كتب الكاتب الفاتح جبرا المتوفرة بمعرض الدوحة
|
Re: ناس الزقازيق ... أجدع ناس .. (Re: طارق جبريل)
|
حبابك أختنا منى
Quote: مش أحسن تاكل رز بلبن وتتخارج ،، وكان سمعت كلام زينب الريس ده بورطكم لأنه قال لي أنا لازم أجيب رجلين ناس ؟ |
و الله كلامك عين العقل لكن ...ونسة الليل أتاريها لونها مختلف و طعمها مختلف وبعدين بكرة مجمعين و بت الشيخ قال ليك قاعدها في كسلا
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
ترحيب حار بالغائب الاحمر دكتور الصادق ------------- زهير قايم من النوم وجلا سفر الجماعة كسلا والريس مشى يضرب الرز باللبن ومسك مني الوردية وجبرييلا الدنيا عندهم دابا "المغرب" وزينب جات قبل شوية ---------- اها بعد "الفطنة" دي انا والرشيد بس الواطاطنا صبحت والله اقول ليكم انا بس ... ليه؟؟ لانو الرشيد ممكن يصحى نجاة يسلمها الوردية --------- لزوم خط رجعة وكدة
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
زهير يا أخوي الصفحة دي ما دايرة ليها راس خيت...دي دايرة تتقلب ساكت بي راس خيت و لا من غيره...عليك الله دق الحنك ساكت قبل ما يجي جلا ده كمان يقول ليك الحنك ممنوع هنا...أمشي دقو في محل تاني...أنا زاتي أغيب ووكت ما أرجع ألقى الكتاحة قايمة...حسة حتى لو في راس خيت يشوفوه كيف مع الكتاحة دي...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
جلال أنا عارفك فتحت ليك باب على أساس انو الناس الفضلت دي تعبانة و حتنوم حتنوم...قامو طلعوا ليك الوطاويط ديل من حيث لا تدري...أها شيل شيلتك...أنا ولا بصحي نجاة ولا حاجة شربت ليك كوكاكولا بـــــــــاردة....مش قالو الكوكاكولا فيها كافيين...(قربت أقول كوكاييين بس الله ستر)...و مستعد أقعد معاك للصباح...كان جاهز كلمني... و كان ما جاهز...نخلي زينب و منى يونس و جلا يعملوا اجتماعهم كده هم تامين نصاب..زهير ممكن يقعد يكتب ليهم المحضر بس...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا جماعة نفسي في جوافة مخلوطة في السوق الشعبي اسوي شنو |
غالي والطلب رخيص ياحبيب بكرة من الصباح بشد ليك سلك لي محمد الهادي يرسلها ليك من الدلالة وطبعا انا عارفو "جدع" ممكن يرسل ليك صالح بي برميل جوافة مخلوطة ولوري جوافة جبرييلا انت زول سمح ياخ
-------------- لكن صالح اسمح منك
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: قامو طلعوا ليك الوطاويط ديل من حيث لا تدري |
دي ما فاتت على فطنة القارئ ياحبيب .... انا قلت جلا دا جدعة جدعتين واجيبو ليك لى الرز جري وزينب قلت بتجي تعبانة من بيت البكا لكن وحاتك ناس الجوافة والكوكاكولا ديل اصلوا ماعملت حسابهم -------------------- محمد عيد فقدناه والله الليلة
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: يا جماعة نفسي في جوافة مخلوطة في السوق الشعبي اسوي شنو |
أول تبادي ...كدي قوم من الطوبة الإنت قاعد فيها دي تانياً عندك فكة؟؟؟ ...حديد خمسميتين؟؟؟ أسمع يا سيد عليك الله واحد جوافة و واحد منقة في كووورية كويس؟؟ أسمع الفواكه دي قلت لي جايبنها من كسلا ؟؟؟؟ آي من كسلا و نحن زاتنا جايين من كسلا ...هاك ... أنا أديني المنقة دي و الجوافة؟؟؟؟ دي خليها عندي صاحبي في المغرب متشهيها و حا يجيها حا يجيها متين يا معلم؟؟؟ نحن دايرين نقفل؟؟؟ هس هو في المغرب ضرب لي و قال حا يجيها نهاية السنة المغرب شنو يا أستاذ نحن صلينا العشا قبيل و جينا.... الناس دي جنت و لا شنو؟؟؟ طيب ما أشربا ليهو طالما زولو دفع حقها
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: قال للحاج والله كلام الله ما بنابا لكن الفيك اتعرفت |
دي ذكرتني قصة الحاج ماشي الحج كل واحد يجي يقول ليهو عليك الله جيب لي و جيب لي...يجي التاني يوصي جيب لي كذا و كذا...الا شافع صغير جا شايل ريال ايام الريال بي تلاتة دولار...قال ليهو يا جدي جيب لي معاك زمباره (صفارة)...الحاج قال ليهو و الله يا ولدي انت الوحيد الزمبرت...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: هرشت هرشونى زعلت ما اشتغلو بى حردتا ما هببو لى قلت استغفلم استغفلونى |
الموضوع دا عايز ليهو اجتماع موسع و على مستوى عالي جداً فعشان كدا اجتماعنا حق الليل دا حا يتم تأجيلة على أن يتم توزيع رقاع الدعوة لعدد أكبر من القاعدة لكن بيني بينك أنا اتكيفت من الشباب بتاعنك!!!!
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: فيا ريس كلامك ما بنابا لكن........... |
إنتو يا جماعة مش قبل شوية كنا في الميل 92 ومنى يونس لسه بتذاكر في الميل بهناك وقايله جلا سمع كلامة ومشى نام ومش عارفه الناس مطحوني بهناك لحدي المغرب العربي وتحت الطوب .
الظاهر منى شردت وأكلت الرز بسرعة ،، بس عارفه يا زينب بحاول أجرر لي ناس كده في الكلام ده لأنه زمان لما فتحنا هذه المواضيع أخدت ليها كم ميل كدي بس هسع قال لينا زهير القطر ده فيه مفتش وأنا بصراحة عجبني التعليق الظريف بتاع زهير ،،، خلاص ح نقفل الباب ده
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: محمد عيد فقدناه والله الليلة |
محمد عيد ساق معاهو الصباح مصطفى ولده الشغل عشان الولد ما ينوم النهار كله ويجي يساهر الليل ويضايق محمد في الكمبيوتر...الحصل مصطفى ما زال مساهر...و محمد نام بعد صلاة العشاء...لكن بطريقتكم دي حيحصلكم...حيقوم يصلي الصبح حسة يلقاكم قاعدين قعدتكم دي...
