|
Re: ناس الزقازيق ... أجدع ناس ( 3 ) .. (Re: زهير الزناتي)
|
خالص العزاء للاخ كمال الشادي في وفاة ابنة خاله لها الرحمة والمغفرة وللاسرة صادق العزاء ...
والتعازي موصولة للاخ طارق عوض الكريم والاسرة ونسأل الله ان يغفر للمرحوم ويدخله جنات النعيم مع الصديقين وحسن اؤلئك رفيقا وان يتقبله القبول الحسن
والتعازي موصولة للاخ ياسر نجيلة في وفاة جدته إنا لله وإنا إليه راجعون
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
إنتو الأرشفه دي بتوقيت أمريكا؟ لو كدا.. حأفتح البوست الجديد أنا.. وما تقولوا لي عصام دهب وسيد الحوش وكدا.. والا أقول ليكم.. نشوفكم في الربع الجديد.. وكل سنه وإنتو طيبين... أحبكم.. وأوع واحد فيكم يكون صاحي.. ويجي ينزل مداخله..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
Quote: اسأل موسى عيسى.. عامل فيها منقطها وحافظ التواريخ.. |
Quote:
و إنت المزعل شنو يا حاتم و الله الحجة دي إلا تشوف ليها تدبيل !!!
لانه علي حسب قول الشيخ جلا هنالك قولان ؟؟
التاريخ 25/1 بس سنة كم ... ده سؤال المسابقة |
التوقيع يا زهير حق منو علشان نقدر نحدد ليك الزمن قبل حضور الزقازيق ولا بعد ؟؟؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
يا حلوين صباح الخير ... لقد تم نقل البوست للربع الجديد ... حسبما طلبنا من بكري ان يمهلنا حتي الصفحة 100 والاحتفال الضخم .... هذه المرة نريده احتفال حقيقي يشارك فيه كل الناس ... حتي ولو بابتسامة مثل ابتسامة الريس معتصم ....
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
Quote: يا حلوين صباح الخير ... لقد تم نقل البوست للربع الجديد ... حسبما طلبنا من بكري ان يمهلنا حتي الصفحة 100 والاحتفال الضخم .... هذه المرة نريده احتفال حقيقي يشارك فيه كل الناس ... حتي ولو بابتسامة مثل ابتسامة الريس معتصم .... |
صباح الخير ،،، يا وجوه الخير
أتيت مسرعاً أبحث عن ماذا حدث ولكني
وجدت البوست نقل إلى الربع الجديد والعام الجديد
شكراً زهير ، شكراً بكري أبو بكر جزاك الله خير
يلا يا شباب نطفي الشمعة المائة الجديدة
ويا محمد ود عيد الفرصة مواتية للتحضيرات والتجهيزات
ونطلب من الشباب جميعاً أن يجهزوا لأن الصفحة الأولى بعد المائة
لن تصمد طويلاً ، على أصحاب الكلم أن يكونوا جاهزين وكذلك الشعراء
وأصحاب الفوتو شوب .
الحبيب ود جبارة ما تستعجل ساكت علشان ما تبوظ الحجة حقتك
حيكون التنظيم عالي والتوقيت مناسب.
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
خالص العزاء للاخ كمال الشادي في وفاة ابنة خاله
وكذلك العزاء للاخ ياسر نجيلة في وفاة جدته
اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
إنا لله وإنا إليه راجعون
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
كالعاده دائما ايام التجهيز للاحتفالات الكبيره ...
تنتابنى حالة غريبة ..!!
بينما اكون مقررا الانتباه والصحو باكرا لبدء العمل والمتابعة ...
تشيلنى نومة اهل الكهف وكأننى لم انم من قبل ...
حتى يوم امس كنا فى غلاط مع زهير ان الأرشفة ستبدأ اليوم بينما كان اعتقاده انها ستبدأ بانتهاء اليوم
وعليها ظللت حتى الثالثة صباحا متابعا ..
ولكن ابتسامة الريس معتصم ظلت صامده ..!!
هنا ادركت واهما ان كلام زهير هو الراجح .. فنمت نوم قرير العين ..
