|
Re: ناس الزقازيق ... أجدع ناس .. (Re: محمد صديق)
|
يا جماعة الصفحة الجديدة دي مخصصة لشنو عشان الأختصاص وكدا ...
بعدين يا طارق جبريل قالوا الخواف ربي عيالة وفي إتنين في الدنيا دي ما بقدر إتلوم معاهم وعارفهم حاتم جبارة الجبان دا ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
حاتم جبارة سيب الشمارات ، لقيت تلفوني ذاتو ما فيهو رصيد ... انا ذاتي الشمار كاتلني .. إلا الصباح نعرف الحاصل ... والله يا طارق ضحكت في النكتة بصوت عالي رغم إنها سمعتها قبل فترة لكن من النكات الجميلة يا زول أديناها ليك 8 من عشرة ودا تقييم لو تعرف عظيم خلاص ... أمبارح جبت نكته هنا مافي زول عبرني .. غايتو ناس البوست ديل لمن يقوموا علي الغتاتة ... الله لا وراك ...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
انتو يا شباب موش في حاجة في الاسكاي بي ممكن تجمع الناس كلها مع بعض يعني تتونس صوت بس مثلا ما نجرب الحكاية دي كل جمعة في الوقت دا ولا شنو..
ابو الزوز لو باريت ود جبارة دة بيجيب كثافتك اسلني منه انا بعرفه زي جوع بطني
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
با حاتم شمارك تقيل بعدين ما تصدق زهير قبل ما ارسل المداخلة كان ضارب لى لكن ما بقدر يقول والله قايلاك خليت الشمشرة تتذكر ايام ما كنتو مركلسين فى شقتنا الفى المطبعة 24 ساعة مع ناس شوش كل ما عمر يتصل تحلفونى عليك الله قال ليك شنو ولا كل ما ارجع لازم تعرفو كنت وين بلمناسبة يا حاتم شوش اخيرا رزقت بى ولد وبتبلغقكم تحياتها وضحكاتها من الابيض
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: زهير ما داير تعلق على فراج الطيب ليه
ولا مشغول بتستف فى حاجاتك الداير تبيعا
فى السوق الشعبى؟؟ |
والله يا كوتش لقيتك رهيب ، والله انا لي ساعة بضحك في كلامك دا ,طبعاً لقيتك حوام في البوستات .. اهاالشماره دي إلا حاتم جبارة يضرب مخصوص ... رايك شنو عليك الله في مشروعي دا خاصة ممكن بكل إرتياح نقنع الوجيه جمال فارح بالتمويل .. لأسباب معلومة لكلينا ....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
مبروك لبتنا الصغيره شوش .. وتحياتنا لود المنصورة الكان منتشر في الزقازيق 24 ساعه..
بقيت بتاع عده والاشنو يازهير.. السوق الشعبي مالك عليه.. أوع تبقى زي زولك الفي قصه الرشيد.. تغش الزينه وتشيل جلابيه الحاج الكرت..
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: بقيت بتاع عده والاشنو يازهير.. السوق الشعبي مالك عليه.. |
عــدة شــنو يا حاتم ؟؟!
صاحبك ابو الزوز خلـــى التقدميــة وبقى يبارى فى الرجعية
زولك مشى الســوق الشعبى يشــوف الفكى ابو كدايس بتاع ناس الهلال
عشان كورة مازيمبى وكده ...!!!
ما شايفوا عامل ليهو بوست تنبؤات بى غادى ؟؟!
زنـــوبة ... أســـفرت وأنورت .. ( دى بلهجة الخليجيين طبعا يعنى نورتى )
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
ربنا ينور عليك يا عيد والله قلت اراجع الفات رقبتى اتكسرت الا الدكاترة الزقازيقاب يحصلونى اتعسمتا خلاص لكن كل يوم حارجع لى كم صفحة هسة فى حفلة الرياض ابدااااااااااااااااااااااااااااااااع تصبحو على خير
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
تنبؤات شنو ياود عيد.. والله ناس مازيمبي لا بينفع معاهم سوق شعبي ولا قومي.. الله يستر على ناسك..
زينوبه شماركم خطري.. البتودو بفوق دا..
عندي تمرين كوره بعد شويه.. اتمسحت بصباع جزال كامل.. ومتلفلف بفاولات كلي.. فريقنا اسمو الكوامر.. اسم و معنى.. الحرفه كتار.. لكن السوسه ناخراهم..
الصباح رباح ياخوانا..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
صباح الهناء والسرور ... أصبحنا وأصبح الملك لله ... ما شاء الله عليكم يا أجدع ناس ... غايتو جداعين جنس جدع ... عقبال الميل 100 ... وخلينا نشوف اللفحي ومدير إدارة اللفحي وناس اللفحي ... أول مرة أشوف عسكري لفاح وبتاع لفحي ... لكن بقولوا حاميها حراميها ... بالهناء يا جنابو يا لفاح ... اللفحي بالقانون ما في أحلى منو ... ودور بي يا لفحي درو بي ...
