الكوليرا تفتك بأهلنا.. وتحتاج حملة عالمية للتصدي لها..
حملة بورداب الرىاض لاغاثة اهلنا بالنيل الابيض
قضايا للحوار:اعادة تدقيق وتحقيق كتاب الطبقات.. بقلم يحيى العوض
في مسألة الكوليرا ..
ياساتر يا رب.. الكوليرا يعم النيل الابيض .. موت بالجملة
علي الحكومة ان تعلن النيل الابيض منطقة كوارث
الوضع خطير بمستشفي كوستي
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 05-24-2017, 09:08 AM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

مربع كاي

03-06-2010, 11:25 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)


    بالغت عديييييل يا الرشيد
    توفى معانا هنا ليها يومين وما تكلمنى ولا تعمل لى حتى مس كول
    مافى حتى رسالة واحدة بيها اتصبر شوية
    يمين بالله لمن تقولوا توفى
    لمن اعصابى قاعدة تبوظ يا اخوانا
    عواطف دفع الله
    عودة الزمن الجميل وسمح
    ياخى ده بوست طاعم بشكل
    جلال , ابعد من البوست ده بيعوقك
    القصة جابت ليها توفى
    مشتاقين ليك يا توفى , ونأمل ان تكونى مع اسرتك بالف خير  
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2010, 09:49 PM

نجاة حوفي
<aنجاة حوفي
تاريخ التسجيل: 11-08-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    بما انه نحن فى free country and free area
    مسموح لينا فى مربع كاى نتونس ونقول كل الجوانا..اجترار الذكريات ينعش ويفرفح القلب ويبعدنا عن روتين الشغل ووحشة الغربتين العايشنها غربة عن الوطن والاهل وغربة اسبوع انا واولادى عن رشيد القوم..
    انا يوم الاحد رسلت ايميل لمدير معانا فى المكتي وفى النهاية كتبت ليهthanks and have a nice weekend
    رد على نجاةwake up today is sunday
    قلت معليش انا واولادى بنتمنى انه كل الايام تكون يوم خميس.. يوم الخميس الاطمئنان..
    الليلة برايتى سنسنة ويدى بتكتب براها..الا تقولوا الروب ..
    عندنا شغالة اسمها ام جمال التحية ليها ربنا يطول عمرها .. كانت بتحبنا جدا حتى حاجات البيت بتشتريها لينا وتطبخ على مزاجها.. المشكلة كانت نشر الغسيل بس تغسل المطرة تنزل فتقول لينا يلا انا ماشية انشروا الغسيا انا وزوبة لانه بطة نحن ما بنخليها تعمل شى ولا ام جمال بطة من شدة ما استمرأت الموضوع بقت شاى المغرب نعمله ليها هدوم الكلية الصباح والمساء نكويها انا وزوبة ونحن الصراحة شقتنا بلا قوانين كانت يعنى انا او زوبة لو طالعين واحدة فينا تكوى هدومنا التلاتة المهم جات ام جمال يوم لقت الغسيل فى مكانه بطة ما عليها لوم لانها تدعى دايما الازمة قايمة علىها..سمعناها ليك تقطع هى وام جمال فينا ام جمال :: البنات دول انا خايفة عليهم اوى يا ياسمين دول حا يقوزوا اذاى.. وبطة اا يا ام جمال مش معولين نقاة وزوبةانا خلاص تعبت منهم.. طبعا ام جمال ادتنا درس واعتزرنا ليهم وبعد ما مشت شنينا ليك حملة ضد بطة ووبخناها على قطيعتها فينا فضحكت انها كانت تساير ام جمال لتخفف غضبها لانه الهدوم اعيد غسيلها من الاول.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2010, 11:29 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    نجاة حوفى
    انا افتح ليكى !!!!!
    طيب
    اقفل لى منو ؟؟!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2010, 01:10 PM

نجاة حوفي
<aنجاة حوفي
تاريخ التسجيل: 11-08-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    صبحكم الله بالعافية.. الحمد لله وصل رشيد القوم بالسلامة..
    ما لا تعرفونه اننى اترقب الاحوال الجوية يومى الخميس والسبت.. يقلقنى المطر والفبار والحر كمان رغم انه العربات هنا ثلاجة ماشة.. كنت قلقة لانه فى غبار اليوم.. بس وجد نا رفيق قبل الطريق للرشيد عبد الله اكيد الرشيد براكم بيه..
    حمدا لله على سلامتنا.. انفرجت اساريرى قليلا.. وشوية اطمئنان نتصبر بيها ليوم الخميس ان اراد الله واحيانا..
    بس انا مازوم ..
    مازوم.. مازوم.. فتحة سندى دى عاد جوة قلبى..
    اليوم اعانى من شوية الم وصداع فضلت ارتاح بالبيت المهم عاينت فى المراية لقيت نفسى شكلى رايق من يوم الخميس ما شفت الشارع والمعنويات كانت عالية.. جاتنى جارتى احبطتنى ليكم قالت لى شكلك تعبانة شديد..مالك !!!!
    اتذكرت يوم فى الزقازيق سناء الصباغ تعبانة على نفسها من الصباح شى ماسك زبادى ولف شعر ولبست النظارة( الكل ما تلبسها يكون يوم ضباب ومطر وتختفى الشمس لاسبوع) وقشرت ويا دنيا ما فيك الا انا.. ماشة على الاتحاد لاقتها ليكم واحدة : سناء مالك فرحت سناء ثقة فى نفسها بما بزلته من مجهود :فاحبطتها ليك: شكلك تعبان يا سناء وشاحب مالك فى شنو.. رجعت سناء مستاءة يعنى يا اخوانا كل التعب ده ما جاب نتيجة خلونى ارجع البس مستعجلة والفح شالى واجرى امكن شكلى يكون احلى ومنذ ذلك اليوم ونحن اى واحدة تعمل قاشرة نقول ليها شكلك تعبان يا سناء..
    التحية لسناء الصباغ التى ترسم الفرح اينما كانت.. تحية حارة ليها ولعمر والاولاد تصلها فى اسكتنلندا تدفيها من صقيع البرد ودعوات تحميها من كل بلاء امين يا رب..
    دمتم جميعا سالمين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2010, 01:27 PM

نجاة حوفي
<aنجاة حوفي
تاريخ التسجيل: 11-08-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    على قول زينب ماشة اشيل لى فاتحة وجاية - بس ما بالامجاد.. زوبة الزعل ممنوع ومرفوض . الحل فى يدك..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2010, 02:27 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3974

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    سلامات يا ناس

    ده مربع كاى ولا مربع نجاة؟؟؟

    عودأ حميدآ...حوفى

    اوعك من الامجاد...بتوصلك سريع لكن بتغيِّبك شهور.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2010, 06:03 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    مساكم الله بالخير

    لما مشيت اتشالقت بي هناك و بديت اتكلم عن أحلامي أو امنياتي لوطني...كنت أرغب في أن تكون سلسلة متواصلة من الأمنيات و بديت بالمتنفس أو الحديقة....الجماعة قطعوني النفس...لم يقل أحدهم ان الفكره رائعة و جميلة و لم ينتظروني حتى أكمل الفكرة و لم يتكلموا عن المشاريع الأخرى التي يرونها ضرورية...
    لماذا البداية كانت الحديقة هذا سؤال لم يسأله أحد و أرجعوا المسألة لمجرد انني متأثر بالجو الجميل...و الواقع ان المسألة لم تكن مجرد تأثر بالجو الجميل...انما لأن الحديقة كانت التي أشعلت فتيل الأمنيات فاستحقت أن تكون البداية...و لقد أشرت الى ذلك في كلامي حيث انني قلت ان الأمنيات كثر و تحدثت عن التخطيط...و التخطيط لا يتوقف عند حديقة...
    من يقرأ كلامي هذا يعتقد اني زعلان...و لكني غير ذلك تماما...و لكني أريد أن أواصل في أمنياتي و مشاريعي التي أود أراها تنفذ في وطني...ليس لدينا وقت للتحسر على ما فات و لن يفيدنا شيئا أن نلوم حكومة أو جهة أو حزبا على ما أصابنا خاصة و اننا مقدمون على انتخابات ديموقراطية و بامكاننا أن نحمل أحلامنا الى صندوق الانتخابات و نختار القوي الأمين و نقبل أيضا و بكل اريحية اذا فشل مرشحنا في الفوز لا أن نضيق ذرعا ونتمني أن يأتي أحدهم مرة أخرى على ظهر دبابة و يغير من لا نريدهم أو لا نؤيدهم...فطريق الديموقراطية ليس مفروشا بالورود...بل على العكس تماما هو طريق مفروش بالأشواك...فلربما لا يحدث التغيير المنشود الا بعد مرور سنوات طويلة...فهل نصبر على ذلك....

    أرجو ذلك...

    أرجو أن من ينال ثقة الغالبية من الناخين أن يضع اللبنات الأولى لدولة المؤسسات التي نحلم بها و أن لا يستغل ذلك لسيطرة حزبية على مؤسسات الدولة و يعمل على تعديل القوانين ليكون ذلك بالقانون أيضا...

    هذه أمنية و سأواصل في أمنياتي التنموية والتي سأحملها معي الى صندوق الاقتراع لأختار القوي الأمين...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2010, 06:21 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: بالغت عديييييل يا الرشيد
    توفى معانا هنا ليها يومين وما تكلمنى ولا تعمل لى حتى مس كول
    مافى حتى رسالة واحدة بيها اتصبر شوية


    ليك حق علي يا منص...صحيح لم أقدم كما يجب للحضور البهي للأخت العزيزة توفي...توفي كانت و ما زالت رقما مميزا و كانت تستحق مني أكثر من ذلك...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2010, 08:20 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    تلقيت خبر الرحيل المفاجئ و المفجع للاعب المريخ الفنان النيجيري اندراوس أيداهور بحزن و أسى شديدين...فأيداهور لاعب فنان صال و جال في الملاعب السودانية و الأفريقية و كان اليد الباطشة للمريخ أمام خصومة...سجل الكثير من الأهداف التي لن ينساها جميع محبي كرة القدم بمختلف اتجاهاتهم و جماهير المريخ خاصة الأمر الذي قلوبهم تتعلق به و تهتف بأسمة كلما تواجد في أرضية الملعب أم لم يتواجد...

    نسأل الله أن يرحمه و يغفر له...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2010, 10:30 PM

محمد عيد
<aمحمد عيد
تاريخ التسجيل: 05-03-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    لله ما أعطى ولله ما أخذ

    انا لله وانا اليه راجعون

    أعزى نفسى وكافة افراد قبيلة المريخاب وعموم الرياضيين

    بفقد هذا اللاعب الخلوق والمقاتل الذى لن تنساه جماهير المريخ مطلقا

    وهو قد كان سببا فى جلب الفرح اليها لاكثر من اربعة سنوات

    حقا" .. كان ايداهور من أفضل المحترفين الاجانب الذين لعبوا فى بلادنا

    قبل سنتين عندما كنت بالوطن الحبيب .. زرت معسكرا للمريخ وكان يستعد لمباراة ضد

    النجم الساحلى التونسى فى الكونفدرالية ..

    واسعدنى الحظ بالجلوس لهذا النجم والتحاور معه ووجدته واعيا مثقفا ومؤدبا لاقصى حد

    هادئا وودودا على عكس هيئته داخل الملعب .. وكان ان قدم لنا وعدا بحسم مباراة النجم والتسجيل فيها

    وبالفعل نجح ايداهوور فى هز شباك النجم الساحلى بقذيفة مدوية من خارج منطقة الجزاء ...

    *******

    منظر زملائه اللاعبين فى الملعب - خاصة طمبل والنفطى - ساعة اصابته جعلتنى اتوجس خيفة

    ففتحت هاتفى مع اخوتى وأعلم مدى التصاقهم بالجهاز الادارى للمريخ .. وبالفعل وجدتهم فى سيارتهم

    خلف سيارة الاسعاف .. وذكر لى احدهم بأن ايداهور قد حمل من الملعب وهو جثة بلا حراك

    وبالفعل ثبت ذلك ساعة وصوله للمستشفى ..!! غم تأخر اعلان وفاته ...

