|
Re: ناس الزقازيق ... أجدع ناس .. (Re: جلال عثمان)
|
عذرا جنابــو للمقاطعة ...
ولكنى احببت ان أسجل موقفا هاما ...
اننى فى الميـــل الســابق 77 ...
لأول مرة أحــس واسـتطعم تماما مقولة سيد الحوش ود دهب ..
متـــابع ومســـتمتع ...
شـــكرا جزيلا .. فرسان الرياض ...
حقا" .. لقد استمتعنا تماما ...
اســـتمخاااخ لدرجـــة التشـــبع ..
***********
جنابـــو ... شــــوووووت
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلامات يا ناس
صدقوا ناس الزقازيق ديل كلهم كلامن طاعم
انشاء الله طعامتكم دايمة والقكم زايد...
شكرآ يا عيد...شكرآ يا جلجل
الميل ده طبعآ ملفوح مسبقآ للجمعية وامرها
انا حألفح الجاي ان شاء الله [ عشان اكون واضح
معاك يا نجيلة ]
خلال الكلام عن الجمعية حأعمل نظام مشهيات للميل
الملفوح حقى..
المايكرفون مع الريسين..
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
ياخواناسلاااام.. أها ناس أمريكا ديل اللفحي ديمه فايتهم.. وكان حصلنا والله مابنقدر عليه..
تخريمه لحدي أبوالزوز ما يجهز ورقه..
تقع جزيره هيسبانولا (Hispanola) في البحر الكاريبي بين جزيرتي كوبا و بورتريكو تتميز الجزيره بأنها مشتركه بين دولتين هما هاييتي و جمهوريه الدومينيكان اللغه الرسميه للدومينيكان هي الأسبانيه وشعبها خليط من الأفارقه والهنود الأصليين والأوروبيين.. اقتصادها زراعي وتزدهر السياحه فيها بشكل عالي بسبب طقسها المعتدل وشواطئها الجميله.. ويقال من شده جمالهاأن كريستوبال كولون (Christopher Colombus) كان يفضلها وأنه مدفون بها.. سكانها يعشقون الموسيقي خاصه موسيقي ال Merengue التي تعتبر الموسيقي التقليديه لشعب الدومينيكان.. ويعشقون أيضا رياضه البيسبول الأمريكيه وتعتبر الجمهوريه من أكبر مصدري اللاعبين المحترفين لهذه الرياضه.. يقال أن نصف سكان الجزيره يعيشون في مدينه نيويورك بغرض العمل..
بكره تاريخ لو أبوالزوز ما جاهز..
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
سلامات يا ناس
حاتم جبارة ...اللفحى الامريكى ما ياهو زى حقك
ده...الميل ده ملفوح مسبقآ...تجى انت تلفح ليك حاجة ملفوحة
ده ما سمعنا بيهو الا عند الامريكان...
بعدين القال ليك نصهم بيعيش فى العاصمة منو...بتقولوا الناس
ساى...القوالة دى يا خوى الا تكون لافحا من بشير الخفيف...
شايف مداخلتك الليلة اطول من البقسماطة.عقبال ما تبقى زى السميطة.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: ودائماً ما أقول أن فكرة قيام الجمعية كان وراءها مجموعة من الشباب منذ عام 2002 تقريباً : نادر فاروق ، محمد حسن ، عبد الرحمن عشي وعمار رحمة الله .. الوقت داك محمد صديق كان في الضهاري (حسع محمد صديق الجابو شنو) .... والرباعي دا بالذات كان له فضل جمع الشتات بالجلسات الأولي في حدائق الهيلتون ، لا أذكر متي إنضممت لهم ولكن لاحقاً ... وأعتقد وبعض الإعتقاد إثم أن هنالك تحركات قبل ذلك قام بها أولاد علوم كمجموعة بدأت تلتقي من حين لآخر ، ثم دارت الأيام وكبرت الأحلام وبدأ الناس في التوافد حتي أصبحت الجمعية علي ما هي عليه الآن ... وكان هنالك تحرك في إتجاه آخر يقوده تبيدي وصلاح عبد المجيد وبالمناسبة هذا الثنائي جمع عدد كبير من ناس الزقازيق ... القائمة التي أستلمتها من تبيدي بها ما يقارب الـ 300 إسم بعناوينها وأرقام تلفوناتها ... وهذا ايضاً مجهود خارق لشخص واحد استطاع أن يجمع هذا العدد في وقت طويل ،، أما صلاح عبد المجيد فهو مرجع لديه علاقة مباشرة مع عدد كبير من خريجي الزقازيق القدامي والجدد ... وكان حلقة وصل بين مختلف الأجيال ... هذا عن لحظة الميلاد ... ولكن ما اقسي التربية هنالك الكثيرين الذين ما بخلوا علي الرابطة بالغالي والنفيس من وقتهم .. ومالهم وهنا القائمة لا حدود لها ... ونخشي أن نغفل سهواً عن شخص فنغمضه حقه .. بدءاً من ناس اللجنة التمهيدية في السودان وناس السعودية وكان لبوست ناس الزقازيق أجدع ناس دور مؤثر في جمع الشباب من كل بقاع الدنيا ... وإختلفت مساهمات الناس ، ولكنها صبت جميعها في نهر هذا الترابط الحميم ... ولا زال الكثيرين يجزلون العطاء متي ما طلب منهم ذلك ، أو أحسوا هم من تلقاء أنفسهم ... نستجمع بعض الأنفاس ونعود لنكمل الحكي عن هذا الحلم ...
