|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: محمد صديق)
|
العزيزة كوثر داؤود تعطر سماء البوست بمداخلاتها اليومية
في رسالة معبرة وجميلة ورقيقة من العزيزة كوثر عبر الإيمل .
أفادت بأنها قرأت كامل البوست ولم تستطع أن تمسك نفسها ودموعها تتواصل إنهماراً ولم تشعر بنفسها إلا من زملاؤوها بالدراسة حيث إندهشوا
للحالة النفسية التي إنتابتها ولكنه شرحت لهم ويبدو أنهم لم يفهموا حتى فتحت لهم البوست ،،
العزيزة كوثر ما زالت متأثرة جداً جداً جداً لأن مخزون ذكرياتها الزقازيقي قد إنفتح على الهويش وإن الغربة الجديدة في كندا أدخلتها في حالة زقازيقية جديدة.
فما أجمل ذلك الزمن الجميل. وما أجمل وأعظم ذلك النفر الطيب من ناس الزقازيق ،،،أجدع ناس
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: ميسرة سيد أحمد)
|
الخ العظيم ميسرة سيد أحمد والاخت الغالية مني قبل أن يبارح قطاركم الكريم محطة الاعزاء كوثر والهادي أرجو أن اجد مكاناً ادلو فيه بدلوي
مشيدأ أول بالتبادي بمجهود ميسرة ومنى في إضافات رائعة وتذكيرنا بناس رائعين ربما غابت ملامحهم مع تراكم الزمن والمشاكل والبعاد تحياتي للاخوان الاعزاء كوثر والهادي ولاولادهم وربنا يخليهم لبعض والله يديكم العافية يا منى ويا ميسرة
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: كمال الشادي)
|
اليوم ليلاً نرتحل إلى الأخوان إلى الأحباب
في بلاد الله الواسعة بحثاً عن زقازيقين طال بهم
البعد وغابت ذكراهم وملامحهم عن وجوهنا ،،، تحلق
طائرتنا الميمونه إلى مرافئ الشوق بحثاً عن زملاء الدرب
كان لقاؤنا مع أُسر زقازيقية من ذلك الزمن الجميل ،،،،،،،
هذه الزميلة الزقازيقية الرائعة التي ظفرنا بها بعد مجهود
كبير ،،، وكان لقاؤنا بها في منزلنا بمدينة جدة هي وزوجها وإبنها.
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: ميسرة سيد أحمد)
|
لنترك أخونا حسن يعرف عن نفسه
------------------------------
حسن محمد علي
المراحل الدراسية بالسودان
مدرسة مهلة الإبتدائية والمتوسطة
مدرسة حنتوب الثانوية
كلية الصيدلية - الزقازيق
مكان العمل : صيدلي بصيدلية محمد سعيد - جدة -
الحالة الإجتماعية : متزوج ولي ثلاثة بنات
بلسم 7 سنوات ، إيمان 3سنوات ، هيام 8شهور
أخواني خريجي وخريجات الزقازيق لكم الشوق الكثير
ولهذه البلدة التي مشينا في دروبها من الجاويش إلى سان مارك
بشارع القومية ، لعم جودة للحفلات والرحلات ،، الناس الحلوه إلى كانت
علاقتها كلها حب وأخوه صادقة وتقدير مجرد من أي مصالح ،، علشان كده لما
الزول يقابل واحد من ناس الزمن الجميل ينسى ما حوله وتكون كل أفكاره في
تلكم الأيام الخالية التي لن تعود ولا أظن أن نعيش مثلها مره أخرى ولقد كان
من المحظوظين بأن عرفنا الله بهؤلاء النفر الطيب ...
تحياتي العطرة لكم جميعاً وإن شاء الله نكون على تواصل وهذا هو المهم،،،
ودمتم،،،،
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: عبد الدائم سيد أحمد)
|
شكراً يا منى على هذا الجهد المقدر ..
شكراً على هذا الإبداع الخلاق و الروح الطيبة ..
و شكراً يا ريس أن أسعدتموني بمهاتفتكم و السيدة الأولى و الأخت الزميلة الرائعة هلا أيوب ..
هلا قابلتها مرتين في جدة في أماكن عامة و كنت دائماً أبادر إلى تحيتها في المرة الأولى لم تعرفني لكنها كانت شاطرة في المرة الثانية ..