جلال الكوكاكولا دي أظنها مغشوشة...نسبة الكافيين فيها ما مظبوطة...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: و الله يا ولدي انت الوحيد الزمبرت... |
الرشيد كتلتني بالضحك .... هاك دي حصلت جد جد واحد بلدياتنا "الله يرحمو" كان معانا هنا في الرياض كان مشهور بالوهم "قليب الكلام يعني المهم كان نازل السودان اجازة ولمو ليك فيه الجماعة - بالله الشنطة دي لي مرتي = بالله الدواء دا لى فلان والاغراض دي لى علان ... المهم لما الموضوع استفحل ... فما كان منه الا ان قال يا اخوانا انتو قايلني انا ماشي بالتاخرة ولا شنو
ولا يخفي على فطنة القارئ جمعه بين "الطائرة" والباخرة الله يرحمو كان لفاح جنس لفحي
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
وانت الصادق نمت قبل العشاء وصحيت بعده...
مرقت وجيت راجع
لا حووووولا ... والله وردية الليل بقت بالبوست كلو
رشيد دبـــّل الكوكا كولا ولا شوف ليك حاجة تانية ...
ما تخلينى اكورك مرقو مرقو
شكرا يا جل على السؤال
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ود جبريل بس اشر على زول جاى حداكم
حرم كرتونة جوافه كدراويه مدفوعة الوزن لقايت عندك ================================================== جاليلو ما قلتو للصباح حضرنا فى الساعه الاولى منه ولم نجد احد ================================================= رشيد القوم المنصور عيد جلكون كبير يبثكم اشواقه =============================================== النضيف00000تم رش الشوارع وفرش البساط البنفسجى والى ذلك الحين نزلو لينا لما ترجع بالسلامه ============================================= جلا0000 قلته المفيد وما جليت واتجليت =========================================
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يا جبريلا هكذا السودان وكان ما الله ستر كنت صابحة فى الابيض بس اعتزرت بسبب غياب سيد الاسم (على قول منى سلمان بتاعة حكايات)
صالح تبلدينا طبعا اول مرة اشوف فيها صالح كان يعتلى اكتاف سعد التخين بارتياح كنت قايلاهو اخو واحد من الطلبة ورافعو عشان ما شايف لما عرفت انو طالب كنت ما مصدقة بقيت مبارياه(ده فى الاتحاد يوم فوز التجمع) ولما عرفت انو من الابيض يا زول بقيت قاشرة بيهو ومسمينو الولد الصغيرونى وحلاتو وحا جات زى دى
بس كنت شافع فصيح
اما بلبل او افبال فدى كانت زولة لطيفة لابعد حد وما عرفت لطفعا الا اخر سنة لانو كان فى بينا حواجز من لاشيء بس بقينا اصحاب جدا وهى ساكنة هنا فى جاردن سيتى
لبلبل فصة لطيفة مرة كانت ماشة مع بنات يزورو شقة طالبات ولما تاهو كان الغبار عمل عمابلو فى الاحذية فقبل ما يدخلو للبنات قالت لبهم كدى امسح جزمتى بقت وسخانة ذى جذم بنات الجبهة وبسرعة البرق مواسلينا فى اكتوبر وصلوها
فصادف انها وسناء الصباغ كانو قاعدين سوا فى الصيف وقربو من بعض وتصاحبوبقو فرد وفى يوم كانو طالعين لمما سناء بقت جنب الباب قالت لبلبل كدى الارجع امسح جزمتى الزى جزم بنات الجبها وهنا بلبل ما عرفت محل تمشى
ونى مابقولو صاحب صاحبك صاحبك فكلنا بقينا اصحاب
التحية لبلبل ولصالح الجاب سيرة بلبل
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: يا محمد عيد والله ما عجبني امشي وانت يا دوب جيت |
الله معاك يا حبيب
ينصرك ويقوى شوكتك انشاء الله
وسألتكم بى الله يا جماعة
باكر فاتحة قوية لود جبرين ... ربنا يرجعوا لينا منصور وغانم باذن الله
+++++
الريس معتصم ... لك وحشه والله
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
محمد عيد كرتونتنا وين ...
حاتم جبارة الريس قايل ليك اللادا الحمراء دي شنو . طوالي في سيرتها ، ما رديت مالك ما تسطح بالريس أعمامك ديل دايماً خليهم مواكبين وكدا ...
دا نظام فاتن حمامة وكدا ...
ما تجي يا ريس كمان تقول لي فاتن حمامة دي منو وشنو ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا جماعة الترجمة علي الشريط مسئولية منو ...
بعدين يا طارق جبريل الظاهر عليهم الناس ديل ناويين ليكم ، محكمة الجمعة دي شنو كمان ولا ما عندكم إجازة يوم الجمعة ..
المهم في الأمر تمنياتنا ليكم بإنتصار باهر وبالتوفيق ، بس أقرأ يسن كم مرة كده قبل المحكمة والباقي خلي علي الله ،
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: محمد عيد كرتونتنا وين ... |
مش لما تدينا المقاس اولا ..؟
ولا زى ما قال النضيف فوشيا ...
وفى قول آخر لجلجل .. بلو جينز احمرررررررر
&&&&&&&&&
وانا كل يوم اسأل روحى جلا ده البقى يجيبوا بالليل شنو ؟؟؟
غايتو ما قدامى الا أشد سلك لى كسلا ...
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: تجي يا ريس كمان تقول لي فاتن حمامة دي منو وشنو ... |
أفواه وأرانب ،،،الحاجات المعتقة دي ما تتكلموا فيها لأننا عارفنها والزهايمر ده بنسف ليهو كركم من ساوث مول والبركة الجيب يا محمد عيد كنت عايز أسأل منك ،،، مرحب بدخول الريس معتصم أصلوا ناس ورديت الليل ديل ما شاء الله عيني عليهم باردة بكره ناس ديدوا ما بيقدروا يلحقوا الأميال دي ،،، أخونا أحمد إسماعيل ربنا معاكم ويصبركم على الإمتحان ونأمل شفاء إبننا العاجل.
