|
Re: ياود شيقوق دا كلام شنو البتقولو فى فضيلى جماع دا .. (Re: فضيلي جماع)
|
اخى ابوبكر - دائما بتعليقاتك تدخل فى انفسنا الطمانينة ..وتثبت قلبنا المطفطف ومن المخاطر فاير -نعم اخى ابوبكر لابد لليل ان ينجلى ولا بد للقيد ان ينكسر ..احلك قطع الليل هى اللحظة التى تسبق انفلاج بزوغ الفجر ونحن الان فى احلك الساعات سوادا وفسادا ..تعليقاتك تنبض بحكمة الشيوخ --يا حكيم وشيخ المنبر بلا منافس اخى ابوبكر بن سيد احمد ..شكرا للمرور ..
ابو القاسم ابراهيم يا اخى خلعتنا احنا قلنا انو ابو القاسم الضابط المظلى الفاشل وزير الصحة بذاتو هنا .لكن امن البورد طماننا ان هذا ابو القاسم ابراهيم الحاج واشاروا على بان لا اخاف .. محمد عادل الطالب الجامعى بجمهورية مصر ..غريبة انو ود عادل انصارى على السكين ويقبل الدراسة فى مصر اخت بلادى الشقيقة ..انا معجب بما يكتب وهو شاب له مستقبل وابرز علامة لهذا اهتماماته التى هى اكبر من عمره ..لك تحية ابنى محمد ..ولك تحية ابو القاسم على المرور وعلى التعليق..
اخى / فضيلى بن جماع مصيبتنا اننا نحن شعب السودان ..قوم فينا شىء من طبع البادية يتغلغل العشق فى اعمق اعماقنا ونتحرج ان نبوح به صراحة حالنا كحال السلحفاة فى داخلها نعومة وشجن وخارجها غطاء خشن .. يوم اليوبيل كان يوما عظيما وقد امتعنا حساس محمد حساس -محمد عبد الله الريح وقد اضحكنا كثيرا وهو يصف لنا حظه والذى هو اسوا من حظ ادريس جماع ..
حظى حظ التعاسة والدبرسة ..كل ما اكيس واحدة اجى واحد اعرسا..حظى يا حظ الرماد ..حظ السجم ..حظ التجم ..فى الايسكريم القى العظم ..هى يا حظى دكيتنى دك ..سكيتنى سك ..الناس بتقبض فى السمك..جبادتى من وسط البحر قبضت لى كبك..حظ اللعين لا يوم صدق ولا قال كدى شوية ان نلين ..الناس بتلبس فى الحرير ..وانا لسع عند كرمبلين ..الناس بتحب رندا لبنة وماجدولين ..وانا بهنا قادنىناس ام الحسين ..خالطانا وايديها ملايانات عجين ..يا حظى اللعين يا اخى ما فد يوم تلين ..
|
|
|
|
|
|
|
|
|