هلا من الزقازيقابيات الجدعات ..
فتحية لها و لزوجها المحترم الأخ / علي و الذي نتشرف بأن يكون زقازيقابيا مننا وفينا و كذلك الإبن الزقازيقابي وحيد ..
الله لا جاب يوم شكركم يا الريس و السيدة الأولى ..
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: عصام دهب)
|
بيت الرئاسه واحده واحده علينا خلونا مع مساحه هلا ايوب وبعدين نستمتع مع حكاوي الرائع والباسم ابوعلي عايز ليه مساحات(لاتفارقه البسمه) ازيك ياام وهيب ولارهيب والله هلا وهلا وسلام كتير للزوج الباسم والابن البسام والله اسره روعه . عليك الله كلمينا عن الضحكه الدائمه وسرها في الحفاظ على الشباب الدائم ماشاء الله وعيني بارده. وسلام تاني لبيت الرئاسه وربنا يسهل دروبكم ويمتعكم بالصحه والعافيه
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: كمال الشادي)
|
أنا عارفك يا زهير أبو علي ده صاحبك
بس نبدأ بهلاء أيوب حسب التسلسل،،،،،،
العجيب بأن الأخ/ علي زوجها تعامل معنا بالمؤسسة
ممثلاُ لمؤسسته قبل التعارف وعندما سمع بأن هالة أيوب كانت
زميلتنا حضر إلى المكتب مخصوص ليتم التعارف بالكامل ،،،،،،
هلاء أيوب كانت من ضمن الناس المبتسمين دائماً وضاحكة غالباً
وهي من الشخصيات الزقازيقية الجميلة والمرحة وما زالت تحتفظ بخفة
دمها،،،،،،،،،وهي وزوجها جاهزين يا ناس جدة لأول لمة تحدث.
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: ميسرة سيد أحمد)
|
ولدنا الرائع حسن أبو على حتي اسماء بناتك "صيدليات" بلسم وايمان ربنا يحفظ الجميع ... بتذكر الحادثة اياها يا ابوعلى وانت جاي من الاجازة ... وضاعت كل فلوس الدراسة والشقة العظيمة التي ضم كل من صلاح البدوي ومزمل ... وضيافة الكتير من ابناء الزقازيق الذين قضو الصيف هناك وانا واحد منهم ... والكتشينة وسينما قصر الثقافة وكانت ايام ... لاتنسي تحياتي يا ابوعلى يارجل ياعظيم ... وتحية ايضا لافراد اسرتك ... ورينا طريق البنات الحلوات ده كيف ... اخوك عندو ولدين وخايف من التجربة .. ويجينا الولد التالت ناطي ... ونبقا عزابة عمرنا كلو ...
هلا ... هلا ... ومليون غلا ببتنا هلا أيوب والاخ على والابن مهيب ... اسم هلا دائما مربوط بالضحكة والابتسامة اسعدك الله بقدر مااسعدتي ... الجميع
ز
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: عبد الدائم سيد أحمد)
|
على ايام العبط ذى ما بتقول زينب التجانى
صاحبنا احمد السنى من النوع الصوتو عالى يعنى لو همست ليهو فى اضانو فى مجتمع بيفضحك لانو برد عليك بكلام مسموع
مره انا وهو ماشين فى شارع القومية متجهين نحو شارع المحافظة وبما ان الاخت هلا ايوب كانت تسكن قريبا من تقاطع الشارعين فى سنتها الاولى او التانية تقريبا"
اثناء سيرنا لاحظ احمد السنى بوجود سودانية باحدى البلكونات ، قام سألنى فى بنات سودانيات ساكنات هنا بصوت عالى طبعا" رفعت راسى للبلكونة قلت ليهو اسكت اسكت الواقفة دى امانى عباس وساكنة معاها هلا ايوب حتى شوف الغسيل فى الحبل البلوزة دى ما شفتها قبل كده رد برضو بصوت عالى بالله هلا ساكنة هنا وفى نفس اللحظة وهو ما كمل كلامو قابلتنا هلا فى ناصية العمارة وبادرتنا بالسلام عليكم بدل ما نرد عليها ضحكنا فى وشها وجرينا قطعنا الشارع .. قطع شك قالت ديل مجانين
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: كمال الشادي)
|
تحية كبيره لاختنا هلا أيوب والاخ على والابن مهيب ...