وصحوت متأخرا - وقمت كالمجنون وبحث عن ابتسامة معتصم ...؟
وعندما لم اجدها ادركت ان البوست ربما راح فى خبر كان ...
وان بكرى ربما رمى لنا العفش بره الحوش .. والجماعة شتتوا ...
وعندما بحثت عن المنبر العام ووجدت الحوش بشحمه ولحمه على قمة صفحته
وكأنى به جوهر صدر المحافل ...
ادركت بأننا قد نجونا ...
وان القائد الجميل والمحترم بكرى قد استجاب لطلب اخونا زهير وامهلنا لتمام المائة التى حتما كما قال الريس ميسره
نريدها ان يدوى صداها فى كل منابر سودانيز اونلاين ...
شكرا بكرى ... شكرا زهير ...
وشكرا لكم ايها الرائعون .... فان سيرتكم العطرة كانت ترياقنا ضد الارشفة
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
.. . صباح الخير بتوقيت ربوع السودان .. نقدم عبره .. خالص العزاء للاخ طارق عوض الكريم فى وفاة والده ونبعث بخالص العزاء للاخ كمال الشادي في وفاة ابنة خاله واحر التعازى التعازى للاخ ياسر نجيلة في وفاة جدته
اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
--------
إنا لله وإنا إليه راجعون؛
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Tabaldina)
|
يا شباب الداخل ياسر نجيلة الان فى الخرطوم لحضور مراسم العزاء
الوصف : امتداد الدرجة التالتة مربع 3 منزل المرحوم / حسن نجيلة
لو جاى من ناحية الشمال متجه جنوبا بشارع محمد نجيب بعد اشارة شارع 61 العمارات توجد اشارة هى بداية الامتداد اخد مع الاشارة دى شمالك كانك متجه للسوق الشعبى اول شارع ... تانى شارع تانى بيت على يدك اليمين
ما تتلومو المرة دى .
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Tabaldina)
|
صباح الهناء والسرور ...
خالص العزاء للاخ طارق عوض الكريم فى وفاة والده... وخالص العزاء للاخ كمال الشادي في وفاة ابنة خاله... واحر التعازى التعازى للاخ ياسر نجيلة في وفاة جدته...
اللهم أرحم موتانا ومتى المسلمين .. آمين ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
صباحو ...
يا محمد عيد المرة دي الإحتفالية لو ماجبت صورتي وواضحة كمان (تعويضا عن الأخطاء السابقة المقصودة) دا إنت حتشوف حاجات عجيبة .. ولا عذر لمن أنذر ...
لو في طريقة عايزين نعمل ثنائي أنا والشيخ جلا في الكورال لزوم تقوية للمعاهدات والإتفاقيات المشتركة .. البروفة .. نحن جند الله جند الوطن .. يا جلا شكلك كدا ما حافظ بالله عليك أمشي أحفظ وتعال ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
Quote: يا ناس الخرطوم .... بالله ياسر نجيلة ده ما تتلوموا معاه المرة دي ... |
غايتو أنا من كسلا و عارفين نحن متلومين زي عشرومية مرة و أنا زاتي لو ما لاموني ما بكون متكيف زاتو و بعدين النوم بجيب اللوم غايتو الرسائل و المداخلات المحذرة لو ما مشينا ليهو وااااااطتنا صبحت بالله واحد يصحي أبو الجل و موسى و أي فاتن حمامة عندكم إنشاءالله ما نجيكم في كعب
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
Quote: مشغول و لكن مبتسم زي الريس معتصم... |
يعني الواحد اصلوا ما يبقى شاعر معاكم ....
Quote: بالله واحد يصحي أبو الجل و موسى و أي فاتن حمامة عندكم إنشاءالله ما نجيكم في كعب |
مشغول ما فاضى قاعد اكمل في شطر البيت اعلاه ...
والله صحي ... ياجماعة ياسر نجيلة دا ما تتلوموا معاهو المرة دي والله المرة دي بنقي شعيركم ... مثل زول مزنوق في الجرد السنوي
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
صادق آيات التعازي و المواساة لأخوتنا الزقازيقاب الأعزاء ..
