|
|
 Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
وصباحات التفاؤل
النضيف كل عام وانت بخير.
++++++++++++++++++++++++++++++++
السؤال :
وين النضيف؟
Quote: وين الكوتش يا ناس ....
اها يا كوتش أنا جيت بقي شوف بنات الشبخ وين ....
قول يا جامع |
بركة الجيت ....
يا جامع تجمع النضيف وبنات الشيوخ وجلا.
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
سلامات يا ناس
Quote:
اصلنا قاعدين نلقط حجج !!!فى مانع ؟؟ |
يا لذيذ :إزيّك
ياخ ألفح كما يحلو لك أنت بالذات.لكن الغريبة
الزول المقصود ذاتو عمل ماشايف الكلام ده.
نحن ذاتو اليومين دى كايسين للحجج وبنتلقاها.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: يا حبيب انا عرفت القصة :
صاحبك ده بيكون قال ليك موية دافية ما حااااااارة
لكن يعملوا ليكم شنو ما انتوا اتخصصتوا فى لفحى الكلام. |
صاحبي قال لي مويه حاااااره....
و عندي شاهد شاف كل حاجه و سمع كمان...
مره مره كده بشوفو ماري بي جاي...
بقوم طوالي بغني ليهو..يا ماري بي بيتنا...
جيت صدفة أو جيتنا...
هو قاعد يقول لي جيتكم مخسوس...
لكن عندي شك كبير في انو جايينا مخسووس....
المهم دافية حااارة بقت ما بتفرق...
و هل يضير الشاة سلخها بعد سلقها....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
بسم الله الرحمن الرحيم
قال تعالى :
(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
أخواني وأخواتي الكرام حفظكم الله
السلام عليكم ورحمة الله وبركاته
باسمي وباسم أسرتي اشكر كل من قدم لنا التعزية في وفاة والــدى الحبيب
وكذلك اشكر وأقدر كل من تفاعل معنا أثناء فترة العزاء وأسأل الله العظيم ان يجزل لكم الثواب
وان يجعل كل مابذلتموه في ميزان حسناتكم كما أسأل الله جل جلاله بأن لايرى أي منكم مكروه .
شكر الله سعيكم ودعاءكم فلقد عجزت والله ان اسطر ما تستحقونه من الثناء والتقدير ولا أقول الا ( أنا لله وأنا اليه راجعون ) .
والحمد لله على كل حال وجزاكم الله كل خير .
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
صباح الخير ،،، يا وجوه الخير
مرحب بعودة العزيز عبدالدائم
ولنتجاوز المرحلة دي ونبدأ الحياة
لأن عقارب الساعة لن تتوقف والدنيا دائرة ليست بها محيط
لنتقبل الحياة هكذا كما اراد لها الله عز وجل
دعاء اليوم :
والدنا ووالد أخانا عبدالدائم ولكل من فقد والده
إلى جنات الخلود في سدر مخضود وطلح منضود
وظل ممدود وماء مسكوب وفاكهة كثيرة لا مقطوعة ولا ممنوعة
آمين يا رب العالمين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
Quote:
صباح الخير ،،، يا وجوه الخير
مرحب بعودة العزيز عبدالدائم
ولنتجاوز المرحلة دي ونبدأ الحياة
لأن عقارب الساعة لن تتوقف والدنيا دائرة ليست بها محيط
لنتقبل الحياة هكذا كما اراد لها الله عز وجل
دعاء اليوم :
والدنا ووالد أخانا عبدالدائم ولكل من فقد والده
إلى جنات الخلود في سدر مخضود وطلح منضود
وظل ممدود وماء مسكوب وفاكهة كثيرة لا مقطوعة ولا ممنوعة
آمين يا رب العالمين |
عذراً يا ريّس.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
أخي عبد الدائم ألف حمد الله على السلامة
كل عزيز جاء أجله وإنتقل عن دنيانا هذه نسأل الله
أن يصبرنا على فـقـدهـ وأن لا ننساهو من صالح الدعاء
وخاصة إذا كان أحد الوالدين
نسأل الله لهما واسع الرحمة وعظيم المغفرة وطيّب الله ثراهما
•
من ماقيل في مدح الرســـــــول
صلى الله عليه وسلم
محمد زينة الدنيا وبهجتها
فاضت على الناس والدنيا عطاياه
محمد رحمة الرحمن نفحته
محمد كم حلا في اللفظ معناه
المصطفى المجتبى المحمود سيرته
حبيب ربك يهوانا ونهواه
نور الوجود ووافي بالعهود سناً
لولاه ما ازدانت الأكوان لولاه
فجر الأنام ومصباح الظلام ومن
أدناه خالقه منه وناجاه
سل عن يتيم قريش عن مواقفه
كم قاوم الشرك فرداً كم تحداه
طفل يتيم أتى الدنيا فأنقذها
من الضلال فلا مال ولاجاه
طفل يتيم أتى الدنيا فحررها
من الجحود وكان الملهمَ ، الله
يهدي إلى الرشد والأيام شاهدة
ما خاب في دعوة الإصلاح مسعاه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
العزيز عبدالدائم
كل سنة وانت بخير
وعقبال مليون سنة من العطاء
وربنا يجعلها اخر الاحزان
ويرحم الوالد ويسكنه فسيح جناته مع الصديقين والشهداء وحسن اؤلئك رفيقا
يا كوتش مالك نحيك ما بتحينا
يا اخي لو حصل زعلناك ضمنا للستة
العشرة
وبنات الشيوخ
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
سلامات يا ناس
Quote:
يا كوتش مالك نحيك ما بتحينا
يا اخي لو حصل زعلناك ضمنا للستة
العشرة
وبنات الشيوخ |
يا حبيب بقيت ما بتشوف ؟؟؟مال ده شنو:
Quote:
سلامات يا ناس
Quote: يا كوتش صباح الخير
صباحك فُلِّ يا باشا... |
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
Quote: الموضوع ده ذكرني قصة الراجل الأضانو تقيلة
|
زى النسوان الاتنين الاضانم تقيلة:
قالت ليها هى يا فلانة ماشة السوق؟
التانية قالت ليها لا لا والله ماشة السوق.
الاولى ردت ليها : كان كده معليش انا كنت قايلاك ماشة السوق.