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
صباح الخير يا وجوه الخير ،،،، السرعة القاتلة التي يعدو بها هذا البوست هي مفخرة لنا وعقبال وصول سرعة الصوت،،،،
أرجع ليكم للحكي عن الزقازيق شوية لأني إحترمت تجمع الرياض وثم الكلام عن الجمعية - كلام الجمعية لسه ناقص -
عند وصولنا نزلنا بجوار الجامعة مباشرة وتاكسي الشرقية كما لونه احمر - يساري - ورخيص كما كان عند بوابة الجامعة أمن الجامعة رايح فين يا زول فأخبرته بأني من زمن حفرو الترعة وأنا صاحب طلبة عويضة سمح لنا بالدخول وهو يضحك وإستلم البقشيش أول شئ وقع عليه نظري هذا المدرج العتيد وهو مبى له كثير من الذكريات الجميلة وهو أكبر مبنى بالجامعة وناس تجارة + يعظمون هذا المدرج .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
داخل كلية التجارة وجدنا كثير من التغير التسجيل للطلبة الجدد والخريجين لهم شبابيك تفتح تجاه كلية التمريض وهي شبابيك كثيرة جداً لاحظت تجمهر كبير للطلاب وشاهدنا المنظر التالي أنا إسمي مكتوب ،،،، طيب
يا نهار ابيض دي يا شباب ارقام جلوس دور سبتمبر هل تذكرون الناس حين ترجع قبل الموعد المحدد علشان تعمل دور سبتمبر ..
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
Quote: وخلينا نشوف اللفحي ومدير إدارة اللفحي وناس اللفحي ... أول مرة أشوف عسكري لفاح وبتاع لفحي ... لكن بقولوا حاميها حراميها ... بالهناء يا جنابو يا لفاح ... اللفحي بالقانون ما في أحلى منو ... ودور بي يا لفحي درو بي ... |
البادى ..لفحنا لفح مقدم وبرضو ما لقينا طريقة
هسة قاعدين نعاين نشوف اللفحى ده حدو وين؟؟
ونجيلة ما داير يجى يوزع لينا الملفوحات.
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يخرب مطنك يا تجارة يخرب ضحكتك ،،،،
كل واحد من ناس تجارة يراجع نفسه ويشوف المواد الهو شايله ويرغب يمتحن فيها يراسل أخونازهير الزناتي أو جلا بالخرطوم والمغتربين وأبنائهم يراجعوا أحمد إسماعيل بالرياض أو يشوفوا أخونا الحوري مسؤول إمتحانات السودان.
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
هناك تغيير كبير في كليةالتجارة ويتمثل في المناهج والتدريس ،، عند الشبابيك الكثيرة وصل طالب مستجد وطلب تعينه في قسم إنجليزي وكنت فاكر بأنه مش فاهم حاجة وسالته هنا تجارة وكلية تربية هناك وولم أكمل كلامي كان هناك شاب شكله كده زي عبدالدائم ويحمل لاب توب وبادرني تعرف حضرتك بان هناك تغير في نظام الكلية وتوجد أقسام جديده وهي :- - كلية التجارة باللغة الإنجليزية - قسم التجارة الدولية هذه كلها أقسام جديده لا توجد بالسابق ،،، الله يرحم ايام زمان كنا ح نتسابق على قسم الإنجليزي وننافس ناس تربية وآداب
هل هذا المركز كان موجود في عهودنا القديمة ،،، لا اذكر دفعني الفضول للبحث في داخله ولكني لا أذكره وكان ممكن عمل حفلات الإستقبال والتخرج ولكن لم أشاهد قاعدته سابقاً .
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا ريس صباح الخير ,, أعتقد أن الكلية نظامها الأكاديمي لم يتغير كثيراً ، ولاحظت أن الدور أصبح في سبتمبر عوضاً عن نوفمبر في السابق ,,, كما أن هنالك بعض المواد الجديدة التي تواكب روح العصر مثل المحاسبة الدولية ، الأسواق المالية ، تحليل القوائم .. الخ الله يديك العافية يا ريس مباني الكلية بالتأكيد لم تتغير سوي تلك التحسينات ،، يعني بقت زي النضيف نضيفة ... بالمناسبة وين النضيف ...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
العزاء لأسامة دبلوك الترحيب بعودة زينب التيجانى الأعجاب بزينة الرشيد ورينا يعوض الحاج فى جلابيته الكرت الراحت بى سبب طقم كبايات العصير والشربات وسألت منك العافية طارق جبريل وعفارم عليك عبد الحفيظ عباس ولكن فكرة محورية يا جماعة ستجعل من مسألة الأشتراكات والمساهمات المالية مسألة فى غاية السهولة بدون ذلك فأن النشاط والتجمع سيكون محصورا على المناسبات تحياتى محمد صديق المهيط بتاعنا جاااااااهز رسل لينا بارجة
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
