منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 18-12-2017, 05:23 AM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ناس الزقازيق ... أجدع ناس (4) ..

01-08-2011, 07:58 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عفاف علي ميرغني)

    صباح الخير ،،، ياوجوه الخير

    بعد طلة رمضان وطلة منصور



    قَالَ رَسُولَ اللَّهِ صَلَّى اللَّهُ عَلَيْهِ وَسَلَّمَ :

    إِذَا جَاءَ رَمَضَانُ

    " فُتِّحَتْ أَبْوَابُ الْجَنَّةِ "

    وَ

    " غُلِّقَتْ أَبْوَابُ النَّارِ "

    وَ

    " وصُفّدت الشَّيَاطِينُ "

    متفق عليه



    يصُفّد الله الشياطين ليضعف سلطانها على بني آدم

    و يفتح لك يابن آدم أبواب الجنة

    و يغلق أبواب النار

    لــمـاذا ؟؟؟

    لأن الله يريد أن يغفر لك

    يريد أن يصلح قلبك

    يريدك أن تتقرب منه => فيعطيك + يكرمك + يرضيك => في الدنيا + في الآخرة

                   |Articles |News |مقالات |بيانات

01-08-2011, 11:57 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    الحب كلو ليكم يا حلوين
    صباحاتكم سعيدة , ورمضانكم كريم
    وصومكم مقبول باذن الله
                   |Articles |News |مقالات |بيانات

01-08-2011, 12:39 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    فى جوانا وداخل معظمنا
    معادلات حياتية محتاجة تتوزن
    او كمان عاوزة (تتدوزن) مع وقع الأيقاعات وحسيس اوتار الدنيا الجديدة
    البقى الدنيا (جديدة ) شنو ؟؟؟؟
    انا لى فى السعودية سنوات تعدت العشرين
    بتذكر لغاية هسى , انى جيت بى خطة قوامها , شغل سنتين , ثم الولوج الى عوالم حياتية مختلفة
    اتخيلو جينا السعودية او الخليج (ككل) بالفكرة دى
    يا لها من فكرة (عبيطة )
    لمن احاول القى اصول موضوعية لحلمى (المستطيل ) بزيارة تسكعية لى موانىء الدنيا الجديدة
    تبرز عندى هذه الخاطرة (############ة )
    رفعت نور الدين محمد عابدين , صديقى واخى الزقازيقى , الذى اقتسم معنا ميز شقة الزقازيق
    كانت فكرته اكثر وضوحا منذ ذلك الزمن (البعيد ) يا الرشيد بابكر
    كان يعرف انه ينتظر ورقة البكالريوس , وينتظر معها ما هو اهم , ورقة تسمح له بالولوج للدنيا الجديدة من مطار (اوسلو )
    حاتم جبارة , يبدو انه كان مسكونا بنفس النوايا (العدوانية ) هذه
    وعمر محمد احمد عباس , الشهير بعمر نملة , مضى فى ذات الطريق
    وكثيرون غيرهم
    المشكلة الكبيرة اننا نبدأ حياتنا الفعلية متاخرين جدا
    بمعنى اننا (فى معظمنا ) نوهم انفسنا اننا نحيا (حياتين )
    حياة اولى نعتمد فيها على غيرنا اعتمادا كاملا حتى سن الخامسة والعشرين
    ثم نلقى بها فى سلة المهملات
    ونبدا رحلة البحث عن حياة جديدة , بعد ذلك
    فتكون كل النتائج وخيمة وحارقة
    الناجحون فيها (فاشلون )
    لأننا نرفض تصديق فكرة اننا (مهاجرون يحاولون ان يسلكوا سلوك المغتربين )
    فلا صاروا مهاجرين , ولا جنوا ثمار الأغتراب
    اما علاقتنا مع مساقط الرأس وقطع الأراضى وحفنات التراب التى كانت (وطنا )
    فهى علاقة مرتبكة , خالية ومنزوعة الدسم , اشبه ما تكون بعلاقات الشعراء مع اراضيهم (اليباب)
    ونحن عارفين انوعثمان مصطفى قال شنو
    ما بتنشتل , الزهرة , فى الأرض اليباب , ما بتنشتل
    هذا اذا ما وجدنا من يؤيدنا فى وصفنا لأنفسنا , باننا (زهرة )
    هذا مع الأشارة الواجبة الى ان حياتنا فى (منافينا ) الخليجية الرطبة والحارة
    حياة بلا لون , وبلا طعم , وبلا رائحة
    فانت فيها مجرد اجنبى يربى عياله
    كل هدفه ان يعيد معهم سيناريو الأخطاء التى ادمن على ارتكابها
    فيبداون او يحاولون ان يبدأوون , حياة جديدة بعد سن الخامسة والعشرين
    وبظروف اكثر تعقيدا من ظروف والديهم
    فهم حتى وان افلح بعضهم فى تحسين اوضاعه المالية
    الا انهم زادوا تفاصيل احوالهم النفسية , تعقيدا على تعقيد
    شجيرات جديدة , ترنو الى السماء اكثر , بتطلعات اكبر , وطموح اشد , ورغبات اكثر جموحا
    ولكن بارجل وجذور معلقة , تأخذ ماء الحياة واكسير الطبيعة , من رضاعات اصطناعية
    فلا جذورها ثبتت فى الأرض , ولا اوراقها استطاعت ان تمتص اسباب الحياة الطبيعية
    يمين (طوطحناهم ليكم جنس طوطيح ) !!!!!!
                   |Articles |News |مقالات |بيانات

01-08-2011, 12:56 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    الملخص
    اننا هربنا من وطن (فشلنا ) فى ان نكونه كما نريد
    الى منافى فشلت فى ان تحتوينا
    فشلت شنو يا زول
    بل انها رفضت ان تحتوينا
    محتاج اسمع من آخرين تجربتهم مع اوطانهم الجديدة , التى فتحت لهم الأذرع والأحضان
    وهذا زاد من اوار شوقى لزيارة تلكم البقاع ,
    ولكنها عصية على الزائرين
    عموما تجربة الأغتراب عندنا يجب اعادة تقييمها
    اما تجربة الهجرة , فانا محتاج اسمع تقييم المهاجرين لى تجربتهم
    وان كنت رأيت شيئا من علامات ذلك التقييم فى رحلتى الأخيرة
                   |Articles |News |مقالات |بيانات

01-08-2011, 01:13 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    فى صيف العام 2010
    فى اواخر شهر مايو منه
    فردت امامى خريطة كبيرة لقارة اوروبا
    كيف الدخول الى هذا العالم
    صديقى قاسم محمدصالح حسن
    المهاجر السودانى الحامل للجنسية البريطانية
    كنت قد زرته فى مدينة الضباب لندن مرتين قبل ذلك
    مرة صاحبة صديقنا المشترك عبد الله محمد عبد الله المحامى
    ومرة صحبة ابنى الكبير احمد منصور
    فى المرة الأولى حصلت على التأشيرة من السفارة البيريطانية فى الخرطوم
    بموجب خطاب دعوة من قاسم
    حفيفة الأمر , الحصول على التاشيرة من الخرطوم تم دون تعقيدات تذكر , وبعد استيفاء المستندات المطلوبة
    ولكن الأمر كان اكثر تعقيدا فى المرة الثانية , التى حصلت فيها على التاشيرة من السفارة البريطانية فى الرياض
    مع اننى ابرزت كافة المستندات المطلوبة ,تماما كما فعلت فى المرة الأولى
    فهمت بعدها ان اصطحابى لأبنى احمد هو ما فرض تعقيدا جديدا على منحى التاشيرة
    فقد ظهر الأمر وكأننى زرت لندن فى المرة الأخرى , تمهيدا وترتيبا لنقل ابنى احمد لها
    كنت محظوظا لأن (القنصلة ) الأنجليزية لم تكتفى بظنونها لرفض اعطائى تأشيرة
    مع انها كانت يمكن ان تفعل ذلك
    ولكنها تعاملت مع رغبات الداعى (صديقى قاسم ) باعتباره مواطنا انجليزيا يجب استشارته فى الأمر
    علمت من قاسم انها اتصلت به تلفونيا اكثر من مرة لمناقشة الأمر
    وبعد ان حصلت على التطمينات الشفوية المطلوبة
    استدعتنى انا واحمد , وناقشت مع الأمر مجددا من كل الجوانب , وبشفافية شديدة
    ثم سلمتنى التاشيرة على الجوازين , وطلبت منى ان ازورها صحبة احمد ,حال عودتى للرياض
    بت اللذينا عاوزة تتطمن على عودتنا , وعلى انها اتخذت القرار الصحيح
    نموذج اعجبنى لتعامل شفاف ومرن , مع حالة اسهل حاجة فيها تقول لا وتكون فى السيف سايد
    سلمت علينا بابتسامة رضا , لما زرناها تانى يوم من عودتنا من الأجازة
    وكانت هذه خطوة اولى من خطوات دخول العالم الجديد
                   |Articles |News |مقالات |بيانات

01-08-2011, 01:37 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    قال لى قاسم , ان اسباب منح التاشيرة لأوربا , ليست ضرورة مرتبطة بخطاب دعوة من مواطنى احد دولها
    خاصة لغرض السياحة , بعد استيفاء المستندات المطلوبة
    واقترح لى اسبانيا , باعتبار انها تصلح لأن تكون جزءا من رحلة جميلة , تبدأ من المغرب عبر مضيق جبل طارق
    نط لى ساعتها طارق جبريل , يا لها من فكرة اجازة جميلة
    ولكن نظرة اخرى الى الخريطة , وضحت لى , كم هى بعيدة اسبانيا من باقى الدول الأوربية
    فتاشيرة اسبانيا تتيح لك زيارة كل الدول الأوربية الأخرى عدا انجلترا
    ولكنى اصطدمت بالبعد الجغرافى
    وفجأة ظهر لى عمر نملة فى منتصف الخريطة , فى بروكسل البلجيكية
    يا له من موقع متوسط وجميل
    تلفون بعده لى نملوز , شهانى فى الرحلة وزاد من رغبتى فيها
    استفاض عمر نملة حماسا وهو يشرح لى مزايا بلجيكا , تحديدا مدينة اووستند الساحلية التى يقيم ويعمل فيها
    لم اطلب من عمر اى خطاب دعوة , باعتبار اننى وبعد زيارتى لموقع السفارة , عرفت ان خطاب الدعوة ليس شرطا اجباريا
    ولكن احضاره يعزز الفرصة طبعا
    عندى صديق يعمل فى وكالة سفر وسياحة , قال لى اضرب لى فلان الفلانى يفتيك فى الموضوع
    فلان الفلانى ده , بسط لى الأمور جنس تبسيط
    وقال لى انه يوميا ينجز عشرات تاشيرات الدخول لمختلف الدول الأوربية
    وعندما عدد لى المستندات المطلوبة , وجدنا انها كلها فى المتناول , وليس من بينها خطاب الدعوة
    من المستندات المطلوبة , حجوزات مؤكدة فى فنادق لمدة الزيارة
    الراجل قال لى جيب باقى المستندات , وانا بجهزليك تذاكر الطيران وحجوزات الفنادق
    ونتقابل يوم الأحد قدام السفارة
    وبالفعل , تقابلنا , انا بمستنداتى وهو بما وعد , وتم قبول اوراقنا وطلبوا منا المراجعة بعد اربعتاشر يوم
    بعد اكثر من شهر من المراجعات دون طائل , اصبح وجهى مالوفا فى السفارة
    وتعرفت على الموظف المسئول عن التاشيرات
    قال لى للأسف ان طلبك رفض
    لى شنو يا حبيب , قال والله ما عارف , لكنه وعدنى بالأطلاع على ملفى وطلب منى ان اتصل به لاحقا
    اخونا بتاع وكالة السفر , جايب لى حجز فى فندق (شيراتون بروكسل ) طوال مدة الزيارة
    خمسة وعشرون يوما بتكلفة حوالى ستاشر الف يورو
    وهذا غير منطقى مقارنة مع مستنداتى الأخرى التى من بينها شهادة توضح مصادر دخلى
    كيف لموظف محدود الدخل مثلى ان ينفق ستاشر الف يورو اجرة فندق فى اجازته السنوية !!!!!
    لم يسعنى الا ان اشكر الموظف , ######رت من نفسى سخرية شديدة
    وتذكرت القنصلة الأنجليزية التى تعاملت مع طلب تأشيرتى مع احمد ذلك التعامل الشفاف المتفهم
    اما انا وقد قدمت مستندات غير منطقية , فقد استحقيت ان يرفض طلبى للزيارة السياحية مع اسرتى
    كان درسا لا ينسى , جعلنى انتظر مايو 2011 بفارغ الصبر
    ولكن فوائد ذلك الدرس لم تنتهى عند ذلك
    فقد غيرت تذاكرى ووجهتى الى ماليزيا كوالالامبور
    فى تلك الرحلة (التى قديتكم بها )
                   |Articles |News |مقالات |بيانات

01-08-2011, 02:23 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    معاك يا منص
    خصوصا انه نحن الفلاتة حققنا ديل حا يصوموا لي بكرة (الثلاثاء)
    وبعداك بجيك لي تجربتي أنا الخاصة هنا لو بتنفع
                   |Articles |News |مقالات |بيانات

01-08-2011, 07:24 PM

Hatim Gubara
<aHatim Gubara
تاريخ التسجيل: 14-11-2006
مجموع المشاركات: 704

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    كلمه تجربه دي ذكرتني معمل الكيمياء..
    يمين لو قديتكم بتجربتي الأمريكيمائيه إلا تقوموا جاريين..
    والجكه في رمضان ما كويسه.. بتسوي العطش..

    رمضان كريم ياحلوين..
                   |Articles |News |مقالات |بيانات

01-08-2011, 08:08 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: Hatim Gubara)

    يلا ... اول شئ وترتيبا للامور ...
    خلوا منصور ينتهي ونعلق ونناقش حكيوا
    وبعد داك نجي لي جبرييلا ثم حاتم
    ياخ والله هنالك الكثير من الامور التى يمكن ان تثار ونخرج بتجارب ومواقف عظيمة
    مرات كثيرة بتكون هنالك كثير من الامور الواحد عاوز يسألكم منها
    ولكن يحجم خوفا من الشتارة .....
    لابد ان نستفيد من تجارب بعضنا والا لا فائدة من لمتنا هنا او هناك او فيسبكيا .... شفتو كيف
    رمضان كريم عليكم ياحلوين وتقبل الله منكم ومنا الطاعات
                   |Articles |News |مقالات |بيانات

02-08-2011, 08:21 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: جلال عثمان)

    صباح الخير ،،، يا وجوه الخير

    دعاء رمضان :-

    اللهم-
    أغفر لحينا وميتنا
    شاهدنا وغائبنا
    صغيرنا وكبيرنا
    ذكرنا وأنثانا

    ===========================

    تفاعلنا مع تجارب منصور المتعددة

    قبل الدخول إلى تلك البلاد،،،

    أحكي يا منصور وزيدنا في تجربتك قبل

    الولوج في ذلك العالم البعيد عنا،،،،،
                   |Articles |News |مقالات |بيانات

02-08-2011, 10:03 AM

كمال الشادي
<aكمال الشادي
تاريخ التسجيل: 15-10-2002
مجموع المشاركات: 1587

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    Quote: عودة كمال الشادى للغناء
    وانتاجه الذى اتحف صندوق رسالاتى
    وهجرته الى الدمام (متحينا فرص الغناء )
    صحبة جلال عثمان
    اسعدتنى ايما سعادة
    وغناؤه فى حضرة صاحب الوعد الضنين
    غناء الصفوة امام الصفوة
    هى مجرد بداية لأعادة الأشياء الى اصلها
    وهى هجرة الغناء الى الغناء
    وعودة القمرة , لى وطن القمارى


    تسلم يا منصور يا رائع
    انا متابع حكاياتك ومستمتع
                   |Articles |News |مقالات |بيانات

02-08-2011, 10:52 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: كمال الشادي)

    عشان خاطر ابو الزوز

    Quote: سودان كان يجب أن يتشكل من أم درمان "سرور وزنقار"

    كثيرون يعتقدون أننا كل ما عدنا إلى الوراء، سنجد بلداً أفضل من "السودان" الحالي. هذه الفكرة يجب التعامل معها بحذر شديد، وأظن مرد الأمر إلى أن بلادنا تواجه مخاطر ومصاعب لا سابقة لها. إلى حد أننا لم نعد نعرف ما هي الخريطة النهائية لهذا الوطن الذي نحب.

    ويجب أن نقول أيضاً للحاكمين، وعلى الرغم من كل الضجيج الذي نسمعه، إن بلادنا لم تشهد سوى القليل من التحسن الاجتماعي والتوجه نحو الديمقراطية، والتعددية السياسية الحقيقية ودولة المؤسسات. والآن لا يتذكر الناس وقتاً كان فيه "السودان" يواجه في الوقت نفسه مثل هذه المجموعة من المشاكل المستعصية.