    وداعا الضباح .. وداعا ولن ننساك ابدا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2010, 01:28 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    سيطر خبر رحيل أيداهور على كل المجالس هذا الصباح...هلالاب و مريخاب و حتى محبي كرة القدم من الجنسيات غير السودانية...الكل يتحدث عن الرحيل المفجع لايداهور...شاهدنا الصور و الفيديو من داخل الملعب و أعرب الكل عن حزنه الشديد لرحيل اللاعب الفنان...

    و داعا أيداهور...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2010, 02:27 PM

عمر المهدى
<aعمر المهدى
تاريخ التسجيل: 11-08-2009
مجموع المشاركات: 403

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    لا حول ولا قوة إلا بالله

    إنا لله و إنا إليه راجعون

    اللهم أرحم الفقيد و أغفر له

    اللهم ألهم أهله الصبر و السلوان
    لقد افجعنا رحيل ايداهور وانزل بنا
    الحزن **الموت حق وسيف مسلط على الرقاب
    نامل ان نجد في ذلك العبرة والعظة وكل نفس ذائقة الموت
    والبقاء لله وحده
    التعازي للاسرة المريخية خاصة والرياضيين عامة
    التعازي لك محمد عيد فانت اقرب منا بحكم معرفتك الشخصية به
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2010, 09:06 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: عمر المهدى)

    مرات بتجي لي ولدي مهند حرنات كده...حرنات من حرن...و عادة ما تكون بدون أسباب...لأنه عندما تكون عنده أسباب فهو لا يسكت عنها و لكنه عندما تكون الحرنة أسباب فانه عندما أسأله مالك يا مهند...يرد علي مافي حاجة و هو صاري وشو...تساءلت كثيرا من أتي مهند بهذا الطبع...و عادة عندما يكون الطبع مش و لا بد أقول لي نجاة الولد ده طالع ليك...
    اليوم وجدت فاقد الرغبة تماما في الكتابة و قاعد ممحن...و لو جاء زول و سألني مالك حأقول ليهو مافي حاجة...يبدو أن مهند تأثر بي أنا و ليس والدته المغلوبة على أمرها...أحيانا...لقيت نفسي أفتح المنبر و أقفلو...أفتح البوست العام و أقفلو...و لقيت ان أنسب حاجة مع حالتي دي هي طريقة الكوبي بيست المشهور بها جلا..
    حتى قررت الخروج من معتقلي الاختياري و ذهبت لأتفقد سير العمل بالحديقة الجديدة بمدينة غياثي و وجدت نفسي و دون سابق تجهيز مشارك في مباراة لكرة السلة...لست من المجيدين للعب كرة السلة و لكن مع المستويات التي لعبت معها أحسست بأنني مايكل جوردان...لعبت و جريت و اهتزت كرشت حتى حسبت أنها ستسقط مني...و تصصبت عرقا في ليلة باردة نسبيا...
    بعد المباراة أحسست أن معنوياتي قد ارتفعت كثيرا و زالت حالة الكوبي بيست تماما...و لو جاء زول و سألني مالك...حأقول ليهو و بجد...

    مافي حاجة...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 08:13 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3974

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلامات يا ناس

    وصباحات التفاؤل

    Quote: مافي حاجة...


    كنت عايز اضرب ليك بالمسا واقول ليك مالك يازول

    وفى الآخر قررت ما اضرب..وما عارف ليه اتخذت القرار

    ده...صدّق ما كان فى حاجة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 08:46 AM

عبد القادر بابكر
<aعبد القادر بابكر
تاريخ التسجيل: 11-08-2009
مجموع المشاركات: 458

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    الحبايب في مربع كاي
    كل التحايا والأشواق
    أيام مجدبة وجافة عشتها بعيدا عن دوحتنا الحبيبة ..
    والسبب ... أبو الكفل ...!!! حسبي الله ونعم الوكيل..
    حتى سفرية السودان ضاعت وذهبت مع الريح ..

    قبل سفري بثلاثة أيام وأنا أحزم حقائبي وأستعد لمعانقة الأهل والأحباب وفي الخاطر
    رغبة أكيدة ونية صادقة لزيارة الشباب الجميلين بتاعين الزقازيق ناس محمد صديق والزناتي وكل العقد
    الفريد من حبايبنا .. في غمرة هذه الأحلام الجميلة إتصل بي أبو الكفل وأنا أكاد أرى دموعه من خلال الهاتف
    وهو يتوسل ويجزل العطاء من الوعود الصادقة بتعويض هذه السفرية في أقرب وقت .. والسبب مشروع ضخم
    في الدوحة مطلوب تصميمه في أسرع فرصة ... مشروع منتزه الدوحة على مساحة 2 مليون متر مربع ..
    حسبي الله ونعم الوكيل .. مضت أيام تواصل فيها ليلي بنهاري علني أكسب الوقت وأنجز المهمة لأعود سريعا لأحلامي
    الجميلة ..
    الحمد لله تمت المهمة على خير وعدت مرة أخرى لترتيب التوقيت المناسب لسفري وأتمنى أن يكون ذلك قريبا جدا ...

    التحية لكم جميعا وأشواقي لكم ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 10:07 AM

عفاف علي ميرغني
<aعفاف علي ميرغني
تاريخ التسجيل: 09-10-2009
مجموع المشاركات: 769

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    قدورة حمدلله علىالسلامة ياعجوز000

    تحياتي للعيال وامهم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 10:16 AM

عبد القادر بابكر
<aعبد القادر بابكر
تاريخ التسجيل: 11-08-2009
مجموع المشاركات: 458

للتواصل معنا

FaceBook
تويتر Twitter
YouTube


Re: مربع كاي (Re: عفاف علي ميرغني)

    بتنا فافي ..
    يديك العافية
    تحياتك وصلت انشاء الله وفي البال والخاطر زيارة كاربة
    وقعدة ظريفة معاكم ...
    تحياتي لأب صلعة والجيفارات ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 10:54 AM

عبد الدائم سيد أحمد
<aعبد الدائم سيد أحمد
تاريخ التسجيل: 10-28-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    حمد الله بالسلامة يا قدورة

    شفت المشروع ده اعمل منو كوبى

    ولما تمشى السودان اديهو جلا يعمل بيست

    ،،،،،

    اخوك الايام دى يا رشيد داخلو ليهو فى نادى كمال اجسام من الساعة 7 م الى 9 م
    وحلقت راسى صلعة على الزيرووو يعنى بعد 3 شهور حانزل ليك صور العضلات
    والله الرياضة حاجة ممتعة وجميلة ، اوصيكم بيها وما تقولو كبرنا لالالالا يا قدورة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 12:14 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: عبد الدائم سيد أحمد)

    Quote: مشروع منتزه الدوحة على مساحة 2 مليون متر مربع ..
    حسبي الله ونعم الوكيل .. مضت أيام تواصل فيها ليلي بنهاري علني أكسب الوقت وأنجز المهمة لأعود سريعا لأحلامي
    الجميلة ..
    الحمد لله تمت المهمة على خير وعدت مرة أخرى لترتيب التوقيت المناسب لسفري وأتمنى أن يكون ذلك قريبا جدا ...


    قدورة يخرب مطنك...هو انت قاعد في الرياض و الناس تفتش عليك....
    و الله مشروع على مساحة 200 هكتار ما ساهل...كان ترسل لي زيارة أجي أساعدك شوية...و عشانك انت مجانا عديل كده...المشروع كبير و يحتاج لفريق عمل كبير جدا كمان و في التخصصات المختلفة...يديك العافية و ان شاء الله تسافر قريب السودان...

    من حسه خلي رقم تلفونك بتاع السودان هنا في البوست ده...ما تخلي الناس تتجهجه بي وراك...

    يخرب مطنك تاني كمان...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 12:21 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: اخوك الايام دى يا رشيد داخلو ليهو فى نادى كمال اجسام من الساعة 7 م الى 9 م
    وحلقت راسى صلعة على الزيرووو يعنى بعد 3 شهور حانزل ليك صور العضلات
    والله الرياضة حاجة ممتعة وجميلة ، اوصيكم بيها وما تقولو كبرنا لالالالا يا قدورة


    يا ديدو ما سمعت حاتم جبارة بقول أنا ماشي وين...ماشي الجيم...مالك عايز تفضحنا معاهو...

    بعدين حركة حلق الشعر للزيرو دي حركة قديمة...الواحد كلما وزنه يزيد يقوم يحلق شعره على الزيرو يلقي نفسو نقص خمسة كيلو...لكن وين...في المرايا بس...

    الرياضة جميلة و الله يا ديدو...و فعلا بترفع المعنويات...ده غير الفوائد الصحية...

    محمد عيد ده ممكن يلعب أي رياضه بس ما كرة القدم....عارف ليه...

    عشان رجلينو الاتنين لفت left ....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 12:56 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: كنت عايز اضرب ليك بالمسا واقول ليك مالك يازول

    وفى الآخر قررت ما اضرب..وما عارف ليه اتخذت القرار

    ده...صدّق ما كان فى حاجة.


    تعرف لو ضربت لي قبل تمرين السلة كان قلت ليك...مافي حاجة

    لكن كان امكن تلفونك يعدل المزاج...

    و العجب لو كان ضربت لي بعد التمرين...

    كان بالجد ما حيكون في حاجة أبدا...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 10:29 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    اهنيئ كل نساء العالم بيوم المراة العالمى
    واحيى السيدة الاولى فى مربع كاى وهى بتكتسب حق الاحتفال فى مكان عملها

    يا ديدو وكلكم قبل الرياضة اعملواchick up واتاكدو ما فى مشكلة واعملو حسابكم

    بدينا نكتب عن سعاد خليفة والدة ياسمين يا رشا
    المشوار دة بجيبك لينا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2010, 10:32 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: الرشيد ..سلالالالالالالالالالام
    مشتاقين والله رسلت ليك وما رديت ....اليوم ربنا فتح علي بي شوية زمن ودخلت الموقع والحين كنت بتصفح في عيد ميلاد امنية والله ماشاء الله شفت امنية ومهند حلوين
    علي امهم وانت بقيت سمين ومجلح مالك .....بري يايمة كبرت براك انا لسة صغيرونة لكن انت بقيت عمو الرشيد ............بالمناسبة الصور ابت تترفع لي علي الايميل وريني اعمل شنو سوف اكون معكم قريبا في مربع كاي .........بااااااااااااااااااااااااااااي
    توفي


    توفي العزيزة تواصلنابطريقتها الحميمة و اللطيفة التي اعتدنا عليها...رغم انها اشتهرت بتوفي الا انني كنت أخصها بلقب ماما...كنت أناديها بماما لأنها تشعرك باهتمامها الشديد بأنها أمك و ليست صديقة و زميلة دراسة...تهتم بمن حولها غاية الاهتمام...فهي حقا كانت ماما...
    لكن للأسف لحدي حسه ما بتعرف تتعامل مع الكمبيوتر و ما عارفة تصغر الصور عشان تقدر ترسلها في ايميل...و دي حسة يشرحو ليها كيف السجمانة دي...

    غايتو الناس الكبار ديل الا يدخلوهم محو أمية كمبيوترية...

    حسة دي جلحات يا توفي...دي اسمها skinny head ...الناس الصغار الزينا كده بيحلقو كده...و الناس الكبار الزيك ما بيفهموها...بعتبروها حنكشة...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 09:52 AM

عفاف علي ميرغني
<aعفاف علي ميرغني
تاريخ التسجيل: 09-10-2009
مجموع المشاركات: 769

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    قلنا نبدا صباح الاشراق بكاي وحبايبنا في كاي 0000

    فصباحكم زين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 10:20 AM

محمد عيد
<aمحمد عيد
تاريخ التسجيل: 05-03-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: عفاف علي ميرغني)

    محمد عيد ده ممكن يلعب أي رياضه بس ما كرة القدم....عارف ليه...

    عشان رجلينو الاتنين لفت left ....
    Quote: ÞáäÇ äÈÏÇ ÕÈÇÍ ÇáÇÔÑÇÞ ÈßÇí æÍÈÇíÈäÇ Ýí ßÇí 0000

    ÝÕÈÇÍßã Òíä


    رشا ...