|
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا ولدنا عشان نوريك اللفحي الجد ... لفحنا رجلنا لغاية عمك قوقول جبنا الحاجات صوت وصورة عشان نكون في الصورة وما مسطحين أول مرة نسمع بحكاية الجزيرة الفيها دولتين دي .. وبعدين الدول الصغار صغار الجنبها دي بالله عامله لينا غلبه كتيرة ونحن دولة تجيب ليها خمسمية دولة زي بتوع الكاريبي دي لا عندنا حس لا خبر إلا كان أخبار الحروب والمجاعات
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
احييييييييييييي من الرابعه صباحا وانامهرى غالبنى ادخل اجدع ناس ادخل سودانيز وقدر ما انقر على 77 ما يفتح معاى ادينى Blank page استنجدت بابو الزوز دون فائده واخير استلفت جهاز سلمان0ياجماعه ده اصبح ادمان خطير وجميل جدا الواحد بقى كان اتزكر البوست ساكت قلبو يفر ولمتين يرجع 0 افتونا يرحمكم الله
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
ياابو الزوز...عشانك وعشان الحلوين
الذكرتهم ديل ...وناس نجيلة وعروة
واحمد الامين..وكمان صلاح الامين وجبريل
الماليهو فى الشعر...ولكل الاجدع ناس
تااااااااااااااااااااااااااااااانى
مشهيات وموسيقى تصويرية ======================
الظل يموت
وتضيع امامى الاشياء
واُحدق مولاتى..
فى العرش الساقط دون القاع
فى سفن...
تمخر فوق عباب مدينتنا
من دون شراع
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
طبعاً يا كوتش الرشيد دا ما بيحوشوا من البوست دا إلا الشديد القوي ، ودي تكون زهجة كاربة ...
كامل تضامننا مع الرشيد في زهجته ,,, اقول ليك حاجة يا محمد صديق ... إنت أضامن مع الزهجة ...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
الكلام الدقاقه ياهو حقكم.. نحن اتبلدت أحاسيسنا...
تخريمه عشان ندي السميط حقه .. هو نوعين بسمسم وساده.. أكتسب أهميه عاليه في شقتنا بلكوز.. لدرجه أفردنا ليه مقالات عده في جرائدنا الحائطيه بالشقه.. جورج كان بيموت فيه.. الداير تفاصيل يجيني بي بره..
البرلوم محمد حسن.. أخو أخوان مرهف وحساس لأبعد الحدود.. بس ماتهبشه..
واصلوا.. الرشيد أظنه نام..
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا ابو الزوز انا متضامن مع الرشيد ياخ ناس الكاريبي ديل بتاعين راحات وتجدع في الشواطئ الدافئة ومحمد صديق دة اصلو من زمااااااااااان عنده نزعات برجازية فشان كدي ما اظنه يكاجرني فشان كدي دايما شابكني لوم اقوله انا قاعد في الحجار جنب جريدتنا يقولي رأيك شنو في بيتزة ناس اوزون
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
عبد السميع دفع الله .... آداب الصورة مهداة للريس ميسرة ... عبد السميع شقيق نصر الدين دفع الله رئيس أسرة تجارة ... ومناسبة الإهداء إنه عبد المسيع كان من منسوبي الإتجاه الإسلامي ... وهو عضو نشط في هذا البوست (سابقاً) ولكن قد ضيع باسويرده ,, وإنشاء الله في الكوتة الجاية نلحقه عشان يرجع يكون نشط ..
نحكي ليك القصة يا ريس ميسرة عن عبد السميع : حينما ظهرت قوائم الإنتخابات في إحدي السنوات .. شوهدت صورة عبد السميع ضمن قائمة الإتجاه الإسلامي فكان هذا بمثابة صدمة قوية لجكس آداب المعارض ... وقيل إن بعضهن قد أصيب بصدمة إستدعت نقله لمستشفي الجاويش والعهدة علي الراوي ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا كوتش القوالات دي ما لزام تكون مبنية علي المجهول ... عشان الزرزة وكدي ...
