|
|
 أفقد شيئاً أكبر مني
|
لعلها فجاءة الصحو من سبات الصحو ..!!
كلا ـ إنها الاستغراق في غمرة الاستغراق ..!
لا .. بل هي رؤيا انسربت إليها من دهاليز رؤيا ..
لا لا إنها شظايا الهشيم في تصادمات المرايا تكسرت فيها مفاصل الحقيقة .
***
أشعر أني أفقد شيئا أكبر مني…
ليس الجد وليس الوالد
شيئا حيا قد فارقني دون ممات....
ليس عيوني…ليس يدي…
وليس الروح وليس الذات… (مقتبس - الكتيابي)
بل هذا الشئ هو الزقازيق, حسن صالح, لكوظ, المساكن وشارع القومية والناس...اجدع ناس
سلام يا أهلي يااحبابيي ويكون التواصل,,,,,,,,,,,,
|
|
 
|
|
|
|
|
|
|
|
Re: أفقد شيئاً أكبر مني (Re: د. نورا كرم الله)
|
ألعزيزة نورا
يشرفني ويسعدني أن أكون أول من رحب بك وتداخل معك
في أول بوست لك ومبروك الباسويرد والله ما عندنا أي خبر
بمجيئك كنا فرشناالحوش فل وياسمين, معليش نسيت أني قائدة حملة لمقاطعة ياسمين عشان كدا
حنفرش فل ونرجس وكل أنواع الورود ما عدا الياسمين حتى لو كان عندها فيلا في الياسمين.
أها نرجع لموضوع الترحيب بصديقتنا الذوق نورا كرم الله, نورا فيها حاجة كدا
تخلي أي زول يلاقيها يحبها أهلنا بقولوا علي الزول الزي دا عندو شامة ريدة
وكمان فيها نكهة بت البلد يعني شهمة وبتحب الخير للناس وعندها قدرة على التعامل
مع أنماط مختلفة من الناس وفي نفس الوقت عندها قدرة غلى رعاية علاقاتها.
والأهم من كدا قدرتها على تحقيق النجاحات في المجالات المختلفة والقدرة دي أنا
برجعها للجينات الشايقية يعني دي نجاضة شوايقة ورغم أني ما بحب حكاية التنميط دي
وأدراج القبلية الكرسوا ليها مجموعات الكوميديا في النكات بتفسير دواعي السلوك المعين داخل
المجموعة المعينة ورده لانتماء هؤلاء الناس لقبيلة ما , لكن ارتباط النجاضة بالشوايقة
دا أمر ما قادرة أتجاوزه.
باختصار كدا نورا دي بت جدعة وينطبق عليها تماما وبشكل خاص صفة الجدعنة الزقازيقية
لذافهي كتبت بأنها تفقد شيئا أكبر منها ونحن بحضورها أستعدنا شيا كبيرا كنا نفتقده لمدة وسوف لن نفرط
فيه مرة أخري.
تحياتي لك حبيبتي نورا ولصغارك الجميلين وصديقي العزيز الذي منحناه الجدعنة الفخرية فهو جار اسكندراني عزيز
وكمان نسيب فله التحية والتقدير
| |
|
|
|
|
|
|
|
|
|
Re: أفقد شيئاً أكبر مني (Re: سناء الصباغ)
|
اهلا" ببروف نورا حقيقة صباح جميل كون الواحد يقابلك
بعد المدة الطويلة دى ، وشنو الحكاية من السنة الفاتت نحن
منتظرين طلتلك ولما تعبنا رسلنا ليك منصور
ويا سناء بعد شوية حيجيك طارق جبريل ويمسك البوست على حسابو
نورا دفعتو وكمان جبتى ليهو سيرة الشوايقة ، غايتو حتسمعوا
شايلة الحليلة على المراح بعد شوية
اما مقاطعة ياسمين ما اظن حتلاقى مناصرين كتار ولو قلتى صفية مساعد
انا اول زول حيقيف معاك .
دكتورة نورا مرحب بيك تانى وتحياتنا لدكتور ياسر والابناء
وكل ناس بيطرة
| |
|
|
|
|
|
|
|
|
Re: أفقد شيئاً أكبر مني (Re: عبد الدائم سيد أحمد)
|
هيييييييي أقيفن نورا فيكن
نورا ياتي
نورة خيت أخت الغلابة
تدي للبوستات حلاوة
وتدي للإنجاز طلاوة
نورا علم الدنيا فيها
ونورا عشق الأرض تيها
مرحب بيك وتحياتي لأسرتك الكريمة
وبيتنا نور ... ياما نور
وكله نورا
| |
|
|
|
|
|
|
|
|
|
Re: أفقد شيئاً أكبر مني (Re: عبد الحفيظ عباس)
|
سلامات يا ناس
وصباحات التفاؤل
مرحب بى دكتورة نورا ...وزى ما قال عبد الدائم
لابدة ليها سنة كاملة بى الباسويرد ..لو كان
استثمرنا الباسويرد ده كان بنينا بيهو الدار.