الكلام مايزال (محرقنى ) عن الفكرة المحورية انا اكتب الآت وقد نسيت نضاراتى فى البيت عشان كده ما تشتغلوا بعدد النقاط على الحروف اللخبطة ممكن تحصل , والقاف ممكن تبقى فاء والعين غين والتاء ياء اعتمد على فطنتكم الما بتغبانى انا انسطت جدا لمن نقاش الجمعية بدأ بالسؤال بتاع نحن اساسا عايزين جمعية عشان شنو جاوبوا كلكم الا طارق جبريل الحا نجى فى مرحلة ما نسأله مالك ما داير جمعية وسيرتها مالها قايمة بيك قدر ده انا شخصيا اعتمدت على ملاحظة ياسر نجيلة الموضوعية بتاعن البوست ودوره الفعال اكثر من الجمعية ببساطة لأنو البوست بقى دار والجمعية نشاط مشتت يجتمع له الناس حسب ظروفهم واهتمامهم بشكل ونوع النشاط عشان كده النشاط بتاع الجمعية ناجح ومهم وفعال لمن حضروه وشاركوا فيه لكن البوست مهم وناجح وقعال لمن يشاركون فيه ولمن يطالعونه ويتابعونه من وراء حجاب حجاب دى المقصود بيها الباسويرد نحن دايرين نتبتى (مكان) زى البوست ده يكون مصدر اشعاع ومركز استنارة فيهو نجتمع , فيه نتثاقف , فيه نتريض ممارسة وتشجيعا فيه نتشاعر ونتقاصص ونتفاكه فيه نختلف ونتفق فيه تجتمع اسرنا فيه نكلف مجلس الأدارة (المنتخب) بكتابة طلب لمقاعد دراسية لأبناء السودانيين خريجى جامعة الزقازيق فى كلياتها المختلفة فيه نقيم الندوات السياسية والاجتماعية والفنية والثقافية فيه يلعب ابناءنا تنس الطاولة ويمارسون السباخة ويكون فريق الزقازيق منافسا فى دورى الدرجة الثالثة الكوتش بتاعه حاتم جبارة ومدير الكورة محمد صديق وحارس مرماه مهند الرشيد وباكه الشمال احمد عمر (زينب التيجانى) واليمين مجد زهير ثيرد باكه الود المتشقلب بتاع محمد صديق ده والأستوبر دكتور سلمان احمد منصور حايكون راس حربة زى ابوهو ومصطفى محمد عيد اجتياطى (عشان ابوهو مريخابى ) يا جماعة لمن يكون هدفكم قدر ده حا تدفعوا قروش ولا لا ؟؟ حا تخلصوا الديون ولا لا دار زقازيقية عامرة تبدأ من الصغر تدريجيا ومن ثم تشب على الطوق مركزا للأشعاع والوعى آمنتوا ولا لسه ؟؟؟!!!!
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: آمنتوا ولا لسه ؟؟؟!!!! |
آمن بس...نحن قلنا الروب عديل كده....
يا منص أفكارك دايما عملية و جميلة و زي عادتك بتنجض الحاجات و بتنجضنا كمان...لكن نجيضك للحاجات ده هو البيعجبنا...معاك (غلبا و غالبا) الا في حاجة واحدة...مهند شنو الملعبو لي حارس مرمى وولدك راس حربة...يعني عشان ولدي أبنوسي ملعبو لي وراء وولدك لونو فاتح ملعبو راس حربة...منصور بطل العنصرية بتاعتك دي...
أبو الزوز و الله أمبارح فرض علي أمشي المول و أكمل قروشي هناك و ارجع الساعة واحدة صباحا و بعد داك اركب لي أمنية الLCD و الطابعة الجديدة و تقوم الحاجات ما تشتغل و تصر أمنية ما تنوم الا كل الحاجات الجديدة دي تشتغل...غايتو عشانهم كل شئ يهون...بس ما عافي ليكم طعمية الدكان الأكلتوها الليلة مع عصيدة ابتهاج دي...ان شاء الله.......تنفعكم....انت عارفني حنين.. الفيديو بتاع مجد ما شغال عندي...بحاول مرة تانية لما ارجع البيت...
و أنا جاي من ابو ظبي و معاي صديقي عادل...قال لي أنا مسجل اسمك في الموبايل الرشيد بابكر KEO و ده اسم الشركة بتاعتنا...عشان أميز بينك و بين الرشيد بابكر تاني...زعلت وقلت ليهو يا عادل دي بقت زي نصر الدين عباس جكسا...جدي حاج سيدأحمد ود البشير عملتوKEO ....ضحك عادل...لكن لو عرف أنا مسجل اسمه كيف في الموبايل بتاعي ما كان ضحك...أنا مسجله عادل 309 و ده رقم المشروع الذي نعمل به الآن...حسه عليكم الله أحسن ياتا...أنا جكسا و هو سامي الحاج...
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
بعد المداخلات الصباحية كلها حاولت أدخل حالياً طلب مني إسم المستخدم وكلمة السر هل الموضوع ده على كل الناس ولا أنا عندي حاجة خاصة مش فاهم
كامل العزاء للأخ/ اسامة دبلوك في وفاة عمه تغمد الله الفقيد بواسع رحمته وألهم أهله وذويه الصبر والسلوان .
إنا لله وإنا إليه راجعون ،،،،،
الأخ/ أسامة دبلوك خريج كلية الحقوق وكان رجل يحب القانون والتمسك باللوائح والدساتير ،،، وعندما كنا برالمة أتذكر الأخ/ اسامة وجدنا شخص طويل ومليان ويتكلم عن إنتهاكات الإتحاد لدستور 76 وعامل ركن نقاش قانوني لوحده ، ونازل إنتخابات بقائمة لوحده خارج كل الأحزاب ومنه بدأنا نفهم ما يحدث ،، للزقازيق كثير من الرجال الوجاه الأقوياء ،،، تحياتنا لأخونا أسامة دبلوك أين من حط رحاله.
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: بعد المداخلات الصباحية كلها حاولت أدخل حالياً طلب مني إسم المستخدم وكلمة السر هل الموضوع ده على كل الناس ولا أنا عندي حاجة خاصة مش فاهم |
يا ريس .. في حاجة غلط فى المنبر من الصباح
نفس الشىء حصل معاى ..