طارق عوض الكريم فى وفاة والده...
كمال الشادي في وفاة ابنة خاله...
ياسر نجيلة في وفاة جدته...
و أسال الله تعال أن يغفر لهم و يرحمهم و يتقبلهم القبول الحسن و يسكنهم الفراديس العلى من الجنان ..
و يلهم ذويهم الصبر الجميل و يجعل البركة فيهم أجمعين ..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
اها ما قلت ليكم الباندوث ده ولا غالى ولا حاجة اها الحمد لله بكرى برااااهو اشترى لينا واحد جديد نفهم من كده الزول ده ادانا فرصة تلتاشر صفحة تانية بس وبعد داك حا يودينا الخور برضو مكسب سنة حلوة يا جميل , كل سنة وانتم اكثر تآلفا طيب , اها , نحن المفروض نعمل شنو ؟؟؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
التعازى القلبية لى كمال الشادى وطارق عوض الكريم وياسر نجيلة طيب كمان اجندتنا تحتوى على الكثير الواجب انجازه والهدف يبقى ذات الهدف تقوية اللحمة واواصر التواصل الأجتماعى ومحاولة ترجمتها لأنجازات تمشى برجلين اجندتنا تشمل الكثير , نقرا فيها خطوط عريضة تقول * الدنيا آخر سنة , وبعد اربعة اسابيع تقريبا هناك اجازة منتصف العام الدراسى * كان هناك كلام جميل واقتراحات جاهزة من ابو عمر (احمد اسماعيل ) عن هيكلة ادارية مقترحة * امامنا جدول طويل من واجبات اجتماعية مختلفة ومتنوعة * بما ان آخر الشهر اجازة , وبما ان الرياض عاصمة للسعودية وفى موقع وسط منها * وبما ان اجازة منتصف العام الدراسة اجازة قصيرة ودرج الناس على قضائها داخل المملكة * هناك زقازيقاب فى كل مكان , الرياض والدمام والخبر والجبيل والخرج وجدة * نقترح تجمع زقازيقى (ذات خميس ) , يؤطر كل هذه النقاط , ويجمعها بلحمة التواصل * هذه مجرد اضاءات مستعجلة , يمكن تهذيبها وتشذيبها لتتطور وتصل لى مرحلة الفكرة والمشروع القابل للتنفيذ * نتأمل ان يببدع لنا ابو الزوز -بنشاطه المعروف - فكرة احتفال بالمئوية الثانية , تلتحم مع فكرة تكوين جسم خارجى لزقازيقاب الخارج بحيث يكون ذراعا داعما لجسم جمعية الداخل وبس
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
انتو يا جماعة قايلين الشغلانة لعب ساكت ... البتاع ده لو كمل بيقطعوك زي التلفون .... وتجيك الرسالة دي ...
Quote: Bandwidth Limit Exceeded The server is temporarily unable to service your request due to the site owner reaching his/her bandwidth limit. Please try again later. --------------------------------------------------------------------------------
Apache/2.2.15 (Unix) mod_ssl/2.2.15 OpenSSL/0.9.7a mod_auth_passthrough/2.1 mod_bwlimited/1.4 FrontPage/5.0.2.2635 mod_perl/2.0.4 Perl/v5.8.8 Server at (اسم الموقع)Port 80 |
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
التعازي القلبية للاخ كمال الشادي في وفاة ابنة خالته
والتعازي القلبية للاخ مولانا طارق عوض الكريم وفاة والده والتعازي القلبية للاخ ياسر نجيلة في وفاة جدته الهم ارحمهم واغفر لهم واجعلهم من اصحاب اليمين
انحنا حاضرين في العزاء بتاع ناس نجيلة مع الكوتش وجلا بعد صلاة المعرب
تلفون مولانا طارق عوض الكريم 0907583393 ده لناس السودان قبل رجوعه يوم الجمعة حسب ما افاد
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: مبارك جادين)
|
Bandwidth
قبل كم يوم كتبتها باندويدث كما تفضل بها أبو الزوز... و قلت لا بد أن تكون كذلك مكونة من مقطعين باند- ويدث... لكن جيت لقيت الناس كلها بكتبها باندوث... و بالرغم من اني ما لاقي ليها أي تفسير لكن قلت الناس دي كلها غلط و انت الصاح... ما ممكن... لحدي ما جات مداخلة أبو الزوز دي و ريحتني شوية... لكن قلنا الصاح هو باندويدث...هي زاته معناها شنو.. الله أعلم...