+++++++++++++++++++++++++++++++++++++++++
حكاها لى زهير 541 مرة.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
حكايات فاقدي الحواس كثيرة
قالوا واحد وزوجته الراكبة على حمارتهم منتقلين من قرية لأخرى وجدو رجل عميان يسير
في نفس إتجاههم أشفق الزوج على العميان ونزلت الزوجة وركب العميان على الحمار الله يكرم المتابعين
وبدأ العميان بكثير من الأسئلة إلى أن جمع معلومات كافية عن رفيقه وزوجته وطلب منهم إذا إقتربوا من أي
قرية يحيطوه علما ، عند أول قرية بدأ العميان الكروراك مستغيث تجمع الناس عنده
العميان قال : هذا الرجل يريد أن يأخذ زوجتي وأغراضي مني ، وبحكم أنه معذور كل الناس بداءةً صدقوا الأعمى
ووصلوا زوج المرأة مربط للشيخ ، شيخ القرية الرجل حكيم أمر بحبس إنفرادي على الكل تحت رقابة
بدأت المرأة تقول انا من قبيل قلت للطيب خلينا من العميانين ومصايبهم ، هسي كلامي داك مشى وجى
الطيب بقول ياليتني لو سمعت كلام مريم ، صحي كل صاحب عاهة جبار إلا مارحم ربي
العميان بقول بصارة يا بصارة لو ختيت المرأة ما بختى الحمـارة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
صبحكم الله بالخير
الجابني مطاعنات الكوتش لي في بوست الصور...
كنت عايز أعمل فيها ما سامع لكن ما قدرت...
أتصالين تلفونيين مساء البارحة جملا ليلي...
الأول من كمال أحمد عبد الباري الشهير بكيمو...
اتصال بعد غياب سنوات من كيمو...
لم اتمالك نفسي من فرط سعادتي..
فأخذت أردد يا سلام حتى كاد أن يكمل رصيد الرجل...
التلفون التاني كان من السهيلي..
الرجل الجميل الأنيق...
تحدثنا حتى نفد رصيدة أو بغرت الشبكة مننا...
لقد أسعدتم مسائي سهيلي و كيمو...
ما سامع قلتو شنو...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: يازول والله ما قاصدك انت.لكن نقول شنو ما انت بقيت
متخصص لَفَحِى. |
يا كوتش المثل بيقول حبيبك لو كان عسل ألفحو كلو...
و الخيل تجقلب و اللفح لي حماد...
و تاني شنو...
زهجان يا كوتش..
لكن لو سألتني مالك أقول ليك ما عارف...
كل شيء تمام و الحمد و الشكر لله...
مافي أي سبب غير الحر و ده مقدور عليهو...
قلت أنا يا أكون لافح لي زهجة..
يا أكون عشان أمبارح كان اجازة...
و أنا لما أكون صاحي من النوم و لا راجع من اجازة..
بكون مكجن الشغل عديييل كده...
ياخي مرات كده بجيني احساس انو كفاية علينا شغل...
نفسي أمشي أقعد لي في حتة كده جمبها بحر و شاطي جميل كده...
أمدد ليك رجليني في كراسي الشاطي ديك و أنووووم...
كان جاء جاكي جمبي نملوز زاتو ما أشتغل بيهو...
شايف الجماعة رفعوا سن المعاش لي ستين...
طبعا العيب ما فيهم..العيب في الدنيا لحدي ستين مافيها راحة دي...
الخواجة مديرنا زمان قاعد يخطط لي سنين التقاعد بتاعتو...
بيت ريفي جميل وراني صورته لما شفتها كبرت الصور الفي خيالي للجنة...
اشترى البورش..و وقعت ليهو بورش جدييييدة لنج في سحب...
قلت الخواجة المطرطش ده بورش شنو ليهو في الستين...
أنا لما أصل الستين حأسوق لي (ميتسوبيشي)...
عشان لما يسألوني عربيتك شنو مع سنوني المكسرات ما تبقى لي صعبة...
أنا لما وقعت ليهو البورش في السحب قلت ليهو بحقد (آي أستمتعوا بالدنيا دي)...
أنا يا كافي البلا من ما جيت الامارات دي حلاوة ما فزت بيها...
لكن بنلقى قدام خليهم يستمتعوا بالدنيا دي...
لكن لو سألتوني أنا قلت الكلام ده ليييييييييييييه...
عشان نعرف سبب الزهجة اييييييييييه....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: زهجان يا كوتش..
لكن لو سألتني مالك أقول ليك ما عارف... |
لا بالله ... قال ما عارف .... ما من اكل الزبادي ياخ
انا غايتو زهجان من الغربة الما باين ليها ملامح دي ...
وحقيقي ادعو كثيراً هذه الايام ان "اللهم هيئ لنا من امرنا حتى تقصر غربتنا يا رب العالمين"
وان نعود الى وطننا واهلنا سالمين غانمين يارب العالمين"
امس كلمت والدتي بهذا الامر في محادثة هاتفية طويلة، وكانت تستمع لي وترد ب "آميييييين"
ومن ثم قالت لي "انت مرتك مافي ولاشنو؟" قلت ليها ياها دي تسمع في كلامنا قالت "اديني اسلم عليها"
وبعد حق الله بق الله .... لقيت ليك المرة تنفقع بالضحك قلت ليها مالك في شنو؟ قالت لي الحاجة قالت ليك
ما تحضر قناة السودان كتير الشايفو دا كضب ساكت
قلت ليها الحمد لله الما قالت ليك الراجل دا وديهو الضل
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
سلامات يا ناس
Quote: ياخي مرات كده بجيني احساس انو كفاية علينا شغل...
نفسي أمشي أقعد لي في حتة كده جمبها بحر و شاطي جميل كده...
أمدد ليك رجليني في كراسي الشاطي ديك و أنووووم...
كان جاء جاكي جمبي نملوز زاتو ما أشتغل بيهو |
والله ختفتها من خشمى...انا قاعد تزاول لى حتّات كده جنب أبوحمد
وجبل ام على ....ويكون عندى جرف كده ازرع فيهو خضروات وعندى
اربعة غنمايات وبقرتين وواحد ح م ار عالى ...وقفص حق جِداد بلدى
وبدل كرسيك داك يكون عندى عنقريب هبّابى ..مقطوع من الكرّاب حقو كم
حبل كده( دى انت والنضيف لازم يترجموها ليكم)...مع وجودالعود عشان
لما تجى جبنة العصرية تصاحبها بعض النغمات الجميلة. رأيك شنو؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
Quote: انا غايتو زهجان من الغربة الما باين ليها ملامح دي ...
وحقيقي ادعو كثيراً هذه الايام ان "اللهم هيئ لنا من امرنا حتى تقصر غربتنا يا رب العالمين"
وان نعود الى وطننا واهلنا سالمين غانمين يارب العالمين"
|
آميييييييين .....بس لما تجى ما تكون بالمنظر الشفتك بيهو داك.
حاجة أخيرة: يا حليييييييييييلك.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: والله ختفتها من خشمى...انا قاعد تزاول لى حتّات كده جنب أبوحمد
وجبل ام على ....ويكون عندى جرف كده ازرع فيهو خضروات وعندى
اربعة غنمايات وبقرتين وواحد ح م ار عالى ...وقفص حق جِداد بلدى
وبدل كرسيك داك يكون عندى عنقريب هبّابى ..مقطوع من الكرّاب حقو كم
حبل كده( دى انت والنضيف لازم يترجموها ليكم)...مع وجودالعود عشان
لما تجى جبنة العصرية تصاحبها بعض النغمات الجميلة. رأيك شنو؟ |
يا كوتش لو غيرنا الأسماء...
