بمقارنة بسيطة نجد أن الفيس بوك أصبح أكثر جذبا و تحفيذا رغم سرعة ايقاعه... و رغم ان المواضيع لا تبقى أكثر من يومين.... و كنت أعتقد انه مكان للبوستات السريعة و للشات أكثر منه للمواضيع الطويلة... و لكنني وجدته يحتمل كل ذلك بوستات طويلة و أخرى سريعة و ثالثة (تيك أوي).... لذك تجدني أصبحت أقضي وقت أطول هناك مع من يتجاوبون معي...
والله يا حبيب لو ما شايفك جادى وكلامك ( يقطر ) حزنا وألما ..
Quote: حاولت مع كل العرب والاتراك عشان اخد سر مهنة الخبز العربي والتركي لكنهم قفلوا كل الابواب في وجهي . وفتشت في الانترنت وقدرت حسنت من المهنه لكن سمح القول في خشم سيدوا. ساعدوني في التواصل مع اصحاب المخابز الشاميه والتركيه.
نملوز يا حبيب ..
ليك تحية بطعم الشوكولاتة الـ جاك توريس ,, ولا القوديفا
ياخ انا موتى حاجة اسمها الشوكولاتة البيضاء ..
عندها تنهار كل احترازات وتحذيرات زيادة الوزن والكوليسترول والكآبة وباقى خرابيط الدكاتره ..
وعشان الوكت وكت عشاء عندنا .. كمان حاجة خفيفة
تحية ومحبة ليك يا غالى بطعم ونكهة فطائر الزعتر الساخنة
يابسمه يافنان تسلم كتير على المعلومات الجميله. في الدراسه ما خلو لينا شئ مادرسناه. بس هم مركزين على المنتجات الاوربيه من خبز وخبايز وشكولاته بجميع الانواع والنكهات والاشكال. اما بالنسبه للخبز العربي والتركي اخدنا حصه واحده بس خبز المدرسه بيختلف عن خبز السوق التركي والعربي. ولى كم يوم جالس خلف الكمبيوتر وقدرت نوع ما حسنت من الخبز التركي بنسبة تصل الي 80% بس انا عايز مليون %( يا انتي يا اغرق). اما بالنسبه للحلويات والله عملنا حاجات ماخطرت على قلب سوداني. طبعا كل واحد في الدفعه مبدئيا بختار التخصص الفي مزاجه. وقد اخترت ان يكون توجهي بنسبة 75% للاجانب خاصه المسلمين حيث اكتشفت ان دهن الخنزير يكاد يدخل في كل الخبز كمحسن. اما الجيلاتين الخنزيرى يدخل فيمن اكثير اذا لم اقل كل الحلويات. عشان كدا عايز اتصال مع اي متخصص في الخبز والحلويات التركيه والشاميه وممكن تكون منفعه ليه في المستقبل القريب حيث يكون في تعاون على مستوى الاستيراد وغيره. اما بالنسبه لموضوع الشكولاته البيضاء وعد بارسال كميه منها برفقه شخص وبكل انواعها خاصه المعموله ومحشيه بالمكسرات الجوز واللوز والفتسق والسوداني. شوف كيف حشوة الفستق مع زبدة الشكولاته في داخل الشكولاته البيضاء
Quote: المهم ساقته الأقدار وهاجر للبرازيل واستقر هناك ...
وبدأ فى ممارسة عمله بفتح محل صغير للحلويات الشرقية فى احد شوارع ريودى جانيرو ..
وقد وفقه الله وحقق نجاحات كثيرة اثمرت عن توسيع محله لـ ستة أضعاف مساحته الاولى
بل وفتح ثلاث فروع أخرى فى نفس المدينة فى خلال سنتين فقط ..
حاليا محلاته تنتشر فى عديد من المدن هناك ...
اسأل الله ان يجعل حظك مثله .. وتنتال ما تستحقه من نجاح ..
ساقته الاقدار ولا حسناء لاتينيه تجيد السامبا كمان في ريودي جانيرو يا سيدي اكتب كرنفال ريو دي جنيرو الراقص يبلغ ذروته وشوف الاقدار تمد ايدها برضو لو عنوان او تلفون رسله لينا طبعا ماقاصد تلفون صاحبك عشان نجيله يفهمني صاح. اما بالنسبه للتصميم فكرتي يكون اسم عربي اوربي عشان وقعه للجانبين فاسم مكه للمسلمين وموكا هي لون القهوه بالهولنديه . يعني تصميم فيه مكه والشكولاته ومنصور ذاته.
02-08-2013, 03:48 PM
محمد عيد محمد عيد
تاريخ التسجيل: 05-03-2009
مجموع المشاركات: 2005
عندما كتبت ما كتبت عن عدم توفر المتعة لم يكن ذلك خطاب اعتزال للبوست... انما كانت شفافية ضاق بها صدري فقررت أن أكتبها هنا... ثم أتيت و قرأت كل ما كتب بعد ذلك... يا جماعة البوست لم يعد ممتعا و هذا ليس لقلة عدد المداخلات أو عدد المتداخلين.... أشعر و كأن المتداخلين يجاملون فقط...و لا توجد تلك المداخلات التي تنبع من القلب.... أعملوا مقارنة بسيطة و أرجعوا الى صفحة من الصفحات القديمة وقارنوها بالمداخلات في صفحة حديثة... هذا غير متوفر بصراحة و لكنه لن يمنعني من المداومة و الكتابة هناو لا أحتاج الى تحنيس....
يا حماده سهام شنو ياخي... ياخي لآ أذكر انني أي وجهت أي سهام نحوك أو نحو أي زول... لأن الذي بيني و بينك يا حبيب أكبر من أي سودانيزأونلاين أو أي فيس بوك... و ان كنت فعلت ذلك مع اني لا أذكر ذلك فلك العتبى يا شقيق الروح حت ترضى....
لي يومين يا عمر أقول أجي أكتب ليك معبرا عن اعجابي الشديد... معجب بي أفكارك و أصرارك و تخطيطك للمستقبل على الطريقة الأوروبية.... و على الطريقة الأوروبية ما معناها برنيطة و بنطلون جينز.... بل مقصود بيهو التخطيط المدعم بالمعرفة و التدريب... يعني لو عايز تعمل ليك كشك فول في أوروبا لازم تدرس كل شي عن الفول عشان تنجح.... و انت بتعمل كده بالظبط بصبر و حب للشغلانه الانت بتعمل فيها.... و ده سببب اعجابي الشديد بما تقوم به... ده طبعا لا ينفي اعجابي الشديد بقطع الشيكولاتة العملتهم.... و على فكرة محمد أخوي يعمل بشركة لها محل كبير و مشهور للحلويات هنا في أبو ظبي... و يستوردوا الشيكولاته من بلجيكا...و عن تجربة شخصية فهي شيكولاتة رائعة.... و لأني عارفك حابي الشغلانة بتاعتك دي حقو ترسل لي كل انتاجك من الشيكولاتة... عشان قبل ما أبقى ليك وكيل في الامارات.....لازم نشوف الشيكولاتة دي بتنافس و لا لأ.....
يا حبايب أنا موجود و ما حأغيب....ان شاء الله....