    لكن لعبتك دى ما دبل كيك عديل كده يا مارادونا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 11:03 AM

عبد الدائم سيد أحمد
<aعبد الدائم سيد أحمد
تاريخ التسجيل: 10-28-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    ظهرت عواطف واختفت اخلاص


    والله يا توفى من كلام الرشيد و منصور عنك كاننا بعرفك
    لكى التحية ومنتظرين باسوردك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 11:09 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    Quote: قلنا نبدا صباح الاشراق بكاي وحبايبنا في كاي 0000

    فصباحكم زين


    صباحنا صافي و متعافي

    لما القوافي

    تبقى توفي و تبقى فافي...



    أنا خايف ديدو ينتحر بعد ده....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 11:12 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote:
    Quote: ÞáäÇ äÈÏÇ ÕÈÇÍ ÇáÇÔÑÇÞ ÈßÇí æÍÈÇíÈäÇ Ýí ßÇí 0000

    ÝÕÈÇÍßã Òíä



    رشا ...

    لكن لعبتك دى ما دبل كيك عديل كده يا مارادونا


    محمد عيد الخرمجة الفوق دي استعجال...

    و لا تأكيد لي كلامي...

    و لا يهمك ...انت فلات فوت..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 11:17 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    اول شىء اوعك تقول ليهو ديدو
    يقوم يتعود على الدلع ويفتكر نفسه معانا
    وبعدين الحسادة ليكم شنو يا عبد الدائم النضيف يا بتاع شارع فاروق انت
    ندلعهم ولا ما ندلعهم
    مش انتو برضو فاكينها فى نفسكم
    ما عارف نضيف
    ووسخان
    وكوتش
    وكمندان
    حدى سألكم ؟؟؟
    البتاع وينو ؟؟؟
    فيهو الحرمونى منك ولا لا ؟؟!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 11:26 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    منص...أول مرة أقبضك بالثابتة في مربع كاي ده...

    كل مرة بلاقيك في هايبر بنده تمارس التبذير جهارا نهارا...

    و آخر مرة لقيتك و أنت قد تماديت كثيرا و تقوم بتدريب حجازي علىالتبذير أيضا...

    أحمد الله ان أحمد و ايثار طالعين لي أماني...و الا لوجدناك تبيع الكسرة في غبيرة...

    لسد الفجوة الاقتصادية...

    و ما تبقى منها لسد الرمق...

    و لعجز ميزان مدفوعاتك حتى اتكأ على عكازين...

    و في أفضل الأحوال أتكأ أو اتكل على الصادق عبد الرازق...

    و الذي مهما حفظ لك الجميل...الا كثرة الاتكال ربما تدفعة للهجرة...

    الى لوممباشي...

    مش كندا...

    منو الما بيعرف عنوان كندا...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 11:38 AM

عبد الدائم سيد أحمد
<aعبد الدائم سيد أحمد
تاريخ التسجيل: 10-28-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    يا منص لو لاحظت لاسامى الدلع حقت ناس المساكن تجدها مشتقة
    من الشخصية زاتا
    يعنى الوسخان عشان شين
    والكوتش عشان كابتن الفريق
    وطبلة عشان بدق الطبلة فى الحفلات
    وهكذا ،،،،

    يعنى هى القاب اكتر من انها دلع

    حيث لا تنفع معاهم قوافى ولا يكفيهم عيش حواوشى

    يعنى الزمن داك لو ناديتونى يا ديدو كان نشروها فى دار الاتحاد
    اذكر نحن برالمة كان معانا برلوم من اولاد بحرى اسمو بسام
    جاء لابس تى شيرت بودى واكمامو شابونيز ، المساكن دى ما قامت وقعدت
    كيف يلبس كده ، يا اخوانا الفلينة دى رجالى ومرسوم فيها قبضة يــد فى الامام
    بس اكمامها كده
    لالالالالالالا
    الفلينة عندنا يا كم طويل يا لا كوستى ،،،،،

    ،،،،

    جاياك الحرمونى منك وتحرمنى منك ونشوف شطراتك بعدين مع الكودات
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 12:19 PM

محمد عيد
<aمحمد عيد
تاريخ التسجيل: 05-03-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: عبد الدائم سيد أحمد)

    ..محمد عيد الخرمجة الفوق دي استعجال... و لا تأكيد لي كلامي... و لا يهمك ...انت فلات فوت..

    عارف يا رشيد .. مشاكل الانترنت اكسبلورر بقت كثيرة وبعدين فيهو بطء ما عادى

    قلت اسمع نصيحة سامى عبد الوهاب واشتغلت بالـ Google crome

    ورغم انو فعلا اسرع وفيهو امكانيات فظيعة لكن يبدو انه غير متوافق مع كودات سودانيز اونلاين

    لانو اى اقتباس يديك ليهو بلغة هيروللللللغليفية ما يفهما الا منصور ..!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 06:27 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    ناس المربّع ...... سلاماً وتحية

    سيد الحوش رشيد القوم ، آسفين على الإنقطاع ، الظاهر حرنة مهند إنتقلت لنا جميعاً ، يعنى يا عمى مهند أبوى إورثنى السكرى وإنتَ تورثنى الحرنة ، لى كم يوم بفتح الكمبيوتر وأغادره بسرعة ، عزيت الأمر لإرتفاع السكرى فى الفترة الماضية ، الآن ورغم عودة السكر لمستوى معقول فلا زالت آثار الحرنة بداخلى وبدون أسباب تذكر ( مافى حاجة )
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 06:28 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3974

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    سلامات يا ناس

    ومساءات التفاؤل

    القحة ولا صمة الخشم( مثل بوركينى)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 06:51 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    عندما بدأنا العمل بمشروع أبو زمام في العام 1990 كان هنالك يمويل لانشاء وحدات سكنية للأعضاء بمبلغ 500 ألف جنية...كان المبلغ كافي في ذلك الوقت لانشاء وحدات سكنية جيدة و بمرافق جيدة...الا بعض من الأعضاء كانوا يصرون على بناء قطاطي...كنت استغرب طريقة تفكيرهم..كيف نبني قطاطي و على بعد ستين كيلو متر من الخرطوم و نحن نملك مبلغ يكفي لبناء وحدات جيدة كا ذكرت آنفا...خاصة ليس لهم أي مبررات سواء أننا طالما سنسكن في مشروع زراعي...يجب أن تكون الوحدات السكنية بما يتناسب و المكان و طبيعة العمل...و كنت أقول لهم من الذي حدد أن هذا النوع من السكن يشبه المكان...و ما المانع أن نبني مجمع سكني يتناسب و حالتنا...فنحن مجموعة من العزاب ...كان بامكاننا أن نبني مجموعة من الغرف و مطبخ كبير مزود بدواليب عادية و مسطبة للطهو و حمامات عادية أيضا و لكنها نظيفة و مريحة...
    تفاقم الخلاف و انقسم الناس بين يفضلون الاخشوشان و الحناكيش لزمن طويل...في زمن كان الجنية يعاني من انيميا حادة و تدهور حالته الصحية يوما بعد يوم...فال500 ألف التي كانت في بداية العام أصبحت تساوي 250 ألف في نهاية العام...ثم أصبحت تساوي 50 ألف في منتصف العام الذي يليه...حتى أصبحت لا قيمة لها البتة...و الخلاف ما زال قائما بين قطاطي و مساكن حديثة...و عندما حسم الخلاف...أو فلنقل أجبرنا التدهور السريع لقيمة الجنية الى حسم الخلاف...و لكننا نعلم أننا كنا قد تأخرنا كثيرا في اتخاذ القرار المناسب في الوقت المناسب...
    لم تعد ال500 ألف تكفي لبناء حتى القطاطي فألغي المشروع تماما و أستخدم المبلغ لشئ آخر...كان نتيجة هذا الخلاف و تضيع الوقت أن بقي المشروع و حتى الآن بدون سكن مناسب و لا مطبخ مناسب و لا حتى مرافق تصلح للاستخدام الآدمي الأمر الذي أدى الى هروب الكثيرون بحثا عن مصدر دخل أخر و كنت أول الهاربين...أسموني وقتها جون قرنق...كنت متمردا على التخلف...
    لم يكن السكن و المرافق و المطبخ وحدهما من دفع الكثيرون منا الى الهروب...و لكن هنالك أسباب أخرى كثيرة كانت وراء الهروب الكبير....

    هل تتوفر الأسباب يوما ما للرجوع الكبير؟؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 07:08 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا رشدي سلامات ... من أهم أسباب نجاح القرار توقيته صدوره ... ويبدو أن الخلاف أدي لقتل القرار قبل المشروع ... كم من القرارات التي أتخذت في الوقت الخطأ وأدت إلي كوارث عديدة .. والأمثلة عديدة ... كنت أتمني أن تسهم مداخيل البترول في النهضة الزراعية ... لأن الزراعة هي مستقبل هذه البلاد فهي الأمن الغذائي في البدء و مصدر لا ينضب لعائدات ... فعدد سكان العالم يتزايد وهم في حاجة للغذاء ... ليت الزراعة تكون الهم الأول لكل الحكومات القادمة ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 07:18 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: سيد الحوش رشيد القوم ، آسفين على الإنقطاع ، الظاهر حرنة مهند إنتقلت لنا جميعاً ، يعنى يا عمى مهند أبوى إورثنى السكرى وإنتَ تورثنى الحرنة ، لى كم يوم بفتح الكمبيوتر وأغادره بسرعة ، عزيت الأمر لإرتفاع السكرى فى الفترة الماضية ، الآن ورغم عودة السكر لمستوى معقول فلا زالت آثار الحرنة بداخلى وبدون أسباب تذكر ( مافى حاجة )


    بكوري الحبيب...ليك وحشة كبيرة ياخي...

    مشتاقين عديل كده...و عديل كده دي للتأكيد...

    يرتفع السكر و ينخفض و ربما تكون الأسباب نفسية أيضا و رمرمية و لكن طالما النبض ينبض نبضا بضيضا...تبقى الحياة مستمرة و التواصل مع الأحباب اجباري...


    ما تحرني يا السمحة قومي اتدللي...

    بطل الحرنة و أخد حقن الانسولين تحسبا و تعال هنا ربما تجد ما يرفع معدلات السكر..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 07:25 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: سلامات يا ناس

    ومساءات التفاؤل

    القحة ولا صمة الخشم( مثل بوركينى)


    يا سلام عليك يا كوتش و أنت تأتينا بالأمثال من كل مكان...

    أعجبني مثلك البوركيني...

    أطمع في أمثال موزمبيقية..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 07:38 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3974

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلامات يا ناس

    Quote: النبض ينبض نبضا بضيضا


    يا حبيب مساك نابض

    المكوّت فوق ده مثل موزمبيقى ( ورانى ليهو داريو كان)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 07:45 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: يا رشدي سلامات ... من أهم أسباب نجاح القرار توقيته صدوره ... ويبدو أن الخلاف أدي لقتل القرار قبل المشروع ... كم من القرارات التي أتخذت في الوقت الخطأ وأدت إلي كوارث عديدة .. والأمثلة عديدة ... كنت أتمني أن تسهم مداخيل البترول في النهضة الزراعية ... لأن الزراعة هي مستقبل هذه البلاد فهي الأمن الغذائي في البدء و مصدر لا ينضب لعائدات ... فعدد سكان العالم يتزايد وهم في حاجة للغذاء ... ليت الزراعة تكون الهم الأول لكل الحكومات القادمة ...


    أبو الزوز يا صديقي....