    )على الرغم من ذلك، لا أعتقد أن الأجيال الحالية سيهمها أن تسمع أن "السودان كان بلداً والخرطوم كانت عاصمة". هذه الأجيال تريد أن تعرف ما هو البلد الذي تعيش فيه وكيف سيكون حاله ومآله. ماذا يهم شاب الآن عمره في حدود 22 سنة، أن نحدثه عن "الديمقراطية الأولى والثانية والثالثة والقيادات الوطنية"؟. هذا الشاب منذ أن ولد، وجد أمامه نفس الوجوه بنفس السياسات. هو يريد الحاضر والمستقبل، وليس الماضي.
    لكن، وحتى أطرق موضوعي لهذا اليوم، سأقول إن أجمل ما في الماضي هو "الوجدان السوداني" هذا تحديداً هو الماضي الذي يجب أن تدركه أجيال الحاضر. "وجدان" أطلقت عليها من قبل "روح أم درمان".
    هنا تقفز من جديد رؤى الصديق الأعز، الطيب صالح. وهي رؤى جذابة تشد كل من يتأملها وتثير الإعجاب، وإذ أحس أحد من خلال ما أكتب بهذا الأمر، سأقول إن هذا الإحساس صحيح ولست أداريه ولا أحاول وإنما أقول به دائماً لكي أريح نفسي وأريح الآخرين، لذلك آمل أن أجد تفهمكم عندما أعود إلى تلك الرؤى.
    لا أزعم معرفة بأم درمان، لكن نحن نعرف يقيناً بأنها المدينة التي هاجر إليها كل السودان، في ظروف متباينة ولأسباب مختلفة، وانصهروا فيها ليشكلوا نسيجاً اجتماعياً متجانساً.
    كان الطيب صالح، الذي شاءت الظروف أن تكون رقدته الأبدية تحت ثراها، يعتقد أن "أم درمان" لو كان لها أن تتطور تطوراً طبيعياً، لأصبحت نموذجاً لجميع مدن السودان. وهو يقول في هذا الصدد، وهنا أنقل ما سمعته منه حرفياً " كانت أم درمان هي المدينة التي ترنو إليها باقي بلاد السودان، مدينة تحمل طابع القرية، وكان كل واحد منا يجد أن لديه أقارباً أو أهلاً في أم درمان، لأن قبائل كثيرة نزحت إليها واستقرت فيها، كانت مكاناً كما يقول الانجليز "ميكروكوزم" أي صورة مصغرة للقطر، لقد بدأت أم درمان تتكون بكيفية طبيعية، لكننا كسرناها لسوء الحظ... بنيت الخرطوم على النمط الأوروبي، لكن أم درمان نمت نمواً طبيعياً، ويا ليتهم كانوا قد حافظوا عليها وشيدوا مدناً أخرى على غرارها".
    شكل هذا الرأي الذي سمعته من الطيب صالح قبل سنوات طويلة، حافزاً لأتعرف على المدينة وناسها، لكن بسبب ظروف النزوح الذي طال في بلدان الآخرين وفي شتى أصقاع الأرض، وجدت أن الوسيلة المتاحة للتعرف على "روح" هذه المدينة ربما يكون عبر الإنصات إلى من يتحدرون منها والتأمل في ما يقولون، وطرائقهم في التفكير، والأهم نظرتهم إلى الحياة. خاصة إذا كانوا من نخبتها. ومن حسن الحظ أنني وجدت أن هناك وسيلة أخرى في المتناول، وهي الغوص في تفاصيل الأغنية السودانية، وتحديداً تلك التي نطلق عليها "أغاني الحقيبة"، وهي في واقع الأمر تمثل التراث الغنائي السوداني في أبهى تجلياته. وفي هذا المجال هناك إبداعات شعراء هذه الأغنية وفنانيها، ولعل أبرزهم "محمد أحمد سرور". إذ إن ما كتبه أولئك الشعراء، لم تكن مجرد حكايات عاطفية، بل كانت في عمقها توصيفاً دقيقاً لصور اجتماعية غنية. في بعض قصائد أولئك الشعراء، نجد أحياناً تفاصيل ملفتة لأحياء "أم درمان" وعادات ناسها وحتى الحراك داخل مجتمعاتها. من هذه الزاوية، سنجد أن تلك الأغاني وتأثيراتها الممتدة إلى يوم الناس هذا، هي بالضبط التي شكلت ما يمكن أن نطلق عليه "الوجدان السوداني"، إنها "روح أم درمان" المتعايشة والمتساكنة والمنفتحة.
    بعض الناس في كل الأحيان، يربطون ربطاً تعسفياً بين الحياة الخاصة للفنانين ومساهماتهم الفنية. وهو أمر لا يمكن أن تجده إلا في السودان.
    وهذا المنحى ألقى بظلال كثيفة، على هذا "الوجدان". ويكون الاهتمام بالحياة الخاصة لهؤلاء الفنانين عبر توصيفات لا تخلو من اختزال بئيس. إذ ماذا يعنينا مثلاً، أن يقال إن "محمد أحمد سرور" كان سائقاً لشاحنة. وهي إشارة بليدة تهدف إلى الحط من قيمة الرجل، أو أن "زنقار" كان مثلي الجنس. وهو اختزال يماثل تماماً، القول إن هذا الفنان أو ذاك، أدى أغنية تمجد هذا النظام أو ذاك. هذا يماثل القول إن الشاعر المتنبي، مدح جميع الحكام الذين التقى بهم، بما في ذلك كافور الأخشيدي، الذي عاد فهجاه هجاءً مٌراً. المتنبي لا يحاسب بهذا الأسلوب، بل نحاكمه طبقاً لمقاييس النقد العلمية، حول موضوعه الأساسي، أي الشعر. هل قال المتنبي شعراً، أم لم يقله؟ هذا هو السؤال. وفي اعتقادي أن المتنبي لم يمدح أحداً، لأنه مدح الكثيرين لكنه في كثير مدحه كان يمدح نفسه، وفي جميع الأحوال ترك لنا شعراً جميلاً وهذا هو لب المسألة.
    على ضوء ذلك أقول إن الأغنية السودانية، في جميع مراحلها، هي التي تشكل "الوجدان السوداني" وعبرت عنه تعبيراً دقيقاً. لكن حتى نتوخى الموضوعية، فإن هناك أسماء وازنة في هذا المجال، وكل ما عدنا إلى الوراء، سنجد أن العطاء كان رائعاً، وبالتالي تصبح "الأغنية السودانية" هي ربما الظاهرة الوحيدة في حياتنا العامة، التي كل ما عدنا إلى الوراء، سندرك أنها كانت فعلاً تجسيداً لوجدان ناس هذا الوطن بل ذاكرته. وبالتالي هي الاستثناء في مسألة الاحتفاء بالماضي.
    ولعل من مفارقات حالنا وأحوالنا، أن نجد وفي هذا الوقت، أن الذين يحتفون أكثر من غيرهم "بالأغنية السودانية" هم شعوب أخرى، وكم كانت سعادتي بالغة وأنا استمع في أحد فنادق "ياوندي" عاصمة الكاميرون، إلى مغنٍ كاميروني، وهو يردد أغنية سودانية من أغاني التراث. وكان ذلك عام 2000. لذلك لم أستغرب كثيراً وأنا أستمع إلى الفنان الأثيوبي الشاب أبراهام آسيف، وهو بعد في العشرينيات. يترنم بقصيدة إدريس جماع "أعلى الجمال تغار منا".
    هذا هو السودان المدهش، الذي نريده ونبحث عنه. البلد الذي يتمثل دوماً "روح أم درمان".

    طلحة جبريل
                   |Articles |News |مقالات |بيانات

02-08-2011, 10:52 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: كمال الشادي)

    واشمعنى انا بس الأقدكم قدر ده ياحاتم
    ياخى مشتاقين ليك ورمضانك كريم
    ومافى اى داعى تنتظر يا طارق عشان تعمل لينا هايلايتس على تجربتك
    انا احكى , وحا استمر فى الحكى
    واى اضافات منكم (يا جلال )
    هى عندى زى خرتوش الموية المفتوح فى البحر
    يزيد وما بنقص
    شيلوا معاى وانا بحكى , فانتم تزيدون الحكى (طعما )
                   |Articles |News |مقالات |بيانات

02-08-2011, 11:22 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    تفكيرى تحول الى الجدية المطلقة فى انجاز فكرة زيارة اوروبا
    منذ اللحظة التى فاتحنى فيها موظف تأشيرات سفارة بلجيكا فى الرياض
    بتحليله للسبب الذى ادى لرفض طلبى الأول سنة الفين وعشرة
    قلت ليهو لو انا كنت محل البنى آدم الأتخذ قرار الرفض ده
    لكان قرارى كقراره , ما ممكن ياخ واح يسوق اسرته عاوز يزور اوربا
    ويجيب حجز فى فندق , بقيمة اجمالية تساوى مرتب اكثر من سنة
    العقلية الخلت بتاع الوكالة ما يلاحظ النقطة دى
    والعقلية الخلتنى انا زااااتى , اسلم رقبتى ليهو واتعامل مع المستندات على انها مجرد ورق
    لا فيهو حياة ولا فيهو منطق ولا فيهو مجرد فكرة عن امكانية تحليل المعلومات الفيها
    هى عقلية ناتجة عن تجربتنا الحياتية فى بقع من بقاع العالم , تحط من قدر المعلومة , ولا تعطى للمنطق والتحليل اى قيمة
    لمن يقولوا لينا عاوزين شهادة ميلاد , فكل شهادات ميلادنا تثبت اننا من مواليد الفاتح من يناير
    الميدكال ريبورت , اسهل شىء عندنا ويكاد يباع فى ريسبشنات المستشفيات الخاصة
    كل عيوننا فى جوازاتنا لونها عسلى , واطوالنا جميعا خمسة اقدام وستة بوصات !!!!
    هذا المنطق جعل موظف وكالة السفر , يجيب حجز فندق دون اى فكرة عن تكلفته
    وهذه الرؤية جعلتنى اتناول منه الورقة (المستند ) على باب السفارة واضمها الى الملف ,دون ان اقرأها حتى
    حقيقى شعرت بخجل شديد , وانا استمع الى تحليل موظف السفارة البلجيكية
    انا عندى رغبة حقيقية فى زيارة اوروبا , ولكنى تعاملت مع الرغبة على فرضية ان يتم انجازها بفرضية الأوراق والمستندات
    لقد افترضت ان المعنيين , سيقراوون المستندات من عنواوينها الرئيسية , وان التفاصيل لا تهمهم
    نسيت للأسف الشديد , ان القنصلة الأنجليزية عندما ترددت فى منحى تأشيرة مع احمد ولدى , ترددت ايضا فى اتخاذ قرار عدم منحى لها
    لأنها اطلعت على مستنداتى , وفهمتها , وتجاوزت سطورها الى ما بينها
    لو قرات فقط المستندات من سطورها العليا ,لمنحتنا التأشيرة مباشرة
    ولو اكتفت بتحليلاتها القائمة على الشك فقط , لما ترددت فى اتخاذ القرار بعدم منحنا للتأشيرة
    ولكن (طبعنا يغلب تطبعنا ) بالضرورة
    ومن هنا انا مقتنع تمام الأقتناع , ان اى متقدممنا لمثل هذه التاشيرات
    اذا ما تعامل معها بجدية وصدق
    وقدم مستندات بحيثيات حقيقية صادقة
    فان لا مجال مع ناس يملكون مثل هذا النمط من التفكير
    الا رفض مقنع , او قبول مقنع
    وقد بيت انا النية على ان اسلك هذا الطريق

    (عدل بواسطة منصور عبد الرازق on 02-08-2011, 11:55 AM)

                   |Articles |News |مقالات |بيانات

02-08-2011, 11:53 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    اول خطوات ان تنجز ملفا فيه مستندات مقنعة
    هو ان تخطط لأجازة
    وعناصر التخطيط كثيرة , اولها الميزانية
    وثانيها جدول الرحلة وتوقيتها
    عاوز تقعد كم فى اوروبا يا منصور ؟؟؟
    اجابة السؤال ده بتتوقف على الميزانية
    والميزانية عاوزة فكرة عن التكلفة
    التذاكر تكلفتها الشىء الفلانى
    طيب انا حا اقدم لتاشيرة لى بلجيكا
    الشرط الأول هو ان زيارتك لأوربا لابد ان تبدأ بالبلد التى منحتك التاشيرة
    يعنى ما ممكن تأخذ تأشيرة لى بلجيكا , ويبدأ دخولك لى اوربا من امستردام مثلا
    لكن العكس ممكن , تدخل بلجيكا اول , وبعد داك ان شاء ترجع تطلع من اوربا من اى بوابة تانى
    اخترت بلجيكا , عشان اصلا عندى ملف عندهم , وعشان كمان عندى هناك عمر نملة
    عمر نملة , الراجل (الفيل )
    على باليمين ما عنده اى صفة من صفات النمل , الا حجمه الدقيق والصغير
    كما انه رجل (ضخم كفيل ) ولكن بحجم نملة صغيرة
    كما ان نظرة واحدة لخريطة اوروبا , خاصة من واحد زيى عاوز يزور اكبر قدر من بلدانها
    اعطتها سببا قويا ثالثا لتكون محطتى الأولى
    اما كونها محطتى الأخيرة , فهذا تقرره معطيات اخرى
    وهذا المعطيات الأخرى , حصرتنى فى خيار كونها محطة الدخول والخروج لأسباب جوهرية تخص تكلفة التذاكر
    كنت اتمنى ان يكون الخيار اكثر مرونة , حتى اتمكن من زيارة بلدان بعيدة من بلجيكا , مثل اسبانيا والبرتغال
    ولكن اتضح لى ان البدء ببروكسل مثلا والعودة من لشبونة او مدريد , سيؤدى الى مضاعفة سعر التذاكر
    عما اذا كانت رووت الرحلة الرياض بروكسل , ثم بروكسل الرياض
    عجيبة جدا فلسفة تحديد اسعار التذاكر بهذه الآلية
    تصدقوا , حتى زمن الترانزيت , يؤثر سلبا وايجابا على سعر التذكرة
    بعد بحث شديد , انحصرت خياراتى على الخطوط المصرية
    رغبت فى ان انزل فى القاهرة يومين وانا ماشى , ويومين تلاتة وانا جاى
    زادت الأسعار ازاء هذه الرغبة البسيطة
    فاضطررت الى ان اكتفى بيومين وانا راجع , فنقصت الأسعار قريب للعشرين فى المية
    القصة دى عاوزة ليها زول حريف تذاكر
    وبعد ان اطلعت انا بنفسى على دينماكية الأسعار من موقع مصر للطيران الألكترونى
    ربنا سخر لى موظف هدى ورضى فى مكتبهم , كرب لى الشغلة تمام , وجابها لى فى اسعار اعتبرتها انا مدهشة
    فى خيار تانى كان حا يدينى خصم اضافى عشرة فى المية , لكن مخاطرته كانت عالية شديد
    وهو ان تقطع تذاكرك فى درجة وكلاس اقل , لكنه مشروط بى انه (نوت ريفندابل ) , يعنى غير قابل للأرجاع والألغاء
    وانا الشرط ده غاية فى الأهمية عندى , لأنه التاشيرة ما مضمونة , وعملية الحوجة للألغاء واسترجاع المدفوع , تبقى عملية محتملة
    طبعا فى خيار انو تعمل تذكرة وهمية بدون قيمة , من نفس زولى القديم بتاع الوكالة , وهى الطريقة التى عملتها فى محاولتى الأولى للحصول على التأشيرة
    وهى بتكلفك مبلغ يقارب المبلغ الذى سيخصم لو قمت بألغاء الحجز واسترجاع قيمة التذاكر
    ولكنى فضلت هذه الطريقة , اولا لأنها تثبت الجدية , وثانيا لأن عملية الحجز غير مضمونة بعدما تحصل على التأشيرة فعليا
    واذا ما علمنا ان حجز الرحلة وتوقيتها سيتلوه حجز للفنادق , فان اى جهجهة فى الحجز , ستعقبها جهجهة شديدة فى جدول الفنادق والرحلة
    اذن , فلنتوكل على الله ونحجز وندفع كمان ونستلم التذاكر
    الرياض القاهرة فجر يوم2 يوليو , القاهرة بروكسل الساعة عشرة ونص
    بروكسل القاهرة عصر يوم 22 يوليو , ثم القاهرة الرياض مساء يوم 24 يوليو
    اصدقكم القول , رجفت جنس رجفى وانا بدفع القروش وبستلم التذاكر !!!!!!
                   |Articles |News |مقالات |بيانات