وظهورهم فى هذا البوست الذى يتدفق حنية ومحبة اضفى عليه الكثير
ومبروك لنا انضمامهم لمجموعة زقازيقىّ جده ..
وما يستوجب التحية والترحاب الشديد هو زيارة البوست
لاخونا العزيز د. حسن واسرته ..
ويبدو ان ذخيرته الصورية تزخر بالكثير والجميل
ومؤكد ان التجمع الجداوى القادم مرشـّح لتحقيق معدلات عالية باذن الله
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: زهير الزناتي)
|
الأخوان كمال الشادي وزهير الزناتي
الحمد لله كلنا بخير بس تعرض الريس خلال
الإسبوع السابق (الثلاثاء حتى الجمعة) لوعكة صحية قاسية وتقريباً
هو تسمم حاد وكان طريح الفراش ولم يذهب إلى العمل خلال أربعة ايام
متواصلة لم يهدأ لنا بال حيث إرتفع ضغط الدم بصورة غير متوقعة
وكنا نتابع بالمستشفى حتى زال المرض وإنخفض ضفط الدم ورجع إلى الوضع
الطبيعي .
ودي أول مره أشاهده بهذه الصورة حيث أنه يتحمل المرض ولا يكترث له
والحمد لله أن رفع عنا الأذى وعافانا وما حبينا نزعج الناس .
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: كمال الشادي)
|
Quote: يا ريس ميسرة ده الأخ فتح الرحمن وقد ترك الشرطة منذ فترة طويلة وهو الآن أستاذ جامعي في عدد من الجامعات السودانية |
شكراً يا زهير الزناتي نعم هو الأخ/ فتح الرحمن عدم التواصل مع بعض الناس
ضيع علينا بعض الأسماء المختفيه ،،،، أطلب منك طلب يا زهير ممكن تلفون جمال دفعة
يا شادي الناس الفي الصور دي كلها إنت بتعرفه وما عندي مانع أنا طلبت
نضارة الذكريات من الصين حأرسل ليك واحده ،،،،
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: مجتبي فاروق)
|
Quote: عووووووووووووووووك يا ريس انت لو راجى ذاكرة عبدالدائم ولا شادى تكون الحصاحيصا غرقت عديل كدا |
والله يا مجتبى كلامك صاح بس الكاشف أخوي أنا
متأكد منه ، لكن عبدالدائم ده أنا شايف لسه ذاكرته شباب
عندي صور من هالة أيوب بس شدوا حيلكم الصور دي بتخص ناس حقوق
بمناسبة ناس حقوق دي الزول الإسمو بكري الجميل (ود المأذون) وينه؟؟؟؟؟؟
قول ليهو المولد ده ناس حقوق عندهم فيهو نصيب .
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور)... (Re: زهير الزناتي)
|
انا سعيدة بوصول الباس ورد حقيقي انا في غاية السرور والفرح بدوخلى هذا الحوش العامر الله عليك يازهير الزناتي ادهشتني بهذه الروعة معقول كل الكلام الجميل ده عني يازهير حقيقي انا فخورة بيك وبكل الزقازيق الكرام تحياتي لإبتهاج والصغارسؤالي الشديد عن محمد صديق وخالده قسم الباري التي اعتز بمعرفتهاوطارق جبريل وينك واخبارك محمد ادم النور كيفك وعايزة اعرف اخباركم عبدالدائم سبدأحمد كيفك كنت متوقعه اسمع صوتك سامي عبدالوهاب جلال عزام محمد الهادي ذبيده إقبال محاسن بثينه حسين احلام الامام ناهد امين البت البرلومه مشاعر بدوي المبشر فطومة إقبال أبتر اسامة ابتر طارق جبريل عفاف علي ميرغني 1زينب التيجاني نجاة حوفي سامية إسماعيل عادل الجعلي نجاةميرغني الرشيدخواطر موسى عيسى وكثر يعجز قلمي عن حصرهم اود ان اقضي كل الوقت امام الكمبوتر لاعبد اجمل اللحظات معكم كوثر داؤد
| |
|
|
|
|
|
|
Re: شخصيات وعائلات زقازيقية ،،،،،،،، من الزمن الجميل،،،(توجد صور) (Re: عبد الدائم سيد أحمد)
|