02-09-2013, 06:06 AM
عمر نملة عمر نملة
تاريخ التسجيل: 11-08-2009
مجموع المشاركات: 2550
صباح جميل هلا ابوامنيه اول موضوع الاهتمام عامل لي مشاكل كتيره خاصه مع اقرب الناس. وخاصه الاهتمام التلفوني. وفعلا مابقدر اتحكم في تصرف اي شخص لكن لازم استمر للامام. تواصلي مع اي شخص بحب المعلومه تكتمل للنهايه. مثلا موضوع مشترك مع شخص ما واتفقنا على على خطوه معينه وانه سوف اتصل بعد يومين الساعه الرابعه، طبعا بكل برود يحسد عليه لايرفع السماعه ولايرجع يعاود يعمل مس كول؟!!؟ تخيل بعد كم شهر تكون بتتكلم من شخص اخر وبدون مقدمات يتتداخل ليك في الخط ويقول والله الموضوع انا متذكره( لا والله ذاكرتك خارقه). اموت واعرف طريقة التفكير كيف؟! المشكله الحاله الخارقه دي نسبتها كبيره . ارجع تاني لموضوع تغير الاتجاه وموضوع المخبز الحلواني الشكولاتي اولا كنت فاكر الدراسه سهله بس اصعب بكتير مما كنت اتوقع الموضوع جاب ليه محاسبه وضرائب وقانون تجاري ودراسة السوق والمنافسه المحتمله و وتوقعات المبيعات و معايير السلامه والامن الغذائي والتسجييل في الغرفه التجاريه واختيار نوعية الشركه وطرق الحصول على راس المال. اما بالنسبة لموضوع الدراسه نسبه المواد المستخدمه وتجانسها ودرجات الحراره لعملها وحفظها واسماء ماانزل الله بها من سلطان. والله صعب شديد. ودا كل كوم ومعافرة اللغه الهولنديه العالية المستوى المطلوبه . بس زي ماقلت مابحب الفشل وعدم اكتمال المعلومه وزي ماقالوا مابين الفشل والنجاح شعره وان شاء الله بنجح. طبعا بع التخرج مفروض اجود العمل وفي نفس الوقت بتكون اجراءات فتح المحل الصغمبتوتي مستمره واحتمال كبير لتحسين الجوده والحصول على المزيد من اسرار المهنه اسافر لدول مختصه بالمهنه زي تركيا او لبنان. وهدية اليوم هو عواسة الشكولاته بغرض وضعها في مستوى حراره معين(29،30،31) لكل من الشكولاته البيضاء وشكولاته الحليب والشكولاته الخاليه من الحليب ( الداكنه).
02-09-2013, 07:12 AM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
Quote: يا حماده سهام شنو ياخي... ياخي لآ أذكر انني أي وجهت أي سهام نحوك أو نحو أي زول... لأن الذي بيني و بينك يا حبيب أكبر من أي سودانيزأونلاين أو أي فيس بوك... و ان كنت فعلت ذلك مع اني لا أذكر ذلك فلك العتبى يا شقيق الروح حت ترضى....
سهام اخت الهـام ... هههه
ياخ أريت سهامك تنيشنى وتقدقد لى قليبى كل يوم
انا لاقى ياخ ...
والله كلامى ما كان عتب بدليل انى قلت ليك ما قلتو نوبه ...
لكن ايام النقاش حول الهروب للفيس بوك كان النقاش مكثفا
واذكر اننى انزلت مداخلة دفاعا عن موقفى استشهدت فيها ببعض الاسماء المتواجده بالفيس
ولامجال لمشاركتها هنا واذكر على سبيل المثال : بروف الرشيد زكريا ووليد حمدون ورفعت
عموما العتب على الذواكر ( جمع ذاكرة ) .. لابد من زيادة جرعات الكركم
الايامات دى يمين لحقت قدوره فى النسيان ...
تخيل زول ينسى هو نام ولا لسه ؟؟
02-09-2013, 08:41 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
Quote: يا جماعة البوست لم يعد ممتعا و هذا ليس لقلة عدد المداخلات أو عدد المتداخلين.... أشعر و كأن المتداخلين يجاملون فقط...و لا توجد تلك المداخلات التي تنبع من القلب.... أعملوا مقارنة بسيطة و أرجعوا الى صفحة من الصفحات القديمة وقارنوها بالمداخلات في صفحة حديثة... هذا غير متوفر بصراحة و لكنه لن يمنعني من المداومة و الكتابة هناو لا أحتاج الى تحنيس....
تحية وسلام للمتداخلين عامة ورشيد القوم خاصة،،،
إحساسك وواقعيتك صائبة ولكن قلة تنوع المتداخلين وبعض أصحاب القفشات
الجميلة واصحاب المواضيع الحية المطروحة للنقاش معظهم فضل أن يكتب هذا
على الفيس بوك ولم يكلفوا أنفسهم في عمل كوبي بيست ولا يأخذ من وقتهم أي جهد
الحقيقة أنا لم أفهم السبب حتى اللحظة؟؟؟؟؟؟؟؟ ولا أجد لهم أي عذر!!!!!!
وبعض الناس تغيرت ظروفهم الحياتية ولكن تجد البعض يحاول رفع البوست ولو
بتحية الصياح أو قليل من الدعاء عسى أن تشفى قلوبنا من وعثاء العمل ،،،
فمثلاً زمان يقوم النحلة (النضيف) بلدغ مجموعة من الزملاء أو الكليات
وتجدنا كلنا تجاوبنا لهذا الإستفذاذ وبدأت التجاذبات وسحب رجلين كثير
من الناس أو هضربت جلا والهجوم الكاسح من عموم أهل الرياض وعلى رأسهم
حبيبه موسى عيسى ،،،،
وكثير من المنافسات والمتداخلات من بعض أعمدة البوست والتي هجرتنا مع
سبق الإصرار وعدم التعمد.
شكراً أخي الرشيد لهذه المشاعر والخواطر الجميلة
وما هدف ما كتب إلا الدفع في الإتجاه الصحيح وعودة
البوست (الحوش الكبير) إلى وضعه الطبيعي
ونقول ليكم مكا موكا maka moka
وسلمي على الشوكلاته وناس الشوكلاته
02-09-2013, 08:59 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
Quote: Quote: حردت لانى لعبت قيم بلاى استيشن طويل براى وما جانى زول ...وانا نفسى
ما طويل زى الرشيد...اها يا سيدى قمت حردت وعَرْكَسْتَها
و الله يا كوتش أنا نفسي انقطع عديل كده وبقيت ما قادر أواصل...و مدبرس دبرسة شديدة جدا من المنبر و البوست لدرجة اني بقيت بفتح الكمبيوتر دون أن أعرج على البوست أو المنبر... كل أول و ليهو آخر...
Quote: و الله يا كوتش أنا نفسي انقطع عديل كده وبقيت ما قادر أواصل...و مدبرس دبرسة شديدة جدا من المنبر و البوست لدرجة اني بقيت بفتح الكمبيوتر دون أن أعرج على البوست أو المنبر... كل أول و ليهو آخر...
يا حبيب صباحك طاعم...
دى اعراض حالة عادية ستزول..
انا اكتشفت انو لما الواحد يقعد يهضرب براهو وما يجيهو زول ويصل مرحلة
انو يعركس القيم بكون قام بى دورو ..ويبدأ تانى بعد حردة قيم جديد
تذكرت طشاش كده ابيات من مسرحية من ابو فصل واحد ديك عملتها ايام الجامعة
وضاعت منى الا من بعض الابيات بتكون قاعدة:
واحد من الشخصيات كان سكّيِر ...بواصل
21/4/2010
02-09-2013, 09:20 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
Quote: الله يا كوتش أنا نفسي انقطع عديل كده وبقيت ما قادر أواصل...و مدبرس دبرسة شديدة جدا من المنبر و البوست لدرجة اني بقيت بفتح الكمبيوتر دون أن أعرج على البوست أو المنبر... كل أول و ليهو آخر...
يا رشدي ده كلام خطير عايز ليهو اجتماع علي مستوي القمة
زهير : 22/4/2010
02-09-2013, 09:39 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
والله فكره يكون عندي شغل رمضاني في السودان لانو رمضان من اكثر الشهور التي تزيد فيها نسبة المبيعات. بنزل ليك المنتجات الحلوه وقول لينا ياتو بيضرب السوق وليك منتجات رمضانيه مجانا بما فيها حق التوصيل. بس طلب الولد دا ما ظهروا انقسم قالب الهوبه ليه سنين. ولو عايز من ابوصره او ابو نقطه برضوا مجانا. بس كلم لي مدير مكافحه الشغب رضا ابو رداء عشان مكا موكا بيعمل شغب في البلد.