02-08-2011, 11:53 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    اول خطوات ان تنجز ملفا فيه مستندات مقنعة
    هو ان تخطط لأجازة
    وعناصر التخطيط كثيرة , اولها الميزانية
    وثانيها جدول الرحلة وتوقيتها
    عاوز تقعد كم فى اوروبا يا منصور ؟؟؟
    اجابة السؤال ده بتتوقف على الميزانية
    والميزانية عاوزة فكرة عن التكلفة
    التذاكر تكلفتها الشىء الفلانى
    طيب انا حا اقدم لتاشيرة لى بلجيكا
    الشرط الأول هو ان زيارتك لأوربا لابد ان تبدأ بالبلد التى منحتك التاشيرة
    يعنى ما ممكن تأخذ تأشيرة لى بلجيكا , ويبدأ دخولك لى اوربا من امستردام مثلا
    لكن العكس ممكن , تدخل بلجيكا اول , وبعد داك ان شاء ترجع تطلع من اوربا من اى بوابة تانى
    اخترت بلجيكا , عشان اصلا عندى ملف عندهم , وعشان كمان عندى هناك عمر نملة
    عمر نملة , الراجل (الفيل )
    على باليمين ما عنده اى صفة من صفات النمل , الا حجمه الدقيق والصغير
    كما انه رجل (ضخم كفيل ) ولكن بحجم نملة صغيرة
    كما ان نظرة واحدة لخريطة اوروبا , خاصة من واحد زيى عاوز يزور اكبر قدر من بلدانها
    اعطتها سببا قويا ثالثا لتكون محطتى الأولى
    اما كونها محطتى الأخيرة , فهذا تقرره معطيات اخرى
    وهذا المعطيات الأخرى , حصرتنى فى خيار كونها محطة الدخول والخروج لأسباب جوهرية تخص تكلفة التذاكر
    كنت اتمنى ان يكون الخيار اكثر مرونة , حتى اتمكن من زيارة بلدان بعيدة من بلجيكا , مثل اسبانيا والبرتغال
    ولكن اتضح لى ان البدء ببروكسل مثلا والعودة من لشبونة او مدريد , سيؤدى الى مضاعفة سعر التذاكر
    عما اذا كانت رووت الرحلة الرياض بروكسل , ثم بروكسل الرياض
    عجيبة جدا فلسفة تحديد اسعار التذاكر بهذه الآلية
    تصدقوا , حتى زمن الترانزيت , يؤثر سلبا وايجابا على سعر التذكرة
    بعد بحث شديد , انحصرت خياراتى على الخطوط المصرية
    رغبت فى ان انزل فى القاهرة يومين وانا ماشى , ويومين تلاتة وانا جاى
    زادت الأسعار ازاء هذه الرغبة البسيطة
    فاضطررت الى ان اكتفى بيومين وانا راجع , فنقصت الأسعار قريب للعشرين فى المية
    القصة دى عاوزة ليها زول حريف تذاكر
    وبعد ان اطلعت انا بنفسى على دينماكية الأسعار من موقع مصر للطيران الألكترونى
    ربنا سخر لى موظف هدى ورضى فى مكتبهم , كرب لى الشغلة تمام , وجابها لى فى اسعار اعتبرتها انا مدهشة
    فى خيار تانى كان حا يدينى خصم اضافى عشرة فى المية , لكن مخاطرته كانت عالية شديد
    وهو ان تقطع تذاكرك فى درجة وكلاس اقل , لكنه مشروط بى انه (نوت ريفندابل ) , يعنى غير قابل للأرجاع والألغاء
    وانا الشرط ده غاية فى الأهمية عندى , لأنه التاشيرة ما مضمونة , وعملية الحوجة للألغاء واسترجاع المدفوع , تبقى عملية محتملة
    طبعا فى خيار انو تعمل تذكرة وهمية بدون قيمة , من نفس زولى القديم بتاع الوكالة , وهى الطريقة التى عملتها فى محاولتى الأولى للحصول على التأشيرة
    وهى بتكلفك مبلغ يقارب المبلغ الذى سيخصم لو قمت بألغاء الحجز واسترجاع قيمة التذاكر
    ولكنى فضلت هذه الطريقة , اولا لأنها تثبت الجدية , وثانيا لأن عملية الحجز غير مضمونة بعدما تحصل على التأشيرة فعليا
    واذا ما علمنا ان حجز الرحلة وتوقيتها سيتلوه حجز للفنادق , فان اى جهجهة فى الحجز , ستعقبها جهجهة شديدة فى جدول الفنادق والرحلة
    اذن , فلنتوكل على الله ونحجز وندفع كمان ونستلم التذاكر
    الرياض القاهرة فجر يوم2 يوليو , القاهرة بروكسل الساعة عشرة ونص
    بروكسل القاهرة عصر يوم 22 يوليو , ثم القاهرة الرياض مساء يوم 24 يوليو
    اصدقكم القول , رجفت جنس رجفى وانا بدفع القروش وبستلم التذاكر !!!!!!
                   |Articles |News |مقالات |بيانات

02-08-2011, 11:54 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    اول خطوات ان تنجز ملفا فيه مستندات مقنعة
    هو ان تخطط لأجازة
    وعناصر التخطيط كثيرة , اولها الميزانية
    وثانيها جدول الرحلة وتوقيتها
    عاوز تقعد كم فى اوروبا يا منصور ؟؟؟
    اجابة السؤال ده بتتوقف على الميزانية
    والميزانية عاوزة فكرة عن التكلفة
    التذاكر تكلفتها الشىء الفلانى
    طيب انا حا اقدم لتاشيرة لى بلجيكا
    الشرط الأول هو ان زيارتك لأوربا لابد ان تبدأ بالبلد التى منحتك التاشيرة
    يعنى ما ممكن تأخذ تأشيرة لى بلجيكا , ويبدأ دخولك لى اوربا من امستردام مثلا
    لكن العكس ممكن , تدخل بلجيكا اول , وبعد داك ان شاء ترجع تطلع من اوربا من اى بوابة تانى
    اخترت بلجيكا , عشان اصلا عندى ملف عندهم , وعشان كمان عندى هناك عمر نملة
    عمر نملة , الراجل (الفيل )
    على باليمين ما عنده اى صفة من صفات النمل , الا حجمه الدقيق والصغير
    كما انه رجل (ضخم كفيل ) ولكن بحجم نملة صغيرة
    كما ان نظرة واحدة لخريطة اوروبا , خاصة من واحد زيى عاوز يزور اكبر قدر من بلدانها
    اعطتها سببا قويا ثالثا لتكون محطتى الأولى
    اما كونها محطتى الأخيرة , فهذا تقرره معطيات اخرى
    وهذا المعطيات الأخرى , حصرتنى فى خيار كونها محطة الدخول والخروج لأسباب جوهرية تخص تكلفة التذاكر
    كنت اتمنى ان يكون الخيار اكثر مرونة , حتى اتمكن من زيارة بلدان بعيدة من بلجيكا , مثل اسبانيا والبرتغال
    ولكن اتضح لى ان البدء ببروكسل مثلا والعودة من لشبونة او مدريد , سيؤدى الى مضاعفة سعر التذاكر
    عما اذا كانت رووت الرحلة الرياض بروكسل , ثم بروكسل الرياض
    عجيبة جدا فلسفة تحديد اسعار التذاكر بهذه الآلية
    تصدقوا , حتى زمن الترانزيت , يؤثر سلبا وايجابا على سعر التذكرة
    بعد بحث شديد , انحصرت خياراتى على الخطوط المصرية
    رغبت فى ان انزل فى القاهرة يومين وانا ماشى , ويومين تلاتة وانا جاى
    زادت الأسعار ازاء هذه الرغبة البسيطة
    فاضطررت الى ان اكتفى بيومين وانا راجع , فنقصت الأسعار قريب للعشرين فى المية
    القصة دى عاوزة ليها زول حريف تذاكر
    وبعد ان اطلعت انا بنفسى على دينماكية الأسعار من موقع مصر للطيران الألكترونى
    ربنا سخر لى موظف هدى ورضى فى مكتبهم , كرب لى الشغلة تمام , وجابها لى فى اسعار اعتبرتها انا مدهشة
    فى خيار تانى كان حا يدينى خصم اضافى عشرة فى المية , لكن مخاطرته كانت عالية شديد
    وهو ان تقطع تذاكرك فى درجة وكلاس اقل , لكنه مشروط بى انه (نوت ريفندابل ) , يعنى غير قابل للأرجاع والألغاء
    وانا الشرط ده غاية فى الأهمية عندى , لأنه التاشيرة ما مضمونة , وعملية الحوجة للألغاء واسترجاع المدفوع , تبقى عملية محتملة
    طبعا فى خيار انو تعمل تذكرة وهمية بدون قيمة , من نفس زولى القديم بتاع الوكالة , وهى الطريقة التى عملتها فى محاولتى الأولى للحصول على التأشيرة
    وهى بتكلفك مبلغ يقارب المبلغ الذى سيخصم لو قمت بألغاء الحجز واسترجاع قيمة التذاكر
    ولكنى فضلت هذه الطريقة , اولا لأنها تثبت الجدية , وثانيا لأن عملية الحجز غير مضمونة بعدما تحصل على التأشيرة فعليا
    واذا ما علمنا ان حجز الرحلة وتوقيتها سيتلوه حجز للفنادق , فان اى جهجهة فى الحجز , ستعقبها جهجهة شديدة فى جدول الفنادق والرحلة
    اذن , فلنتوكل على الله ونحجز وندفع كمان ونستلم التذاكر
    الرياض القاهرة فجر يوم2 يوليو , القاهرة بروكسل الساعة عشرة ونص
    بروكسل القاهرة عصر يوم 22 يوليو , ثم القاهرة الرياض مساء يوم 24 يوليو
    اصدقكم القول , رجفت جنس رجفى وانا بدفع القروش وبستلم التذاكر !!!!!!
                   |Articles |News |مقالات |بيانات

02-08-2011, 12:05 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)


    الكترابة !!!!
    الشىء ده مالو نزل تلاتة تلاتة
    حتى التعديل والمسح ابى لى كلو كلو
    الليلة الردم , بالكوم والردوم , ومدبل كمان
    كلو عشان ناس جلا يآآآآآآآمنو
                   |Articles |News |مقالات |بيانات

02-08-2011, 11:55 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    مغتربون أم مهاجرون
    أذكر أننا عندما كنا بالزقازيق كانت هنالك فتاة مصرية ذات بشرة سمراء اسمها عيشة على ما أذكر...
    عيشة هي من الجيل الثاني أو الثالث من ابناء المحاربين السودانيين الذين عرفوا بالهجانة,,,
    جدها أطاع رؤسائه و لبى النداء فوجد نفسه يحارب على بعد آلاف الأميال...
    ثم لم يستطيعوا العودة الى السودان...
    فبقي مع من بقي و تزوجوا بنساء مصريات و أنجبوا بنين و بنات...
    و حاولوا الاندماج في المجتمع المصري و لكن عاش الكثيرون منهم في القاع....
    عندما التقت عيشة بالسودانيين في كلية الزراعة وجدت فيهم الكثير من الصفات التي حدثها بها جدها...
    فاقتربت منهم رغم نظرة مجتمعها المصري السيئة لمثل هكذا تقرب...
    و اندمجت معهم لدرجة انها أنكرت بعد ذلك مصريتها و قالت أنها سودانية مية المية...
    ولكي تثبت ذلك قامت بدعوة مجموعة من الزملاء و الزميلات الى وجبة سودانية بمنزلهم....
    لم أكن معهم و لكنهم أخبروني بأنهم وجدوا استقبالا حارا من كل أفراد الأسرة...
    استقبلوهم بالآحضان و الدموع ثم أطعموهم شيء يشبه الكسرة و ما هي بكسرة....
    كانت عيشة الأكثر فرحا لأنها نجحت في أن تفرح جدها و تعيد اليه ذكريات حبيبة...
    و أحست لأول مرة في حياتها بالاعتزاز ببشرتها السمراء و كونها سودانية مية المية...
    قصة عيشة هذه تتحدث عن نفسها و لا تحتاج مني الى تحليل أو تأويل....
    سمعت غيرها الكثير من القصص من قارات مختلفة و مدن مختلفة....
    و بعض منها من أناس تربطني بهم صلة رحم...دم و لحم...
    سمعت قصص شبيهة بها من أسر سودانية بأمستردام و في سيدني و في لندن....
    حيث ما زال الجيل الثاني من السسودانيين هناك يعوسون الكسرة و ما هي بالكسرة...
    أنا شخصيا لا أعرف الفرق بين المغترب و المهاجر لا من حيث النوع و لا الخطة...
    اللهم الا في قوانين البلد التي يعيشون فيها...فالمغترب يبقى مرتبط بالبلد التي هو بها بسبب العمل....
    فمجرد ما أن يصبح غير قادر على العطاء يطرد من تلك البلد و يرجع لبلده...
    و لكنه لا يرجع الى السودان طواعية الا القليل منهم....بعد أن يكون قد أفنى زهرة شبابه...
    و لكن ان قدر له البقاء بصورة دائمة بوسيلة أو بأخرى فلن يرجع....
    و ان كان الاغتراب مرتبط بالخليج فهنالك الكثير من السودانيين أصبحوا مهاجرين في الخليج بقدرة قادر...
    و أصبحوا يحملون الجوازات غير السودانية مثلهم مثل المهاجرين الى أوروبا و أمريكا....
    أما المهاجرون فهم مثلهم مثل المغتربين...
    حيث لم يكن في نيتهم الهجرة و البقاء مدى الحياة خارج السودان....
    ذهبوا للدراسة أو للعمل و أصبحوا مواطنين و حملوا الجوازات و الجنسيات...
    و لكن غالبيتهم رفضوا الاندماج الكامل في المجتمع و النهل من ثقافته...
    و الدليل على ذلك العدد الكبير من السودانيين العائدين الى الخليج بعد الحصول على الجوازات الأوروبية...
    خوفا على أبناءهم من أن يتأثروا بثقافة ذلك البلد خاصة البنات منهم...
    أنا لاأعرف نفسي ان كنت مغتربا أو مهاجرا حتى أحسم مسألة الجواز هذه...
    و على طريق صديقي محمد المرتضى أقول للحبيب منصور...
    مالك يا عمك نكأت الجراح...
    يا عمك أبدأ لنا بالتنانير القصيرة في شواطيء أوستندا...
    ثم عرج على شواطيء شنو داك ما عارف...
    حتى لا يتهمك طارق جبريل بالتقصير....
    و يتهمك زهير بالتطرف....
    و أتهمك أنا بالغتاتة....
                   |Articles |News |مقالات |بيانات

02-08-2011, 12:07 PM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    والرجفة ما زالت مستمرة

    انت الظاهر عليك جاي كملان
    ويومين فى رمضان تمو الناقصة
                   |Articles |News |مقالات |بيانات

02-08-2011, 01:00 PM

Hatim Gubara
<aHatim Gubara
تاريخ التسجيل: 14-11-2006
مجموع المشاركات: 704

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عبد الدائم سيد أحمد)

    منص ياحربي.. والله أجمل من مسلسلات ىمضان كلها..
    إنتو ياناس الخليج برضو بتكوسوا التذاكر الرخيصه?


    سودانيت عيشه.. يبدو إنغرزت فيها من حكاوي جدها والحنين الشديد..
    ويمكن قرب المسافه وقرب الثقافه ليهو ضلع..
    أما سودانيت المهاجر البعيده فمختلفه..
    مثلا.. قبل أسبوعين..
    البت رانيا أصرت نشتري ليها عجله بمناسبه عيدميلادها الأربعتاشر..
    البت داير تعمل فيها رياضيه..
    قلت ليها جدا.. بس تركبيها كل يوم..
    قالت sure daddy, that's my plan..
    أول يوم وتاني يوم البرنامج ماشي..
    تالت يوم لقيتها تترقد من كنبه لي كنبه لي تلفزيون لي كمبيوتر..
    قلت ليها تعالي وين برنامج العجله?
    قالت لي It's too hot daddy..
    يابت خللي الدلع.. ماتنسي إنتي أصلك سودانيه الشمس ما بتسوي ليك شي..
    والله في السودان الشمس بيدلوها ليك فوق راسك.. وبرضه ما يهمك..
    قالت لي
    that's you daddy.. I wasn't born in Sudan.. I was born and raised here in the U.S...
    تقصد دي تجربتك إنت..
    كفيت يدي فوق خدي.. وإتمحنت فوقها مسافه..
    ضحكت وقالت..
    ..don't worry, I will ride the bike tomorrow if it's cooler
    قلت ليها.. خاطي أبوك الرماك في السخانه دي..
                   |Articles |News |مقالات |بيانات

02-08-2011, 12:35 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    الله عليك يا رشيد على هذه الأضاءة
    ولا جراج ولا حاجة
    ده واقع يجب ان نتعامل معه بجدية
    فى زيارة اوروبا الأخيرة دى
    لقيت نفسى قاعد اقارن بين نفسى زمان , وبين احمد ولدى هسه
    حا اجيك لى تفاصيل كتيرة
    يعنى لمن مشيت انا ماليزيا السنة الفاتت
    هاجت عندى العاطفة , واسرنى جمال الطبيعة الخلاب
    فى اوروبا , جمال وطبيعة آسرة ايضا
    ولكنها متسمة بنكهة عملية , تضع حسابا عندها لكل شىء
    وانت تستمتع ببرج ايفل او جنبات ديزنى لاند
    تلقى محفزات كثيرة تدفعك لحساب الأشياء وعقلنتها
    فى مطار بروكسل ونحنا راجعين
    كان فى وداعنا الزول السمح نملوز , وزوجته الأخت الفاضلة ندى
    والطيب ولده الكبير , وعيسى نور وليده الصغيرونى
    دخل نملوز فى حوار مع احمد وايثار ومجتبى , ولم يبقى على موعد رحلتنا الا ساعتين
    قال ليهم نملوز , شايفين البوليس دااااك
    تمشوا ليهو هسى وتقولوا ليهو داك ابونا ونحن ماشين معاهو السعودية غصبا عننا
    ونحن ما عاوزين نرجع
    واثبتوا فى كلامكم ده , وانا بتم ليكم الباقى
    خطر فى ذهنى للحظة لو ان احدهم عرض على نفس العرض , لمن كنت فى عمرهم
    كنت حا اعمل شنو ؟؟؟
    اما احمد وايثار ومجتبى , فقد اعتبروها مجرد مداعبة وهظار
    ولكنى ما زلت واقعا تحت تأثير ذلك الحوار
    وها انت تلقى وتنثر على الفكرة , مزيدا من الشطة والليمون
    وين نملوز وطارق جبريل وود جبارة وجلال وزهير والشادى
    يكملوا السلطة دى , بالفلفل والشمار ؟؟؟؟!!!
                   |Articles |News |مقالات |بيانات

02-08-2011, 12:49 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    الأستماع الى عشة الفلاتية مثلا
    من الآيبود بتاعك يا النضيف
    وامامك نافورة بحيرة جنيف
    بيعمل للزول لخبطة فى حنانه زااتو
    لا تعرف الأيبود
    ولا تعرف نافورة جنيف
    ولا تعرف عاشة الفلاتية زاااتا
    مشتاقين يا النضيف وحمد الله على سلامة الصغار وامهم
    بركة الأتلميت
                   |Articles |News |مقالات |بيانات

03-08-2011, 08:00 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    صباح الخير ،،، يا وجوه الخير

    إلهي لك الحمد
    وسعت كل شئ رحمةً وعلماً
    غفرت الذنوب
    وسترت العيوب
    حناناً منك ورأفةً وحلماً

    =============================

    يوم أمس ليلاً كنا في زيارة حضرة
    عائلة النضيف ، والبنات إسودنناً
    وإحتفاصحن شديد يعني المشي للسودان
    للأطفال المقفولين ديل بيفتح المخ
    ويسهل النطق وكمان بقلل العفرته
    وترك عادت السهر ،،،

    حمد لله على السلامة يا عبدالدايم
    وعقبال كمال الشادي،،،،،
                   |Articles |News |مقالات |بيانات

03-08-2011, 08:35 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    صبحكم الله بالخير

    تاكد لي هذه السنة ان رمضان يكون أمتع لما تكون في اجازة...
    العبادات تمام و في وقتها....
    النوم مية مية...
    المزاج مظبوط و النرفذة بتاعت نص النهار ديك مافي...
    بس صيام و صلاة و قرآن و تسبيح ونوم...
    تشوفوني مارق ماشي للصلاة و شايل السبحة تحلف تقول الشيخ حسن ود حيسونة...
    بعد ده كلو ممكن تعمل ليك مداخلة مداخلتين و لا حنك حنكين في الفيس بوك...

