كلام الصور .. عدد يوليو خاص من البراري ( شجرة البراري نبحث في جزورها ولا نقطع فروعها ..)

Quote: ناس بري ازيكم انا من المهتمين بدراسة بري عملت فيها الماجستير بتاعي الاول عن الطب الشعبي في بري ودنت كل العاجات والتقاليد البعملهنا الامهات لاطفالهم الاقل من ال5 سنوات وساقني حبي لبري لعمل تسجيل نادر لزار الطمبرا في منطقة بري ابوحشيش 2003 .. وهو طقس في طريقه للزوال من الوجود وعن طريقه قدرت اعرف كثير من المثيلوجيا الشعبية في بري وايضاُ تاريخ المنطقة ..وبه جات سيرة الشجرة .وناس الت\طمبرا بسموها شجرة الطمبرا ..وللان بيقوموا بزيارتها ..ويعتقدون انها داخل المعرض ..وعند ازالة كل شي لعمل المعرض ما قدروا يشيلوها عشان محروسه بالاسياد ...الكلام ما بنتهي عن فصص تاريخ بري كتاب بري اللاماب اعتقد انه للكاتب تيم نبلوك مفيد جداً ( ما متاكده من انه لتيم ) حا اتاكد منه بإذن الله واجيكم راجعه في الحكي عن بري واجمل ما فيها ان اسمها جاي من امراة شامخة او هكذا تقول الاسطورة وهي من اقدم المناطق في الخرطوم ( ذكرت باسم قرية بري )..وكانت مصيف لقبائل رفاعة الرحل برضو في كتاب اتكلم عن الصلات الاجتماعية بينها وبين توتي اصدر في الستينات لنفس الكاتب اعتقد تحياتي ولو في زول في واشنطون ممكن اوريهو الفيديو تحياتي لبري الوادعه