يا جبّارة ... دي جلاقميص ... وموضه بتاعت أولاد أمدرمان .. حاكم الكوتش بقي أمدرماني ،، وسكن قبل كده في قلب أمدرمان الهجرة وكده ...
وبعدين الدردقة دي هجمة مرتدة للدردقة بتاعت البرلوم
Quote: البرلوم محمد حسن.. أخو أخوان مرهف وحساس لأبعد الحدود.. بس ماتهبشه..
|
حسع عليك الله دي ما فتنة عديل كده ... مش دردقة
قلت لي يا جبريلا بلوك عديل كده ، خلي بالك الكمندان دا البوليس قسي قلبه ...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
جلا وداخلين بيهو منافسة في مسابقة الأئمة والدعاة ...
أسامة الطيب كنت عايز أحكي القصة بتاعت حسن شحاتة لكن لقيت روحي حكيتها زي 13 مرة هنا في البوست غير المرات التانية .. الما عارفها ممكن بالتلفون أو الماسنجر ...
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
يوسف عبد الله خالد ،، دفعة جلا وفردته ... جلا كبير ولا الزول دا صغير.؟ ...
الإجابات ترسل علي رقم الكوتش محمد صديق ...
والله يا حاتم إنت راحت عليك وبعد دا والله ما تنافس إلا من ناس منصور عبد الرازق ولي فوق ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
دا الولد نزار داخلين بيهو المنافسة في الدورة الجديدة ... والله يا ناس امانه ما تعبتو من ناس الداخل ديل ....
يا كوتش الحمد الله عفيتني من الترجمة ،، السهرة دي الليلة مالها كلها كماين (جمع كمين يا جبارة) .. الليلة الله يستر
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
وصباحات التفاؤل والالق
اللهم نسألك من الخير كله
آجله وعاجله
ونعوذ بك من الشر كله
عاجله وآجله
ونسألك الجنة وما قرب اليها من قول وعمل
ونعوذ بك من النار وما قرب اليها من قول وعمل
آمين
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
صباح الهناء والسرور ... أصبحنا وأصبح الملك لله ... اللهم إنا نسألك خير هذا اليوم عاجله وآجله ما علمنا منه وما لم نعلم ... اللهم إنا نعوذ بك من شر هذا اليوم عاجله وآجله ما علمنا منه وما لم نعلم ...
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
سلامات يا ناس
وصباحات التفاؤل
مشهيات وموسيقى تصويرية =======================
وحينما وصفتها:
شبهتها بالدمع والمطر
وحينما رسمتها :
نسيت خصلتين فى جبينها
نسيت رعشة الربيع فى عيونها
وكنت قد لونتها ..
بالحبر والرصاص والخطر
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
حبيبنا وولدنا "النجيض" الكمندان محمد ود صديق ... ود رفاعة الام درماني ...
Quote: ما فى زول اعترض...
اذن يفوز ياسر نجيلة بالاجماع السكوتى
مبروك يا نجيلة يالبتوزع اللفحى
|
والله امس كنت مشغووووووووول مادخلت البوست ده الا الآن ... اعزرني ياملك ... يا ملك اللفحي ... ارقد عافية الميل ده كلو ليك ... الفح ساي يازول ياسمح ونضميك سمح بس حليفتك "كعبه" عديل كده ... هسع بتنا دي الدخلها شنو ... يازول "تف" من خشمك ... والفح ساي مافي زول يعتر ليك.. بس ابقي قوي على ودجبريل وودجبارة ... ناس الاستايل ... وكمان اب شنب ود الزناتي .. ميل محجوز من بدايتو للرباعي محمد صديق وطارق جبريل وحاتم جبارة بقيادة المحرض الكبير زهير الزناتي ... بس انا بعد ما اشوف رشيد القوم مالو ... حنشوت وسطكم ضفاري ... شدو حيلكم واحتمال نعمل جلسة لزقازيقاب الامارات ... ونجيب الصور هنا ... في منو غيري وغير رشيد القوم في الامارات ... هههههاهاه ... طلعنا ناس "فشوش" هنا في الامارات والمغالطني اتصل على عديل كده في الهاتف +6268806 50 +971+
والغلبو الاتصال اكتب ساي ... على [email protected]
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
علي طريقة الكوتش سلام يا ناس
Quote: "انتظر طاقم "أخبار اليوم"، الذي مازال مرابطا بإحدى المقاهي المُحاذية لمقر الجريدة بالطابق الثامن لعمارة "إيمان سنتر"، النطق بالحكم في قضية مُستعجلة تهمّ إقدام وزارة الداخلية على إقفال المقر المركزي بالدار البيضاء دون سند قانوني، وهو المنطوق الذي كان مُنتظرا من لدن المحكمة الإدارية بالبيضاء بُعيد زوال اليوم قبل أن تُفاجأ الكلّ بتأجيل الحُكم لجلسة 14 أكتوبر في خطوة فاجأت الجميع لكون الأمر متعلق بقضية استعجالية" |
يا كوتش زولك ضارب الضمنة والعناب في القهوة يقول ليك حجار وبلوك لكن برضك محتاج لشوية تضامن بعد تاجيل يوم 14 ..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: لابد أن يكون لكل كلية حكاية ورواية وإبداع هل نجد من يهتم بهذا التراث الجميل ويلتقطه من الضياع والإندثار ،،، وأوجه كلامي للناس التي تهتم بالفن والفنون وجمعية محراب الأداب والفنون - ياسر نجيلة ، عبدالدائم ، محمد صديق ، محمد عيد ، الرشيد وبقية القوم على رأسهم منصور .