طيب يا جماعة ما دام إنتو الليله كتار كدي نمشي ننوم ونشوفكم بكره
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا ريس شنو الحكاية...مشتاقين عديل كده..مالك سمعت ولا جابو ليك...بقيت لا زول نهار و لا زول ضحى (ضحى دي جديدة و محتكره أحمد اسماعيل) ولا زول ليل...انت زول شنو؟؟؟
زهير اللفح كنا قاصدين بيهو الصفحة الفاتت...الصفحة دي شوف ليك راس خيت يا اخوي...حسه قول لي انت راكب من ياتو محطة...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
أنا ذاتي دعمشتة يا جماعة مع ...بكره عندنا صلاة جمعة...و الكوكاكولا طلعت مغشوشة...حسة بقيت ما فارز جلال من زهير...و عيال محمد عيد الحلوين ديل شايفهم أربعة...أسمحوا لي يا جماعة عشان أحصل الصلاة و أدعو لي طارق جبريل ده...و لا مافي داعي؟؟؟
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الرشيد المحطة التي أنزل فيها أو أركب منها لا أعرف لها إسم سوي لفة الثلاثين ، في أحد الصباحات وجدت جوار كشك الصحف لافتة صغيرة مكتوب عليها محطة علي موية . عجبتني الحكاية دي خالص ، عشان كده مجرد أن أسكن في منزل جديد ولا أجد للمحطة إسم علي شخص ، مثل لفة الواحد وعشرين والإسكان وشنو كده ما عارف طوالي حا أمشي الحداد وأعمل لي لافتة وأكتب عليها محطة زهير الزناتي وما فيش حد أحسن من حد ، أتذكرت زمان عاجباني حكاية منزل فلان الفلاني وأولاده دي ، أول ما تزوجت وأصبح لي منزل لوحدي كتبت علي باب منزلنا : زهير الزناتي وأولاده . ولم يكن في ذلك الزمان سوي إبتهاج فقط ، وإتذكرت قصة تانية ، في حي الأمراء جاتني واحدة شايلة ليها إستمارة بتاعت حصر لي شنو ما عارف سألتني قالت لي عندكم غنم .؟ والله سؤالها خلعني ما عرفت أقول ليها شنو . قلت والله ما عندي غنم لكن إلا كان ديل وأشرت ليها لإبتهاج وميار الصغيرة آنذاك .. ومن نوادر الإستمارات . مجد بعد ولادته مباشرة إحتاج أن يكون يدخل المستشفي لعدة أيام ، في مستشفي البلك للأطفال هنالك إهتمام فوق المعتاد ، جاءت واحدة من طبيبات الأمتياز بعد أن قرر الإستشاري حجزه بالمستشفي بإستمارة طويلة وعريضة وفيها زي مليون سؤال كده . ومن ضمنها ، القبيلة ، هنا ثرت علي الطبيبة وقربت أكفتها ليك ، كمان القبلية دي عايزين تدخلوها لينا في العلاج ، نحن سودانيين وبس ، أديت ليك بت الناس محاضرة عن مضار القبلية والجهوية ، بكل بساطة قالت لي يا أستاذ عندنا في الطب بعض القبائل تحمل أمراض وراثية ، والأمر لا يتعدي ذلك ، أخوك كبوا فيهو موية باردة . طوالي قمت زغت خليت إبتهاج كملت باقي الإستمارة .. شفت الشلاقة ..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
والله لو شفتو الفايرس ده كان عامل شنو ما حتصدقو
كل الصور ممسوحه عدا البروفايل بتاع الريس وجلا التقول عارف تحالفنا الصور بتاعة الريس المنزلا كانت ارقام
القريبة طارق جبريل منزل الحجاج والطيب صالح بس جبريلا مافى
انت الصوره دى عامل ليها فتوشب
محمد عيد ياخ انت ما ساهل انت كنذ ماممكن تصحى 48 ساع قوم اكل رزك يا جماعة لو راجعتو البوست دة من امي الصباح حتلاقو عيد مسجل حضور فى كل الورديات وسد كل الخانات
لعاب والله بس بنخاف عليك من العين بس ما تمشى قبالى
انا شاربة نسكافيييييييييييييييييييه
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: رشيد دبـــّل الكوكا كولا ولا شوف ليك حاجة تانية ... |
يا رااااجل.... خليهو في الكوكاكولا الضاربة دي...لو الزول دا شاف حاجة تانية؟؟؟ البوست دا إلا يلحق أمات طه أمات طه ديل منو يا زهير؟؟؟ برضو يا عيد الفطنة عندك لكن ما فطنطني!!!!
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: وانا كل يوم اسأل روحى جلا ده البقى يجيبوا بالليل شنو ؟؟؟
غايتو ما قدامى الا أشد سلك لى كسلا ... |
حيث لا يفوت على فطنة القارئ إنو الجواسيس جات و دا مؤشر للنوم يا جلال قالو الجات في سهرك نجدتك يعني أنا زي طارق جبريل ربنا ينصره بإذن واحد أحد اللهم آمين اللهم آمين اللهم آمين
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
ياااخ قومتوا نفسنا ... الواحد يقرأ المداخلة ويعمل ريفريش يلقى واحدة جديده
انتو تبلدنا ده بى صحوا ... بالله زى الونسه دى هسه ما بتتراد ؟؟! اظنوا لو جرب وردية الليل دى يوم واحد .. تانى الا يكمل الونسه فى السوق المحلى
********
زنوبة الله يجبر بى خاطرك ... قولى الكلام ده للمحامى العام ...جـ لا
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: اظنوا لو جرب وردية الليل دى يوم واحد .. تانى الا يكمل الونسه فى السوق المحلى |
و الله يا حمادة تبلدينا ده شكله بريد الونسة من قصته بتاعت النهار الحكاها مع أسامة أبتر لكن أظنه زعلان من ناس النهار ديل فقال أحسن يفكها في ناس الليل...حافظ ليك الونسة كلها و اليوم بالنهار متوتر فكاها ليك كلها...غايتو راس السوط هبشنا كلنا...خصوصا سياحتي بتاعت الخرطوم...أي توتر تاني يا حماده جيجيب ليهو كوكاكولا...
أحسن أمشي أنوم مش كده؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
طبعاً القصص الفوق دي دي بتكون فاتت الـ 514 ، أمبارح راكب مع محمد صديق ونحن جايين من الأجتماع حكيت ليهو نكتة قال لي دي المرة الـ 513 أها برضو ما عتقت ليك حكيتها ليهو . زي قصة صالح مع اسامة أبتر ، قبيل أتصلت بأسامة قلت ليهو صالح دا ياخي شائل حالك بموضوع المطار دا ، لازم تجي ترد علي هذه التخرصات قال قول لصالح الأيام دي أخوك مزنوق في القراية لكن فرمالتك دي عليك الله غيرها واحكي لينا بتاعت ميناء درة السعودي . اها نحن في إنتظار صالح وميناء درة ، إنت ما ملاحظ قصص صالح وأسامة دي كلها ميناء ومطار يعني ناقصه واحدة بس في الميناء البري
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا بركه الجمعه الجامعه ينصرك الليله يا اخبار اليوم وتتبدل طوبة ودجبريل بكرسى وثير وكباية جوافه منديه قدامو قادر يا كريم يارب ======================================================= كل الناس المعيدين معانا بما انو انتو جيتو فى الاضحى فالعزومه حاتكون سلطات من بتاعه جلا000وشاى ساكت ده طبعا كان لقيتو وقت من الجرى الهنا ده ======================================================
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
ياجلا اكتب ساكت من المداخله قبل الاخيره0 ريس ميسره 000الحاصل ده من شريطك ولا من البوست بعدين بنات الشيخ ديل بمخ واحد تاعبننا فما بالك عقلين فى جسد واحد!!!واحتمال يقولوا ليك قوم امشى عندى ونسه مع نفسى تسال بى واحد وترد بى واحد0 تعرفو مره انا ماشى جنب سوق الخضار وبفكر بصوت مسموع محركا الايادى فى انفعال وصادف ذلك مرور حاجه خارجه من السوق فراءت ذلك الذى يكلم نفسه فما كان منها الا ان وضعت قفتها جانبا ورفعت ايديها الى السماء داعيه الله يشفيك ياولدى وهنا صرخت والله ياحاجه ما مجنون!!!!!!!!!!!!!