و طلعنا الحمــار العالي بره الصورة...
بتكون دي صورة طبق الأصل لي حالتي قبل 20 سنة...
عندما كنا في الجزيرة...
و كانت العصيدة بالروب و البصل أحلى وجبة...
حتى العنقريب الهبابي كان موجود...
و النغم الجميل كانا حاضران...
يعني بالعربي الفصيح يا حبيب أنا أخدت حقي من الحاجات دي...
من حقي أغير شوية ياخي...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
كلام جلال ده أظنه حال كل المغتربين و المهاجرين كمان...
فأنا مثلي مثلهم يشغل تفكيري و يقض مضجعي هذا الموضوع...
رهيبة مش يا جلال يقض مضجعي دي..تعال نديك دروس عصر...
لكن بصراحة ما زي جلال...يعني ما ناوي العودة الى السودان...
و أغنية عمر البنا امتى ارجع لأم در واعودا..واشوف نعيم دنيتي وسعودا...
بتمثل لي تاريخ جميل لأم در و لعموم السودان..
أما واقع الحال الآن لا فيهو سعودا و لا حتى صعودا بعد ما قفلوا محلات التمباك...
الواحد كلما يكبر في العمر بفتش على حياة مريحة و ساهلة..
لأننا طبيعي بقينا ما بنقدر على الشقاوة و التلتلة...
لو علي أنا أبو ظبي دي أصلو ما أطلع منها...
لكن بعد شوية اجباري بلقى نفسي لازم أطلع منها...
بالتقدم في السن أو الاستغناء أو تقلص فرص العمربسبب التوريب و التوطين...
و التوريب دي معناها الأوروبيون الذين كثرت أعدادهم هنا بشكل ملحوظ...
و أصبحوا ينافسوننا في الوظائف التي كانوا يترفعون عنها سابقا...
يعني الأوروبين ديل ناسنا ضايقوهم هناك جو يضايقونا بي هنا...
ناسنا دي قاصد بيها سناء الصباغ و عمر مجذوب طبعا...
لكن مع الكج المبارينا ده ما عارفين نمشي وين و نقبل وين...
تقدم لي كندا تقفل...تقدم في اللوتري يجليك...
حسه الخلاني أكشف موضوع اللوتري ده شنو..
مش امكن يجي يوم أترشح لرئاسة السودان و تمسكوني بالكلام ده...
أستراليا قالوا جميلة لكني شايفها بعيدة خلاص...
اليوم الصباح في البي بي سي بيتلكموا عن شواطيء مقديشو...
قال ليك أخطر مدينة في العالم فيها شاطئين..
شاطيء للفقراء و شاطيء آخر في جزيرة للميسورين..
تصور أغروني...و قلت أمشي بعد ده أقرأ كتب (كيف تصبح قرصانا)...
استعدادا للانتقال الى مقديشو...
و لو سألتوني أنا دشيت الدش ده لييييييييه...
عشان أوريكم آخرة الاغتراب ايييييييييييييه....
و آآآآآآآآآآه...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الفات داك كوم و الجاي ده كوم تاني...
Quote:
ما تحضر قناة السودان كتير الشايفو دا كضب ساكت
قلت ليها الحمد لله الما قالت ليك الراجل دا وديهو الضل |
الحاجة والدة جلال يديها العافية...
طول عمرها كانت قايلة جلال ده لبيب...
يعني بيفهمها طايرة...
طلعت غلطانة..
و انا زاتي طلعت غلطان...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
كفاكم ولا أرشكم...
أيوه..أيوه..حاجه أخيره...
يا كوتش عايز أقول ليك حاجه بس ما تشمت فيني بالله عليك...
دعاني زهير لي بوست عن جيلي عبد الرحمن في الفيس بوك...
عجبني الموضوع و سهرت الليالي في البوست يا كوتش...
لقيت ليك أنا و زهير شغالين مان تو مان في البوست...
مع بعض المتداخلين للأمانه و التاريخ...
ثم بقيت براي أكتب و أرد و أعمل لايكات...
قلت أخليهو شوية أشوف آخرتها شنو...
جيت اليوم لقيت نفسي عايز لي عشرة باكستانين...
عشان يطلعوا لي البوسن من تحت...ردموهو ردم السواد و الرماد...
قمت حردت الفيس بوك و بقيت أنزل صور راسمها مهند ولدي بس...
و ده بعد طلب و الحاح شديد منه..
بتضحك مالك...
شمتان؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote:
كفاكم ولا أرشكم... |
رشهم ياالرشيد رشاهم الكوتش
السلام عليكم ورحمة الله و بركاته
كيف حالك و احوالكم في هذه المدة الطويلة
التي لم اراكم فيها و اذا سالتم عنا نحن و بخير
و لم نفقد إلا عدم رؤياك و مشاهدتكم الغالية التي تسر النفس
و يرتاح بها الضمير كما ابعث اليكم بتحياتي العطرة
التي اذا مرت بالخرطوم سخنتها لدرجة 150 دردجة فهرنهايت
و مرت بجده أغرقتها ما يمرقهم الا الشوق الشديد لدودي و اذا
مرت بالفتيحاب ما خلت فيها منفاخ نار عدا صحبي .......
و اذا مرت بالقدس حررتها و ودرت الطريق للمتجارين باسم الدين !!!
و اذا مرت بابو ظبي اودعتها سلام سليم مبارك من قلب محب لصحبي البراهو
في البوست فلك التحايا و للجميع .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
هوي يالرشيد لبيب بتاع جنك ... انت ما شفت الكوتش فوق جاري ياحليييييييييييلك دي كيف
وتيب دا ما ياهو البى اشارة يفهم زاتو....
والله يالرشيد الغربة دي كملت فهمنا كلوا كلوا ...
غايتو الصبر ما فضلنا فيهو شئ ... بس المشوار لسة طويل
نسأل الله العافية بس يمكن باقي بلدنا الفضل دا يتصلح ياخ ويغنينا من التفكير في لوتري وكندا
او حتى استراليا البعيدة ديك .
-----
يا ابو عهود سلامك دا مالوا ما مرا بالرياض
ادينا نفحة منو بالله خلى الحر دا يخف شوية
-----
نجيلة شكلك محضر لي مداخلة من اياها بمناسبة الهضربة دي
منتظرين على جمر والله
-----
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
ياشباب .... والمقصودين هنا الشباب بتاعين الكروش
ناس الكوتش ومن لف لفه بره...
اللنك بتاع عمر نملوز الفوق دا وباقي السلسلة مفيدة جدا
والله صحي ... اسمعوا كلام نملوز دا ...