    لا أريد أن أقول ان البترول قد قتل الزراعة...و لكنه وجدها تحتضر فأجهز عليها...
    كانت مشاكل الزراعة في السودان دائما تتمثل في شيئين أساسيين..ألا و هما التمويل و التسويق...هنالك مشاكل أو عوامل أخرى و لكن ليس بقدر هذين العاملين...أما التمويل فحدث و لا حرج فلقد أسهم أسهاما واضحا في تدهور الزراعة و ذلك لأن كل الصيغ التمويلية الاسلامية كانت تقضي على قدرات المزارعين المالية حتى أصبحوا يدورون في فلك الديون البنكية و لم يكونوا بقادرين على الفكاك منها حتى هجروا الزراعة أو قضوا ردحا من الزمن داخل السجون بسبب عدم قدرتهم على سداد ديونهم...
    أما التسويق و ما أدراك ما التسويق...كان المزارعيين يضطروا الى بيع محاصيلهم في المزرعة لتجار المحاصيل بنصف سعر السوق لعدم قدرتهم على تسويقها أو لأن السوق لا يستوعب محاصيلهم أو لأنهم يرغبون في الحصول على الكاش السريع لسد مصاريفهم (علاج...مدارس...معيشة)...

    يا أبو الزوز...الزراعة في السودان تحتاج الى ثورة حقيقية...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 07:54 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: يا حبيب مساك نابض

    المكوّت فوق ده مثل موزمبيقى ( ورانى ليهو داريو كان)


    يا كوتش مساك طاعم...

    المكوت ده تاني وين نلقى...

    داريو كان ياتو ...بتاع الهلال و لا الاسماعيلي...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 08:09 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3974

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلامات يا ناس

    Quote: المكوت ده تاني وين نلقى...

    داريو كان ياتو ...بتاع الهلال و لا الاسماعيلي...


    سلام يا حبيب...تلقاه فى الجوهرة انت بس قول عايز كيلو باسطة وكباية

    حليب طوالى يدوك معاهم نص كيلو مكوّت.داريو مابقى بتاع موزمبيق.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-09-2010, 08:29 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    Quote: سلام يا حبيب...تلقاه فى الجوهرة انت بس قول عايز كيلو باسطة وكباية

    حليب طوالى يدوك معاهم نص كيلو مكوّت.داريو مابقى بتاع موزمبيق.


    عارف يا كوتش اسم الجوهرة جميل..

    لكن المشكلة تجي تلقى واحد شنبو كبير جدا قاعد وراء الكاشير...

    عليك الله ده ما بطفش الناس...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 09:11 AM

عفاف علي ميرغني
<aعفاف علي ميرغني
تاريخ التسجيل: 09-10-2009
مجموع المشاركات: 769

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    ازيكم 00

    كل يوم اقول لحاج الركز الليله ح اكتب في مربع كاي واحكي عن تفاصيل كتيرة


    لكن الاقي نفسي اتشتت بين هنا وهناك واقول ارجع لكاي تاني 000


    عايزة احكي قصة الكروسان مابين محمد وجيفاراته لاني مغتاظه منهم 000


    وعايزة احكي قصة د0 فوزي رمضان معاي انا وشوش ودي عاجباني جدا 000 لانو لولا تضحيات شوش ما كنت نجحت 000

    وعايزة احكي عن معرض الكتاب الايام دي في الرياض 000 ويظل الكتاب انيق حتى لو كان محاط بناس الهيئة

    وغطي وشك يا مؤمنة (((الغريب زمان كانو يقولو غطي وشك يا حرمة)))

    والكتير الكتير 000وجاياك يا كاي وبطريقتك يا رشيد القوم 000
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 11:31 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: عفاف علي ميرغني)

    ده يمكن توارد خواطر
    حاجة كده زى (تقطع نفس خيل القصائد )
    عارفنى بقول شنو وقاصد منو ولا اوريكم
    اول شىء , كلام الرشيد عن شكلة القطاطى والوحدات السكنية اللى انتهت الى (لاشىْ)
    ذكرتنى بى حاجة
    اول ما جيت السعودية , كان همى الأول اشيل حمل البيت الكبير شوية عن اخوى الله يرحمه حجازى
    اول ما اتوفقت ولقيت شغل وبديت استلم مرتبات
    بديت اتشالق واتنطط وعايز اعمل كل حاجة
    بى جاى بى جاى , وفرنا لينا مبلغ كده محترم جدا بمقاييس الزمن داك
    انا وهو لمينا قروش وصلت لى (مليون جنيه عديييل )
    انا طبع , شعرت بى نفسى , الوليد بن طلال زاتو
    قام كده حجازى سافر واتشالقنا نحن الأتنين نخطط
    نعمل كده ونعمل كدة ونعمل كده
    ما عندنا مليون جنيه , ما نعمل ياخ , فى زول حا يقدر يمسكنا
    اول شى , عشان نعمل شنو دى ؟؟
    قعدنا نت ---- لمن الطيارة فاتتنا
    تعرفوا فى الآخر , قلنا عايزين نعدل بيت الأسرة الكبير فى الصحافة
    ونحولوا لى بناا مسلح
    عملنا الخرط والذى منو
    والقروش قاعدة
    واجازة حجازى قربت تخلص
    والقروش قاعدة
    لمن اجازة حجازى خلصت , جاتو ليك قناعة كده بى نصيحة واحد مهندس قريبنا
    انو الفكرة دى من اساسها ما عندها معنى , وما ممكن تنجح
    حجازى الله يرحمه , خلى القروش قاااااعدة مع الصادق اخوى , اجازتو خلصت وجا راجع
    والقروش ما زالت قاعدة
    غايتو البتذكروا فى نهاية المر
    وبسبب التضخم النقدى , القروش فى النهاية بقت ما بتسوى ولا حاجة
    قيمتها زى نقصت لينا كده اكثر من ثمانين فى المية , فى ظرف الأجازة بس
    تمينا عليها واشترينا لينا قطعة واطة فى جبرة
    ومن اليوم داك نشاغل حجازى الله يرحمه ونقول ليهو
    قال عاوز يبنى عمارة قال !!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 11:45 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)


    الشىء التانى الفى توارد خواطر تقطع انفاس خيول القصائد
    هى ما ورد عن البنية (القهوة المسبكة ) فافى
    هى القهوة قاعد تتسبك يا جماعة !!!
    عموما , انا ليس من مداومى شرب القهوة
    المسبكة منها او غير المسبك
    ولكنى اقدر اعزاز الكثيرين لفنجان قهوة بى شماله
    ذلك مما (يسوى الدنيا بى هالو )
    عددت فافى , لستة تبدو كبرنامج عمل , لمشاركاتها المحتملة فى كاى المربع
    لا اذيعكم سرا
    من يوم ما المربع ده اتزرع , وخضر خداره الشايفينو ده
    وانا شايف اسعد قاعد فى الطرف هناك
    وفى ذهنى حكايات كثيرة تخص المربع
    او على الأقل , ناس المربع
    يجينى ليكم خيال معمل النبات , ومعمل الزولوجى , وفائز مرعى بتاع الأنتاج الحيوانى
    واستاذ الأقتصاد السقط الدفعة كلها
    واحمد زكى , ودكتور الزغبى بتاع الصناعات
    وكلما اتخيل معما السويل ساينس , تجينى ليكم صورة طارق عيد
    طارق عيد , طبعا الشطارة كاتلاهو لى يوم الليلة
    ومهيد المتوكل , يشرح لينا علم الأراضى ويجضموا لينا تجضيم الجن
    وآخرتها يطلع لينا فى التلفزيون استاذ سلوك وتربية ولما ما عارف شنو فى (امدرمان الأسلامية )
    المربع ده , كان شايل حاجات
    محمد عيد , باعتبار (ذاكرتك ) بتاعت السكس مليون دولار مان
    ما تتذكر لينا حاجات زى دى ياخ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 12:16 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    Quote: المربع ده , كان شايل حاجات
    محمد عيد , باعتبار (ذاكرتك ) بتاعت السكس مليون دولار مان
    ما تتذكر لينا حاجات زى دى ياخ


    منص يا حبيب خليك من محمد عيد ده...اليومين ديل شغال بالكروم و كتابته بقت هيروغلوفية...بتذكر ليك أنا ده الذاكرتي بي دولار واحد بس لحدي ما يجيك ميسي بتاع الذاكرة داك...

    مرة أخونا عبد الحميد محمد رحمة الله...بتاع العزوزاب اللعاب داك بتذكرو...أنا و عبد الحميد و بجة و سلوي و عاشة و درية كنا في قسم الوقاية...عبد الحميد يوم جاء متعطر لدرجة انو لما جاء داخل من بوابة الكلية نحن شمينا الريحة بتاعتو في المربع(لا حول الله)...المهم كان عندنا محاضرة بتاعت مادة النحل و قام دكتور سعد طلب من عبد الحميد يمشي المزرعة و يآخد معاهو الشبكة و يجيب شغالات نحل...و انت عارف من أهم الوصايا عندما تريد أن تفتح خلايا نحل هي أن لا تكون متعطرا لأن النحل ربما ينفر من الريحة أو ينجذب اليها...و في الحالتين أنت هالك لا محالة...المهم عبدالحميد شال الشبكة و مشى المزرعة و بمجرد دخوله المنحل هاجمه النحل فجاء مهرولا و وشه ينعل قفاه و كنا وقتها جلوسا في المربع و سالناه مالك يا عبدالحميد...فقال لنا أن النحل هاجمه و لم يكن يلبس الستره الواقية فاضطر الى الهروب...فقلت له وقتها من يوم الليلة حنلعبك جناح مكان المرحوم بكري و نرجع بكري النص...

    الحاجة التانية يا منص...تتذكر الريحة بتاعتك بتاعت الصندل الجبتها معاك من السعودية....ريحتك الجابت لينا الكلام...بعد داك أنا بقيت ما بتريح بيها الا لما ألقى دولاب رفعت مقفول بالمفتاح...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 12:21 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: عايزة احكي قصة الكروسان مابين محمد وجيفاراته لاني مغتاظه منهم 000


    وعايزة احكي قصة د0 فوزي رمضان معاي انا وشوش ودي عاجباني جدا 000 لانو لولا تضحيات شوش ما كنت نجحت 000

    وعايزة احكي عن معرض الكتاب الايام دي في الرياض 000 ويظل الكتاب انيق حتى لو كان محاط بناس الهيئة

    وغطي وشك يا مؤمنة (((الغريب زمان كانو يقولو غطي وشك يا حرمة)))

    والكتير الكتير 000وجاياك يا كاي وبطريقتك يا رشيد القوم 000


    فافي و الله ده يبقى يوم المنى يا مؤمنة...

    حنخلي أسعد ينتظرك للتوثيق...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 02:54 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    ازيكم يا ناس كاى

    يا رشا ليك يومين كدة اكون قاعدة فى المربع وتطنش يعنى ما شايفنى ولا عشان نانى ما معاى

    فى انتظار الكرواسان يا فافى ويا ريت يكون فى سانبل

    يا ناس رحبو بلاستاذ عبد المنعم خليفة زارنا بيكتب عن اختة سعاد خليفة ام بطة ولا الا البس توبى امشى الاقيهو انا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 05:18 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    Quote: يا رشا ليك يومين كدة اكون قاعدة فى المربع وتطنش يعنى ما شايفنى ولا عشان نانى ما معاى


    زوبا العزيزة جدا...آخر مرة جيتي كان أول أمبارح يا زوبا و كنت أنا و الله مشغول شديد...و بعدين أنا أطنشك انتي معقول...انتي عارفة معزتك عندي أنا و نجاة....لك العتبة حتى ترضي...

    ما كتبت عن الراحلة ماما سعاد عشان أفكاري مشتتة مع المشغوليات و ما كنت عايز أكتب حاجة لا ترتقي للمقام العالي للراحلة ماما سعاد و أبناءها العزيزين جدا...خالد ...أيمن...سيزا...صافي و ميمي و بطة ديل حكاية تانية ديل حكاية من ألف ليلة و ليلة...

    حأجيك يا زوبة و برواقة و اياك مرة تانية تشككي في معزتك عندنا...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 05:58 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    مرور ومراقبة .... وليس متابعة ...

    يا الرشيد زوبة دي كنت عايز أزرها ليك في موضوع فنلندا في البوست بالهناك لكن لقيت المقام ما بيحتمل .... اها قلت أحسن حاجة نجي عند الرشيد ده ونفتح سيرة الزيارة القرعة لاوربا القدتنا بيها دي ... علي الأقل تتسد شوية ... اها الكورة في ملعبك وفتك بعافية ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 06:18 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    Quote: يا الرشيد زوبة دي كنت عايز أزرها ليك في موضوع فنلندا في البوست بالهناك لكن لقيت المقام ما بيحتمل .... اها قلت أحسن حاجة نجي عند الرشيد ده ونفتح سيرة الزيارة القرعة لاوربا القدتنا بيها دي ... علي الأقل تتسد شوية ... اها الكورة في ملعبك وفتك بعافية ...