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
سلامات يا ناس
انتو فى شنو؟؟؟
لا اتونسنا بالليل ولا قلنا صباحات التفاؤل
ولا حتى بغم...
وبعدين الريس ميسرة خاتى ليهو دقار كبير فى
الشارع...غايتو رجعت لى ورا كم خطوة كده وكفكفت
بنطلونى الجبنز [ مطيحنى ] واديتا جرية كده وحأنط
الدقار ده يا جيتكم يا انبرشت على وشى ..ويانى الراقد
فى البيت منتظر الترمس والاشياء التانية زى حقت الرشيد
ديك البتكون قريتا فى المجلات والافلام المترجمة وما بتكون
اكلتها.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: وحأنط
الدقار ده يا جيتكم يا انبرشت على وشى ..ويانى الراقد
فى البيت منتظر الترمس والاشياء التانية زى حقت الرشيد |
طبعاً يا جورج أنا و لا حاولت أنط و لا حاجة و بعدين لو أنا انبرشت الأسهم بتاعتي حا تنقص.... حيث لا تفوت على فطنة القائ إنو سيتم ترشيحي لرئاسة اتحاد بنات الشيخ عشان كدا قلنا نحتفظ بالزينة و ما نخش السمكرة بتاعتكم ديك بالنسبة للترمس ما أظنو حيعمل حاجة مقارنة بتقدم العمر يا ريس الداخل كلم ريس الخارج يزح الدقار دا!!!
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: سلامات يا ناس
جلا...تعال نكون لجنة تزح الدقار ده. |
أولاً مفروض تقول سلام يا ناسين بدل يا ناس يعني مثنى حيث لا يفوت على فطنتك أنا و الريس معتصم الموجودين بعدين كان كونت لجنة معناها الدفار دا ما حيزح كلو كلو لكن كدي نمشي نصلي الجمعة و دعوة كاربة تزح لينا الدقار دا
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
صباح الخير يا وجوه الخير ،،،
Quote: يا ريس الداخل كلم ريس الخارج يزح الدقار دا!!! |
الحاصل شنو يا جماعة ،،، أنا أمبارح عملت آخر مداخلة وهو الفيديو أبو راسين بس يظهر الجني أو الهكر الكان بيسرق مداخلاتي حاول يعوضي بأربعة حريم بحجة الراجل محلل ليهو أربعة وده تاني علشان ما تتهاونوا في فهم بنات الشيخ وتعملوا نايمين قلنا نجرجركم أبيتو أها دي إلا يحلها ليكم بكري أبو بكر أنا ذاتي غلبتني .
جمعة مباركة يا عريس .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
الإخوة الواقفين مع دفار اللوري توجد مداخلات كثيرة بعد دفار اللوري ده وأخونا المهندس الكبير زهير الزناتي بأن المشكلة تكمن في بعض الأخوان ليست لديهم برنامج فلاش نأمل من الجميع إنزال هذا البرنامج لكي تتخطي هذا الدفار
مراسلكم من الجهة الأخرى ما بعد الدفار علشان شاغال بعدد 2 كمبيوتر واحد بفلاش وواحد بدون برنامج فلاش . وعلشان اريحكم سوف أمسح المداخل بتاعة الفيديو الأول أنا عارفكم ما بتقدروا على بنات الشيخ ديل من ما ظهرن براسين الدنيا قامت والبرجله حصلت ،،، ما قلتوا نوبة
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
سلامات يا ناس
Quote:
وحاتك انت لما تغيب نحس بقلوبنا تايهه وراك ومهما يطول عذابنا معاك بنرجع نحن تاني لدنياك لا حسينا يوم بندم ولا فكرنا يوم ننساك
|
اولآ نستأذن من صاحب الابيات الطاعمة دى..ان ندخل عليها سمكرة
بسيييييييييييييييييييتة...بس نشيل [نحن]:
وتبقى زى ده:
بنرجع تانى لى دنياك
نحن دى ...هنا زى الدقار بتاع الريس
نمرة اتنين: سيد الابيات دى منو؟؟؟
ومداخلتو دى فى ياتو ميل من الاميال؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: وحاتك انت لما تغيب نحس بقلوبنا تايهه وراك |
طالما شلت الدقار نحن برضو هنا في دقار و هو الضمير إنت حيث يمكن أن نقول: وحاتك لما تغيب نحس بقلوبنا تايهه وراك و بما أن فطنة القارئ يمكن أن تذهب في إتجاه المخاطب ذكراً كان أو أنثى.... خاصة و أن هناك أيضاً بي غادي في أكثر من واحد أخت أو أخ فإن أحاسيسنا الفي قلوبنا تايهه وراهم و لا شك ...وكل منا حسب هواه اللهم فرج كربتنا و ألحقنا بي الناس البي غادي
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: اللهم فرج كربتنا و ألحقنا بي الناس البي غادي |
آميييييين
إلى أخوانا ما قبل الدقار تقبلوا سلام أخونكم من الضفة الأخري ما بعد الدفار وأنا أتضامن معكم وأكتب معاهم ومعاكم لأنكم مظلومين هم ممكن يقراؤا ما تكتبوه ولكنكم لا تستطيع تخطي الحاجز وتتطلعوا على يكتبوه هم ،، منتهى عدم العدالة .
أنا بدوري قمت بحذف الفيديو الأول ولكن يبدو لم يفعل شئ وأما الفيديو الثاني أنا لم أنزله أنا ربما السيد/ الهكر علشان كده رفض الإستجابة للمسح الدور على زهير برضو يمسح كل الفيديو الخاص بيهو ،، شدوا تلفون لزهير .
جيفارا البديري من الضفة المظلومة .