بعد ممارسة يومين فقط ولمسافة لم تتعدي فقط 1 كلم
حسيت بالفرق ... وجلست اليوم مع "طبيبي المعالج"*
وكان كلامه مشجع جدا .... واصر على ان اسير على نفس الوتيرة
واعود اليه بعد اسبوع واتفقنا على ان نعمل جدول مقارنة لكل المصائب التى اعاني منها
وفعلا عملت تحليل:
قياس ضغط الدم/ السكري "فاستينغ و راندوم"/اليورك اسيد/الكلويسترول/الدهون الثلاثية
وطبعا كانت النتيجة مفاجئة لي انخفاض ملحوظ في كل المعدلات ...
على العموم قبلت التحدي وسوف انشر لكم جدول المقارنة بعد ان اكد لي الطبيب انني سوف آآمن بالنتيجة
-------
* خلاص يا عبدالله ب ع ع
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
و بالمره يا دفعة هاك السبق الصحفي دا قبل ناس الريس
ما يفتوه نفتو نحن غدا مساء يشرف مطار الملك عبدالعزيز
الدولي بجده الاستاذ الكبير الامريكي السوداني محمود ابو عضل
قادما من السودان لاداء فريضة العمرة برفقة السيده حرمه المصون
فعلي الحبان في الغربية رفع درجة الاستعداد و يلا يا ريس و طاقمه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
يا كوتش اهلين وسهلين
معليش الحالة النفسية مش
و لابد و لكن بعد اعلان نتيجة الشهادة
بجييك اما بطايوق احلي و انضر او
ربنا يسهل الدعوات بالله يا جنابو
و قبل قليل كان معاي ابو عضل بعد
25 و عشرون عاما و يالها من مكالمة دسمة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
سلامات يا ناس
Quote: لكن مع الكج المبارينا ده ما عارفين نمشي وين و نقبل وين...
تقدم لي كندا تقفل...تقدم في اللوتري يجليك...
حسه الخلاني أكشف موضوع اللوتري ده شنو..
مش امكن يجي يوم أترشح لرئاسة السودان و تمسكوني بالكلام ده...
أستراليا قالوا جميلة لكني شايفها بعيدة خلاص...
اليوم الصباح في البي بي سي بيتلكموا عن شواطيء مقديشو...
قال ليك أخطر مدينة في العالم فيها شاطئين..
شاطيء للفقراء و شاطيء آخر في جزيرة للميسورين..
تصور أغروني...و قلت أمشي بعد ده أقرأ كتب (كيف تصبح قرصانا)...
استعدادا للانتقال الى مقديشو... |
قَدِّمْ أبوحَمَدْ.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
عودا حميدا موسى عيسى...
راجينك بعد النتائج و ان شاء الله يا رب تجينا فرحان....
و تجي تشتت لينا الحلاوة هنا...
و تضبح الخرفان و تعزم المخرفين...
و ما تنسى ترسل لينا حقنا لحم...
| Quote: قَدِّمْ أبوحَمَدْ. |
و الله يا كوتش الله مرقني ساكت من اللفح...
في الأول قريتا أبو أحمد يعني المعنى منصور عبد الرازق...
و فهمت انك قلت لي قدم منصور خليهو يمشي قدامك مقديشو...
قلت الكوتش ده عرف من وين ان منصور قرصان...
ياسر نجيلة حاي و لا نقفل نمشي...
قلنا نختمك بيك اليوم...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
Quote:
يا كوتش اهلين وسهلين
معليش الحالة النفسية مش
و لابد و لكن بعد اعلان نتيجة الشهادة
بجييك اما بطايوق احلي و انضر او
ربنا يسهل الدعوات بالله يا جنابو
و قبل قليل كان معاي ابو عضل بعد
25 و عشرون عاما و يالها من مكالمة دسمة |
يا حبيب إزيّك
وانشاء الله حتجى بطايوق كامل الدسم.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
سعادتنا لا تحدها حدود بنجاح ابننا حماده ابن الأخوان و الصديقان عمر محمد عمر و زينب التجاني...
و احرازه لنسبة 92.1%...
شرفتنا يا حماده بهذا التفوق الباهر...
التهاني و التبريكات لزوبا و عمر و كل الأهل الذين أفرحهم الخبر....
مزيد من التوفيق و النجاح لحماده و لكل الأبناء يا زوبا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير يا وجوه الخير
تحية الصباح نزفها تهنئة لإبننا
محمد عمر إبن الزميلة زينب التجاني
لهذا النجاح والتفوق الباهر ،،،،
دعاء الصباح :
يارَب إذا أسَأت إلى الناس فَاعْطِني شجَاعَة الاعتذار
وإذا أسَاء لي النَّاس فاعْطِنْي شجَاعَة العَفْوَ
وإذا نَسيْتك يَارَبّ أرجو أن لا تنسَـاني مَنْ عَفوِك وَحْلمك
فأنت العَظيْم القَـهّار القَادِرْ عَـلى كُـلّ شيء..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
اجمل التهاني والتبريكات
لحمادة عمر ابن زينب التجاني
الف مبروك والعاقبة للباقين ...
=============================
غايتو يالرشيد ... وجلة السكر ... دردقتكم جميلة خلاس ..
آآآآآي جايكم .... بس بعد شويه
الكوتش ....
بكرة الخميس ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
سلامات يا ناس
وصباحات التفاؤل
Quote: الكوتش ....
بكرة الخميس |
يا حبيب ...شكراً على المعلومة وأنا
بدورى أنقلها الى منص....مشفوعة برغبة
القُرّاء فى عودة (قطر الخميس الفات)وأن تدور
عجلاته بى هناك فى منبر الزقازيق.
********************************************
وين زهير والريس معتصم؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
الصباح عندنا قبل مغيب الشمس...
و الليل بعد مغيبها..الشمس طبعا...
من ناحية غرقان ..فانا غرقان في الشغل لي أضاني...
و ما قادر أهضرب معاكم...
Quote: سلامات يا ناس
وين منصور؟؟؟؟؟؟ |
الصحيح تقول منصور وينو...
عشان نقول ليك أكلو الدودو...
منصور وين راح..
أكلو التمساح...
انتو نجيلة ده ما قال بيجي...
مالو ما جاء...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
في حاجة لكن مهداه للحبيب محمد عيد عبرك يا رشيد
و العزيز جنابو لكما التحية
و هي رائعة نزار قباني لاجل هذا اعلن العصيان ::
مِنْ أجلِ هـذا اُعْلِـنُ العِصْيان
باسمِ الملايينِ التي تُسَاقُ نَحْـوَ الذبحِ كالقِـطْعان
باسمِ الذين انْـتُـزِعَـتْ أجْـفانُهُم
واقـْـتُلِـعَـتْ أسْـنانُهُم
وَذُوِّبُـوا في حامضِ الكِبريتِ كالدِّيدان
باسمِ الذينَ ما لهُمْ صوتٌ ...
