|
Re: اماكن فى القلب ............... (Re: زينب التجاني)
|
أسرجت آلة الزمن مثلما كان يفعل فارس محمد صديق في لمن فاتهم الاستمتاع (أمرؤ القيس) و توجهت صوب حقب في التاريخ استهدفتها و أخرى مررت عليها مصادفة أثناء تجوالي هنا و هناك... نزلت في مكان تكاد تنعدم فيه الرؤيا...حيث أن الكنداكة و الكتاحة تحاصر المكان...و لا أحد يحوم خارج المضارب...الريح تزمجر و الكلاب تعوي...و الخيام تكاد أن تطير من شدة الرياح...و لولا ستر الله لهبطت آلة الزمن على رأس العجوز الذي كان يعد العدة للرحيل على أطراف المضارب...بالكاد رأيناه فتجاوزناه باعجوبة...فهبطنا بالقرب منه...بادرناه بالسلام...فسلم علينا بدون نفس...باين عليه أن أخلاقه في نخرته...ثم قلت له...يا عمنا ما تعمل ليك عاكس للحصان بتاعك ده و لا كان تشغل الهازارد...قربنا نعفصك انت و حصانك...لم يجبني و كأنه لم يفهم شيئا مما قلت...طنشت الحقارة بتاعته دي و قلت ليهو ماشي وين في الجو ده يا جدو...نظر الي بحرقة و أجابني ...الى أرض النيلين يا بني... هو ده انت يا جدو الورطتنا بي هناك...حسه عليك الله لو كان صبرت لحدي ما طلع البترول ما كان أحسن...شفقتك دي غايتو الجابت أجلنا...حسه انت عارف الحاصل شنو...أرض النيلين المشيت ليها دي ما فضل فيها زول... انني ذاهب الى حيث الخضرة و الماء... طيب ما تكمل الجملة وقفت مالك...الخضرة و الماء و كمان الوجه الحسن في بلاد الشام مافي...ماشي لي أرض النيلين مالك و كمان قاطع ليك بحر...الله يقطع ...حسه كان يا جدو تلقى كلامي كله هيك و العوينات و هلا... أنا حسه جاي أقول ليك مافي داعي تهاجر و تمشي تسيب بلدك...أخير ليك تقعد هنا و تصبر عشان مستقبل أحفادك... لا ...لا...ان مستقبلهم هناك في أرض النيلين... أسمع كلامي يا جدو...الحتة الانت ماشي منها دي حتبقى أرض الحرمين...و حيبقى فيها أكبر احتياطي نفطي فيا لعالم....مش أحسن ليك من أرض النيلين... بعدين حيطلع فيها بترول ...و حيجي واحد رابط راسه بي حاجة زي سير المكنة بتاعت القندران و حيسميها البلد دي بي اسمه...بلاش تهاجر يا جدو... يا بني لقد عزمت أمري و سأرحل عن هذه الديار... أرحل...انت راجل عنيد...خم و صر...راسك القوي ده زي راس أحفادك...و كمان علمتهم الهجرة...و لا زول حسة قاعد في البلد...
ده كان أول مهاجر عربي لأرض النيلين...الراجل ما سمع كلامنا و أصر على الهجرة لذلك لم نتمكن من تصحيح التاريخ... شوش طولي بالك علي ما تبقي زي جدك ده...أنا بادي ليك من وراء...لحدي ما أجيك للأماكن الباااااردة....
|
|
|
|
|
|
|
العنوان |
الكاتب |
Date |
اماكن فى القلب ............... | عائشة صلاح الدين | 05-17-10, 10:58 AM |
Re: اماكن فى القلب ............... | عائشة صلاح الدين | 05-17-10, 11:45 AM |
Re: اماكن فى القلب ............... | موسي عيسي | 05-17-10, 11:54 AM |
Re: اماكن فى القلب ............... | عائشة صلاح الدين | 05-17-10, 11:49 AM |
Re: اماكن فى القلب ............... | الرشيد بابكر | 05-17-10, 12:23 PM |
Re: اماكن فى القلب ............... | محمد آدم النور | 05-17-10, 12:54 PM |
Re: اماكن فى القلب ............... | محمد آدم النور | 05-17-10, 01:07 PM |
Re: اماكن فى القلب ............... | مشاعر بدوي | 05-17-10, 01:20 PM |
Re: اماكن فى القلب ............... | محمد صديق | 05-17-10, 02:21 PM |
Re: اماكن فى القلب ............... | طارق جبريل | 05-17-10, 10:52 PM |
Re: اماكن فى القلب ............... | عائشة صلاح الدين | 05-18-10, 05:52 PM |
Re: اماكن فى القلب ............... | زهير الزناتي | 05-18-10, 06:14 PM |
Re: اماكن فى القلب ............... | زهير الزناتي | 05-18-10, 06:47 PM |
Re: اماكن فى القلب ............... | عائشة صلاح الدين | 05-18-10, 07:21 PM |
Re: اماكن فى القلب ............... | عائشة صلاح الدين | 05-18-10, 06:16 PM |
Re: اماكن فى القلب ............... | كوثر داؤود | 05-18-10, 09:48 PM |
Re: اماكن فى القلب ............... | محمد عيد | 05-19-10, 00:14 AM |
Re: اماكن فى القلب ............... | مني عباس | 05-19-10, 02:12 AM |
Re: اماكن فى القلب ............... | عائشة صلاح الدين | 05-19-10, 11:42 AM |
Re: اماكن فى القلب ............... | عائشة صلاح الدين | 05-19-10, 11:51 AM |
Re: اماكن فى القلب ............... | عفاف علي ميرغني | 05-20-10, 08:20 PM |
Re: اماكن فى القلب ............... | زينب التجاني | 05-21-10, 02:41 PM |
Re: اماكن فى القلب ............... | الرشيد بابكر | 05-22-10, 08:08 PM |
Re: اماكن فى القلب ............... | مبارك جادين | 05-24-10, 10:20 PM |
Re: اماكن فى القلب ............... | أبوبكر حامد الأمين | 06-01-10, 07:21 PM |
Re: اماكن فى القلب ............... | محمد صديق | 08-08-10, 03:25 PM |
Re: اماكن فى القلب ............... | عفاف علي ميرغني | 09-15-10, 01:35 AM |
Re: اماكن فى القلب ............... | قيس جمال الدين | 09-15-10, 04:46 AM |
Re: اماكن فى القلب ............... | كمال الشادي | 11-20-10, 06:35 PM |
|
|
|