    Quote: الأستماع الى عشة الفلاتية مثلا
    من الآيبود بتاعك يا النضيف
    وامامك نافورة بحيرة جنيف
    بيعمل للزول لخبطة فى حنانه زااتو


    يا منص انت دروجبا ياخي...
    ياخي انت ماشي تتفسح و لا لاعب في الشامبيونز ليق...
    آي بود شنو الليك جمب نافورة جنيف...
    ما تخلط ست بيتك دي شوية و تكب ليها الميراندا...
    حسي جمب نافورة جنيف دي مش كان فرصة تكتب فيها قصيدة...
    بدل ما انت مركب الآي بود و بتسمع في عاشة الفلاتية...
                   |Articles |News |مقالات |بيانات

03-08-2011, 08:16 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    سلامات يا ناس


    رمضان كريم ...تصوموا وتفطروا على خير

    حمداً لله على سلامتك منصور.

    تحياتى للجميع
                   |Articles |News |مقالات |بيانات

03-08-2011, 09:20 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    واصل يا منص يا حبيبنا
    وبنجيك بي مهلة شديدة

    (عدل بواسطة طارق جبريل on 03-08-2011, 09:21 AM)

                   |Articles |News |مقالات |بيانات

03-08-2011, 11:11 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    شفت يا حاتم
    يا هو ده المجننا زاااااتو
    هسى انت اتعاملت مع طلب رانيا للبايك , من منظور انها حا تستمر تتعامل مع فكرتها بالجدية اللازمة ولا لا ؟؟!!
    اها , انا ايثار عندى فى عمر رانيا تقريبا
    لو قالت عاوزة بايك , يمين امها الا تدقها وتمعط ليها شعرها
    انا زااااتى ,بالرغم من اننى ساحاول استيعاب الفكرة واعادة انتاجها وبرمجتها بالف سيناريو ومليون تبرير
    ساتوجس من الفكرة واستغربها على اقل تقدير
    قيادة العجلة , سلوك رائج فى كل الدنيا الجديدة
    وهو سلوك حضارى ,متماشى مع جو المعيشة العام , وله فوائد عديدة
    كل الناس فى اوروبا تقريبا ,يتعاملون بشكل ايجابى مع الحيوانات الأليفة , والعجلات
    الكلاب عندنا مخلوقات منبوذة , من خلفيات دينية مشوشة , مخلوطة مع خلفيات سلوكية ومجتمعية اكثر تشويشا
    العجلات , حتى للأولاد , عند استخدامها كوسيلة مواصلات لمسافات معقولة , تجد استغرابا
    غير انها عند البنات , تجد استنكارا ان لم اقل استهجانا
    طبعا الحر اللأتعللت بيهو رانيا , هو فعلا جزء من المشكلة
    لكن فهم رانيا فهم متقدم ,
    بس فى سؤال مباشر ليك
    ترددك الأولانى ,هل خالطته اى رواسب من رواسب عقلك (القديم ) ؟؟؟؟
    وهل انت حزين فعلا لأن رانيا توقفت عن استخدام البايك بعد اصرارها عليه
    الدنيا ما حر برضو ياخ
    الجماعة شفناهم فى الشواطىء والطرقات , مصطحبين كلابهم فى نزهات صيفية بينما درجات الحرارة لم تصل حتى للعشرين
    مرتدين الملابس الخفيفة
    دى نقطة تانية , الملابس الخفيفة دى , هى ملابس عملية تناسب الجو عندهم وحسب تفكيرهم
    وده البعد العقلى الوحيد البيخليهم يلبسوها , ده اتأكد لى تماما
    بينما انحنا البعد الوحيد البيخلينا ما نلبسها , هوبعد انا شخصيا ما قادر اصنفه
    انت رايك شنو ؟؟؟
                   |Articles |News |مقالات |بيانات

03-08-2011, 11:32 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    يا رشا منص زايغ من حتة البلاجات دي
    يا زول احكي الشفتو كله بي ضبانته
                   |Articles |News |مقالات |بيانات

03-08-2011, 11:47 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    التذاكر دخلت الملف
    باقى ترتيب الرحلة بالزمان والمكان اعتمادا على الجغرافيا والخرائط
    كانت مهمة شاقة
    رغبة فى (التشبح ) وعمل كل شىء
    لكن الأيد قصيرة , والميزانية محدودة
    بروكسل محاطة بالمانيا , هولندا , فرنسا , ولوكسمبورغ
    وانجلترا مستبعدة لأن التاشيرة لا تشملها
    هذا الأمر اسعد احمد بفكرة انه سيظل متميزا على اخوانه باعتباره الوحيد منهم الذى زار لندن من قبل
    وربما انطلاقا من هذه النقطة (الخبيثة ) ما يزال يردد على مسامعهم , ان لندن اجمل من كل المدن التى زاروها
    بعد مجهودات كبيرة , وصلنا للشكل التقريبى لبرنامج الرحلة
    بعد مناقشة قاسم وعمر والأستنارة برأيهم , كان القطار هو وسيلة التنقل بين المدن
    ليس هو الخيار الأرخص , كما انه ليس الخيار الأجمل دائما
    هذا الأمر اجلته لحين الوصول , واضمرت فى سرى ان استخدم السيارة فى بعض التنقلات , والقطار فى تنقلات اخرى
    من بروكسل ,المسافة الى كولون ودوسلدوف الألمانيتين , مسافات قريبة , التنقل اليها بالسيارة المستاجرة خيار جميل ورخيص
    وكذلك امستردام الهولندية , ولوكسمبورغ برضو
    فرنسا كذلك مسافتها قريبة جدا
    ولكن المسافة من فرنسا الى سويسرا وايطاليا ,مسافات بعيدة
    مش بعيدة خالص , لكنها بعيدة لمن سيستخدم عربة فى طرق لا يعرفها
    قاسم طمنى وقال لى الطرق على اعلى درجات النظام والترتيب
    لكن تبقى قيادة السيارة ممتعة فقط ما بين المدن
    داخل المدن , ليس هناك بد من استخدام البصات والترامات والأندرقراوندز
    لظروف الباركنغ , وكسبا للزمن من الجهجهة والطششان
    كما ان خيار السيارة المستأجرة خيار اقتصادى مثالى , لرخص اثمانها مقارنة مع القطارات
    يمكن للزول المرتب رحلته وحجوزاته من بدرى , ان يستمتع بقطارات فخمة وزهيدة الثمن , اذا بادر لعمل حجوزاته من وقت بعيد
    فشلت انا فى ذلك فشلا ذريعا
    معظم انظمة الحجز الألكترونى تسمح لك بالحجزلعدد اقصاه (ستة مقاعد )
    ونحن سبعة (ما شاء الله تبارك الله )
    لو انى كنت متأكد بأنى حا اخذ التاشيرة , لكنت بادرت بالحجز عن طريق احد اصدقائى
    نملوز فى بروكسل , ولا قاسم فى لندن , ولا عصام بوكو فى باريس
    كان الجدول المولود بعد مخاض عسير كالآتى
    اول خمسة يوم مع عمر واسرته فى اوستند على بحر الشمال
    بعد داك يوم ونص فى مدينتى كولون ودوسلدوف الألمانيتين
    ويومين فى امستردام
    ثم ثلاثة ايام فى بروكسل
    فيومين بلياليهم فى بااريس
    ويومين فى ميلان الأيطالية
    ويوم فى لوزان , ويوم فى جنيف (سويسرا )
    ثم يوم ونص فى باريس
    فيومين فى برروكسل
    ويومين فى القاهرة
    ثم العودة للرياض
    لوكسمبورغ راحت فى حق الله , لكنى اضمرت على اقتطاع يوم من ايام اوستند الخمسة , قبل سفرة كولون مباشرة
    للذهاب الى لوكسمبورغ واستئجار العربة يوم قبل موعدها المحدد
    انضمت حجوزات الفنادق كلها الى الملف , ومعاهم التذاكر , والبانك ستيتمنت , والميدكال انشورنس , وصورة الكريدت كارد
    والجوازات , والأقامات , والصور الشخصية ذات الخلفيات الفاتحة
    ويا سفارة بلجيكا , امانة ما جاكى زول
                   |Articles |News |مقالات |بيانات

03-08-2011, 12:05 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    من كثرة التردد على السفارة البلجيكية
    موسى (موظف التأشيرات الأرتيرى ) اصبح يعرفنى حق المعرفة
    يعرفنى شكلا , ويعرف صوتى فى التلفون كمان
    دقق موسى اوراقى بحرص شديد يشكر عليه
    قلت ليهو المرة دى جضمت ليك الشغلانية تجضيم شديد
    تذكر موسى اننى اخبرته تلفونيا اننى يمكننى كذلك احضار خطاب دعوة اذا رأى هو (موسى يعنى )
    ان ذلك يعضدالطلب ويزيده قوة
    المطلوب اصلا , حجوزات فنادق مؤكدة , او خطاب دعوة من صديق يحمل الجنسية البلجيكية او احد الجنسيات الأوربية ومستقر ومقيم فيها
    قال موسى ان مستنداتى جيدة وكاملة , لكنه اعاد سؤالى عن الأنفتيشن لتر , الأنا قلته ليهو فى التلفون
    اذا بتشوف يا موسى انو الخطاب بيكون اضافة , ممكن اجيبو ليك خلال يومين تلاتة
    اجل موسى اجابته لى ودخل الى ملفى القديم بتاع السنة الفاتت
    موجود كما هو وعليه اشارة الرفض القديم , كما لا انا ولا احد افراد اسرتى سيحتاج الى عمل بصمات اصابع جديدة
    فالبصمات ما تزال موجودة من الملف القديم
    قال موسى , ان الرفض القديم ممكن يقيف حجر عثرة , عشان كده هو بيفضل نجيب خطاب الدعوة
    نملوز ما قاااااعد ياخ
    طلعتى من السفارة ضربت ليهو , وطلب منى ارسال معلومات جوازات الأسرة على الأيميل
    بمجرد ما المعلومات وصلته
    من ادارة بلدية اوستند - التى شاهدتها لاحقا - عمل عمر لى ولأفراد الأسرة خطاب الدعوة الموثق
    ارسله عمر بالبريد
    ولكن نسخة البريد وصلتنى بعدها باكثر من ثلاثة اسابيع
    موسى قال ان نسخة الكترونية من الخطاب تكفى
    لمن البريد اتاخر , طلبت من عمر نسخة الكترونية وقد كان
    سلمنا الملف لموسى فى السفارة
    وجلسنا , يقتلنا الأنتظار الممل والسخيف
                   |Articles |News |مقالات |بيانات

03-08-2011, 12:27 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    طارق يا حبيب جاييك والله
    يا اخوانا انا حا اوصف الشفتو
    ياخوانا كان رقتوا ,انا بوصف الشفتو
    شفتا الشعر جاااارى , لى حنتو التحتو
    هسى كمان عشان ادخل ليكم فى الموضوع مباشرة وفى اقرب فرصة
    حا اختصر ليكم مشاعر فترة ذلك الأنتظار السخيف
    يمين بهدلونى جنس بهدلة
    عادة -وكما قال موسى و ان البت فى طلبات التاشيرات
    يستغرق ما بين 14-21 يوم
    وحاتكم ما استلمت جوازاتى مؤشرة , الا بعد ظهر الأربعاء
    30 يونيو 2011
    تاريخ سخيف بشكل , لم الحظه الا وانا اكتبه الآن
    وكالعادة , السبب فى التاخير
    هو التعامل غير الجدى مع مستنداتنا
    كل اولادى مكتوبة اسماؤهم فى جوازات الجن الشينة بتاعتنا دى
    فلان منصور عبد الرازق محمد فضل
    ما عدا احمد
    فاسمه فى الجواز , احمدمنصور عبد الرازق محمد
    عمرى ما لاحظت انو اسم احمد فى الجواز يخلو من اسم العائلة فضل
    واسم العائلة بتاعنا فى كل المستندات المقدمة للسفارة هو فضل
    بما فى ذلك احمد
    عرفت بعد ذلك , ان تأشيراتنا جميعا صدرت قبل تاريخ استلامها باكثر من اسبوع
    ولكنها تعطلت بسبب هذه المشكلة
    او بالأحرى , قال لى موسى ,ان القنصل حجز الجوازات عنده , للبحث فى موضوع اسم العائلة المختلف
    ساهم موسى مساهمة فعالة فى حل الأشكالية والتفاهم مع القنصل
    وانا نسيت اقول ليكم انو لمن موسى فحص المستندات عند التقديم , لاحظ نفس الأشكالية فى اسماء مدرار وحجازى المضافين الى جواز امهم
    ولكنه لم يكتشفها فى جواز احمد
    بينى وبينكم انا ذاتى اول مرة الاحظ ليها
    عند قبول المستندات , كمل موسى يلبقلم بتاعه الخاص اسمى مدرار وحجازى حتى اسم فضل -اسم العائلة
    والآن استدرك الوضع واعاد شرح المشكلة للقنصل
    فامر بتكملة اجراءات التاشيرة , يومين فقط قبل موعد سفرى
    اعصابى باظت بوظة شديدة , وانا استلم الجوازات
    وتحول البيت الى توتر شديد
    ولن اشتداد التوتر , يقابله عند زوال التوتر , فرحة تناسب حجم التوتر وشدته
    فان رؤية الجوازات فى يدى وهى مؤشرة , قابلها اولادى بتهليلات وشعلقات على الكتف والظهر
    لا تدانيها الا شعلقة عفاف على كتف حاج الركز , عندما عاد -ذات اجازة
    ايواااا بتتذكروا , لما سال من شعره الذهب
                   |Articles |News |مقالات |بيانات

03-08-2011, 03:09 PM

Hatim Gubara
<aHatim Gubara
تاريخ التسجيل: 14-11-2006
مجموع المشاركات: 704

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    منص.. رواسب شنو يازول..
    دي يمكن العجله التالته أشتريها لي رانيا من هي طفله..
    ده كلام دقه قديمه.. الزمن إتطور ياخي..
    بعدين أنا عندي بنات بس.. يعني أقضي عمري ما أشتري عجله لأولادي..
    أما الملابس.. فدقتي فيها قديمه..
    بعض الشئ.. لزوم تعليمهم الحياء والعفه وكدا..
                   |Articles |News |مقالات |بيانات

03-08-2011, 06:55 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: Hatim Gubara)

    سلامات يا ناس

    Quote: اول خمسة يوم مع عمر واسرته فى اوستند على بحر الشمال
    بعد داك يوم ونص فى مدينتى كولون ودوسلدوف الألمانيتين
    ويومين فى امستردام
    ثم ثلاثة ايام فى بروكسل
    فيومين بلياليهم فى بااريس
    ويومين فى ميلان الأيطالية
    ويوم فى لوزان , ويوم فى جنيف (سويسرا )
    ثم يوم ونص فى باريس
    فيومين فى برروكسل
    ويومين فى القاهرة
    ثم العودة للرياض


    ده معناهو اننا لازم ناخد اجازة عشان نتابع.
                   |Articles |News |مقالات |بيانات

03-08-2011, 10:57 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    الزول السمح ... عمر المهدى ابو T

    ذكرى ميلاد سعيد .. والعمر كله


    معذرة لتوقف تحميل الصور والاغانى

    والا كان ربينا ليك حفلة كاربة يا شيخ العرب

    (عدل بواسطة محمد عيد on 04-08-2011, 01:16 AM)

                   |Articles |News |مقالات |بيانات

04-08-2011, 09:25 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد عيد)

    سلامات يا ناس


    Quote: الزول السمح ... عمر المهدى ابو T

    ذكرى ميلاد سعيد .. والعمر كله



    عيد سعيد للزول السمح ود المهدى

    وبرضو عيد سعيد لى (عيد)

    عبدالدائم بالله رسل لى عمر المهدى هدية العيد.
                   |Articles |News |مقالات |بيانات

04-08-2011, 10:25 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    ذوقى فى البناطلين ما بينفع معاهو
    وانا ما بفهم فى العمم

    عندنا حلو مر طازة من السودان يا T ينفع معاك ... ؟

    كل سنة وانت طيب
                   |Articles |News |مقالات |بيانات

04-08-2011, 10:38 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عبد الدائم سيد أحمد)

    كل سنة وانت طيب يا عمر المهدى
    ويا كوتش ,نحن راضين بيك ان شاء الله بى نص طايوق
    لأننا قنعنا من الطايوق الكامل
    حاتم جبارة
    يعنى انت لو كنت لسه عايش فى السودان ولا فى الخليج زينا
    رانيا كان حا تقول ليك عاوزة سيكل
    وحتى لو قالت , انت كنت حا تتعامل مع الموضوع ده عاااادى كده
    انا اشير الى تأثيرات المجتمع فى التربية والسلوك العام
    العجلة , مظهر حضارى لا غبار عليه
    ولكنها ما تزال عند غالبية من يعيشون فى مجتمعات زى مجتمعاتنا
    سلوكا مستغربا
    انت تخلصت من بعض هذه الرواسب
    وهذا شىء ايجابى , وساعدك مجتمعك الجديد على ذلك طبعا
    ياخى فى السعودية لسه بيتناقشوا على احقية سواقة المرأة للعربية
    خليك من العجلة
    فهمتنى يا حاتم ؟؟؟
                   |Articles |News |مقالات |بيانات