ولا رأيٌ ...
ولا لِـسان ...
سَأعْلِـنُ العِصْيان ...
...
مِنْ أجلِ هذا اُعْلِـنُ العِصْيان
باسمِ الجماهيرِ التي تَجلِسُ كالأبقار
تحتَ الشَّاشةِ الصّغيرة
باسمِ الجماهيرِ التي يُسْقونَها الوَلاءَ
بالمَلاعِقِ الكبيرة
باسمِ الجماهيرِ التي تُركـَبُ كالبعير
مِنْ مَشْرقِ الشّمسِ إلى مَغْـرِبِها
تُركـَبُ كالبعير
وما لها من الحُقُوقِ غيرَ حقِّ الماءِ والشّعير
وما لها من الطُّموحِ غيرَ أنْ تـَأخُـذَ للحلاّقِ زوجةَ الأمير
او إبنةَ الأمير ...
او ######ة الأمير ...
باسمِ الجماهيرِ التي تضرَعُ للهِ لكي يُديمَ القائدَ العظيم
وحُـزمة البرسيم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
Quote: بترولي بتاع المعنويات قرب يكمل..
و لسه باقي لي ساعتييييين بالتمام و الكمال لنهاية الدوام...
مافي زول عندو حاجة كده نتم بيها الدوام الطويل ده...
اعملوا حسابكم ما تقوموا كمان تنزلو لينا حاجه تخرب الحكاية... |
الحل :واحد من ديل:
1/ تمشى المنبر
2/ تمشى ابوحمد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلام تحيه
نقول مبروك لابن عمر والاخت زينب الجاني وشرفتنا
والله صحي ... اسمعوا كلام نملوز دا ...
بعد ممارسة يومين فقط ولمسافة لم تتعدي فقط 1 كلم
حسيت بالفرق ... وجلست اليوم مع "طبيبي المعالج"*
وكان كلامه مشجع جدا .... واصر على ان اسير على نفس الوتيرة
واعود اليه بعد اسبوع واتفقنا على ان نعمل جدول مقارنة لكل المصائب التى اعاني منها
وفعلا عملت تحليل:
قياس ضغط الدم/ السكري "فاستينغ و راندوم"/اليورك اسيد/الكلويسترول/الدهون الثلاثية
وطبعا كانت النتيجة مفاجئة لي انخفاض ملحوظ في كل المعدلات ...
على العموم قبلت التحدي وسوف انشر لكم جدول المقارنة بعد ان اكد لي الطبيب انني سوف آآمن بالنتيجة
الكلام دا بفرح كتير وخاصه انه البدايه سوف تكون صحيحه ونحاول نتدارك الاخطاء واولها
1- الحذاء المخصص للجري وهو حذاء بيكون غير مسطح من تحت يعني بيكون زي شكل الرجل من تحت
وبحاول انزل نموزج .
2- الملابس بما فيها الملابس الداخليه والشرابات ويوجد نوعيه خاصه للجري وغالبا بتكون نسبه المطاط بنسبه من 10 الي 40%
3- الاحماء قبل التمرين حتى تكون العصلات غير مشدوده مع تدفق الدم مما يساعد الجسم في الاحماء
4- عند المشي او الجري يجب ان يكون الجسم في وصع توازن لو راجعتم الفديوهات بتلاحظوا كيف وصع الرجل واليدين الخ...
.....................................................................
يوم الاحد الفات 17/06/2012 شاركت في سباف 5كم في منطفه جبليه اسمها فرفيس وهي على الحدود الهولنديه الالمانيه يعني في جنوب شرق بلجيكا
وتتمتع المنطقه بجبال خضراء وصورت ليه صوره ارجو انها تكون البيت المناسب لاحلام الكوتش او رشا
وقال رشا لو جاء نملوز جاري مابشتغل بيه والله الايام دي البحر مولع لو جائت امنيه مابتشتغل بيها
اليكم فيديو السباق حيث حصل نملوز المركز 17 بتقدم 5 مراكز من السنه الفاتت وكسر ايضا دقيه من زمن السنه الفاتت
http://www.chronorace.be/web2/video/videoazur...sh@13:21:47&host=web
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
البوست ده لازم يكون مواكب للحاصل في الشارع السوداني ...
وده كلام مافيهو اي نوع من السياسة ...
عاوزين نعرف الحاصل ...
ومايجري في الشارع السوداني بتجرد شديد ...
بورداب الداخل
محمد صديق - الكوتش
مبارك جادين
الريس معتصم
زينب التجاني
وغيرهم كتير
ليس بالخطأ عكس مايحدث في السودان هنا داخل بوستنا
اخبار خاصة بينا ...
حتي لا نكون ... بعيدين من الواقع ...
========================================
عمر - ابوالطيب ...
ياخي ده سباق لمن هم دون 12 سنة ...
يعني جيب الطيب واخوانه ... مش انت
غايتو السباق ده مناسب لي منصور والرشيد ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صبحكم الله بالخير
الحال داخل السودان يشغل بالي كثيرا...
و أخشى أن لا يتطور الأمر ليصبح مثل سوريا أو ليبيا...
فان كنا مع أو ضد الانقاذ ففي الحالتين سنخسر...
فلا بد و أن يكون لنا أحباب و أصدقاء هنا و هناك...
كل ما أتمناه أن يتغلب صوت العقل و يحدث التغيير بأقل الأضرار...
أو حتى بدون أضرار...
لما فيه من مصلحة للعباد و البلاد...
مهند ولدي قاعد يقطع فيني مع أمه...
قال ليها بابا ده لما يكون بيتفرج في كورة..
بيكون مغرور خلاص....
يعني بيكون صاري وشو و تتكلم معاهو ما يرد عليك...
يا نملوز الشافع جهجهك...
لاوز ليك...
و انت أصريت تدخل قبلو...
لكن يبقى اصرارك حاجة تفرح القلب...
أنا لو كنت شاركت في السباق ده...(الكلام ليك يا المنطط عينيك)...
كان رفعوا لي شريط زي الرفعوهو للبت الجات بعد نملوز ديك...
لكن ياتو فئة دي خليتها لي تقديرك انت (وش مغرور)...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
سلام يا شباب ....
الخميس والسبت بقن واحد .... انعل ابو الشغل ذاتو
----
ياعمر كتر خيرك ياحبيب وما قصرت وتمنياتي لك بالتوفيق دائما .
وما تحرمنا من نصائحك الغالية ...
قررت امس ان احاول تخطي مرحلة ال 1كلم (دقيقة مشي + دقيقة جري) ولكن لم افلح لالم "الركبة" الذي شرحته لك
طمنني الدكتور اليوم كثيرا وافاد بأنه مجرد ردة فعل لممارسة التمارين بدون الاحماء وهي اصابة قديمة يسهل علاجها
وسوف تشفي قريبا واوقفني عن تمارين الجري لغاية الثلاثاء القادم، وسوف اخضع بداية من مساء اليوم
لجلسات علاج طبيعي بإشراف الطبيب المعالج.
