|
|
|
 Re: ناس الزقازيق ... أجدع ناس .. (Re: الرشيد بابكر)
|
الأخوان الأعزاء
زهير
جلال
سامي
عفاف
أبو العيد
ميسرة
ابو الرشد
التحية ليكم والدار منورة بيكم وفي كامل إزدهارها ورونقها وأسأل الله أن أكون عند حسن ظنكم
عفاف ..
أشكرك على حسن ظنك .... الجماعة ديل من ( عندينا) ؟؟؟؟؟ أسمحي لي أستعين بالصديق حاج الركز
امكن يكون عندو الخبر اليقين ...
| |
 
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
تحبة الصباح لاطيب وألطف ناس
مبروك الباسويرد للسيدة الأولى منى يونس
ومبروك الباسويرد للأخ قدورة والف مرحب بيكم
الأخ مبارك جادين كل عام وأنت طيب
يافافي يعني الناس اللابسين جلاليب وعمم مافي ليهم مكان بالإحتفال
وعلى وزن نكتة الأخت نجاة حوفي (من رضى الوالدين)
واحدة سألت / حسين خوجلي في برنامجه المعروف قالت ليه
ياحسين ممكن تورينا الكريمات البتستخدمها دي من وين؟
رد على الهواء مباشر قال دي من آثار الوضوء بس
قالت ليه ومال علي الحاج ده بتيمم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
مبروك الميل المية وإلى الأمام دائما
الأخ أحمد اشماعيل
الشكر لك والتحية والتقدير وأتمنى لإبنكم كل التوفيق والنجاح وما تخاف يا أخوي بكرة انشاء الله لسانو يفك لحدي ما تطفش تخلي ليهو البيت .. دا حال الأولاد أصلهم كده بيتكلموا متأخرين شوية .. بس شيل الصبر..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد القادر بابكر)
|
الشكر لك أخي د. أحمد أمين وربنا يجمعنا دائما على الخير
الفنان أبو العيد
كفيت ووفيت ربنا يديك العافية ... شعار رائع لا يصدر إلا من باكستاني فنان زيك
إلى الأمام يا رائع ... بس ما شايف صورتي ؟؟؟؟؟
صه يا كنار وضع يمينك في يدي
خير ما يمكن أن يقال في هذه المناسبة الرائعة ... الشكر لك يا زهير على الكورال الرائع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد القادر بابكر)
|
التهانــــــــــــــــــــــــــي موصولة من القلب
لهذا الإبـــــــــــــــــــــــــداع لبلوغ المائة
ميــــــــــــــــــــــــــــــــــــــــــــــل
و الترحاب الحار بقدوم وحوه السعد علينا الاستاذة منى
يونس والاخ عبدالقادر نورتو الميل المئوي و إلي المزيد
من الاشراقات.
هذا الوفاء الحقيقي يا محمد عيد على اللفة الرائعة
للأب الروحي د.طلبة عويضة و شعار الجامعة فلك الشكر على
الإبداع .
و سلامة العودة يا عبدالحفيظ والهضربة دي كترة لينا منها؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
مبرووووووووووووووووووووووووووووووووووووووووك المئوية ... وعقبال الألفية الأولي ...........
مبروك لعموم ناس الزقازيق ... والله إبداع يا عيد شعار المئوية .. وعودتنا دائماً علي بداعاتك الجميلة دي .. وشكراً الريس ميسرة ،
شكراً لعصام دهب وزهير الزناتي والمهندس بكري أبو بكر
ومرحب بيك يا ناني ومبروك العضوية ، يلا سني البراية كويس ونحن في إنتظارك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
100 مبروك و1000 مبروك ومليون مبروك لناسنا وأهلنا هذا الحب والتواصل الحميم توجناه بهذه الإحتفالية الجميلة ، شكراً لبكري أبو بكر وعصام دهب وهم من كان أساساً لهذه اللمة والحب اللانهائي . أكيد ستتواصل المسيرة هنا وهناك علي المودة والتواصل الحميم ...
مرحب الأعزاء أهل الزقازيق الصديقة مني يونس والسنير المبجل عبد القادر ..
وترحيب مقدمًا بالجميلة نجاة حوفي قبل ما تخش الدار .
وكل الناس الإستلموا العضوية البارحة ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
مليار مبروك...........................
أها يا جلال ودي تديها كم؟؟؟؟؟؟؟؟؟
يسعدني كثيرا أن أكون من ناس الزقازيق (الجدعان أوي)
-----------------------
محمد عيد
والله إبدااااااااااااااااااااااع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
الود والتقدير
الحب كلو
التحيات
الزاكيات
الطيبات
يا اهلى يا زقازيقاب
هذا الحوش وامتداداته
مجهود يجب ان يذكر مبتدره بالخير والعرفان
عصام دهب ليك التحية
بكرى ابوبكر ليك الشكر والتقدير
عبد الجميد البرنس ليك الأعزاز
زهير الزناتى والريس معتصم
وريسنا ميسرة
ليكم الأنحناءة
ومنى انا منصور ود عبد الرازق
لأخوانى واخواتى ناس الزقازيق
حب وتقدير واعزاز
قدر ما اؤتى قارون
من (ما ان مفاتحه لتنوء بالعصبة اولى القوة )
احبكم جميعا واتمنى ليكم توفيق دائم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
ولأصحاب مفاتيح الدخول الجديدة
ترحيب خاص وحار
نبدأ بمن دخل منهم فعلا
مباشرة او من وراء حجاب
منى يونس , قدورة , نجاة حوفى
ولمبارك جادين تباريك وامنيات
بأن يجعل الله سنين عمره القادمات
احلى والذ مما فات
كل سنة وانت طيب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
يا جاي مارق من دخول الغيث
شرايين التراب السايقة أوردة الوطن
قشرا اليباب ... نشرا العطش
كل ما سرت قطرات درب الرحمة...
في جوفو أرتعش حال الشجر
بال العصافير الخيالها مع الدغش
مشدوه متل خاطر طفل
من ضل برش راكوبة فوق حافة حجر
واقع سجر ...واقف بعد نقط المطر
ويستنشق إحساس السحاب
بين لهفة الطين والشمس
لمت وراء ضهر الجبال
في عبها المهتوك شفق
آخر رمش في الدنيا من جفن النهار
والليل ملقيلا الطرف
سعف النخيل مال منتعش
بال الطفل يرقد على ضهر الرعد
يجمع مصابيح السماء التامنة ويطش
لو يلقى راس رسن الزمن
ديك لحظة ما كانت تمش
شان يندهش
كدت أن أقول ان شاء الله اللحظة دي ما تمش...عشان أبقى كما أنا الآن مندهش و سعيد للحد الذي أكاد أن أبدي كل ضعفي أمام زملاء العمل و (أجوعر)...لكن لا بد أن يمر الزمن و يتجاوز محطات و لحظات السعادة هذه و لكن باذن الى محطات أخرى أكثر سعادة طالما نحن دائما تامين و لامين...و حوشك واسع و بابكم مفتوح و قدحكم عامر ووشوشكم باشة وهاشة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
اتصال سريع منى بكل من قيس جمال الدين
وكمال الشادى
طمعانين فى (الحلاوة)
بتاعت الباسويرد الجديد
قيس فى الشارع
لكن داخل ليكم خلال لحظات من اقرب انترنت كافى
كمال الشادى قضى الليل معافرا لتنزيل شعار الميل الجديد
انا والأشواق تسجيل جديد كرت
فى المكتب ما قدر
الراجل طلع من المكتب ماشى البيت
حيث الأمكتيات الصوتية والتقنية اعلى
كان ما حصل الميل ده
وانتو بطريقتكم دى اكيد ما حاتدوهو فرقة يحصل
فموعده مع شعار الميل الاول
فى الفورة الجديدة
ولكن له (اى كمال الشادى )
امانة فى عنقى عبارة عن مساهمة ومداخلة اقتصادية شحمانة
نوردها فيما يلى كتنويه اول يا صالح تبلدينا
ونتوقع ان يرعاها كمال وصالح
ببوست خاص فى المنبر الجديد لأهميتها وحيويتها
ليس عند الكل بطبيعة الحال
ولكن عند العديدين
الى مداخلة كمال الشادى السمينة (زيو)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
يا منصور أرغب أن يبدأ الميل ال 100 بما سوف أطرحه عليك هنا لاني
أحلم أن يتحول هذا الرابط الوجداني العظيم بين كل الزقازيقيين إلى قوة حياتية ضاربة تؤثر في حياتنا وتحولها إلى ألافضل إنشاء الله
ارغب أن يبدأ الميل ال 100 بما سوف أطرحه عليك هنا لاني
أحلم أن نضيف إلى إجترارنا ذكريات الامس في الزقازيق واقع جميل
يعطينا الرفاهية فيما تبقى من عمرنا ويسعد أولادنا إنشاء الله
هل يمكن أن يبدأ الميل ال 100 بما سوف اطرحه عليك هنا يا منصور؟؟؟
كمال الشادي
شركة الزقازيق القابضة
هي شركة قابضة تضم في داخلها العديد من الشركات المتخصصة في مجال عملها .
