Quote: كويس أنك ما قلت زول شرسعة إسلامية لا كما قال آخرون وهابي! الفرق بيني وبين بشاشا وتراجي فرق مقدار ما نوع..كيف؟ في تقديري بشاشا أبعد إنسان عن العلمانية وهو ينطلق من مفاهيم الشريعة الكوشية التي تعتبر الحياة كلها دين ولا أختلف معه أيضا في أن الشريعة لأي قوم تمثل مفردات ثقافتها ولهذا من الخطأ تصديرها بنفس قوالبها لقوم آخرين وتراجي نهجها علماني وضد الإستخدام السئ للدين في السياسة ولكن ليس لديها مشكلة مع التدين ولم تجعل محاربة الدين من أولوياتها حيث تؤمن بحرية المعتقد وبمبدأ أن الحرية لنا ولسوانا وكل همها النضال للتحرر من الظلم والإستعباد والإستغلال سواء بإسم الدين أو بغيره وهنا أيضا لا أختلف معها البتة
اها تعال هنا اولا انا قلت انكم تحالف متضادات . وانت تقول اختلاف مقدارما نوع لكين دا ما بمرره ليك كدا ساكت بنشرشحها . اولا نجي لبشاشا الابعد انسان عن العلمانيه وتراجي العلمانيه دا اختلاف نوع عديل كدا . مع انه انا ما عارفه انت من وين جبت عدم علمانيه بشاشا دي ؟؟ الدين الاسلامي بفهمك انت وفهم اي انسان مسلم يختلف كليا عن فهم بشاشا له ودا اختلاف نوع وليس مقدار الدين الاسلامي المعروف انزل علي رسول عربي وبلسان عربي بشاشا بيقول سرقت الفكره بتاعت التوحيد من الكوشيين وتم فبركتها عربيا يعني موضوع وحي وجبريل وتزيل علي النبي العربي بحسب نظريه بشاشا غير صحيحه ,يبقي انتفي اساس فكرك انت الاسلامي بشريعته . يا اخوي تحالفكم دا الشيطان زاتو يحتار فيه . شوف شئ واحد انا شبه متاكده منو في راي بشاشا المسيح بن مريم زاتو افريقي اسود ( افروسنترزيم ) انت وتراجي برضو اختلاف نوع تراجي علمانيه كحالي يعني الدين ما عنده اي دور في قوانيين الدوله والتي هي بالتالي القوانيين البتحكم مواطني هذه الدوله وانت زول شريعه اها وريني نقطه اللقاء وين بيتك وبين تراجي ؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
doma
فيس بوك
تويتر
انستقرام
يوتيوب
بنتيريست