تخريمة : أنا ماشي أكتب كمان مع الناس ما بعد الدقار .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
وين يا ناس ما قبل الدقار ... والله الناس هناك شغالين ليكم شغل شديد ... وإنت قاعدين لي هنا ... غايتو الرشيد بابكر ما خلا ليكم جيهة ترقدوا عليها ، أما حاتم جبارة فقدم كل ما لديه من شماته ،، والقطيعة علي قفا من يشيل ، بس لأنه انا راجل حقاني ما خليتهم ،، أديتهم ليك من التقيل ، القال برالمة ، والقال كيشه ، والقال شنو كده ما عارف ،، اللهم يزيل دقاركم حتي تطلعوا علي ما قيل في حقكم ، واحد قال لي جلا دا والله أتاريهو متخلف عديل ، ياخي دا ما بيعرف ينزل الفلاش ، عليك الله العالم دي جايه من وين ، أها لمن قال كده طبعاً راس السوط هبشني ، أديته ليك من التقيل يا جلا عارف أخوك ما بيقبل فيك ، وطوالي عملت ماسنجر لبكري ، اها ما تخاف ما قلت ليهو وقف العضو دا ، قلت ليهو عليك الله أمسح المداخلة دي عشان أخونا جلا يمكن يجيهو سكري ولا ضغط وبعد داك أمسح لينا الدقار دا ونحن الآن في إنتظار معالجات بكري أبو بكر ولا نامت أعين الجبناء ، كما لا يفوت علي فطنة القارئ أن كتابتي معكم هنا هي نوع من التواضع من قبلنا حيث نكتب معكم وأنتم تعانون من الدقار ونحن من غير أبو دقار .,... والله الموفق
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
مشكور يا زهير على المرور هاهاهاهاهاها دا كلو من الكوكاكولا بتاعت أمبارح الفيها كووفييين و في رواية أخرى كوكا..... و الله سهرة أمبارح مع ناس الليل هي السبب المشكلة الناس الكلها مساهرة هي بي غادي ومفروض أكون معاكم يعني ما مع الكمندان الجايينا يوم الجمعة و بالرغم إني ما عارف الداير بي هناك شنو...لكن عليكم الله أسرعو شديد و أقلبو الصفحة دي عشان نشوف طارق جبريل دا قام من الطوبة بتاعتو و لا لسع؟؟؟
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الريس بكري إقترح أن ينشأ لنا منبر منفصل زي ناس هندسة اها يا جماعة الكلام بقي جد ، وعايزين كلام نجيض أنا علي نفسي موافق ، يتأرشف البوست الحالي ، ويتفتح واحد جديد ، في مكانه حتي نستفيد من مسألة المنبر المنفصل وتأتي اهمية المنبر المنفصل بأنه يمكننا إنشاء عدد لا محدود من البوستات لكل موضوع ، يعني مثلاً لو صالح إتزوج ولا في أي محتاجة لنقاش نعمل ليها بوست حتي تأخذ حقها من النقاش هذا رأي وعايزين المفيد يا ناس بسرعة ،،
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
الميل الصامت عيد نطقو عايزين حاجة كدة ذى الود اواى كلام قالو الدوش وغناه وردى ممكن بناديها برضو عيدو ارحل يا سهيلى ممكن
اى كلام قالو هاشم صديق وغناة ابو الامين
ايى كلام حلو من الحلنقى غنوة البلابل او وردى(كسير تلج لجلا)تحية للحلنقى الكسلاوى
لو عيد ما نام حنضمن مداخلة منو
يا زهير عشة صغيرة دى فى ايميلك دة الموجب بتاع التاج لو ما نزلتها حندفع كاش
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
روح معاك عمر الهنا يالفرقتك تمت سنا هى شويه من عمر الزمان لمن كتيرة على انا
الليل يطول بى همنا جيتك علينا تهمنا مستنى بعد الحول شنو راجى الظروف تلمنا
سفرك نشوفو حلم حلم سكتنا بيك يا ريت تلم مالو الفراق طول كده والله الزمان قال ننظلم
بيتنا القمام ما ظللو الناس يجونا ويسالو مالو الفراق طول كده خبر الرجوع ما رسلو
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
جلال شكرا يا رائع
مبالغة
الجماعة شردو عارف يا جلال لو قفلتو حامشى لحيدر حنين عندو بوست جنبنا بس ما راجعة البيت الامجاد ملانة
وينحمد صديق نوم العوافى
زهير متلبد
لو دايرين نقفل الباب فجاة اجى عيد
ممكن كمان نسمع اى حاجة من زيدان ومحمد ميرغنى
طيب ضنين الوعد حبك للناس يا مرايا
مريا الصباح الجديد لحمد الريح
رسائل الجابرى
اى شى من عبد القادر سالم اوعبد الرحمن عبدالله(غرابا يا رسول الله)
حلوين حلاوة يا البلابل
يالرشيد ربيع الدنيا
لعثمان حسين وربيع دنية ابو داؤد
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
Quote: عايزين حاجة كدة ذى الود اواى كلام قالو الدوش وغناه وردى |
أنا قلت الوداوي دي أغنية جديدة لي وردي.... والله يا زوبة انتي حقارة خلاص...عثمان حسين مالو عيبيهو لي...و كمان تكون قصتنا...
دي آخر مداخلة لي و مستعد أكتب ليكم تعهد بي كده...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
مباااااااااااااااالغة يا ميسرة سبحان الله مع انو المداخلة مسحت مداخلتى ومداخلة جلال وصفقتة لينا حاعيد الفلم ورانا ايه
طول معاك عمر الهنا يالفرقتك تمت سنا هى شوية من عمر الزمان لكن كتيرة على انا
الليل يطول بهمنا جيتك علينا تهمنا مستنى بعد الحول شنو راجى الظروف هى تلمنا
سفرك نشوفو حلم حلم سكتنا بيك يا ريت تلم مالو الفراق طول كدة والله الزمان قال ننظلم
بيتنا الغمام ما ظللو الناس يجونا ويسالو مالو الفراق طول كدة خبر الرجوع مارسلو
جلال عيد الصفقة وشكرا لحسن الاستماع
غناء نانى وزينب على العود ذكى والاورج خالد بنهى المعروف بخالد الصحافة
يا ناس منصور انشاء الله قبضطو
زناتى شكرا على المجهود
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
بالطريقة دى العيال ديل بكره ما حياكلو عصيدة احسن الواحد يستاذن الاخطاء الاملائية كترت وما بلاقى الحروف مع انى ما نعساتة
الاحساس بلفقر فى الحظة دى هو انك تكون جعان فى وكت ذى دة انة يكون عندك اكل بس مافى عيش تاكل بيه الاكل
لا قرقوش محمد الهادى ولا بواقى ناس بهجة المتصدرة اللستة
زهير بلله نزل لينا ننساك لابن الباديه
على سبيل الاعتزار
عيد بهدى ليك الغنا ده كلو و برضو جلال وزهير والريس لو ما ضرب الرز بللبن ولكل السهاره ياليل لكابلى
جميله ومستحيلة بتتعلم
الحزن القديم
نختم بذاد الشجوووووووووووووووووووووووووووووووووووووون
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
صباح الخير ......
يا جماعة ما في زول سأل من قررات اللجنة التنفيذية من أول أمبارح الحاصل شنو ... قلنا نشوف الوقت المناسب حتي يطلع عليها اكبر قدر من الناس ، وايضاً يجب أن نعود للموضوع الذي طرحه محمد عيد حول البوست والموقع ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
اللهم انت ربى خلقتنى وانا عبدك وانا على عهدك ووعدك ما استطعت ابوء لك بنعمتى
وابوء لك بذنبى .. اغفر لى فانه لايغفر الذنوب الا انت ...