وانا كنت مستغرب كيف انت بتنزل فى الصور ؟
كل ما احاول اعمل حاجة تجينى رسالة تقول انو الموقع مهكــر !!!
يا جماعة ما تنسوا موضوع تخزين الصفحات على الكمبيوتر
او على هارديسك خارجى
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: ومصطفى محمد عيد اجتياطى (عشان ابوهو مريخابى ) |
Quote: يعني عشان ولدي أبنوسي ملعبو لي وراء وولدك لونو فاتح ملعبو راس حربة...منصور بطل العنصرية بتاعتك دي... |
هســــه بالله يا رشيد .. صاحبك ده لو ما فعلا عنصــرى ورجعى
زى ده هســـه بيختوهو احتياطى ..؟؟
لو ما اخاف الكضب اقول ليك شايف منصور فى طيارة صلاح ادريس الخاصة
وكمان شايل فى ايديهو الكدايس والحمام !!!
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا ناس هوووى ...
فتحوا عيونكم وخليكم واعين لنبرات الحقد والحسد المالية المنبر العام
تخيلوا المنبر العام من غير ناس الزقازيق ... !!!
Re: يا بكري ياخي فِكنا من ناس الزقازيق وبحري طراوة والشعبية ديل .. (يوجد ارهاق للصفحة الاولى+ ص (Re: ALazhary2)
عصام دهب الزول ده فى ناس قالوا ليهو .. قوم لـــف
وانا باقول ليك ... لازم نتحرك بالجد قبل أصــوات الوهم دى ما تزيد ..!
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا جماعة دعوه و شأنه...اذا وصلت صفحات هذا البوست الى اثنتان فلقد نجح في تحقيق هدفة..دعوه ليسقط في القاع كما سقط غيره...هو يقول ان هدفه انقاذ البورد و قلبه على بكري...ان كان صحيحا لاستخدم ألقاظا أفضل من تلك التي استخدمها...دعوه و لا تساهموا في اعلاء البوست...
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
حوار دار مع أحد الأصدقاء في تمرين الكوره امبارح..
...... والله أنا درست في الزقازيق.. يا سلام ياخ.. طيب قرا معاكم واحد من أولادنا.. منو ياخوي.. محمد صديق.. محمد صديق منو.. محمد صديق الحسين.. الأسم دا ما غريب علي.. (نظام دردقه).. ياخي زول حريف كوره.. باسمع بالأسم دا لكن زول كورتو عاديه.. عاديه شنو.. والله زول لعاب ما اعتيادي.. لعب وين.. في الشعله رفاعه.. ياخي شعله شنو.. ما سمعنا بيزول منها.. كيف ياخي.. والله محمد دا كان بيقعد سانتو رفاعه كنب.. أيوه اتذكرته.. بعدين كان زول فقري جدا.. أيواااا.. كيف.. جابوه لينا مراقب في امتحان الشهاده.. عذبنا عذاب.. قرضها علينا.. ااي هو أصلو زول رسمي.. احتمال أقابله لمن أمشي السودان.. ممكن تقابله في سودانيز أونلاين.. أقول ليه منو.. حسين علي خالد.. أخو عصام و دحدوح.. أبوي كان في البوليس في رفاعه..
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
واحد مسطول مشي الصيدلية قال للدكتور : 'عايز لبن اطفال'.
الدكتور: 'اسمو شنو؟' المسطول رد : 'اسمو اشرف'
مسطول بابه دقه...قال:'منو الفي الباب؟' قال ليهو:'افتح يا جدو انا حفيدك'.قاليهو:'يعني حتفيدني في شنو يعني؟'
المسطول مشى بيت ناس صحبو دقه الباب جاتو اخت صحبو سألا حسن في ؟ قالت ليهو مافي فضل واقف سرحان قالت ليهو خلاس لما يجي بكلمو ليك قاليها كلميهو انتي قايلاني خايف منو؟؟
مسطول احوص بحضر ليهو في فلم عاطفي داير يدمع ... ريّل
في واحد مشى لشيخ مسطول يفسرليهو حلم وقال : انا حلمت اني لابس بدلة لونا بني فاتح وقاعد في مكان فيهو نجيلة قال الشيخ : تفسير الحلم ..... انك تور الله في برسيمه
مسطول جابوليهو بنت قالوا: 'حتسميها منو؟' قال: 'هبة على عمتي علوية
مسطول مشى محل حلوانى العامل قال ليه سفرى ولا محلى رد المسطول : اقول ليك حاجه شكلو
اتنين مساطيل قاليهم العسكري ' وليه كلكم عيونكم حمرا'؟؟ قالوا ليهو: 'بنبقى لبعض'!!
حين تري السماء سقف لبيتك ..وتري القمر مصباح لغرفتك ..وتري النجوم متعتك. حينها تاكد .. انك مسطول ليس الاّ!!
مسطول بيسأل صحبو: 'شنو اسماء اخوانك؟'. قاليهو:'كلهم أسمهم عبدالله الا ابراهيم اسمو مصعب'!!
'مولاي شخص بالباب جننا يريد أن يخش'. الوالي: 'ثكلتك أمك أوقفه عند الباب حتى آذن له بالخشوش'.
(اتنين مساطيل بمثلوا مسرحية باللغة العربية الفصحى).