    أبو الزوز سبحان الذي أسرى بعبده ليلا من أمبدة لي فنلندا...


    دي مقبلات ساكت ...أمشي مشواري ده و بجيك برواقة...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 09:20 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    أبو الزوز مشيت مشواري و جيتك عشان نشوف موضوع زوبة ده...

    زوبة دي كل ما أجيب سيرة لندن تقيف لي في حلقي و تقول شوفو الشو بتاع الرشيد...لكن هي لو لقت ليها أي فرصة ما بترحمنا بي موضوع الزيارة بتاعتها القالت هي لفت فيها نص أوروبا..و أنا أمشي الموضوع و أسكت ساكت...اقول يا الرشيد مافي داعي انت الكبير...ابلع الموضوع ده و مشيهو..البت دي مهما كانت أختك الصغيرة...لكن شايفها كترت الموضوع...بقت تجيب سيرة فنلندا و لا السويد بمناسبة و من غير مناسبة...تدخل تعزي تنزل صورتها في السويد...تمشي تهني تنزل صورة من فنلندا...فترنا نحن زاتو من السويد و فنلندا ديل...
    أنا شايف البوستات دي عايزه ليها ضبط أكتر من كده..الظاهر علي حأطلب عدم انزال أي صورة عمرها أكتر من سنتين الا صور الزقازيق عشان نرتاح شوية من فنلندا و السويد ديل...

    ولا انت رأيك شنو يا أبو الزوز؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2010, 11:20 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    وقت أصلو المقام مقام شو (استعراض) خلوني أحكي ليكم كمان شوية عن يوم زقازيقي في لندن...يوم ضمانا و الرائعة سناء الصباغ و الرائعة أيضا الصديقة حنان الخطيب...حضرت سناء و عمر عيالهم الى لندن مخصوص لملاقاتنا...تكبدوا المشاق و ركبوا من جلاسقو الى لندن فقط لملاقاتنا...اتصلت سناء بحنان الخطيب و اتفقنا جمعينا على أن نلتقي في مكان قريب من سكننا...ذهبنا في الموعد الى المكان المحدد...فوجدنا سناء و عمر و العيال ثم حضرت حنان بعد فترة وجيزة...كان لقاؤنا تاريخيا...أحضان و دموع فاضت لتسيل مدينة الضباب حبا و وله...لم تشهد لندن مثل هذا اللقاء من قبل...كانت سناء هي سناء..ربما لأنها كانت معنا بالامارات ولم تفارقنا الا منذ أربعة سنوات فقط...أما حنان التي لم نلتقيها منذ ما يزيد عن العشرين عاما فلقد كانت دهشتنا انها ما زالت كما هي...حتى أن ابنتها و التي كبرت حتى صارت أطول من حنان تبدو لمن لا يعرفهم بأنهم اخوات و ليست أم و ابنتها...تحركنا مشيا على الأقدام الى حديقة بعيدة و لكننا لم نشعر بالمسافة...جلسنا نجتر الذكريات و تركنا العيال يلعبون و يمرحون...بقينا فترة طويلة حتى داهمنا الجوع و قررنا أن نذهب لنتغدى معا و بدعوة كريمة من العزيزة حنان الخطيب...ذهبنا الى محل ناندوس الشهير بدجاجه الشهي و بخلطاتة اللذيذة من الشطة المتفاوتة الدرجات...كان مهند ابني لا يحب الا أن يأكل من ماكدونالدز...لم يغريه دجاج ناندوس الشهي فأصر أن أخذه الى ماكدونالدز...لم تفلح محاولاتي باثنائه عن ذلك..قلت له يا مهند ماكدونالدز حرام...فقال لي منو القال ليك حرام ما حرام...مش نحن قاعدين ناكل ماكدونالدز في أبوظبي..فأخذته الى ماكدونالدز القريب من مطعم ناندوس ثم عدت لأجد العظام تتناثر هنا و هناك...قلت لسناء دسي العضام دي يا سناء...صحنك بقى زي البوسنة و الهرسك...
    أكلنا و طلبنا زيادة حتى شبعنا و عندما شبعت سألت سناء...انتي يا سناء الدجاج ده حلال...قالت مالك ما سألت السؤال ده من قبيل لما كنت جعان...الدجاج كمان فيهو حلال و حرام...بعد أن تغدينا مشينا سيرا على الأقدام الى شقة حنان الخطيب و التي تبعد كثيرا من المطعم و قضينا معها أمسية رائعة أخرجت فيها حنان البوم صورها و أخذنا نتذكر في ايام الزقازيق...
    أخذنا نتذكر حتى سرقنا الوقت و تأخر كثيرا و اضطر سناء و عمر الى الاعتذار لأنهم ليلتهم في مكان بعيد جدا ودعنا سناء و عمر على أمل اللقاء مرة أخرى اذا ساعدت الظروف...و بقينا مع حنان حتى وقت متأخر من الليل ثم خرجنا منها لنجد أن لندن قد نامت عن بكرة أبيها...اصرت حنان أن تقدمنا حتى تطمئن الى أننا قد سلكنا الطريق الصحيح الى مكان اقامتنا...ودعنا حنان..كانت حنان تستعد للرحيل الى مدينة أخرى لذلك ودعناها على أن نلتقى بالتلفون حتى موعد سفرنا...

    كان هذا اليوم من أجمل الأيام التي قضيناها بلندن...و لأن الصور قد مر عليها أكثر من سنة فلن أقوم بانزالها مرة أخرى...و أكتفي بالشو المكتوب بس....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2010, 08:49 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    صبحكم الله بالخير و السرور
    اليكم رائعة ازهرى محمد على .....يامفتونة


    يا مفتونه
    بصدق الوَعدْ
    يا مسكونه بحلم الغَدْ
    أنا خيّرتكْ
    بين الشّهَدْ
    وبين البُّن الفِطْرِهَ
    وانتِ اخترتي سَواد البُّن
    وطَعْمَ القهوه البِكْرَه
    أنا خيّرتكْ...
    وانتِ اخترتي ،
    هل قدَّرتي الرُقعَه الواقعه
    بين الليله وْأحلام بكرهْ
    وكيف حَتْمِلى الحِتَّه الواسعه
    بين الواقع وبين الفكره
    وين حتلقي المويه الناقعهْ
    يوم نصطادِ في المويه العِكْرَه؟
    أنا بدّيكِ موانع الصاقعه
    إنتِ ادِّينى الموت السُتره
    أنا خيّرتك...
    وانتِ اخترتي
    واقف جَنْبِك لو إحترتى
    بايع نفسي وشارِيكِ
    دافنِكْ بيني مُواريكِ
    واصْلِك مَنّى أتاريكِ
    لوتعْرفي يوم شاهدْتِكْ
    من روحي بتَدخُلي فى نفسي
    باريتكْ خلِسَه وغازلِتكْ
    سمعّتِك وما سامع همسي
    كضّبتَ عيوني وصدّقتِكْ
    غّيبتَ احساسك في حسِّي
    وناديتك:
    يا مطمنِّه فى قلبى الخوف
    بتونِّسي روحي وبتحَجَّي
    بترجِّعي لعيوني الشوف
    اتلوّمى دايما واحتجّي
    مشتاقِلكْ جداً وملهوف
    واقف فى دَرْبِكْ مُترجِّى
    وحَجيجِكْ بي قَلبي يطوف
    جوايَ بِتْعتمرى وْبِتْحِجِىّ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2010, 04:03 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    السلام عليكم
    وصلنى قبل قليل عن طريق شوش نباء وفاة والد زميلتنا عزة التجانى بمدنى
    الذى توفى قبل قليل
    للفقيد الرحمة ولالة وذوية الصبر وحسن العزاء
    تلفون عزة0911225040
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2010, 04:11 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    يا رشا سلام مربع
    جاياك برواقة بس الشباب خلصو ومقالعين نى فى الدى اس ال
    وكدى امشى بهناك لقصيدة سعاد من الاستاذ عبد المنعم خليفة

    انتظرنى لما دورى يجى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2010, 05:24 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    يا رشدي والله لكن الليلة لقيت ليك فرصة في زوبة ... وما حاتقدر تجي تقول ليك الشو لأنها مقبوضة بالثابتة ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2010, 06:03 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3974

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    سلامات يا ناس

    سلام لناس كاى ...

    المرور اليومى الحتمى البيو بتم الكيف...

    نمشى نشوف كورة الهلال ...اتوقع قون لكاريكا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2010, 11:57 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    يا رشيد إحذر من مغبة التحالف مع زهير فهو غير مأمون الجانب ، وهذا الأمر ينسحب على الصعيد الشخصى فقط ، أما على الصعيد العام فأب شنب رجل صنديد وفارس إعتصامات لا يشق له غبار ، ربما لأن الإعتصامات تنتشله من حالة الإنتشار والروتين .

    يا رشيد القيد الزمنى بتاع السنتين ده شامل صور تركيا أم أنها مستثناة لحين قبول عضويتها بالإتحاد الأوروبى؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-12-2010, 12:03 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    Quote: يا رشيد القيد الزمنى بتاع السنتين ده شامل صور تركيا أم أنها مستثناة لحين قبول عضويتها بالإتحاد الأوروبى؟؟؟


    بكوري ليك وحشة ياخي...ما ممكن كل مرة نجي نقول ليك نفس الكلام...شنو حكايتك معانا؟؟؟

    بكوري لم تمضي سنة واحدة على صور تركيا و لكني رغم ذلك أرشفتها...و كنت قد أرشفت صور لندن قبلها و لم يمضي عليها سنتان...نتدارس أنا و نجاة هذه الأيام حول وجهتنا القادمة أو الشو القادم...و عايز لينا شو كده ما يخرش المية و يسكت جماعة أصحابنا كده لفترة طويلة...

    ما تطول الغيبة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-12-2010, 12:21 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: السلام عليكم
    وصلنى قبل قليل عن طريق شوش نباء وفاة والد زميلتنا عزة التجانى بمدنى
    الذى توفى قبل قليل
    للفقيد الرحمة ولالة وذوية الصبر وحسن العزاء


    نعزي الأخت العزيزة عزة التجاني في وفاة والدها و الذي انتقل الى رحمة مولاه أمس الأول...كما و نعزي الأخ علم عباس و الأسرة في فقدهم العظيم...
    نسال الله العلي القدير بأن يتقبله قبولا حسنا و أن يجعله من أصحاب اليمين و ينزله منزلة الشهداء الأبرار و الصديقين و حسن اؤلئك رفيقا...

    و لهم الصبر و السلوان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-12-2010, 01:37 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: سلام لناس كاى ...

    المرور اليومى الحتمى البيو بتم الكيف...

    نمشى نشوف كورة الهلال ...اتوقع قون لكاريكا.


    يا كوتش عندي احساس كده ان كامبوس ابتدأ يؤمن يقدرات أحمد عادل أكتر من صاحبك...طلعه في مباراة الأهلي و أبقى على أحمد عادل...صاحبك السنة دي شكلو راجع للنيل الحصاحيصا تاني...أو يمشي يشوف ليهو فكي يربط ليهو سادومبا ده لأن أحمد عادل مربط طبيعي...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-12-2010, 04:39 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    تحدثت عبر التلفون الى الأخ و الصديق عاطف القوز و لمدة طويلة مثل التي التي كانت بيني و بين عفاف و حاج الركز من يومين...و الحديث الى عاطف لا يفضي الا الى الونس اللذيذ و الضحك و يرجعك لأيام جميلة...و وصل لي القطيعة يا حاج الركز...شوف تاني البيضرب ليك تلفون منو...و لا ربع دقيقة ما حأضرب ليك....
    سعدت كما أسعد دائما بالتحدث الى كل الأخوان ...و مكالمة تلفونية مع أي واحد منهم تغير المود طوالي و تشرح الصدر...