04-08-2011, 11:02 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    طبايعنا فى السفر , طبايع صعبة وغير عملية بتاتا
    السفر من السعودية للسودان , عود معظمنا , على السفر بالشنط الكبيرة ذات الوزن الثقيل
    ولكننا هذه المرة مسافرون الى مكان مختلف
    فلنكن عمليين هذه المرة , هذه سفرة تناسبها بنطلونات الجينز
    وعدد محدود من القمصان والملابس الخفيفة
    احترنا فعلا فى التعامل مع طبيعة الجو المتوقع
    عمر وقاسم قالوا ان درجات الحرارة المتوقعة , بين تمنتاشر وعشرين
    ولكن المطر متوقع دائما , والمطر يخفض درجات الحرارة خفضا اضافيا من خمسة الى ثمانية درجات
    يعنى ممكن الشغلة تبقى من عشرة لى اتناشر درجة مئوية
    صيف ده ولا شتاء يا اخوانا ؟؟؟؟
    عمر قال بتحتاجوا لى سويترات (خريفية خفيفة )
    ياخوى خريفية خفيفة دى شنو كمان
    نحن ناس يا بطانية , يا كمان فنيلة وسروال
    قررنا ان نتعامل مع الأمر على انه مجرد صيف معتدل , مع الأحتياط للصغار بملابسهم الشتوية العادية
    نجحنا فى اختصار الشنط الى اربعة من الحجم المتوسط , من تلك التى تجر جرا
    ولكن النساء دائما ما يحملن فى اياديهن وفى شنط الايادى , اكثر مما تحملها الشنط الكبيرة
    القاعدة كانت , اى زول شايل حاجة ما متفق عليها , يشيلها هو , وما فى اى زول حا يساعده
    ولكن هذه القاعدة العملية , اتضح انها لا تناسبنا , حيث انها سقطت من اول اختبار
    ولكن المحصلة العامة , هى اننا نجحنا فى تقليص وزن شنط السفر الى حد معقول جدا
    مع اضمار النية على الأستفادة من وجود عمر فى اوستند , لحل اشكالية اصطحاب الشنط بشكل دائم فى تنقلاتنا العديدة
    اللاب توب مثلا , يبدو انه كان من الحمولات الزائدة التى لا داعى لها
    فلا وقت له , وحتى اذا وجدنا الوقت , فمعظم خدمات الأنترنت التى تقدم فى فنادق الأقامة ,تقدم لقاء مقابل مادى
    ليس مقابلا ماديا كبيرا , ولكن يمكن ان تسد فرقة من فرقات الميزانية القادة خلقة
    ومع ذلك كان اللاب توب يصاحبنا بشكل دائم , ولم نستخدمه الا لمرات نادرة , وفى ردهات ولوبيات بعض الفنادق التى تقدم فيها خدمة الأنترنت مجانا
    وفى انتظار ان يفرغ هذا او تلك من لبس او حمام او افطار صباحى
    حرصت على ان يكون الفطار الصباحى مشمولا فى كل الفنادق
    بيسند الجماعة سندة مقدرة قبل ان يحسوا بالجوع مرة تانية
    فى دى انا دقست طبعا
    يا زول بعد الفطور طوالى , وبعد اول مشوار تشعر بالجوع الشديد
    الجو ما جو اكل ياخ , خاصة مع شمسهم المفتحة لغاية انصاص الليالى دى
    من طلعتنا الصباح بعد الفطور العادة بينتهى عشرة صباحا
    ولغاية ما نغيب الشمس بعد العاشرة ليلا
    لو جابوا ليك سبعة وجبات , تاكلهم عااااادى
    لكن البركة فى عليبات الجبنة الكرافت والتونة الساكنات فى جيوب الشنط
    والمدسدسات فى شنط اليد الكثيرة الشيايلاتنها امانى وايثار
    هسى لو سمعنا كلامك وقللنا من شنط اليد , الجوع ما كان كتلنا
    قالتها بت الشيخ اكثر من مرة , ولكن الرد كان بيجيها يا من قضمة جبنة كرافت
    ولا سندوتش طجنية موبااااالغة فى الجو داك
                   |Articles |News |مقالات |بيانات

04-08-2011, 11:35 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    اقلع طائر مصر للطيران من مطار الرياض ,نصف ساعة او تزيد, بعد الموعد المقرر
    لم اكترث انا للتأخير هذا , اذ انه خفض لنا ساعتى الأنتظار فى ترانزيت مطار القاهرة
    مع ان موعدالأقلاع كان فى الصباح الباكر ,والوصول كان حوالى السادسة والنصف صباحا بتوقيت الرياض
    السابعة والنصف بتوقيت القاهرة وبروكسل
    الا ان الشباب وامهم كانوا فى كامل حيويتهم
    متعودين هم على السهر ايام الأجازات
    لكنى قضيت وقت الطيران بين الرياض والقاهرة ما بين نايم كليا او جزئيا
    جزئيا دى كانت وقت الوجبة , فانا تناولتها وانا نصف نائم
    المفاجاة الأولى ,هى ان مطار القاهرة لم يعد كما كان
    صالة ترانزيت على مستوى عالمى
    لا تقل عن صالات افضل المطارات العالمية ,مع تباين المساحات طبعا
    صالة الترانزيت الجميلة والمزدحمة نوعا ما بصالات الأسواق الجميلة والمتنوعة
    ردت الى بعضا من نشاطى
    بينما بت الشيخ واولادها فى كامل حيويتهم اصلا
    منظر الأيسكريم الجميل فى محلات هاق اند داز , اغرى الصغار بتناول بعضا منه
    طلبت اليسكريم كل حسب ما اراد , مع فنجان نسكافى للمدام
    قالوا ليك الحساب , اتنين وتمانين جنيه يا بيه
    ريال سعودى ولا يورو , كم يعنى
    اسقط فى يدى , الراجل قال يا جنيه مصرى يا دولار
    طيب واللى ماعندوش جنيه ولا دولار , يعمل ايه
    ولا يهمك , خليها علينا المرة دى
    تقيلوا الكريدت كارد ؟؟؟
    استنى شوية لو سمحت , يا استاذ عماد , يا استاذ عماد
    اهلا بحضرتك , الأستاذ عماد الذى يبدو انه مدير المحل موجها كلامه لى
    عندى مشكلة , ما حدش قال لى انكمما بتقبلوش ولا يورو ولا ريال سعودى , مافيش حل غير الكردت كارد
    اصلا العملات التانية مش داخلة فى السيستم عندنا , وكمان ماكينة الكردت كارد متعطلة من اليوم الصبح
    طيب والعمل ايه ؟؟؟ قلت مستغربا
    مافيش اى مشكلة يا حضرة ,خليها علينا المرة دى ودى ضيافتنا ليك
    لم يكن عندى حل غير الخضوع لهذا العرض غير الجاد, الذى يشبه (ما تخلى ) بتاعة سواقين التاكسى ايام الزقازيق
    بينما يدهم تسابق السنتهم التى تقول ما تخلى
    هذه الحادثة عكرت مزاجى ,بينما الجماعة ضربوا الأيسكريم واتجدعوا فى الكراسى منتظرين مواعيد الطيارة
    الايسكريم باين جاب آخرهم , اذ ان التجدع تحول الى نوم كامل عند الصغار , واتكاءات كل على بعضهم , للكبار وامهم
    انا توجهت لضابط الجوازات اساله عن البنوك والصرافات
    لم يمانع الضابط فى اخراجى الى صالة السفر العادية بتاعت المطار , حيث مكاتب البنوك والصرافات
    تخلصت من كل الريالات التى معى وحولتها الى يوروهات , مع حوالى ميتين جنيه مصرى
    عندما عدت الى كاشير هاق اند داز ودفعت الأتنين وتمانين جنيه , يبدو انهم لم يتوقعوا عودتى
    خاصة البنت التى باعتنى الآيسكريم ,ثم استدعت الأستاذ عماد لاحقا لحل المشكلة
    كأفات نفسى بكوب هوت شوكليت ساخن , اذ خلصت نفسى من ذلك الموقف
    ورجعت الى حيث يجلس الآخرون , وجدت لى مكانا بينهم بصعوبة شديدة
    فالنوم يمدد البنى آدم ويزيده فى الطول وفى العرض , واستسلمت معهم للكسل اللذيذ
                   |Articles |News |مقالات |بيانات

04-08-2011, 12:25 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    سلامات يا ناس

    يا منص يا لذيذ ...

    بنصف طايوق او بدون ...حنكون معاك...

    يا لمتعة الحكى ....

    انتظر اجيب جلا واجيك.
                   |Articles |News |مقالات |بيانات

04-08-2011, 12:55 PM

Hatim Gubara
<aHatim Gubara
تاريخ التسجيل: 14-11-2006
مجموع المشاركات: 704

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    متعه ساكت?
    والله لي كاونتر هاجن داز إتخيلناهو..
    عفارم عليك يا منص..
                   |Articles |News |مقالات |بيانات

04-08-2011, 07:37 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: Hatim Gubara)

    سلامات يا ناس

    Quote: عفارم عليك يا منص..


    وعفارم عليك انت العامل ميت.

    رسل لى عجلة.
                   |Articles |News |مقالات |بيانات

04-08-2011, 07:55 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    تفاصيل التفاصيل بالله ... ما تاكلنا حنك
    يعني سطر واحد مابين مطار الملك خالد وصالة الترانزيت في القاهرة شوية علينا
    ما تستكردنا بالله ....
    -----
    سلامات ياكوتش ورمضان كريم ....
    فارق معاي رمضان كتير والله السنة دي
    ما فيها نادي شرطة بالله

    -------
    ياحاتم رسل واحد عجلة لي الكوتش دا بالله
    وبالعدم قول ليهو "الاهي منك" ولا الانجليزي نساك ليها
                   |Articles |News |مقالات |بيانات

04-08-2011, 08:18 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: جلال عثمان)

    سلامات يا ناس

    Quote: سلامات ياكوتش ورمضان كريم ....
    فارق معاي رمضان كتير والله السنة دي
    ما فيها نادي شرطة بالله



    سلام يا جلجل...ورمضان كريم

    المرة اللمة حتكون لى سامى عبدالوهاب

    كلمو يرسل ليكم الصور.

    +++++++++++++++++++++++++++++++++++

    انتو الريس ميسرة والريس معتصم مشوا وين؟
                   |Articles |News |مقالات |بيانات

04-08-2011, 10:23 PM

قيس جمال الدين
<aقيس جمال الدين
تاريخ التسجيل: 07-11-2009
مجموع المشاركات: 30

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    أول" رمضان كريم للجميع بدون فرز
    وربنا يعيدو عليكم بالعافية ...

    و يا منصور ... متعة عالية جدا" في متابعة التفاصيل ..
    و المتعة الأكبر .. في إنو الزول ما كان إستمتع كدا لو كان حقيقي معاكم في الرحلة ...
    حتي تفاصيل الإجراءات ..ز كانو الواحد قاعد معاك و عايشها ...

    لك الود
                   |Articles |News |مقالات |بيانات

05-08-2011, 12:14 PM

Hatim Gubara
<aHatim Gubara
تاريخ التسجيل: 14-11-2006
مجموع المشاركات: 704

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: قيس جمال الدين)

    وعندك واحد عجله للكوتش.. وصلحوووو

    يا جماعه.. في واحد ضيف إسمو قيس جانا زاير..
    رحبوا بيهو عليكم الله وقولوا ليهو ماتبقى غريب..
    مشتاقين وكتر من الإيميلات..
                   |Articles |News |مقالات |بيانات

05-08-2011, 12:34 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: Hatim Gubara)

    انتو قيس دة حي
                   |Articles |News |مقالات |بيانات

05-08-2011, 01:41 PM

Hatim Gubara
<aHatim Gubara
تاريخ التسجيل: 14-11-2006
مجموع المشاركات: 704

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    عليك الله يابيجو..
    ورينا الوشوش الضاحكه ديل بيسووهن كيف..
    ياخي لذاذ خلاص..

    أها ياجماعه إستشاره..
    البت ساره ليها كم شهر من كملت الستاشر..
    بتلف وتدور وتتمحرك.. دايره أطلع ليها إذن تعلم القياده..
    قلت ليها طبعا السواقه دايره الزول يكون مسئول.. إنتي مسئوله?
    yes daddy.. I'm very responsible..
    وقامت فكت لي مكنه كالآتي:
    I just want to learn how to drive.. I will not ask for the license or a car or anything.. just to learn..
    نظام واحده واحده بالله..
    قلت ليها يا سلام.. يعني بس تتعلمي?
    yes..
    التعليم دا مشكله.. سااااهل.. أنا بأعلمك سريع.. بس أثبتي لي إنك مسئوله..
    How?
    أول حاجه.. كل المواد تجيبي فيها A+..
    تساعدي أمك في الأوقات الماعندك قرايه..
    وكان فاتتك صلاه.. الل قال بي قولك..
    أوضتك دي ما أجي ألقاها منكشه..
    تقللي من التلفونات والتكست..
    تتبعي كل تعليماتنا وما تعملي فيها ناسيه..
    و...و...و...
    الفي نفسي كلو قلتو..
    If I do all this, I will get my license..
    حيلك حيلك.. ماقلتي دايره إذن تعليم بس..
    Well, if I have to do all this.. then I should get the license..
    كدي أخدي الإذن أول.. وخطوه خطوه بعد داك..
    أها كل ما تعمل حاجه تجي تقول لي..
    Very responsible, right? ضغط شديد..
    خلاص.. بقى ماعندي أي حجه تاني.. نتوكل علي الله والا كيف يا شباب?
    ناس السعوديه.. بالله رأيكم من غير الواقع المعاش.. (وش ضاحك زي حق جبريلا)..
                   |Articles |News |مقالات |بيانات

05-08-2011, 03:54 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: Hatim Gubara)


    والله يا قريبي «الشايقية نص كوم» دي شكلها حا تجيب كثافتك









    تليشة:
    اعمل رايت كليك على الوش المدورة تحت ومن البوبرتيز انسخ العنوان
    وتعال ابعظ محل «اضافة صورة» واعمل بيست واوكي
    بث
                   |Articles |News |مقالات |بيانات

05-08-2011, 06:29 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    سلامات يا ناس

    ومساكم طاعم

    مرحب بى قيس جمال الدين وتقبل تحيات ناصر كشرى

    ++++++++++++++++++++++++++++++++++++++++++++++++++++

    تعرض الاخ عادل يسلم لحادث حركة وهو فى طريقه الى بورتسودان

    حالته الآن حسنة ...تم حجزه بمستشفى ساهرون...

    للإطمئنان على حالته:

    ت 0912310560 ...مرافقه بالمستشفى

    دعواتكم له بعاجل الشفاء.
                   |Articles |News |مقالات |بيانات

05-08-2011, 10:16 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    نســـأل الله عاجل الشفاء للاخ / العزيز عادل يســـلم

    ونسألك يا رب ببركة هذا الشهر الكريم ان تعافيه وتلبسه ثوب الصحة والعافية ...
                   |Articles |News |مقالات |بيانات

06-08-2011, 08:11 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد عيد)

    سلامات يا ناس

    صباحكم يا خير يا وجوه الخير

    اللهم اجعلنا ممن عملوا الصالحات

    وسارعوا بالخيرات

    وتسابقوا فى الطاعات

    وفازوا بالجنات

    آمين .
                   |Articles |News |مقالات |بيانات

06-08-2011, 09:26 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    مبروك للجميع عودة المنبر الى حوشه الاصلى ...

    sudaneseonline.com

    والتهنئة للباشمهندس بكرى ... وعسى ان يكون قد وعى الدرس

    واستطاع تقوية التأمينات الدفاعية ...

    يا دوب بعد ده الناس تتداخل طبيعى ودون خوف ..

    غايتو الفات ده كلو - عدا حكاوى منص الاكسلانص -

    اعتقد انها كانت تهابيش سااااى بس ... يعنى نظام خوف من الدبايب ... !!

    الما فاهم حاجة ولا ما معترف ... يسأل ويفتش .. وعند جلا الخبر اليقين ...!
                   |Articles |News |مقالات |بيانات

06-08-2011, 09:35 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد عيد)

    تمنياتنا للاخ عادل يسلم بدوام الصحة والعافية
    وكفارة وما تشوف شر يارب


    ،،،،،


    سوف تجرى زوجــــــة زميلنا الاخ ابراهيم عثمان ( Fish ) عملية جراحية كبيرة غدا" الاحد
    بمستشفى الجامعة بجـدة ،، تمنياتنا ودعواتنا لها بالسلامة ببركة هذا الشهر الفضيل

    اللهم رب الناس اذهب البأس واشفي انت الشافي لاشفاء الا شفائك شفاء لايغادر سقما.
                   |Articles |News |مقالات |بيانات

06-08-2011, 10:57 AM

كمال الشادي
<aكمال الشادي
تاريخ التسجيل: 15-10-2002
مجموع المشاركات: 1587

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عبد الدائم سيد أحمد)

    اول بالتبادي
    السلام عليكم
    وشهر مبارك عليكم جميعا

    وحمدا لله على سلامة رجوع الموقع


    الاخ محمد صديق كيفنك يا جميل وأشكرك انك كنت بتسأل عني في الفترة الماضية

    الصديق الجميل طارق جبريل كيفنك
    جبت ليك بي هناك في الفيس بوك ( الدكتور امير تاج السر - ابن اخت الطيب صالح ) والشباب رحبو به اتوقعتك تكون من الاوائل

    يا حاتم جبارة : على بالايمان بتك عجبتني كيف لمن آمنت ذاتو
    منطقتك للدين
    الانا متأكد منو
    ومهما تضع ليها من شروط

    راح تطلع الرخصة
    وراح تشتري ليها عربية
    وراح تركبك معاها وتسوقك ولا على كيفك

    على فكرة دي ما شايقية نص كوم زي ما قال طارق
    على بالايمان كمها طويل لمن كفاية


    ارجو من الجميع زيارتي في هذا الموقع
    أرجو ان تجدوا ما يسركم
    ومحتاج أسمع أرائكم بعد ما تسمعوا
    http://www.4shared.com/account/home.jsp?startPage=1
                   |Articles |News |مقالات |بيانات

06-08-2011, 11:57 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: كمال الشادي)

    صبحكم الله بالخير
    نســـأل الله عاجل الشفاء للاخ / العزيز عادل يســـلم

    ونسألك يا رب ببركة هذا الشهر الكريم ان تعافيه وتلبسه ثوب الصحة والعافية ...
                   |Articles |News |مقالات |بيانات

06-08-2011, 12:09 PM

قيس جمال الدين
<aقيس جمال الدين
تاريخ التسجيل: 07-11-2009
مجموع المشاركات: 30

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: كمال الشادي)

    تحياتي الي كل حبيب بو رقيبة ...