Quote: ونقول ليكم مكا موكا maka moka
ياريس الهولنديين والبلجيك بيلصقوا الكلمات مع بعضها ،عشان كدا نلصق MakaMoka. وبرضو هدية من MakaMoka:- وهي كيكه الشكولاته محشيه لوز ومربة المشمش
02-09-2013, 09:56 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
و الله يا حماده بقيت تستغل الزهايمر بتاعنا استغلال سيء... تقول لينا قلتو كده و كده و نحن ما بنقدر نغالطك... نقول أخير نسكت امكن نكون قلنا الكلام و ما متذكرين... على العموم يا حبيب و في كل الأحوال لك العتبى حتى ترضى.....
الكوتش و بالدليل عايز يقول ليكم و ما هذه النتيجة الا نتاج موضوعي لتلك المقدمات.... و رجع للعام 2010 مع بدايات الشعور بالملل من البوست....
أنا ما عايز أواصل في الموضوع ده كتير... و أتمنى أن تعود للبوست سيرته الأولى حتى تكون الكتابة بمزاج.....
شكر خاص للريس ميسرة و على كلامه الطيب و تشجيعه....
يا عمر ده الفرق بين الطريقة الأوروبية و أي طريقة أخرى... لا يتركوا شاردة و لا واردة....يعلموك كل ما يمكن أن تمر به... و لأني أعمل مع كبرى الشركات الاستشارية أعرف تماما ما تتحدث عنه... أي مشروع مهما كان حجمه لا بد من عمل الاحتياطات اللازمة له.... كل شيء يمكن أن يمر به المستثمر أو صاحب المشروع... و كل ذلك يكتب في كتب تسمى وثائق المشروع.... و تتبعة ما يعرف بالسمنارات في الأمن و السلامة وادارة المخاطر... أهنيك يا عمر بصبرك على اضافة مزيد من المعرفة على ما تعرفه... و أمنياتي الصادقة بنجاح مشروعك الصغير الذي أتمنى أن يكبر... حتى يصل الينا يوما ما حيثما وجدنا و نقول للعيال يلا نمشي نجيب حلويات من موكا....
02-09-2013, 10:43 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
مساء الخيرات مش هي زي ما لهذا الكتاب لايغادر صغيره ولاكبيره عدد الامتحانات الاجمالي 18 امتحان والامتحان النهائي بيشمل كل الامتحانات لا غير كدا حصص التشكيل والابتكار تقول كلية الفنون الجميله . ومن نصائح الاستاذ انه نعمل دبلوم تصوير عشان نقدر نسوق منتجاتنا باجمل الطرق( والعين تعشق قبل القلب احيانا)
Quote: فيها تلت خصالا ما حواهن حى الصبا والجمال عقب اللهيج النى
الماء والخضره والنقه. الراجل قال لمرته خلي يوم نقه ويوم من دون نقه اخدت اليوم كله نقه، اليوم التاني مفروض يكون مافي نقه قبل الشمس ماتتطلع بقت تردد بكره النق بكره النق بكره النق. تقول لي اللهيج الني قول اللهيج النق.
Quote: شوق زينب ترى خلانى منى ولى أشكى على الغصون لى من يعرف ألبى
اقبل ذي الجدار وذي الجدار وماحب الجدار شغفن قلبي لكن حب من سكن الديار. وين طارق جبريل بمناسبه الويووا.
02-09-2013, 04:07 PM
محمد صديق محمد صديق
تاريخ التسجيل: 05-03-2009
مجموع المشاركات: 3990
Quote: عدد الامتحانات الاجمالي 18 امتحان والامتحان النهائي بيشمل كل الامتحانات لا غير كدا حصص التشكيل والابتكار تقول كلية الفنون الجميله . ومن نصائح الاستاذ انه نعمل دبلوم تصوير عشان نقدر نسوق منتجاتنا باجمل الطرق
زمان لو دخلت (سيسكو )...ماكان احتجت لى قَدُر ده .
02-09-2013, 06:07 PM
عمر نملة عمر نملة
تاريخ التسجيل: 11-08-2009
مجموع المشاركات: 2550
Quote: زمان لو دخلت (سيسكو )...ماكان احتجت لى قَدُر ده .
انت العلاقه شنو بين معهد سيسكو وعمر بسكو؟! .................................................................................................... هناك نظريات حول سبب تسمية الزقازيق بهذا الاسم:
النظرية الأولى: ترجع أصل تسمية مدينة الزقازيق نسبة إلي أسرة السيد أحمد الزقزوقى الكبير وهو أحد فروع عائلة بركات الوكال الذي أنشأ كفر الزقازيق قبل مجيء محمد علي إلى مصر ثم إلى نزلة الزقازيق التي أنشأها إبراهيم الزقزوقى بجوار القناطر وهو من ذرية أحمد الزقزوقى . وقد ورد اسم كفر الزقازيق بخريطة الوجه البحري التي رسمها علماء الحملة الفرنسية في سنة 1800 م وورد محرفا باسم كفر زجزي(مكتبة الزقازيق العامة) النظرية الثانية: عندما أمر محمد علي باشا بعمل قناطر في محل سد بحر مويس المعد لري أراضي مديرية الشرقية؛ ليسهل بها الري وتصريف المياه، حضر أقام العمال عشش من الطين لإقامتهم علي جانبي البحر وتبعهم في ذلك باعة المأكولات ونحوها، وتكاثرت الناس وكان منهم من يهتم بهواية الصيد فوجد ببحر مويس نوع من الأسماك يسمى الزقزوق نظرًا لإصداره صوت الزقزقة، فسميت المدينة بذلك؛ نظرًا لوجود هذا النوع النادر من الأسماك بها دون غيرها من المدن التي يجرى بها بحر مويس. ""النظرية الثالثة"" ترجع أصل التسمية الى عائلات الزقازيق أو الزقزوقى وهى عائلة ذات أصول عربية نزل قسم منها فى كفر الزقازيق البحري وهو الآن أحد احياء مدينة الزقازيق والآخر فى كفر الزقازيق القبلي ويقع الآن فى مركز منيا القمح وقسم صغير نزل فى عزبة الزقازقة مركز أبو حماد.
02-10-2013, 06:20 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
Quote: النظرية الثانية: عندما أمر محمد علي باشا بعمل قناطر في محل سد بحر مويس المعد لري أراضي مديرية الشرقية؛ ليسهل بها الري وتصريف المياه، حضر أقام العمال عشش من الطين لإقامتهم علي جانبي البحر وتبعهم في ذلك باعة المأكولات ونحوها، وتكاثرت الناس وكان منهم من يهتم بهواية الصيد فوجد ببحر مويس نوع من الأسماك يسمى الزقزوق نظرًا لإصداره صوت الزقزقة، فسميت المدينة بذلك؛ نظرًا لوجود هذا النوع النادر من الأسماك بها دون غيرها من المدن التي يجرى بها بحر مويس.
دى لافْقَة .
02-10-2013, 07:04 AM
ياسر نجيلة ياسر نجيلة
تاريخ التسجيل: 08-30-2006
مجموع المشاركات: 1798
==================== اسمعي ياكوتش ... اب شنب ده يستحيل انا ازعلو ... وان شاء الله يلاقيهو كلــــــــب وغراب ومسطول شايل ولاعة ... في نفس زقاق .... بيت المال ...
واحد يعضيهو في كرعينو واعلي الكرعين شويه ... والتاني ينتف ليهو شعرو ... يخليهو زي طارق ود جبرين .... والاخير ... مايخلي صوفة في شنبو ....
الترتيب مهم في القصة دي ....
أها الكلام ده لافق معاك .... ولا نلفقو اكتر من كده ....
02-10-2013, 07:30 AM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
هناك في الفيس بوك كتب صالح عبد الرحمن في بوست أماكن في القلب لصاحبته شوش كلام عجبني قلت أجيبو ليكم هنا....
أماكن فى القلب .. كازينو النهر .. ومنشية اباظة (1) +++++ سلام يا شوش .. اخبارك والشغل والوليدات .. انت مصرة تجهجهى باكاتنبا وذكرياتنا ..
