كتب الكاتب الفاتح جبرا المتوفرة بمعرض الدوحة
|
Re: ناس الزقازيق ... أجدع ناس (4) .. (Re: موسي عيسي)
|
الاحباب لكم كامل مودتي ود جبرين وقفنا مشدوهين نعين تهنا في زحمه نعم في انتظار المزيد من الابداع دودي الجرسه دي كلها كم يوم انا خايفك تعمل زي حسام البدري وتطالب بعوده الحلوين والا حاتفضل تغني وين الحلوين وين راحو عيسى لك الشكر ومقدرين تضامنك ماتشوف عزوبيه وناس كسلا ناس طيبين وصحنا ياشادينا لحظك ام كؤوس الراح سقينا نثني دعوه الريس عود ياشادي
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
يا ديدو يا نضيف إنت يا يابا ما محتاج عزومة
أنا سألتك في يوم سفر الجماعة تجي عندنا بالليل
بس قلت عندك غسيل عدة ومضايرة ،،،،،
أولا حاجة كل جمعة تعال عندنا بدون إحم ولا دستور
تاني حاجة أضرب سلف كل يوم بالليل وتعال دردس معانا شوية
هسع بعد غداء أبو علي ما تشرد عدي علينا المسافة بيني وأبو علي
3 دقائق بالسيارة ، أصلوا أنحنا موصيننا عليك
لازم نفتش دروبك كلها ,,,,,,
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صباح الخير يا وجوه الخير ...
الي حين ميسرة ....
يا ناس الليلة الخميس ... اها حا يبقي زي الخميس الفات الليلة يا حليلو ولا حا يلحق بوست منصور ... الخميس الفات الليلة يا حليلو ... يا جماعة الليلة مزاجنا في اتساق من منص ...
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
من نعم الله على عباده قدره على التساق مع نفسه دى اول حاجة وبعد داك لو كملت اتساقك , مع محيطك , فيا بختك انا الأيامات دى , الوانى من شدة ما (متسقة ) مع بعضها لمن حاسى بى نفسى , دافنشى زاتو وليد حمدون يا ابو الجل , اجتهد فى تصوير موية السودانيين الناقصة جفاف مع تصحر , نتيجة طبيعية لموية كربيتر ما تامة النتيجة مضمونة , زى ضمان فوران البيبسى مع استمرار الرج الكلمة الطيبة قالوا , بخور البطن لكن ده طبعا لمن الواحد يكون (متسق ) والوانه راكبة , وعاملة ماتشنق لو ما متسق وعندك مضايرة فى البيت وعاوز تغسل العدة طبيعى حاتكون المسافة , البينى ما بينك حتى لو كنت ماشى قدام عروستك , فى ميدان العتبة زى المسافة بين الالف , والياء بس تمانية وعشرين حرف وهذه تعادل , بمقاييس الحنان بس , الف سنة ضوئية ومليون فرسخ , من فراسخ (الفهم الضائع ) ولسه بيناتنا المسافة , واللهفة والخوف والسكون رنة الحزن البخافا , تعدى بالحسرة وتكون
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
ابو الزوز انا ظابط المنبه على الساعة 7 ص ياها مواعيد الشغل ومن ضمنها بصلى الصبح ( انا ساميها صلاة الشــغل ) استغفر الله عادة سيئة ما قادر اتخلص منها ....
بحاول الايام دى بعد سفر الجماعة اظبط المواعيد
شكرا" يا ريس على التذكير وربنا يقدرنا ..
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote: وجدت الرشيد بابكر دخلت متشوقاً لاجد مداخلة سمينة وثمينة ... الا انه خذلني .... اكيد كلام الله ما بناباهو الا الفيك اتعرفت ... |
عاد بي وين... و كيف.. و بتين... كانت خميس نوم و جمعة مهام... صحي ما زي المهام بتاعتك... لكنها كانت كافية لحبسي بالبيت... و منعي من القيام بأي مهام أخرى... فلقد أوكل الي تدريس أمنية مادة الرياضيات... و لأني ما بستقيد من تجاربي قمت بواجبي... في كل مره أذاكر مع أمنية... و تجيب نتيجة أقل درجتين أو تلاتة من الدرجه الكامله... تقول لي عشان انت ما ذاكرت معاي كويس... ماما بتذاكر معاي أحسن منك.. أقول ليها دي آخر مره أذاكر معاك... و أجي اذاكر معاها تاني... ان شاء الله تجيب الدرجة الكاملة المره دي...
يا ريس شكرا على التذكير بصلاة الفجر... تصلي الفجر جماعة... و تقرأ آيات من القرأن الكريم... و تتمشى شوية... أكيد حيكون يومك غير...
أبو الزوز المداخلة دي برضو ما دسمة... و ده لسبب واحد... لأنها Kids meal....
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صباحاتكم بهية يا زهير
تعجبني محاولاتك لسحب كبار القوم إلى الكتابة
ولكننا نشهد بأن رشيد القوم صاحب مقالات دسمة
وأشبعنا حتى التخمة وممكن تزوروا مربع كاي
أنحنا يكفينا دخوله البوست ولو كتب حرف واحد
نحن سعداء بالتواصل اليومي معكم جميعاً وننتظر تداخل
باقي المختفين والمهجرين إلى ساحة التغيير وعلى رأسهم
أخونا كمال الشادي والشاب جلا ،،، وآخرين
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
عجبا يقول الناس انك هاجرى وانا الذى ذوبت فيكا مشاعرى سبحت باسمك والشجون سوامرى حتى بكى قلبى بدمع محاجرى قل لى بربك كيف تنسى الموعدا والليا احلام وشوق غردا والجدول الهيمان حوالينا عربدا كانت ذراعاك لراسى مرقدا عجبا , اتنسانا وتنسى الموعدا ؟؟؟؟؟؟؟!!!!! عجبا اتنسانا وتنسى المشهدا !!!!!!! انسيت انك فى شعورى وفى دمى مهما بعدت وزاد منك تألمى سأعيش بعدك راهبا فى ماتمى وتعيش ابدا ذكرياتك فى (فمى ) وتعيش ابدا ذكرياتك فى (دمى ) ما دام حبك يا حياتى ملهمى
الله يدينا اتساق زى اتساق الزول ده الموعد عنده , مشهد والذكريات , فى الفم وفى الدم اتسقوا , يرحمكم الله
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
اهلا بيكم يا ناس الزقازيق ....
سعيد بان التقيكم في منبركم العامر وحقيقة زادت سعادتي وانا اتعرف على مجموعة كبيرة من الاخوة خريجي الزقازيق والمتواجدين في الخرطوم ومنتظر زهير الزناتي لحين عودته للخرطوم بما ان شقيقه عبد الله حل محله الى حين ...
اهلا بيكم اجدع ناس ..
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: تحية وشوق
لأجدع ناس
حاولت أتسق مع البوست... لكن الكفيل اليومين ديل ماااااااااااااااا متسق معانا
لذلك حنحاول نتسق مع السودان.....................................................
