكل الرهط البرازيلي آمين يا رب العالمين
06-29-2010, 07:21 PM
Elhadi
Elhadi
تاريخ التسجيل: 01-06-2003
مجموع المشاركات: 9588
سلام يا موندلياب.. تاسفت لخروج اليابان بعد اداء جيد وكفاح .. وفرحت لخروج البرتقال بكرههم من ايام تاجر البندقية.. غايتو جماعتنا موقفهم صعب مع البرازيل .. الله في.
06-29-2010, 10:58 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
سلام يا موندلياب.. تاسفت لخروج اليابان بعد اداء جيد وكفاح .. وفرحت لخروج البرتقال بكرههم من ايام تاجر البندقية.. غايتو جماعتنا موقفهم صعب مع البرازيل .. ما خايف الا من ووبات بت الشيخ .. الله في.
06-29-2010, 11:31 PM
مرتضى احمد عبد القادر
مرتضى احمد عبد القادر
تاريخ التسجيل: 12-30-2009
مجموع المشاركات: 2484
صباح الخير مونديالاب .. بسم الله نبدأ مع بداية الربع الثالث ..
* بهدف ديفد فيا الأسبان للدور ربع النهائي .. عندنا مقوله رياضية تقول البضيع كثير من الأهداف يخسر .. رغم إمتلاكها لجزء كبير من المباراة وهجماتها الخطرة على المرمى الإسباني إلا أن البرتغال لم تتعامل مع المباراة كما يجب وأضاع مهاجموها عدد من الفرص كانت كفيلة بخروجهم فائزين .. وفي الجانب الآخر تعامل الإسبان مع المباراة بواقعية وفرضو أسلوبهم على البرتغاليين بفضل فاعلية خط وسطها الخطير والدور الكبير الذي يلعبه ديفد فيا في خط المقدمة ولو تفاعل معه توريس لن تتوقف أهدفا الإسبان .. المباراة في مجملها شيقة وممتعة وتمنيت أن تستمر لـ 120 دقيقة .. مبروك للإسبان وهاردلك البرتغال ..
06-30-2010, 08:35 AM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Quote: غايتو يا معتصم ولدي لسه ما نعست الساعه هنا اتنين الا ربع قربت يا اخي ما بنوم لو مشيت نمت تاني ما بصحي . طبعا ابو سامي ما عنده شغله بالكوره زول غياظ خلاص .
يا ماما دوما بس ما تقولي لي ما حضرتي المباراة .. نحن والله في شهر المونديال دا أجلنا النوم
Quote: - دعاء لهزيمه البرازيل
يا رب تهزم البرازيل شر هزيمه وتشمتني في امين ياسمين وكل الرهط البرازيلي آمين يا رب العالمين
غايتو في دي أنا معاك .. كيه في أمين ياسمين وصلاح شتات ومعاهم أميرة الشيخ كمان ..
شغال نضيف يا الهادي .. متابعة دقيقة لكل ما يحدث في المونديال .. تحياتي ..
Quote: إن شاء الله ، الحبه ما بتجينا !! هو في زول دعاو مستجاب بكتب في البورد ده ؟!!
يا أمين ياخي المرة دي جاياكم جاياكم .. قلت لي دعائنا من هنا ما مارق
06-30-2010, 08:26 AM
محمود بكر
محمود بكر
تاريخ التسجيل: 10-25-2005
مجموع المشاركات: 763
وعجبني جدا خروج البرتغال لمشاركتها مع البرازيل في التامر على ساحل العاج وعقبال الرازيل
* كنت مرشح اسبانيا للنهائي لكن رغم فوزها امس الا ان ادائها كان غير مقنع *الخطط العامة للمرحلة هي احرز هدف ولا يدخل فيك هدف ثم اغلق المنطقة بالضبة والمفتاح * مباريات المرحلة القادمة يمكن ان نطلق عليها مباريات مدربين المدرب الشاطر الذي يستطيع قراة المباراة وتحريك اللاعبين داخل المعلب يكسب التوقعات الاربعة الارجنتين اسبانيا ارجواي (رغم امنيتي الكبيرة بفوز غانا) والبرازيل (اضم دعواتي مع لاخت الفاضلة دومة سائلين الله ان تبرد هولندا حشانا)
06-30-2010, 03:21 PM
doma
doma
تاريخ التسجيل: 02-04-2002
مجموع المشاركات: 15970
Quote: يا ماما دوما بس ما تقولي لي ما حضرتي المباراة .. نحن والله في شهر المونديال دا أجلنا النوم
معتصم ولدي تصدق حضرتها وانبسطت شديد لخروج البرتقال عشان رونالدينو زول حقار خلاص . عارف لما مشيت انوم كانت اربعه ونصف صباحا . من انا عمر 11 سنه يوم الكوره اعمل ليك زول دلاقين ارقده ليك بدلي واغطيه كويس وانسحب بالراحه عشان ابوي ما يشوفني . امش ناس كامل مقلد احضر الكوره مع اولاد الحله دا كان التلفزيون الوحيد في حلتنا والناس كانت حلوه يفرشوا سباته لشفع الحله نحضر التلفزيون عندهم سهره الخميس او الكوره
06-30-2010, 05:49 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Quote: معتصم ولدي تصدق حضرتها وانبسطت شديد لخروج البرتقال عشان رونالدينو زول حقار خلاص . عارف لما مشيت انوم كانت اربعه ونصف صباحا .