تحياتى لدكتور ياسر والعيال.
| Quote: أشعر أني أفقد شيئا أكبر مني… |
يعنى 80 كيلو؟؟(طوّلت ما اتثاغلت عليك)
| |
|
|
|
|
|
|
|
|
|
Re: نجاضة الشوايقة (Re: سناء الصباغ)
|
عادت إلى شط الأمان سفينتي
و تراقص الموج الحنون
على حنايا.. ضفتي
كم جفت الأمواج في قلبي
و فاضت دمعتي
و مضيت أنتظر السفينة
كي تعود.. بفرحتي
و نزفت من قلبي دموع الحزن تملأ مهجتي
حتى رأيت المارد العملاق
يعبر يستعيد.. كرامتي
و تعانق الدم و المياه
على مشارف جبهتي
و بقيت شامخة مع الأيام أروي قصتي
و سمعت صوت الله يعلو في سماء مدينتي
الآن قد بدأت مسيرتكم بنور هدايتي..
* * *
اليوم عاد الموج يرقص
في الحنايا مشرقا بين الضياء
و سفينة الأحلام عادت
تحمل البشرى و تأتي بالرخاء
سأظل يا تاريخ معجزة السماء
فأنا قناة المجد يا تاريخ هدى الأشقياء
أنا أم كل الحائرين مع القدر
كم بين أحضاني رعيت الناس أكرمت البشر..
من زارني يوما يعود.. و إن تمادى في السفر
اشكر الاخت سناء وهذا بحق ما تعلمناه منهاواشكرالظريف عبد الدائم النضيف علي اتصاله الهاتفي كم اسعدني والاخ عبد الحفيظ والرائع جورج وانا لسة ماوصلت80 كيلو ياجورج
| |
|
|
|
|
|
|
|
|
|
Re: نجاضة الشوايقة (Re: مشاعر بدوي)
|
حسبت أن هذا البوست يحمل مسمى
أفقد شئ أكبر مني
فكتبت
لغاية الآن أنا فقد 5 كيلو
ودا من أول يوم رمضان
نظرت إلى أعلى مرة أخرى
وجدت
نجاضة الشوايقة
قلت الرشيد و طارق جبريل حيجو يشلخو البوست دا لا ورا
طيب
سلام دكتورة
تسجيل عضويتك في جمعية بنات الشيخ مهم
نرجو الإسراع
مع دفع رسوم التسجيل و التأخير
الإجتماع الجاي جيبي البمبر بتاعك
يمكن ما تلقي لي حتة تقعدي فيها
كريم رمضان (دا بالماليزي)
| |
|
|
|
|
|
|
|
|
|
Re: افقد شيئا اكبر مني (Re: عمر نملة)
|
انتي لم تفقدي شئ .... يادكتورة
الكل موجود في ... الدواخل ... الفؤاد ... الذاكرة
منذ ذاك التاريخ ... منذ درسنا واجتمعنا هناك .... في الزقازيق
فهي حاضرة في وجداننا ... لم تفارقنا لحظة ... ولم نفقدها ...
ولذا اجتمعنا هنا ....
رمضان كريم ... وتحياتنا لأفراد الأسرة الكريمة ...
وسلامي لماليزيا الجميلة ... بناسها وطبيعتها ...
| |
|
|
|
|
|
|
|
|
|
Re: أفقد شيئاً أكبر مني (Re: د. نورا كرم الله)
|
كيف حالكم و احوالكم
رمضان، ايها الضيف تمهل كيف ترحل و الحنايا مثقلات والمطايا تترجل، كيف ترحل.
هلا العيد بثوب الفرح و السعادة
رضي الله عنكم وارضاكم
وهداكم,,,,
واغناكم,,,,
ووفقكم لخير الدعاء
واجاب لكم الرجاء
واحبكم بلا ابتلاء
وجعلكم ساعين للخير
مؤثرين في الغير
وكل العام وانتم بخير.
| |
|
|
|
|
|
|
|
|
|
Re: أفقد شيئاً أكبر مني (Re: د. نورا كرم الله)
|
الناس الحلوين من الزمن الحلو اشكركم فردا فردا بدءا بجورج (محمد صديق) والغالية سناء ومشاعر مرورا بمحمد ادم وعفاف علي ميرغني وياسر نجيلة, البادي النور, عبد الحفيظ, عبدالدائم النضيف وعمر نملة وكل من لم اذكر اسمه,,, وشعرة الريدة دي ياعمر الظاهر بقت طويلة عارف اليوم العيد وفي ماليزيا البعيدة دي وانا قاعدة في الهول لاستقبال الاحباب حتي الواحدة ونصف صباحا,,,,,,,,,,,,,في حب ياخوانا اكثر من كدا؟
| |
|
|
|
|
|
|
|
|
|
Re: أفقد شيئاً أكبر مني (Re: د. نورا كرم الله)
|
سلامات يا ناس
دكتورة نورا ...سلام
وكل عام وانتِ بخير وتحياتى الى د.ياسر والعيال
خالدة سألت عليك ..وقالت لى هى لسة فى ماليزيا؟وطولت كده ليه؟
قلت ليها ايوه ..وبتعمل دراسات عليا.
قالت لى هى مش بقت بروفسر مشارك ..قلت ليها آى
قالت لى طيب عايزة تبقى بروفسر ما مشارك؟
| |
|
|
|
|
|
|
| |
سناء الصباغ
عبد الدائم سيد أحمد
عبد الحفيظ عباس
محمد صديق
مشاعر بدوي
محمد آدم النور
عفاف علي ميرغني
حمد محمد احمد
عمر نملة
ياسر نجيلة
فيس بوك
تويتر
انستقرام
يوتيوب
بنتيريست