إن شاء الله |
ولدنا سامي ... حمد لله على السلامة ... حسيت من مداخلتك عدم اتساقك مع الكفيل ... بصورة مزعجة شوية اتمني ان تكون امورك شويه ضيق من الكفيل ... وتزول ... بس ماتصل اتساق السودان ... طمنا ... وورينا الحاصل شنو ...
جلا حمد لله على السلامة ...
دعوة صلاة الفجر ...في ميزان حسنات الريس ... وميزان كل من يقوم الفجر ...
ود الزناتي ... تحياتنا الصباحية ...
| |
|
|
|
|
|
|
Re: ناس الزقازيق ... أجدع ناس (4) .. (Re: موسي الراجل)
|
لم يكن في بالي الشوت الضفاري للإخوة الضيوف لكن يدي ماكلاني التحية و التجلة لعلاء الدين
Quote: ومنتظر زهير الزناتي لحين عودته للخرطوم |
غايتو أخير أسكت و أقول شرفتنا في ديارنا و بس!!!!!!
أما بالنسبة للفاتحة بتاعتكم يا طاعم فهي ما جايبة مريسة تامزين قلت لي البعد الرابع أنا بي جلالة قدري تقول لي البعد الرابع
شكراً نجيلة بالمناسبة أنا كنت متسق مع الكفيل بتاعي (بت الشيخ) في الفترة التي غبت فيها أي زول معاهو كفيلو الأنا قاصدو فهو في حالة إتساق حتى موسى عيسى ذات نفسو ... أما رش فهو حالة إنفرادية و يختلف عن ديدو الما متسق في هذه الأيام
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: ما بالنسبة للفاتحة بتاعتكم يا طاعم فهي ما جايبة مريسة تامزين قلت لي البعد الرابع أنا بي جلالة قدري تقول لي البعد الرابع |
عليكم الله عاين زي دا .... اقول ليك البعد الرابع وما تعجبك؟ ياخ والله احبطني جنس احباط ... اسا انا قايل روحي نحت الجمجمة وشكرتك جنس شكر "ان شاء الله يوم شكرك مايجي" ياخ البعد الرابع دا حاجة كويسة والله حتى اسأل منصور .... والله صحي .
عجبتني لكن معادلة كفيلك "الكنت معاه " والاتساق .... بس بطل حندكة عشان ود المهدي ما يزعل منك لانو هو برضو زي اخوه الكاشف مااااااااااااا متسق نجيلة يا ولدنا ازيك ياخ .
----- جبرييلا ..... شوق من عندنا لغاية المضيق وشواطئ الاطلسي
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
Quote: يا رشدي المداخلة كاملة الدسم ... ومالية عينا بس انت تعال وسيبنا من التلغرافات ديك ...
|
و الله يا أبو الزوز عا########ي طريقتك بتاعت برشلونه دي... خير وسيلة للدفاع الهجوم...
Quote: ولكننا نشهد بأن رشيد القوم صاحب مقالات دسمة
وأشبعنا حتى التخمة وممكن تزوروا مربع كاي
أنحنا يكفينا دخوله البوست ولو كتب حرف واحد
|
شكرا يا ريس على الكلمات الكبيرة دي في حقي... واحد صاحبي قال لي شنو ياخي انت شابكنا كنت و كانت... انت قايل نفسك الطيب عبد الله و هو يقصد بروفيسور عبد الله الطيب... قلت ليهو لو كنت قايل نفسي الطيب عبدالله كنت شبكتكم... الغريب من وطنه مهما طال غيابه... مصيره يرجع تاني لي أهله و دياره..
Quote: اليومين الفاتوا ديل جيت متاوق لقيت زهير شخت للرشيد في تلغرافاته قمت كبيت الزوقة قلت الزميل دا لسانو طويل وما بنقدر عليه ...
|
يعني يا جلجل لقيت الشخيت... مشيت بعيد...
Quote: أي زول معاهو كفيلو الأنا قاصدو فهو في حالة إتساق حتى موسى عيسى ذات نفسو ... أما رش فهو حالة إنفرادية و يختلف عن ديدو الما متسق في هذه الأيام
|
و الله حاله انفرادية أحسن من بعد رابع... لو كان قلت استثنائية كان اتكيفت...
شامي فيك ريحة هواء بحر يا جلا...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: نجيلة يا ولدنا ازيك ياخ |
ولدنا جلة ... بالله زود من نكات الشاسي ... صدقني طاااااااااااعمه خلاس ..... وسكر زي .... دمك ... تشكر على السؤال ... با حبيب (بفتح الحاء ... وسكنو وشددو ماشئتم ....
=============== ود حيمورة ... كل التحايا وتشكر على الزيارة ... مثلك يحتفي به ... وزد المكان شرف ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباحاتكم زين ياحلوين ،، ناس الزقازيق أحبائي لكم كل الود والله مشتاق ليكم شديد حبيبنا زهير ليك وحشة معليش إنقطعت عنكم بالرسائل ولكني لم أنقطع بالمتابعة للبوست لظروف أرجو أن تكون زالت علاء الدين حيمورة نورت البوست لك التحايا العاطرات تمنياتي للجميع بدوام التقدم والإزدهار
| |
|
|
|
|
|
|
Re: ناس الزقازيق ... أجدع ناس (4) .. (Re: عمر هواري)
|
أقول ليك حاجة يا بسكو أولما تجي شوت ضفاري بالكتير أديهم سلام و الفاتحة بتاعتهم أصلو ما تكب ليك إعتذار هنا لأنو C.V بتاتعك بتخرب لي قدام
Quote: معليش إنقطعت عنكم بالرسائل ولكني لم أنقطع بالمتابعة للبوست لظروف أرجو أن تكون زالت |
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
سلام يا ناس
