ناس الزقازيق ... أجدع ناس ..

Quote: محمد صديق ياخي ما تحنس محمد عيد ده شويه....الزول ده حر% رشيد الحبيب والله يا عزيزى القصة ما حــردة ولا حاجة ، وهى الكورة أصلها آخرتها مغصة ووجع قلب .. لكن انا بصراحة استفزانى الحصل لغاية ما رفع ضغطى والسبب .. تخيل ومنذ نهار الجمعة جاتنى اخبار من السودان بتحرك بعض الناس مع الحكام .. والقصة الوصلتنى سيناريو مفصل لمباراتى الجمعة والسبت والحاجة الـ بتغيظ أكثر انى انا اتحركت فى اتصالات مباشرة مع اداريين نافذين فى المريخ ووصلت ليهم المصدر الذى امدنى بالمعلومة .. بل الغريب ان دخان القصة كان واصلا اليهم وكان ايضا موضوع المراقِبة الافريقية ( المرأة السمينة الكانت فى الملعب ) واجتماعها بالحكام كان ايضا مرصودا ومعلوم كل ما دار فيه .. وما حدث فى الملعب كان جزء كبير منه تطبيق عملى لكثير مما جاء فى الخبرية .. !! هذا والله ما حدث .. وبالتالى تخيل منظرك وانت تشاهد فى احداث فيلم دخلتو من قبل مع زهير او ان يكون حكاهو ليك جلا او محمد صديق ؟! المؤلم هو احساس متخبط .. اولا .. الشعور بتدنى كرامة السودانى وهو يتعرض لظلم الافارقة بينما رجاله فى الكاف متفرغون لفرض ما يسمونه الانضباط !! ولا وجيع لآلاف المساكين الذين يزحفون للمدرجات منذ الظهيرة .. ثانيا احساس توالد مؤخرا وتأكد الآن بأننا كسودانيين قد اصبحنا على استعداد للتحالف مع الشيطان لمعاداة بعضنا ، والمسألة وان بدأت فى السياسة اللعينة الا انها استشرت بسرعة خرافية وسط بقية قطاعات المجتمع ودوننا فى ذلك عدا مواضيع الكورة .. موضوع مثل موضوع لبنى حسين ( بضم اللام !) وما أحدثه من انقسامات وسط السياسيين والصحفيين بل والقانونيين !! ناهيك عما يحدث من تحالفات خارجية لحركات التمرد فى دارفور عموما هى قصة وانتهت والزعل انشاء الله بنردم بيهو حفر تانية ..! والشكر لموسى عيسى ونجيلة ودهب وود جبرين ود. الصادق وبقية اخوتنا فى الذى نهواه فى كل الظروف .. /////////////////// اها يا جلا قلبنا صفحــة المحــن بس انت حاول رد على النضيف واستثناءه لك من المشاركة فى الصور الجميلة بتاعت امبارح عبد الدايم الصور جميلة بجد .. وأروع ما فيها ظهور الصديقتان العزيزتان زينب وحنان ( طب ) ولى معهما ذكرى جميلة فى احدى رحلات قطار الشوق ابان حادثة حدثت للاخ / الطيب سلمان اتمنى ان تتاح لى فرصة لسردها عليكم قريبا .. ايضا فى الصور ومن عندينا ( من زراعة ) توجد الاختين : لمياء محمد ادريس ومنى عبد الواحد طبعا بقية الناس تقريبا الجماعة عرفوهم وبالذات .. هانى برعى والسبكى وياسر شبيكة وخالد محى الدين وعماد شريف .. اما جلا العامل فيها صغيــّر انكر معرفتو بأى احد ..!!! احبكم حب جلا للناس النضيفة ..!! (عدل بواسطة محمد عيد on 08-17-2009, 02:52 AM)