بالنهار زنقة و بالليل عدم مزاج... و المعادلة دي ما لاقي ليها حل لحدي حسه... و كان كل ما بالامكان عمله هو الدخول الى محراب مربع كاي... و الكتابة هناك لأنها مغطية و بي رواقة فتستطيع أن تكتب بأي مزاج... مدبرس تدبرس بالناس...حزين تملاها ليهم دموع... مزاجك رايق تملاها ميراندا لحدي ما الناس دي تقول كفانا... حنين..تقعد تفتش في دفاترك القديمة و تطرى الناس من أيام رفاعة رافع الطهطاوي..
لكن البوست هناعامل زي محلات التيك أواي take away ... بالنسبة لي أنا طبعا مداخلات سريعة و ذات طابع خفيف... لكن بالنسبة لي منصور مصعم بالسوق العربي يقعد يتوهط و يطلب البلدي... و يمكن كان عازم ليهو زول يطلبوا كمونية و لا كباب حلة و يخلطوهم مع بعض... و يحلوا بي مديدة حلبة كمان (الله من مديدة الحلبة)... أنا من وزني اتجاوز ال75 و لحدي حسه مشتهي مديدة الحلبة... حرمت نفسي من مديدة الحلبة و وزني ماشي تصاعديا...
عليكم الله مش كفاية كدة لي زول مزاجو كان ما رايق بالليل؟؟؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
Quote: وفوق كل ذى علم عليم...
ونحن خدامين السودانيين. |
يا كوتش بالحيل فوق ذي كل علم عليم... عل الفيك اتعرفت...
شكرا على المعلومات و التي أعتقد انها نورتني شوية... مشيت لقيت بوست عن الموضوع ده لقيت ليك العالم دي كلها بتسأل... الا ان هنالك معلومات مفيده كتيرة هناك... و بوست ظريف و دمه خفيف كمان...
أنا في الأول قلت طالما هي Band -Width... قلت أسأل حاتم جبارة يمكن يكون عارف حاجه... من أيام كان رقبتو فيها شعر...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
الي صديقي الرفيق كمرت صلاح الامين هذا الخطاب ونرجو ان يجده بخير اما اذا دار سؤالك عننا فنجن بخير ولا ينقصنا سوى رؤياكم العزيزة علينا كيف عامل مع اليمن ارجو ان تكون بخير واموركم عال العال يا صديقي مالك طولت من ناس الزقازيق اجدع ناس ارجو ان يكون المانع خير .الامور هنا ما بطالة لكن يدنا في قلبنا من نتيجة يوم 9 .