هل في الإمكان إنقاذ وجمع هذا التراث الجميل والألق،،، ودمتم
في إنتظار مكي ،،،،، |
احدي مبادات الريس ميسرة الرائعة ... نرجو الاهتما م بالموضوع من جانب جميع المتداخلين والمتاوقين ... ونبدأ مناشدة الاخوان مكي وكمال الشادي بمدنا بكلمات قصائد الرائع زاهر الصادق
وطني عيونك ديل ... ويا جمالك ياوطن ... حتي يتم توثيقهم بهذا البوست الذي يعتبر المرجع الرسمي "حتي الآن" للزقزيقاب جميعا ... وعلى باقي الشباب مدنا"ماامكن" من اعمال الزقازيقاب وتوثيقها بهذا البوست ... ومنها يمكن طباعة مدونه بها جميع الاعمال الخاصة بأبناء الزقازيق بعد الاتفاق ..
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
جنابو الشاعر ... أو الشاعر جنابو ... المشهيات حلوة وطاعمة زي صلطة جلا ... يا خوي جيب الأكل وأدخل في الموضوع ... رمياتك زي رميات أغاني الحقيبة ... والواحد منهم لما يلقى ليه واحدة حلوة تلخبت سلوكه ... إمسك ليك الليلة هوي يا ليلى ... الليلة هوي يا ليلى ... شكله الموضوع حار وحارقك شديد ... لكن دائماالبداية كدا ... الحقيبة أم درمانية المنشأ ... وإنت بقيت أم درماني الإستايل ... يلا خش توش وجيب القون ونحن معاك شيالة وتربالة ... وأبو الزوز لاعب حريف عركته ملاعب الداخل ... وفي ناس كتيرة حيشيلوا معاك بس خلي السلم بتاعك مظبوط ... وما يكون خماسي عشان نحن إتعقدنا من الخماسين دي ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
صباحاتكم ورد ... وما شاء الله على التناغم اللكوظي الذي زيّن صدر هذا الميل جورج جبريلا جبارة زناتي ... واخدلي بال حضرتك من "الالق" يازهير ورغم كل ذلك افتقد هذا التناغم "رشيدالقوم" اين انت يارجل
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
صباح الخير يا وجوه الخير ،،،،
شكراً للذين ساهروا يوم أمس وقلبوا الصفحة وكنت ناوي ليها بس خذلني النيت ولم يأتي إلينا بالمنزل حتى صباح اليوم ،،،،
Quote: حتي يتم توثيقهم بهذا البوست الذي يعتبر المرجع الرسمي "حتي الآن" للزقزيقاب جميعا ...وعلى باقي الشباب مدنا"ماامكن" من اعمال الزقازيقاب وتوثيقها بهذا البوست ...ومنها يمكن طباعة مدونه بها جميع الاعمال الخاصة بأبناء الزقازيق بعد الاتفاق .. |
.
