|
|
 محمد الشيخ وميادة إلى الخطوة الأكبر نحو القفص الذهبي
|
بعد ساعتين من لحظة كتابتي لهذا الخبر السعيد ، يكتمل بإذن الله بمسجد النيلين بأم درمان عقد قران الشاب الوجيه محمد الشيخ والشابة العذبة ميادة ...
محمد الشيخ سليمان ( محمد الشيخ ) وإيمان كمال ( ميادة ) عضوان أصيلان في المنبر .. وينتميان سويا إلى مجموعة بورداب الرياض ...
خطوات إيمان ومحمد نحو القفص الذهبي بدأت باكرا ، وسارا بصبر وثبات نحو النهايات الجميلة ، واستعانا على قضاء حوائجهما بالكتمان ... لكن المقربين كانوا يعلمون السيرة كلها ، ويراقبونها ويدعمونها ... فالعريس والعروس ينتزعان حب الناس انتزاعا ويجبرانك على احترامهما ، بما يمتلكانه من جمال ، وعذوبة ، وسيرة محمودة بين الناس عمادها المودة التي لا تنقطع أواصرها ...
وبعد مشاورات مكثفة بين الرياض والخرطوم ... ولأنه ومن أعمدة الزواج إشهاره ، فإننا نعلن من هنا ، من الخرطوم - المقر الدائم لخال بورداب الرياض - ، نعلن أننا اليوم سنكون حضورا لهذا العقد الميمون ، بل ويشرفني - حسب رغبة العريس والعروس - أن أكون أحد شهود العقد إن شاء الله ...
مبارك لابنتي ميادة ، ولإبني محمد ، وبالرفاه والبنين ...
وعقبالكم يا عزابة الرياض
|
|
 
|
|
|
|
|
|
|
 Re: محمد الشيخ وميادة إلى الخطوة الأكبر نحو القفص الذهبي (Re: saif massad ali)
|
الأسم الكـــامل : محمد الشيخ سليمان ( إنسان )..
اللقـــب : الكـــاردينال ( الكومبـــارس )..
الرمـــــــز : ( الفيـــــل )...
المهنـــة والهوايــــة : اسعــاد الآخرين ...
سماته المميزة : لطيف ، مثقف ، أنيق ، عنيف موسيقياً، ودود حد الغليــان..
السكـــــــن : في قلوب الأصدقـــاء.. ( نحــــــن )..
..
الكاردينــال محمد الشيخ : الحياة في دورتهــا الحتمية بين صراع ـ القبيح والجميل ، الخير والشر ..
عرفناك أجملنــا.. تسعى بيننــا بقيم الخير ـ خلقتنا الغربة وتفاصيلهــا وكل لحظاتها ، أجملها ، اصعبهــا ، أوجعهــا.. فكنـــت قيثارتنــا التي نعزف عليهــا الحـــان الخلـــود .. وسمفونية البقاء متحابين.. ( عكازنــا الذي نتوكأ عليه ونهش به الشوق )
..
ميـــادة ، ست البنــات ، إيمــان : اختنــا، صديقتنــا، شقيقتنــا ..جميل أن تنتزعي مننــا الكاردينال بميثاق رباني مقدس قوامه الحــب والتفاهم وعشة صغيرة تدفعون بهــا عجلة الحياة لأجمـــل حلم..
الخــــال ودقاسم : ستجدنــا حضوراً معك ومن خلفك .. تواصلا وأنت توقع على العهد بينهم ـ سنكون عندهــا نحتفل بالكاردينال ومياده في دنيتهم الجديدة وسنوقع بعد لحظات بجانبك على نوتة الزواج ..دو ، ري ، مي ، فا ، صول ، لا ، سي وعلى العهد القديــم الذي تركتنــا به سنحافظ على نعمة صداقتنــا الإنسانية وأجمل القيم التي تركتهــا فينــا..
..
يا كــاردينال .. يا فيل:
سنعرف كيف ندهشك .. كما ادهشتنــا..
ليك يوم منتظرنو .. ونحن من ناســـو..
مليون مبروك يا حلوين .. وبيت مال وعيال
| |
|
|
|
|
|
|
|
|
 Re: محمد الشيخ وميادة إلى الخطوة الأكبر نحو القفص الذهبي (Re: Dr. Moiz Bakhiet)
|
يابروف...
ازيك وازي اخابيرك انشالله طيب...
Quote: يا سلام يا ود قاسم على الأخبار الحلوة
ألف ألف مبروك لست البنيات
وألف ألف مبروك لود الشيخ
رمز الفيل |
شوفت الخال دة طواااالي بجيب الاخبار السمحة، عقبال ما يجيب الخبر اللي بالي بالك 
| Quote: والحمد لله ربنا ح يشغلو بالعرس وما حينافس معاي في الانتخابات الرئاسية..(وجه سعيد جداً) |
دة منو دة الغشاك دة...
عاد شيل شيلتك ما جاك بلا ...
