|
Re: الوهم والحاجة (يسقطان) البسطاء في براثن السحرة والمشعوذين (Re: صلاح كشة)
|
تعرف يا ابوصلاح .. زمان كان رواد (الاناطين).. ( اسم اطلقه البعض على السحرة والمشعوذين ) من البسطاء من الحريم وبعض الرجال وادارى كرة القدم.. اما اليوم فاصبح روادهم من الاثرياء من مستجدى النعمة..وبعض المتعلمين المعطشين لركوب الشبح والهمر وال BMW وما قصة الدكتورة التى مازال القضاء ينظر قضيتها ببعيدة .. انا سمعت قالوا الانطون لحسها مئات الملايين ..يعنى الاخت الدكتورة دى شنو انا ما عارف .. اما هذه الايام قالوا اى انطون خاتى ليه ( جوكى ) خشم بابه ..مجرد الزبون ما يخش ليه طوالى يقوم يطلع من الغرفة ويسال الجوكى يقول ليه الزول دى جى راكب شنو .. فلو جاء محمولا على ركشة طوالى يمشى ليه ويقول ليه ياكبتن شوف ليك (فكى) غيرى انا ما فاضى.. اما اذا جي راكب ليه عربية جعيصة..يبقى دى الزبون ويبدا الرسم لهذه الصيدة المدنكلة..تقول لى بسطاء ..والله ما تكون مروق ووشك اصفر وناعم ما تلقى ليك انطون يعبرك .. اما قصص وحكايات الاناطين فى عالم كرة القدم فتحتاج لمجلدات .. وساعود لها غدا .. انا حسى ماشى العزاء ..طبعا انت عارف ..سلام يوسف
|
|
|
|
|
|