عرمان يتصل هاتفيا بـ«اخبار اليوم» من القاهرة ويعلن عودته للخرطوم فجر اليوم وعقده لمؤتمر صحفى

Quote: ياخي المسألة دي قبال نقتك هنا في صحفيين سودانيين لايقلونك أوهاماً تطرقوا ونفخوا في القربة المقدودة دي لامين ذهجوا وأنا بحكم معرفتي بيك لابتكل ولا بتمل ولا بتزعل أقول من قصروا ...

Quote: لو أفترضنا أنو عرمان ده قاتل

إفترضنا..؟!!

يا خدر أخوي إفترضنا دي بتفتح عمل الشيطان..

Quote: ولا يستحق يقعد في المجلس الوطني أو في السودان الجغرافي ذاتو

إنت رأيكـ شنو..؟
هل يستحق إنو يقعد في المجلس الوطني بالتعيين..
ويقبض راتبو من الكيزان الملاعيين..

Quote: طيب واحدة واحدة

معاكـ للطيش..

Quote: رأيك شنو في المجرمين البنعرفهم واحد واحد وبكتلوا علي عينك ياتاجر

جيب أدلتكـ وبراهينكـ..

Quote: ياخي أنت زول كبير

شكراً..

Quote: والواحد لسة عندوا عشم في السودانيين الكبار الماواعين بالاشكال الحقيقي

اللووووووول..
كده ورينا يا خضر أخوي الإشكال ده شنو الإنحنا ما واعينو..
يا أخوي نحن مناطق التماس..
والجمرة بتحرق الواطيها..

Quote: أنو ربنا يرد غربتهم النفسية دي عشان يقدروا يتعاملوا وينضموا نضمي محترم .

هسعي يا خضر أخوي الناس الما واعيين ومغربين دي ديل.. ما ياهم ذاتهم الناس الإتبنو كفر اليهوديان كارل ماركس ولينين..
وقعدوا يكاتلو في أخوانهم في الدين والوطن..

Quote: ياخينا البورد دة كلوا كان صفق بجناحينوا مابسوا حاجة أمام البضوق فيهو شعب السودان ده من جماعتك اياهم

جماعتي ولا جماعتكم إنتو الإتحكرتو معاهم جوة البرلمان بالتعيين وأختو أكتر مما أداكم ليهو الشعب السوداني أيام الديمقراطية والإرادة الحرة..
ياخي ما بلاش ترميني بالتهم جزافاً وتنسل..

Quote: ياسر عرمان دة مقدور عليهو

يا أخوي خضر..
ياسر عرمان متي ما جات حكومة شرعية مستمدة قوتها من إرادة الشعب السوداني..
أعتقد إنو البينسأل منو كتير..
والرقاب حق لا يسقط بالتقادم ولا يملكـ عمر البشير نفسو إنو يمنحو صك عفو بدون موافقة أولياء الدم..
الحالة الوحيدة البيسقط فيها الحق هو وفاة القاتل..

Quote: أنتو ناسكم البنفقوا في الارواح بالاجمالي منظرك معاهم شنو .

برضو سويتهم ناسي يا خضر..
ياخي ما بلاش سفسطة..
وإنت من داخل أضابير أرشيف حزبكـ الشيوعي عارف البير وغطاها..
وعارف إنو الحزب الشيوعي شريكـ أساسي في حرب الوكالة دي بكل قذارتها..

Quote: يلا يارسالي ورينا وماتنطط وماتقول انت شيوعي واللاذي منو أنا قاصدك عديل .

شوفت كيفن الرسالة المحمدية بحسب معتقدكـ الضال بقت ليكـ شتيمة قاعد تنبذ بيها..
يا أخوى البدور الدواس ما بيابا الطعن..
أخوكـ.. قاعد راجييكـ..

Quote: دينق ارجع للبوست ويلا نحتفل بكذبة الذين كانو يعتقدون أن ياسر هرب من المعركة .

يا أخوي ياسر هرب من السودان قاتلاً..
ولم يحتضنه إلا خاله الشيوعي د. منصور خالد بتاع الحركة..
معركة شنو كمان يا خضر الدايرنها بالوكالة..

خليهم يمرقو في السهلة هناكـ أكان يقدروا يمشو..!!


مع تحيات أخوكـ عبدالرازق..