قرات جميع المداخلات وكنت أبحث عن من يهتم بالمقترح المنطقي والمقبول ولكنك لم تخذلنا يا ياسر نجيلة لأني أعلم مدى إهتمامك بالفنون والآداب إن تراث الفن والإبداع الزقازيقي لهو كثير وكبير وقد سبقنا إلى التوثيق ناس كلية الزراعة في مجلتهم السندس ،،، آمل تطوير ومناقشة كيفية توثيق الأعمال الزقازيقية من الضياع والأحتفاظ بالأعمال الجميلة والقصائد الرائعة ويمكن لناس الداخل مراجعة الشاعر الزقازيقي مختار دفع الله وعملاق الشعر والكلم الشاعر حافظ أبو عاقلة ،،، لنوثق منهم قصائدهم الزقازيقية ،،، هل من مثني ومتابع ،،،، يا ناس الجمعية هذا عمل من صميم أهدافكم .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا زهير شكراً على الصور لأني من أنصار الصور الحديثة فإن تغير أشكال الناس وبعض الزهايمر قد يفقدك حقيقة ده يا ربي شفته وين ،،، زي ما حدث بيني وبين عصام دهب ،
وكمان أرجو يا زهير ملاحظة إن المنبر العام به شئ من اللخبطة لو لاحظت بأننا نقف في الميل 78 وعدد المداخلات توقف من أمس في 7770 وكذلك ميل ناس الشعبية هم في الميل 75 وعدد المداخلات 7433 هل نتوقع هجوم هكري .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا ريس ماشين كويس ... دا ممكن يكون مطلع قصيدة لشعراء البوست ياسر ، الكوتش ، الرشيد والغاوون ... بخصوص جمع التراث الزقازيقي أعتقد أنها فكرة رائعة ، وهنالك الكثير ما يجب جمعه وحفظه في جميع المجالات ولا رايك شنو يا ريس .. ياسر نجيلة ما تعمل واحد ألو لرشا طمنا عليهو ... وتعرف يا ميسرة نحن فايتين حتي ناس منبر اليوم الحار وشايف بكري أداهم أيقونة أعلي المنبر العام ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
زهير الزناتي يارائع ... موثق البورد بدون منازع ... واصل صور الشباب ... ونحنا متابعين والذاكرة شغالة مقارنة بين الشخصيات بشكلها الزقازيقي الزماااااااااان وشكلها الآن ...
Quote: ياسر نجيلة ما تعمل واحد ألو لرشا طمنا عليهو ...
|
عملنا تلفون سريع لرشيد القوم الآن ... اولا هو بكامل العافية ... بس مردوم شغل ماعادي ... وبالامس وصل البيت بعد الساعة اتناشر بالليل .. واستلم تلفون من الرائع محمد صديق ... وكما تعرفون ان رشيد القوم لايدخل الا بالكلام الجميل والحكاوي الرائعة التي تعيدنا للايام الخوالي ... انتظروه اليوم المساء ان شاء الله ... بس انتو ارفعو لياقتكم عشان تساهرو معاهو ...
Quote: ناس الزقازيق في الأمارات أمسك عندك : السمؤال أبو سن مامون أبراهيم آمال البنجاوي ناصر عابدين وليد مبارك
|
وين الشباب ديل يازهير ... ديل بره الشبكة ... والكان معانا هسع طش - السموأل ابوسن بس الباب مفتوح والنداء للشباب بالاتصال والتواصل حتي يتم تفعيل الرابطة بالامارات ...
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
ودي يا ريّس تتعبر جزء من تراث ناس تجارة الزقازيق
بالرغم من إنو شاعر القصيدة لا علاقة له بالزقازيق (الشاعر السر كنة)
إلا أن لهذه القصيدة وقع خاص في نفس كل ناس الزقازيق
ودائما ما كان الأخ محي الدين علي يوسف يلقيها في حفلات الزقازيق
وكان له أسلوب مميز جدا في الإلقاء
متعه الله بالصحة والعافية
وهاكم القصيدة:
امونة بت الشيخ حمد
ابوها كان مزواج خلاص ناسب جميع ناس البلد ميلادها كان عرسا كبير هيصة وضبايح مالها حد يوم السماية اتيتمت حكم القدر فى الام نفد كانت شبيهة امها فى القدلة والعوداللبد وبقت امل كل الشباب وجمالها فى بت ما اتوجد فى مرة رفة قليبا يوم حبت قريب الشيح حمد واظن كمان حباها هو سوى الضلوع لى حبو سد كاتمين غرامن فى القلوب ولع لهيبم ما برد خايفين يصارحو يقولو شومال بالدايرنو ست خايفين عيون الناس تشوفم والخبر يملأ البلد والحب هناك عيبا كبير لا بت تبوحبو ولا ولد فى يوم ابوها ضحك كتير برم شواربو بلا الاسد ناداها امنة تعالى جاى فوق البرش ربع قعد قالتو هوى جاياك خلاص قليبة فر وما رقد حاج الخضر عارفاهو داك قالتلو ايوة ابو سند ؟؟ جانى الصباح طالب ايديك داير نسب شيخ البلد وانا قتلو اهلا بيك تعال يومين تلاتة تكون عقد راجلا عظيم عندو القروش عندوا الحرير راقد لبد هو كمان كريم واخو رجال ماعونو فى يوم ما برد جرن الدموع من عينا شو سكتت وابت تديلو رد قام مرق خلاها فات لا سبة لا كايس غرض عند المغيرب تانى جاها كدى لى محاسن الحاج سرد داير يأثر فى قليبة لو كان تقول تديهو رد وقتا غلب واحتار خلاص ولع فؤادو جمر وقد فسر سكوت البت رضا جهزولو لما الناس عقد والمال مخمخم والحرير تحت الرجول مدوهو مد يوم الصفاح والناس تجوط بالفرحــــة مقلوبة البلد امونة تبكى بكا السواد بدل الفرح جاها النكد وبشيشى قامت للمروق فى سرقة ما حس بيها حد كان الحبيب راقد هناك والصدمة قادة قليبو قد وقفت قصادو بكت كتير لامن دميع العين جمد قام جاها بى شوقو الكتير وقليبو داك انهد هد قالتلو ما بى ايدى شى ديل ناس ابوى وابو سند اتلملمو وسووا الكلام وانا لا رضيت لا جبتا رد داك عندو مالا مو قليل وابوى شاف المال سجد ادانى للراجل العجوز المن عروقو الدم شرد قايلنى بسعد بالقروش ولا المراح الفات ورد لكن محـال اسعد بلاك كان السماء ينهد هد بديك قليبى وروحى ديل وأعيش هناك صورة وجسد اتراجعت رجعت تصد لكن قليبة رجع رفض مسكت دريبا مو قريب كم بيهو صف بنوت ورد قاصدة البحر دايره تموت لا عيشة لاهم لا نكد اترددت وقفت كتير لامن قليبه خلاص صمد شافت مسار النيل حزين حتى النخيل حزنان خمد وبشيشى فكفكت الحرير لا زينة لا ربيط عقد ما دام حياتا بقت دموع وقليبة من زولا انفرد قالت اخير ارتاح خلاص ارسى وشقاى القالو حد فى لحظة موج النيل علا وفى جوفو غابت للابد
قصيدة امونة بت الشيخ حمد كتبها الشاعر السر كنة و هو من منطقة الكرفاب
______________________________
سامي الليلة مركب مكنة محمد صديق
هههههههههههههههه
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
الانيق سامي عبدالوهاب ... اولا ورينا :عمتك" لافيها كيف ... رجعتنا ايام زمان وزمن ولدنا محي الدين على يوسف والحضور المسرحي البهي بهذا القصيدة التي لاتخفي على ناس الزقازيق جميعا ...
ويوجد زي ده كتير ياريس ميسرة ومسألة التوثيق والارشفة للأعمال تحتاج لترتيبات جاده من كل الاطراف وتحديد كيفيه جمع هذه الاعمال وحفظها ...
ياشباب العندو اخبار عن ولدنا عادل النمير النضيف ... الزول ده عنده قصيدة اخدت ليها صولات بين الطلاب ليس بالزقازيق فقط وانما كانت مطلوبه في مصر كلها ... قصيدة " تعالي مطر "
ودمتم الليلة السهر بالنهاااااار
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
بسم الله الرحمن الرحيم الشكر و التقدير في كل من واسانا في فقدنا و مصابنا الجلل عبر كل الوسائط المتاحة و الشكر و التقدير لكل من جاءنا مواسياً في ديارنا نسأل الله أن يتولاكم الله برعايته ....و يغفر الله خطاياكم و أن يغفر لفقيدتنا وينزلها منزلة الصديقين و الشهداء و نسأله أن يغفر لموتاكم و موتى المسلمين نسأل الله دوام المحبة و دوام التواصل فيما بيننا
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
قالو لو تفتح عمل الشيطان طيب لو ما قدرت أرجع كم ميل لي ورا.....وعايز أبدأ أتداخل من هذا الميل !!!! مش قالو الإسلا م يجب ما قبله؟؟؟ برضو مش قالو يرجع الحاج من الحج كما ولدته أمه؟؟؟؟ وفي ناس قالو الفات مات؟؟؟؟ و في جماعة قاعدين يقولو نبدأصفحة جديدة؟؟؟؟ سمعت تحت تحت قالو الوراك أديهو البحر؟؟؟؟
سؤال بدون خيارات .... شنو يعني يلا بلا لمة؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: لو داير أعمل لمة ألقاكم وين و كيف؟؟؟ |
تلقانا في القاش
محمد ادم يازول وين الحي بيك وكيف شباب الزقازيق الطيبين وحلوين ناس سامي والزناتي والرشيد ومهيرتكم وبقية العقد صراحه الواحد بقى مشتت بين بوستيكم والشعبية ومايدور في المنبر وكل يوم قرارات رئاسية واعفاءات من المناصب ناس دنقلا خايف يشيلو زولهم والشايقية خايفين يشيلوا زولهم والغرابة خايفين يشيلوا زولهم البلد جايطه اكتر من الفيها اها قعدنا مصنقرين نعاين وماعارفين نترصد الاحداث ولا نتابع حاجاتكم الحلوه دي
----------------------- فتناكم بعافية
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
والفكرة العبقرية يا حاتم عاوزة ليها كيبورد عربى عشان تكتب كويس .... نرسلو ليك ...