الله يعينك على السهر يا ماما دوما .. أصلو دا شهر ما بتفوت وفرصة لمتابعة أهم حدث رياضي عالمي .. غايتو نحن مع الإسبان وضد البرازيل ..
Quote: من انا عمر 11 سنه يوم الكوره اعمل ليك زول دلاقين ارقده ليك بدلي واغطيه كويس وانسحب بالراحه عشان ابوي ما يشوفني . امش ناس كامل مقلد احضر الكوره مع اولاد الحله دا كان التلفزيون الوحيد في حلتنا والناس كانت حلوه يفرشوا سباته لشفع الحله نحضر التلفزيون عندهم سهره الخميس او الكوره
والله يا ماما دوما لقيتك حريفة تشجيع كورة من زمان يا سلاااام .. داك كان زمان جميل .. كلنا عايشنا حاجة زي دي تلفزيون النادي أو بكون في تلفزيون واحد في الحلة .. ونقوم نلف الإرسال والناس كلها تكورك مع الزول البكون طالع فوق عشان يلف الأريال .. جات .. لا ما جات .. لسه .. لف شويه يمين ومره شمال
06-30-2010, 06:09 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
معتصم و خالتو الألمانيه و كل الناس البتفتكر إنو البرازيل تيما ما كويس : البرازيل بتدي الجرعه بقدر المرض !! العيب مافي الغلط ، العيب في الاصرار علي الغلط . و باب التوبه مفتوح حتي مباراة هولندا بعدها لن نقبل توبة تائب !!!
06-30-2010, 06:51 PM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
Quote: معتصم و خالتو الألمانيه و كل الناس البتفتكر إنو البرازيل تيما ما كويس : البرازيل بتدي الجرعه بقدر المرض !! العيب مافي الغلط ، العيب في الاصرار علي الغلط . و باب التوبه مفتوح حتي مباراة هولندا بعدها لن نقبل توبة تائب !!!
يا أمين .. زمان زمااان موووش الواحد يقول ليك تعال نتشارط .. أها أنا الليلة عايز أشارطك .. بس ما تقول لي الشراط حرام وتكون دي مراقتك المهم البرازيل دي كان شالت الكأس بكون حظ ساي .. أنا بشارطك البرازيل ما ح تشيل الكأس .. حق الشراط خليهو بيني وبينك
07-02-2010, 05:55 AM
Elhadi
Elhadi
تاريخ التسجيل: 01-06-2003
مجموع المشاركات: 9588
آخر الأخبار حول المعركة المرتقبة بين الأرجنتين والألمان تتحدث عن احتمال غياب نجم المنتخب الأرجنتيني الأول ( ليونيل ميسي )عن مباراة ألمانيا !! وورد في الأخبار أيضاً أن ( ليونيل ميسي ) غاب عن تدريبات المنتخب الأرجنتيني يوم الخميس بسبب الحمى وربما حل "خافيير باستوري" بديلاً عنه في المباراة ..