اخير ليك فكر سريع ووريني غيرت رأيك ولا لسة، انت عارفني انا قاصدة شنو، موش؟
يديك العافية وعقبال وليداتك انشالله...
ست البنيــــــــــات
| |
|
|
|
|
|
|
|
|
|
Re: محمد الشيخ وميادة إلى الخطوة الأكبر نحو القفص الذهبي (Re: ودقاسم)
|
الخال والصديق
ودقاسم
سلامات يارائع
ما اجمل الاخبار الحلوة ومبروك لود الشيخ الانسان وللاخت ايمان انها اجمل ليالي بورداب الرياض وربنا يتم لهم علي خير .
تخريمة
طبعا الناس الرائعين دوما ياتون بالاخبار الجميلة لقد نقل لي الخبر وزير العريس مننتصر دفع اللة مما جعلني ادخل المنبر رغم ان اليوم خميس كثرة الارتباطات .
لك التحية ودقاسم للاسرة الكريمة
| |
|
|
|
|
|
|
|
|
|
Re: محمد الشيخ وميادة إلى الخطوة الأكبر نحو القفص الذهبي (Re: إسماعيل وراق)
|
العزيز اسماعيل...
كل سنة وانت بالف خير وانشالله القابلة ...
العزيزة عزاز اول ما سمعت الخبر ابت نفسها (زي مابقول محمد الشيخ) الا تفرح الحبايب، فنزلت البوست اياه، فمشكورة وعقبال ماننزل ليها زيو انشالله...
وكل سنة وانتي بالف خير يا أز أزلو وربنا يطمنك على الحاجة انشالله...
وخلينا نقول عقبالك عن قرييييييييييب يارب...
وشكرا ليك يا اسماعيل وعقبال اسيل انشالله، بس بعد ما تتخرج من الجامعة...
ست البنيـــــــــــات
| |
|
|
|
|
|
|
|
|
|
Re: محمد الشيخ وميادة إلى الخطوة الأكبر نحو القفص الذهبي (Re: ودقاسم)
|
معقول
كنتو بتحبو من ورانا
ما شاء الله
اتنين حلوين ولايقين لي بعض
صلاة النبي فوقكم
وعيني باردة
الكاريدينال وست البنيات
مبروك مبروك مبروك
والله يعمر بيتكم ويسعدكم
ود قاسم
قلت شنو
| Quote: فإننا نعلن من هنا ، من الخرطوم - المقر الدائم لخال بورداب الرياض |
انت ما سمعت الفنان بيقول في اغنيته ديك أيه
كان زمان ليك مكانة
قال خال بورداب الرياض قال
اوعك من دي
أنسى يا اخوي
| |
|
|
|
|
|
|
|
|
|
فرحة..فرحة..فرحة..فرحة (Re: نادر)
|
مليون مبروك للصديقة الحبيبة ميادة
ومليون مبروك لأخي الحبيب محمد الشيخ
ربنا يتمم على خير يا حبايب و بيت مال و عيال و مودة و خير و سعادة و أمان و استقرار و كل جميل
الخال الحبيب ود قاسم شكراً لأخبار جد جميلة
محبتي
لنا
| |
|
|
|
|
|
|
|
|
|
Re: (قاصين) مع بعض !!! (Re: ملكة سبأ)
|
الـــــف مبــروك الاعزاء الاخ/محمد الشيخ والاخت/ ميادة
ربنا يسعدكم ويهنيـــــــــــكم
تحية أخونا ودقاسم ودمت دوما راعيا للفرح والافراح
| |
|
|
|
|
|
|
|
|
|
Re: محمد الشيخ وميادة إلى الخطوة الأكبر نحو القفص الذهبي (Re: ودقاسم)
|
محمـد وميـادة ..
غردا طويلاً على فنن المحبة ..
واليوم على بسـاط الأفراح .. وكبائن الزفاف..
لهم في سماواتهم البيضاء .. كل الحب
كأننا والله كلنا عرسان اليوم ..
ألف ألف مبروك ..
وربنا يجعل أيامكم كلها أفراحـــــــــا
وتحياتي يا خال ..
خلف الكواليس :
شتات : يا تمبس .. قالوا صاحبك كان حلقوا ليهو .. بل راسك
تمبس : إنت بس فِكَّنِي.. انشاالله يقطعـوا راسي ..
(عدل بواسطة شتات on 12-11-2006, 08:39 AM)
| |
|
|
|
|
|
|
|
|
|
Re: محمد الشيخ وميادة إلى الخطوة الأكبر نحو القفص الذهبي (Re: ودقاسم)
|
كدة ياخال...
كدة تسمع كلام ودالشيخ وتحرق لي المفاجأة وتطير الجكس مني...
بالله الليلة اول يوم من قبل قرن اسجل دخول وما الاقي زول مرسل لي مسنجر، الا شتات كتر غيرو ماغير عادتو، كل يوم الاقيهو مرسل لي قصيدة غزل طويييييييييييييييلة عريضة من دشليومية سطر، اها الليلة فتحت رسالتو لقيتو مرسل لي مرثية من طلطاشر سطر، عاد دي حالة دي!!!