(11) قضيت أيامي الزاهية تلك في أصيلة، التي تنام على خاصرة الأطلس، ما بين الطيب صالح وممارسة عمومتي على الطفلتين.. كانتا سعيدتين لوجودي.. وكنت انا مبتهج وفخور لهذا الامتداد (الجبريلي) في المغرب.. نشأت بيني وبين شيخ الطيب نوع من الإلفة لم أجد لها تفسيرا ولم أتعب نفسي في التفكير فيها.. كنت آتي إليه في الصباح الباكر ونفطر سويا.. ربما (هذا الحنين) هو الذي جمعنا.. رغم نشأتي وميلادي في الخرطوم إلا أنني كنت مشدودا إلى أصلي وقريتي شبا في البركل.. حكيت له عن جدتي (نفيسي بت بغداد) وعن نوادرها الكثيرة.. كانت تأثرني حكاويها.. كنت أجد متعة كبيرة وأنا برفقتها.. كانت إمرأة عظيمة رحمها الله لا تتحرج في الكلام.. كانت (بت مجذوبا) أخرى.. حكيت له قصة زواجها من جدي بعد أن توفيت زوجته الأولى.. ضحك الرجل حتى سالت دموعه.. - يا شقي الحال انت وكتين حافظ التفاصيل دي كلها من البلد ما تكتب.. - يا شيخ الطيب الكتابة دي موهبة وانا زي ما انت شايف بيطري دايش.. - يا ولدي والله بي حكاويك دي لو ختيت الرحمن في قلبك حا تكتب حاجات سمحة خالص.. تعرف يا ولدي انا كتبت عن قرانا ديك وعن ناسها.. الأشخاص الذكرتهم في كتاباتي كلهم أشخاص حقيقيين.. كنت من خلال الكتابة أحاول أن أخلق جسرا بيني وبينهم.. ذلك كان عالما جميلا احببته بصدق.. وحين طوحت بي الأيام في المنافي وزمهرير الانجليز.. وجدت نفسي في بيئة غير بيئتي.. وأناس لا تربطني بهم أية صلة أو حتى شئ مشترك.. الحنين كان قاتلا حينها.. ياخي في بداية الخمسينيات لقيت نفسي في بلد البرد فيها حاجة كارثية.. وحكاية انت تتنفس والدخان يطلع من نخرينك دي ههههههههههه.. ولقيت نفسي في غرفة صغيرة ودافية وبطاطين وهيلمانة كدة.. وهناك كنت برقد في الحوش وأتأمل النجوم.. وأتونس مع رفقاني جنب التمر وفي الرملة بالليل.. ونقعد نغني غنانا السمح داك ونرقص ونضحك.. لم أجد غير الكتابة بديلا.. عشان كدة لمن يقولوا ليك الراوي والكاتب الموهوب والما عارف شنو.. هههههه والله يا ولدي أنا قاعد أضحك.. كأنما القوم يتحدثون عن شخص آخر.. ذكر لي شيخ الطيب شخوصه الأصلية.. من خلال تلك الجلسات تعرفت على بت مجذوب الحقيقية.. تعرفت على الزين ومحجوب وبكري والطاهر الرواسي وسعيد عشا البايتات... نقل الرجل كل شخوص القرية إلى رواياته.. اتاحت لي أصيلة التعرف عن قرب لشخوص هذا الكاتب الفذ.. وهكذا كانت علاقتنا التي امتدت لعقدين.. هو يحكي وأنا أنصت.. وكانت أصيلة هي مكاننا المحبب.. أتاحت لي هذه الرفقة معرفة الطيب صالح الإنسان.. الرجل البسيط.. تكلم عن زواجه وعن بناته.. وعن أصدقائه.. حتى عن مغامراته العاطفية.. وهكذا ولمدة عشرون عاما.. كان هو يحكي وأنا انصت.. وحين تحين ساعة الرحيل أذهب لغرفته وأجمع له حاجياته ثم أجمع حقائبه ونوصله أنا وشقيقي طلحة إلى المطار.. إمتدت علاقته بنا لتشمل والدي ووالدتي رحمها الله.. حين تزوجت أتيت إلى أصيلة وكانت زوجتي حامل بطفلتي الأولى ريم.. زعل زعلا شديدا وقالي لي أمامها: لماذا لم تدعوني للزواج.. راجلك دة زي ولدي.. على الأقل كان جبت ليك هديتك معاي.. لكن راجلك دة حسابي معاهو بعدين..
كان محبا للمغرب وللمغاربة: يا طارق يا ولدي المغاربة ديل أول ناس احتفوا بي ياخي ديل كرموني قبل أي شعب آخر.. المغاربة، وللأمانة، كانوا يحبون الرجل حبا شديدا وكرمته أصيلة ووضعت لوحة كبيرة في مدخل المدينة: الطيب صالح الإنسان والرمز.. كانت لفتة من مهرجان أصيلة والقيمين عليه.. أذكر مرة كنت أجلس معه في أحد المقاهي في انتظار طلحة ليكملوا مساجلاتهم.. كانت عمامته ظاهرة للعيان.. جاء صبي عمره في حدود 12 عاما وراح يصيح بقربنا: مصطفى سعيد..مصطفى سعيد..مصطفى سعيد.. أثار انتباهنا ونادينا عليه فجاء.. - علاش عيطي مصطفى سعيد ملي شفتينا - حيت مصطفى سعيد هو البطل ديال الطيب صالح.. ياك هادا هو الطيب صالح - وانت من فين عرفتي هاد الشي - حيت باب عزيز عليه الطيب صالح وديما تيحكي ليا عليه وعندنا الكتوبا ديالو.. وهاد العام راه اعطونا قطعة في التعبير من موسم الهجرة إلى الشمال.. هكذا أحب المغاربة الرجل.. وهكذا احتفوا به.. ودعت الرجل ودخلت إلى عوالم الرباط حيث (حسن) العاهر والداعر معا.. .....
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
كلنا متسقين و متناسقين و في قمة التناسق
البخليني ما متسق شنو مالي اولادي في السودان !!
و لا في كسلا !! و لا كل يوم ناطي لي في بص غير متسق .
اللهم زدنا اتساقا مع المتسقين .
و ابعدنا ربنا من شر عدم المتسقين يارب العالمين .
التحايا للاستاذ علاء الدين حيمور نشرف كزقازيق بمرورك
و نزلت اهلا و حللت سهلا و الدار دارك .
الأنيق سامي عبدالوهاب وين اخبارك و لك التحية .