تقبل تحيات امنية واحمد ومحمد والدور ده جايب ليهم معاك من اليمن .الصباح شفت طاقية طالبان بتاعت محمد فقلت اكتب ليك هذا الخطاب والذي اهديك في نهايته الاغنية التي سيغنيها محمد وردي في راس السنة من كلمات امل دنقل
اخوك مبارك جادين الخرطوم بحري - ضاحية شمبات 20-12-2010
شاء الهوى ان نلتقي سهوا كم كنت افتقدك يا وجهها الحلوة كل الذي سميته شدوا من قبل ما اجدك اضحى على شفة الصب ا لغوي كوني كما اهوى امطر على الدفء والحلوى ويدي تبث ثباتك الشجوى فتئن مرتعدك يا حينما اعدك الصيف فيك يعانق الصحوة عيناك ترتخيان في ارجوحة والثغر مرتعش بلا مأوى وعذابه سلوى انا جئت انفض عنده السلوى
لا يفوت على فضنة القارئ انني قمت بسحب الجزء الخاص من الخطاب وتركت العام
شكرا بكري ابوبكر شكرا الزناتي ساعود للصور
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: مبارك جادين)
|
.. . للقيام بواجب العزاء للاخوة طارق ونجيلة تقرر ان يتم التلاقى الساعة السادسة مساء اليوم بنادى الشرطة والتحرك لبحرى لاداء واجب العزاء للاخ طارق ومن ثم التوجه للامتداد للاخ نجيلة
--------
هذا حسب التنسيق مع سعاتو الكوتش والغائب يكلم الحاضر وللتنسيق الاتصال بالكوتش او شخصى الضعيف :)
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
السيدات/والسادة زملاء الزمن الجميل ،ناس الزقازيق السلام عليكم ورحمة اللة تعالى وبركات تحياتى وإجلالى وشوقى وتقديرى لكم جميعا ،ولما تقومونا به من عمل عظيم ؛وتوثيق هام لذاك الزمان . ان عمر محمود خريج تربية-جغرافيه وخريج عام 1987. ودمتم جميعا
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر محمود محمد)
|
مرحبتين حبابك الاستاذ عمر محمود و طلتك نورت بيتنا و سعدنا بشوفتك
و بطلتك تذكر نفر عزيز علينا و لهم بصماتهم بذلك الزمن الجميل و هم
عمر كشاح و عبدالمجيد عيسى سليمان وعوض الله جاكسون و حقيقة ليكم
وحشة و نامل تواصلك و ان لا تنقطع .
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
بسم الله سلام من الله عليكم رأيكم شنو في تغيير التحية دي؟؟؟ و التحية للأخ عمر محمود بقدومه إلينا ليزيد من بهجتنا و تواصلنا
Quote: أما الشكل فما زالت أطالع بعض صور الزملاء في البروفايل لعلها تلهمني بعض الأفكار... |
ما تعاين في الشكل عاين في المضمون و بين السطور لو لبست ليك قميص بمبي يخارج معاك بالمناسبة مشينا أمبارح لي ياسر نجيلة قام قال لي البدلة الأسموكن ما جيت لابسها ليه؟؟؟ طبعاً دا النيو لوك بتاعي.... بي كدا إنشاءالله أكون ألهمتك يا ملهم شعوري
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
عمر قبل الترحيب قوم ادي الناس ديل فاتحتهم ... ورينا انت وين واخبارك شنو ... بعدي نرحب بشدة ..وسط هؤلاء ((((الشباب)))) وطبعً 75% منهم يا دفعتك يا الدفع القبالك ما يعملوا ليك فيها اولاد صغار خاصة موسي عيسي وجلا ديل ... ومرحب بالطلة ونتمناك عضو فاعل معنا هنا .... والي مزيد من التواصل بين كل الاجيال ....
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
أصبحنا وأصبح الملك لله ، اللهم نسألك خير هذا اليوم فتحه ونصرهـ ونورهـ وبركته وهداهـ خالص العزاء للأخ/ طارق عوض الكريم في وفاة والده والأخ كمال الشادي في وفاة إبنة خاله وياسر نجيلة في وفاة جدته نسأل الله لهم واسع الرحمة وعظيم المغفرة وحسن المثوى والقبول ــــــــــــــــــــــــــــــــ أجمل التهاني وأطيب الأمنيات للأخ العريس السمؤال أبو سن وبيت مال وعيال وهناء وسعادة .
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
Quote: ان عمر محمود خريج تربية-جغرافيه وخريج عام 1987.
|
غايتو في زول تاني مابقدر يتفاصح علينا ... سنيرو جاء حباب عمر محمود ود كليتنا وسنير عبدالدائم
الرشيد انتو بالله بتاخدو اجازة لرأس السنة نحن بالله (وربنا يجعلها 2011 خير عليكم) حتى الجمعة شغالين (الجرد السنوي) وهكذا نحتفل ... كل سنة وانت طيب
ياجلا ... كتر خيركم ياخ وان شاء الله تكونو بلغتوا نجيلة تعازينا
وترحيب كبير اوي بابو عمر
. ..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
يا عمر محمود انا واقف لى ربع ساعة عاوز ارحب بيك ما قادر فى شريط بمر امام عيونى فيهو كشاح وحسن شطة ومحمد على جمعة وعمر احمد محمد ومعاوية الزبير و ال######ان ونوال البلول وبرى وطبلة وفش و سوزان ونعمات البشير وانتصار حمد وجاكسون وسكينة وعثمان الجيلى ويوسف الزبير وكمال ابراهيم وآآآآآآيك ....