اللهم ربنا ببركة هذه اليوم المبارك .. انصر اخانا طارق جبريل وقوّ شوكته \ وأعده لنا سالما غانما .. آمين ..
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
ابو الزوز ...
صباحاتك نديـــة ومشرقة باذن الله
يلا قدامنا نص الصفحة .. نزل لينا قرارات اللجنة التنفيذية
وخلى الناس فى وسط الايمانيات والروحانيات دى تتناقش ...
على الاقل حنضمن انو ما يكون فى طوب ولا ســـيخ ...!!
انا امشى اصلى واجيك تكون فرشت الكلام
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
محمد عيد رأيك شنو نحلي باقي الصفحة للتضامن مع طارق جبريل ومتابعة قضيته بتاعت الجريدة وليست قضية الجمعية والبوست (وجه ضاحك) ، وكيفية الوصول معه لحل وتقديم أي مساعدة ممكنة له في المغرب أو في أي مكان آخر ... طبعاً هو السودان قال إلا إجازة ...
يا ريس ميسرة يبدو أن مداخلة الفيديو الثانية قد أحدثت خللاً في البوست وهنالك عدد من الكيشة لم يستطيعوا التداخل بالشكل الأمثل ، عليه حاول حذفها لنري هل الخلل فيها أو في الكيشة ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يبدو لي والله أعلم أن الإشكالية ليست في فيديو الريس ميسرة ولكن في أجهزة الكيشة ، حيث أن الفيديو الثالث والثاني في المداخلة الثانية بها أغنية عمر الهنا للبلابل وهذه الأغنية تحتاج لبرناج فلاش حتي تعمل وإذا لم يكن حاسبك مزود بهذا البرنامج تحدث لك مثل هذه المشكلة ، ولو لاحظ الأخوة الكيشة أن هنالك شريط أصفر يظهر لك أعلي الشاشة تحت الأيقونات مباشرة وهو يشير لك بأنك تحتاج لهذا البرنامج حتي تعمل هذه الصفحة بشكل جيد اتبع التعليمات وإذا كانت لغتك الإنجليزية ضعيفة أو مهاراتك الحاسوبية مش ولا بد يمكنك الإتصال بالأخ محمد عيد للمتابعة والسمكرة والعلاج ، فقط إنتظر بعد صلاه الجمعة ، ومكالمة صغيرونة ما خسارة في الجلك الفنان والحريف محمد عيد ، نعتذر أن ورشتنا هذا اليوم للصيانة ....
حاتم جبارة تلفونك تلفون اليابا والتابا ....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا جماعة انا قاعد معاكم ومربع ليكم تربيزة الوست ، بالمناسبة تتذكر يا جلا السيكين الأديناك ليها أنا ومحمد صديق مع زميلك الكيشة الرشيد في جمعة زي دي ... وفي قبولكم ... يا كيشة ... ما قلنا ليكم نزلوا الفلاش ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يا ريس ميسرة يبدو أن مداخلة الفيديو الثانية قد أحدثت خللاً في البوست وهنالك عدد من الكيشة لم يستطيعوا التداخل بالشكل الأمثل ، عليه حاول حذفها لنري هل الخلل فيها أو في الكيشة ... |
يا زناتي أولا المداخلة كانت واحده فقط لا علم لي من أين أتت الثانية ،،، وحاولت مسح الثانية ولكن يعطيني error ولكن فعلا في مشكلة في البرامج لأنه غيرت من جهاز اللاب توب إلى الديسك توب فوجئت بمداخلاتكم كلها والتي لم تظهر عندي في اللاب توب
سوف أحاول مسح الفيديو الأساسي في المداخلة الأولى عسى أن تمسح المداخلة الثانية التي لم أقوم بها .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا شباب كلام زهير صاح لأني عملت حالياً مداخلة من اللاب توب وليست فيهو برنامج فلاش وظهرت المداخلة في الجهاز المحمل قبل الفيديو الثاني ،
يا زهير لنحاول مسح جميع الفيديوهات عسى أن تحل المشكلة وسوف أبدأ أنا بمسح الفيدو الأول لأن الثاني يرفض الإستسلام لو موجودين على الخط الرجاء الرد
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
والله الواحد زى الشايل ليهو كورة وقاعد يضقل براهو ..!!!
طيب ما يجينا واحد انشاء الله نلعب ( كومبليته ) وفى قول آخر لاولاد الخرطوم كمبلت ..
***
يا ربى يكون السبب فعلا مداخلة الريس المدبلة ؟
ولا الشكلة بتاعت امبارح ؟؟
ولا دى الكوكا كولا بتاعت الرشيد ...
ولا ده حمار النوم الجا شايل سامى ؟؟
والله انا بقيت شـــقى ومجنووووون ...!!
كلو من نانسى عجاج ..!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
شىء غريب ..
شايف الســهيلى كمان دخل بى غادى بالناس القيافة ..!!
معنى كده انو حاتم جبارة وناس غرب الاطلسى ومن لف لفهم برضوا مزرورين ..!
الخوف انا أكون بابرطم فى الهواء ومافى حاجة نازلة ...
احسن اقوم أشد سلك لاى زول أشوف الحاصل ..
لكن والله خايف القى التلفونات ذاتها فيها هكر ..!!
دى مصيبة شنو يا اخوانا ... عيـــــن عديل !!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
مساكم الله بالخير
أنا دخلت الان وما عرفت سبب الكلام الدائر ده كله...لكن بفطنة المتابع و كده عرفت انو في اشتباه في هكر لافي في البوست و قاعد يحلي بالفيديوهات بتاعت الريس..و دخل الناس في شكوك لدرجة ان محمد عيد افتكر نفسه بكلم الهواء... يا حمادة مداخلاتك كلها متابعة...بس المسألة جمعة و ركلسة على ما أعتقد أكتر من أي شئ آخر..أما عني أنا فأنا و اللة طايح بس في السرير من الصباح و الحين طال عمرك عندي برنامج مذاكرة مع مهند طلع فيهو روحي...
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
محمد عيد الزول حا يضطر يعمل مداخلتين واحدة هنا واحدة لناس فريق وراء ..