اتنين مساطيل بيحضرو في كورة والمذيع بيقول دربكة في خط الدفاع دربكة في خط النص دربة في ال18 وهوووب قووووووووووووون جوا القون. قام المسطول قال لي صاحبو: 'تعرف دربكة دا لاعب مية المية'.
واحد مسطول في قسم الشرطة صدم 15 زول بسيارة الضابط قاليهو : دا شنو العملتو دا يازول قال: انا كنت سايق في الشارع .. فراملي فكت وفجا ظهر لي زول قدامي، صيوان عرس علي يميني و اولاد صغار علي شمالي. الظابط قاليهو : طيب ماكان تصدم الزول البراهو. قال ليهو: انا زاااتي قلته كدة .. لكن هو جري دخل بيت العرس!!!
مسطول.. بتاع الحركة قال ليهو: ما رابط الحزام ليه؟ قال ليهو: 'هو أنا بالله لابس بنطلون؟؟'! قالوا مسطول بعد احداث امدرمان الاخيرة شاف عربية بوليس وقام جاري.. البوليس شافوا قام سكاهو... ولمن مسكو سالو: 'يا زول في شنو؟'.
قال ليهم: 'ما في شي'. سالو البوليس: 'طيب بتجري مالك؟' قال ليهم: 'ما يمكن يكون في شي'!!.
اربعه مساطيل سايقين عربيه والسطله راااابطه معاهم شديد قامو صدمو العربيه طفجوها طفيج شديد..
قالو خلاص احنا ننفخ العربيه دي من العادم..نزلو تلاته قعدو ينفخو فى العادم بخشومم...والرابع واقف بعيد بيضحك ضحك شديد...
جوهو قالو ليهو:' بتضحك مالك؟'
قاليهم:' إنتو عووره ولا شنو؟ بتنفخو في العربيه والشبابيك فاتحه؟'
مسطول ماشي في الشارع بليل وراجع بيتهم ومنتظر المواصلات شاف بوكس كحلي واقف في الظلط قام جرى عليهو لمن وصل البوكس قام عاين للعسااكر مسااااااااااااافة قال ليهم: 'السوق العربي؟؟'.
مسطول مرتو قالت ليهو:'وأنا بصلي الكديسة أكلت عشاك.. قمت دقيتها قامت جارية'.
قال ليها: 'ما مشكلة بكرة بجيب ليك كديسة تانية'!!
مسطول مواعد ليهو واحد... شراهو مشي اشتكاهو في مكتب الحركه. بتاع البلاغات سالو:'نمره العربيه كم؟'. المسطول : 'ما عندو عربيه'. بتاع البلاغات: 'طيب نمره عربيتك كم؟'. المسطول: 'ما عندي عربيه'. بتاع البلاغات: 'طيب جاي مكتب الحركه ليه؟'. المسطول: 'عشان حركتو دي ما جميله'!!
مسطول كان ماشى لقى الناس بصلوا فى (زاويه) و الارضية كانت برش قام صلى معاهم، بعد الصلاة خلصت الناس مشت الا الامام و المسطول كان غالبو يقوم ، قام الامام قال للمسطول : 'يا ولدى يلا لفها'،
المسطول : 'يا مولانا انت جادى؟؟'!
مسطول بيقول لصاحبه : 'يا أخى أمبارح دخلت فيلم هندى هايل .. بتاع راجل و مره ماشيين في الشارع . لقوا ليهم طفله فى اللفه خدوها و ربوها لغايه ما كبرت وفى الاخر طلعت أمهم'!!
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
حاتم يا أخوي حسه عليك الله... حسين علي خالد ده.. أخو عصام و دحدوح.. والأبوهو كان في البوليس في رفاعه ما قدرت تطلع منو الا انه محمد صديق كان لعاب و فقري..حسة الكوتش بيكون ماسك كباية اللبن المقنن وقرأ الكلام ده عشرة مرات كده...كان تطلع منه حاجات تانية...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
Quote: المهيط بتاعنا جاااااااهز رسل لينا بارجة |
ومالو يا حبيب :
عُدنى يا طالع هذى الشجرة بالميلاد
عدنى فالليلة يستيقظ كل الاولاد..
يأتونى بالملح
وبعض تذاكر لمشاهدة مباراة القرن
بين الفيلة والفيلة
بين ديوك الروم وكل ديوك الشام
نمروذيطلع من بطن الارض
ويغتال الاحلام
يقطع عنا امدادات العشق
وكل بدايات الانغام.