كل شركة متخصصة تنفذ العديد من المشاريع العملاقة داخل وخارج السودان في نطاق تخصصها .
يدير كل تلك الشركات مدراء تنفيذيين على مستوى عال من التأهيل والخبرة العملية وكلهم خريجي جامعة الزقازيق.
تضم الشركات المتخصصة ( شركة مقاولات ضخمة ، شركة تطوير عقاري ، شركة زراعية ضخمة ، مصانع للأدوية ، عدد كبير من المستشفيات المتخصصة في كافة إرجاء السودان ، مركز أبحاث زراعية وبيطرية خاص بالمجموعة ، شركة تعليمية تضم أحدث وأفخم المدارس الخاصة العاملة في السودان بالإضافة إلى عدد خمس جامعات في أقاليم السودان المختلفة ، بنك استثماري ضخم ، شركة استشارات مالية وقانونية ، شركة دعاية وإعلان عالمية اللمسات والمستوى ، )
(1) الفكرة :
إنشاء شركة مساهمة مغلقة باسم شركة الزقازيق .
(2) المساهمين :
المرحلة الأولى خريجي جامعة الزقازيق ، وفي مرحلة لاحقة ( غيرهم ) .
(3) Mission
مشوار الميل بيدأ بخطوة
(4) الاهداف – Objectives
- الارتقاء بالحياة الفردية لخريجي جامعة الزقازيق وعوائلهم وأولادهم .
- توفير فرص عمل وحياة راقية داخل السودان في الشركات المندرجة تحت شركة الزقازيق القابضة لكل من زقازيقيي المهجر ، ووضع أسس مبرمجة ترعاها الشركة لكيفية العودة الطوعية وتوفير المسكن والوظفية وكل متطلبات الحياة لزقازيقيي المهجر.
- توفير خدمات حياتية راقية لكل مساهمي الشركة ( وظيفة – مسكن – علاج – تعليم للاولاد – اجازات – معاش تقاعد – معاش بعد الوفاة لا سمح الله ) .
(5) مرحلية التنفيذ :
بسييييييييييييييييييييييييييييييييييطة جداً
- الشباب في السودان يسجلون الشركة ( شركة مساهمة عامة مغلقة ) حسب الإجراءات في السودان.
- يتم إخطار كافة الزقازيقيين بخبر إنشاء الشركة ودعوتهم للمساهمة فيها.
- تحديد قيمة السهم .
- تحديد القنوات الرسمية للشراء .
(6) المشروع الاول :
الوصول إلى تلك القمة ( شركة الزقازيق القابضة ) يمكن مرحلته على النحو التالي :
حسب خبرتي العملية أعتقد أن هناك الكثير من مجالات العمل التي من الممكن أن تكون ناجحة جداً ومثمرة ومن الممكن أن نستغل فيها الخبرات العملية العالية التي كسبناها خارج السودان.
يتزامن ذلك مع ما يمر به السودان حالياً من نمو اقتصادي ، الدولة أية دولة في المرحلة الحالية تحتاج إلى المشاريع المسماة بمشاريع البنية التحتية ( Infrastructure Projects ) .
الشركة الاولى أو النشاط الاول للشركة هو الاهم لان نجاح الشركة الاولى أو المشروع والمشاريع الاولى هي التي تمثل دعامة إقتصادية لبقية المشاريع واساساً لها كما نجاح الشركة الاولى يمثل إرتكازاً معنوياً تحتاجه الشركة ويحتاجه جميع المساهمين فيها ، كما نجاح الشركة الاولى يخلق سمعة للشركة ( Word of Mouth ) تسهل عملية بيع باقي الاسهم المطروحة أو حال طرحها.
حسب خبراتي العملية وتجاربي الخاصة فإن الشركة الاولى يمكن أن تكون شركة مقاولات معمارية ( Real Estate Construction Company ) ، وذلك لعدة أسباب :
1- المعدات ( العملية ) المطلوبة لانشاء هذه الشركة ( وهذه يحددها المهندسون خريجي الزقازيق ) ولكن من واقع خبرتي فإن تلك المعدات يوجد منها الكثير في العالم في شكل تجمعات مستعملة ( Used Equipments ) وفي مدينة جده يوجد اشهرها في السعودية ، هذه المعدات بالمقارنة بعائدها من عملها في السودان فإنها تعتبر رخيصة جداً ( وهي في الأصل رخيصة ) مقارنة بسعرها وهي جديدة.
2- يمكن شراء معدات كاملة لشركة مقاولات بسعر يمكن جمعه من خلال بيع أسهم الشركة الاولى.
3- لا تشتري الشركة تلك المعدات إلا بعد الحصول على مؤشرات إيجابية ووعود قوية من ( الشباب في السودان ) على وعد بالحصول على ( مشروع – مناقصة ) محترمة من الدولة ، وأعتقد أن الزقازيقيين داخل الحكومة يستطيعون توفير ذلك.
4- الحصول على ( مشروع – مناقصة ) من الدولة على تنفيذ مشروع ما يفتح الباب امام الشركة على مصراعيه على إمكانيات ( التمويل ) وهذا شق مهم على نجاح المشاريع . ( وهنا الدعوة للشباب أصحاب الخبرة في المفاوضات مع البنوك والجهات الائتمانية فيما يخص التمويل )
5- تحتاج الشركة إلى مدراء أفذاذ في ( هندسة التمويل ) وهو علم جديد تقوم عليه اعتى الشركات في العالم حالياً ، مهمتهم إستلام التمويل الاولى والخروج بالشركة بمشروعها الاول إلى بر الامان .
6- لو شاء الله تعالى وكتب النجاح للشركة في مشروعها الاول فالمرحلة اللاحقة لذلك هي قيادة عمل الهندسة والمقاولات في السودان من خلال الرؤي والخبرات التي إكتسبها الجميع خارج السودان.
