|
|
|
 Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: Tragie Mustafa)
|
Quote: هذا لن يحل مشكلة العلاج
فالنعمل من اجل حكومات تتبنى مجانية العلاج.
نعلم انه اثناء رغبتنا في التغيير
سيموت كثيرين وينسحق كثيرين لكنها الحقيقه لاحل دائم
لا صندوق خيري ولا غيره سيكون الحل
لانه المشكله اكبر مننا ومن قدراتنا صدقيني.
انها مشكلة دوله ,ومشكلة الدوله لا يمكن ان يحلوها افراد. |
وهذا منطق, لكنه لن يثبط الهمم
| |
 
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: Randa Hatim)
|
الأخت الكريمة
رندا،
تحياتي و محبتي
| Quote: وبعد الكلام دا "لعنت ابليس" |
و لو كنتي كمان لعنتي إبليس و ما فتحتي البوست دا كان يكون أروع،
لسببين:
الأول: إنو الزول دا إتبرع قبل كده و دي تنفي أي سوء إتوصف بيهو، و أنت أدرى.
الثاني: مفروض حكاية جرح المشاعر دي تكون دايما في بالك طالما بتعملي
في عمل عام. التصدي للعمل العام بيتطلب تفهم كبير جدا.
الزول دا واضح من كلامو إنو زهجان بس، و إنتي ما عارفة بين تلفونك
الفات و تليفونك دا ممكن يكون جاهو كم تلفون!
و كونو زهج برضو ما بيمنع إنو موقفو يستحق التفكير فيهو
"حكاية كترتوها دي" موقف ناس كتيرين بس ما إمتكلوا نفس الشجاعة،
عشان كده هي دافع أكبر لتفعيل فكرة العمل الخيري المنظم.
عشان كده كان تعالجي معاهو الموضوع بصورة مغلقة طالما هو صديق. أما كونك ما قلتي إسمو،
فما اعتقد دا حيمنع إحساسو بأي شتيمة في حقو أو أي تقريع إتكتب عنو!
دي فاتت عليك كيف؟
عموما..
الحل فعلا في المؤسسية عشان تجنب الناس المواقف المحرجة دي. هناك بوست في موقع
سودان فور أول "بعنوان: محجوب شريف بين العمل العام و عمايل العوام" في خصوص
الحملات التي تقام بنفس الصورة لدعم المبدعين، و لكن فيه بعض الجوانب عن سلوكنا
السوداني بصورة عامة و يمكن أن يكون مفيد في هذا السياق يمكن للإخوة هنا الإطلاع عليه.
نؤيد فكرة الصندوق خيري و نعلن إستعدادنا للمساهمة في تأسيسه وسط العضوية في
الإمارات.
و لك فائق إحترامي و محبتي
و تقديري لجهدك النبيل
السموأل
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: Samau'al Abusin)
|
Quote: و لو كنتي كمان لعنتي إبليس و ما فتحتي البوست دا كان يكون أروع،
لسببين:
الأول: إنو الزول دا إتبرع قبل كده و دي تنفي أي سوء إتوصف بيهو، و أنت أدرى.
الثاني: مفروض حكاية جرح المشاعر دي تكون دايما في بالك طالما بتعملي
في عمل عام. التصدي للعمل العام بيتطلب تفهم كبير جدا.
الزول دا واضح من كلامو إنو زهجان بس، و إنتي ما عارفة بين تلفونك
الفات و تليفونك دا ممكن يكون جاهو كم تلفون!
و كونو زهج برضو ما بيمنع إنو موقفو يستحق التفكير فيهو
"حكاية كترتوها دي" موقف ناس كتيرين بس ما إمتكلوا نفس الشجاعة،
عشان كده هي دافع أكبر لتفعيل فكرة العمل الخيري المنظم.
عشان كده كان تعالجي معاهو الموضوع بصورة مغلقة طالما هو صديق. أما كونك ما قلتي إسمو،
فما اعتقد دا حيمنع إحساسو بأي شتيمة في حقو أو أي تقريع إتكتب عنو!
دي فاتت عليك كيف؟ |
وهذا هو الصواب بعينه
منعم
انت ما تبت من بيوت العزايم دي؟؟ 
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: Randa Hatim)
|
Quote: والناس الدايرين يصفو حساباتهم مع بدر الدين الأمير!