انا سعيدة بوصول الباس ورد حقيقي انا في غاية السرور والفرح بدوخلى هذا الحوش العامر الله عليك يازهير الزناتي ادهشتني بهذه الروعة معقول كل الكلام الجميل ده عني يازهير حقيقي انا فخورة بيك وبكل الزقازيق الكرام تحياتي لإبتهاج والصغارسؤالي الشديد عن محمد صديق وخالده قسم الباري التي اعتز بمعرفتهاوطارق جبريل وينك واخبارك محمد ادم النور كيفك وعايزة اعرف اخباركم عبدالدائم سبدأحمد كيفك كنت متوقعه اسمع صوتك سامي عبدالوهاب جلال عزام محمد الهادي ذبيده إقبال محاسن بثينه حسين احلام الامام ناهد امين البت البرلومه مشاعر بدوي المبشر فطومة إقبال أبتر اسامة ابتر طارق جبريل عفاف علي ميرغني 1زينب التيجاني نجاة حوفي سامية إسماعيل عادل الجعلي نجاةميرغني الرشيدخواطر موسى عيسى وكثر يعجز قلمي عن حصرهم اود ان اقضي كل الوقت امام الكمبوتر لاعبد اجمل اللحظات معكم كوثر داؤد
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد صديق)
|
انا سعيدة بوصول الباس ورد حقيقي انا في غاية السرور والفرح بدوخلى هذا الحوش العامر الله عليك يازهير الزناتي ادهشتني بهذه الروعة معقول كل الكلام الجميل ده عني يازهير حقيقي انا فخورة بيك وبكل الزقازيق الكرام تحياتي لإبتهاج والصغارسؤالي الشديد عن محمد صديق وخالده قسم الباري التي اعتز بمعرفتهاوطارق جبريل وينك واخبارك محمد ادم النور كيفك وعايزة اعرف اخباركم عبدالدائم سبدأحمد كيفك كنت متوقعه اسمع صوتك سامي عبدالوهاب جلال عزام محمد الهادي ذبيده إقبال محاسن بثينه حسين احلام الامام ناهد امين البت البرلومه مشاعر بدوي المبشر فطومة إقبال أبتر اسامة ابتر طارق جبريل عفاف علي ميرغني 1زينب التيجاني نجاة حوفي سامية إسماعيل عادل الجعلي نجاةميرغني الرشيدخواطر موسى عيسى وكثر يعجز قلمي عن حصرهم اود ان اقضي كل الوقت امام الكمبوتر لاعبد اجمل اللحظات معكم كوثر داؤد
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: طارق جبريل)
|
انا سعيدة بوصول الباس ورد حقيقي انا في غاية السرور والفرح بدوخلى هذا الحوش العامر الله عليك يازهير الزناتي ادهشتني بهذه الروعة معقول كل الكلام الجميل ده عني يازهير حقيقي انا فخورة بيك وبكل الزقازيق الكرام تحياتي لإبتهاج والصغارسؤالي الشديد عن محمد صديق وخالده قسم الباري التي اعتز بمعرفتهاوطارق جبريل وينك واخبارك محمد ادم النور كيفك وعايزة اعرف اخباركم عبدالدائم سبدأحمد كيفك كنت متوقعه اسمع صوتك سامي عبدالوهاب جلال عزام محمد الهادي ذبيده إقبال محاسن بثينه حسين احلام الامام ناهد امين البت البرلومه مشاعر بدوي المبشر فطومة إقبال أبتر اسامة ابتر طارق جبريل عفاف علي ميرغني 1زينب التيجاني نجاة حوفي سامية إسماعيل عادل الجعلي نجاةميرغني الرشيدخواطر موسى عيسى وكثر يعجز قلمي عن حصرهم اود ان اقضي كل الوقت امام الكمبوتر لاعبد اجمل اللحظات معكم كوثر داؤد
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
المجوعة دى يا ريس فى حفل تخريج علوم 87 م
الصف الاول : واحدة مصرية - حنان على - سوسن حسن بشارة - صدوقة - نجوى - بنجاوى - هلا - اميرة
الصف التانى : الخاتها يدها فى وشها احتمال نجاة حوفى - زينب التجانى - محى الدين على يوسف - عطيات