7- كل الإمكانيات المادية المتاحة للشركة في نجاحها تصب في إنشاء شركة أخرى ذات تخصصات مختلفة مختلفة تدار بنفس الاحترافية العالية التي تدار بها جميع الشركات الاخرى.
8- شركة المقاولات بالتعاون مع شركة التطوير العقاري ، يمكنهما عمل تصور رائع لآلية مجدية ومربحة لكيفية توفير ( كمباوند ) أو مدينة مصغرة نسميها الزقازيق تضم بالاضافة إلى فيلا راقية لكل شخص تضم كل الخدمات الراقية التي نحلم بها إنشاء الله. وكيفية تمليك كل زقازيقي مسكنه بيسر وبآلية زمنية لا تجحف حق آحد .
كل من يري فيما كتبت و أسهبت أضغاث أحلام فإن سنين الخبرة ( سنين الغربة للمغتربين – وسنين الصبر للذين داخل الوطن ) لا قيمة لها !!!!!
دعونا ( نخلط ) كل الخبرات الزقازيقية هنا للخروج بحياة راقية لنا فيما تبقى من عمرنا ولأولادنا لأنهم يستحقون ذلك.
كمال الشادي © 2009 Microsoft Privacy Terms of use
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
| Quote: لكم التهانى جميعآ ...وشكرآ يا عيد وميسرة على الابداع. |
أود هنا أن أشيد بفنان الفوتو شوب محمد عيد
والراجل له موهبة وملكة طيبة وحسن إبداعي وإخراج
في منتهي الروعة ،،،شكراً يا عيد لهذا الجهد الخرافي
وصدقوني يا جماعة نحن إشتركنا معاهو بس تعبنا والراجل
كمل المشوار وأصبحنا أنا ومدام منى يونس نستلم العمل عن
طريق الإيميل ونبدى ملاحظاتنا فقط ،،بحكم أننا درسنا الفوتو شوب كاملاً
لكن الموضوع والله عايز شوية صبر وجهد مقدر جداً وللحقيقة وأقولها صراحة
لم أستطع أن أكمل الشموار الطبيقي معه .
شكــــــــــــــــــراً محمد عيد يلا يا شباب حيو معي هذا الفنان المبدع
أود أن أنويه بشكل ضروري لنفعل مسابقة معرفة أطفال الزقازيق ولنتعرف عليهم وهناك جائزة حقيقية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
ألف مبرووووووووك الوصول للصفحة المائة
وجهد مقدر من ناس الزقازيق
أشكر جميع أخواني وأخواتي الذين
رحبوا بقدومنا من الباب وشكراً
للجميع وأخص بالشكر برايات الموقع
زينب وإبتهاج وفي إنتظار نجاة
التنئة حارة ونحن نطفئ الشمعة الأولى
وكل الشكر للشاب الفنان المبدع محمد عيد
فنان الفوتو شوب الزقازيقي الأول إنت الريس ونحن تلاميذك
| |
|
|
|
|
|
|
|
|
 Re: ناس الزقازيق ... أجدع ناس .. (Re: ميسرة سيد أحمد)
|
محمد عيد
ميسرة
منى يونس
ان شاء الله يوم شكركم ما يجى
بالنسبة للمسابقة
قربوا لينا الصورة شوية
ولو ممكن تكتبوا اسم كل زول تحت صورته
انا حا اجاوب ليكم على الأسئلة كلها
ههههههههههه
يا ربى الوش البيضحك داك وين ؟؟؟
ندوس اى حاجة يمكن تظبط
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
إستعدادات الإحتفال بالمئوية على الهواء مباشرتن:
مكالمة مع الريس ميسرة و الذي لا يظهر بالطبع في الصورة لكن رقمه ظهر حتماً في الموبايل :
ثم تنفيذ فوري لأوامر سعادة الريس بإعداد كلمة بمناسبة المئوية ..
و بعد ذلك متابعة بإستمتاع لفعاليات الإحتفال ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
مراحب ألف بجميع الفضليات و الأفاضل من الزقازيقاب الذين أنضموا إلينا في حوشهم و دارهم الرحبة و عقبال جميع ناس الزقازيق ..
فحبابكم ألف .. و اهلاً حللتم .. و سهلاً نزلتم .. و يسعدنا حقاً وجودكم بيننا و تواصلنا معكم ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
لم أستطع أن أتداخل معكم لأشكر المهندس بكري أبوبكر و زهير الزناتي من بعدة على الباسورد فلهم مني كل الشكر و التقدير....
كما وفاتني أن أشارككم هذه الاحتفالية الرائعة بقيادة الفنان محمد عيد و الريس ميسرة و منى يونس..لقد أتحفتمونا بفنكم الرائع..فلكم منا جميعا الشكر والتقدير...
ليجمعنا الله دوما على الخير و المحبة و مزيد من التعاضد و التآذر و التآخي...
الشكر لعصام دهب صاحب الحوش الذي خلق كل هذا التواصل ولعبد الحميد البرنس صاحب الفكره...
أردت أن أشارك ولو بالنذر اليسير في احتفاليتنا بالمئوية...و لا شك ان القادم أحلى
مع مودتي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
شكراً يا اهل الزقازيق المبدعين مرحب بالقادمين و ان
انشاء الله بيكم نصل للهدف المليون من خلالكم نحقق كل
ما نصبو إليه .
أكرر شكري يا ود عيد فأنت ملهم بالابداع .
الاستاذ كمال محمد الحسن الفكرة رائعة و كبيرة من
إنسان قامة فأنت لخصت مجموعة نقاشات و مدولات كنا
بصدد البوح بها و انشاء الله سوف ترى مقترحاتك النور
طلما انت تتحدث عن الزقازيق اهلها الأصفياء الاوفياء
فمشروعك له النور قريبا فإلي الأمام .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
Quote: زوجك الغالي
لاوسطى حراجي القط
العامل في السد العالي |
دا في العرف بتاع سودانيز اسمو كسير تلج
ولكن ولمعرفتنا التامة بالمادح والممدوح فهو حديث القلب للقلب
مبروك الاستقلال يا نجاة ... ويلا ارمي قدام وخلي وراء للرشيد ملبقصر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
الأخت نجاة حوفي
منورة الحوش والله
ومبروك الإستقلالية
ويكفيك هذا الترحيب الجميل من أخونا الرشيد... والله أنا بعجبني جنس البوح دا شديد... حتى لو كان (كسير تلج) على رأي جلال
___________________________
أجمل ما الصفحة إنها رجعت لينا شاعر البوست ( ياسر نجيلة )
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
زمان محمد صديق قال أعملوا حسابكم من اللفحي
أنا الليلة عملت ليكم لفحي ما حصل قبل كده
ذهبت البيت ومعي الأولاد من المدرسة ،،،،
وجدت اللاب توب مفتوح على بوست ناس الزقازيق
جلست عملت مداخلة سريعة ،، بس عند قراءتها وجدتها
بإسم منى يونس ،،، مسحتها عملت مداخلة مره أخرى ووجدتها
بإسم منى يونس وبرضو مسحتها يا ربي الحاصل شنو يكون بكري
ده عارف المدام دي من طرفنا كيف دخل إسمي مع إسمها ولكن فاتت
على فطنة القارئ بأن البوست المفتوح هو بإسم منى يونس والباسويرد
ده حقها ،،،،، يخلق من الشبه أربعين
يظهر إننا حنتعب شوية وزمان كانت لنا الإحتكارية هذه من سلبيات أكثر من
باسويرد في مكان واحد ،،،عملتوها فينا يا زهير الزناتي
الواحد بعد ده يفتح عيونو وكويس .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
و من أختنا و زميلتنا الزقازيقابية الفاضلة / أحلام مختار ( علوم ) تلقيت هذه الرسالة الطيبة :
Quote: الاخ الفاضل عصام دهب وكل ناس الزقازيق الرائعين
السلام عليكم ورحمة الله
تعجز المفردات عن التعبير . . لكم كل الود وانتم تترجمون معاني الوفاء لذكرى
ايام الزقازيق الجميلة
ومبروك المئوية ومزيد من الجمال
تحياتي لكم جميعا وسعيدة اني منكم
تحايا خاصة لعفاف وابتهاج وزينب ونجاة ومنى واتمنى ان التقيكم جميعا
تحياتي لك ايها الاستاذ الفاضل ولاسرتك الكريمة
احلام مختار
علوم الزقازيق 1991 |
و ألف تحية و سلام حباب لأختنا / أحلام و نتمنى أن يستمر تواصلها مع أهلها في قبيلة الزقازيقاب و أن نراها قريباً و كل أهلنا الزقازيقاب في حوشهم العامر بهم .. فأهلاً حللتي .. و سهلا نزلتي .. جيدن جيتي و قنبي طولا ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مشاركة منا في معرفة الولاد - أطفال ناس الزقازيق -
1- زهير الزناتي
2- مشكاة
3- نجاة حوفي والرشيد
4- عناب وعذاري
5- زينب التجاني
6- من السودان تبع ناس منصور
7- محسنة
8- محمد عيد
9- شايفه قبل كده
10- مألوف جداً
11- يشبه لي واحد بعرفوا
12- جلال عثمان
13- البرنس
14- عفاف وممكن حاج الركز
15- منذر
16- ما متذكر
17- تعبت
مين يكمل ........