و فاتحتنا يا شاب .....................!!!؟؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
مساكم الله بالخير
أن تأتي بعد موسى عيسى المتسق لا شك أنك ستصاب بعدوى الاتساق... حتى و ان لم تكن لديك نفس المعطيات التي تسببت باتساق موسى... فقط كونك تأتي خلف موسى يكون كافيا... كل محاولاتي الصباحية بأن أتداخل معكم باءت بالفشل... و لكنني حرصت أن أدخل مساءا... حرام كل يوم يجي الريس ميسره و يقعد يترجانا عشان نسجل حضور... رغم ان الريس لم يظهر اليوم... و مداخلات زهير لا تحسب له... فأبو الزوز أدمن شيئين... اللعب بطريقة برشلونة... و الفيس بوك أو وش الكتاب كما تفضل جلال... و الفيس بوك موقع للتواصل لا يمكن تجاهله... و يجمع عدد من الوجوه النيره... و لكني لا أجد نفسي هناك... فحبي يظل دائما للحبيب الأول... و حنيني أبدا لأول منزل... لذلك جئت هذا المساء لأقول لأبو الزوز و آخرون... نقل فؤادك حيث شئت من الهوى... ما الحب الا للحبيب الأول...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
يا ناس سلام في اقتراح بتعديل فكرة صندوق التكافل تبقي زي فكرة الصندوق (الخته) او الجمعية علي قول المصريين ... اكيد كل زوله عنده فرقة في حياته ..قطعة ارض عايزه تمامه ...ولا مقاول فاتح خشمة عايز قروش ... ولا زول ماشي الجامعة ... ولا بت الشيخ عايزه دهب ... او حتي كمان عايز يعرس تاني زي صاحبي داك ... المهم الفكرة تكون دواره الناس تتفق علي امين خزينة ... ونفرين يديره الشغله عايزين اقتراحات ... لكل سهم وكيفية تحديد صاحب النصيب عايزين لينا خمسين نفر بحد ادني يكون عندهم العزيمة لمواصلة المشوار ... الفكره برضو عندها ابعاد اجتماعية .... اي زول حصل ليهو ظرف طارئ ومحتاج للصرفة يتخيل النفرين الماسكين الصندوق اضافة لامين المال يحددوا لو ممكن يعملوا ليهو تقديم ... وكل حاجة تتم برضا النفوس والمطايبة ... كمان لو في زول لا قدر الله من الاعضاء رحل للدار الآخرة ... تكون اول صرفة لاسرته اكيد بتكون لمسة انسانية هامة ... وبتجبر ليهم جزء من الكسر ويقدروا يرتبوا احوالهم لحد ما ... وتتعفي اسرته من باقي المساهمات وتتحول مساهمته للناس التانين ... وفي الغالب بيكون مبلغ رمزي كل شهر... اتمني انه السهم يكون معتبر يعني بقترح بحد ادني يكون خمسين دولار في الشهر ... وممكن الزول يخش باي كمية من الاسهم ... يعني 100 دولار ... 150 ومضاعفاتها ... ويا ريت برضو الناس تتفق علي العملة ... اعتقد انه الدولار لحد ما افضل من الحنيه السودان...ي رغم انه برضو بيفقد جزء من قيمته الشرائية كل سنة بفعل التضخم العالمي بس افضل من الجنيه .. عشان ما نظلم الناس في الصرفات الاخيرة .... يعني لو الالف دولار هسه بتجيب السلعة س اكيد بعد تلاثة او اربعة سنوات حا يكون سعر السلعة نفسها بقي الف ومية دولار ... يعني الدولار فقد كل سنة 2.5 من قيمته باجمالي عشرة في المية ...
بس الموضوع يتسحق انه الزول يقدم تنازلات لانه فيه مساعدة ومساندة لناس بيشكلو جزء من وجدانك .. و 10%% ما خسارة فيهم ... انا علي نفسي عايز في الصرفات الاخيرة يعني قبلان باي واحدة من العشرة الاواخر
كالعادة بقترح لامانة الصتدوق عبد الدائم النضيف ... وللادرة بختار موسي عيسي من الرياض والريس ميسرة من جدة لانه الاثنين ناس حسابات وبرضو من كبارنا ... وممكن الناس تزيد العدد لو حبت ... ولا في زول عنده راي في موسي عيسي (اكيد قاصد جلا) برضو يجي يقول تحفظاته بعدين الزول لمن يجنب ليهو مبلغ بسيط زي ده كل شهر اكيد ما حا يقدر يوفره براهو ... بس التزامه بفكرة الصندوق يخليهو كل شهر اول حاجة يطلع مساهمته ... ولمن تجيهو الصرفة اكيد بتقع ليهو في جرح ... اتمني تفاعل اكبر عدد من الناس ... وباكبر مبلغ ممكن الزول يقدر يوفره ... عشان الفكرة تكون اكتر فايدة ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
من زماااان كنت عاوز اقول حاجة زى دى لكن تقول شنو , التساق كاتلنا اوافق واثنى ونفتح باب االأقتراحات لتطوير الفكرة
طارق جبريل ياخى زود السرعة شوية ياخ !!! سامى عبد الوهاب مشتافين وملاحظات نجيلة قلقتنا عليك شوية طمنا
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
سلام للجميع نؤيد الفكره اخ زهير كانت لنا فكره مماثله وكنا مجموعه من الاخوان تجمعنا ظروف حياتيه متشابهه ونعرف بعضنا البعض جيدا وكنا نجمع رأس المال اقتطاعا من رواتبنا الشهريه وكنا ملتزمين بالاقسط الشهريه 500ريال وعلى مدار ثلاث سنوات اسسنا شركه ورأسمالها 255مليون بالقديم وهى عباره عن ارض زراعيه على النيل واليوم سعرها تضاعف وهذه المقدمه تحفيزا ان العمل الجماعى مردوده افضل وخصوصا عند تشابه الظروف ومحدوديه الدخل فنرجو من الاخوان الاهتمام بالفكره .
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
الفكرة ممتازة زي ما قلت ليك في الفيس بوك و البداية بي 50 شخص برضو فيها شئ من العقلانية الحاجة البتكون شوية فيها مشكلة هي المشاركة بالجنيه السوداني إذن تحديد سعر الصرف مهم مثلاً السعر الرسمي 2.9 أما سعر السوق الأسود 3.3 فمثلاً نحدد نحن في السودان مبلغ 300 جنيه كمتوسط لسعر 100 دولار على أن يكون هناك ممثلان من السودان أنا ليس منهم لأنو مسألة جيبي يسع الجميع ما قسمت معاي المرة الفاتت إذن أنا أحد الأعضاء و الصرفة الأولى بتاعتي لأنو قافل على الريالات و الدولارات
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الفل والياسمين يا أعز ناس أتمنى أن تكونوا على خير وفي أحسن حال فكرة جميلة جداً ويمكن أن يستفيد منها الناس كثيراً بس عاوزة شوية مجهود وتنسيق بالذات ناس السودان هل مع المجموعة ام منفصلين؟؟ تحياتي للجميع لكم كل الود
| |
|
|
|
|
|
|
Re: ناس الزقازيق ... أجدع ناس (4) .. (Re: عمر هواري)
|
صبحكم الله بالخير
مره آخر شهر بعد ما استلمت الراتب قعدت أعمل التوزيعات... ما خليت حاجة ما حسبتها... الايجار..قروش المدرسة..حق الأكل...حق الله...بق الله... ما خليت شي...مصروفات منظورة...غير منظورة... لقيت ليك نفسي موفر مبلغ محترم من المال... اندهشت اندهاشة لما بقيت و أنا ماشي أضحك براي... معنوياتي في السماء أوزع ليك في الابتسامات شمال و يمين... قلت كمان دي مناسبة تلفون طوييييييل للسودان... الأقربون أولى بالمعروف... ما دام الشهر ده قدرنا نوفر لأول مره منذ قدومنا للامارات... خلينا نبر الحجاج ديل بي تلفون طويل... جيت داخل البيت آخر فرفشة و ضحك مع ست بيتي... أن توفر درهم بعد كم سنة من اغترابك فلا شك حاجة تستحق الاحتفال... حتى سألتني ست بيتي سؤال صعقني و الجم لساني... الدهشة التي يأتي بعدها فرح لا تسبب مشاكل صحية... لكن الصعقة و بعدها الدهشة دي بالقليل تدخلك في زمرة ناس منصور... ست بيتي قالت لي ان شاء الله تكون جبت معاك قروش الصندوق... الله ينعل الصندوق و قروش الصندوق و اليوم الدخلني انا في الصندوق ده... أنا من الصباح طاير في الهواء متخيل نفسي وفرت.. تطلع دي قروش الصندوق... صندوق مع ست بيتي ...و أخر في المكتب و ثالث في المدينة التي كنت أعمل سابقا... لدرجة بقيت أسجلها في الموبايل عشان ما أنساها... و قررت من اليوم داك اذا انتهت الصناديق دي تاني توبه لي حبوبة.. عايز آخر الشهر أمسك لي قروش في يدي أقول أنا وفرتها طواعية مش اجباري...