    حاتم طلع ليها الرخصة بس لمل تصل مرحلة شراء السيارة .. أشتري ليها واحدة هكره عشان تضمن إنها ما تمشي بيها بعيد ....

    تحياتي يا جورج يا رائع و تحياتي للولاء كشري الحبيب ( بو رقيبة برضو ) .

    طارق جبرين كيفك و كيف أسرتك ... إنت صدقت إنو جبل طارق دا عندك فيهو عرق ...
                   |Articles |News |مقالات |بيانات

06-08-2011, 02:03 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: قيس جمال الدين)

    مساكم الله بالخير

    من الصفات السيئة للهنود و الباكستانين الفضول الشديد...
    يكاد الواحد منهم من شدة فضولة أن يدخل رأسه داخل جيبك ليعرف ما به...
    كما و تجدهم يتنصتون على الذين يتحدثون من حولهم...
    فاذا كان هنالك زوجان يتجادلان في الجمعية و لا المول...
    لوجدت ان باكستانيا أو اثنين ينظرون اليهم و يحاولوا أن يسمغوا ما يقولون...
    فضول يغيظ و يجعلك في كثير من الأحايين تخرج من طورك و تكاد أن تضربهم...
    و لم أجد تفسير لهذه الحالة أبدا و ما السبب وراءها...
    أعرف أنهم يحبون الونس و رواية القصص لبعضهم البعض...
    يعني الواحد لو لقى سوداني و زوجته يتشاجران في مكان عام و هذه تحدث كثيرا...
    يصور ليك المشهد جيدا ثم اذا كان سائق تاكسي يحكي لأول راكب يركب معه...
    الحين أنا في موجود داخل سوبر ماركت يحصل سوداني يسوي جنجال مع حرمه مال هو...
    هذا سوداني (ثن) صغير زيادة سيم سيم بنسل (قلم الرصاص)...
    حرمة مال هو متيييين زيادة (سمينه جدا)...
    سوداني واجد زعلان و صوت يرفع زياده...
    أنا و الله فكر هذا حرمة ممكن يمسك سوداني و يجلس فوق هو...هذا سوداني في موت....
    فضول عجيب فضول الهنود و الباكتسانيين...فضول لا يحتمل...
    فجر اليوم و عند خروجي من المسجد تبعتني كديسة و هي تنظر الي بفضول شديد...
    ذهبت الى حيث أوقف سيارتي و هي تسير خلفي...
    كنت فقط أريد تجديد بطاقة الموقف...فالمواقف هنا أصبحت بي فلوس...
    فتحت باب سيارتي و الكديسة تتبعني و تنظر الى بفضول...
    شلت بطاقة الدفع من داخل سيارتي و هي تحاول أن تعرف ماذا أفعل...
    دفعت الى حيث مكان الدفع و هي تتبعني ...عدت الى سيارتي و هي ورائي...
    قلت ليها بغيظ شديد أسمعي انت باكستانية ولا شنو...
    أظنها هزت رأسها ايجابا...
                   |Articles |News |مقالات |بيانات

06-08-2011, 05:28 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    بعودة منصور عاد للبوست القه ... اشهد يا منصور انك زول كتاب .... والفرق بين الزول البيعرف يكتب والزول العادي ... هو التقاطه للتفاصيل الصغيرة وتصويرها بكاميرا قلمية ... اكيد حا نتستمع بالرحلة وبكتابتك ... نحن في انتظارك ...
                   |Articles |News |مقالات |بيانات

06-08-2011, 07:59 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: زهير الزناتي)

    سلامات يا ناس

    ومساءات التفاؤل

    مرحب بعودة الشادى...

    ولايزال السؤال عن الريسين قايم...

    ما يكونوا غرقوا المركب وكبوا الزوغة...

    وبرضو السؤال عن جلا ...

    ودكتور الصادق الانتظرناهو فى السودان (حتى كل متنى )

    ++++++++++++++++++++++++++++++++++++++++++++++++++++++++

    زهير بقيت شغال مع البوست ده بى نظرية انا قاعد....

    بطل استكرات .
                   |Articles |News |مقالات |بيانات

06-08-2011, 08:17 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    سلامات يا ناس

    برضو افقدوا الناس ديل:

    ياسر نجيلة

    احمد اسماعيل

    موسى عيسى

    ابايزيد

    الجدى

    د.احمد امين

    د.سيف

    حنان مجمر

    كوثر

    مشاعر

    البادى النور

    عرفة

    نورا

    ودالمهدى

    حاج الركز

    عفاف

    تبلدينا

    عادل عبدالرحمن

    وباجتهاد شديد شوفوا خبر عروة على موسى وبكرى حامد.
                   |Articles |News |مقالات |بيانات

06-08-2011, 08:54 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    سلامات يا ناس

    سناء الصباغ

    خالد محى الدين

    عبدالحفيظ عباس

    منى يونس

    عمر نملة

    عصام دهب

    عمر بسكو

    احمد سليمان

    منى عباس

    عجب سيدو

    جمال فارح

    زينب التيجانى

    عشة صلاح الدين

    نزار شفلينى

    مجتبى فاروق

    صلاح الامين
                   |Articles |News |مقالات |بيانات

06-08-2011, 08:56 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    سلامات يا ناس

    قيم بلاى استيشن ما بطال.
                   |Articles |News |مقالات |بيانات

07-08-2011, 07:47 AM

كمال الشادي
<aكمال الشادي
تاريخ التسجيل: 15-10-2002
مجموع المشاركات: 1587

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    يا شباب
    الكوتش محمد صديق
    غير الاستراتيجية بتاعتو
    لقا الاستراتيجية القديمة بتاعة
    طلة وراجع ليكم
    بتاوق
    بمشي وبجي
    لقاها ما نافعا


    غيرها بإسترايجية
    انا قاعد ليكم
    ويا فيها يا ..........
                   |Articles |News |مقالات |بيانات

07-08-2011, 08:19 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: كمال الشادي)

    يا كوتش ما معقولة اجي اتونس براي .... اها لمة الناس بتجيبنا ......


    يا رشدي الفضول غير محدد بجنسية هو احد مؤشرات التخلف الاجتماعي .... دائما ما تجد اهل القري والريف اكثر فضولاً من اهل المدن ... تعرف مرات كتيرة بلقي نفسي عايز اعرف الشمار شنو ... بس ما لدرجة الجماعة بتوعنك ديل ... انا بسميها الشلاقة والشلاقة دي دائما قاعد تكلفني كتير ... قبل اسبوع جاي ماشي الشركة في طريق ترابي متفرع من الشارع الرئيسي .. ماشي علي الطرف عشان الدقداق ... شايف لي انت واقفين في الناحية التانية من الشارع .... زي مدورين ليهم شكلة .... اها قعدت اعاين ليهم لقيت نفسي غارز في رملة الا مشيت جبت عربية تانية جرتني .... شفت الفضول .... في واحد معانا بيجيب ليهو حاجة كده لذيذة يا زول الشئ كان قلت باسطة باسطة وكانت قلت حلويات حلويات .... وكان بقلاوة ياها ... في صحن لذيذ وكمان تشيل الصحن معاك البيت ... اها في حلواني كده قريب مني توش انقطعت لقيت ليك باسطتي الماتغباني ... طوالي قلت للشامي بالله جيب معاك كيلو وصلحو ... مشيت للحساب قال لي 60 ريـال يعني خمسين الف ... بالله لمن جاتني حمي .... معقولة كيلو باسطة بخمسين الف ... المهم الجماعة ختوها في البيت كل ما واحد يمد يده عليها ... طوالي اقول ليهو هوي الباسطة دي براحة عليها دي بستين ريـال يمين لمن حردوها وبعد اربعة ايام اكلت الباقي براي خفت يبوظ وكمان يمشي الزبالة .... اها قصص الشلاقة كتيرة والفضول ... وما تشيل حال اهل شبه القارة الهندية ساي ....


    المداخلة مهداة للكوتش بمناسبة فوز الهلال علي الاتحاد مدني ....
    بالمناسبة يا كوتش الهلال السنة دي ما عنده طعم .... زي الباسطة بعد ما عرفت ان سعرها ستين ريـال
                   |Articles |News |مقالات |بيانات

07-08-2011, 08:27 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: زهير الزناتي)

    صباح الخير ،،، يا وجوه الخير

    أصبحنا وأصبح الملك لله وحده،،،

    دعاء الصباح نهدية لأخونا عادل يسلم

    سلمه الله من كل شر وألبسه ثوب الصحة والعافية


    اللهم رب الناس اذهب البأس واشفي انت الشافي
    لاشفاء الا شفائك شفاء لايغادر سقما.
    ولزوجة أبراهيم فيش كامل الصحة ،،،،

    ود المهدي عمر مديد وكل عام وأنت والعائلة بخير

    محمد صديق الكوتش تشكر يا سيدي على السؤال موجودين

    ظروف ما سحت لينا الدخول من هنا بس كنا موجودين في الفيس بوك
                   |Articles |News |مقالات |بيانات

07-08-2011, 10:15 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    تحيات صباحية رمضانية عطشانة
    قيس جمال الدين ازيك , والبيبى الجديد ان شاء الله (ما مديك النوم )
    شكرا لكل من علق , واحذروا ان تعقيباتكم هذه هى ما يتسبب لكم فى مزيد من (القد )
    اقدكم ؟؟؟؟؟!!!
                   |Articles |News |مقالات |بيانات

07-08-2011, 10:15 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    تحيات صباحية رمضانية عطشانة
    قيس جمال الدين ازيك , والبيبى الجديد ان شاء الله (ما مديك النوم )
    شكرا لكل من علق , واحروا ان تعقيباتكم هذه هى ما يتسبب لكم فى مزيد من (القد )
    اقدكم ؟؟؟؟؟!!!
                   |Articles |News |مقالات |بيانات

07-08-2011, 10:34 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    لما افقنا من سكرة ايسكريم هاق اند داز
    كان قد تبقى على مواعيد البوردينغ , حوالى خمسة واربعين دقيقة فقط
    بوابتنا هى f 10
    دخلنا الحمامات التى اكتشفنا اننا اخدنا تعسيلتنا على مشارفها
    الحمامات يجاورها مسجد , ولكن اوان صلاة الظهر لم يحن بعد
    لأباس من الوضوء , تحوطا لأمكانية الصلاة فى الطيارة
    ولكن موعد وصولنا لبروكسل هو الثانية والنصف بعد الظهر
    ثم ينتظرنا مشوار حوالى ساعة وربع لغاية اوستند
    المهم نتوضى يا شباب ونبقى جاهزين
    اف 10 دى زااااتا يلقوها وين
    الأسهم تشير الى البوابات لغاية e
    منطقيا وابجديا المفروض اف بعد اى , ما لقيناها ياخ
    يا احمد اجرى استكشف فى الأتجاه المعاكس
    وجد احمد اف فى الأتجاه المعاكس عكس ما يقول المنطق الأبجدى
    ولكنه وجدها فى الدور الأدنى , حيث هناك اسكيليتورز ومصاعد خلف كاونترات المطاعم المنتشرة
    وصلنا الى اف عشرة
    تدقيق لجوازات الداخلين لصالة البوابة , ولشنطهم طبعا
    غير ان التدقيق على جوازاتنا نحن , كان اكثر دقة
    يا ربى السبب تقنية جوازاتنا القديمة , ولا السبب نحنا زااااتنا
    مدير المحطة كان يفتح صفحة الفيزا ويصورها بكاميرا ديجتال صغيرة فى يده
    وكذلك صفحة الصورة والمعلومات الأساسية مثل الأسم والعنوان
    دلفنا للصالة بعد ان احسسنا ان مدير المحطوة نفسه زهج من التدقيق المطلوب منه
    لحظات وحملنا البص الأنيق , لطائرة البوينج 737 الأيرباص
    ارقام الكراسى , حددتها انا مسبقا من خلال خطوات الحجز الألكترونى
    رغم ذلك , خلاف عائلى دائم عندنا وقت السفر
    على الجلوس فى الشبابيك , نحن نصيبنا شباكين , والراغبون فى الشبابيك ثلاثة
    احمد وايثار ومجتبى
    اما الصغار ايثار وحجزى , فشكلتهم الدائمة فى الجلوس باسباب متعددة
    مدرار دايرة جنب امها مرة , وجنب ابوها مرة تانية , وفى نفس الوقت جنب مجتبى
    ومجتبى داير جنب احمد وجنب ايثار وجنب الشباك
    يحلوها كيف دى ؟؟؟؟
    فى كل مرة بتتحل براها , فبمجرد ما تحركت الطائرة , مدرار وحجازى , استسلما الى نوم عميق
    رغم ان كل منهما غير راضى بالكرسى بتاعه
    ى
                   |Articles |News |مقالات |بيانات

07-08-2011, 10:47 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    فراخ ولا لحمة حضرتك ؟؟؟؟
    فاجاتنى المضيفة بهذا السؤال المعتاد , مقتحمة على تعسيلتى اللذيذة
    فراخ لو سمحتى , هو مافيش جرائد عندكم الرحلة دى ولا ايه
    حا اجيبهالك يا فندم , بس بعد ما نخلص اكل
    بعد ان ذهبت المضيفة لخدمة صف آخر من صفوف الركاب
    نبهتنى امانى , انو الجرائد جابوها زمااااان , وانت كنت فى سابع نومة
    لمنها احتفظت لى بجريدة الأهرام
    التهمت انا الدجاج , بينما اكتفى الصغار اللذين يغالبون النوم , بكيكة الشوكلاتة
    ودهنوا قطعة الخبز الصغيرة , ببعض المربى والزبدة
    مع كاسات الميرندا والبيبسى
    المضيفة جات راجعة جابت لى معاها الجمهورية
    حلااااااتا يا خ , بقى عندى الأهرام والجمهورية , والبطن اتملت , ودب النشاط فى المفاصل
    الجوع كعب ياخ , حالتو ضاربين نفس الدجاج فى الطيارة الأولى
    لكن السفر يفتح الشهية
    لو كان عندهم سمك كمان زى حق عوضية داك ؟؟؟؟؟؟
    لو رجع بى الزمن لنفس الرحلة , وسألتنى المضيفة نفس السؤال
    لأخترت اللحم هذه المرة
    لم نفكر حينها , اننا مفارقون للحم , مدة سفرنا كاملة
    لتعقيدات كثرة , ولا تخص اوروبا , ولا تخص اللحم نفسه
    بل تخصنا نحن ازاء اللحم المذبوح فى اوروبا
    الأكل مشكلة حقيقية فى اوروبا
    وتفاصيل ذلك ستتضح تدريجيا لكم
                   |Articles |News |مقالات |بيانات