الصف التالت : فتحية بشير - احلام مختار - زهرة ابوعلى - اللابسة اسود على ما تبدو وئام ( البادى )
الشباب الوراء طششششاش
شكرا" يا هلا على الصور وما تبخلى علينا بالمزيد منها
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عصام دهب)
|
التحية أولاً لأهل الدار ألريس ميسرة ورفيقة دربه السيدة منى .. والتحايا الغزيرة للجدعان من الزملاء الرائعين والزميلات الأكثر روعة وألقاً .. هاتفت اليوم واحدة من الأسر ألتي إستضافها منبركم .. أسرة الأخت كوثر داؤود والحبيب الهادي .. جأني صوت الأخت كوثر دافئاً رغم برودة الطقس في كندا وقد فرحت جدا عندما أخبرتها من أنا .. قلت لها:- هل تذكري متى تقابلنا آخر مرة؟؟ .. فوجدتها تذكر ذلك جيداً ،، فقد كانت آخر مرة اقابل فيها كوثر قبل 11 سنة تقريباً قرب المتحف القومي بالخرطوم بالصدفة .. وأذكر عندما رأينا بعض علقنا نفس التعليق ( سمنت كدة مالك) ثم قالت كوثر الظاهر يابسكو أنو نحن الغربة مابتنفع معانا ..و كوثر داؤود من رائعات الزقازيق وهي بنت شرق السودان كسلا .. وليس غريب على كسلا أن تجود بمثلها فقد جادت علينا المدينة بأكثر من متفرد ,واكثر من رائع،، يكفينا زهير ,, وجلا وشاويش ونوال البلول وسمية بين ،، وعبدالعال وحامد عبدالوهاب وعماد شقلي وغيرهم من الأعزاء .. كوثر داؤود طلبت من أن أبلغ الأخ زهير بأنها في حاجة لإرسال رسالة لها تحوي الباسورد بتاعتها بسبب إختفاء الرسالة الأولى في ظروف غامضة ،، وهي بوضعها الحالي لاتستطيع الدخول للمنبر عشان الكي بورد بتاعها إنجليزي يامرسي .. وعايزة الرسالة لتستطيع الدخول بنظام copy,paste .. طلبت مني أن ابلغ تحياتها للجميع دون إستثناء لم أتحدث مع الأخ الهادي الذي كان غائبا بسبب العمل ..
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد صديق)
|
عرفت يا بسكو ليه انا كتبت فى البوست مناشدة للاخوة الاعضاء الجدد بالدخول
اولا" عشان ما تحصل مشكلة زى بتاعت كوثر دى ، من الاسلم كتابة الباسورد فى مكان آمن وتغييره للضمان .
وثانيا" وهو الاهم اى عضو ما عمل تفعيل لحسابو بعد فترة الباسورد بتجمد وما بيشتغل .
يا كوثر راجعى رسالتك الاولى لبكرى ابوبكر انتى طلبتى منو كلمة السر بتاعتك تكون شنو , وحاولى جربيها ، اما اسمك فهو موجود اصلا" انسخيهو من اى مداخلة سابقة ليك وكررى المحاولة كذا مرة عساها تنجح .
على جنبة * كان سكتنا اهو البرالمة بضيعو مننا ونحن ما صدقنا انهم وصلوا * وكان اتكلمنا ناس جلال يقولو سلطنة سناير ...... لوووول
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
تغنى العطبراوى برائعته أنا سودانى ، وقد حوت القصيدة ما حوت من صور جمالية غير أنى أحس بتفرد هذا المقطع ، أقول أحس ولا أقول أعتبر حتى لا أتجنى على روعة القصيدة فى مجملها:
أيها الناس نحن من نفرٍ عمّروا الأرض حيثما قطنوا
من رحم هذا النفر تخلقت إحدى المضغ وانتبذت مكاناً (شرقية) ، وجدت عند أهل الفلاحة غايتها ومبتغاها الأرض البكر والخضرة والوجه الحسن ، فلم يعد مستغرباً أن تحوى كل سنبلة مئات الآلاف من أبناء وبنات عزّة الخليل ، إلتقوا على المحبّة ، لولا خشية البطر لأجزمتُ أن العناية الإلهية إنتقتهم إنتقاءاً فاق حد معايير ضبط الجودة والآيزو (والما آيزوا ) .