غايتو صندوق التكافل ده الا تحنسوني عشان أنضم ليكم... مع انه الفكره ما بطاله.. هي الفكرة دي حقت منو... عشان ندعي ليهو بطول العمر....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
خلينا انا الندعو لي صاحب الفكرة قبلك يالرشيد علشان
ما تجي تقول عايز تشاركنا في الصرفة الاولي و اها دي الدعاء
و منك الإجابة يارب و بالمره الاجابة تسكت لي جلا !!!
يامن ليس لى رب سواه يامن احبه واتمنى رضاه احبك ربى يانعم الخالق وادعوك وليس بينى وبينك عائق اناديك ربى فتسمعنى واناجيك فتفهمنى وابكى بين يديك فاشعر بك حولى وكأنك تقول لى مابك عبدى فأشكو لك حالى فترحمنى فكيف يكون حالى بدونك ربى كلما أخطأت جريت نحوك أبكى واقول اغفر لى فتقول لى لاعليك ولاتبكى فلمن وجد عفوى ومغفرتى وأبعد عنك فتذكرنى وتقول لى اقتربى فاعود اليك وفرحتى تسبقنى وابكى واقول احبك ربى باقتراح اخي في حل مشاكلي وسدي مشاغلي بالصرفة الاولى !!!
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
يامن احبه واهواه يامن اتمنى لقاه يارحمة من ربى لنا مهداه ياحبيبى ياالصندوق (القطه). بعد ان عرفتك وعلمت سيرتك ورأيتك فى حُلمى وحضنتنى طيبتك وسعدت بوجودى معك وفرحت برؤيتك أعترف لك بأنى احبك حب ملأ كيانى حب حقيقى ملأ إحساسى ووجدانى حب لايعلم أحد مداه حب أتذكره دوما ولاأنساه فأنت خير معين وروحى فدا لك قبل مزاحمت المارقين ( جلا و من شايعه ). يا صالح انت المفروض تحجز بعد الطيش لا رسوم مدارس و لا.........؟؟؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
أحياناً زحمة الشغل تمنع عنك المتاوقة
جمعية ناس الزقازيق - الصندوق - فكرة جميلة
بس لازم تفكروا فيها بشكل ممتاز لأن من ضمن سلبياتها
الأساسية طول المدة - أكثر من أربعة سنوات -
تتغير فيها ملامح الطبيعة ومكونات الناس وأماكن تواجدهم
وفي إشارة خفية صرح بها أخونا رشيد القوم هو عدم توفير
أي مبلغ لأن الألتزامات الكثيرة لا تريحك أبداً مهما بلغ راتب
ومهما كبرت مكانتك فأنت في نهاية الأمر تظل وتستمر موظف يقبض
راتبه آخر الشهر وفي السعودية معظم الشركات بعد ثلاثة أو اربعة اشهر
نحن نخطط لنوع آخر من الهجرة وهي هجرة الوظيفة المقيدة ومعي بعض الزملاء
من الداخل والخارج ،،،،،،
ويصبح مسألة الزمن عامل حاسم لنجاح هذا المشروع لأن معظم الناس مؤشر
حياتها ينحني في إتجاهات مختلفة ومتعددة لأن بعد أربعة سنوات لن نكون
نحن كما نحن وليست في مواقعنا الحالية ،،،، هيا أحكموا التفكير لأنجاح الفكرة
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
يعنى بالعربى كده يا ميسرة تقصد بعد اربعة سنين محسنة احتمال يكون عرسوها ....
طيب مالو الصندوق فى الحتة حينفعك وبالذات لو مشيتو عملتو العرس فى السودان
قلت لي الشركات فى السعودية بعد اربعة شهور مالا ...... تم الجملة
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
زمان تضرب لي أي زول تلفون تقول ليهو عايزين نجيكم أنا و المدام...قاعدين.. يقول ليك بعد تردد قاعدين و الله ...بس تعالوا لينا بعد المسلسل التركي... هو المسلسل التركي بتين طيب... العرض الأول و لا الاعادة؟؟؟؟ الاتنين ياخي...عشان نجيكم بين العرض الأول و الاعادة... حسه الفيس بوك ده عامل للبوست ده زي المسلسل التركي... تجي البوست ما تلقى زول... تمشي تلقاهم كلهم في المسلسل التركي... لكن ده ما الموضوع... الموضوع أنا الليلة جيت أسجل اعتراف خطير... طبعا كلكم شفتو الحمله الأنا شنيتها على الفيس بوك و على أبو الزوز... و الفصاحة الاتفاصحتها بي هنا... أمبارح و بدافع من فضول جيت ماشي بي جمب الفيس بوك ساكت... قلت كان الله هون أتاوق بي الحيطه أشوف الناس دي ماله... شافتني ليك زوبا قالت لي اتفضل أشرب شاي مقنن... دخلت توش و اتحكرت ليك كأني ما كنت بتفاصح الصباح... الونسه جرت و لمت ليك ناس كوثر من كندا و وليد من السعودية... و حتى الريس معتصم من السودان... في الأول اتعززت شوية...بعدين الونسة بقت لذيذة فتحت ليك معاهم... و الزمن ماشي و السهرة طولت و الونسه زايده حلاوة.... قامت زوبا قالت لي شفت كلامك الكتبتو الصباح عن الفيس بوك... كانت الساعة الوقت داك واحدة صباحا... وليد عمل انسحاب تكتيكي... أنا زاتي عملت انسحاب تكتيكي... زوبا الانسحاب وقع ليها في جرح... كانت عايزه تزوغ لكن كانت خجلانه مننا... المهم أنا جيت أعترف باني قضيت مساء البارحه كلو بتفرج في المسلسل التركي... و فتحت لي البوست... لكن تاني أنا كان شفتوني ماشي ساكت جمب الفيس بريسلي مش الفيس بوك...لوموني... أنا ما مابي الونسة اللذيذة الزي ححقت أممبارح دي... لكن أنا بقيت زول كبير و ما بقدر على السهر ده... و كان أنا زاتي مشيت الفيس بوك...البوست ده نقفلو و نجيب ليهو غفير... حاشا و كلا...أسمعوا يا ناس الفيس بوك أنا تاني ما جاييكم.... لكن عليكم الله كان الونسة سخنت أعملوا لي مس كول....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا رشدى والله انا كتير بجينى احساس انك قاعد تراقبنا فى الفيس بوك اول امس زى الساعة 3 بعد الظهر كنا حوالى 11 واحد من مختلف البلاد على الشــات ، زوبة مندمجة مع الونسة نست حلة الغداء على النار واتحرقت وقعدت العيال من غير غداء ... الفيس سمح ياخى .. الحاجة الوحيدة الما سمحة بالنسبة لــ ( منصور ) مثلا" بتقابل ناس خريجيين 96 واه واهـ من الفرق ما بين 96 و 86
لو حبينــا ننقذ البوست ده من ســطو الفيس بوك نجيب عصام سيكواوجى ونجم صالح صيدلة ومكى حمزة والطيب عاليب وامانى دفع الله ورفعت و مخلص وابوزر والنذير ووليد حمدون و على حسن وكل الناس المتألقة هناك ... الى سودانيز ده الحل الوحيد
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote: لو حبينــا ننقذ البوست ده من ســطو الفيس بوك نجيب عصام سيكواوجى ونجم صالح صيدلة ومكى حمزة والطيب عاليب وامانى دفع الله ورفعت و مخلص وابوزر والنذير ووليد حمدون و على حسن وكل الناس المتألقة هناك ... الى سودانيز ده الحل الوحيد |
والله يا نضيف ختفتها من خشمى ...