    (عدل بواسطة الرشيد بابكر on 03-12-2010, 07:36 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-12-2010, 09:19 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلام يا كاى
    اخير ليك يالرشيد اسمع كلام بكورى وفك درب فاتن حمامة
    عقدتونى عندى مداخلة فيها صورةمن النرويج قلت هسة ينطو ليك ناس الرشيد شو وزهير يمسخوها عليك

    انت يا فاتن حمامة ما كنت تقول الكلام دة بهناك

    انت يا رشا شو صور تركيا الارشفتها دى ما بعد م نزلتها من كل الزوايا المهم انا عندى الف وستمية صورة لو ما سافرت السنة دى حانزلا يعنى حانزلا

    تحياتنا لسيدة كاى الاولى وانشاء الله تكون شرفت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-12-2010, 11:18 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    Quote: بكوري ليك وحشة ياخي...ما ممكن كل مرة نجي نقول ليك نفس الكلام...شنو حكايتك معانا؟؟؟


    ما تشوفش وحش ياروش يا حبيب ، والله يا رشيد أظنى مكتف زى كتيفة أحمد عادل ، ياخى قدر ما أقعد فى الكمبيوتر تجينى ليك أم هلاّ هلاّ ، يعنى يا دوبك أطالع عناوين البوستات ، غايتو ربك إسهل ونرجع لى الإنجعاصة والقعدة الممهلة .

    Quote: عقدتونى عندى مداخلة فيها صورة من النرويج قلت هسة ينطو ليك ناس الرشيد شو وزهير يمسخوها عليك


    يا زوبة نزلى صور النرويج والسويد ، يا زوبة شكلنا مبشرين فى البحرين السنة دى بى صيف ما حصل وتباشيرو بدأت فى الظهور أمس واليوم ، أها سيرة وصور النرويج دى بنتعامل معاها على أساس إنها آيسكريم نستمد منها بعض الترطيب والترطيبة ، غايتو لو عاوزة ترتاحى من ملاحقة زهير دوّرى ليك فى زول حتى لو أنا ، حا تلاقى زهير متضامن معاك فى الهجوم ، قومى براحة كدى نزلى الصور فى إطار التحالف المرحلى مع زهير ، وهو مرحلى لأنو زهير تحالفاتو هشة ولاتقوى على الصمود لعشية وضحاها، أما الرشيد فأمرو سهل نسبياً ، إفتعلى إنك زعلانة منّو ، روش راجل قليبو رهيف وما بقدر على الهبباى فى عز الصيف ، طوّالى بيجر واطى وهاك يا إعتذارات ، وبالعدم نزلى الصور يوم الخميس المساء فى لحظة عودته من غياثى لأنو بيكون مشغول مع أمنية ومهند وبت حوفى ، وقومى كده يوم الجمعة أضربى ليهم تلفون ووقعى معاهو إتفاق إطارى يلتزم بموجبه بأن يمتنع عن تأييد وجهة نظر زهير ، وبالعدم أطلبى من نانى تتداخل بى إسم الرشيد ( فى إطار الإنصهار الأسرى ) وتعلن كامل تضامنها معك .

    أها يا زوبة دى كلها تكتيكات ما تخرش الميّة ، ولو كلها ما جابت همها جيبى لى سحلية عرجا وضب أبكم عشان أكتف ليك زهير ده من شنباتو تانى بغم ما إقولا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-13-2010, 08:45 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3974

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    سلامات يا ناس

    لى ناس كاى ...سلام

    وسلام لى عاطف القوز

    وسلام لى حاج الركز( الجنرال فى متاهته)

    Quote: أها يا زوبة دى كلها تكتيكات ما تخرش الميّة ، ولو كلها ما جابت همها جيبى لى سحلية عرجا وضب أبكم عشان أكتف ليك زهير ده من شنباتو تانى بغم ما إقولا


    سلام بكرى حامد...

    زهير زاتووو امرو بقى هيّن ...صينية باسطة واحدة من الحلوانى السورى بتجيب خبرو.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-13-2010, 04:20 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    يابكري شايفك بقيت محلل نفسي زي بتوعين الموساد يا جاسوس .... المهم ماضيع بت الناس وخليها تسوق تحالفاتها براها .... ونحن بالمرصاد لأي حركات بتاعت شو .... يا كل الجماهير تعمل شو ...يلا كلها تنوم نوم عوافي....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-13-2010, 09:19 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    Quote: زهير زاتووو امرو بقى هيّن ...صينية باسطة واحدة من الحلوانى السورى بتجيب خبرو.


    والله يا جورج جبتا الموضوع من الآخر ، بس ياخى راعو لينا أنا وجلال فى مسائل الحلويات دى ولا نامت أعين الأصحّاء.

    Quote: يا كل الجماهير تعمل شو


    يا زناتى الجماهير عندها برنامج الإنتخابات ، خليها تشبع شو واستصحب رأى جورج برناردشو فى العسكر ، غايتو با زهير بعد الحصل فى إنتخابات المحامين أرى أن مسألة الإنتخابات زوبعة فى فنجان وتشرعن لإنقلابيى الإنقاذ الذين كرسوا مقدرات البلد لصالح مرشحيهم ، مع الوضع فى الإعتبار أن قانون الأمن الوطنى سيبقى سيفاً مسلطاً على رقاب الشرفاء ، سأعود لك فى هذا الموضوع مجدداً ، وأستميح رشيد القوم لإقحامنا للسياسة فى هذه المساحة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-13-2010, 09:52 PM

محمد عيد
<aمحمد عيد
تاريخ التسجيل: 05-03-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    Quote: يا كل الجماهير تعمل شو ...يلا كلها تنوم نوم عوافي....


    بكور مشتاقين والله ...

    انت اب شنب ده قلب وبقى حزب العدالة ولا شنو ؟؟

    عموما انا واحد من الناس عندى احساس ان هناك مفاجآت غريبة ستحدث

    فى اللحظات الاخيرة ..

    خاصة مع ارهاصات ظهور فك تسجيلات قريبا ..!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-13-2010, 10:43 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    سلامات يا ناس كاى

    بلرغم من انى مغيرة مكنة الامجاد جديدة لنج
    الا وانى اليومين دى شغالة خط
    بس قلت امشى كاى واسلم على الحبايب ولو عندى شى اعلن ما يقوم زهير فى اطار تحالفو مع الرشيد يقول ليها طالب زوبة بحق الاعلان

    Quote: غايتو لو عاوزة ترتاحى من ملاحقة زهير دوّرى ليك فى زول حتى لو أنا ، حا تلاقى زهير متضامن معاك فى الهجوم ، قومى براحة كدى نزلى الصور فى إطار التحالف المرحلى مع زهير ، وهو مرحلى لأنو زهير تحالفاتو هشة ولاتقوى على الصمود لعشية وضحاها،

    يا بكرى قيلة نفسى دى بعرف زهير اكتر من اى زول بس لقيتك خطير وتشكر على التضامن


    Quote: أما الرشيد فأمرو سهل نسبياً ، إفتعلى إنك زعلانة منّو ، روش راجل قليبو رهيف وما بقدر على الهبباى فى عز الصيف ، طوّالى بيجر واطى وهاك يا إعتذارات ، وبالعدم نزلى الصور يوم الخميس المساء فى لحظة عودته من غياثى لأنو بيكون مشغول مع أمنية ومهند وبت حوفى ، وقومى كده يوم الجمعة أضربى ليهم تلفون ووقعى معاهو إتفاق إطارى


    انت حتقلى
    الرشيد دة ضامناهو ذى ما بتقول سناء الصباغ فى جيبى

    وفى اطار الاعلان كتبت حاجة بهناك عن النرويج بعد تردد طويل
    قلت لى نفسى شنو حاخلى الجماعة ديل يعقدونى ذى ما عقدنى عمر من اللحمة
    مرة عمر جاب ليهو لحمة سنكيت وقال لى اشويها فقلت ليهو مافى طريقة شوى فقال لى حمريها
    المهم بعد التحمير الكيلو بقى نص كيلو
    قال لى لقطيها
    وانا بسمنى
    قلت ليهو حرام عليك دى كلها نزلت دهن تعال شوفا
    فقال لى لا اظن فى ثعلب فى المطبخ
    بقى كل ما يجيب سنكيت يقول لى اعمليها بس اوعى الثعلب يلقطا
    وانا بكل عوارة حردانة السنكيت واللحمة عموما
    ومن اليوم داك بقيت ماباكل لحمة مع عمر لانى كل ما امديدى بلقاهو بضحك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-13-2010, 10:52 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    مرة جاء واحد قريب ناس عمر ومسكناهو للعشاء
    كان فى العشاء لحمة
    لاحظ انى ما باكل اللحمة افتكرها بعيدة قربا منى
    فقلت ليهو ما عايزة
    وضحكنا انا وعمر وقمت حكيت ليهو القصة

    فاقنعنى بانى ما احرد وحكى لى
    قال هو وقريبو كانو فى مدنى بمشو يتعشو مع صاحبهم وكل مرة بيشيلو سمك
    بس اخت صاحبهم كانت بتخت ليهم الربع وبتشيل التلاتة ارباع

    وطبعا الخو ما شايف السمك ملفوف وما حيقدرو يسالو بيمشى يتمو عشاهم بوش
    مرة قالو خلاص نمشى نتونس معاهو ونخلى السمك فى العربية لما نتم ونستنا نمشى نتعشى بسمكنا
    المهم اليوم داك صاحبهم ظبط العشاء وحلفم بس باصرار رفضو
    اول ما طلعو العربية لقو الكديسة قامت بلسمك ما خلت الا الشوك
    لا طالو بلح الشام لانالو عنب اليمن
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 09:26 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    Quote: انت يا رشا شو صور تركيا الارشفتها دى ما بعد م نزلتها من كل الزوايا المهم انا عندى الف وستمية صورة لو ما سافرت السنة دى حانزلا يعنى حانزلا


    زوبة...صور تركيا دي أنا حالتي من زاوية واحدة بس...لسه في تلاتة زوايا ما شفتيهم...

    Quote: ما الرشيد فأمرو سهل نسبياً ، إفتعلى إنك زعلانة منّو ، روش راجل قليبو رهيف وما بقدر على الهبباى فى عز الصيف ، طوّالى بيجر واطى وهاك يا إعتذارات ، وبالعدم نزلى الصور يوم الخميس المساء فى لحظة عودته من غياثى لأنو بيكون مشغول مع أمنية ومهند وبت حوفى ، وقومى كده يوم الجمعة أضربى ليهم تلفون ووقعى معاهو إتفاق إطارى يلتزم بموجبه بأن يمتنع عن تأييد وجهة نظر زهير ، وبالعدم أطلبى من نانى تتداخل بى إسم الرشيد ( فى إطار الإنصهار الأسرى ) وتعلن كامل تضامنها معك


    بكوري انت تعبان ساكت ...انت ما سمعت المثل البقول يموت الزمار و صباعو بتلعب...زوبة ما بتقدر تخلي الشو ده...صدقني بتحرد ليها نص ساعة ربع ساعة و بترجع تااااااااني...تشوشو فينا..

    Quote: وفى اطار الاعلان كتبت حاجة بهناك عن النرويج بعد تردد طويل
    قلت لى نفسى شنو حاخلى الجماعة ديل يعقدونى ذى ما عقدنى عمر من اللحمة


    ما قلت ليك...جاك كلامي...
    اتفاق اطاري شنو...
    ده الظاهر عليهو اتفاق بدون وقف العدائيات...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 09:30 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    بكوري انت ما عندك صور بتاعت شو تنزلها لينا...بنعفيك من المدى الزمني ما مشكلة...