سعدت اليوم بالتحدث عبر الهاتف للريس ميسرة والسيدة الأولى منى يونس ، أسعدنى الإتصال وتفقد الأحوال ، ناشدنى الريس ميسرة بالدخول على البوست لأنهم عزموا أن لايبرحوا محطة هلا أيوب وناس حقوق قبل دخولى وإفادتى ، لهذا ليعذرنى الجميع أن إبتدرت التداخل من الصفحة الخامسة (من الآخر خالص) ، وسأعود مجدداً لبقية الصفحات ولبقية البوستات لاحقاُ لأن الساعة شارفت الواحدة .
إفاداتى عن شقيقة الروح هلا أيوب تحتاج مساحة ووقت ولو على وزنها، ولى ملاحظة أن زوجها الأخ على يشبه عادل الجعلى بس على أنضف له ولهم ولكم محبتى ، حسن أبوعلى متزوج من جيراننا بمدنى حى بانت يعنى الراجل نسيبنا بس ما ح نسيبو ولو فكر إسيبنا ، سأستصحب سيرة أحمد الفيصل ومزمل وشقة السوق والشال الأنيق لأبوعلى ، والضحكة التى يتبعها مداعباً (والله يا أبكورتى) ، لهم جميعاً التحية ، سأعود لكم ولسان حالى يلهج كما ابن زيدون:
بنتم وبنّا
فما إبتلت جوانحنا
شوقاً إليكم
ولا جفّت مآقينا
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
هذا البوست الجميل الراقي ( شخصيات من الزمن الجميل ) اردت ان ارفعه فوق كل البوستات السابقة والحالية لانو هو الاعلى وهو الارقي التحية والتجلة للاخوان ميسرة سيد احمد ومنى يونس على كل مجهود كان وسيظل في هذا البوست
ونحن احوج ما نكون بمناسبة هذا العيد السعيد ان ننفض غبار الذكريات عن شخصيات اخرى غير التي كانت في هذا البوست وان نرفع كل التحايا لكل الشخصيات الزقازيقية الرائعة التي زارها هذا البوست
تحية واجلال وتعظيم سلام للريس ميسرة وللسيدة الاولى منى
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
نلتقي مع شخصية زقازيقية طريفه وظريفة شخصية مثيرة للجدل وهو زميل معروف لكل الناس ومشهور وكان لنا معه هذا الحوار المثير والغريب .
بطاقة تعريف :-
محمد الفاضل مكي ، مواليد 1959 ............ النيل الأبيض
المراحل الدراسية : الشوال الابتدائية والمتوسطة .......... الثانوية ثم الزقازيق
ماذا تمثل لك الزقازيق ؟
محطة قف ! تمازجت بها التكوين ....... الإخاء و الموده التي تبقى للأبد
ود الفاضل سمعنا بأنك تزوجت بثلاثة نساء وتفكر في الرابعة هل هذا صحيح ؟
اولا تعدد الزوجات مهم لتكاثر البذور وتلاحم القبائل والسحنات . لم نتذوق حلاوته حتى ........ فيه .
لو عرف الأخوان الرجال المزايا من تعدد الزوجات ، لتوجه الجميع لملئ المقاعد الخالية فورا اتمنى أن يتفهم الجميع ويتعجلوا ما تيسير لاغتنام الفرصة قبل ذهاب العمر ؟؟؟؟؟؟؟؟؟؟؟؟ لأني سوف أطرح مشروع مغري جداً للجميع؟
بعض الإخوة لم يتزوج حتى الآن وآخرين اكتفوا بالزوجة الواحدة . ما هو تعليقك ؟
اطلب من زوجات الإخوة المتزوجين بواحدة فك الشفرة وترك الزوج يأخذ المقاعد الأمامية مع الرجال لأن المتزوج بواحدة مازال أعزب أما الغير متزوجين فهم معذبون في الأرض فلنبدأ فورا وبدون تأخير بالواحدة واسأل الله أن يكون سلمهم كهربائي حتى يصعدوا الدرجات العليا بسرعة ويسر ......والدعوة للجميع ...........................!