والتشكيلة التي خاضت التدريبات الأرجنتينية والمرجح أن يدفع بها "مارادونا" في المباراة هي نفس التشكيلة التي لعبت مباراة المكسيك باستثناء إضافة "خافيير باستوري" بديلاً عن "ميسي " .. وهي التشكيلة المكونة من :الحارس "سيرخيو روميرو" ...نيكولاس أوتامندي، مارتن ديميكيليس ، نيكولاس بورديسو، غابرييل هاينزا؛ ماكسيمليانو رودريغيز، خافيير ماسكيرانو، آنخل دي ماريا؛ خافيير باستوري؛ كارلوس تيفيز، وغونزالو هيغوايين )
الفيفا أسند إدارة المباراة تحكيمياً للأوزبكي (Ravshan Irmatov) الذي أدار مباراة (الأرجنتين ضد اليونان) في الدور الأول وقوبلت إدارته لتلك المباراة بعاصفة من الاحتجاجات من قبل مدرب المنتخب الأرجنتيني ( دييغو مارادونا) بسبب تغاضي الحكم عن العنف اليوناني ضد (ليونيل ميسي) كما يقول " مارادونا" ..
بالتوفيق للمنتخب الأرجنتيني في تجاوز العقبة الألمانية
07-02-2010, 09:22 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
سلام للاعمام والخالات هنا ربنا يحقق الامنيات وشكرا لتشجيعكم الليله المعركة بين القمم هولندا و البرازيل والميديا بتقول حتكون المقابلة الاوسع حضور ومشاهدة الكوتش الهولندي قال الفريق البرازيلي المفضل الاول في العالم ولكنه سوف يلعب معهم بطريقته هو ما بطريقتهم الحاولت الفرق الواجهتم اللعب بها لحد الان عن ازنك يا عم امين واحباب البرازيل دي هديتي ليكم كلكم
في حضرة مارادونا لا شئ يعلو فوق الاثارة و الاعجاب بهذا النجم الاسطورة الذي ما زال اسراً للجماهير حتى بعد15 سنة من مفارقة المستطيل الاخضر .... مباراة اليوم تعتبر ثأرية بكل المقاييس حيث يسعى مارادونا للثأر من المانشفت العنيد فالمبارة في المقام الاول ثأر شخصي لمارادونا لتعويض خسارته لنهائي مونديال ايطاليا 1990 امام لوثر ماتيوس و رودي فولر و كلينزمان و صاحب الهدف المشكوك في صحته و في المقام الثاني يسعى الارجنتينيون للثأر لخروجهم من المونديال السابق على يد المانشفت في دوري ال16 بضربات الحظ ... مارادونا الذي بدا واثقاً اكثر مما ينبغى أكد بانه لايخشى المانشفت و يستطيع قهره دون اللجؤ لضربات الحظ ... لنرى هل ينجح مارادونا في تطويع المانشفت القاسي ام يتقاسم الالمان البونونيرا الارجنتينية? اقل من ساعة تفصلنا للقاء الحسم
07-02-2010, 02:35 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
عموما لو في حاجه كويسه عارفك لمن ( إن شاء الله نشيل الكاس ما بتستنكف تعتذر لي ببوست طويل عريض ، عارفك ما زي ناس قمر الحقد و أماني المستلبه !! موعدنا النهائي يا مو ، اليس النهائي بقريب ؟
Quote: عن ازنك يا عم امين واحباب البرازيل دي هديتي ليكم كلكم
هديتك مقبوله يا حسام لكن الفيك اتعرفت ياخي انتو جيل شوهته العولمه !! قبل ما أمرق من السودان الشقيق كان تشجيع البرازيل يدخل في منظومة قيمنا و أخلاقنا مثله مثل حب الوطن !! بالفطره كده السودان كلو بشجع البرازيل لكن شكو أبوك (هولندك ) !!! غفر الله لنا و لكم يا محمد علي و أصلح الله شأننا و شأن اولادنا جمعيا !! و لو عايز نصيحتي حسام ده ما تخليه يحضر الكوره براو لو أقل من ١٨ سنه !!
07-02-2010, 03:46 PM
Al Sunda
Al Sunda
تاريخ التسجيل: 01-18-2005
مجموع المشاركات: 1854
المنتخب الهولندي ... اداء عجيب و غريب ... روبن تبدو عليه الاصابة او الارهاق ... دفاع تائه ... روبنيهو يتلاعب بالدفاع الهولندي شنايدر ... الحسنة الوحيدة في المنتخب الهولندي ... و التحكيم مهزوز
البرازيل اداء غير في هذه المباراة ... تحكم في الكرة و سيطرة كاملة في الشوط الاول نتمنى ان يعود الاورانج لجو المباراة ليزكرونا ملحمة مونديال 1994 الذي حسمه السيليساو بثلاثية روماريو و بيبيتو و رقصة المهد الشهيرة و هدف برانكو الصاروخي الحاسم .... بينما كان بيركامب كالعادة مطوعاً للشباك بينما احرز فينتر هدف الاورانج الثاني
رقصة المهد
07-02-2010, 04:13 PM
Al Sunda
Al Sunda
تاريخ التسجيل: 01-18-2005
مجموع المشاركات: 1854
Quote: إن شاء الله ، الحبه ما بتجينا !! هو في زول دعاو مستجاب بكتب في البورد ده ؟!!