الريس بكري إقترح أن ينشأ لنا منبر منفصل زي ناس هندسة اها يا جماعة الكلام بقي جد ، وعايزين كلام نجيض أنا علي نفسي موافق ، يتأرشف البوست الحالي ، ويتفتح واحد جديد ، في مكانه حتي نستفيد من مسألة المنبر المنفصل وتأتي اهمية المنبر المنفصل بأنه يمكننا إنشاء عدد لا محدود من البوستات لكل موضوع ، يعني مثلاً لو صالح إتزوج ولا في أي محتاجة لنقاش نعمل ليها بوست حتي تأخذ حقها من النقاش هذا رأي وعايزين المفيد يا ناس بسرعة ،،
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس تلك البنت
لم تكن الفكرة تخصنى بأى حال من الاحوال...أنت الذى طرحت الامر وألححت عليه وفرضته علينا ...حتى ان عثمان حينما واجهك بأن الامر يحتمل مآرب أخرى تُضمرها ولا نعلمها ..ثارت ثائرتك ونفيت ذلك مُشددآ على التجربة وجمال المنطقة التى سنزورها....تهامسَ الآخرون فى خبث واضح ..لم يثْنك ذلك أيضآ وازددت تمسكآ بالفكرة...لا أكذبك ..أنه فى دواخلى كان هنالك حنينٌ غامض الى هذه الفكرة...الأجواء الموجودة هناك لا تتوفر لدينا هنا...الأشياء هناك مشبًعة بالفرح المنساب تلقائية وصدقآ.....أشياء لا توجد الا هناك...دواخلى كانت تطير فرحآ حين قررتم المُضى فى الفكرة...رعم أننى فى بادىء الأمر كنت أتزعم المعارضين...ما هذا الشىء الذى يجعل قلبى يتقافز فرحآ؟؟؟ما الذى يشُد دواخلى الى هذا الامر؟؟الشىء الواضح امامى هو ذلك الطريق المُتربْ والذى تكثر تعرجاته وتلك الوديان ومجارى المياه العديدة...ارتدته أكثر من مرة وأنا فى طريقى الى المدينة الكبيرة حينما لا يكون هنالك مفرٌ من ارتياده...كنا عندما ننزل المدينة الكبيرة عبر هذا الطريق ...يكسونا الخجل من مظهرنا المُترب وثيابنا الملتصقة باجسادنا من جراء التعرق المتواصل....كان مظهرنا ينبىء عن ريفيتنا التى نحاول اخفاءها بعد ان حرضتنا على ذلك المدارس والاطلالة على العالم خارج المدينة الصغيرة....
تحركت بنا العربة الصغيرة المستخدمةفى نقل المسافرين بين مدينتنا الصغيرة والقرية التى نقصد.....كنا نجلس على كنبتين مكسوتين بجلد رخيص...على هيئة صفين ...تكاد وجوهنا تتلامس...أنفاسنا تتداخل فى بعضها البعض....بينما تجلس أنت وحدك بالمقعد الامامى جوار السائق بعجيزتك الضخمة وكرشك المتهدل امامك .... وضعآ اكسبك اهمية زائدة امام السائق والذى كان يظهر لك الكثير من الاحترام وانت تقدم اليه السيجارة تلو الاخرى.....وفى الاخير هو يعلم انك من سيقوم بدفع اجرة السفر... مضى اكثر من نصف الساعة والعربة تتهادى فى الخلاء الممتد...تنحرف يمنة ثم يسرة...ترتفع حينآ ثم تنخفض آخر.....ملامح القرية بدأت تلوح....الخضرة بادية امامنا ......اشجار النيم الضخمة تتناثر اطراف الطريق الترابى....شجيرات اخرى عديدة لا اعرف لها اسمآ تنتصب هى الاخرى على جنبات الطريق...المواشى تتيختر على الطريق المتربة يتبعها صبية صغار ملابسهم بلون الارض ...شبابٌ ورجالٌ فى العقد الرابع من العمر يعتلون ظهور الحمير ويجدًون فى السير نحو الاراضى الزراعية والتى تمتد امامنا الى ما لا نهاية.......
مدخل القرية شارع واحدٌ نظيف ...المبانى متشابهة .....الطريق يشق القرية الى نصفين ....حركة الاهالى داخل القرية متسارعة ...نسوة بملابس زاهية ومحتشمة يسرْنً بمحاذاة الاسوار وانظارهن الى الارض...الرجال بملابس بيضاء نظيفة يقطعون الطريق جيئة وذهابآ فى خطوات قوية ونشطة ....الصغار يتقافزون فرحآ وبعضهم يطارد عربتنا ملوحآ فى فرح حقيقى ......بين الحين والآخر تنطلق زغرودة منغمة ...يطير قلبى ..احس بصدرى وكأن كتلة من لهب اخترقته.....تنقطع الزغرودة فجأة ثم تنطلق اخرى يختلف تنغيمها عن سابقتها ....يكاد يقتلنى الفرح وشىء آخر لا ادرى كنهه...... ترجلنا امام بيت العرس ....عددٌ كبيرٌ من الرجال كان فى استقبالنا ....صافحونا بحرارة ....يأخذك الواحد منهم فى احضانه ثم يفلتك ...يأخذك ثانية ليفلتك اخرى...ثم يُمسك بكفك بقوة ويهُزها لثوان معدودة كفيلة بأن تجعل جسدك يرتج جميعآ ....همس فى اذنى عصام ..[ الناس ديل سلامن قوى ] لم استطع منع نفسى من الضحك ..فعصام لم يكن قد تدجن بعد...فهو وُلد وتربى بالدول الاوربية ...تلك البلاد التى قيل انها بلادٌ تموت من البرد حيتانها.... ---- دخًلوا الضيوف على ديوان حاج احمد جاءنا الصوت قويآ ....ووقع على الرجال موقعآ جعلهم يهرولون جميعهم نحونا ....وفى ثوان كنا بداخل ديوان حاج احمد...لم نكن نتطلع الى الوليمة ....هكذا حدثنى الرفاق....وانت فى طليعتنا لم تكن تتطلع الى الوليمة .. كنت تنتظر المساء....تذكرتُ فى تلك اللحظة همس الرفاق....مؤكد انك تُضمر شيئآ.....ما هو هذا الشىء؟؟؟ ما من شك فى ان القرية جميعها كانت هناك ....ساحة واسعة ....الارض نظيفة والاضاءة قوية جدآ وواضح أن وصلات الكهرباء كانت تمتد من ديوان حاج أحمد ..... الفتيات ..جلسن تحت نيمة عظيمة ...بملابسهن الزاهية وجمالهن البادىء...جمالٌ لا تُخطئه عين...بكرٌ كما الارض ....أذكر جلسنا فى مواجهتهن ...الفتية كانوا يحيطون بهن ...وانطلق الغناء.....وتبختر العريس مزهوآ وسط الساحة ممسكآ سيفآ وسوطآ .....يرفع الفتية عصيهم الغليظة لتبين عضلاتهم المفتولة ...ويهُزون بها على العريس والذى كان خفيفآ من الفرحة ....أصوات الفتيات الندية كانت تغازل آذاننا فيسرى داخلها ذلك الخدر اللذبذ وين وين وين تلقوا زى دا عروسنا المنقة المتلجة كنت أنا وقتها معنيآ بالغناء وحلاوته ...ونداوة أصوات الفتيات ....