والله صحي ... الكلام الفوق دا كلوا صاح
ربنا يديك الفي مرادك يا نملوز ياخ ... ياخ انا بقيت احس انو انا كاريكا
-------
يا نجيلة خميسك كيف ولا عندك جلسات علاج طبيعي برضو
Quote: هسي يا نملوز انت قايل أبين كروش ديل حا يقدروا يلبسوا أحذية زي دي
وكمان يحسنوا أرقامهم السنوية وينقصوا الشحم دة واللحم دة أهوبا هوب |
يا جبرييلا كان بقت على الاوض هينة الكلام البرندات
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: البوست ده لازم يكون مواكب للحاصل في الشارع السوداني ...
وده كلام مافيهو اي نوع من السياسة ...
عاوزين نعرف الحاصل ...
ومايجري في الشارع السوداني بتجرد شديد ...
فان كنا مع أو ضد الانقاذ ففي الحالتين سنخسر...
فلا بد و أن يكون لنا أحباب و أصدقاء هنا و هناك...
|
ياكرام الرشيد ومحمد صديق جزاهـما الله خير ممشيان البوست بإجتهاد ومثابرة
في حين ناس جوة اي شيء منهم يدخل لدينا لو مافي الدم عديل في المعدة
وكل من طرفهم أو من حواليهم ، يا كافي البلة الأخبار في الأسعار والدولار
وفي الرجيم وفي البنزيم وهلمجرا نعاني حتى نجدها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
عمر - ابوالطيب ...
ياخي ده سباق لمن هم دون 12 سنة ...
يعني جيب الطيب واخوانه ... مش انت
غايتو السباق ده مناسب لي منصور والرشيد
ابوعمار عليك امان الله الشفع ديل زي القرود السباق كان صعود جبل لمسافه 2 كم تقريبا
ثم الانحدار وبع داك مكان مستوي لمسافه 2 كم ثم صعود تاني لمسافة كم واحد
وفي الصعود اشوف ليك الشفع بعدوا من عادي بس عند الانحدار كنت بعديهم واحد واحد
وفي الصعود الاخير قدرت صمدت للنهايه والشافع دا كان مصر يصل قبلي والجمهور بيشجع فيه
بس وصلت قبله بثانيه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
هسي يا نملوز انت قايل أبين كروش ديل حا يقدروا يلبسوا أحذية زي دي
وكمان يحسنوا أرقامهم السنوية وينقصوا الشحم دة واللحم دة أهوبا هوب
والله يا طارق شهر 10 الفات كان عندنا سباق نصف المارثون 21 كم
تصدق واحده حامل وفي شهرها الاخير قدرت كملت السباق ودا طبعا
بعد اذن من الدكتور المتابع ليها. وكل الناس الدخلت السباق كان في رفقتها
اذن من الدكتور, والله الناس ممكن تغير نمط حياتها بكل سهوله
والصحه فوق كل شئ. ومنتظرنك تبداء معانا طبعا معانا دي معاي جلال
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
يا نملوز الشافع جهجهك...
لاوز ليك...
و انت أصريت تدخل قبلو...
لكن يبقى اصرارك حاجة تفرح القلب...
أنا لو كنت شاركت في السباق ده...(الكلام ليك يا المنطط عينيك)...
كان رفعوا لي شريط زي الرفعوهو للبت الجات بعد نملوز ديك...
لكن ياتو فئة دي خليتها لي تقديرك انت (وش مغرور)...
ديل قرود الجبل والله السباق دا مسافر ليه 200 كم وكنت سابقت فيه السنه الفاتت
وغالبا بقطع الكم في اقل من 4 د. بس في السباق دا عدت 5 د. والكم الاول ماخلص
والنفس والتعب قلت ياربي الحاصل ايه . بس السنه دي قدرت اعدي الكم في 4 د.
وبان الله السنه القادمه سوف اكون في 10 المقربون
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
ياعمر كتر خيرك ياحبيب وما قصرت وتمنياتي لك بالتوفيق دائما .
وما تحرمنا من نصائحك الغالية ...
قررت امس ان احاول تخطي مرحلة ال 1كلم (دقيقة مشي + دقيقة جري) ولكن لم افلح لالم "الركبة" الذي شرحته لك
طمنني الدكتور اليوم كثيرا وافاد بأنه مجرد ردة فعل لممارسة التمارين بدون الاحماء وهي اصابة قديمة يسهل علاجها
وسوف تء قريبا واوقفني عن تمارين الجري لغاية الثلاثاء القادم، وسوف اخضع بداية من مساء اليوم
لجلسات علاج طبيعي بإشراف الطبيب المعالج.
والله صحي ... الكلام الفوق دا كلوا صاح
ربنا يديك الفي مرادك يا نملوز ياخ ... ياخ انا بقيت احس انو انا كاريكا
ياجله واصل واستفيد من التجارب واولها تجربه الحذاء المستوي وبسرعه بتظهر اثاره على الركبه
ولما بديت التجربه بديت بحاء مستوي وظهرت اثاره على الركبه. اما المشكله التانيه للحذاء هي انه ماتربطه قوي ولايكون مرتخي
ويكون مقاسك يعني مااكبر ولااصغر ويارب تكون عتره تصلح الجريه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
قالوا امبارح كان الخميس
جمعتكم مباركة يا الحبان
والله بديت افكر في إجتهادات نملوز
وبحاول اجري لي كيلو واحد نشوف الكرش دي نهايته وين
==============================
يا ناس السودان سلام الربيع السوداني قام ؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
صبحكم الله بالخير
طلة صباحية بهدف رفع البوست الى حين حضور الريس للدعاء...
لم تصلنا أي معلومات جديدة عن جلسات العلاج الطبيعي لجلال كاكي....
أولمبياد لندن على الأبواب و القلق ينتاب مسئولي الفريق السوداني...
الفريق يقوم بتجهز الريس ميسرة في حالة عدم تمكن جلال كاكي من اللحاق بالأولمبياد...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا شعباً لهبك ثوريتك
تلقى مرادك والفى نيتك
وعمق احساسك بى حريتك
يبقى ملامح فى ذريتك
على اجنحة الفجر ترفرف
فوق أعلامك
ومن بينات اكمامك
تطلع شمس أعراسك
ماكَ هوين سهل قيادك
سّيد نفسك..
مين أسيادك
ديل أولادك
وديل أمجادك
ونيلك
هيلك
جري قدامك
تحت اقدامك
رجع صداك وسجع نحاسك
وانت نسيج الفدا...
هندامك
وانت نشيد الصبح كلامك
وعطر أنفاسك
أرفع صوتك..
هيبه وجبره
خلى نشيدك عالي النبره
خلى جراح أولادك
تبرا
كبروا...