أي زول ما دخل يدو في جيبو وإتبرع، مفروض مايفتح خشمو بتاتاً
بدرالدين بوبار ولا فشار، ما همانا طالما شهدنا له تبرعات أكثر من مرة.. |
وانا اشهد للبدر الامير يا ياسر طيفور
وهو صديقي الذي اعتز به كثيرا وكبيرا
والبرشوو بالموية ارشوو بالسفن آب
لكن انا وهو معزومين ع طهور نفيسة
يا ريت صحبي كيكي يجي ويقول لي نفيسة طهوروها وللا لسة ؟
لن ترتاح يا سفاح
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: Randa Hatim)
|
ايها الاعزاء...ومن منطلق "انتهازية اري فيها خيرا".لنجعل الغلابة يستفيدون مما جري ... وكلا بدرالدين و رندا لهما مواقف انسانية كما قراءنا وما زالت فلذا وحتي لا تكون حادثة واحدة عثرة في خير كتير ربما ياتيان به معا :-
يا بدرالدين الامير غرامة خمسين دولار تدفع لاي غرض انساني .... وتستمر مسيرتكم جميعا في مواكب الامل والخير .... ( دي ما اجاويد لكن سابقة تساعد في خير مافي حالات شبيهة او غيرها مستقبلا .. )..
(وبعدين يا صديقي الامير اهو ماركتنغ وعمل خيري )
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: abubakr)
|
الاخ أبوبكر
والله رأيك صاح مية المية ، وحكمك مفروض يُنفّذ فوراً ..
| Quote: يا بدرالدين الامير غرامة خمسين دولار تدفع لاي غرض انساني .... وتستمر مسيرتكم جميعا في مواكب الامل والخير .... |
وأرشح ( كيكي ) لتنفيذ هذا الحكم ( العادل ) ..
مولانا أبوبكر ،، ياخ انت من زمان وين ؟؟
صلاح عبدالله
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: Salah Abdulla)
|
| Quote: وأرشح ( كيكي ) لتنفيذ هذا الحكم ( العادل ) .. |
حاضرين ابوصلاح وتعليماتك اوامر
والكهل الاربجي تعب معاي تعب السنين ال 50 دولار اطلعها ليكم من (جوه عينو) ولو
قلتو عايزين تزيدوها شوية برضو بكون احسن ومكسب كبير لقوي العمل الانساني....
وبس ادوني فرصة جمعة جمعتين كده عشان اسوي ترتيب مع (قوبي) وكرجول وارسل ليهو (فيزا ترانزيت)
لمدة يوم واحد انزلهم طوالي في شارع السد التجاري ...وبس اقول ليهم ياها ديك شركة
اكسنيت وهم بعرفوا باقي شغلهم..
طبعا اخر نصائحي ح اقول ليهم في زول عندو (دقن) وفصيح فصاحة (زي شفع المغتربين) اسمو
معتز قريش وده يا كرجول اقطع فيهو عكاز عكازين وبعد داك اتفاهم مع ابوسيكارة.....
وبعدين ح اقول ليهم طبعا(اوعوا تهبشو ايزبيل حلبي وسلوي السكرتيرة) بس طقطقوا لي ابوسيكارة
والظلامي الدقنوا الزي المقشاشة ورندا ذاتتها لو لقيتوها بتتحاوم بهناك ادوها (عكازعكازين)
وبعد داك اقلعو منو 5050 دولار...
5000 دولار دي اتعابكم الحافز بتاعكم وال50 جيبوها اوديها لناس سودانيز اون لاين
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: Randa Hatim)
|
| Quote: 5000 دولار دي اتعابكم الحافز بتاعكم وال50 جيبوها اوديها لناس سودانيز اون لاين |
ياخوانا لسه ما خصخصو المحاكم و المؤسسات العقابية وانتو بس سمعتو الخبر جيتو بعكاكيزكم ...
ياجماعة الحكم طوعي وما فيهو جندرمة ولا محاميين ولا سماسرة للتنفيذ هو (الامير) براهو حيدفع الخمسين و الخمسة الف ... اشارطكم حيدفع من غير عكاكيز ...
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: abubakr)
|
| Quote: اشارطكم حيدفع من غير عكاكيز |
يا بشمهندس سلام
وانا كزول مكلف بمهمة بتاعة 50 دولار وده تكليف بالمناسبة صعب شديد مع التضخم الحاصل في الدوحة...
لكن كمان يفترض الناس تساعدني في الصلاحية التامة وتخويلي بسلطة التنفيذ حسب الاليات بتاعتي
..وانا عندي اجندة اخري في هذه الالية (الكرجولية) علي الاقل معتز قريش (القي فيهو يدي كمان)..
انتو عاوزين 50 دولار ولا عاوزين كلام تاني...