انا لى كم يوم أجى الظهر القى ليك زوبة لامة الشله وزى ما قال الرشيد ونسه جميلة بالحيل ...
وانا ايضا كنت أحس بالغيره على البوست واحاول التمرد على كتاب الوش او وش الكتاب زى ما بيقول جلجل
لكن عندما تجد انك تحاور لايف مجموعة متميزة وجميلة الى ابعد الحدود ومن بقاع الدنيا كلها .. وهى غير موجودة فى سودانيز
تجد نفسك وانت الزقازيقى الدم واللحم ... منساقا دون ان تحس نحو تلك المجموعة المتجمهرة على مسطبة الجاويش او امام دار الاتحاد
او اما بقالة ابوعماد ولا حتى فى مربع كاى ولا كافتيريا بيطرة ...
وألذ ما فى الموضوع يا الرشيد انو اختك الصغيرة زوبا بتجى تفيح الديوان وتفرش العناقريب والبنابر وهى شايلة الكمشة بى يد والمفراكة بالتانية
وتجى ترمى ليها حنك حنكين وتقوم جارية تسوط فى حلة الملاح ..
ياخى يصراحه .. سحره لا يقاوم ...
وأمس بالليل كنت شغال ومخلى الجهاز شغال والصفحة مفتوحة ورجعت شوية المكتب لقيتك مكنتك لى ..
لكن بكل أسف يبدو انو ناس السلع طفوا ليكم النور ووزعوا ليكم الرز باللبن ...
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote: لو حبينــا ننقذ البوست ده من ســطو الفيس بوك نجيب عصام سيكواوجى ونجم صالح صيدلة ومكى حمزة والطيب عاليب وامانى دفع الله ورفعت و مخلص وابوزر والنذير ووليد حمدون و على حسن وكل الناس المتألقة هناك ... الى سودانيز ده الحل الوحيد |
يا ديدو...يا ريت... كلهم اخوه أعزاء... فيهم موديلات جديده و موديلات قديمة... لكن مسألة الموديلات دي لم تعد مشكلة... و الدليل أهو أنا و منصور في بوست واحد و أصحاب كمان... كنا نشكي أنا و الكوتش لطوب الأرض عن هجركم للمنبر... الآن العدوى امتدت للبوست العام... انتو حقو تقسموها عديل... الفيس بوك للموديلات الجديدة و بعض الموديلات القديمة التي لا تشكو أمية كمبيوترية... البوست العام لجيل الوسط و مافي داعي للأسماء... المنبر للكوامر زي أنا و الكوتش و بكري حامد... كويس معاكم كده...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: أمس بالليل كنت شغال ومخلى الجهاز شغال والصفحة مفتوحة ورجعت شوية المكتب لقيتك مكنتك لى ..
لكن بكل أسف يبدو انو ناس السلع طفوا ليكم النور ووزعوا ليكم الرز باللبن ... |
حماده مساك خير
أثناء ما انت بتكتب في المداخلة دي أنا كنت بكتب برضو... أمبارح شركنا ليك و شاغلناك و لحدي الساعة الواحده صباحا ما جيت... السلع دي فيها أي حاجه الا الرز باللبن...
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
سلام يا اجدع ناسس بينما انا بتجول الكترونيا لقيت ليكم الرشيد ماسك انية وهنودى بتامل فى بحر الفيسبوك قلت الزول دة على الكلام القالو عن الفيسبوك داير زول يحنسو ولا يحلف ععليهو بس زولكم ناديتو وحكيت ليهو بلمة بتاعة الساعة 3 جببتا ليكم رجلو بس فى ناس زيما قلنا ماا متاخ ليهم يجو هنا بتلاقيهم هناك ووالزقازيق اينما كانت عالم جميل
يالرشيد تانى لو جاك مسكول الساعة 3 او حواليها بس ادخل الشات توشك
| |
|
|
|
|
|
|
Re: ناس الزقازيق ... أجدع ناس (4) .. (Re: زينب التجاني)
|
Quote: الرشيد تانى لو جاك مسكول الساعة 3 او حواليها بس ادخل الشات توشك |
يا زوبا غايتو لو حلفتوني بعز الرسول و بجيكم... لكن وصيتي ليكم جميعا... لا تهجروا البوست... فلقد ساهم هذا البوست و ما زال يساهم في جمع الناس... مداخلة أو مداخلتين في اليوم تكفي...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات ياناس
مسا طاعم للناس الحايمين يوم الخميس
محمد عيد (المقاطعنا)
الرشيد (كل يوم معانا)
زينب التيجانى (من الامس)
حال البوست بقى (حال المساكين الحيارى)
_____________________________________________
إهداء للحيارى : من حسن طلب :
واعدها عند الوقت ...
فجاءت قبل الوقتِ ...
على قدمين لغير حبيبٍ ما سَعَتا..
كانت دمعةُ شوقٍ فى عينيها تكْبُر كانت دمعة حزن فى عينيه
فلما ضمهما ليلٌ شجنىُّ البوحِ
تحدّرتا
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: محمد عيد (المقاطعنا) |
حاشا وكلا يا جميل
ولكن ان كنت بهذا الاتهام تقصد تواجدنا الى حد ما بالفيس برسلى .ز وندرة ذلك هنا
فانا ايضا لا اعرف له سببا ...