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
[QUTE]اما الكول اساسه نبات له ساق معتدل طويل ويتفرع منهأفروع بها صفق شبيه بصفق نبات الفول السوداني، ينمو بكثرة في مسيل مياه الأمطار ولاتأكله اي بهيمة
كيفية تحضير المادة التي تؤكل يجمع ورق نبات الكول بكميات كبيرة ويخمر في أزيار مدفونه في الأرض لمدة أسبوع أو اكثر يتحول الكول إلي عجينة سميكة تقطع وتجفف على حرارة الشمس ثم يدق اويسحن ويكون جاهز للإستخدام،لونه اسود ورائحته مزعجة للذي لايعرفه.؛
فوائد الكول مليء بالبروتينات والفتمينات ويفتح الشهية يظبُط تقريبا كل ملاحات العصيدة بالأخص عند إضافة السمن البلدي
|
السلام عليكم ياأجدع ناس نبذة بسيطة عن الكول للاخ العزيز حاتم جبارة من متاوقة سابقة ونواصل بذكر بعض طرائف الكول
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
سلامات يا ناس
Quote: نحن دايرين نتبتى (مكان) زى البوست ده يكون مصدر اشعاع ومركز استنارة فيهو نجتمع , فيه نتثاقف , فيه نتريض ممارسة وتشجيعا فيه نتشاعر ونتقاصص ونتفاكه فيه نختلف ونتفق فيه تجتمع اسرنا فيه نكلف مجلس الأدارة (المنتخب) بكتابة طلب لمقاعد دراسية لأبناء السودانيين خريجى جامعة الزقازيق فى كلياتها المختلفة فيه نقيم الندوات السياسية والاجتماعية والفنية والثقافية فيه يلعب ابناءنا تنس الطاولة ويمارسون السباخة ويكون فريق الزقازيق منافسا فى دورى الدرجة الثالثة الكوتش بتاعه حاتم جبارة ومدير الكورة محمد صديق وحارس مرماه مهند الرشيد وباكه الشمال احمد عمر (زينب التيجانى) واليمين مجد زهير ثيرد باكه الود المتشقلب بتاع محمد صديق ده والأستوبر دكتور سلمان احمد منصور حايكون راس حربة زى ابوهو ومصطفى محمد عيد اجتياطى (عشان ابوهو مريخابى ) يا جماعة لمن يكون هدفكم قدر ده حا تدفعوا قروش ولا لا ؟؟
|
ده الكلام.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
ذهبنا اليوم في طواف زقازيقي ... قدمنا نيابة عن الجميع واجب العزاء في عم الأخ أسامة دبلوك ، وبعدها توجهنا لأداء واجب العزاء في شقيق الأخ عبد العظيم أحمد عبد الكريم (قون تربية) ثم قمنا بعيادة العزيزة نهلة نجم الدين ولم نتوفق في لقياها بعد أن من الله عليها بالشفاء .. ثم توجهنا لزيارة أسرة الأخ جماع في الحلفايا ...
والله يا الرشيد لو ماشفت قون راؤول في بلد الوليد قبل شوية نص عمرك ضاع ... قون أسطورة ومبالغة ..
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
Quote: أيوه اتذكرته.. بعدين كان زول فقري جدا..
|
حاتم ...ونحن فى انتظار نتائج المعاينات
بتاعة الكليةسنة 91 ..سجلنا فى مراقبة
امتحانات الشهادة..الاولاد يا حاتم عايزين
يشفو ...ويطلعو البخرات..اخوك كان مقرطا
عليهم..لى درجو انو واحد قريبى بعد واحدة
من الجلسات انتظرنى فى الشارع قال الا يدقنى
....لى ود رفاعه كل السلام
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: ذهبنا اليوم في طواف زقازيقي ... قدمنا نيابة عن الجميع واجب العزاء في عم الأخ أسامة دبلوك ، وبعدها توجهنا لأداء واجب العزاء في شقيق الأخ عبد العظيم أحمد عبد الكريم (قون تربية) ثم قمنا بعيادة العزيزة نهلة نجم الدين ولم نتوفق في لقياها بعد أن من الله عليها بالشفاء .. ثم توجهنا لزيارة أسرة الأخ جماع في الحلفايا ... |
معاك منو؟؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
سلامات يا ناس
Quote: ..حسة الكوتش بيكون ماسك كباية اللبن المقنن وقرأ الكلام ده عشرة مرات كده...كان تطلع منه حاجات تانية... |
الرشيد حاتم دا دايما بيفتش لى جوانب تانية
وشغال بى نظرية علما ليهو مصطفى محمد الحسن==علوم
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: حاتم يا أخوي حسه عليك الله... حسين علي خالد ده.. أخو عصام و دحدوح.. والأبوهو كان في البوليس في رفاعه ما قدرت تطلع منو الا انه محمد صديق كان لعاب و فقري..حسة الكوتش بيكون ماسك كباية اللبن المقنن وقرأ الكلام ده عشرة مرات كده...كان تطلع منه حاجات تانية... |
رشا يا حبيب.. حسين دا من أهالينا الشوايقه.. من منطقه الأراك.. قدر ما حاولت أدردقه أبي.. بيلعب معانا شايقي تاني من البركل بلد جبريلا... أحاولو ليك.. بعدين الكمندان دا عامل فيها فراج الطيب.. شي أشلت وشي مبني للمجهول.. نزلنا ليه الحكوه دي ومضمونها.. تأكيد المدح بما يشبه الذم..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: حاتم الزول ده وكت وصل لحدي فقري كان تصبر عليهو شوية لحدي نهاية التمرين كان جاب ليك الباقي... |
رشا.. أخوك بعد التمرين النفس غالبو.. حرم كان كتبو لي الشمشره في ورقه ما بشيلها..
أحمد اسماعيل يا راقي.. شكرا علي معلومه الكول.. لكن شكلو ياااي أوي..
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
طارق جبريل هاك النكتة دي عشان تسوي حسادة الشوايقة مع البديرية و تقول لي بايخة...
عليك الله كان ضحكت أعزمني اجازة في المغرب...