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
حسب الاتفاق مع مدير برنامج الاحتفال ..الحبيب عيد
ستكون المداخلة القادمة ...قصة قصيرة ......من
القصص القديمة ...نُشرت بصحيفة الشارع السياسى فى
العام 2000..واُعيد نشرها بصحيفة الصحافة فى العام
2008...
هى مشاركة متواضعة فى هذه الاحتفالية ...مهداة لجميع
الاحبة ...وعلى نحو خاص مهداة لمبارك جادين..بمناسبة
عيد ميلاده ال 55...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: يا عيد الصور بالنسبة لي معروفة عشان كده حا أدي زول تاني الفرصة.. غايتو واضحة ، خاصة الزول الغياظ بتاع العمة دا ...
وانا كمان. |
و أنا ذاتي...حتى الزول اللذيذ جمب الزول الغياظ بتاع العمة عرفته...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
وفقاً لما تم الإتفاق عليه مع الأخ / بكري ـ و حيسب فهمي المتواضع ـ يا ريس أن صفحات هذا البوست ستكون مائة صفحة أي أن المداخلة رقم ( 9999 ) ستكون المداخلة الأخيرة في هذا البوست ، و عقب ذلك سيتم تحويل البوست إلى منبر ناس الزقازيق ..
وحفاظاً على وجودنا في المنبر العام و عقب تحويل البوست سيتم فتح بوست جديد في المنبر العام بإسم ( ناس الزقازيق أجدع ناس ( 3 ) ) بحيث يبدأ البوست المزمع إفتتاحه بالمداخلة رقم ( 1 ) ..
ما لفت نظري و أسعدني حقاً أن عدد المداخلات في هذا البوست فقط ـ دون إضافة المداخلات التي وردت في البوست الأول ـ هي الأكثر تقريبا من بين جميع المداخلات في بوست واحد على مدى تاريخ سودانيز أون لاين ..
تخيلوا لأكثر من أحد عشر ألف و سبعمائة مداخلة ـ في البوستين ـ ليس فيها كلمة واحدة جارحة أو خادشة أو محرجة !! كل مداخلة مترعة بالأحاسيس الصادقة و المشاعر الجياشة و الأفكار النيرة و حتى الممازحات البريئة .. يا لكم من رائعين حقاً ..
هذا الإنجاز بالطبع يجيّر لناس الزقازيق أجمعين سواء كانو من أعضاء المنبر أو غير الأعضاء ممن شاركونا برسائلهم عبر الإيميل ..
كونوا كما أنتم و أروع ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
سلامات يا ناس
مازال السقف يعلو ويهبط
مدخل
من يبيعني تجربتي باغنية ...... وحكمتي برقصة في الطريق
,,وليم بليك,,
تذكر الان وبدقة فقرة في الخطاب الذي ارسلة صديقك الشاعر من الغربة (يشاركني غرفة الغربة طارق) من الخرطوم و (محمد ) من مدني و (ابو بكر ) من الابيض وهم اشخاص عاديون اعجبك الوصف لم يكن من الصعب عليك ان تتخيل كيف يكون هؤلاء الاشخاص عاديين .. اواي شخص اخر .. خاصة اذا جاء الوصف من شخص مسكون بالابداع والشفافية .. هاهو الوصف يعود اليك مرة اخري من جديد .. وصف زملاء الغربة , غير ان الوصف هذه المرة ليس لاشخاص .. هذه المرة الايام هي العادية .. ها انت مستلق علي ظهرك وسيجارتك مضي اكثر من نصفها تحدق في السقف الذي يرتفع امام عينيك ثم يعود ليستقر الي وضعة الاول ثم لا يلبث ان يعاود الكرة ثانية .. مؤكد ان حركة السقف علوا وهبوطا كانت لا تعنيك في شئ .. اكثر ما كان يتجول بخطي حثيثة في رأسك هي حكاية ان الايام عادية ولا يجد غيرك صعوبة في فهم او تخيل كيف تكون ايامك عادية رغم ان دواخلك لا يسكنها الابداع اما الشفافية فصفة لا تستطيع ان تلصقها بدواخلك او تنفيها .. دائما تقول لنفسك بأن عادية الايام هي التي تدفعك الي ان تجدل حبلا من السأم والملل تعلق به نفسك كل يوم وتمارس عادة التدخين بشوق حميم .. اين زمان الدهشة .. ؟ زمن المفاجآت والترقب ؟؟ سؤال لا تجد كبير عناء في التوصل الي اجابته .. ذاك زمن كان ,, غيبية ايامك العادية هذه .. اعماقك تنكر ايامك هذه .. كأنما الحاضر لا يعنيك او بالاصح لا يعجبك .. دائما تردد قول الشاعر الذي مات وهو يلعن حاضره .. وكان يتمني لو تمكن من الرجوع الي ايامه الاولي بل ذهب اكثر من ذلك حين عرض تجربته الواسعة والزاخرة لقاء يوم واحد من النقاء .. دائما تردد ابياته :
يومي عريان ...
يومي اقسي عريا من جزع الشجرة ..