مكان الضحكه العبره
إلاّ يقينهم فيك اتماسك
يا الإصرارك..
سطراً سطراً
مَلا كراسك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
ما تتضارا أ مرق بره
اكسر حاجز الصمت الحرا..
وكورك فينا مليون مرة ..
بى الصاراهو دواخلك..
جوه... وبره
على النبره وشيل العبره
انفض غبار السمح الجوه ..
وازرع فرحك فينا وما تتضارا..
تكبر شدره .. تطرح ثمره
تشيل اليابس ..تطفى الجمره
****
شتت لونك فى لوحات الزمن الاغبر ..
لون بيه الفاضل منو..
يمكن يكبر ويمكن يظهر ..
ويمكن يسطع ويمكن يبهر ..
لامن طيفك يظهر وينضر..
يشيل الحزن الساكن دارنا
وليه يكسر ....
وانضم تانى الفرح ألاخضر
لحن نغم الشجن الباكى ..
دندن نغمو الفيك متحكر
وما تتضارا أمرق بره
اكسر حاجز الصمت الحرا
وكورك فينا مليون مره
*********
التحية لنضال الشعب السوداني الحر
ثورة حتى النصر
اسماء الجنيد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
صبحكم الله بالخير
ياسلام عليك يا نملوز على الانجاز الكبير...
لنهديه الى ثوار السودان الذين قالوا لا للظلم...
لا للمحسوبية...و لا للقبلية و الجهوية...
لا لتفتيت البلد و نهب الثروات...
نريدها ثورة سلمية من أجل التغيير...
ثورة ..ثورة حتى النصر...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلام أيها الناس
النار من مستصغر الشرر
و الإحتجات اليومية هي مستصغر الشرر
عدت من مدني صباح أمس من مدينة مدني
وعند الوصول إلى شارع جبرة
كان الحريق في كل تقاطع
و كان أحد بصات الوالي تفحم
تيقنت أنها كانت شرارة ستتبعها أخرى
قال لي محدثي و جاري
إن الظلم ظلمات
ثم قال لي تأمل أن البغي يمشي بين الناس هاتفاً إني أنا المنقذ
و إستطرد فقال لي
إن الرئيس يصرح بقول
و وزير المالية يصرح بقول آخر
ثم الوالي يقول كلام
فإذا بالحياة اليومية تفعل فعلتها بين الناس
و الله إن الكيل لطفح
و أن الثورة آتية و لا شك
و ما إن خرجت منه حتى وجدت شارع بيتي ناحية الفتيحاب يتظاهرون و ينددون بالظلم و الكبت
فكان أن كنت بينهم ثم رجعت البيت
فحدثت بت الشيخ فإذا هي تتململ و قالت يا ليتني كنت هناك
ثم قالت لي أيعقل أن 10 كيلو سكر بي 60 جنيه!!!!
صابون البدرة العبوة الصغيرة بي 3 جنيه!!!
يا ناس الحياة في مجملها زادت ضيق في ضيق
و الناس تتململ
و لكنها غير منظمة و منتظمة
شوية إجتهاد و تنظيم سيكون الوضع مختلف
من الذي سيقوم بالدور؟؟؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote:
يا ناس الحياة في مجملها زادت ضيق في ضيق
و الناس تتململ
و لكنها غير منظمة و منتظمة
شوية إجتهاد و تنظيم سيكون الوضع مختلف
من الذي سيقوم بالدور؟؟؟؟؟؟؟ |
\
مشكور يا جلا بدءا على التغطية المتميزة ...
الاجابة على سؤالك قد تكون هى الحل الوحيد لمعضلات البلد ..
ولكن فى هذا الوقت مثل هذا التساؤل لا يجدى ، بسبب عدم وجود اجابة محددة عليه ...
النظام العقائدى القائم نجح بدهائه وخبثه فى تلويث كافة اطياف السياسة ...
ولطخت معها كل القوى التقليدية وغيرها من أقصى اليمين الى اقصى اليسار ...
ولكنى أعنى بهذا التلوث فقط قادة ونخب تلك القوى ...
الأمل الآن فى شباب وقواعد تلك القوى اضافة الى القوى المهنية والطلابية
هؤلاء هم وقود المعركة الحالية والمستقبيلية ...
تخيلوا منصب نائب الرئيس او مساعد الرئيس به أكثر من 10 اسماء بمخصصاتهم
تم فيها ترضية كافة المعارضين ورموز الاحزاب والمنسلخين عن الاحزاب وقوى دارفور المتصارعة وقوى الشرق و ... هلم جرا
اما منصب مستشار الرئيس فحدث ولا حرج .. تعدى العشرين من سياداتهم .. وفيها تمت ترضية كل من فقد منصبه الوزارى من أهل الحكم
وكذلك التابعين وأولى المنفعة والمنافقة والدهنسه ...
أضف الى ذلك الوزراء الاتحاديين ووزراء الدولة وولاة الاقاليم ووزراءهم و...و .....
هذا الصرف الحكومى الباذخ ... ما هى نسبته فى التسبب فى التضخم الحاصل ؟؟
وما هو حجم تأثيره على اجمالى الدخل القومى المنهار باضاعة ووأد المشاريع الاساسية التى كانت تقيم أود البلد ؟؟
يا ترى ما هى المعالجات التى ستتفتق عنها أذهانهم المريضة والتى وعدوا باجراءها لمجابهة هذا الوضع المزرى ؟؟
وكيف يستطيع الانسان ايجاد معالجات لأدواء لا يملك أى من معيناتها ؟؟؟
فاقد الشىء لا يعطيه ... فاقد الشىء لا يعطيه ...
والسكوت على هذا الظلم يدخل فى دائرة الحرام ( خلونا كلنا بقينا بتاعين فتاوى ..! )
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
هنا يجلس ويقرأ كتبه
دمعت عينا زوجته حين شرحت لها «نحن بنحب الفيتوري» وقالت لي حرقيا: انتم شعب من العظماء... أشكرهم نيابة عني واحد واحدا
يا أستاذة «رجات» إن لزوجك دينا في أعناقنا.. هذا الرجل منحنا الكثير
أرسلت له الحكومة المغربية عميدا من جهاز الهجرة لتقول له: أنت هنا معززا مكرما
عجزت حكومتنا الرشيدة حتى في إرسال جواز سفر لشاعرنا الكبير لنكمل له إجراءات إقامته..