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: Randa Hatim)
|
| Quote: وانا كزول مكلف بمهمة بتاعة 50 دولار وده تكليف بالمناسبة صعب شديد مع التضخم الحاصل في الدوحة... |
عزيزي عبد الكريم ...اها بصوت صلاح والصوت السكوتي لقيت نفسك مكلف ودي الحتة الوحيدة البتقبل مثل التكليف دة لانو في النهاية مافي قصور ولا قيادات الا قيادة عمل انساني .. بس بالله ما ترسل لجماعتك بتاعيين العكاكيز لانو دة انقلاب ابيض...
| Quote: انتو عاوزين 50 دولار ولا عاوزين كلام تاني... |
بس ال 50 دولار وهي ستاتي بمعان تهمنا كلنا وتهم رندا اولا والامير ثانيا ..معان مرتبطة بقدرتنا علي تجاوز مطبات تظهر فجاة تعيق مسيرة الخير .. معان تعيد للساعيين في كل عمل خير انساني اقلقهم ما حدث ثقتهم في ان مسيرتهم ستظل ماشة لقدام ...معان تمسح من عيون رندا دمعة سببتها كلمات الامير وللامير مكانته وسط الداعيين والساعيين للخير وتضع حدا لاستقراءات وافتراضات ....معان تساعدنا جميعا في التقاط انفاسنا بعد لهاث ونرفزة مما حصل ...
والله المعين
لكم مودتي
ابوبكر
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: abubakr)
|
الاخ ابوبكر
عفوا ان فهمت حديثي بمحمل الجد اولا..
واشكرك علي حرصك العالي علي امتصاص هذه الازمة بشكل ايجابي..
ولا اذيع لك سرا انني كنت اكثر المضررين من هذا الامر لعلاقتي المتينة بالاخ بدرالدين والاخت رندا
حاتم..وقد لا اذيع سراايضا عن الجهود الاخوية التي دارت خلف كواليس هذا البوست حتي نساهم بجدية في
امتصاص هذا الامر العارض...
وكنت اتمني ان تطالع مداخلاتي الاخيرة في هذا الامر..فنحن يا اخي العزيز ابوبكر نعمل سويا مثل الجسد
الواحد في هذه الامور الانسانية ولن نساهم اونفكر في ممارستها بالضرب والسطو المسلح كما بداء لك
في المداخلة التي وددت فقط مداعبة الاخ صلاح وهويدري ذلك تماما بالاضافة ايضا الي بدرالدين...
واخيرا لك شكري وتقديري المقيم..
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: sudania2000)
|
الاخت سودانية
لكي التحية..
يااختي قضي هذا الامر وعولج علي كل المستويات وعادت المياه انقي واطهر الي مجاريها الاولي
الملئية بالاخوة والصداقة والعشرة...وتعلم الجميع الدرس والهمنا فيضا جديدمن المعرفة وتجربة
ستنير طريقنا صوب الصلاح والتطوع من اجل خدمة قضايانا التي نومن بها...
فاعذريني ان سطوت علي اصوات الاخت رندا والاخ بدرالدين..فلا عادت علامات الاستفهام تعني الا المزيد
من التعقيد وعودة الاشياء الي مربعات الاحتقان....
فكوني بخير وثقي ان الجميع سيكون ايضا بكل خير وتجربة نتعلم منها الكثير..
| |
|
|
|
|
|
|
|
|
|
Re: هل التبرع لعمل انسانى ... قلع من الجيوب ؟؟؟؟؟؟؟؟؟ (Re: معتز القريش)
|
Quote: الاخت سودانية
لكي التحية..
يااختي قضي هذا الامر وعولج علي كل المستويات وعادت المياه انقي واطهر الي مجاريها الاولي
الملئية بالاخوة والصداقة والعشرة...وتعلم الجميع الدرس والهمنا فيضا جديدمن المعرفة وتجربة
ستنير طريقنا صوب الصلاح والتطوع من اجل خدمة قضايانا التي نومن بها...
فاعذريني ان سطوت علي اصوات الاخت رندا والاخ بدرالدين..فلا عادت علامات الاستفهام تعني الا المزيد
من التعقيد وعودة الاشياء الي مربعات الاحتقان....
فكوني بخير وثقي ان الجميع سيكون ايضا بكل خير وتجربة نتعلم منها الكثير.. |
كيكي ازيك
يعني طلع قلع ولا ما قلع ؟؟ دي الاستفهامات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
| |
Kostawi
doma
Samau'al Abusin
عبد المنعم سليمان
abubakr
عبدالكريم الامين احمد
الطاهر عثمان
معتز القريش
فيس بوك
تويتر
انستقرام
يوتيوب
بنتيريست