فلاحفر في ماضي الايام
لعلي القي بعض الاعشاب النضرة
اذن فانت تعاني من ثنائية الماضي والحاضر .. الحاضر دوما دميم وكالح .. الماضي هو الزمان كل الاشياء الحلوة كانت .. كل الوجوه الحلوة كانت .. هل تعود ؟ سؤال بحجم الدهشة .. تشعل سيجارتك الثالثة وانت بنفس الوضع ومازال السقف يمارس هوايته في العلو والهبوط وانت لا يعنيك ذلك .. كان بالامكان ان تكون لك زوجة واولاد لو انك وافقت علي الزواج من تلك المرأة الغنية وقتها كانت الشابة الغنية – لم يكن ذلك ممكنا .. انت لا تؤمن بالزواج من غير حب كنت دائما تردد في سرك (جُننا بليلي وجُنت بغيرنا واخري مجنونة بنا لانريدها ) وفي الحال تتحول الي كتلة من الضحك المتدحرج .. ربما كان يظنك البعض مجنونا لا يهم .. وتلك التي كنت تحبها ويحب ناقتها بعيرك .. ماذا جنيت من وراء حبها ؟؟ كنتما زوجين عاشقين .. زمن كان فيه الحب مباحا ورائعا .. كنتما في قمة الانسجام كذاك الذي ينشأ بين زهرة وغصنها او بين عطر وزجاجته .. لطالما جبتما شوارع المدينة الغريبة متماسكي الايدي والدواخل ولطالما شهدتكما مطاعمها الانيقة ومشاربها الراقية .. لم تتركا موضوعا لم تتحدثا فيه .. حتي شكل البيت واسماء الاولاد وطريقة تربيتهم وتعليمهم .. ماذا حدث بعد ذلك ؟؟
في ايامكما الاخيرة وبعد ان احسستما سويا بهذه الزهرة لا يٌفترض ان تكون بهذا الغصن وان هذا العطر كان يٌفترض وضعه بزجاجة غير هذي .. تذكرت ما قالة (احمد) بطل رواية ناظم حكمت (الحياة جميلة ياصاحبي ) (وسرنا ثلاثتنا سويا .. جنبا الي جنب انا وانوشكا والفراق ) وطار العصفور ,, وبقيت الشجرة بدون اوراق عارية مجرد جزع .. كجزع شجرة شاعرك الذي مات والحسرة علي الماضي الجميل لاصقة بحلقه .. وهنا ايضا تتحول الي كتلة من الضحك المتدحرج ثم تعود الي وضعك القديم وتشعل سيجارتك وتنظر الي السقف الذي ما زال يعلو وما زال علوه وهبوطه لا يعنيك في شئ .. يدخلك الماضي من كل الابواب وبعنف رياح الشتاء .. كأنما دواخلك ارض مشاع رياح الماضي شتوية الملامح تفتح دولاب تذكاراتك القديمة بشقيها الحلو .. والمر .. تتذوق طعم الحلو تتحسر علي ذهابه .. حتي المر منها لا يخلو من حلاوة شوقك يطير علي جناحين ابيضيين بغية التوحد بالماضي .. كنت احيانا تجاهد كي تستأصل الاشواق من قلبك .. تجاهد ان ترميها ببطن جب عميق .. تجاهد ان تنسي حلاوة روعة الماضي وقسوتها .. ولكنك دوما كنت تضبط الشوق الي ايامك الماضيات مخبوءا باوردتك وانت لم تزل تمارس تلك الافة والسقف يمارس هوايته .. صديقك المجرب كان يقول عليك بانك انهزامي كبير عاطل عن الحلم والتطلع الي الزمن الاتي .. تلوز بالماضي وتدفن نفسك داخله .. تقتات الذكريات وغير قادر علي صناعة الايام القادمات وتطويع الواقع وان مفهوم الجديد عندك هو المرأة وليس غيرها .. تختلف معه بالطبع اختلافا كبيرا وحقيقيا .. انت تري ان الانهزامية هي الجمود .. والتطلع والرجوع الي الماضي هو حركة وبشوق طبيعي الي السمو والتجدد والدخول في الاشياء الحلوة .. والحاضر يطالبك بالجمود بقيوده التي يحيطك بها وحتي 0هذه الاحلام التي يتحدث عنها الصديق لا يعطيك الحاضر مساحتها الممكنة وعدم الرضا عن الحاضر هو نوع من الرفض لرداءة الحاضر .. والرفض هو حركة عكس الجمود .. فليس ثمة انهزامية في كل ذلك .. نتفق معه في شئ واحد هو ان الجديد دوما إمرأة .. كيف لا ؟ والمرأة حياة بكاملها عالم ملئ بالحركة .. تيار مستمر ومتجدد دخولها اليك وانت تمارس رفض الحاضر كفيل بأن يرسم تلك الاحلام عن الايام القادمات والتي يتحدث عنها الصديق ولكن اين هىالمرأة ؟
تشعل سيجارتك الاخيرة وتقذف بالعلبة الفارغة الي السقف الذي ما زال يعلو ويهبط والذي لا زال علوه وهبوطه لا يعنيك فى شئ .
(عدل بواسطة محمد صديق on 11-08-2009, 01:35 PM)
(عدل بواسطة محمد صديق on 11-08-2009, 01:43 PM)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
ولا بد من ان نفسح مساحة مقدرة للضحك والفكاهة فى هذه الصفحة الأثيرة الأخيرة
وردنى عبر بريدى الألكترونى من زميلتنا العزيزة حنان عبد الرازق خطيب
هذه الأقصوصة الجميلة
التى فطستنى من الضحك
افطسكم معاى ؟؟
حاضر
ما مشيت لى حاجه (سعدية) ؟
- مالا عندها شنو ؟
- مش وقعت من (الركشة) وإتظلطت و(خيطو) ليها راسا تلاته (غرز) ؟
حوار عادى يمكن أن يحدث بين أى زوجين ... زوجه تخبر زوجها بأن جارتهم ترقد مريضة إثر حادث تعرضت له ، طيب أيه الغريب فى الموضوع ؟ أقول ليكم ... الغريب فى الموضوع أن زوجتى العزيزة كانت تخبرنى بهذا الحادث الذى تعرضت له (حاجه سعدية) وهى غارقة فى (الضحك) !!
- بتضحكى مالك ؟ ده هسه موضوع يضحك؟
- خلينى كدى أحكى ليكا وبعدين إنتا براك ح تعرف
وبعد أن أخبرتنى (حرمنا المصون) بالقصة لم أتمالك نفسى وإنفجرت فى نوبه من الضحك المتواصل كما (أتوقع أن يحدث لك ذلك عزيزى القارئ) وإليك القصة :
بعد أن إكتمل عدد المشتركات فى الصندوق (الماسكاهو حاجه سعدية) قررت أن تذهب لتسليمه إلى صاحبة (الصرفة الأولى) فقامت بوضع (القريشات) فى (كيس نايلون أسود) ولفها بعناية حتى لا يستبين ما بداخلها ثم أوقفت (ركشة)
- ماشه وين يا حاجة؟
- ماشه ليا يا ولدى لى ناس زيارة قدام محطة (جامسكا) فى الثورة !
وإنطلق سائق الركشة وهو مندمج مع الأغنية التى يبثها (المسجل) بصوت عال وأخذ شارعاً جانبيا ثم آخر حتى صار بعيداً عن شارع الظلط الذى من المفترض أن يسلكه مما حدا بحاجة سعدية أن تقول له :
- يا ولدى إنت ماشى بى وين؟ أنا بى هنا ما بعرف السكة !
- يا حاجه إنتى مش ماشه (جامسكا) ؟ أنا خلاص بوصلك !
إستمر سائق الركشة فترة من الوقت (يدخل بى زقاق ويطلع بى زقاق تانى) حتى توقف أمام أحد المنازل وقام بالضغط على البورى ففتح باب المنزل (3 ضلف) لتدخل الركشة وبداخلها (الحاجة سعدية) ! التى تفاجأت بوجود عدد من (الشباب) يلتفون حولها تفوح منهم رائحة (الخمر) و(الدخان) :
- يا وليداتى أنا (مرا كبيره) عاوزين منى شنو؟
- (مشيراً إلى طشت كبير) : ما عاوزين منك شئ يا حاجه بس نضفى لينا (
الكمونية) دى !