    و لا في ثعلب دخل في علبة الذكريات بتاعتك؟؟؟

    آل سنكيت آل....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 10:45 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)



    نهني عذارى بعيد مولدها الأول حيث أكملت سنة اليوم بالتمام و الكمال...كل العمر ان شاء الله لعروس مهند و لوالدها الأخ و الصديق عبدالدايم و لزوجته الزقازيقية بالتجنس نهلة...ربنا يحفظكم جميعا....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 11:24 AM

عمر المهدى
<aعمر المهدى
تاريخ التسجيل: 11-08-2009
مجموع المشاركات: 403

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    ياعذارى رفقا بالحيارى
    ياالجيتي من الله هدية
    ليلة ميلادك ياحبابا
    عقبال تطفي الشمعة المية
    تمنياتنا لعذاري ووالديها بالعمر المديدوالعيش الرغيد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 11:49 AM

عبد الدائم سيد أحمد
<aعبد الدائم سيد أحمد
تاريخ التسجيل: 10-28-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: مربع كاي (Re: عمر المهدى)

    يا الرشيد لكن ما خليت بنات زراعة يتضايرو

    عذارى شخصيا" فى مربع كاي

    خالطة مهند جمب معمل ( الزهور )

    يا زول ابشر مهند غالى علينا
    ولنجاة نملى ليها يديها دهب وفوقم عربية مرسيدس



    عمر تى وين الهدية
    عاوز تذوق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 12:26 PM

عمر المهدى
<aعمر المهدى
تاريخ التسجيل: 11-08-2009
مجموع المشاركات: 403

للتواصل معنا

FaceBook
تويتر Twitter
YouTube


Re: مربع كاي (Re: عبد الدائم سيد أحمد)

    عشان مانتهور ونسبق ابوالعريس
    خلينا تقال شوية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 05:49 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: عمر المهدى)

    أمنية و مهند فرضوا علي بأن أبقى معهم ليومي السبت و الأحد و لكني لم استطع لانشغالي الشديد فبقيت معهم يوم السبت على أن أقوم ببعض الأعمال بمكتبنا بأبوظبي...أخذت معي مهند الى المكتب نهار السبت و تركنا أمنية مع نجاة بالبيت على وعد أن تذهب معي مساءا الى المول....بعد المكتب تجولنا أنا و مهند في السوق كثيرا حتى نتيح وقتا كافيا لأمنية كي تراجع دروسها دون أي ازعاج من مهند...كنت وعدت أمنية أن نذهب الى المول عند السابعة فأخذت منذ الخامسة مساءا تسألني كم تبقى من الوقت...ثم عند الخامسة و النصف و السادسة وهكذا...ثم السابعة تسرب الى نفسها شعور بأنني قد لا أوفي بوعدي...فقلت يجب أن لا أحبطها و طلبت منها أن تستبدل ثيابها و خرجنا أنا و هي فقط و بقي مهند بالبيت...
    جلست أمنية بالمقعد الأمامي الى جواري و ربطت حزام الأمان و أخذت تحدثني دون توقف عن المدرسة و عن زميلاتها و كيف أنها أنها اقترحت على معلمة الصف بأن تضع شريطا لاصقا على فم صديقتها نورة لأنها تتحدث كثيرا أثناء الحصة...و كيف أن المعلمة وجدت في اقتراحها طريقة عملية جدا لاسكات نورة...بدت أمنية في غاية السعادة و هي تتحدث عن اقتراحها الذي أعجب معلمة الصف...أما أنا فلقد كان يتملكني مزيج من الأسى و السعادة...كنت سعيدا لسعادة ابنتي الذي نتج عن خروجها معي و جلوسها بالمقعد الأمامي الى جواري..و لكني أدركت أيضا كم ان الوقت قد مر سريعا دون أن أفطن لذلك...لقد كبرت أمنية كثيرا في تلك الثلاثة سنوات التي قضيتها بعيدا عنهم...

    ليحفظهم الله بحفظه و يكلأهم بعنايته و رعايتة...و ليوسع لنا في رزقنا...

    اللهم لك الحمد كما ينبغي لجلال وجهك و عظيم سلطانك...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 06:18 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    كل يوم أقعد أعاتب ليك في نفسي و أقول ليها لمتين الحياة الرتيبة المملة دي...بعد الشغل ما عندك أي نوع من الرياضة الا رياضة الأصابع مع الكيبورد و انت بتكتب في سودانيزاونلاين...كل يوم أقيف قدام المرايا و أشوف ليك الكرش ناطه لي بره أقول أنا تاني من بكرة حأعمل و حأسوي...يجي بكرة و نفس البرنامج بتاع أمبارح...من اسبوعين و أنا في أبوظبي قلت لي نجاة يالله نمشي المول عشان أنا عايز أشتري لي هدوم للرياضة هدومي بتاعت الرياضة اتهردت من النوم و القعدة في البيت...قالت لي نجاة بس ان شاء الله ما تمشي تعملهم بيجامة...و الذي دفعني الى ذلك حقيقة أمنية و مهند...كلما أشك ليك القميص و تجي الكرش ناطه يشبكوني ليك Big Belly يا بابا...قلت ان شاء الله المرة دي هدوم الرياضة دي ما حتتلبس للنوم و لا القعدة في البيت....و ظلت الهدوم قاعدة في الدولاب ليها اسبوعين...يعني من يوم ما اشتريتها...و السبب اني حالف ما البسها الا للرياضة...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 07:36 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: عمر المهدى)

    يا رشدي شتت لينا الكورة ... الظاهر عليها الليلة قوية ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 08:01 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3974

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    سلامات يا ناس

    مرور مسائى على كاى

    ومسا طاعم لبيغ بيللى والهيوج ماوستاش
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 08:44 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    Quote: يا رشدي شتت لينا الكورة ... الظاهر عليها الليلة قوية ...


    أبو الزوز مشيت غرفة الرياضة و اتريضت...

    أنا كنت حالف أكسر الروتين ده الليلة...

    و انت عارفني لما أحلف...

    زي راشد لما يطنطن...

    مشيت خجيت ليك الBig belly لما اتكيفت...

    الظاهر علي لازم أحلف كل يوم...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 08:49 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: ومسا طاعم لبيغ بيللى والهيوج ماوستاش


    مساك طاعم يا كوتش...

    و شوقنا ليك Incredible ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 10:35 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: عموما انا واحد من الناس عندى احساس ان هناك مفاجآت غريبة ستحدث

    فى اللحظات الاخيرة ..

    خاصة مع ارهاصات ظهور فك تسجيلات قريبا ..!!


    ذكرتنى يا عيد بمناسبة المفاجآت دى مرة ناس الإذاعة إستضافوا سانتو رفاعة مباشرة من الإستاد بعد أن أدى المريخ مباراة خارجية فى كأس الكؤوس ، المهم سانتو رفاعة بى قومة نفس ما بعد المباراة وعدم التحضير لما سيدلى به للمذيع ، قال " نحن كنّا مستعدين ولاعبين كويّس ، بس الجماعة ديل فاجئونا مفاجأة الغنم) ، وبالطبع لا أحد يعرف ما الذى فاجأ الغنم بما فيهم الغنم نفسها" .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 10:57 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    سلام لكاى وناس كاى

    يا ابوبكر رايك شنو نحول اسم الرشيد من رشا (ودة الاسم البدلعو بيهو)

    لى رشو


    كيفك يا رشو

    اليوم فى السودان كان ساخن بشكل ما عادى

    نفسى اكررر تجربة تركيا تانى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-14-2010, 11:55 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    Quote: نفسى اكررر تجربة تركيا تانى


    زوبة...المعنى عايزة تدردقيني....

    تلقيها عند الغافل...

    فاجاتيني مفاجأة الغنم بي تركيا دي...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 00:01 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: يا ابوبكر رايك شنو نحول اسم الرشيد من رشا (ودة الاسم البدلعو بيهو)

    لى رشو


    الاسم مستخدم من زمان من قبل بكوري...

    شوفي ليك واحد جديد...

    انتي قصدك يعني زهير رشاني يعني...

    عشان كده سميتيني رشو...

    أنا بجيب ليك القدرك يتفاهم معاك...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 09:00 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3974

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلامات يا ناس

    وصباحات التفاؤل

    Quote: المهم سانتو رفاعة بى قومة نفس ما بعد المباراة وعدم التحضير لما سيدلى به للمذيع ، قال " نحن كنّا مستعدين ولاعبين كويّس ، بس الجماعة ديل فاجئونا مفاجأة الغنم


    بكرى ...لو ما عندك مستند على الكلام ده ان بشتكيك

    وانت ىعارف انا منو ..والكمال لله.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 12:20 PM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    وهادى قعدة فى طرف كاى
    البعيد من احمد زكى داك
    القريب من تكنولوجيا الاغذية
    والبيخليك تشوف جيوش الزوغان الغادية والرايحة
    قاصدة الكافتريا و ولا جاية منها
    اقعد واتوهط واعلن اشتياقى للجالسين
    والغادين والرائحين
    اول شىء يا بكرى
    انما تتفاجأ الغنم , باول امارات شقلبتها وتجهيزها للذبح
    كثير ما زارنى خاطر سانتو (رفاعة ده يا كوتش )
    الخاطر ما اظنه عنده علاقة بى رفاعة -عشان تطمئن - وتورينا انت منو
    والكمال لله
    الخاطر عنده علاقة بالغنم والخرفان الغبيانات ديل
    الدنيا كلها قايمة وقاعدة , تنقى فى الخرفان
    والدنيا قبايل عيد , وقبايل حج
    بيت كده , مافيهو صوت باااااااااااااااااااااااااااااااااااع طالع مافى
    يعنى الغبيانات ديل و قايلين الناس بيفتشوا فيهم
    وبيشتروا ليهم فى القش والقصب والذى منو
    عشان شنو يا ربى ؟؟!!
    ومع ذلك , وعلى كثر الغنم والخرفان المشقلبة اب سايد داون
    قدام كل بيت
    فانها جميعها وبلا استثناء
    عيونها منططة ومليانة دهشة واستغراب
    وكان ذبحها كان مفاجاة غير منظورة
    تقول شنو ؟؟
    مافى النهاية غنم !!!!
    لذا فان ملاحظة سانتو رفاعة , وكلامه العفوى , فيهو بلاغة السنين
    مفاجاة الغنم
    هى فعلك للمتوقع , المستبعد من (الغنم )
    متوقع منك , ولكنه بعيد عن حسن الظن بتاع الجماعة ديك
    حاجة كده
    زى ما تكون محلق فى العوااااااااصف
    وفجأة تهبط فى السكون
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 12:39 PM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)


    والرشيد اسمه (رش ) يا زينب التيجانى وبكور
    لا اسمه رشا و ولا روش
    ولا كمان (رشو )
    خاصة ايام الون مان شو دى
    رشو ما تصلحش يا زوبة
    حتى رش , راجعة ليس لحروف اسمه وان تطابقت
    انها راجعة لأيام اعجابه وحبه ب (ايان رش )
    لمن كان الشو . شو بى حق وحقيقى
    دى مرجعيتى فى الاسم ده , من زماااان
    وبعدين تتخيلو , الزول ده , رش يعنى
    بقى زى بيحننى وكده
    بقى زول زى رقيق وكده
    غربته المكانية , زادت من شفافيته
    تعرف احساسك بى مشوار امنية المسائى البراكم للمول داك
    وقعدتها جنبك , وربطتها للحزام , واحساسها بزيادة (مساحة الملكية الفردية ) ليك
    هو احساسا عظيم
    لكن تصدق هو احساس بى طبيعته مربوط بمسافات زمنية متباعدة
    ما عنده اى علاقة بمسافات المكان
    اوريك ليه
    انا عندك القرييييب ده
    قاعد جنب وليداتى احمد الله
    احمد خمستاشر سنة
    ايثار تلتاشر
    عندما تتاح لى نفس المساحة الزمنية المحددة (بانفراد زى انفرادك )
    تتجلى عندهم وتتعاظم احاسيس المساحة والزمن , مع احساس الأنفراد والملكية (المطلقة )
    فتتحدث معى ايثار كما يتحدث الى احمد
    كل على حدة , بطريقة مختلفة فيها ملامح شخصيات (قادمة )
    هذه الطريقة المتفردة , لا يستخدمانها فى حالات الألتقاء الأسرى المجتمع
    المليانة بشعور (التنافس الأفتراضى )
    الموجود فى خيالاتهم بس
    تعرف , الموضوع عجبنى , ارشكم واواصل
    اه , هو المنتظر اذنكم منو ؟؟
    مواصسلة بعد فاصل قصير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 01:02 PM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)