والاهتزازات المتوافقة لاجسادهن المتوثبة والايقاعات الصادرة عن الدلوكة ....وكذلك تتبع آثار الفرحة على الجميع ...وتلك التى على العريس ..بينما كنت انت معنيآ بتلك التى تحمل الدلوكة وتوقع عليها ....همست لى بأسمها ...من الذى أخبرك أن اسمها هو زينب ؟؟؟ عيونها واسعة كتلك التى يتغنى بها الشعراء...كل شىء فى صاحبة الدلوكة كان دقيقآ ورقيقآ الا تلك العيون ...همست لى مرة اخرى هذه البنت [ جبدتا حبوبتا ] ... لم تنم انت ليلتها ...وكذلك أنا ....بينما كان يتعالى شخير الرفاق ....لم تحدثنى ولم أحدثك ....ما زلت اذكر صورتك وانت مستلق على ظهرك تناجى السماء ....لم ينطق لسانك الا صباحآ ونحن نتأهب لركوب العربة التى ستقلنا : سأرتكب الغربة .....لابد لى من ذلك وقبل ان اُعلق همست لى ولمثل زينب تُشد الرحال وتسرج صافنات الجياد تلك كانت آخر كلماتك ....افترقنا بعدها على صمت مهيب ...... ثم بعدها ....سويآ ارتكبنا الغربة .... غربتى لم تكن كغربتك ...كان صحبى فيها كثر ...وانت غير ذلك ....غربتى لم تمتد طويلآ ...وانت لم تزل تناطحها وتنطحك ....أحس بتعاطف معك عميق وانت تعانى غربة الروح والبدن ...وتلك التى عيونها واسعة بعيدة عنك ولا تكاتبك ....وكيف تكاتبك وقد ارتحلت هى الاخرى الى المدينة الكبيرة ...لابد ان احدهم قد اسرً اليك بخبر زواجها وانها الآن ام لثمانية اطفال ..... اقص عليك كل هذا وانا جالسٌ أوان مساء بباحة المنزل وعلى حجرى ديوان شعر عتيق ....وعلى منضدتى كوب من القهوة السوداء اذبتُ بداخله لتوى ملعقة صغيرة من السكر الابيض ....واطفالى الثمانية يتقافزون ويتصايحون فى مرح لا ادرى له سببآ ....وغير بعيد منى تجلس والدتهم معتمدة كفيها بوجهها تحدق الى لا شىء لا اكتمك اننى كنت بين الفينة والاخرى اتلصص بالنظر اليها .....ما عادت عيونها واسعة كما فى السابق ..لم تعد هى تلك العيون التى يتغنى بها الشعراء ....أشك الآن فى ان لها سابق علاقة بحبوبتها .
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلامات يا اجدع ناس نحن هنا يا عيد ما مكزرورة بلهكر لكن مزروره مع عبد الرحمن وامتحانو تاوقت الصباح ما لقيت زول ولحدى الظهر مافى غير مداخلتى قلت عيد نايم من السهر وباقى الجماعة المتساقطين كمان
طارق جبريل تضامنا معاك قلبا وغالبا
حامشى واجيكم بليل الى ان يحين دورى زهير ما لقيت رصيد فى الحلة لحدى بعدين
ريس ميسرة الابناء بشكروك على الفيديوخلاهم يدخلو البوست براهم
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
انا رايى يبقى الحال على ما هو عليه مع الناس احلى انا شخصيا منبر اليوم الحار ده مريت عليهو امس بعد كلامكم خلو الاختراحات حل احطياتى والبوست ده يستمر بلشكل ده
الى اللقاء
سلامات يا رشا وسلامات يا سهيلى وياالماقادرين تدخلو
زهير زناتى اقابلك فى زمن ماشى وزمن جاى وزمن لسة
الميل الجاى نطقوه بنعيم الدنيا هدية للسمكرى وصديقنا شبكش يلا يا سهيلى شوف لينا ابو داؤد خلى الجماعة ديل ينزلو من ضهرنا سلامات يا نضيف
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
زهير أنا مع اقتراح محمد عيد...منبر مستقل مع استمرار البوست أيضا ان أمكن ذلك واذا كان لا يمكن ذلك فأنا أفضل استمرار البوست على شكله الحالي حتى وان تم أرشفة هذا الجزء لنبدأ من جديد...
كل واحد يقول ليك بمشي و بجيكم بالليل...يا جماعة انتو ليلكم ده بيبدأ بتين...جننتونا...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
Quote: زهير أنا مع اقتراح محمد عيد...منبر مستقل مع استمرار البوست أيضا ان أمكن ذلك واذا كان لا يمكن ذلك فأنا أفضل استمرار البوست على شكله الحالي حتى وان تم أرشفة هذا الجزء لنبدأ من جديد...
|
ادعم هذا المقترح.
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
طيب يا جماعة يبقي متفقين لأنه بكري شكي من طول هذا البوست وما يسببه له من إشكاليات فنية عليه سيكون الإقتراح كالآتي : 1/ أرشفة البوست الحالي . 2/ فتح بوست جديد . 3/ فتح منبر جديد علي أن تكون له أيقونة أعلي المنبر العام مثل منبر اليوم الحار وإقترح أن نكتفي بإسم : ناس الزقازيق . 4/ نقل البوست المؤرشف للمنبر الجديد . 5/ جلب البوست السابق وهو موجود في مكتبة عصام دهب وضمه للمنبر الجديد . 6/ منح العضوية لكل من يرغب من ناس الزقازيق وذلك بالتأكيد بعد تزكيتهم . 7/حمد الله علي سلامة الصفحة وناس الحلة الوراء شايفهم وصلوا ونزلوا قصة كمان . 8/ إنت يا الرشيد مسطح وما عارف الناس دي حصل ليها شنو عشان كده ما تفتي ساي . 9/ لا يفوت علي فطنة القارئ أن البندين 7 و 8 هم مجرد خستكات غير تابعة للمقترح .. ولا نامت أعين الجبناء ... وديل قاصد بيهم ناس زينب التجاني ...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
كل واحد يقول ليك بمشي و بجيكم بالليل...يا جماعة انتو ليلكم ده بيبدأ بتين...جننتونا ====================================================================================== يارشيد اتعشى بى رزك ولبنك حضرنا فى الساعات الاولى من الجمعه ولم نجد الا الثبات العميق وثمة صوت شخرى لا ادرى مصدره
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
سلامات يا ناس
Quote: يا كوتش القصة جميلة بحق لغة ووصف وموضوع ، والنهاية مدهشة للحد البعيد تجعلك غاية في الإندهاش والإبهار ، دائماً القارئ يعجب ويندهش لما لا يتوقعه ، |
شكرآ يا ابو الزوز على الكلام الجميل ...وانت طبعآ زول ذواقة ...وبرضك قصاص ولابد...
| |
|
|
|
|
|
|
|