ولكنى اذا اجتهدت قليلا يمكننى تبرير ذلك بسبب سرعة ايقاع الحياة التى نعيشها والتى استلبت منا كثيرا من الاشياء الجميلة ...
لعل أهمها ..القراءة ..!! أصدقك القول اننى منذ أكثر من ستة أِهر لا أذكر اننى فتحت كتابا ..!!
وبما اننا اعتدنا فى البوست ان تتناسب حركتنا فيه مع ايقاعه وتداول النقاشات فيه .. فان هبوط ايقاعه
يصيبنا بالعدوى ، وسرعان ما نجد انفسنا فى زمرة المتابعين والمستمتعين ..!!
بينما سرعة الايقاع فى ذلك المقام الآخر تجتذبك دون ان تحس ... خاصة مع سرعة الردود وتوفر عامل الشات الجماعى
الذى يجمعك بزقازيقيون كثر ، عديد منهم كان التعارف معهم عبر هذه الاحرف الكيبوردية ...
اذن .. يا صديقى هى ليست مقاطعة او تمنع .. ولكنها محاولة لمجاراة ايقاع العصر والحياة رغم عوامل السن ( الله يقدّر الرشيد ومنصور )
ولكنى أرى بالفعل ضرورة ان ندير نقاشا هنا لابتداع سبل ووسائل لتفعيل البوست واستعادة ألقــه وجذب زواره من جديد
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
مهداه الى الكوتش الجميلة وجميع الاخوة والاخوات ...
من الرائع .. جبران خليل جبران ...
البعض نحبهم لكن لا نقترب منهم ........ فهم في البعد أحلى وهم في البعد أرقى وهم في البعد أغلى والبعض نحبهم ونسعى كي نقترب منهم ونتقاسم تفاصيل الحياة معهم ويؤلمنا الابتعاد عنهم ويصعب علينا تصور الحياة حين تخلو منهم. والبعض نحبهم ونتمنى أن نعيش حكاية جميله معهم ونفتعل الصدف لكي نلتقي بهم ونختلق الأسباب كي نراهم ونعيش في الخيال أكثر من الواقع معهم والبعض نحبهم لكن بيننا وبين أنفسنا فقط فنصمت برغم الم الصمت فلا نجاهر بحبهم حتى لهم لان العوائق كثيرة والعواقب مخيفه ومن الأفضل لنا ولهم أن تبقى الأبواب بيننا وبينهم مغلقه...
ولكى اصالحك أكثر سأنشرها بحوشك الجميل هناك
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
نتمني الشفاء العاجل للاخت العزيزة اماني سيد احمد زوجة الزقازيقي الرائع محي الدين عبد الستار بعاجل الشفاء اثر العملية الجراحية التي اجريت لها في القاهرة ... وهي الآن بخير وتحتاج لدعواتكم وامنياتكم لها ... تلفون اماني : 01523455713 ......اعتقد ان مفتاح مصر 002 ونستغني عن الصفر قبل الواحد ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
جمعتكم مباركة
الصلاة خارج المسجد في يوم حار زي يوم الليلة ده تجربة عصيبة... و رغم سجادة الصلاة الا اني كنت شاعر و كأني واقف على جمر... الرطوبة في أبو ظبي عالية جدا... امام المسجد مراعاة للواقفين خارج المسجد خفف كثيرا في الصلاة... و لكن رغم ذلك الجلابية تبللت بالعرق الطاقية تبللت بالعرق... نضارة الشمس ...الموبايل...الساعة و حتى المركوب...كلها تبللت... و ما ان فرغنا من الصلاة حتى هرول الجميع للبحث عن ملاذ بااااارد... أنا دخلت بلد الخيرات حيث تباع المنتجات السودانية... و تجنبت الدخول الى دكان الحلاق صديقي خشية أن أتسبب له بالخوف... أما الآخرون فمنهم دخل البنايات القريبة و منهم دخل الى داخل المسجد... بعد أن خرج المصليين بالداخل... الصيف في الامارات و الذي يمتد حتى شهر تسعة يحتاج الى... بيت مكيف...مكتب مكيف...عربية مكيفة...مسجد مكيف...دكان مكيف... و ده كله متوفر...الا المسجد عندما تأتي متأخرا... يبدو ان الجمعة الجاية ان شاء الله لا بد من البدنة و البرودة...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
جمعة مباركة يا شباب من كترة ما الواحد جعان ومهوووى لما شاعر بالبــرد وبرجف .. حال العزابة يا رشدى كان جيت اتغديت معاك لكن شايفك حران وذهجان عشان كده قلت امشى على الريس ميسرة ومنى يونس نشوفــا فاركة شنو ....
تمنياتنا بدوام الصحة والعافية للاخت امانى . اجر وعافية انشاء الله
الكوتش ( الجميلة ) مشتاقين ياخى عاوزين لينا دورية تلقط الناس المتسيبة بهناك وتجيبهم هنا .. اولهم زهير وجلا
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
سلام يا اجدع ناس وجمعتكم مباركة محمد صديق ليك وحشة والله
انت ما عندك فيس بوك؟ ولا عندك وما ضايفنى
تتصورو انو جلا ما كان ضايفنى بس ضفتو ليكم قبل فترة
والله يا عيد بتفق معاك ويا الرشيد مخسم بلنبى من هسة ويا كوتش مرعلينا بس قصاد كل مداخلة بهناك مداخلة هنا
تمام
انتو طارق جبريل قلمو راح ولا شنو؟
برضو بنشرب فى شاى مقنن بهناك ومعاهو لقيمات كمان
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
عارف يا رشدي مره مشيت الشمالية تنقاسي لزواج ود اختي ... اها الجمعة بره الجامع في الرملة ... الحارة ديل الساعة اثنين وحفيانيين ... انا آمنت اليوم داك ... وحلفت انه ما اكرر التجربة دي لاني قربت ابكي عديل كده ... طبعا تجربة الصلاة خارج الجامعة ما تجربة الصلاة زي ما حا يفتكر موسي عيسي الخائن ,.... الايام دي طبعا ما في زول يسال منه الزول ده كويس ويغريكم السلام ... وقال ليكم مشغول شوية ,.... وانشاء الله بعد يوم 22 حا يكون ساكن ليكم في المنبر سكنه .... شايفه بيغادي يهاتر في عبد الدائم يقول ليهو السليقة كيف ـ.؟
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير ،،، يا وجوه الخير
أصبحنا واصبح الملك لله وحده،،،
تحية عطرة لكل ناس الزقازيق وأخص كمان
الناس المتابعة والبتكتب في بوست ناس الزقازيق
تحية كبيرة أوي لأخونا أبو الزوز لتواصلة الكبير
في كل مواقع ناس الزقازيق ،،، يا أجدهم
Quote: قلت لي الشركات فى السعودية بعد اربعة شهور مالا ...... تم الجملة |
كثير من الشركات والمؤسسات مهما كبرت في تصرف الراوتب
طول السنة على دفات كل ثلاثة اشهر او اربعة اشهر في السنة يعني صندوق إجباري
خلينا من الصندوق سمك عوضية (منى يونس) كيف!!!!!