كان الطشت (مليان لى عينو) بالمصارين و(الكرشة) و(العفشة) ، وضعت (حاجه سعدية) الطشت أمام (الماسورة) وهاك يا (نضافة) ، على الرغم من أن كمية (الكمونية) التى فى الطشت من الواضح انها لأكثر من (بهيمة) إلا أن (مهارة) حاجه سعدية قد ساعدتها فى إنجاز المهمة فى وقت قياسى مقداره ساعتان بالتمام والكمال !
- (وهى تستعدل ثوبها) أها يا وليداتى رجعونى حتتى !
- (أحدهم يناولها كيس أسود) : يا حاجه معقولة تفكينا (عكس الهوا ) كده وتمشى؟ يعنى (الكمونية) دى ناكلا (نيه) ؟
قامت حاجه سعدية بفتح الكيس الذى يحتوى على (الفحم والبصل والصلصة والبهارات) ، جلست على (البنبر) المتآكل من جديد ، (ولعت نارا) وبدأت فى (حش البصل) ثم (دق التوم) والفلفل
- أها يا وليداتى ... لى (الصلصة) كبيتا ليكم فيها ... خلاس ودونى لى اهلى الواطه (فللت) !
- خلاس يا حاجه تعالى أركبى نوصلك
على مشارف الحى قام سائق الركشة بإنزال (حاجه سعدية) التى إتجهت صوب منزلها بينما انطلق (السائق) عائداً إلى ( شلته)
- مالك يا حاجه إتأخرتى وجايه (فترانه) كده ؟
- كيفن ما اجى فترانه وتعبانه ؟ ومنضفه (كمونية) الدنيا والعالمين !!
- أجى (كمونية) شنو ياحاجة ما قلتى ماشة تودى قروش (الصندوق) الوداك للكمونيات شنو ؟
وبعد أن قامت حاجه سعدية بسرد (الحكاية) وسط دهشة الحاضرين خاطبتها حفيدتها (الطالبة) قائلة :
- والله يا حبوبه بركه البقت على (الكمونية) مع الحاجات البنقراها فى الجرائد دى !
لما كان من الضرورى تسليم مبلغ (الختة) لصاحبتها فقد قامت (حاجه سعدية) بإرتداء ملابسها فى عصر اليوم التالى ثم قامت بوضع (القريشات) فى (كيس نايلون أسود) لفته بعناية حتى لا يستبين ما بداخله ثم أوقفت (ركشة)
- ماشه وين يا حاجة؟
- ماشه ليا يا ولدى لى ناس زيارة قدام محطة (جامسكا) فى الثورة !
وإنطلق سائق الركشة بالشارع الرئيسى الذى بعد أن تحرك قليلا وجده مغلقاً فى منتصفه بسبب بعض الإصلاحات فإضطر إلى أن ياخذ شارعاً جانبيا ثم آخر وعندما إنتبهت (حاجه سعدية) إنو (الشوارع ما ياها) قذفت بنفسها من الركشة وهى تصيح :
- وحات الله ما بقدر على الكمونية تااانى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا كوتش يديك العافية...فلقد جعلت سقف غرفتي يعلو و لا يهبط...و طيرت علي نومة العصرية...من حسن حظي انني قد رميت آخر علبة سيجاير منذ يومين و عازم على أن لا أملك واحدة أخرى...من أين لك بهذه المفردات يا صديقي....أسجل اعجابي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
تجري العزيزة نهلة نجم الدين الأمين العام للجمعية عملية جراحية بمستشفي فضيل بشارع الحوادث شمال مستشفي الخرطوم يوم الأربعاء القادم الساعة الثامنة صباحاً .. نتمني لها دوام الصحة والعافية .. وأن تكلل العملية بالنجاح الباهر ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: تجري العزيزة نهلة نجم الدين الأمين العام للجمعية عملية جراحية بمستشفي فضيل بشارع الحوادث شمال مستشفي الخرطوم يوم الأربعاء القادم الساعة الثامنة صباحاً .. نتمني لها دوام الصحة والعافية .. وأن تكلل العملية بالنجاح الباهر .. |
صادق الأمنيات للزميلة نهلة نجم الدين بعاجل الشفاء
وانشاء الله أجر وعافية ..
محمد عيد ..
تقريبا عرفت أغلب الصور ولو اشتركت حأفوز لكن طبعا احتراما للسناير ما حاشترك وحأخلي الفرصة ليهم عشان ما يقولوا علي برلوم خفيف ولفيف ...
الشكر مجددا لكل من رحب بوجودي لهم مني جميعا الود والتقدير ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
سلامات يا ناس
| Quote: يا كوتش يديك العافية...فلقد جعلت سقف غرفتي يعلو و لا يهبط...و طيرت علي نومة العصرية...من حسن حظي انني قد رميت آخر علبة سيجاير منذ يومين و عازم على أن لا أملك واحدة أخرى...من أين لك بهذه المفردات يا صديقي....أسجل اعجابي |
رشيد يا حبيب ...لك الشكر والمودة...
سطورك هذى شهادة اعلقها فوق صدرى...
شكرآ يا جميل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
| Quote: تجري العزيزة نهلة نجم الدين الأمين العام للجمعية عملية جراحية بمستشفي فضيل بشارع الحوادث شمال مستشفي الخرطوم يوم الأربعاء القادم الساعة الثامنة صباحاً .. نتمني لها دوام الصحة والعافية .. وأن تكلل العملية بالنجاح الباهر .. |
للعزيزة نهلة كل الدعوات الطيبات بأن تكلل العملية بالنجاح المطلوب
وان ينعم الله عليها بالشفاء الكامل.
ناس الداخل ...خليكم قريب .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
صادق الدعوات نبتهل بها للمولى عزّ و جل و نسأله و هو السميع المجيب أن يكلل عملية / أختنا و زميلتنا الفاضلة / نهلة نجم الدين بالنجاح التام و أن يجعل لها بها شفاءاً من كل سقم ، يغدق عليها بفيوض الصحة و العافية و أن يحفظها بحفظه و عنايته ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
سلام منعنع لاجدع ناس
والتهنئة موصولة لكل من اهدانا هذه الاميال الضخمة من المودة والالفة والذكريات .... شكرا جزيلا
والف مبروك اكتمال القمر
سامي الطاهر احمد
تجارة الزقازيق 1987
[email protected]
Quote: صادق الدعوات نبتهل بها للمولى عزّ و جل و نسأله و هو السميع المجيب أن يكلل عملية / أختنا و زميلتنا الفاضلة / نهلة نجم الدين بالنجاح التام و أن يجعل لها بها شفاءاً من كل سقم ، يغدق عليها بفيوض الصحة و العافية و أن يحفظها بحفظه و عنايته ..
|
| |
|
|
|
|
|
|
|
|
|
Re: ناس الزقازيق ... أجدع ناس .. (Re: dabeep)
|
ونحن نودع هذا المقام يستوجب علينا توجيه الشكر الجزيل للمهندس / بكرى ابوبكر لافضاله الكثيرة التى
طوق بها أعناقنا وتلبيته لكافة رغباتنا وطلباتنا ونقطع له العهد بأن نكون نبراسا حقيقيا لهذا الموقع الجبار ..
والتحية تتهادى اليكم جميعا ايها الرائعون الذين جعلتم لحياتنا بعثا " جديدا .