ابوداود كان فى رحلة مره فى بورتسودان، بعدين الجماعة طبعا ضابحين ومهيصين وبعد الضبيحة قاموا جابو المرارة والشيه وبدو ياكلو، بعدين من ضمن الأكل كانوا عاملين ليهم خروف كامل معلق فى شواية والنار مولعه تحته والدخان ضارب قالو ليهو تعال يا عبد العزيز شوف المراره دى قال ليهم ما عايز، انا مستنى الكمينة ديك تطلع
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أرسل لي الأخ عبد الهادي عبدالله (تجارة - دفعة 88 )متفرقات من أدبه فهو يغريكم التحايا ويمنى التواصل معكم...وسألته أن يكتب عن الطيب صالح... فكتب إضاءة أولى : (حسن الأعمال - نتائج حسن الأحوال, وحسن الأحوال – من التحقق في مقامات الإنزال). - ابن عطاء الله السكندري - إضاءة ثانية : (الإنسان يا محيميد.. الحياة يا محيميد ما فيها غير حاجتين اتنين.. الصداقة والمحبة) - الطيب صالح – مريود – التقيل لي ورا....ملمومين للخير ياسر نجيلة حداكم؟؟؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا طارق جبريل طالما كنت بخيل في نضميك عن الطيب صالح ...إلا أنني وجدت الأخ عبد الهادي فقال و ما سكت ...ولكنني واثق أنك ما بخلت إلا لأنك قد تشعر أنك لا تستطيع أن تفي حق أديبنا ذاك الحق الجميل ..لكن لا عليك فسنتظل بعبد الهادي إلى حين توطئة :- ربما حقَّّ لنا القول: إن "الطيب صالح" قد مُنح نفساً رضية مُحبة ومحبوبة, ومثلما أدرك الشيخ "نصر الله ود حبيب" حين قال: ( يا بلال إن حب بعض العباد من حب الله). وربما لم تكن الكتابة تمثل هاجساً لدى "الطيب صالح", ولعله لا يبحث عن مجدٍ في الكتابة علي ما نالته أعماله جميعاً من حظوة وتقدير. فقد فاق صيته وزراء عصره – مثلما "أبي الطيب المتنبئ" – ملأ الدنيا وشغل الناس. فأعماله ترجمت إلى كثير من لغات العالم وتدرس في كثير من عواصم الغرب والشرق. ويتفق كل من تعرف عليه عن كثب - على امتداد السنوات – أن الرجل نسيج وحده ومثلما أشار "د. جابر عصفور" (فعذوبة لسانه مصداق خصاله وحسن ظنه قرين حسن لفظه) يلتقي أبناء الوطن برموزه المتباينة في محبة الطيب صالح، حتى أن الشاعر محمد طه القدال كان يلاحقه في مظانٍ كثيرة من مدينة إلى أخري حتى وصل فأس – الما وراها الناس – إلى أن قيض الله له لقاءه في الخرطوم في أبريل الذي كان أجمل شهور السنة*.
أنا ماشى أتلم أنوم
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
سلامات يا ناس
يا عيد الزول ده والله اكد لينا انو ما بهضرب
تعرف يا جلا فى مثل بقول [ الغابو وجابو ]
اها انت الليلة...غبت وجبت...
يا ناس الزقازيق كلكم والله عبد الهادى ده
زول ما ساهل تب...متمسح تب...كان قلتوا
شعر...شاعر ملان...كان قلتوا كتابات نقدية
تلقوهو فايض...وهو مكسب كبير للبوست...
مرحب بالاديب عبد الهادى ..عبر نفاج جلا..
وياجلا جيبتك لى عبد الهادى تمسح ليك اى
حاجة وانا ابتداء مسحت ليك الهضربة.
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يا جماعة نحضر كورة برشلونة ونجيكم نتم باقي الكلام ... |
يا زول انت قايلنا شغالين في البوست ده ولا شنو...عندنا شغل...كلنا قاعدين نتفرج و نكتب..برشلونة شكلها كده مرشوشة مرشوشة الليلة...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
كورة برشلونة لا يمكن حضورها بنصف إنتباهة ... لكن زي ما قلت الله يستر ...
يا جماعة واضح إنه مداخلاتي بقت الناس تعدي فيها علي الماشي طوالي ... وما بتقراها ,, مداخلتي بتاعت الطواف الزقازيقي غير حاتم جبارة مافي زول قراها ... قولو لي ليه .؟.
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يا جماعة واضح إنه مداخلاتي بقت الناس تعدي فيها علي الماشي طوالي |
يا أبو الزوز انت مداخلاتك لا يمكن أن نعدي عليها على الماشي لأنها دائما ما تحمل الكثير المثير الخطر و عجبنا جدا الطواف الزقازيقي بتاعكم و تمنينا أن نكون معكم في هذا الطواف...و اتفرجنا في الصور و أخيرا...التي شيرت...ما عندك...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
أها قبلتو علي الشوايقه..
***********************
امام شايقي في الركعة الاخيرة شاف جعلي جاري يحصل الركعة ، سلم واقف
*********************** واحد غرق فى النيل مافى جنبو الا شايقى . قال للشايقى عليك الله انقذنى : الشايقى قال ليه يازول ما تستغفر الله .... ده ما يومك .....
**********************
شايقى عندو فرن جاهو شحات قال ليهو لى تلاته يوم ما ضقت طعم الرغيف قال ليهو ياهو زاتو ما اتغير
********************** وهاكم المسطول..
ممسطول شايل وطواط في يدو وقاعد يعاين ليهو الجماعة قالو ليهو مالك ؟ قال ليهم مستغرب في الفار اللابس عبايه ده....