شاءت الظروف ان اسكن وانا فى تانية منشية اباظه مع الاخ العزيز حسن برىُ ( تربية ) .. ومجدى حسن ( تجارة ) كانت صدفه غريبة وتمزاج غريب فلم يكن يجمعنى بهذين الشخصين فى تلك الفترة لا المنطقة ولا الكلية ولا الدفعة ولا الافكار ولا الإهتمامات .. فهما كانا خريجين وكنت انا سيمى برلوم .. لكن دوما تضع الصدف والحياة فى طريقك اشخاص يأثرون فى مسار حياتك ومساراتك ومن تلك التأثيرات بسكنى مع حسن برى ان احب اثيوبيا واعشق الجمال الامهرى واستمع الى اغانى التقراى وان اصر على زيارتها منذ ذلك الحين ..حسن برى كان متفردا فى حبه لهذا الشعب فكانت غرفته مليئة بالصور الحبشية والمغنين واشرطة الكاسيت .. والتراثيات الحبشية .. فترك ذلك انطباعا جميلا فى نفسي عن تلك الحضارة والثقافة .. وهذا الشعب الجميل شكلا وروحا .. وبلاشك كان من اهم المميزات الاستراتيجية للسكن بالزقازيق هو سهولة الوصول للجامعة وسهوله الحصول على الخبز .. وصادف ان يكون الفرن البلدى فى العمارة المجاورة لنا تماما .. ومن محاسن الصدف ان اكتشف ان بلكونه غرفتى تطل على شقة صدف ان تسكنها احدى اجمل جميلات الكلية بالجامعة ومن الأسر العريقة بالبلد وان تكون دفعتى فى نفس القسم ..!! يا سبحان الله ربنا دا لمن يحب عبده بكرمه كتير خلاص.. المهم ما علينا .. فقد كانت سعادتى لا توصف اغانى الامهرا تصدح فى الداخل و المخبز تحت العمارة والجمال عبر الاطاله .. وازدات سعادتى اكثر عندما شاورت لى هذه الجميلة فى اول صدفه افتح بها باب بلكونتى .. وهى تلقى التحية وسؤال بغنج : مساء الخير يا صالح .. هو انت ساكن جارنا ..!!؟ تحيه كادت ان تلقى بمجدى حسن من من الطابق الاول وهو مندهش لهذا السلام دهشة فاقت دهشتى .. وحيتى والدتها بتحية لا تقل تقديرا واحتراما وانا اراهم يتهامسان تعريفا بشخصى بلاشك .. ومن ذلك الحين صرت لا اتاخر عن محاضرة صباحية مهما كان البرد والشبورة ولا عن المنزل بعد انتهاء المحاضرات .. كيف ذلك وصرت مرافقا لاحدى جميلات الزقازيق جيئتا وذهابا .. بل دعتنى الهانم والدتها والتى علمت لاحقا انها حفيدة صاحب المنطقة .. وكان لابد ان تشعرنى بكرمها رغم اننى اؤمن ان كرم الفلاحين المصريين واهل الريف متأصل فيهم .. ولا زالت كلماتها ترن فى اذنى وهى تضع امامى " فرخة " كاملة : كُل كُل يا صالح يبنى دا انت ضعفان اوووى .. لازم ترم عضمك شوووى ..دى مامتك لو عرفت تؤوول علينا شعب بخيل والا اآآيه .. !؟ وتختمها بابتسامة وضحكة عالية من بنتها التى تخلب الالباب .. واستمر الحال حتى جاء موعد امتحانات نصف العام .. ولم اتردد كثيرا عندما طلبت منى تلك الحسناء بأن نبدأ المراجعة والمذاكرة وتسائلت كيف ذلك ؟؟ واين ؟؟ فقالت لى : كل يوم بعد ما نتغدى نروح كازينو النهر ..!! ___ يتبع ..
وكانت المرة الاولى التى اجلس فيها فى كازينو النهر .. لذا صار من الاماكن الراسخة فى ذاكرتى .. واصبحت عادة لا يحدث ان ازور مصر الا واذهب للزقازيق واجلس احتسى كوب من السحلب به ..وانا اترحم من قلبي على نبيلة هانم .. والدتها .. لقد كنت دوما امر بكازينو النهر .. فى اتجاه ميدان العسكرية ..وارى الناس اتنين اتنين لم يخطر ببالى شئ سوى انه الحب .. وتلك الرومانسية التى تنبع من هؤلاء الشرقاوة .. ولم اتوقع ان اجلس فيه يوماُ مع احدى المصريات الحسناوات وتتابعنا النظرات الاستغراب .. الاستياء .. الحسد .. الدهشة واحيانا الغضب من بنى جنسها لهذا الاسود الذى ياتى مع جميله من جميلات المدينة .. مدعى المذاكرة استمرت هذه المواعيد والتواجد بكازينو النهر ما لا يقل عن 23 يوما متواصله عدا الجمعة .. كنا نجلس من الخامسة وحتى الثامنة فى ركن قصى به عمود نور وصار الجرسون يخبر كل من يحضر ليجلس فى طاولتنا انها محجوزة حتى يضمن البقشيش من هذا السودانى المتبحبح .. كانت ....... دوما تحضر معها كل يوم فطائر واحيانا بقسماط وتلك الاشياء التى لم اعد اذكر مسمياتها وكنا نبدا بالمذاكرة بجد لكل شابتر او فصل حسب المادة وما ان نعلن الانتهاء من الجزء المحدد ونبدا فى النقاش الا يبدا الحديث عن السودان ؟ هى بلدكم عامله آزاى ؟ يعنى ايه اسم الابيض ؟ مش معقول والدك مدير تعليم حته واحدة ؟ لما تسافر الصيفية بتحن للزئازيئ ؟ اسئلة تفوق اسئلة المادة وكنت سعيدا وانا احكى عن بلدى واشيع فضولها وارسم لها لوحة رائعة عن بلدى السودان .. وكنا كثيرا ما نرى حسن برى وهو يعبر الكبرى الصغير " القنطرة " وهو يلوح لنا بيده ويتبسم فى خطى واسعة وهو يرتدى بنطلون الجينز المعهود وتى شيرت لا يخلو من اثار ورموز اثيوبيا .. وهو يردد صيحته المعهودة .. يا ولدنااااااااااااا .. من الغرائب كنت اندهش عندما ارى البعض يذاكر فى البلكونة ولكن بسبب هذه الجارة صرت اجلس اذاكر فى البلكونة كما كانت تفعل بل تطور الامر وصرنا نتبادل الحوارات الاكاديمية بالطبع عبر البلكونة ونحدد مواعيد الخروج الصباحية او اعتذار احدنا للاخر .. بل صرت امتلك 3 اصايص زهور فى بلكونتى بعد ان اهدتنى مدام نبيلة واحدة .. المنشية وكازينو النهر كانا ولا زالا امكنة فى حياتى ستظل راسخة فى عقلى وقلبي وساظل دوما اذكر تلك الاماكن ومدام نبيلة وكوب السحلب والشاى الكشرى وتلك الانسانة وامنياتى دوما لها بالتوفيق والسداد فى منصبها وموقعها وبين اسرتها الصغيرة .. ___
02-10-2013, 11:51 AM
منصور عبد الرازق منصور عبد الرازق
تاريخ التسجيل: 05-03-2009
مجموع المشاركات: 2360