ادام الله مودتنا ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: [ مَنْ جَلَسَ فِي مَجْلِسٍ فَكَثُرَ فِيهِ لَغَطُهُ- حصلت منه أخطاء وزلات في الكلام- فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ سُبْحَانَكَ اللَّهُمَّ وَبِحَمْدِكَ أَشْهَدُ أَنْ لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ إِلَّا غُفِرَ لَهُ مَا كَانَ فِي مَجْلِسِهِ ذَلِكَ]رواه الترمذي وأحمد .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: فترة الدراسة بجامعة الزقازيق كانت فترة محدودة بدايتها اوائل السبعينات ونهايتها اوائل التسعينات ولكن هذه الفترة ليست فترة عابرة وانما كيان حقيقى لجسم حقيقى لمجموعة من الطلاب السودانيين درسوا خلال هذه الفترة .
والملاحظ لهذه الحقبة انها ظلت تقاوم الاندثار وتأبى الا ان تصمد حتى تفجرت ثورة انطلقت شعارات ترددها القلوب فى هذه الرابطة التى ولدت راشدة ويرجى منها الكثير .
والباحث فى هذه الفترة يجد فيها سرا" دفينا" كسر الصوفية والاقدار الربانية حيث تنادت ارواح هؤلاء وتجمعت وتطابقت على غدير ماء زلال وهذا التطابق الروحى تستشفه من تطابق الاسماء للمجموعة التى كونت جزء من هذا المجتمع ففى يوم من الايام مثلا" محى الدين على يوسف شخصى كثيرا" ما يجد بريدى طريقه ليد الاخ محى الدين عابدين يوسف ، وهذا بالاضافة الى محى الدين بلال ومحى الدين تجارة دفعة 85 م ومحى الدين اسحق تربية ومحى الدين عبدالستار .
كما نجد المحاميد فى احمد طراوة واحمد ادم بخيت واحمد الفيصل واحمد محمد اسماعيل واحمد اسماعيل كتوكو واحمد عوض واحمد السيد واحمد الطيب جاد السيد واحمد عزمى واحمد السني واحمد الامين واحمد حمد النيل واحمد عبدالله واحمد الامين والامين الجميعابى والامين صديق والامين كوستى .
وكذلك نجد محمد ابراهيم ادروب ومحمد حامد سليمان ومحد حامد تبيدى ومحمد عثمان ومحمد الفاضل ومحمد احمد حسن ومحمد حسب الرسول ومحمد حسن البرلوم ومحمد ادريس ومحمد الحافظ ومحمد الهادى ومحمد الفاتح ومحمد عبدالباقى ومحمد المصطفى ومحمد صديق تربية ومحمد المبارك ومحمد عبدالقادر ومحمد على جمعة ومحمد رضا ومحمد عطية ومحمد شمس الدين ومحمد وداعة ومحمد الحسن ومحمد احمد ود المكى ومحمد احمد رحمة ومحمد احمد بشير ومحمد باك السجن ومحمد ابراهيم ومحمد احمد تربية ومحمد عبدالسلام ( رحمه اللله ) ومحمد صديق تجارة ( رحمه الله ) .
حتى الذين رحلو عن دنيانا مبكرين ، بكرى ابو سنينه وبكري زراعة ( عليهم رحمه الله ) رحلوا فى يوم واحد الى جنة الخلد انشاء الله آمين .
نجد كذلك التطابق يتجلي فى ابناء عطبرة العوادل عادل الحسين وعادل ود الجعلى وعادل ود البيه وكذلك عادل كرداوى وعادل الزاكي وعادل شهونة وعادل بابا وعادل النمير وعادل كنجول وعادل محمد خير وعادل سيداحمد وعادل عبدالرحمن الشاعر وعادل عبدالقادر حقوق وعادل بلة وبلة نافع
نجد كذلك ابراهيم هبانى وابراهيم سليمان وابراهيم الامين وابراهيم على ابراهيم وابراهيم محمد على وابراهيم عبدالمجيد وابراهيم عثمان وابراهيم بابكر وابراهيم فــش وابراهيم جوقان .
وهذا التطابق ينسج خيوطه بصورة شاعرية فى الحنان الذى انكب فى حنان الخطيب وحنان مجمر وحنان طب وحنان مكى وحنان الباهى وحنان ام ضوا" بان وحنان قرض وحنان على علوم وحنان عبدالجليل وحنان تجارة اخت منى والحنين الامين والحنين تجارة وحيدر حنين .
والاقبال فى اقبال على واقبال محمد علي واقبال عبدالخالق واقبال بليه واقبال برلومة تجارة واقبال سليمان تربية 85م واقبال سيداحمد بيطرة .
والامانى فى امانى عراقى وامانى دفع الله وامانى احمد سيداحمد علوم وامانى عباس ومنى ناصر ومنى عباس ومنى منور ومنى عوض ومنى احمد يونس ومنى عبدالمنعم تجارة والمها فى مها صالح ومها صلاح وناهد تجارة وناهد امين وسلمى خالد وسلمى احمد البشرى والامال فى امل جاد الرب حقوق وامال محمد الحسن الشاعرة وامال بنجاوى وامال محمد عزالدين زراعة .
والعطايا فى عطيات بكرى وعطيات حامد ونوال البلول ونوال حامد والاخلاص فى اخلاص عبدالله واخلاص عبدالقادر واخلاص مهدى واخلاص عبدالباقى واخلاص بابكر معهد تجارى وعائشة زراعة وعائشة اداب وعائشة بخيت .
كما نجد عصام دهب وعصام جلي وعصام الاحمر وعصام الاخدر وعصام احمد محمد وعصام سيكولوجى وعماد لوفة وعماد الدناقلة وعماد كسلا وراشد احمد راشد وراشد عبدالله احمد ونور الدين عبدالقادر تربية ونورالدين عبدالقادر اداب ونور الشام ونورالهدى ، وتيسير ولد تربية وتيسير بت اداب وبدرالدين حقوق وبدر الدين تجارة .
ونجد كل الجمال متمثلا" فى جمال السنوسي وجمال علي وجمال امدرمان وجمال فارح وجمال محمد زين وجمال دفعة وجميلة الطيب .
والشرفاء شريف حسين الشريف وشريف عباس الشريف وشرف اداب وشرف الجعلى ومجدى احمد عباس ومجدى حسين ومجدى النعيم ومجدى ابو شامة حقوق ومجدالدين وناجى الرسام وناجى الطويل ومكى قسم الله ومكى محمد خير ومكى احمد عباس ومكى جاكسون ومكى محمد احمد وسامى عبدالوهاب وسامى الطاهر وسامى جمال وسامية اسماعيل وسامية اللعوتة وصديقتها سلوى عثمان عبيد وسلوى اداب وعباس جبرالله وعباس ابو سن وعباسى محمود .
والعمراب فى عمر الفنوب وعمر عوض خالد وعمر نملة وعمر ابـ T وعمر عبدالله طب وعمر كشاح وعمر محمود والشهيد عمر فداسى ( رحمه الله ) ونجد يوسف بشير ويوسف الزبير ويوسف عبدالله خالد ويوسف حقوق وسعد محمد سعد وسعد ابو قرون وسعيد الضو حامد وسعاد عبدالرحمن .
والخوالد فى خالد محى الدين وخالد دفع الله وخالد معهد تجارى وخالد ابو الفتوح وخالد القاضى وخالد يس وخالدة قسم البارى وخالدة رمضان ( وخالدة ابراهيم زقازيقية لانها زوجة محى الدين على يوسف كاتب الموضوع ده ) .
نجد هويدا عوض الكريم وهويدا حقوق وهويدا عبدالله رحمة وهويدا محمود حافظ ( عليها رحمه الله ) ونجد ايضا زبيدة حسب الرسول وزبيدة تربية وكوثر داؤد وكوثر مصطفى شقاق .