وشوية برالمة زى ناس جلال ديل واقفين بعيد
ياخى مشتاقين ومشتاقين ومشتاقين
اكتب تلفونك ومحل اقامتك وخلينا نتصل عليك ونعرف اخبارك
شرفت ونورت المكان ..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
و الله يا اب شنب عفيت منك سيرباك تمام
ما في اي كورة تخش القون ؟ اعمل حسابك من
المرتدات ؟
عموما الصورة وقوف من اليمين :ال######ان - الدرديري حنان - الناير الصافي-
الفاضل الطيب(حارس تجارة البطل ).ادم حميده (تربية ) - من حقوق جليتو -
ابو سكين - ضيف .
2- جلوس من اليمين : مجذوب - عصام الهادي - عمر محمود المحتفي به- احمد حمد النيل
ضاوي ( تربية ).
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
عموما الصورة وقوف من اليمين :ال######ان - الدرديري حنان - الناير الصافي-
الفاضل الطيب(حارس تجارة البطل ).ادم حميده (تربية ) - من حقوق جليتو -
ابو سكين - ضيف .
2- جلوس من اليمين : مجذوب - عصام الهادي - عمر محمود المحتفي به- احمد حمد النيل
ضاوي ( تربية ).
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
ألغاز لتنشيط الذاكرة 1-لا أختي ولا أخي لكن ابن أمي وأبي من يكون؟ 2- أتيتكم في الشيء الذي لم يكن موجود بالأمس، وولد اليوم ، وغدا يموت فما هو؟ 3- قاتل حكم عليه بالقتل ، أرسل ومعه خطاب بيده كتب بداخله ( العفو عنه مستحيل ينقل إلى السجن ويقتل) من دهائه وحنكته لما قرأ المكتوب أضاف نقطةفعفيّ عنه. اين وضع النقطة
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
احمد اسماعيل دا ما تنشيط دا حاجة بسيطه :
1- الإجابة هو المتحدث نفسه .
2- الاجابة هو اليوم .
3- الأجابة تضاف نقطة لكمة العفو فقو العين لتصبح غين و
تصير الكلمة الغفو عنه أي تجاهله و عدم سجنه و قتله .
بمساعدة شاب بالداخل عامل فيها تقيل اليوم ؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: مبارك جادين)
|
.. .
Quote: انحنا حاضرين في العزاء بتاع ناس نجيلة مع الكوتش وجلا بعد صلاة المعرب |
معاك جلا .. الزول الظاهر داير على حل شعرو ولا يكون الامبارح المشى معانا وبرفقة الكوتش والريس واخونا طارق عوض لعزاء نجيلة دا زول تانى .!!
--------- غايتو الحمدلله المره دى انسترنا مع الاخوان ونجيلة ..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Tabaldina)
|
Quote: الأجابة تضاف نقطة لكمة العفو فقو العين لتصبح غين و
تصير الكلمة الغفو عنه أي تجاهله و عدم سجنه و قتله .
|
يا موسى دي اجابة ليك بالله.. عايز تجيب لينا جلا داخل ساكت... لو ما عارف الاجابة كان تضرب لي تلفون ياخي...
كان قلت ليك أضرب لي زهير..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: الأجابة تضاف نقطة لكمة العفو فقو العين لتصبح غين و
تصير الكلمة الغفو عنه أي تجاهله و عدم سجنه و قتله . |
العربي دائماً مشكلة أول مرة في حياتي أسمع بالكلمة دي ياتو قاموس الله أعلم
يا أحمد إسماعيل جيب كلام الناس تفهمو النقطة تكون على السطر يعني العفو عنه.