لووووووووووووووووووول عشان تاني تا منوا ببركات حاجه دومه . عمري ما فرحت قدراليوم . المشكله خليل حالف طلاق وتاني ما يكتب في البورد . شماته تقيله يا امين ياسمين انعام ازهري حيموره
07-02-2010, 05:05 PM
Elhadi
Elhadi
تاريخ التسجيل: 01-06-2003
مجموع المشاركات: 9588
ما بجوكي يا عمة يا راقية ومبروك عليك تمنياتك بخروج البرازيل لكن نحن برضه بنحلم مع قمر بوبا والموتش معتصم ببطل جديد لا يخطر على بال وكأنما تذكر البعض في الشوط الاول برازيل 82 هاردلك مشجعو البرازيل وما بتدي حريف
07-02-2010, 05:14 PM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
هولندا عملتها وأخرجت البرازيــــــل من المونديـال الإفريقي لم أشاهد المباراة كاملة ولكن البداية كانت قوية للبرازيل ننتظر ولدنا معتصم دفع الله يجي يحلل لينا وكمان عايزين جزء معتبر في التحليل يكون موجه لأخونا في الياسمين - يا أمين والله بنريدك وما عايزين ليكـ الجهجة -
07-02-2010, 05:16 PM
Elhadi
Elhadi
تاريخ التسجيل: 01-06-2003
مجموع المشاركات: 9588
الليلة وااااااااشماتك يا مارادونا على الأقل يلقى حاجة يبتعد بيها من الليلة لحدي بكرة عن الحرب النفسية وحرب الأعصاب التي بدأها الألمان على لسان لاعيبهم (فيليب لام) و(شفاينشتايغر) للتغطية على الخوف والرعب من مواجهة الأرجنتين وبث الطمأنينة وسط أنصارهم ..
07-02-2010, 05:20 PM
doma
doma
تاريخ التسجيل: 02-04-2002
مجموع المشاركات: 15970
عموما لو في حاجه كويسه عارفك لمن ( إن شاء الله نشيل الكاس ما بتستنكف تعتذر لي ببوست طويل عريض ، عارفك ما زي ناس قمر الحقد و أماني المستلبه !! موعدنا النهائي يا مو ، اليس النهائي بقريب ؟
يا أمين انا ما قلت ليك .. ناصحين شنو غايتو انا شراطي ما بخليهو .. رسال الأخضر أب صلعة بس أها بالله تعال لينا بي هناك شاهد النهائي وأشتمتع .. غايتو الليلة يحلك الله من ماما دوما وقمر بوبا ..
يا شباب سلام .. قمر بوبا والسندا وماما دوما وجعفر والملك والهادي وأمين المغلوب زاتو .. وتحية لست البوست اماني .. يا شباب كان ماشين بيت العزاء ما تفوتونا
07-02-2010, 05:42 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
الشفيف مو...اها كل يوم عندنا بيت عزا تاني وحنترافق ...والكاس انشاء الله لغانا او الاسبان - نتمني ساي- علي الايمان ما دام طار جنا الوزين (الانجليز) جهز عمتك وجلابيتك نحن ناس فاتحية ساااي بعد ده نحن وجعينا اسبان وديل تعاطف بس ..كان اتغلبو ما فارقة مافارقة
... امين نوتة: لما الصافرة بتاعة الخاتمة دقت عرضت ليها صقرية عديييل ولا عزاء لبت الشيخ هم يشمتوا فينا ونحن نسكت؟؟
... الملك مبروك ياخي
... ماما دوما انبسطي والتفاؤل كويس...هو يا للالمان لسامي يا للارجنتتين ليك..وانا متمنيه لغانا وللاسبان عشان شباب برشلونة
07-02-2010, 05:37 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
الماكينة الهولندية تعطل السامبا البرازيلية وتصعد للدور نصف النهائي ..