هو اقتران الشيء بما يجتمع معه في قدر مشترك كقوله تعالى (إِنَّ لَكَ أَلَّا تَجُوعَ فِيهَا وَلَا تَعْرَى (118) وَأَنَّكَ لَا تَظْمَأُ فِيهَا وَلَا تَضْحَى (119) طه)أتى بالجوع مع العُري وبابه أن يكون مع الظمأ وبالضحى مع الظمأ وبابه أن يكون مع العُري، لكن الجوع والعُري اشتركا في الخلوّ فالجوع خلوّ الباطن من الطعام والعُري خلو الظاهر من اللباس. والظمأ والضحى اشتركا في الاحتراق فالظمأ احتراق الباطن من العطش والضحى احتراق الظاهر من حرّ الشمس. يقول الله تعالى( الذي أطعمهم من جوع وآمنهم من خوف) من خلال هذه الآية أيهما أهم : امن الجوع أم امن النفس؟؟؟ وكيف توفق بين هذه الآية وقوله تعالى في موضع آخر (ولنبلونكم بشيء من الخوف والجوع) ؟ سبحان الله هذا ماوصل اليه العالم ماثلو في هرم تدرجه للحاجات الانسانيه. ذهبت الي مدينة الحديده لترتيب اجراءات الاقامه في اليمن ،اول مانزلت في المدينه طفت على جميع الفنادق لضمان مكان للمبيت ولكن لعدم وجود اقامه رفض اعطائي مكان. فبحثت عن الجاليه السودانيه ولي كثير من الاحباب خاصه عبد الرحمن . وصلت الي الجاليه في تمام العاشره تقريبا وهو موعد قفل ابوابها. حصلت الحارس يهم بقفل الباب فسالته بسال عن عبدالرحمن الزين؟ عارف وين سكنه؟ اجاب ايوه بس انا ماعندي وقت ليك! طيب ممكن انام في الجاليه؟ ممنوع واذا عرف المسؤل سوف يتم فصلي. طيب انا بعد صلاة الفجر بتخارج. وبدون مقدمات رزع الباب في وجهي. انتظرت نصف ساعه في الخارج وبداءت بقذف الباب الحديدي بالحجاره . فاذا بالحارس يخرج ويقشش في عيونه وقال لي يازول في شنو؟ قلت ليه انا وانت اليوم مابنوم؟! قال لي خلاص تعال نوم بس الصباح قوم بدري. وقد كان اكرم من حاتم جباره. صحيح ارتباط الامن والطعام والمسكن والملبس. وصدق الحبيب صلى الله عليه وسلم حين قال « مَنْ أَصْبَحَ مِنْكُمْ آمِنًا فِى سِرْبِهِ مُعَافًى فِى جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا »
02-11-2013, 06:35 AM
ياسر نجيلة ياسر نجيلة
تاريخ التسجيل: 08-30-2006
مجموع المشاركات: 1798
Quote: الشرطي : هاد هيك على طول بيهددك بالطلاق؟؟؟؟؟؟؟
الزوجه : مش ليكون متجوزني بالأول؟
ولك اليومين ديل ياود عيد ... كورتك حلوة جنس حلا ... واصل هنا .... وهناك ...
===============================
Quote: صحيح ارتباط الامن والطعام والمسكن والملبس. وصدق الحبيب صلى الله عليه وسلم حين قال « مَنْ أَصْبَحَ مِنْكُمْ آمِنًا فِى سِرْبِهِ مُعَافًى فِى جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا »
ارجو ان لايتبادر لاذهانكم بان اخونا نملوز ... اعتزل الشكولاتة ... وصار من الوعاظ.... بملاحظة بسيطة ... تكتشف بأن الرجل .. استرشد بالآيات والاحاديث التي تدعو الى الطعام ... يعني انتو دايرين "مكاموكا" يقوم بدون دعاية .... اذن فهي مداخلة جزء من برنامج الدعاية .... للمحل ... ولسة الجاي أحلي ... وننصحة بالاستعانة بولدنا محمد عيد ... اليومين ديل .... افكارو "متفتقة"
============================= ياكوتش ... "بتعرفي" انا سكنت مع عبدالرازق 3 سنوات ... شبعت لغة عربية ....
================================== زكريات ولدنا صالح تبلدينا ... روعة وفسرت سبب عزوفة من الزواج حتي الآن ...
تسلم يا رشيد القوم ... ولك اجر المناولة ...
02-11-2013, 07:17 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
وكنت اود المشاركة فى ما كتبه حبيبنا رشيد القوم حول حال البوست فى الاونة الاخيرة ، و لكنى فوجئت هذا الصباح بامكانية مشاركة اخواننا فى الفيس بوك المواضيع التى يتم طرحها هنا فى سودانيزاولاين عبر الخاصية التى وضعها مهندس البورد بكرى ابوبكر ، وافتكر ده شى فى صالح بوست سودانيز بالمنبر . بس اوصيكم بالمثل البيقول :: (( يا ناس اللى فوق يكفيكم شر اللى تحت ))
،،،،،،
يا نملوز شيل مادة العواسة كمادة تخصـص و المواد الصعبة اجلها ولا شيلا معاك للسنة الجاية ، ولا نظامكم زى ناس زراعة تيرمات فقط .
،،،،
يا صالح تبلدينا لو انا فى مكان نبيلة هانم كان جبت لى خشبة و مسامير سمكرت البلكونة .. تبقى عليها ضعوفيتك و شنات مجدى حسين ده صباح شنو دآآآ ...
،،،،
نجيلة و الكوتش شايفكم قايمين على الدناقلة من الصباح
عندى جدى الله يرحمة فى السبعينات جانا فى الصحافة قعد معانا كم يوم الحال ما عجبو لانو جيرانا خليط شوية شوايقة وجعليين و من الغرب والشرق ووسط السودان ... يعنى رطانة نهههههى ... قام مشى الكلاكلة عند خالتى هناك الاهل كتار و لقى ليك ناس ساتى ودرار و ســـتنا يعنى الرطانة قرش ونص زى ما بيقولو .. جا راجع عندنا بعد كم اسبوع قال ... الكلاكلة اسمح من لا بلدكم ( دهــ ) وسمح من لا الخرتوم كمان .... اى واحد من الجيران يجى يزورو يقوم يسألو ... الله خلقك مشيت الكلاكلة ؟؟ ولما ابوى الصباح يدور العربية ماشى الشغل يقول ليهو بالله عربيتك ( دهــ ) لو ماشى على الكلاكلة سوقنى معاك ....
02-11-2013, 08:03 AM
ياسر نجيلة ياسر نجيلة
تاريخ التسجيل: 08-30-2006
مجموع المشاركات: 1798
Quote: الاهداء لاولاد العز حاتم جبارة و رفاقه اولاد البلد و سنجة ممنوعون ...
شوف البدق ليك الكرتونة تاني منو ....
=================================== طبعا انا ماسمت انت منزل شنو .... مقفلين علينا كل شئ في الشغل ... لما امشي البيت ح اسمعها ... يمكن نذكر رقيص زماااااان .... جدو .... كيف ....
02-11-2013, 11:01 AM
الرشيد بابكر الرشيد بابكر
تاريخ التسجيل: 01-24-2009
مجموع المشاركات: 5002
طبعا مافي زول حيصدق اني كنت من المداومين على حضور جنة الأطفال.... و بمجرد ما أن تنطلق اشارة البرنامج ..كلنا تامين ..حتى أكون في مقدمة الصفوف.... و أستمتع بي عمي جحا و السنينة و أضحك من جوه قلبي... و عزوز (لا يا عزوز) و الأناشيد الجميلة... أنا ذاتي ما مصدق اني كنت في يوم بحضر جنة الأطفال... و الله الزمن مشى سريع خلاص....