اسمع تعال نتونس انا شايف نحن قاعدين برانا هو ناس الليل احسن مننا فى شنو ....
دقيقة اغسل كرعينى ديل والبس سفنجاتى واجى اقعد ليك ماتمشى سمح ..
اصلو من الصباح مدعوك فى الشغل
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
هذه هي القصة...لكم جميعا..كان عجبتكم قولو عجبتنا و كان ما عجبتكم قولو ما عجبتنا..
عائشة...ها يا عاشة هووووي عاشة تسمع تسمع آمنة و هي تناديها و لكنها لا ترد عليها أمي...خالتي آمنة بتناديك فوق الحيطة... يخلخل ضروسك انت...خالتك بي وين.. سامعاها و ما عايزه أرد عليها انت جابوك منادي... لكن هي من قبيل بتناديك يا أمي اقلقل ضلعك انت وهي... عاشة...يا عاشة هووووي انتي يا مره بتهوهوي من قبيل مالك... أها مالك في شنو... مافي شي بس قلت أضوقكم من اللقيمات دي... لقيمات شنو النصة نهار دي...انتي يا مرة جنيتي.. و الله لقيمات عملتهم الصباح لي أبو محمد.. لقيمات عملتيهن الصباح تضوقيهن لينا بالليل... حسه ده الليل والله انت لسانك طويل خلاص.. أها جيبيهم ...استلمت عاشة صحن الطلس المغطى بغطاء حلة.. رفعت عائشة غطاء الحلة فوجدت اربعة قطع من اللقيمات يبدو عليهم أنهم تم عملهم منذ يومين...عضت على أطراف ضروسها و أمالت بشفتيها و اطلقت...ششششششششششش ثم تمتمت شن اللقيمات يا يمة...ده كان أديتو لي كديستنا دي ما بتاكلو...ان شاء الله بالليقيمات التقيف ليك في حلقك عليك الله شوف المره الجعانة الكلتانه دي...تمتمت عاشة عاشة...تابخة شنو الليله تدوغينا منو... عاشو بغيظ....تابخة كول...بتعرفيهو الكول... ما بعرفو لكن أديني منو شوية النشوفو... حسة المرة دي البحلني منها شنو... دخلت عاشة البيت وهي تنادي...يا سعد...يا ولد يا قشر..الولد ده وينو... نعم نعم يمة...عايزه حاجة... أجري يا ولدي بسرعة لي دكان اللمين جيب لي منو كول... كول؟...كول ده شنو يا يمة... كول......انت مالك بس قول ليهو أديني كول... أجيب بي كم يمة.. جيب بي القروش دي كلها... حضر سعد من دكان اللمين و معة الكول... سعد و هو يسد أنفه بيده...هاك يا يمة المصيبة دي... عبقت رائحة الكول بالبيت... دخلن البنات من المدرسة و سدت كل واحدة منهن أنفها بالطرحة...الليله طابخة فطيسة ولا شنو يا أمي... الفطيسة التفطسكم...طابخة فطيسة لللفطيسة الجمبنا دي... عشان تاني تحرم تقول لي أديني ملاح... الليله الكول ده حيخليها طول عمرها ما تطلب حاجة تاني... آمنة....هوي يا آمنة أيوه يا عاشة... انتي يا مره خات ليك عنقريب تحت الحيطة دي ولا شنو ... هاكي ملاح الكول ده.. انت بي جدك يا عاشة... أنا ما قلت ليك عاملة كول قلتي لي دوغينا... سمح جيبيهو... أخذت آمنة ملاح الكول ولم تسمع منها عاشة أي تعليق في ذلك اليوم...اعتقدت عاشة أنها افلحت في تطفيش آمنة.. تاني يوم و في نفس التوقيت... عاشة...عاشة....هوي يا عاشة... جاءت عاشة مسرعة هذه المره متأكده من أنها طفشت آمنة و الى الأبد... عاشة... هوي يا آمنة... عليك الله ما عندك باقي من ملاح الكول بتاع أمبارح....
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا شباب ده إختبار يصعب الإجابة عليه وأنا متأكد نسبة النجاح ح تكون صفر % مع تقدير للجميع ،، يا ناس تجارة -يمثلهم زهير الزناتي وجلا - ناس تربية - يمثلهم ديدو وجلال - ناس حقوق - يمثلهم بشير على العبيد - ناس علوم - يمثلهم مبارك جادين -
المنظر ده مأخوذ من داخل الجامعة
هل بالإمكان معرفة المبني في اليمين أو المبني الذي في الأمام ؟
ولتسهيل الإجابة التي لن تعرف أبداً المبنى الموجود على الشمال هو كلية تربية ،،، في الإنتظار يا شباب !