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Tabaldina)
|
صباح ا لخير ،،، يا وجوه الخير
أصبحنا وأصبح الملك لله وحده،،،،
اللهم أعنا على ذكرك وشكرك
وحسن عبادتك،،،،،،،،،،،من دعاء الرسول (ص) عقب كل صلاة
مرحب بأخونا عمر محمود - سنير عبدالدائم-
نزلت أهلاً ووصلت سهلاً والبيت بيتك وممكن تسكن
في جناح كامل ،،،،
التحية موصولة أخونا حيدر حنين ومبروووووك البنوته الجديدة
وتربي في عزكم ،،،،،
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
تحية كبيرة اوي لصديقتي الجميلة اوي رجاء الطيب ... هي تحية صباحية ... لانسانة كاملة الانسانية ... من لم يعرف رجاء جيداً فقد ظلمه التاريخ ... وظلم نفسه ... اختلفنا فكرياً بعد حجتها ... قلت ليها ما تباري لي نادر فاروق ... في الطالعة والنازلة ... حا يضيعك ... لم تسمع وهي مستمتعة بان تضع القطن علي اذنيها ... هي صديقة وكذلك نادر فاروق ... من اعز الناس الذين كانوا جزء مقدر من حياتي طيلة السنوات السابقة ... زادوها القاً ... وخضروا كل المساحات اليباب ... لا استطيع ان اتحدث عنهم سوياً فليس لي القدرة علي ذلك ... خصصتها بهذه الرسالة لانه عندنا معاها امانة ... ويا رجاء بصراحة كدي رجعي لينا الباسويرد بتاعنا ... وما عايزين مشاكل ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
يتخيل لي نورا دي برضو عندها معاها باسويرد ....
ـــــــــــــــــــــــــــــــــــــــــــ
من محاسن الغربة ان تكون بعيداً من متناول نادر فاروق .. اها تلفوني قفلتو ... الليلة بس ابلع حبوب الضغط ...
يا جماعة زول يصحي نادر فاروق
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
لمعلوميتك ابو النور عرضنا عليه العضوية زمان ... الا انه ابي وتمنع ..... وهي انت ما عارف حاجة ساكت ... ممكن تدي ليهو وتقعد من غير باسويرد .... اما عن التلج فهي تستحق ان نكسر لها كل القطب الشمالي ... اما الجنوبي فنتركه لنقسمه بين الآخرين ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
Quote: اما الجنوبي فنتركه لنقسمه بين الآخرين ... |
غايتو .... ان شاء الله في ناس كدا ما يكونوا مع الآخرين ديل
Quote: عليكم الله دا هس بروفايل بتاع زول عندو جرد سنو؟؟؟ حكم!!!!! |
تقول شنو مرض واصابنا ... نسأل الله الشفاء تصور عندي "اوفيس بريك" من 12 الي 1 بدل امشى البيت قعدت صاقرت البورد .....
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
Quote: درست جغرافية فى كلية تربية الزقازيقعام1983وتخرجت 1987، وطبعا كانت الكلية فى شارع فاروق |
يا شيخنا جلا دي مالك ما شفتها بقيت للراجل في حلقه
شكراً أخي عمر ومرحب بيك مره أخرى وأنا أستقر في مدينة جدة
وشكراً على السؤال وعلى الهاتف ، وبالمناسبة دائماً نحن نحتفل
إسفيرياً عندما يكمل البوست الصحفة رقم مائة ونسميها مجازاً الميل
فكون قريب معانا ونحن نقترب للصفحة المائة ونجدد معك الإحتفال.
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
يا جلا باقي للسنير في حلقه مالك ... ما تبطل ثقالة بعد شوية حا تقول ليهو ما قريت الزقازيق ... ده كله عشان موسي عيسي نزل صورته ...
يا سنيرنا المبجل مرحب بك ... وامثال ناس جلا ديل يسموا المغرضين في المدينة ومن لف لفهم ....
يا ريس ميسرة نتمني ان يكون الاحتفال هذه المرة مميز وبه اشياء تجعله احتفال حقيقي وليس اسفيري فقط ... اتمني ان نسمع بعض الاقتراحات ...
| |
|
|
|
|
|
|
|