والدة منصور رحمة الله عليها كانت من أقرب الناس الى قلبي.... زكرتوني ليها بي منصور جات دي... أسعد الأيام يوم تجي و تلقى منصور مافي... و تقوم الحاجه تستضيفك في برجها العاجي... الحاجه كان ولدها حجازي عبد الرازق رحمة الله عليه متوصي بيها.... و مظبط ليها بيتها تظبيطه كانت تستحقها.... تستضيفني في هذا البرج العاجي و تقعد تونس فيني لحدي ما منصور يظهر.... طبعا لا يخفى عليكم انو الزمن داك لا كان في موبايل و لا يحزنون... و منصور كان مركب كرونة كلـــب..لافي في كرعينو الرقاق ديل الليل و النهار.... لمن يجي منصور نمشي الصالون و داك يا الغداء الما خمج.... أنا يتخيل لي صحبتنا لي منصور دي كانت مرهقة ماديا وجسديا.... و طبعا الدناقله ديل فايتين الناس مسافة في الطبيخ.... لما كانو بيعرفوا الطبيخ الناس في السودان يا دوب وصلوا للقراصة... كلما ما منصور يتكلم عن سلطة الأسود أنا أتذكر سلطة الأسود حقتهم... و العجب ملاح الرجلة.. أنا بتخيل لي ناس منصور ديل بيضيفوا سكر للرجلة... ما عارف السبب شنو..لكن مره علقت على ملاح رجلة عند خالتنا قلت ملاح رهيب... قالوا لي عشان خالتي بتخت فيهو شوية سكر... و من اليوم داك دايما في بالي ان ناس منصور بيضيفوا السكر في ملاح الرجلة.... أنا امكن أكون اتغديت في بيت ناس منصور أكتر من منصور زاتو.... بس ساعة الغداء أجي أدفر الباب و أخش زي كأني داخل بيتنا... تجيني عيشة أخت منصور شايلة عصير الكركدي الباااااارد و تقول لي منصور بجي حسه... يجي و لا ما يجي الشغال بيهو منو طالما فيها كركدي باااارد و غداء مضمون.... استقبال و كرم ضيافة خلاني أنحل كل يوم هناك.... و العجب بعد ما منصور اغترب و مشى السعودية.... و بقى لما يجي في الاجازة يتفلهم علينا... كل ما نتكلم عن حاجه و نقول الحاجه دي بقت غالية خلاص.... يقعد يتمتم و يعاين في السقف ..أتاريهو كان بيضرب فيها بالريا ل السعودي.... و يقول لينا يعني بي خمسين ريا ل ...و الله غالية شديد... المعنى الولد ما بيعرفها رخيصة و لا غالية الا لما يحولها للريــال.... هو أصلو من يومو متفلهم قبل ما يمشي السعودية.... و قشار من يومو..كنا في الزقازيق لمن تكون عايز تقشر شديد تلفح ليك حاجه من دولاب منصور.... ألف رحمة و نور على والدة منصور و على الراحل حجازي عبد الرازق (أبو عبد الرازق)....
02-11-2013, 11:33 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
رشا يا دفعة يا سلام على جنة الاطفال الساعة عشرة صباح كل جمعة تحل واجباتك وتغسل وتكوى هدوم المدرسة براك .. تستحمى و تفطر وتقعد تتفرج البرنامج و تمشى بعده صلاة الجمعة مع ابــوك ...
مش زى ناس جبريلا يوم الجمعة من كوشة لكوشة و قبيض جراد
،،،،
لو تتذكر ماما امينة مقدمة البرنامج فى زمنا .. الاستاذة امينة عبدالرحيم
الرجاء ايقاف تشتغيل الفيديو السابق لتستمع للفيديو المرفق ..
فى الدقيقة 1:4 استعراض لقطات من نشيد نحن تلاتة بنات صاحبات اللفى الوسط هى منى السيد ... دفعتنا فى تربية عين شمس لاحقا" فى اليمين اسمها نجاة صاحبة نشيد :
الطيارة سريعة خفيفة .... سريعة و الطيارة سريعة خفيفة ... خفيفة كل واحد لحزامو يشد .. نحن حنبدأ نطير بالجد
02-11-2013, 11:49 AM
الرشيد بابكر الرشيد بابكر
تاريخ التسجيل: 01-24-2009
مجموع المشاركات: 5002
يا سلام عليك يا ديدو... بالله شوف الناس ديل كانوا مبدعين كيف... امكن تكون الامكانات المتوفرة في الوقت داك أقل بكتير من امكانات اليوم... لكن في ابداع حقيقي... أيام لها ايقاع ياخي.... أنا أكتر نشيد كان بيعجبني نشيد القروية بتاع يا أخوانا بتين أزور الخرطوم... و بدري صحيت من نومي....
02-11-2013, 12:28 PM
منصور عبد الرازق منصور عبد الرازق
تاريخ التسجيل: 05-03-2009
مجموع المشاركات: 2360
انتو رابط تحميل الصور ما شغال عندكم ؟؟ولا عيونى كعبات نقعد نقطر نقطر نقطر , لغاية ما الود الرشيد ده , يجيب مطرتنا , يحولها لى سيول فيضانات تانى رابط الصور اذا ما شغال و فانتو اخير منكم الفيس بوك الفيس بوك يتجازى يا جماعة , صوره لا بتخرب و ولا اصواته بتتداخل ممكن يلم الشكولاتة مع سلطة الأسود عاااااادى يانث المذكر , ويذكر المؤنث و والجميع فاهمين ومتجاوبين ولافين فى الحراية دى , كراع ###### جنة الأطفال وماما امينة , لا نجوع فيها ولا نعرى , وأطعمهم من جوع , وآمنهم من خوف منصور جات , منصور مشت , وعربيتكم دى كان بتودى الكلاكلة , دخلونى معاكم جواها اما برجنا العادى يا الرشيد يا ود بابكر وعلوية , فقد ترآى لى , كما شقائق النعمان , وللحظة خلته , وكانه شاطىء من شطآن بحر الشمال يا ود يا عمر نملة بالجد قربت ابكى يا رش , وما عارف لى اناشيد جنة الأطفال التى احبها واعشقها من خواطر فيل , الى يا ربى متين نزور الخرطوم , الى تداعيات لا يا عزوز الى تجليات المامات امينة وصفية وعشة بتاعت الرسم , والحان العم فزارى وحكايات الجد شعبان كلها , اصبحت عندى مارشات تشييع جنائزى لجنازة ليست من لحم ولا من دم انها جنازة الحنان , ونعش المشاعر الجميلة , وتابوت ولدى (الباشا ) كما كانت تنادينى , امى العزيزة الراحلة العظيمة الأنيقة الجميلة المشلخة التى كانت تخلط (عربيتكم ) ب(رطانتها ) فتزيد الأولى حلاوة وطلاوة ونداوة وتحول الثانية الى (فصاحة ) متناهية الدقة بالغة الثراء لدرجة اننى ما فهمت معلقاتكم السبع , الا مكسورة (طالع زيتها ) تصوروا يا جماعة , تخيل يا الرشيد , انها كانت فى كل طلة لكم انت ومحمد عيد ومجدى عبد الله ومحمد المرتضى وعاطف القوز وكل جيوش وزارة الزراعة الذين يركبون الى برج صالوننا العاجى , من آن الى آن او عندما اصرت اسرتى ان تحتفل بى وانا متخرج فكان ذلك الأحتفال محضورا بالمرحومة سميرة سيد , وبعض من زملاء وزميلات اخريات كانت تتساءل , امى , التومة بت بشرى , التى ينادونها (بالرطانة الفصيحة ) , برسى بت بشرى هى وتومتها الجالسة الى جنبها , كما (لوزة القطن المنقسمة ) , او كما طرفى كلمة ( ا ل ج م ا ل ) الا وهما حرفى التعريف وادوات المعرفة , حرفى اللف واللام , كاساس كل شىء , وقدر اى شىء انت اصحابك ديل , دناقلة ؟؟؟ ولا ناس سااااااى ؟؟؟؟
02-11-2013, 12:54 PM
محمد عيد محمد عيد
تاريخ التسجيل: 05-03-2009
مجموع المشاركات: 2005