تاهلت هولندا لنصف النهائي بعد فوزها على البرازيل بهدفين مقابل هدف في مباراة مثيرة من الطرفين تسيدت البرازيل شوطها الأول وتاهت في الثاني الذي تسيدته هولندا طولاً وعرضاً .. المباراة غرابتها في تحول اللعب لصالح هولندا التي تاهت في الأول ويمكن للطريقة التي لعب بها دونقا دور في ذلك لعدم قراءته لمجريات المباراة وهذه ليست المره الأولى ويمكن للخصم العنيد هولندا دور كبير في قلب الطاولة على دونقا عكس الفرق التي قابلت الفريق في الدور الأول .. أهداف كثيرة ضائعة في المباراة للطرفين وأكثرها لهولندا .. التحكيم يواصل مسلسل إهتزازه وطرد ميلو صحيح .. الحكم قراراته كانت بطيئة وتساهل في كثير من الحالات التي تستوجب الإنذار .. هولندا إستحقت النتيجة وخروج غير متوقع للبرازيل .. هاردلك عشاق السامبا . ومبروك للهولنديين ..
Quote: التحكيم يواصل مسلسل إهتزازه وطرد ميلو صحيح ..
ميه في الميه لانه بعد روبن وقع عفصوا بالكداره و ما كان في اي سبب يخليه يعمل كدا وهشام امين قال الهولنديين جزازين وممثلين غايتوا البرازيليين اصلهم ما بنستروا لما يهزموا اسه اتلقي في كم الف برازيلي في الحوادث هارت اتاكات ساكت
07-02-2010, 07:05 PM
Elhadi
Elhadi
تاريخ التسجيل: 01-06-2003
مجموع المشاركات: 9588
مساءكم الله بكل خير محبي كرة القدم وقبيل مباراة غانا مع الأراغواي حظوظ غانا مبنية على سرعة الأداء والتحرك بدون كورة وتعليمات المدرب وتطويره لخططه مع سير المباراة طبعا حلمنا الإفريقي غانا نتمنى له الاستمرار في هذا السباق العالمي الجميل نشوف المباراة وكلنا آمال بتخطي غانا للعملاق الأراغواي وطبعا إذا غانا طارت أنا خايف إتحاد بلاتر دا يعيد النظر في حصة إفريقيا في كأس العالم ...
07-02-2010, 07:28 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Quote: خالتو دوما معتصم الما شفيف قمر الحقد و الظلام و لكل الشامتين و الشامتات الأحياء منهم و الأموات :
اذا ما الدهر جر على اناس اناخ باخرين .. فقل للشامتين بنا افيقو سيلقى الشامتون كما لقينا !!
بالله دا حنكك .. يعني يا أمين عايز تاكلني ساي في الشراط حقي قال شامتين قال ..
Quote: الشفيف مو...اها كل يوم عندنا بيت عزا تاني وحنترافق ...والكاس انشاء الله لغانا او الاسبان - نتمني ساي- علي الايمان ما دام طار جنا الوزين (الانجليز) جهز عمتك وجلابيتك نحن ناس فاتحية ساااي بعد ده نحن وجعينا اسبان وديل تعاطف بس ..كان اتغلبو ما فارقة مافارقة
يا قمر عمتي جااااهزه .. بس ناس أمين وأميرة الشيخ ديل للأربعين ما بنخليهم
Quote: انا بالنسبة لى كاس العالم انتهىىىىىىىى
ما قلتو نوبة يا بت الشيخ .. هسي مالكم بقيتو مسكاين كده .. بالله فارشين بي وين عشان نجي نقدم واجب العزاء
أستاذنا الملك .. تباركينا وعقبال الكأس يا رب ..
07-02-2010, 07:40 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
البلاك ستارز على موعد مع التاريخ .. بعد قليل تنطلق مباراة غانا ضد أورغواي في مباراة لا تقبل غير الفوز للترقي للدور نصف النهائي لبطولة كأس العالم .. فهل تفعلها غانا ؟..
07-02-2010, 08:28 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Dear all Sorry for Brazil supporters specially Ammo Ameen Even my father didn’t blieve me when I said to hem the Dutch team will beats Brazil hahahaha No one can stop us after this big game believe me we will be the winners of World Cup 2010
Stay well till the semi - finals . Hussam.
07-02-2010, 09:34 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
تمنيتها في التسعين دقيقة يا قمر .. لكن نقول شنو في كرة القدم العجيبة ..