07-08-2011, 11:30 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    اربعة ساعات ونصف , هى المسافة التقديرية بين القاهرة وبروكسل
    قضيناها بين التهام الدجاج والمشروبات الباردة , والجرائد المليانة باحداث مصر الساخنة
    كابتن الطائرة افاد بان درجة الحرارة الخارجية , هى ثمانية عشرة درجات
    من خمسة واربعين لى تمنتاشر , المسافة ابعد بكثير من مسافة الساعات الأربعة ونصف الساعة
    انا -باعتبارى من ذوات الدم الحار -
    لا اشعر بتغيرات درجات الحرارة بسرعة
    انا آخر من يلبس تقيل , ثم انا نفسى آخر من ينزع التقيل ده لمن تصيف
    عشان كده ما شلت هم للموضوع ده
    اجراءات الجوازات , تمت بكل يسر وسهولة
    وقد استحسن ضابط الجوازات البلجيكى حسن استعدادى لأنجاز اجراءات تأشيرة دخولى
    لم الحظ ذلك الا بعدما انجزت تأشيراتى انا والأسرة , وجاءت الراكبة البعدنا وهى مصرية قادمة لزيارة اسرة اختها كما فهمت بعد ذلك
    الجوازات بتاعتنا كانت مفتوحة على صفحة التاشيرة , ومعها صورة الميدكال انشورانس لصاحب الجواز
    لحسن الحظ ان التاشيرة ذات النوع الممغنط التى تتم قراءة معلوماتها أليا بالمسح الضوئى
    وبذلك لا يحتاج الا لمقارنتها باسم حامل الجواز باللغة الأنجليزية المكتوب فى جوازاتنا باليد , وبالتالى , (نوت اسكانابل )
    اى لا يمكن قراءته ضوئيا
    الصمرية كانت مرتبكة لمشكلة فى اللغة اولا , ولعدم تجهيز الأورواق بالترتيب المطلوب
    امتدح ضابط الجوازات ترتيبى , وهو يقصد فى الحقيقة ان يتذمر من عدم ترتيب زميلتنا الراكبة المصرية
    الميدكال انشورنس بتاعها مجرد صورة حيث ان الأصل مع اختها التى تنتظرها خارج المطار
    طلب منى ضابط الجوازات افهامها بأن انجاز التاشيرة لها يتطلب الأصل , لذلك سيحولونها للأنتظار فى الغرفة المجاورة لأستدعاء اختها لأكمال الأجراءات
    الزولة انزعجت انزعاج شديد , لكن الأمر كان عادى جدا عند الضابط كاجراءروتينى لازم
    طلب ان اسالها عن رقم تلفون اختها , وبمجرد ان ابرزته طلب منى طمانتها مادام ان اختها فى الأنتظار , فالأمر بسيط وعادى
    ثم لحقت انا بباقى افراد الأسرة , المتحلقين حول سير عفش الرحلة القادمة من القاهرة
    جاءت شنطنا الأربعة الأنيقة تتقدل
    جريناها باناقة , وين نحن من شنط السودان الغير قابلة للجر والزحزحة
    رنة من عمر , طمانتنى انه فى الأنتظار
    عمر نملة , بقوامه النحيل ووجهه الأسمر وشعره المجدول كانه (جوليت زمانه )
    هذا رجل مختلف , لم اصادقه او اتعرف عليه ايام الزقازيق , للفارق العمرى بيننا
    كم انا نادم على ذلك
    زهور حمراء وصفراء واخرى بلون البنفسج , رائحتها بطعم القرنفل واريج العطر الزاكى
    ثم هناك عمر نملة صغير آخر , يملأ ساحة انتظار القادمين هرجا ومرجا وهرولة , غدوا ورواحا
    شعر عمر المجدول , ووروده الملونة , واسنانه شديدة البياض , حتى لكأن الأبتسامة اكبر من كامل الوجه الدقيق والنحيل
    انها الأحضان التى كذبت روايات كابتن الطائرة عن درجات الحرارة
    تمنتاشر شنو ياخ , الزول ده ما حريقة عدييييييل
    وانطلقت الفلاشات تعكر صفو اركان المطار غير المضيئة
    اما الطيب عمر نملة , فما افلحنا لا فى مسكه ولا فى السلام عليه , الا بعد حين
    انها بروكسل اذن , وهذا هو عمر نملوز , مصطحبا معه نسخته المصغرة الطيب عمر نملوز
    كلما اعرفه , انه اختلط علينا ايهم الوردة , وايهم الزهرة , وايهم رداء عمر الأبيض , وبلوفره الأحمر الوهاج
    ولكن احمد وايثار ومجتبى , بدوا لى كما صورة الباكستانى والهندى الفضولى التى رسمها لنا الحبيب الرشيد
    اما انهم مستغربين لضفائر نملوز المجدولة , او لحركة الطيب الدائبة النشطة , او لونستنا الدقاقة التى ملآت الحيز والمكان
    بدفئها وتدفقها , فكانت آذانهم تسابق العيون , يتسمعون ما نقول ونهمس , ثم يستغربون من جلجلات الضحك المتتالية
    يملآهم الأستغراب , يا بابا انت مش قلت انو عمو عمر انت ما بتتذكره فى الزقازيق
    تمنيت اننى كنت لصيقا بعمر نملة هذا , وقت ان كان طالبا زقازيقيا
    وغرضى من هذه الأمنية , هو ان استطيع قياس ما حدث له من تحول ازاء نقلته الحياتية
    اذا تخيلت انه (اى نملوز ) كان انا (منصور عبد الرازق )
    كنت كمن قال فيه شاعر خلف الله حمد
    اقيس الفم بودعة والقى الفرق شاسع
    اما اذا ماكان الفرق لصالح الفم او لصالح الودعة
    فهذا ما ستستنبطونه برااااااااكم
                   |Articles |News |مقالات |بيانات

07-08-2011, 12:03 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    القصة ما ورود وزهور بس !!
    ولا هى احضان تكذب درجات الحرارة الثمانية عشر
    ولا هى انفاس باريج الزهر , ولا زهر بعبق العطور الدافئة
    ما ان استقرينا فى مقاعدنا فى قطار المطار , المتجه الى محطة بروكسل زود ( brussel zuid )
    حتى اسفرت شنيطة عمر الأنيقة التى يحملها على ظهره
    عن صنوف العصائر الملونة , والشوكلاتات المنوعة
    الشوكلاتات هذه , نسفت تمنع مدرار وحجازى نسفا
    فهم اصدقاء الشوكلاتات , وبالتالى اصدقاء اصحاب الشوكلاتات ومن يحملونها
    اذا اردت ان تختطف طفلا صغيرا , قدم له شيكولاتة
    ولكن عصائر عمر ذات الألوان الخضراء والحمراء وتلكم التى بطعم الليمون
    خطفتنا انا وامانى كذلك , حتى اصبحت تعرف عندنا طوال الرحلة بعصير عمر
    عصير عمر الأحمر , وعصير عمر الأخدر , وعصير عمر الليمونى
    هى من شاكلة تلك العصائر التى نراها تقدم للاعبى الكرة , اثناء المباريات ومابين اشواطها
    تروى العطش , ولا تعطيك اى احساس ولا مذاق للسكر
    مشروبات رياضية تعود عمر الا تخلو شنيطته منها , وهو يركض يوميا
    ولكن قولوا لى اين يركض عمر
    فى حديقة عبود الغناء , ابدا لا وطبعا لا
    فى مضمار المدينة الرياضية , ابدا لا وطبعا لا
    فى حديقة القرشى ؟؟؟؟ حديقة القرشى بتاعت فنيلتك
    انه يركض , فى قطع جنان متناثرة
    رفيقه البحر , ومنافسيه شلة من الأمواج الصاخبة
    يلتحف السماء , ويتخذ من الغمام وسادة ومتكا
    وقعات رذاذ المطر , تعمل عنده لساعات عمل الأستوب ووتش والعداد
    عمر يجرى فى جو خرافى يقول لك ان لم تجرى وتركض عندى فما انت بجار
    اووستند , قطعة من الفردوس قذف بها رب العباد الى ظاهر الأرض
    يجرى فيها عمر ويركض
    وبعد ان يخلص من ركضه وجريه المستمر
    وتتخلل جدائله حبات العرق
    يلقى بنفسه الى موجة ما , يغسل كل منهما الآخر
    فتكون موية الغسيل الناتجة
    انظف من مياه الشرب المعباة فى امكنة عديدة
    واذا ما اخاف الكضب
    اعذب واحلى كمان
                   |Articles |News |مقالات |بيانات

07-08-2011, 12:03 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    القصة ما ورود وزهور بس !!
    ولا هى احضان تكذب درجات الحرارة الثمانية عشر
    ولا هى انفاس باريج الزهر , ولا زهر بعبق العطور الدافئة
    ما ان استقرينا فى مقاعدنا فى قطار المطار , المتجه الى محطة بروكسل زود ( brussel zuid )
    حتى اسفرت شنيطة عمر الأنيقة التى يحملها على ظهره
    عن صنوف العصائر الملونة , والشوكلاتات المنوعة
    الشوكلاتات هذه , نسفت تمنع مدرار وحجازى نسفا
    فهم اصدقاء الشوكلاتات , وبالتالى اصدقاء اصحاب الشوكلاتات ومن يحملونها
    اذا اردت ان تختطف طفلا صغيرا , قدم له شيكولاتة
    ولكن عصائر عمر ذات الألوان الخضراء والحمراء وتلكم التى بطعم الليمون
    خطفتنا انا وامانى كذلك , حتى اصبحت تعرف عندنا طوال الرحلة بعصير عمر
    عصير عمر الأحمر , وعصير عمر الأخدر , وعصير عمر الليمونى
    هى من شاكلة تلك العصائر التى نراها تقدم للاعبى الكرة , اثناء المباريات ومابين اشواطها
    تروى العطش , ولا تعطيك اى احساس ولا مذاق للسكر
    مشروبات رياضية تعود عمر الا تخلو شنيطته منها , وهو يركض يوميا
    ولكن قولوا لى اين يركض عمر
    فى حديقة عبود الغناء , ابدا لا وطبعا لا
    فى مضمار المدينة الرياضية , ابدا لا وطبعا لا
    فى حديقة القرشى ؟؟؟؟ حديقة القرشى بتاعت فنيلتك
    انه يركض , فى قطع جنان متناثرة
    رفيقه البحر , ومنافسيه شلة من الأمواج الصاخبة
    يلتحف السماء , ويتخذ من الغمام وسادة ومتكا
    وقعات رذاذ المطر , تعمل عنده لساعات عمل الأستوب ووتش والعداد
    عمر يجرى فى جو خرافى يقول لك ان لم تجرى وتركض عندى فما انت بجار
    اووستند , قطعة من الفردوس قذف بها رب العباد الى ظاهر الأرض
    يجرى فيها عمر ويركض
    وبعد ان يخلص من ركضه وجريه المستمر
    وتتخلل جدائله حبات العرق
    يلقى بنفسه الى موجة ما , يغسل كل منهما الآخر
    فتكون موية الغسيل الناتجة
    انظف من مياه الشرب المعباة فى امكنة عديدة
    واذا ما اخاف الكضب
    اعذب واحلى كمان
                   |Articles |News |مقالات |بيانات

07-08-2011, 12:03 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    القصة ما ورود وزهور بس !!
    ولا هى احضان تكذب درجات الحرارة الثمانية عشر
    ولا هى انفاس باريج الزهر , ولا زهر بعبق العطور الدافئة
    ما ان استقرينا فى مقاعدنا فى قطار المطار , المتجه الى محطة بروكسل زود ( brussel zuid )
    حتى اسفرت شنيطة عمر الأنيقة التى يحملها على ظهره
    عن صنوف العصائر الملونة , والشوكلاتات المنوعة
    الشوكلاتات هذه , نسفت تمنع مدرار وحجازى نسفا
    فهم اصدقاء الشوكلاتات , وبالتالى اصدقاء اصحاب الشوكلاتات ومن يحملونها
    اذا اردت ان تختطف طفلا صغيرا , قدم له شيكولاتة
    ولكن عصائر عمر ذات الألوان الخضراء والحمراء وتلكم التى بطعم الليمون
    خطفتنا انا وامانى كذلك , حتى اصبحت تعرف عندنا طوال الرحلة بعصير عمر
    عصير عمر الأحمر , وعصير عمر الأخدر , وعصير عمر الليمونى
    هى من شاكلة تلك العصائر التى نراها تقدم للاعبى الكرة , اثناء المباريات ومابين اشواطها
    تروى العطش , ولا تعطيك اى احساس ولا مذاق للسكر
    مشروبات رياضية تعود عمر الا تخلو شنيطته منها , وهو يركض يوميا
    ولكن قولوا لى اين يركض عمر
    فى حديقة عبود الغناء , ابدا لا وطبعا لا
    فى مضمار المدينة الرياضية , ابدا لا وطبعا لا
    فى حديقة القرشى ؟؟؟؟ حديقة القرشى بتاعت فنيلتك
    انه يركض , فى قطع جنان متناثرة
    رفيقه البحر , ومنافسيه شلة من الأمواج الصاخبة
    يلتحف السماء , ويتخذ من الغمام وسادة ومتكا
    وقعات رذاذ المطر , تعمل عنده لساعات عمل الأستوب ووتش والعداد
    عمر يجرى فى جو خرافى يقول لك ان لم تجرى وتركض عندى فما انت بجار
    اووستند , قطعة من الفردوس قذف بها رب العباد الى ظاهر الأرض
    يجرى فيها عمر ويركض
    وبعد ان يخلص من ركضه وجريه المستمر
    وتتخلل جدائله حبات العرق
    يلقى بنفسه الى موجة ما , يغسل كل منهما الآخر
    فتكون موية الغسيل الناتجة
    انظف من مياه الشرب المعباة فى امكنة عديدة
    واذا ما اخاف الكضب
    اعذب واحلى كمان
                   |Articles |News |مقالات |بيانات

07-08-2011, 12:03 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    القصة ما ورود وزهور بس !!
    ولا هى احضان تكذب درجات الحرارة الثمانية عشر
    ولا هى انفاس باريج الزهر , ولا زهر بعبق العطور الدافئة
    ما ان استقرينا فى مقاعدنا فى قطار المطار , المتجه الى محطة بروكسل زود ( brussel zuid )
    حتى اسفرت شنيطة عمر الأنيقة التى يحملها على ظهره
    عن صنوف العصائر الملونة , والشوكلاتات المنوعة
    الشوكلاتات هذه , نسفت تمنع مدرار وحجازى نسفا
    فهم اصدقاء الشوكلاتات , وبالتالى اصدقاء اصحاب الشوكلاتات ومن يحملونها
    اذا اردت ان تختطف طفلا صغيرا , قدم له شيكولاتة
    ولكن عصائر عمر ذات الألوان الخضراء والحمراء وتلكم التى بطعم الليمون
    خطفتنا انا وامانى كذلك , حتى اصبحت تعرف عندنا طوال الرحلة بعصير عمر
    عصير عمر الأحمر , وعصير عمر الأخدر , وعصير عمر الليمونى
    هى من شاكلة تلك العصائر التى نراها تقدم للاعبى الكرة , اثناء المباريات ومابين اشواطها
    تروى العطش , ولا تعطيك اى احساس ولا مذاق للسكر
    مشروبات رياضية تعود عمر الا تخلو شنيطته منها , وهو يركض يوميا
    ولكن قولوا لى اين يركض عمر
    فى حديقة عبود الغناء , ابدا لا وطبعا لا
    فى مضمار المدينة الرياضية , ابدا لا وطبعا لا
    فى حديقة القرشى ؟؟؟؟ حديقة القرشى بتاعت فنيلتك
    انه يركض , فى قطع جنان متناثرة
    رفيقه البحر , ومنافسيه شلة من الأمواج الصاخبة
    يلتحف السماء , ويتخذ من الغمام وسادة ومتكا
    وقعات رذاذ المطر , تعمل عنده لساعات عمل الأستوب ووتش والعداد
    عمر يجرى فى جو خرافى يقول لك ان لم تجرى وتركض عندى فما انت بجار
    اووستند , قطعة من الفردوس قذف بها رب العباد الى ظاهر الأرض
    يجرى فيها عمر ويركض
    وبعد ان يخلص من ركضه وجريه المستمر
    وتتخلل جدائله حبات العرق
    يلقى بنفسه الى موجة ما , يغسل كل منهما الآخر
    فتكون موية الغسيل الناتجة
    انظف من مياه الشرب المعباة فى امكنة عديدة
    واذا ما اخاف الكضب
    اعذب واحلى كمان
                   |Articles |News |مقالات |بيانات

07-08-2011, 11:30 AM

أحمد إسماعيل
<aأحمد إسماعيل
تاريخ التسجيل: 10-09-2009
مجموع المشاركات: 1375

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    سلام الله عليكم يا كرام
    نسأل الله سبحانه وتعالى أن يجعلنا ممن صام وأقام رمضان
    إيمانا وإحتسابا وغفر له ما تقدم من ذنبه، انه قريب مجيب

    الحمد لله إنتهى التهكير والدخول لحوشنا دايركت بعد ما الواحد
    كان لايس وراسه لافي بدون طايوق
    لاكن الظاهر ضيعتونا مع حكي منصور الجميل الذي لا ينفع معه الجنكاب
    لكن القحة ولا صمة الخشم ، نراجع ونجي
    الأخ محمد صديق شكرا لتفقدك لينا وشكرا لزيارتك نيالا والكلام الجميل عنها
                   |Articles |News |مقالات |بيانات

07-08-2011, 11:52 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: أحمد إسماعيل)

    منص .........رهيب احب اوربا والعيون اللاقطة
                   |Articles |News |مقالات |بيانات

07-08-2011, 12:02 PM

أحمد إسماعيل
<aأحمد إسماعيل
تاريخ التسجيل: 10-09-2009
مجموع المشاركات: 1375

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: أحمد إسماعيل)

    يا سلام يا منصور
    أنت صحي الشافو خلو
    أنت البحر الغريق الغلب عوامو
    أنت جقو في الترحال جاب خيال وأفكار ، على وزن ( جقو جاب نار)

    لكن حكاية الخيال والأفكار والزمان والمكان والموضوع والمقال
    والجريمة والبوليسي والجاسوسي 00الخ ، فلسفة راقية وجميلة
                   |Articles |News |مقالات |بيانات

07-08-2011, 12:37 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: أحمد إسماعيل)