نجد عبدالدايم النضيف وعبدالدايم الوسخان وجلال برتبيل وجلال الوديع وجلال تربية والسمؤال عوض السيد والسمؤال تجارة والسمؤال ابو سن .
وحسن بري وحسن عطيه وحسن شطة وحسن طبلة وحسن الفيل وحسن عبدالمجيد وحسن عبدالرحمن وحسن اكشن وحسن القون وحسن ابو على وزهراء ابو على وزهير الزناتى وزاهر الصادق وحبيب بابو وحبيب الله كدام وحبيب شبشة .
نجد موسي عيسي وموسى العجوز وحسين محمد الحاج وحسين شنقراي وكما حامد كرتون وحامد ادم صاغة وحامد الحبر وحامد الطويل وحامد العولاق وحماد حامد عبيد وحماد تربية .
نجد نجاة ميرغنى ونجاة حوفى ونجاة كركساوى كما خديجة همام وخديجة حقوق وخديجة تربية وزينب بشير وزينب التجانى وعزة التجانى ، وعلاء الدين الطويل وعلاء الدين القصير والهادى كتير والهادى حقوق والهادى احمد صالح وعبد الهادى عدلان والنيل الهادى .
نجد عوض الكريم نورالدين وعوض الكريم عثمان وعوض الله جاكسون وعوض شلبي ، وابو القاسم حسين وابوالقاسم عبدالله ( فنان تجارة ) وابو القاسم عوووضة ، ونجد محمود حسين ومحمود ادروب ومحمود قمر الدين ومحمود ابو عضل ومحمود ادروب تجارة .
ونجد اسامة السمانى واسامة الطيب واسامة عبدالغفار واسامة موسي واسامة طب واسامة معهد صحى واسامة البعثى واسامة ابتر واسامة خضر .
والطيبون الطيب شبس والطيب رجب والطيب السمانى والطيب الزين والطيب عبدالله وعبدالسميع دفع الله وعبدالسميع اداب وعبدالسميع طب .
والبركة فى مبارك ابو القاسم ومبارك احمد عالم ومبارك جادين ومبارك الهلالية ومبارك صيدلة وبادى النور محمد احمد ووالده النور محمد احمد تربية والتاج ابو كساوى والتاج الخليل والدرديرى محمد نور والدرديرى الجيلى وشادية عبد ربه وشادية الرشيد والرشيد خواطر والرشيد بابكر .
والصلاح فى صلاح عبدالمجيد وصلاح جلال وصلاح عبدالقادر وصلاح الامين وصلاح سعد وصلاح الدين على صالح وصلاح السر وصالح اداب .
ونجد الرحمة فى عبدالرحمن ابراهيم صديق وعبدالرحمن شاويش وعبدالرحمن توتى وعبدالرحمن حبيب وعبدالرحمن حقوق ود حليوة وعبدالرحمن اداب ورحمة علوم ورحمة تجارة ( رحمها الله ) وعثمان الجيلى وعثمان الجدي .
والاحلام فى احلام مختار واحلام الامام واحلام الحويرص واحلام حسين حقوق 86م وحلمى احمد والهناء فى هانى برعى و هناء عتبانى وهناء الزبير واميرة صديق واميرة علي واميرة سيداحمد ودرية وبدرية وسميرة السمانى وسميرة عبدالرحمن.
نجد ياسر نجيلة وياسر خضر وياسر عوض الكريم وياسر شبيكة وياسر نفيدة وياسر عبدالمعطى وياسر السراج وياسر الشفيع وياسر الزين ( رحمهم الله ) ، نجد مهدى عبدالله ومهدى الطويل ( رحمه الله ) نجد ايضا" بشير الاحمدى وبشير على العبيد وعاطف خليفة وعاطف على وعبدالله كورنه وعبدالله الزبير وعبدالله محمود وعبدالله جالية وعبدالله عبدالقادر .
كما نجد على عبدالقادر الشيخ ادريس وعلى الخليفة وعلى عبدالمعروف وعلى حمد وعلى ود ازرق وعلى احمد حسن وعلى شبارقة وعلى هوووي يا وليد وعلى محمد ابكر وعلى احمد يوسف وعلى جميل ، نجد عصمت الجعفرى وعصمت ديم المشايخة وعصمت الصايغ وعصمت معهد تجارة تؤأم كمال ، وعبدالماجد تجارة وعبدالماجد سقراط .
والصدق فى صديق ابو لكيلك وصديق الصادق وصديق حقوق والصادق صلاح الدين وصدوقة عبدالله رجب كما نجد كمال الشادى وكمال الحلفاوى وكمال معهد تجارى تؤام عصمت وكمال السيد وكمال ابراهيم وكامل الجعلى وكامل شندى .
نجد بابكر نقة وبابكر الجكيكة وبابكر طب وبابكر اداب ، كما نجد مصطفى الشامى ومصطفى درش ومصطفى محمد صديق ومصطفى كسلا ومصطفى نقدالله ( رحمه الله ) ومصطفى سكاشن ، نجد كذلك فاطمة بدرى وفاطمة شريف وفاطمة مهدى وفاطمة يوسف وفاطمة الصادق .
زين العابدين اداب وزين العابدين تربية وعابدين محمد زين وشمس الدين تجارة وشميس ومعاوية الزبير ومعاوية صيدلة ومعاوية ابو الجاز وحافظ ابو عاقلة وحافظ الشيخ وابو قرجة ، وابو قرجة تانى ... واب شورة واب سن وعطا وعطا المنان بانقا .
وطارق جبريل وطارق زراعة وطارق بابكر وطارق تجارة الاحمر وطارق تجارة الاخدر وطارق ابو شيبة وطارق احمد على وحاتم جبارة وحاتم معهد تجارى والفاتح نورى والفاتح جمعة والفاتح تجارة والفاتح محمد عبدالله
نجد كل هذا التلاحم وكل هذا التعاضد فى بوتقة واحدة وجسم واحد اراد الله لهم ان يكونوا كذلك تحت مسمى واحد .
واسأل الله التوفيق دنيا واخرة لكل الاخوان والاخوات واسأل لموتانا المغفرة والرحمة .
واجد نفسى عاجزا ان اعدد فى هذه السويعة هذا العقد الفريد واستميحكم عزرا" كل من سقط اسمه عنى سهوا" ولكنه ظل فى قلبى متقدا" ولكم منى كل التحايا والاشواق وتجدوني متمثلا" لقول الشاعر
محل قبلت القاكم معاي معاي ذى ضلى
تصور كيف يكون الحال اذا ما كنت من ذي ديل
واهل الحارة ما اهلي
تصور كيف يكون الحال اذا ما كنت سودانى
كان وا مأسأتى وا اسفاي وا ذلي
اخوكم محى الدين على يوسف
[email protected] |
| |
|
|
|
|
|
|
| |
زهير الزناتي
وليد عبد اللطيف
عبد القادر بابكر
محمد عيد
أحمد إسماعيل
ميسرة سيد أحمد
عصام دهب
موسي عيسي
جلال عثمان
زينب التجاني
عفاف علي ميرغني
ابتهاج عبد الله
مدثر أبا يزيد
سامي عبد الوهاب إدريس
منصور عبد الرازق
الرشيد بابكر
محمد صديق
ياسر نجيلة
مني يونس
نجاة حوفي
طارق جبريل
Hatim Gubara
فيس بوك
تويتر
انستقرام
يوتيوب
بنتيريست