أستاذنا الملك .. مبروك مره ثانية .. هولندا فعلاً تلعب بإستراتيجية محكمة وقد تكون الفائزة بكأس العالم .. ولو أنها ح تصطدم بالأرجنتين أو ألمانيا قد توقف عجلتها ..
07-02-2010, 09:38 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
تسعون دقيقة ولا أروع في كرة القدم .. قدمت غانا والأورغواي أجمل وأمتع المباريات حتى الآن في مونديال أفريقيا .. شوطان جميلان بذل فيها الفريقين مستوى رائع جداً .
خطورة الأورغواي في فورلان ولويس سواريس .. مدرب غانا أفلح في إدخال برنس كمهاجم ثاني مع جيان .. هل تسعف اللياقة غانا للمضى للدور نصف النهائي .. ننتظر الشوطين الإضافيين ..
07-02-2010, 09:45 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
لاحولالالا انتو فارشين على البرازيل بي جاي.. تصدق يا امين حسام ده ما تلخمك ركبه في شهر اربعه الفات قفل 17سته.. لما جينا بيه هولندا كان 6 سنوات واول مرة ينزل السودان السنة الفاتت.. ورجع شايل معاه فنلة الهلال قلت ليه يا زول انت بي صحك لحد ما فاجأنا بي صورته الفوق دي.. الغريبه قدر ما حنسني امشي معاه مبارياتهم دي ابيت لكن بعد كده بمشي اشوفهم.. عارف اكتر حاجه كانت بتغيظني لما اناقشه في الاحتمالات قولت (تشوف براك) الكان شابكني بيها.. بعد كدا انا ذاتي بقول معاه.. غاظني البرازيلي العفص روبر .. اول مرة اشوف برازيلي يلعب بطريقة شريرة .. واظنه عارف ان روبر ما شارك في اللعبات الفاتت بسبب تمزق في عضلة رجله دي وعايز يلحقه الزنيين.. سنتر المدينة عندنا هنا مقلوب الهولنديين مالين الشوارع يظمروا وينططوا ( باين كلام مردوناداك عجبهم ) مع الحر دا برضوا فرصه يا ود الصايم.. قلوبنا مع غانا.
07-02-2010, 10:15 PM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: خطورة الأورغواي في فورلان ولويس سواريس .. مدرب غانا أفلح في إدخال برنس كمهاجم ثاني مع جيان .. هل تسعف اللياقة غانا للمضى للدور نصف النهائي .. ننتظر الشوطين الإضافيين ..
والله يا ابوالدفاع انت متفائل خلااص يعنى كنت تحلم انو فريق افريقى او غانا تصل دورى الثمانية بالله جيان اوسامبا دا ما يستاهل الضرب على القفا يضيع ضربة جزاء فى الدقيقة 120 من الشوط الرابع واتنين رمم كدا يلعبوا ضربات سهلة افارقة يفتقرون للحماس والجدية والمسئولية
Quote: والله يا ابوالدفاع انت متفائل خلااص يعنى كنت تحلم انو فريق افريقى او غانا تصل دورى الثمانية بالله جيان اوسامبا دا ما يستاهل الضرب على القفا يضيع ضربة جزاء فى الدقيقة 120 من الشوط الرابع واتنين رمم كدا يلعبوا ضربات سهلة افارقة يفتقرون للحماس والجدية والمسئولية
أووووه تنقا .. والله مشتاقين يا صالح .. وين الحي بيك وكيف الدنيا معاك .. عارف .. حتى جيان الذي أضاع ركلة الجزاء أجد له العذر .. المباراة عباره عن ساعة ونصف يا تبلدينا يعني مجهود زيادة وإرهاق زهني .. غانا لعبت وإجتهدت وبذلت الكثير للظفر بنتيجة المباراة .. لكن دي حال كرة القدم الحظ بيلعب فيها دور كبير .. بالله لاحظ الكورة الأخيرة النتج منها ضربة جزاء ياخي دي دخلت المرمى مرتين وجات طالعه .. يعني كل المؤشرات تدل على خروج غانا الأفضل في كل شي .. وصول غانا كان عن طريق عزيمة لاعبيها وإصرارهم بتحقيق نتيجة لبلدهم ولأفريقيا .. ما تخليك متشائم كده ..