كتبت ما كتبت , عاليه و وانا اتملى نظرا فى صورتها التى احفظ فى قلبى قبل كمبيوترى والتى استعصت على نقلا الى , مسامعكم وانظاركم حتى تروا ما ارى و وتسمعون ما اسمع ما غلطت اى غلطة فى قصة السمع والشوف دى والله العظيم سامعها اسمعها وانا اراها منذ ان كنت طفلا يافعا , وابى غائب مغترب يغيب ويعود , فيجدها حافظة للعهود صائنة للوعود ما كلت ولا ملت , يا عزيزى يا رش صدقنى اننا بدانا معها , فى منزل ايجار صغير , ضاحية الحلة الجديدة فيه من الغرف , واحدة وفيه من الحمامات , ادبخانة , ليست لنا جميعها وكلها فتلك الأدبخانة , ملكنا نصف الوقت , لأنها ملك ناس خالتى جيرانا فى البيت نفسه نصف الوقت الاخر لا تلاجة ولا يحزنون , بل (مشلعيب) تتدلى فيه (حلة الملاح ) فنشم رائحتها طول الوقت صحوا ومناما , ليلا ونهارا , فى الطيف او فى الأحلام تساكننا غنمايتنا , فتسقينا اللبن الطاعم , ونشرب من ضرعها , حليب الشاى مرة او شاى الحليب مرات لا نعرف ليلة بتناها , نحن الأخوة الستة مع امنا العظيمة , لو حدنا فالضيفان , البنين والبنات ., طالبى العلم والطالبات , بنات العم والخالات يشاركوننا الغرفة والمشلعيب وشاى الحليب وحليب الشاى وضرع الغنماية ونصف وقتنا فى الأدبخانة فنسعد بذلك كرها للبعض وطوعا للباقين ان طوعا فطوعا , الا ان الأكراه كان يتم من امنا الرؤؤم , بنظرة حارقة , ما عرفنا معناها الا بعد حين لنا عم آخر , له افضال كثيرة علينا , كان يقسم لنا معيشته مع عياله , رغم ان اغتراب ابانا , وسفره الدائم كان يوفر لنا لقمة العيش المناسبة , لأسرة كبيرة , واب متغرب , رقيق الحال , يناضل فى اطراف الدنيا ثم يا تينا كل اجازة , سنة او سنتين , حاملا للغنائم , والملابس , ومؤؤنة العام التالى , التى تتسلمها الوالدة العظيمة فتحسن التدبير , فتخالهم اغنياء من التعفف , وتنزل مطرة خيره علينا , ببركة الضيفان كما درجت ان تقول كل هذا وبرسى بت بشرى , مع تومتها التى تجلس قبالتها معظم الوقت كما لوزة القطن المنقسمة تواصل تربية بناتها واولادها , فييكبر اكبرهم , يجهز نفسه لدور مزدوج , اخ كبير , ووالد صغير اما الوالد الكبير فيواصل معركته الحياتية الكبرى , فى اراضى الله الواسعات , قال لنا ذات يوم , ذات اجازة عند سهرة تلفزيونية , امام تلفزيون يتقاسم بياضه السواد , يعرض البيتون بليس ايام الآحاد , ويتيح لنا مشاهدة الريتش مان بور مان عند رمضان بهيج , صادف ان قضاه معنا كله او جله , وكان ذلك التلفزيون الملون (بالبياض المقتسم مع السواد ) , وكان ذلك الصندوق السحرى , مع ثلاجة ادميرال , اشريناها والأجازة تلفظ انفاسها الأخيرة , قال لنا الوالد العظيم , عبد الرازق محمد فضل حمزة انا يا اولادى , ما قريت , مشيت المدارس دى ثلاثة شهور بس , بعد داك ابوى قال لى ارحكاكا معاى , بديتها من بورسعيد , وقبرص , مرقتها فى بحر الله الواسع ده ما خليت بلد ما زرتها , جيت ختمتها بى ليبيا والسعودية (كان فى السعودية لمن جانا اجازتو الجاب لينا فيها التلفزيون والتلاجة ) ( وبنى لينا اوضتين خلف خلاف فى قطعة الصحافة الوقعت لينا بالقرعة ) هسى باعرف اتكلم سبعة لغات , غير الرطانة , قالها وهو يضحك , ويعلمنا حاجة بيعلموها اسمها (المايونيز ) يا عمر نملة , وكيف انه يتوجب عليك وانت تعمل المايونيز ده , ان تضرب البيض , فى اتجاه واحد , لو غلطت وضربت ضربتين فى اتجاه معاكس , بيضك ده , مرق من المايونيز , ويا داب تلحقوا بى شوية زيت وتقليهو , ولا كمان تشربوا وتتوكل ) قال لنا تلك الحكوة , وقام الى سفره المعتاد , بينما اخى الكبير حجازى , يتاهب دوما للعب دوره الحياتى المزدوج , اخا كبيرا , وابا صغيرا بالأنابة
02-11-2013, 06:36 PM
عمر نملة عمر نملة
تاريخ التسجيل: 11-08-2009
مجموع المشاركات: 2550
Quote: يا نملوز شيل مادة العواسة كمادة تخصـص و المواد الصعبة اجلها ولا شيلا معاك للسنة الجاية ، ولا نظامكم زى ناس زراعة تيرمات فقط ،،،،
ديمه مرحب بالعوده اريتا عواسة الهنا ويقولوا الما لابعرفك يجهلك ماقاصدك انت قاصد الشوكلاته والابري الاحمر. الدراسه سلت روحي وكملت قريشاتي يعني ماكفايه اشتغل يومين وادرس ثلاثه ايام . مفروض كمان المذاكره تكون عملي يعني اشتري كل المواد اللازمه للتدريب على الدرس من شكولاته (بدره وحبوب) بالله لو مسكني الكوتش وانا جيب الحاجات اكيد فيها اعدام. وزبده ودقيق وخميره وفواكه لا كمان قال هناك خلطه بالخل قال عشان العجينه ما يكون فيها خطوط سوداء.
Quote: يا صالح تبلدينا لو انا فى مكان نبيلة هانم كان جبت لى خشبة و مسامير سمكرت البلكونة .. تبقى عليها ضعوفيتك و شنات مجدى حسين ده صباح شنو دآآآ ..
انت نسيت حسن بري ولا خايف منه عينك للحبش وتطعن في ديكو. ابوعمار كمان شوف المسيح عايز يبور لينا الخبز قال:( ليس باخبز وحده يحيا الانسان بل بكل كلمات الله التامات) لو الناس اتبعوا كلامه الا نبيع سبح.
Quote: والدة منصور رحمة الله عليه
Quote: الحاجه
Quote: خالتنا
Quote: والدة منصور
Quote: يا الرشيد يا ود بابكر وعلوية
Quote: امى العزيزة الراحلة العظيمة الأنيقة الجميلة المشلخة
والله اوسكار والله حسيت بنفسي ساي ومساي الله يرحم امنا برسي انت ياراش منصور ماقال علويه انت مالك ماعايز تقول امه؟ انتو الكوتش امه اسمها منو؟ ولا ممنوع عند ناس البوليص؟!
عمر ود آمنه بت فاطمه بت مدينه
02-11-2013, 07:23 PM
محمد صديق محمد صديق
تاريخ التسجيل: 05-03-2009
مجموع المشاركات: 3990
التومة بت بشري و علوية مامون وجهان لعملة واحدة... منصور انت قايلني قاصد الصالون حقكم... لا يا حبيب الصالون ده كان بتاع الناس الساي... أنا كنت بتكلم عن البرنده و الأوضة... البرنده المرتبة الجميلة دي أنا دخلتها بدون رطانه... و اتوهطت فيها و أتونست مع حاجه التومة و بدون مترجم... و مثلما كانت لي مكانة خاصة عند برسي بت بشرى.. لمنصور كذلك مكانة خاصة عند علوية مامون..علوية بت حاجه أمونة... و عند بابكر سيدأحمد كمان... أبوي لا يسأل الا عن منصور..منصور وين..منصور عامل شنو..منصور ما ساقك معاهو السعودية ليه... كل ما يزور منصور أبوي في اجازته السنوية يضرب لي تلفون بمجرد خروج منصور... و يقول لي منصور جانا و ونسنا و ضحكنا..لينا زمن ما ضحكنا... و هذه الأيام تصادف ذكرى رحيل أختي منى... لمنصور و أماني مكانة كبيرة عند أختي منى... صبيحة يوم رحيلها اتصل بي يسألني عن صحتها فأخبرته برحيلها... فبكى حتى خشيت عليه فأخذت أهدئه و أردد الحمد لله... الله يقطع الحزن و سنين الحزن لو كان الحزن رجلا لقتلته... الناس النقيين يرحلون بسرعة عن هذه الدنيا الفانية... عندما رحل أخي الذي لم تلده أمي ياسر الزين... و عند اغتراب منصور شعرت باليتم وقتها و ظللت قابع لشهرين متتالين بالمنزل... لا أخرج منه و لا أكلم أحدا.... هي أيام تبقى ذكراها عالقة في أذهاننا بحلوها و مرها... نتذكرها فنبكي أحيانا و نضحك أحيانا كثيرة... أيام ليتها تعود لنبدأ الحكاية من البداية... و نعيشها مرة أخرى بحلوها و مرها.... حتى نصل الى حيث تصبح الحياة مشلعيب نعلق فيه ذكرياتنا المفرحة و المحزنة....