أبلغوني أن أقول لكم: عاجزون عن شُكركم ولم تعد الكلمات تعني شيئا أمام هذا الحب الكبير
عاجز عن شكر كل الذين شاركوا وساهموا معي في حملة علاج شاعرنا العظيم
وأتمنى أن تكون الحملة الثانية تدعيما للحملة الأولى
وكله في ميزان حسناتكم
مادي يدي ليكم من أجل شاعر كبير منحنا المزيد من الجمال
وعارفكم ما بتخذلوني
دعونا نسند زوجته «رجات»
شكرا لتلك المرأة الصامدة
شكرا لك ولما تفعلينه من أجل شاعرنا الكبير
[email protected]
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صباح الخير ،،، يا و جوه الخير
أصبحنا وأصبح الملك لله وحده،
يا الله
يا فارج الهمّ ...... و يا كاشف الغمّ
أسألك بعزّتك و جلالتك أن تفرّج على الشعب السوداني
وأن تزيل عنه الضيم والذل
لا إله إلاّ أنت سبحانك ... إني كنت من الظالمين
===========================
يا سلام عليك يا ود جبرين يا إنسان
ألف تحية وتقدير لشاعرنا الكبير
وهذا قليل من عربون المحبة
الصادقة ،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
أصبحنا وأصبح الملك لله رب العالمين
ربنا آتنا في الدنيا حسنة وفي الآخرة حسنة
وقنا عذاب النار وأدخلنا الجنة مع الأبرار
يا عزيز ياغفار يارب العالمين
أمنية اليوم
أتمنى في الذين ينهبون مال الشعب
أن يجمع المال سارقوهو
وأن يأكل ويستفيد من المال مستحقوهو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
أصبح الصبح ولا السجن ولا السجن والسجان باقي
صباح الخير يا وجوه الخير
تحية الصباح نهديها لأخوانا وأخواتنا
الذين تم إعتقالهم خلال التظاهرات الحالية
ربنا يفك أسرهم
دارت هذه الأيام عبارة لم تسخدم في موقعها الصحيح
وهي عبارة - شذاذ الآفاق - وهذه العبارة قرأتها سابقاً
في المنبر العام
وتم تعريفها من قبل آل الشادي بالفيس بوك
هل تعرف ما معني :
شذاذ الآفاق ؟؟؟؟
.
.
.
هم الغرباء الذين لا وطن لهم
وعرفهم آخرين :
لا وطن لهم .. لا رؤي .. لا احلام ..!!!!
هل أنتم من شذاذ الآفاق ؟!
دعاء اليوم
الهم لا تمحنا و لا تبلينا؟؟؟؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صبحكم الله بالخير
Quote: افاقد بشدة اخي الرشيد الشهير برشا والمعروف برشيد القوم ...
اين هو ياتري ... هل صار
من شذاذ الآفاق .... |
ياخي شذيت...
تسلم يا ياسر على السؤال...
مزنوق حبتين...
و لا أقول ليك أربعة حبات...
مشغول في الشغل...
مشغول مع امتحانات الأولاد و بحاول أرد على اتهامات ست بيتي...
باني ما قاعد أساعدها في الحته دي...
مشغول مع اليورو..
و مشغول مع أخبار الثورة السودانية...
الأخبار الطازة بتجيني من أبو الزوز...
مع بعض الأخبار التي تأتي من هنا و هناك...
ان لم تفعل ثورة اللساتك و شذاذ الآفاق كما يسمونها شيئا...
فانها قد كسرت حاجز الخوف...
حضرت برنامج المحطة الوسطى بقناة الشروق مساء البارحة...
استضيف فيه د. علي السيد القيادي بالحزب الإتحادي الديمقراطي....
و محمد الحسن الأمين من المؤتمر الوطني...
رغم ان الحزبين شركاء في الحكومة الحالية...
الا أن د. علي هاجم الحكومة بقوة أظنه استمدها من هذه الثورة...
و أصبح الناس يعبرون عن سخطهم و غضبهم علانية رغم القمع....
ليتني كنت شاذ الأفق ..فأنا لا أفق لي...
مثلي مثل كل السودانيين...
لا نعرف ماذا نريد وماذا يخبيء لنا المستقبل...
الآن فقط أصبح لهم أفق..انهم يريدون تغيير واقع الحال...
بدلا من حالة الضياع التي عشنا فيها سنين عددا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
مبروك علينا وعليكم
الثورة
وانشاءالله
ثورة حتى النصر
تحطم القصر
يا جبريل اتابع
حملة الفيتوري
باعجاب وفخر
فواحد مننا من ناس الزقازيق
يبتدر حملة
الوقوف مع
احد المساهمين
في تكوينناالاستاذ محمد مفتاح الفيتوري
لك التحية واكيد
حنساهم معاك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
صباح الخير يا شذاذ الآفاق
أصبحنا وأصبح كل شذاذ أفقياً بخير
دعاء اليوم :
اللهم أهدنا ونور الطريق لكل مواطن غلبان
وأنصر بلدنا السودان
محجوب شريف
______________
لا إنتو جند الله
ولا جند الوطن
بل إنتو حقاً جندهم
وبعض من ما عندهم
سندة قفاهم وغمدهم
لكنهم هم
ما ح تسكن حيّهم
ولا ح تاكل زيهم
ولا ح تلبس إنت زي
زي زيهم
واذا عطشت،
بعيد بعيد،
ما تقترب من ريهم
هل شفتهم
ملأوا الشوارع
في الصباح،
عند الظهيرة مغبرين
طالعين من الوردية
والليل انتصف؟
باين على وجوهم تعب؟
وزمن صعب؟
القفة
والدكان
ودخان الفرن
ومرتبات حال الثبات
لا تحل وظيفة ولا نبات
هل شفتهم بين كر وفر
والدنيا حر
بين صف وصف
واحد وقف
هل شفت يوما هؤلاء؟
هل تذكرهم؟
زاروكا يوم أو زرتهم
بس إلاّ في شارع ظلط
ومظللاتهم مسرعة
كلا ولن ولا بالغلط
ما شفتهم
على إيه إذن
لي مين إذن
وانت بتشوف
غرقانة كم
في الدم
مفاتيح الخزن
هم دربوك على الأذى
تقتل تدوس
تحرق
ولا يهمك
كذا ولا كذا ولا كذا
كم فر طاغية من بلد
ما خلا غير ###### الحراسة
يئن وحيداً في القفص
متلك مصيرو
العزلة والخوف والجزع
إن متَ حتى ولا عزا
حكّم ضميرك يا ولد
أمشي استحمى واعتذر
واغسل يديك
من كل ما يخليك
أمام روحك قذر
ألبس عراريق الحياة اليوماتي
واقدل في الدرب
لا يدسو منك لو غشيت
ولا إنت أقرب زول إليك
منك حذر
أو فانتظر
أو فانتظر
أو فانتظر!
| |
|
|
|
|
|
|
| |
محمد صديق
منصور عبد الرازق
عمر نملة
الرشيد بابكر
طارق جبريل
عبد الدائم سيد أحمد
ميسرة سيد أحمد
أحمد إسماعيل
جلال عثمان
موسي عيسي
ياسر نجيلة
محمد عيد
محمد آدم النور
سناء الصباغ
فيس بوك
تويتر
انستقرام
يوتيوب
بنتيريست