    اخير ارشكم طوالى
    فاصل شنو وهباب شنو
    انا لو عندى حاقة , اؤؤل على طول
    تعرفوا , احساس الشخصنة المتنامى عند عيالنا
    اولادنا وبناتنا يا رش
    والبعنيهو هنا , تعاظم احساسهم بى نفسهم
    ده احساسا بينشا طبيعى , فيهو شكل من اشكال التمرد الخفى
    مش تمرد بمعنى الرغبة فى فلتان لا نهائى من منظومة الأسرة
    لا
    دى زى رغبة كده فى تميز اضافى , شكل من اشكال الخصوصية والرغبة فى الظهور بشكل مختلف
    زى محاولة صرخة خافتة ليك (للأب غالبا ) رغم انها قد تكون احيانا للأم
    لى شنو انا قلت للب غالبا
    الأم دى اصلا فى غالب الاحوال , قريبة من اولادها بحكم الطبيعة والفطرة
    حتى فى مراحل اعتمادهم الكلى على الغير , غالبا الغير ده بيكون ياهوالأم
    فعشان كده رغبات التميز قدام سطوة الأم ومعرفتها بأدق الخصوصيات , بتبقى عندهم زى رغبة مجنونة يحيط بها (اللاممكن من جهة )
    وكمان الرغبة الضمنية فى الأحتفاظ بالأم كسند تفصيلى لا جدوى من محاولات الأبتعاد عنه -من جهة تانية
    لكن الأب , البيقضى جزء كبير من يومه , بعيد عن التفاصيل
    هو طرف مناسب , لأستعراض مميزات شخصية ناشئة , يكون الأبن او الأبنة , راغبا فى ابرازها لكيان قريب آخر
    قد يكون ةجربها فى المدرسة ووسط الأصدقاء , ويريد ان يبشر بها فى محيط اكثر حميمية
    او قد يكون العكس , متهيبا من طرحها فى وسط اصدقائه او صديقاتها , باعتباره وسطا حميما آخر , ومليان كمان منافسة زى وسط اخوانه واخواته
    لكنه محكوم بضوابط صارمة تمنع التفلتات ومظاهر الشخصنة النفلتة
    ولكن هذه المحاذير غير موجوده عند الأب
    لذا فانك يا رشا و كما انا وكما كل الآباء
    نستقبلها هذا الأستقبال الحميم , ونحتفى بها كعلامات تميز نستبشر بها
    هذه النقطة مربوطة عندى بمثلنا البليغ
    ولدك (زى ما بنتك كمان )
    ان كبر , خاويه
    اقول ليكم حاجة
    يا خى انا انبسطت من روحى , جنس انبساط
    ولسه زى عندى باقى فى الموضوع اللذيذ ده , كان اتذكرتوا وهبشتونى فيهو , حا ارجع ليهو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 05:23 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    منص الحبيب بركة الفكت منك...

    الدبرسة طبعا...

    و سعيد باندياحك و تحليلاتك العميقة و التي تنم عن وعي و خبرة حياتية كبيرة...

    ربما تكون هنالك اختلافات طفيفة بين ما أشرت اليه عموما و بين طبيعة العلاقات و الأدوارعندنا...أو عند غيرنا من الأسر....و تعود تلك الاختلافات الى كون الأم عاملة أم غير عاملة...عدد الأبناء أيضا له عظيم الأثر في تكوين شخصية الطفل بنتا كانت أو ولد...و للشغالة أيضا دور مهم...و يختلف هذا الدور حسب الثقافة التي تنتمي اليها و البيئة التي تنحدر منها....
    و هذا أشياء لا ينفع أن نقول فيها أن الاستاندرد في هذا الأمر هو أن تفعل كذا و كذا و أن تنأى بنفسك و أبناءك عن فعل كذا و كذا ...فهنالك تجارب في التربية كانت نتاجها أبناء ذو شخصيات قوية و ناجحة أكاديميا و اجتماعيا حاول البعض الآخر جعلها نموذجا مثالياففشلت تلك التجربة...المهم و نحن نتعامل مع أبنائنا يجب أن لا نضع كتالوجا لتلك التربية وانما يجب أن تكون القيم و الأخلاق حاضرة و أن نكون قدوة حسنة دائما...
    يبدأ الطفل في استكشاف جوانب شخصيتة من وقت مبكر...أرجو أن أوضح هنا بأنني لا أتبع منهجا معينا في التحليل...انما أكتب من وحي تجربتي و مشاهداتي فقط...فلقد لاحظت الاختلاف بين شخصية أمنية و مهند...ليس لكونهم بنت و ولد...انما لكون كل واحد منهم يحمل موجهات مختلفة لشخصيتة...و هذا الاختلاف غير الاختلاف في الجندر هو تباين نتج عن كون أمنية الطفلة الأولى...و ليس أي طفلة أولى...طفلة أولى مدللة و بين كون مهند جاء ليجد أمامة قدوة و شئيا يقلده ألا وهو أمنية...فكان و لحسن حظه أن وجد معلما صغيرا...كما و أنة لم يلقى نفس القدر من الحرص و الاهتمام...لذلك نجد مهند أكثر استقلالية عن أمنية و قادر على عمل كل أموره بنفسه عكس أمنية التي تعتمد على غيرها كثيرا...
    التصاق مهند و بأمة تشعر أنه التصاق بوعي و مستند على أرضية الاستقلالية تلك...فهو كثيرا ما يناديني بيا بابا يا صديقي...بينما ما تزال أمنية تلتصق بي و كأنها ما زالت ابنة السنة...تدفعها عاطفتها فقط و حبها الشديد...

    شاعر اني طولت شديد...و البيصل فيكم لحدي السطر الأخير عندو جائزة....

    Read one get one free
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 09:01 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    رشا ومنص ... بالله ما تشتتوا لينا الكورة ...خليكم في موضوع واحد ....

    مرات كتيرة بحس إنه انا بعيد من اولادي ما عارف ليه ... يظهر إنه التلفزيون سرقهم مننا ... إضافة لي لي كده الحوامة الكتيرة في بلاد الله الواسعة دي ... بس ممكن تكون الحقيقة إنه مافي مواضيع مشتركة ... عندهم عالمهم وعندنا عالمنا أو ممكن تكون في أسباب تانية الزول ما عارفها .... ودي مشكلة لازم الزول ينداح مع اولاده ويكسر الحواجز لأنه اي عدم تفاهم بين الطرفين بالتأكيد يقع علي عاتقه هو وليس الابناء ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 09:12 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    Quote: ودي مشكلة لازم الزول ينداح مع اولاده ويكسر الحواجز لأنه اي عدم تفاهم بين الطرفين بالتأكيد يقع علي عاتقه هو وليس الابناء ...


    أبو الزوز خليني من كسير الحواجز...انت ان شاء الله تكون كسرت التلج كويس...

    أما ما يخص شتيت الكورة...و الله أنا بقيت وقت يجيني الباص بلعب الكورة ...ان اشاء الله أشوت في القون بتاعي...

    منصور عايز يرجع لي موضوع سيدي الحسن...قاعد يلمح و معتمد على فطنة القارئ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 09:12 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    اتفاق معاك يا رشدي علي إنه التربية فن ... قبل ما تكون علم ومناهج ... والقدوة أهم ما في الأمر ... علي أن تراعي ذكاء الأطفال .... وهم أذكي مما نتصور ونتخيل وفي حاجات كتيرة بنحس إنهم ما فاهمنها ... بيفوتوها لينابمزاجهم ... يعني لازم نكون صادقين في حتة القدوة دي ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 09:28 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    يا رشدي معقولة افوت فرصة بتاع كسير تلج زي دي ....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 09:34 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    Quote: وهم أذكي مما نتصور ونتخيل وفي حاجات كتيرة بنحس إنهم ما فاهمنها ... بيفوتوها لينابمزاجهم ... يعني لازم نكون صادقين في حتة القدوة دي ...


    أحاول قدر الامكان يا أبوالزوز أن أكون قدوة حسنة و مثالا يحتذى أمام أطفالي...لدرجة انني و كنت أدخن و قد تركت الآن و الحمد لله لم أدخن سيجارة واحدة بالبيت و لا في سيارتي و هم معي...و ان كنت مزنوق شديد اذهب بعيدا عنهم لأدخن..و قس على ذلك أمور أخرى...
    كما و انني ىمنت بذكاء و قدرات أطفالي منذ اليوم الأول...فأكلمهم و كأنهم بالغون كما اختار نوع الترفيه الذي ينمي قدراتهم حسب ميولهم...

    هم استثمارنا في هذه الحياة فلذلك نحرص عليهم قدر المستطاع...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 09:42 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا رشدي .... إذا ما تركت التدخين سيكون ذلك أفضل لأنهم سيعلموا بتدخينك آجلاً او عاجلاً من محاسن الصدف ان صديقي سامي حكي لي بانه اوقف التدخين لاجل اطفاله ... يدخن الشيشة احيانا خارج المنزل ... في المنزل يدخنها بعد الثانية عشر ليلا واطفاله في غياهب النوم ... ويخبئها جيداً في احدي المرات وجد ان اكبر اطفاله ذو الخمسة سنوات اخرج الشيشة من مخبئها واخذ يدخن فيها امام اخوته الصغار دون ان تكون معمرة بطبيعة الحال ... فما كان منه إلا وان اقلع عنها نهائياً ...

    يا حبة فتك بعافية ... الكهرباءقطعت في كل الخرطوم .. وماشي إتلم علي عيالي ودي برضو فيها كسير تلج لميار ... يعني الواحد عمره كله حا يكسر في التلج ... إنشاء الله التلج ده يعدم من السوق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2010, 10:38 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    أول بى التبادى يا جماعة الخير نبارك للعسولة عذارى عيد ميلادا الأول ، عقبال تطفى الشمعة الميّة ونشوف أبوكى النضيف شايل جنياتك .

    منص والرشيد : ياخى كيفتونى جنس كيف بى مجادعاتكم وتحليلاتكم ، إن الله هوّن والمزاج إنعدل بجيكم راجع للموضوع .

    يا زوبة أمس فى العشا حكيت لى نصفى الأحلى والكمل والجمل "على قول مصطفى الأغا - صدى الملاعب " ، حكيت ليها عن حكايتك مع السنكيت ، فروت لى أن الأمهات فى السابق يوصين بناتهن بعدم إطلاع الزوج على كمية اللحم الذى ستقوم بتحميره لأن كميته تتناقص بعد إنضاجه ، هذا عن اللحم العادى فما بالك بالسنكيت وهو مزيج من الشحم واللحم يا بهية (هل قصدته المغنية ومن هى بهية وما سبب التوكيد آآآآيّا)، بعدين يازوبة علاقة تركيا بى سخانة السودان شنو؟ ذكرتينى الحنكوشة الجاها الشحاد وقال ليها كرامة لله ، فإنتهرته بقولها ( برانا حرّانين وجايين من لندن).

    يا جورج بعد تحليل منص ما اعتقد أن هنالك وجه للمطالبة بالإثبات ، وبالعدم يمكنك سؤال الغنم ذات نفسها فلربما تجد لديها الخبر المفاجئ ، وذلك قياساً على دعاية شركة جهينة للألبان على أيام الزقازيق حين كانت الدعاية تردد (عند جهينة الخبر اليقين ) فالألبان مصدرها الغنم وهى بالتالى مصدر الخبر اليقين ، وخلينا ما نمشى بعيد ، موش فى السودان فى مقطع أغنية بيقول (أسأل العنبة الرامية فوق بيتنا) ، أها العنبة دى تلقا تحتها قطيع أغنام أسأل أى واحدة من طرف عن موضوع المفاجأة ده وهى بتوريك ، مع التأكيد على ان الشجرة المذكورة آنفاً شجرة حقيقية وليست رمزاً لأية قوات خاصّة أو رمز إنتخابى لأى رئيس .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 14 „‰ 33:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to bakriabubakr@cox.net

© 2014 SudaneseOnline.com

Software Version 1.3.0 © 2N-com.de