********************** والرباطاب...
رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو جا واحد جعلي قال ليهم: انتو البنطون دا مطلعنوا من البحر ليه؟ رد عليه واحد منهم: والله البحر ما نفع معاهو قلنا نجرب الظلط
**********************
رباطابي عسكري مرور .. بلغوه أنو في باص إنقلب مشى مكان الحادث لقى الناس كلها ميتين ماعدا واحد .. ..قال ليهو : أها يالصـــــندوق الأســـــود .. الحادث حصل كيف؟؟؟
**********************
واحد عندو كميه من الجمال داير يقطعا البحر وخايف من عين الرباطاب صاحبك اتوكل وركبها البنطون وكلها كانت باركه اول البنطون ما وصل القيف فى جمل وقف على طولو واحد من الرباطاب قال ليهو انتا جملك دا فايتاهو ركعه ولا شنو...
**********************
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
Quote: يا جماعة واضح إنه مداخلاتي بقت الناس تعدي فيها علي الماشي طوالي ... وما بتقراها ,, مداخلتي بتاعت الطواف الزقازيقي غير حاتم جبارة مافي زول قراها ... قولو لي ليه .؟. |
Quote:
Quote: ذهبنا اليوم في طواف زقازيقي ... قدمنا نيابة عن الجميع واجب العزاء في عم الأخ أسامة دبلوك ، وبعدها توجهنا لأداء واجب العزاء في شقيق الأخ عبد العظيم أحمد عبد الكريم (قون تربية) ثم قمنا بعيادة العزيزة نهلة نجم الدين ولم نتوفق في لقياها بعد أن من الله عليها بالشفاء .. ثم توجهنا لزيارة أسرة الأخ جماع في الحلفايا ...
معاك منو؟؟؟؟؟ |
Quote:
Quote: والله يا الرشيد لو ماشفت قون راؤول في بلد الوليد قبل شوية نص عمرك ضاع ... قون أسطورة ومبالغة ..
وده يرضو شفتو نيابة عن الجميع؟؟؟ |
Quote: يا ابو الزوز انتو جماع دة وين لسة في اليمن
ياخي والدته دي يمين ملاك بس والله انا مرة كنت بايت معاهو الحاجة دي ما فضل ليها الا تشيلني من الواطة الله يديها الصحة وطولة العمر |
....زهير انت الما قاعدتقرا المداخلات...انت شغال معانا بى عين مع برشلونة
ونص عين معانا ..ونص عين مع مجد.
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
صباح الخير يا وجوه الخير ،،،،،
اصبحنا وأصبح الملك لله ،،، يلا يا جماعة نحصن البوست ده من عين الحسود ،، فيها عود ومن الهوام.
عَنْ سَهْلِ بْنِ حُنَيْفٍ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ قَالَ السَّلامُ عَلَيْكُمْ كُتِبَتْ لَهُ عَشْرُ حَسَنَاتٍ، وَمَنْ قَالَ السَّلامُ عَلَيْكُمْ وَرَحْمَةُ اللَّهِ كُتِبَتْ لَهُ عِشْرُونَ حَسَنَةً، وَمَنْ قَالَ السَّلامُ عَلَيْكُمْ وَرَحْمَةُ اللَّهِ وَبَرَكَاتُهُ كُتِبَتْ لَهُ ثَلَاثُونَ حَسَنَةً".
السلام عليكم ورحمة الله وبركاته،،،،
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
أختنا وزهرتنا نهلة نجم الدين كفارة وسلامتك والدنيا كلها كرامتك متعك الله بالصحة والعافية وإنت دائما واحة الزقازيقاب الوريفة ... أخونا الأديب والشاعر والقاص عبدالهادي مرحب بيك كتير ... يا ما أمتعتنا في زقازيق الخير ... بكل ألوان الفنون ... أذكر عبدالهادي وهو من أولاد أم سنط مدني وهو من الناس الخلوقين ويتمتع بأدب رفيع وأخلاق عالية ... يا أبو الزوز حاول تستقطب عبدالهادي في هذا الحوش الإسفيري حتى يكون إضافة كبيرة نستزيد منه ونستطعم أدبه وآدابه وكتاباته الجميلة ... أذكر أنني وجدت له مقال مطول بجريدة الأيام خلال الفترة السابقة وكانت صورته منورة الصفحة كلها وكان كلام أحلى من العسل ... إنشاء الله يكون معانا هنا عشان يساعد ناس جنابو جورج وشاعر الحوش ورشيد القوم وود جبرين المتحجر (مصنقر فوق حجارة) وديل كلهم ناس أدب وشعر وحكاوي وقصص ... عبدالهادي وآخرون من أولاد تجارة كانوا نجوم أضاءت سماء الزقازيق ... وتجارة شطارة ... جن يجننك يا جلا جننتنا بي عبدالهادي وفكيتنا عكس الهواء ...
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
من قرأ المداخلة المعنية بتمعن إضافة لحاتم جبارة ... عبد الدائم والبادي
صباح الخير يا ريس ميسرة .. أعمل حسابك من الزعل ....
والله لمن شفت مداخلة سامي في بوست الزول داك جريت جري وقلبي في يدي أصلوا زولنا دا لمن يقوم صعب بس الحمد الله لقيتو هدأ اللعب ... إنتو يا جماعة مسئولين من الخير وين عصام دهب ... حسع لو قالوا عايزينه في جلسة المحكمة بتاعت البوست دا نعمل شنو ...
| |
|
|
|
|
|
|