يديك العافية يا أبو أحمد ود التومة بت بشرى....
02-11-2013, 10:20 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
مرت امرأة فائقة الجمال برجلٍ فقير ، بل معدم ... فنظر إليها وقلبه ينفطر شغفاً بجمالها ثم تقدم منها ودار بينهما الحوار الآتي: ... الرجل : ' وزيّناها للناظرين ' المرأة : ' وحفظناها من كل شيطان رجيم '
الرجل : 'بل هي فتنة ولكن أكثرهم لا يعلمون ' ... المرأة : ' واتقوا فتنة لا تصيبن الذين ظلموا منكم خاصة واعلموا أن الله شديد العقاب '
الرجل : ' نريد أن نأكل منها وتطمئن قلوبنا ' المرأة : ' لن تنالوا البرّ حتى تنفقوا '
الرجل : 'وإن كان ذو عسرة ' المرأة : 'حتى يغنيهم الله من فضله '
الرجل : ' والذين لا يجدون ما ينفقون ' المرأة : 'أولئك عنها مبعدون '
عندها إحمر وجه الرجل غيظاً وقال : ' ألا لعنة الله على نساء الأرض أجمعين!! '! فأجابته المرأة :' للذكر مثل حظ الأنثيين'
02-12-2013, 00:04 AM
عمر نملة عمر نملة
تاريخ التسجيل: 11-08-2009
مجموع المشاركات: 2550
ان شاء الله بكلام الحردلو او ود المهدي اللهم ارحم جميع موتانا. سبحان الله يا الرشيد معقول المرحومه منى تمت سنه اللهم ارحمها رحمه واسعه. عملتوا لي شنو في موضوع الخبز العربي والتركي . ان شاء الله تلفون مهند بتاع الحب كان. او تلفون اي زول ما ساي.
02-12-2013, 00:28 AM
محمد عيد محمد عيد
تاريخ التسجيل: 05-03-2009
مجموع المشاركات: 2005
فعلا ليه 23 سنه في امريكا والباقي باقي اصلوا دنيا الخبز محن
Quote: كده أظنو بقى واضح
ما واضح نقطوا لينا
Quote: في اليابان عندما تستأجر فندق وأنت مسلم يعطونك مصحفاً وسجادة وخريطة تدلك على المسجدالوحيد في طوكيو.
ياريس كنت منتظر اجراءات اقامتي في هولندا وجاء وقت الصلاة سالت المسؤله وكانت بتسمع في موسيقى بصوت مرتفع عن اتجاه القبله؟ على طول قفلت الموسيقى وتركت مكانها ، قلت ليها ما في داعى تقفلي الموسيقى وتتركي مكانك، قالت لي عشان تصلي في اطمئنان و هدؤ!!!!! بعد صليت سالتها انتي مسيحيه؟ قالت لي انا ما بامن انه في اله من اصلوا! بس بحترم قناعات كل شخص. دي من جماعات الامر بالحب والنهي عن العنف في هولندا.
أهلنا الحلوين الزقازيقاب ايمانا منا بحبكم وحرصكم للتواصل في كل المواقع والتجمعات الاسفيرية ودعما لهذا التواصل الذي يتنامي يوما بعد يوم ، سوف اسعي جاهدا مع اسرة سودانيزاولاين لاضافة اعضاء جدد لهذا التلاحم الجميل فمن يرغب في عضوية سودانيزاولاين، ارجو ان يمدني بالمعلومات التالية على البريد [email protected] الاسم بالكامل الاسم حسب الظهور في الموقع مكان الاقامة البريد الالكتروني رقم الهاتف للتواصل
Quote: الطبّال هو من كان ( يُنَقِّطْ )...والعهدة على الراوى .
الطبال كان ومازال بينقط عسل. الطبال راجع من السوق الي بيتهم في حي امير لقى مشكله بين اتنين عمالقه قافله الشارع وماقادر اي حد يدخل يحل المشكله. بسرعه دخا في نص العمالقه وقال للاول بيعرفوا بالتاني دا محمد علي حسين شقيقي الاكبر! واتلفت للتاني شقيقه وقال ليه دا زميلنا سعد محمد سعد ومن يومها سعد بيجي بيت ناس الطبال وبيسال محمد موجود؟! النضيف بعد اذنك
02-13-2013, 08:56 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
ده كلام لاولادنا المستجدين .... وهم فاهمين ... وبدأو في ارسال المطلوب ... بالضبط ...
امشي ياعجوز ... شوف الطبال ... حجز العمالقة كيف ...
================================ لو عندك واحد عاوز يسجل ... خليهو يرسل المعلومات المطلوبة ..... بس بدون شرح من طرفك .... هو براهو حيرسل المعلومات المطلوبة ..
الخميس قرب ...
02-13-2013, 09:15 AM
محمد صديق محمد صديق
تاريخ التسجيل: 05-03-2009
مجموع المشاركات: 3990
سلام مصطفى صاحبي وهو حارس سابق للتحرير البحراوي يحكي انه في حفلة وداع صديقه اللاعب رحمه وهو ناوي الاغتراب. اعطي رحمه الفرصه ليشكر الجميع فاذا برحمه يطلب العفو من اقرب اصدقائه اللاعب مجدي. واستغرب الحضور لانه ولا بالغلط لم يحصل ولا سؤ تفاهم بينهم! صاح مجدي الذي كان حزينا من فراق صاحبه: والله انت اكتر من اخوي وماحصل ولا بالغلط زعلتني! فاذا برحمه يفجر المفاجاه ويقول: انا لما كنت يدوني كرت احمر الحكم بيسالني اسمك منو؟ بقول ليه مجدي. وضحك الجميع وعرفوا سبب اخطار الاتحاد بالايقاف برقم فانلة رحمه وباسم مجدي. عشان كدا شايفبن اسمي وصورة برفايلي ماتقولوا دا مجدي انا رحمه. احب الزغاريد الطالعه من القلب وباين عليها مازوله ساي وربنا يديها الصحه والزغروده البحه مش ام النضيف اكيد صوتها وزغرودتها فيهابحه. وهي اسمها منو ؟ ولا برضوا باالبطانه؟
02-13-2013, 09:22 AM
ياسر نجيلة ياسر نجيلة
تاريخ التسجيل: 08-30-2006
مجموع المشاركات: 1798
ابو عمار انا عمر مش احمد عوض عجوز وشوف العجوز دا الايام دي الاستعداد على اقدم وسيقان لخوض هذا السباق العجيب 55 كم وفي جبال وجليد وطرق وعره . والفاز السنه الفاتت وصل في زمن اكتر من اربع ساعات https://www.facebook.com/cretesdespa انت وين احمد السني؟
02-13-2013, 09:30 AM
عمر نملة عمر نملة
تاريخ التسجيل: 11-08-2009
مجموع المشاركات: 2550
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ياسر نجيلة
محمد صديق
محمد عيد
عمر نملة
الرشيد بابكر
ميسرة سيد أحمد
منصور عبد الرازق
عبد الدائم سيد أحمد
طارق جبريل
فيس بوك
تويتر
انستقرام
يوتيوب
بنتيريست