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: يا شباب ده إختبار يصعب الإجابة عليه وأنا متأكد نسبة النجاح ح تكون صفر % |
الوحيد الممكن يجاوب هو اخونا ياسر نجيلة .ز
Quote: أقترح تقسيم الناس لثلاثة ورديات وردية النهار وردية الليل وردية العصر - ناس القيلولة |
وكمان وردية الناس المتابعة ومستمتعة
ووردية الناس المتاوقة ســاكت وما بتقول بغــم
ووردية الطاشة فى البوستات التانية وما بتجى بى هنا الا يعزوا ..!
... يا ريس مارس صلاحياتك وقســّم الورديات زى ما انت شايف
بس المهم تكون الورديات بالاسماء عشان المابيحضر يتسجل غياب
ويحرم من دخول امتحان العملى ..!!
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
سلامات ياناس
البادى ...اول تبادى الكلام الطاعم ده ما حقى
يعنى لافحو ...وهو انا عاملو زى ما قلت عشان
يكون موسيقى تصويرية لى التداخل الكان متوقع
حول الجمعية...وعشان يكون برضو مشهيات للميل
البعدو والقررت بعد الطلب من مسؤول اللفحى ان
الفحو...دى الحكاية.. ===========================
انا محمد صديق متنكر فى هيئة سامى عبدالوهاب
============================================
ياريس ميسرة اسمح لى اكون الفة...
التوثيق للادب الذى انتجه ناس الزقازيق لهو امر بالغ
الاهمية...والالق كذلك...والانتاج كثير:
مختار دفع الله
حافظ ابوعاقلة
برهان ...بيطرة
الرشيد وعيد
محمد حسان
زاهر الصادق
عادل عبد الرحمن
عادل النمير
عبد الهادى عبد الله
المرحوم ياسر الشفيع
جمال فارح
بدر الدين حقوق
وكثيرون...
========
الميل النحن فيهو ده اصلآ ملفوح لامر الجمعية
باتفاق الجميع...وزهير عمل ضربة البداية رغم
انى سلمت المايكرفون للريسين..
الريس بتاع الداخل جهازو معصلج معاو وما سمعنا منو حاجة
غير احييييييييييييييييى ..ولى هسة ما جا [ زهير شوف ليو
ميكانيكى ]
الريس بتاع الخارج استلم المايكرفون وختا نقطة وعمل سطر جديد
بكل احترام ...ارجو ان نعمل على اعطاء المواضيع حقها من النقاش
فلنعمل على مناقشة امر الجمعية اولا ولنعد بعدها الى التوثيق..وهو
امر يتطلب شكلآ من اشكال البحث والتقصى وقليب الدفاتر القديمة...
وحتى تتوفر المادة كلها او بعضها نكون قد فطسنا امر الجمعية بحثآ
يا نجيلة الميل الانا لافحو لى محمد نجيب...يجى بعد موضوع التوثيق
لكم الود كله
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: ...ارجو ان نعمل على اعطاء المواضيع حقها من النقاش
فلنعمل على مناقشة امر الجمعية اولا ولنعد بعدها الى التوثيق..وهو
امر يتطلب شكلآ من اشكال البحث والتقصى وقليب الدفاتر القديمة...
وحتى تتوفر المادة كلها او بعضها نكون قد فطسنا امر الجمعية بحثآ |
كلام صـــاح 100 الــ 100
اقترح البدء بالاتصال بعضوية الداخل حســب الداتا المتوفرة مع زهير
ومحاولة تجميع اكبر عدد فى يوم مفتوح ( يوم عمل ) يعنى زى الجمعية
العمومية الطارئة .. و يتم فيه طرح المشاريع والخطوات من اللجنة
التنفيذية .. واستنطاق اراء الناس حول افكارهم ورؤاهم لما يمكن تنفيذه
وما يتم اعتماده من افكار تكون لها لجان فرعية تعمل بتوجيه واشراف
اللجنة التنفيذية ..
على ان تتكفل عضوية الخارج بتمويل مصروفات اليوم المفتوح والدعاية المكثفة
له لضمان تجميع اكبر قدر من العضوية ..
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
مشهيات وموسيقى تصويرية ======================
وحينما ناديت:
يا قمر
ضياؤك المشدود كالخيوط لا يثيرنى
ولست انت غير قطعة من الحجر
تشاجرت
حبيبتى
معى
لاننى
هتفت
فى
عيونها
اهواك
يا
قمر
| |
|
|
|
|
|
|
|