07-02-2010, 11:35 PM
Al Sunda
Al Sunda
تاريخ التسجيل: 01-18-2005
مجموع المشاركات: 1854
وخرجت برازيل افريقيا ايضا خرجت للثقة الزائدة كعادة البرازيل الام خرجت لأن جيان وهو نجم كبير في الدوري الفرنسي لعب بثقة زائدة فقد دخل على الكرة وفي حساباته الزمن القاتل (الدقيقة 120) الهدف القاتل وهو هدف الترجيح 2:1 التأهل المضمون بضمان النتيجة ضربة جزاء اشبه بلعب باكات وليس بضربة مهاجم محترف رغم انه الاول في الضربات حسب التسلسل وقد ظهر ذلك جليا عندما لعب الترجيحة فكامت ضربته الاروع ولكن وين ؟؟؟؟؟؟؟ اضاع غانا واضاع افريقيا احسب هتافات الشارع الافريقي في هذه اللحظات ضيعت غانا يا جيان ضيعت افريقيا يا جيان ولكنها الكورة وهي في الاصل مدورة قد تعطيك وقد لا ...... فأعطت الارجواي فوزاً كان في متناول غانا مبروك للارجواي وهاردلك غانا وهكذ هي الكورة تنتهي عند لحظتها ولكن حتى اللون الاحمر والذي شجعناه بقوة ما جابت .......... تام زينة ويبدو ان الوان الهلال والمريخ نكبت البرازيل وغانا على التوالي وخيرها في غيرها وتاني ضيعت الشعب يا جيان
قمربوبا والكوتش اوع لو كنتو قافلين على غانا
07-03-2010, 00:46 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
يا شباب/ت شكرا لكم بس الواحد حزن لغانا .. كدا الحكاية بقت واضحه يا معتصم شوفوا لينا مين الحيلعب النهائي ضد هولندا؟ انا بقول المانيا.. يا قمر بوبا شفت الجلحات والصلع الجايبه تمنهاحتى في اللعب !
07-03-2010, 08:44 AM
Elhadi
Elhadi
تاريخ التسجيل: 01-06-2003
مجموع المشاركات: 9588
وبعيداً أيضاً عن كل ما يمكن أن يقال حول تصرف اللاعب (لويس سواريز) مهاجم منتخب الأورغواي وإبعاده للكرة بيديه من على خط المرمى في الزمن القاتل والمباراة تلفظ أنفاسها الأخيرة ..
أنا بشوف انو اللقطة "أعلاه" من ناحية تانية بتؤكد إنو اللعيبة اللاتينيين "صعاليك" كورة جد جد .. وأذكياء للغاية .. وحاضري البديهة
وأصحاب ردة فعل خرافية ولا يعلى عليها..
التسديدة الرأسية للمهاجم الغاني كانت من داخل خط الستة ياردات .. وما بين ضربة الرأس الغانية ووصول الكرة لسواريز إلا كسر معدود وضئيل للغاية من الثواني .. ومع ذلك لم تغب عنه البديهة ولا زميله الآخر وردة فعلهم كانت حاضرة وفي المستوى !! لم يضيع اللاعبان أي وقت من تلك الكسور من الثواني في التفكير واتخاذ القرار، والتنفيذ كان على مستوى إنما أيييه
حقيقي زعلت لخروج منتخب غانا ...
لكن في نفس الوقت لا استطيع أن اخفي إعجابي برد الفعل الخرافي وسرعة الاستجابة، والبديهة الحاضرة للاعب "سواريز" وزميله الآخر الذي قفز هو أيضاً باتجاه الكرة للحاق بها ومنعها من الدخول في المرمى ..
وأنا ما عارف إذا ممكن تحصل تداعيات لما جرى في هذه اللقطة أو عقوبة إضافية من الفيفا على اللاعب "سواريز" أم فقط الاكتفاء بالعقوبة التي نالها على أرض الملعب من قبل حكم المباراة ..
لكن تبقى اللقطة من وجهة النظر الشخصية : لقطة تاريخية وفيها معاني كتيرة جداً وربما حتى عبر، وربما يصح وصف هذين اللاعبين بالمقاتلين أكثر من مجرد كونهم لاعبي كرة قدم !!