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
كانت لي تجرب شخصية مع محمد الفاضل عندما كنا في شهر العسل وتقدم ود الفاضل بدعوتنا إلى عزومة عشاء على ضفاف النيل والحقيقة كانت عزومة مدنكلة بس كان وراء الأكمة مؤامرة ، بدأ محمد الفاضل في اقناع ميسرة ونحن في شهر العسل بالزواج الثاني وأخذ أمامي يحدد محاسن المرأة الثانية
وكيف أنهم يتدافعن على الرجل ويدلعنه كيفما شاء وأنا في غاية الإندهاش والإمتعاض يا جماعة الراجل ده جادي ولا بيمزح ولكنه كان في منتهى الجدية وتمنيت إنتهاء العشاء بسرعة لم نعود لأخذ الصور ولم نحتفظ بأي هاتف حتى لم نعود إلى السودان لأكثر من 15سنة متواصلة
أها مشروع محمد الفاضل الجديد أنسوهو ولا حتى تقروه وفاشل من البداية.
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
Quote: ] يا جماعة الراجل ده جادي ولا بيمزح ولكنه كان في منتهى الجدية وتمنيت إنتهاء العشاء بسرعة لم نعود لأخذ الصور ولم نحتفظ بأي هاتف حتى لم نعود إلى السودان لأكثر من 15سنة متواصلة
|
يا أستاذة ده كلام العزومة في شهر العسل عمل فيكم كدة وكلامه اليوم إن شاء الله يكون بردا وسلاما وأخفّ وطأة الأخت منى والريس ميسرة أهنئكم بمناسب عيد الأضحى المبارك أعاده الله عليكم وعليتا بالخير واليمن والبركات وأهنئكم أيضا على هذا البوست وعلى هذا التواصل الجميل ربنا يديكم العافية والمعافاة الدائمة وكل عام وأنتم بخير
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
مع ودالفاضل احسبها وفاضل
سمعنا بمجموعة ابو الفاضل بلازا للاثاث المنزلى من غرف نوم و مكاتب وادوات كهربائية حتى ادوات النظافة
( اوكازيون ) الزوجات العاملو ود الفاضل بالخرطوم ده فى فرع السجانة ولا جبرة ، عشان نعرف المحلى بكم و المستورد بكم
احكى ليكم نكتة قالو فى فار مشى نام فى الكوشة صحى الصباح لقى ليهو كديس ميت مرمي فى الكوشة ، الفار ( اتمقى ) كده وفرد عضلاتو وقال انا كنت عارف نفسى حاقتلو حاقتلو ... لووووول ...
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: البادي النور)
|
العزيزة منى كل عام وانت والريس ميسرة والعيال الحلوين بالف خير ربنا يحقق انياتكم البعيدة والقريبة.. افتقدناكم فى لمة العيد مع منصور.. ولكن ما زلنا نمنى انفسنا بزيارتكم لابوظبى قريبا .. البوست بتاعك راقى وراسى ورئاسى.. من\ فترة طويلة لم استطع لا المتابعة ولا الاستمتاع للدوام الطويل ودوامة الامتحانات التى لا ولن تنتهى .. الله يعين كل الامهات.. تحياتى عبرك للدكتور حسن واسرته واللذيذة هالة ايوب ذات الضحكة والبسمةوالبشاشة المميزة.. ولكل ناس جدة.. اما موضوع ابو الفاضل ده الطارحة لميسرة من انتو فى شهر العسل بالجد خلانى اتراجف خصوصا شفت ود شيخى مشى يستخير غايتو يا ابو الفاضل محمد معانا مشروعك ما يغشانا.. مرة اخرى لكى تحية ود وحب ومنتظرين زيارتكم لابوظبى قريبا تحياتى خاصة لميسر وقبلاتى للعيال الحلوين ودمتم سالمين
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: نجاة حوفي)
|
سلام عليك يا نجاة يا رقيقة ، كان نفسنا نكون مع منصور في زيارته لكم حسب الإتفاق ولكن وجود نوال البلول معنا بالمنزل وحاجتها لنا إلغى عنا كامل برنامج العيد ، ولكن سعدا بوجود أكبر قدر من ناس الزقازيق دهموا منزلنا خلال الفترة السابقة معاودة نوال ، ولكن برنامجكم معشش في رؤوسنا أما برنامج ود الفاضل ده خليهو علي أنا بطفشهم ليكم كلهم.
| |
|
|
|
|
|
|
|