مش أحسن من ملاح التقلية بتاع زينب التجاني
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
يا ريس سلامات ....
الزول العايز يشارك بيشارك هنا ولا في الفيس بوك.... اهو نحن مشاركين في الاثنين ... انا يومياً اول حاجة بعملها برفع البوست ده ... بس في ناس كتار عامله اضان الحامل طرشها لا هنا لا هناك ... واهو ناس جلا وعبد الدايم ومن لف لفهم ... هنا وهناك ... العنده سبب تاني يقولوا ما تقولوا الفيس بوك لخم الناس من البوست ...
يا النضيف كنت متاكد من انك ما حا تلقي مفروك عن مني يونس اكيد حنكوشه وماليها في الحاجات دي ... بس اكيد السمك احسن ليك من اللايوق ... هنيا للجميع وتسلمي يا مني
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صبحكم الله بالخير
قلت أصبح عليكم تاني عشان الأولى كانت من غير نفس... لدرجة اني ما سمعت و لا شفت مداخلة دودي... يا أكون لسه مطشش من السفر أو يكون دودي رسلها بعد مداخلتي... و كمان جيت لقيت مداخلة أبو الزوز العاملة زي وش الكتاب دي... بمناسبة الفيس بوك يا أبو الزوز أمبارح أمنية بتي قالت لي أعمل لي صفحة يا بابا... قلت ليها بزعل لا ما بعمل ليك... قالت لي ليه يا بابا... قلت ليها عشان أنا مآخد موقف من الفيس بوك... زوبا قالت لي ست بيتي الرشيد شاني حرب على الفيس بوك... ست بيتي سألتني مالك شاني حملة على الفيس بوك... قلت ليها الفيس بوك خلى المنبر و البوست زي بيت جدي الفي الكوه... قالت لي آآآآآه أنا قايله في سبب تاني... قلت يا اخوانا دي محن شنو دي... أنا ألقاها من منو و لا منو.... على أي حال أنا لقيت نفسي بخوض في حرب خاسرة... فقررت أوقف الحرب و أنشر قواتي في المنبر و البوست... دفاعا عن المكتسبات... يا غرق يا جيت حازمه... حسه بقيت أمشي المنبر أقرأ ليك في مداخلاتي القديمة و أقعد أضحك براي... و أشكر ليك في نفسي براي في مربع كاي... يا رشيد يا رهيب...و الله دي قلبت فيها هوبه... يعني يا أبو الزوز بعد كم يوم كده كان جاك حجر في الدمام أعرف انو من صاحبك في السلع... و أنا عارفك بدل ما تقول صاحبي مسكين فكت منو... حتقول والله صاحبي ده بقى جداع خلاص... شكيتكم...
تحياتي للدكتور الدرديري... ما شاء الله لسه شباب و رياضة...
يا ديدو الأغنية جميلة... أنا عندي شريط نادر لحنان النيل فيهو الأغنية دي...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
منك انتى النغمة تكبر والمعانى الحلوة تظهر من سمح قولنا وكلامنا من غنانا الفرحة تكتر
يا الله عليكم , انتو ما جنة بس محل ما نلقاكم نحن معاكم , فى وش الكتاب ولا ضهره يا جماعة الدنيا قاعدة تصغر ,لكن لحسن حظنا , المعانى الحلوة قاعدة تكبر بعد ماكنا نفتش على التواصل بالجوابات , والشيكات بالبريد المسجل , وتسجيلات اشرطة الكاسيت ثم التلفون الثابت , فالجوالات و ورسائل الأس ام اس والوسائط الأخرى اهو جابت ليها مسنجرات ووش كتاب ومنتديات خشوا محل ما تخشو ووكت ما تخشو , تلقونا توووش معاكم ان شاء الله حللنا كلها تحرق , ما عندنا اى مانع نقضيها دلفرى ولا كمان نمشى عصائر لبنان و ونأكل سمك منى يونس الله على سمك منى يونس , وتقلية زنوبة بت النوبا الرشيد , نكسب كتير لمن مزاجك يكون رايق وحمى كتابتك تكون مرتفعة ماهمانا تخت حروفك وين , ان شاء الله ترسلها لينا دلفرى
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
سلامات يا ناس
ونهارات الكتاحة (عشان الرشيد يتأكد انو
ما قاعدين نجيب معلومة مغلوطة)
تحياتى ..للجميع
عيد وهديته الجميلة
زينب بالنعيمية الما خمج
الرشيد وجلابيتو البيضاء المكوية ...
والريس ودعاءه الصباحى
والنضيف ....الما بفوت حاجة
ومنصور الذى يدعو الى الاتساق
وزهير ...المغترب الاكذوبة..
وتحايا خاصة لفردتى فى الشعلة رفاعة ...درديرى
واقول ليه مبروك مقدماً لأيمن ....
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات ياناس
Quote: وأبكاني.. حال بوستيكم دا.. |
حاتم ...سلام
وكيف الاولاد وعمنا جبارة.....؟
شايف ايقاعك بقى تقيل مش بطىء....
حاول عدِّل فى الموديل ...
+++++++++++++++++++++++++++++++++++++++
نسأل الله ان يشفى اختنا امانى سيد احمد
* من اليمن وصل الاسبوع الماضى الاخ جماع مصطفى (بيطرة)
هو واسرته وهو بكامل الصحة .ت :0113267003
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
ازيكم
تسجيل مسائي
يا ريس نعيميتى مالا عازماك نعيمية فى اول اجازة ليك انا نعيميتى دى اعترفت بيها حجة محاسن زاتا لما اعملا وتكون امى فى الابيض ذى الايام دى يقولو لى الجماعة رسلوها ليك معلبة من الابيضظ
تسلمو
يا جورج دى كنداكة
مش كتاحة
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
زوبه إزييك.. والله النعيميه دي ملاحي المفضل.. لو إجتمعنا أنا وهي في تربيزه واحده.. المعانا إلا يشفقوا.. بت شيخي طبعا ما ليها في الأملحه.. ما عدا الباميه المفروكه.. الفرك بالبريستو طبعا.. فباطلب النعيميه دي بالتحانيس من السودانيات المعانا.. وباسمع لي كلمتين تلاته.. القال ليك عرس دومينيكانيه منو.. غايتو.. جتس غتاته..
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
يا حاج... تصل بالسلامه إن شاءالله.. ما تنسى تشيل شفره دافينشي من جورج.. أوع ياكل راسك ويقول ليك رجعتها لي حاتم.. ولا أديتها لي فلان.. قاعده في بيته.. تاكل بيها الكمبيوتر.. ومره لقيتو خاطي فوقها كبايه الشاي.. وعمر ولدو يشخبط فوقها..
لقيتني كيف يا جورج؟
| |
|
|
|
|
|
|
|