غايتو السويتوها فيني انت والشباب ماسواها فيني زول تاني، لكن معليش اصطبرو لي...
طيرتو مني الجكس...
اسة عليك النبي دة ماحقد طبقي منك...
غايتو بس الله يديك العافية...
كلامي ماكمل وغبينتي لسة ما خلصت بجيك راجعة...
ست البنيــــــات سابقا وحاليا برضو، والماعاجبو يقنع بكري يحذف الموضوع دة
| |
|
|
|
|
|
|
|
|
|
Re: محمد الشيخ وميادة إلى الخطوة الأكبر نحو القفص الذهبي (Re: ودقاسم)
|
ميّادة ومحمّد
محمّد وميّادة
مليون مبروك ، وربّنا يتمّم بألف خير ..
بيت مال وعيال ، وربّنا يجعل حياتكما عامرة بالحُب ، التّفاهُم ، الإنسجام ، الثّقة ، الإحترام ، الصّبر ، الاستقرار ، راحة البال ، والمال والعيال ..
ولو لا الأحزان التي تسكن بعض أركان المكان لأطلقت لكما زغرودة من ألحاني معزوفة بعود الصّندل ..
أصدق وأحرّ التّهاني
| |
|
|
|
|
|
|
|
|
|
عصافير الكناري (Re: ودقاسم)
|
ود الشيخ
ايمان
عالم جبانات بشكل
امتلئ فرحا
زهوا
فالتماثل نادر
والصدق نور
والصداقة شعور نبيل
والتهنئة تمر عبر كل هذه المعاني
وبالرفاه والبنين
| |
|
|
|
|
|
|
|
|
|
Re: محمد الشيخ وميادة إلى الخطوة الأكبر نحو القفص الذهبي (Re: Hussein Mallasi)
|
ألف ألف مبروك للشاب الوجيه ود الشيخ
ولعروسته الزميلة العزيزة ميادة ،
وانشاء الله بيت مال وعيال ، وربنا يديم
الأفراح ويجعل كل أيامكم سعادة وهناء .
وعقبال لمن يرتفع عدد الزيجات البوردابية إلى أكثر من 12 زيجة
بعد دخول تمبس ومعتصم وبقية الشلة إلى القفص الذهبي . آمين يا رب .
شكراً أخونا- خال بورداب الخرطوم - ود قاسم لهذه الأخبار الحلوة
الطيبة .
و.. شن قولك أخي - خال بورداب الرياض - حمزاوي ؟!
مودتي ،
( ليمو )
| |
|
|
|
|
|
|
|
|
|
Re: محمد الشيخ وميادة إلى الخطوة الأكبر نحو القفص الذهبي (Re: ودقاسم)
|
الف مبروك للأخ محمد الشيخ سليمان وللأخت ميـادة
مع صادق أمنياتنا بحياة ملؤها الســـعادة وتماهٍ في الاحتفاء بألق الحياة ..
وجعله الله العليّ ، بيت مال وعيال وهناءة ..
وعقبال بقيــّة الرّباعي ، شتات وتمبس ومعتصم ،،
والكلام ليكم يا شبـاب .. التربيزة كِدة مـَا اااا كـوَّعـتْ !
------------
الخال العزيز ودقاسـم ،،
أطيب التحايا وعيد ســـعيد ..
وللجميع ،، كل عامٍ وأنتم بخير ،،
| |
|
|
|
|
|
|
| |
ودقاسم
خالد العبيد
Dr. Moiz Bakhiet
saif massad ali
tmbis
Mayada
القلب النابض
يوسف السماني يوسف
walid taha
عبد الله عقيد
Muna Khugali
فاروق حامد محمد
حمد فتح الرحمن
رشا سالم
إسماعيل وراق
شهاب الفاتح عثمان
نصار
hajhamad
مريم بنت الحسين
saadeldin abdelrahman
ابو جهينة
شرووم
ملكة سبأ
abuguta
ghariba
خالدة البدوي
doma
mohamed elshiekh
Khalid Saeed
صلاح الدين عبدالله محمد
lana mahdi
معتصم دفع الله
mahmed alhassan
أبوذر بابكر
شتات
أحمد الشايقي
عبد المنعم سيد احمد
ناذر محمد الخليفة
ahmed haneen
لؤى
د.محمد حسن
Fadel Alhillo
بكرى ابوبكر
مجدي شبندر
الصادق خليفة
ادريس خليفة علم الهدي
nassar elhaj
الحارث سرالختم عبد الله
ولياب
mekki
الجندرية
Hussein Mallasi
abdulhalim altilib
تبارك شيخ الدين جبريل
Ishraga Haimoura
محمد أبوجودة
Yasir Elsharif
فيس بوك
تويتر
انستقرام
يوتيوب
بنتيريست