    مرحى بكم اصدقائى ابو ميار وابو عمر
    مالكم ما بتحكوا لى كويس عن عمر نملوز ده
    الآدميون هم مداخل المدن , وهم عناوينها الدالة
    التقانا عمر فى مطار بروكسل
    كان اليوم سبتا , عطلة اسبوعية عامة
    من مطار بروكسل عبر قطار المطار الى محطة بروكسل جنوب
    زود , تعنى الجنوب , كما ان نورد , تعنى الشمال , بلغة الفرنجة اهالى تلك البقاع من العالم
    تتكون بلجيكا من سحنات ثلاث , جذورها ناتجة من مجاورة الألمان مرة , والهولنديين مرة ثانية , والفرنسيين مرة ثالثة
    ولو تحدثت معهم احدى هذه اللغات الثلاث , فانت سيد بلد تب
    عمر يجضم الهولندية حتى انه ينسى اننى لا اعرفها البتة فى احايين كثيرة
    فيلقى الى بكلمة هنا او هناك
    حتى اذا ما لاحظ ان عيناى بدأتا تبرقان , دلالة لعدم الفهم , عاد لعربيته (التلاقيط )
    لكن خليطا من نباهة المعلم سيد الحتة (نملوز ) ونباهة التلاميذ الزائرين (انا واسرتى )
    جعلتنا نبدو وكأننا اسياد بلد (التقول هلالاب بس ) من تانى يوم
    تكنيكات التعامل مع الصب واى , ومتروهات المواصلات وبصاتها , لنا فيها انا واحمد , خلفية جيدة
    جعلت من جغرافيا اوستند الصغيرة والبديعة , لقمة سائغة لنا فى فترة وجيزة
    حقيقة الأمر انك واجد البحر اينما يممت وجهك
    وانك لتسمع هدير الأمواج , ان كنت فى صالة السينما , او فى مول من المولات المنتشرة
    راكبا المترو , او ممتطيا البص العالى المريح , او متمشيا فى اى بقعة من بقاعها او حدائقها الغناء
    هل سمعت بالماء والخضرة وثالثهما الوجه الحسن
    اينما نظرت وجدت ماءا , وحيثما وقع بصرك فلن يستطيع تفادى خضرة ممتدة
    اما الوجه الحسن , فاقول ليكم بقى واسمعوا
    حتى انا , اصبحت الان ديلون زمانى ومكانى
    ما اجمل اسرتى , ومين احلى من حبيبتى
    اما الناس , واقصد بهم من عمروا تلك البقاع وسكنوا فيها
    فانهم ينتظرون الصباح الباكر , ليهرعوا الى شاطىء البحر
    فيملأوون كل اريكة تغشاها الشمس , ويجلسون على حواف الأمواج
    معطين اجسادهم حقها من هرمونات الطبيعة وفيتامين دال الذى لا يزورهم الا نادرا
    فيكرمون وفادته , يحترمون انفسهم كما يحترمون اجسادهم
    يا ربى الناس ديل كلهم مؤجزين زيى ؟؟؟
    جاهم عمر فى المطار وكشف لهم عن (صرح بلقيس )
    ذلك الذى حسبته انا (لجة )
    فكشفت عن (ساقى )
    فاذا به (صرح ممرد من قوارير ) ؟؟؟؟؟
    انه بحر الشمال
    وايه بحر الشمال
    وانت النيل حداك
    صافى كالزلال
    عنده جنس دلال
    وشوقى ليكا طال
    بالله عليكم الطيب عبد الله ما بالغ ؟؟!!
                   |Articles |News |مقالات |بيانات

07-08-2011, 02:11 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    سلامات يا ناس

    تعرف الواحد اتشهى الاجازات

    انشاء الله اجازة مع جلا ...فى كسلا

    زهير ما معانا.
                   |Articles |News |مقالات |بيانات

07-08-2011, 02:45 PM

Hatim Gubara
<aHatim Gubara
تاريخ التسجيل: 14-11-2006
مجموع المشاركات: 704

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    ينصر دينك يا منص.. روعه بس..
    الحل.. مدرار تقعد جنب أمها وجنب مجتبي جهه الشباك..
    وأحمد ومجتبى يتناوبوا على الشباك التاني..
    أما حجازي فتدوهو شباك براهو..
    وإنت أقعد في الصف الورا ما دام بتعسل الوكت كلو..
    إلهي منك.. أربعه حلقات في اليوم..
    بالطريقه دي المسلسل حيكمل سريع..
    على العموم.. عارفك ما بتمقلبنا وتخلينا معلقين زي صاحبنا داك..

    الزناتي.. لو كان الفيس بوك رجلا لقتلته..
    يدقسوك السعوديين.. في باسطه بي ستين ريال؟

    الرشيد.. ياخي الكديسه جعانه.. أجدع ليها حاجه..

    يا كوتش.. أمشي أجازه إيران..

    نملوز ياراقي.. والله تقابلني بزهور وعصاير..
    إلا أحبك من أول نظره..

    الشادي وقيس.. شكراً على الإستشاره..

    نجيله.. الصيام خش العضم الظاهر..
                   |Articles |News |مقالات |بيانات

07-08-2011, 06:20 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: Hatim Gubara)

    Quote: الرشيد.. ياخي الكديسه جعانه.. أجدع ليها حاجه..


    يا أبوهريرة ما كانت جعانة....
    كانت بتجضم ليها في كوم كبير بتاع أكل خاتنو ليها جمب الجامع...
    الا تكون عايزه ليها آبري...
                   |Articles |News |مقالات |بيانات

07-08-2011, 09:23 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    سلامات يا ناس

    تعرف الواحد اتشهى الاجازات

    انشاء الله اجازة مع جلا ...فى كسلا

    زهير ما معانا.
                   |Articles |News |مقالات |بيانات

07-08-2011, 09:27 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    سلامات يا ناس

    المداخلة الفاتت دى جات تانى ليه ما عارف؟

    احتمال منص يكون عارف لانو مرات بجيبم بالجملة.

    منور يا فاتن حمامة.

    اتو طارق جبريل غتس مالو؟
                   |Articles |News |مقالات |بيانات

07-08-2011, 09:32 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    سلامات يا ناس

    Quote: ما اجمل اسرتى , ومين احلى من حبيبتى


    ولايخفى على فطنة القارىء انو بت الشيخ متابع جيد لبوست.

    دى جاتنى بى تلفون من امريكا.ولو ما مصدقنى اسألوا زهير.
                   |Articles |News |مقالات |بيانات

07-08-2011, 10:15 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    منص ...

    يعنى نلقاها منك ولا من الصيام فى الجو السخن ده ..!!

    قطعة النفس دى ما بنقدر عليها ...

    الله يديك العافية ...

    علىّ اليمين حكاويك أحلى من اغانى واغانى ....
                   |Articles |News |مقالات |بيانات

07-08-2011, 10:25 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد عيد)

    والله يا كوتش ملاحظتك بوليسية عديل ... زمان سيرة الحكومة دي تجي عرضاً هسه ملاحظ كسير تلج شديد ... واضح انه البوست بقي مراقب ولا المقالات بتمر علي رقيب ... بس رجاء للرقيب اياك والمقص الحكايات دي عايزنها زي ما هي ....
                   |Articles |News |مقالات |بيانات

07-08-2011, 10:32 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: زهير الزناتي)

    سلامات يا ناس

    Quote: والله يا كوتش ملاحظتك بوليسية عديل


    يا لذيذ...داير تساهر بى يعنى ....

    تلقاها عند الغافل.
                   |Articles |News |مقالات |بيانات

07-08-2011, 10:37 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد عيد)

    غايتو العجايز ديل دايما فاضحننا
                   |Articles |News |مقالات |بيانات

08-08-2011, 05:30 AM

عمر هواري
<aعمر هواري
تاريخ التسجيل: 07-11-2009
مجموع المشاركات: 123

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: زهير الزناتي)

    التحايا للجدعان ،، وكل سنة وانتم طيبين
    العزيز منصور عبدالرازق شهيتنا السفر والله ، خاصة مع إستقبال الرائع عمر نملة
    ويازهير الباسطة بتاعتك دي مابتجي ب DHL بالله شوف لينا الموضوع ده خاصة لو كمان صادفت عيد الفطر
    وبمناسبة عيد الفطر سيكون هناك سقوط لأحد عزاب الزقازيق وهو الأستاذ صديق الصادق الذي بدأ في تجهيز حاله
    لإكمال مراسم زواجه خلال أيام عيد الفطر .وعقبال شاويش ،،،
    تحياتي الغزيرة للأديب المرهف محمد صديق الإنسان الفنان
    والتحايا للرشيد وحاتم والشادي وياسر وأحمد إسماعيل وجلا الكلو حلا ولكل الجدعان
    لكم الود كله يا رايعين ،،
                   |Articles |News |مقالات |بيانات

08-08-2011, 07:53 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عمر هواري)

    صباح الخير ،،، يا وجوه الخير

    دعاء الصباح :

    اللهم إني إستغفرك من كل ذنب
    فإني ظلمت نفسي ظُلماً كثيراً وكبراً


    ==========================

    تحية الصباح نهديها لجميع ناس الزقازيق

    ونخص بالشكر أخونا القاص منصور للسهل الممتنع

    الذي يقدمه .
                   |Articles |News |مقالات |بيانات

08-08-2011, 08:02 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عمر هواري)

    تم بحمد الله و فضله يوم آمس اجراء العملية الجراحية بنجاح لزوجه زميلنا ابراهيم فــش
    بأستئصال كامل الرحم و المبايض ،،،، وهى الان بصحة جيده و الحمد لله بمستشفى الجامعة
    ت ابراهيم 551189554-00966

    شباب جده موعدنا اليوم مساءا" الزيارة تمتد حتى الساعة الواحدة صباحا"
                   |Articles |News |مقالات |بيانات

08-08-2011, 09:44 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عبد الدائم سيد أحمد)

    الف الف سلامة للحبيب عادل يسلم
    والف سلامة لزوجة فيش









    يا جورج انا مستمتع
                   |Articles |News |مقالات |بيانات

08-08-2011, 09:49 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    ربنا يستجيب للدعاء يا طارق
    زوجة ابراهيم فش بتكم من الامتداد مربع 11
                   |Articles |News |مقالات |بيانات

08-08-2011, 09:54 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عبد الدائم سيد أحمد)

    ربنا يواليها بالشفاء يا نضيف
    واجر وعافية لي بتنا ان شاء الله
                   |Articles |News |مقالات |بيانات

08-08-2011, 10:15 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    الصور مابية يا جماعة ؟؟؟ ولا انا الما بعرف
    لو ما بعرف , فلأنى ما اتعلمت كويس , ياخى مستوى الأساتذة فى البلد دى اتدهور تدهور شديد خلاس !!!
    الف مليون سلامة لعادل يسلم ولزوجة زميلنا ابراهيم فش
    ربنا يواليهم جميعا بالعافية
    عمر هوارى اهلا بيك , لولا السفر , كنا قدرنا على الصقيعة دى
    حاتم جبارة يا لذبذ , يمين نملوز زول ممتع بشكل
    كنت دائما اقرب اساله , انت يازول كده من زمان , ولا حصل ليك انفصام ؟؟؟
    انا يا حاتم من انصار ان السفر والأحتكاك الخارجى , بيصقلوا شخصية البنى آدم
    حتى انها من الممكن , ان تستنسخ منه نسخة مطورة
    يا ريتنى لو كنت احتكيت بالزول ده من زمان , عشان اقدر احكم
    سافروا كلكم لتقايلوا هذا الرجل
    لكن بشرط واحد
    مفاتيح بلجيكا بقت عندى , والعايز ما يلاوز
    محمد عيد , انت كمان ما تبالغ , الحاجة وصلت ولا لسه ؟؟؟
    يا محمد صديق وناس الخرطوم , معيد معاكم , فضى لى نفسك يوم كاااااامل
    طارق جبريل , انت صائم ولا شنو ؟؟؟؟
                   |Articles |News |مقالات |بيانات

08-08-2011, 10:42 AM

عمر هواري
<aعمر هواري
تاريخ التسجيل: 07-11-2009
مجموع المشاركات: 123

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    حمد لله على سلامة زوجة الأخ إبراهيم فش
    وسلامات للأخ عادل يسلم
    وربنا يسلم الجدعان
                   |Articles |News |مقالات |بيانات

08-08-2011, 10:51 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    لا استطيع القول ان اووستند , اجمل امكنة العالم
    ولكن لأوستند سحر عجيب
    هى مدينة صغيرة , ولكن كل ما فيها جميل
    اخذت من المدن , واكتست بطعم القرى
    نملوز قال لى انها (زقازيق بلجيكا )
    تستطيع ان تصل الى حدود هولندا منها , فى ظرف خمسة واربعين دقيقة
    تركب المترو دايركشن كنوك , فاذا بالجميع يتكلمون الهولندية ,
    تركب نفس المترو فى الأتجاه المعاكس , فاذا بينك وبين فرنسا , كيلومترات
    ولا حديث فيها الا بالفرنسية , التى تلوى الخشوم والألسنة , حتى لتكاد تعصرها عصرا
    تستلقى على البحر , استلقاءة يقظة
    بدانا نلحظ ان صداقة كبرى تنشأ هذه النواحى , بين الكلاب والبنى آدمين
    رايت عددا من الكلاب فى اوستند وكل اوروبا , اكثر من عدد الكلاب التى رأيتها فى كامل حياتى قبل الزيارة
    الصغير منها والكبير , الملون فيها والأسود والأبيض , كثيف الشعر وحليقه
    ممكن يكون صغير حتى تختلط عليك الأمور , ا###### هو ام فار او سنجاب
    ولا كمان تحتار السايقنو مربط ده , ###### ولا حصان
    ولكنها تتفق كلها فى انها كلاب مؤدبة وتسمع الكلام
    تطيع صاحبها طاعة عمياء
    هذه الكلاب المتنوعة , فتنت حجازى ولدى
    ما ان يرى ######ا , حتى يفلت مننا ويتجه اليه , استغربت فى انه لم يخف من اى منها
    عكس مدرار وايثار
    تفاجأت بمشاعر حجازى الأيجابية تجاه جنس الكلاب
    حتى انه عبر بصراحة فائقة غن رغبته الأكيدة فى امتلاك واحد منها
    حدد مواصفته بأنه ###### صغير , يا ابيض , يا ابيض بأسود , يا كمان بنى على بيج
    اظن والله اعلم , ان حجازى ومن فرط انتشار هذه المخلوقات التى لم ير الا المشردة منها مرة او مرتين فى حياته
    اعتقد انها تباع وتشترى فى المحلات , مثلما تشترى الشوكلاتة وتباع
    نحند الله ان عيننا لم تقع على معرض لبيع الكلاب المنزلية
    والا كنا نعانى الآن فى كيفية ادخالها معنا الى الرياض !!!!
    كل الناس , او قل معظمهم , يربطون فى اياديهم سلسالا ل###### كبر او صغر
    ويلبسون الملابس الخفيفة , وتبرز فى ايديهم (من اين لا اعرف ) مظلة تقيهم الأمطار مع اول حبة مطر تسقط
    او بالعدم , يخرجون من اواعيهم كيسا بلاستيكيا مفصلا على هيئة بالطو , فيتحول ازعاج سقوط المطر على ملابسهم , الى فرطك استمتاع
    انا شخصيا , كنت استمتع بازعاج المطر على ملابسى , علما بان عمر من تانى يوم لقانى ليك خاشى فى الشورت الماخمج
    واشتريت لى شبشب موية من احد المحلات المنتشرة على شاطىء بحر الشمال
    وتحولت من كونى منصور عبد الرازق , الى مشروع سائح يابانى واعد , ببشرة داكنة
    يلقى بنفسه الى الماء , فيتحول الى (حجر كبير )
    ويشرع صدره وملابسه لحبات المطر المتساقطة , متحولا الى مشروع اسبونج بوب كبير
    حتى ان مجتبى واحمد وايثار وحتى حجازى ومدرار , صرفوا النظر عن مشاهدة فيلم المتحولون transformers
    المعروض على معظم شاشات سينما اوروبا التى مررنا عليها
    يعنى حايكون تحولهم اكبر ولا اكثر من تحول ابوهم ده
    والمرة دى لا فيها تعسيلة ولا حاجة , سامعنى يا واد يا فاتن جبارة انتا ؟؟!!!
                   |Articles |News |مقالات |بيانات

08-08-2011, 11:16 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    الغوص الى تفاصيل تفاصيل رحلة اوروبا , امر صعب جدا
    مع انها اربعة حلقات فى اليوم , الا اننى اتفادى التفاصيل
    لن استطيع ان احكى لكم عن دهشة الرحلة البحرية التى رتبها لنا عمر
    صحبة ندى ام الطيب , وعيسى نور الصغير
    ما حا اوريكم سر تسمية عيسى نور , هذا الأسم المركب الجميل
    وما حا احكى ليكم عن مكان غاية فى التميز , اسمه الأيرث اكسبلورر earth exeplorer
    دخلناه , وما خرجنا منه الا لأنتهاء الزمن ولأن الجماعة عاوزين يقفلوا
    فكرته بسيطة ولكن تفاصيله غاية فى الأدهاش
    مستكشف الأرض هذا ,فيه قسم للماء , وقسم للنار , وقسم للرياح
    وفسم لعلوم الأرض وطبقاتها
    وانت ماشى توقعك عاصفة , ولا كمان يرميك زلزال , وممكن تلاوز ليك نار الله الموقدة
    ثم تختتمها بمركب شراعى يسقط بك عموديا فى بركة ماء
    فلا تدرى هل تضحك ام تبكى , حتى تجد نفسك فى كرسى المترو عائدا صوب محطتك
    والتمشية من المحطة الى فندق البرت تو هوتيل ,تمشية ممتعة
    فانت تمر على الحانات المنتشرة , كلها عامرة وممتلئة
    يتعاطون الحلال مرة , والمكروه مرة , والحرام زااااتو مرات ومرات
    عشان تلقى موية الله دى , تتعب جنس تعب
    الأكل غايتو كان مشكلة عويصة , خاصة لى انا وبنت الشيخ
    اما الشباب , فقدهللو وكبروا اذ وجدوا ان الدور الأول من فندقنا تحتله بيتزا هوت بالكامل
    وما كدونالدز كمان على مرمى حجر
    فى زول بتاع دجاج مشوى قاعد على ناصية سيوبر ماركت اسبا الشهير , يا الهى منو يا جناعة
    الجدادة عنده بى تمانية يورو
    بت الشيخ قالت لى اسالو , حدادك ده حلال ؟؟؟(يعنى مذبوح حلال )
    بينى وبينكم , خفت اسالوا يقول لى لا
    لو قال لا ,فقد حكم علينا بالبيتزا والماكدونالدز , لكن نماوز افتانا بالوكالة
    قائلا انه سمع الشيخ عائض القرنى , يفتى انه يجوز اكل الدجاج المذبوح فى اوربا ,غض النظر عن طريقة ذبحه
    بالتسمية بنية الذبح الحلال قبل الأكل
    ياخى عايض القرنى ده زول تفتيحة بشكل !!!!
                   |Articles |News |مقالات |بيانات

[رد على الموضوع] صفحة 28 „‰ 59:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de