الكورة من المسافة دي في أعتى حارس مرمى بتدخل .. وده جانب تاني برضو يوضح حالة الاستعداد الذهني والبدني للناس دي وإنها كيف في مستوى عالي جداً .. أضف إلى إنو سواريز أصلاً ما مدافع !! لكنه مع ذلك تواجد في اللحظة المناسبة في المكان المناسب وقام بالتصرف "الوحيد" الذي يبقي على آمال بلاده في المنافسة
07-03-2010, 09:58 AM
محمود بكر
محمود بكر
تاريخ التسجيل: 10-25-2005
مجموع المشاركات: 763
* جيان يحطم آمال الغانيين والأروغواي بعد 40 عاماً لنصف النهائي .. في مباراة نطلق عليها تضيع أهداف كثيرة تخسر النتيجة ودعت غانا بطولة العالم بعد خسارتها بركلات الترجيح من الأورغواي بنتيجة4/2 وكانت المباراة إنتهت في 120 دقيقة بتعادل الفريقين هدف لهدف .. المباراة في طابعها جميلة وممتعة بذل فيه الفريقين الجهد وتقاسما الندية ولعبا بقوة وفدائية عالية تؤكد حرصمها على المضي قدماً في البطولة .. أحزرت غانا هدفها في نهاية الشوط الأول من قدم مونتاري لاعب الإنترميلان الإيطالي والغائب من اللعب بأمر المدرب وشهد الشوط إثارة كبيرة .. في بداية الشوط الثاني بدأ الحماس واضح في لعب الأورغواني حتى عادل النتيجة من ضربة ثابتة خارج الخط للأعبه الفنان ديجو فورلان .. ولكن غانا لم تستكن للتعادل ولعبت بقوة للفوز في زمن المباراة الرسمي إلا أن الحظ عبث لها كثيراً .. لم يخلو الشوطين الإضافيين من الإثارة والمتعة حتى نهايته والذي شهد ركلة جزاء واضحة تم على إثرها طردالمهاجم الخطير سواريس والذي قام بدور المدافع وأبعدالكرة من خط المرمى مضحياً بنفسه ومنقذا لفريقه ليضيع جيان هدفاً أكيداً أضاع معه أحلام غانا والأفارقة جميعاً .. بعدها شهدنا ركلات الحظ الترجيحية والتي إبتسم فيها الحظ للأورغواني مؤكداً حضوره في نصف النهائي .. وبهذا الخروج الحزين ودعت غانا البطولة بعد أن رفعت رأسها بحضورها القوي وأدائها الرائع .. هاردلك شباب البلاك إستارز .. ومبروك لمنتخب الأورغواي ..
07-03-2010, 10:50 AM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
Quote: كدا الحكاية بقت واضحه يا معتصم شوفوا لينا مين الحيلعب النهائي ضد هولندا؟
أستاذنا الملك سلام .. بنديك النجيضة بعدين على قول ودالصائم ..
Quote: والعزاء لمعتصم واميرة الشيخ وود الصائم ومن لف لفهم
أستاذنا محمود تحياتي .. أنا حزين فقط لخسارة غانا وخروجها .. أصلاً البرازيل دي ما شايله ..
Quote: بالله جهز عمتك الليلة الفاتحة علي الارجنتين او المانيا...فراش حيكون كبير بغض النظر عن الحيرحل منو
من أمس جاهزات مغسلات ومكويات يا قمر .. عليك الله دي حاله بقينا ناس فاتحة سااااي والله غانا ما تستاهل والله ما تستاهل .. بالله أختف رجلك كده شوف ماما دوما دي ليها يومين مختفيه .. وشوف صاحبك أمين الضيع البرازيل مختفي وين أصلو عندي شراط عنده .. يعني الموضوع فيهو قريشات وكده
نتقابل بعدين يا صديق ..
07-03-2010, 03:49 PM
Al Sunda
Al Sunda
تاريخ التسجيل: 01-18-2005
مجموع المشاركات: 1854
وعلى قولة المثل شهر ما عندك فيه ............. لا حبينا الارجنتين ولا كانت لدينا الرغبة في تقدم الألمان إلى هذا الدور حبينا مارودونا اللاعب ولم نحبه كمدرب قد نكون معجبين بمهارات ميسي وبس واستمتعنا بجيل من لعيبة الألمان من جيل باكنباور (فرجة ما حضرناه ) إلى جيل رومنيجا وبرايتنر وروبيش العملاق والناس العجايز بيذكرو التلفزيون والدوري الالماني والتلي ماتش الالماني (تلفزيون ابيض واسود) وعلى كل نتفرج اليوم متمنيين بكورة حلوة وبس دون الفرح لكليهما (الانجامل العمة دوما) وكمان الشوالي مافي وتمكن المذيع وصوته جزء من متعة الاستمتاع بالكورة ومشاهدتها غايتو حتى الآن المانيا متقدمة
07-03-2010, 04:42 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة