ناس الزقازيق ... أجدع ناس ..

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-09-2018, 09:02 AM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-10-2009, 11:00 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    هدية لناس الكورالات بقيادة عبدالدائم





    يا ناس لكوظ كيفنكم ؟





    يا ناس المغرب المزنوقين سلام !



                   |Articles |News |مقالات |بيانات

03-10-2009, 11:11 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ميسرة سيد أحمد)

    يا ناس وردية الليل الساعة واحدة صباحاً
    بعد ده ماشين ننوم شايف صحن المهلبية في الطريق

    الوردية دي إلا يسندها أخونا محمد عيد وعفاف ونجاة حوفي
    يا حليل أيام زينب التجاني كانت برية ممتازة ،،،
    أحمد اسماعيل منتظرين حكاية جديده ،،، منصور عبدالرازق
    أكيد مرت عليك كورة الرز باللبن.
                   |Articles |News |مقالات |بيانات

04-10-2009, 00:37 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ميسرة سيد أحمد)

    عندماقام عصام دهب بسرد سيرته المشرفه في الثمثيل..و تكلم زهير باعجاب عن صوت
    عرفة سألت نفسي اين مكاني من الاعراب في التمثيل و الغناء...فوجدتني لا أملك
    الا تجربة يتيمة في التمثيل و تجارب لا تتعدى الحمام و أبو زمام مع فردتي الله
    يطراها بالخير حنان القطينه في الغناء...أما الكورة فهي التي شغلت تفكيري منذ
    الصغر فبامكاني أن أحكي الكثير جدا عنها ومنذ نعومة أظافري...و كذلك القراءة
    و الشعر..كنت أحب قراءة الشعر وليس كتابته..فلقد كتبته و أنا في الثانوي..
    كذلك كان لي اتجاهات في التقديم الاذاعي والتلفزيوني...قد تتسائلون كيف ذلك ولم
    نسمع بك من قبل في جنة الأطفال أو غيرها من البرامج...فأقول هي موهبة لم تتطور
    ولم ترى النور..
    كنت و أنا صغير أطلب مبلغا من المال من الوالده و أذهب الى أقرب دكان و أشتري
    كمية من حلاوة دربس..حلاوة نعناع...حلاوة حربة وبسكويت كوكو ثم أحضر الى البيت
    و أستغرق ساعة أو يزيد في تجهيز أسألة في السيرة..التاريخ و الجغرافيا و أخرى
    متنوعة..ثم أبدا في اعداد الاستوديو من كراسي و منصة لمقدم البرنامج..ثم بعد
    ذلك أحمع اخوتي و أجلسهم و أخبرهم بفكرة البرنامج...لقد كنت أعشق برامج
    المسابقات مثل دنيا دبنقا و جراب الحاوي للأستاذ محمد سليمان وبرنامج فرسان
    في الميدان للأستاذ حمدي بدرالدين....ثم أخيرا برنامج من سيربح المليون...و الذي
    كنت استعرض فيه معلوماتي أمام نجاة حوفي...لم أربح المليون يوما و لا نصفه
    و اذا أردتم أن تعرفو كم ربحت أسالوا نجاة لتخبركم...
    المهم في برنامجي الذي كنت مخرجه و معده ومقدمة..كانت الأسئلة السهله جائزتها
    من الدربس أو النعناع..أما الأسئلة الصعبة فجائزتها بسكويت كوكو...و لأن اخوتي
    كانو أصغر مني فكانو يجيبون على الأسئلة السهلة فينفذ كل ما أحضرت من دربس و نعناع
    و حلاوة حربة أما البسكويت فعادة ما يذهب الى مقدم البرنامج في الآخر...
    أما تجربتي اليتيمة في التمثيل فلا يعود سببها الى موهبتي بل يرجع ذلك الى
    بدلة فول سوت أهدانيها عمي الراحل أحمد السيد حمد أحضرها لي من لبنان عندما
    كنت في الصف الرابع أو الخامس الابتدائي...و كنا ندرس وقتها قصة تاجر البندقة
    فقررت المدرسة المشاركه بها في واحدة من ألدورات المدرسية وقتها... ولما لم
    يجدوا أحدا يمتلك بدلة غيري أسندوا الي دور القاضي...فكان أول و آخر دور مثلتة
    في حياتي...و لا أذكر من هذا الدور الا البدلة و انني كنت أضرب على الطاولة بشدة
    لكن ماذا كنت أقول...لا اذكر..رغم انني أعرف القصة جيدا...

    تمنيت لو كان لي لون منصور البرونزي بالاضافة الى بدلتي لأصبح الدور دوران...دور
    القاضي و دور عنترة...و لنافست عصام دهب..
                   |Articles |News |مقالات |بيانات

04-10-2009, 06:16 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    سلامات با ناس

    صباحات التفاؤل

    الرشيد الحمد لله الما بقيت جمال حسن سعيد

    والا كنت بقيت من فصيلة حاتم جبارة وطارق

    وحاج الركز والسنوسى ..وانا بى نسبة صغيرونية
                   |Articles |News |مقالات |بيانات

04-10-2009, 06:44 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    يا ريس ميسرة اولا" صورة الزول ابو صلعة النزلها طارق جبريل
    وانت قمت بضمها للصورة وطلبت معرفة الاخطاء .. ده حاتم جبارة

    وجبريلا لقى الصلعة السمحة دى من وين ...

    ويا الرشيد .. عبدالرحيم ( الجيص ) بسلم عليك ... عرفتو

                   |Articles |News |مقالات |بيانات

04-10-2009, 07:12 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)

    تعازينا للاخت عفاف على سعيد لوفاة والدها ...
    للفقيد الرحمة ولاسرة عفاف الصبر والسلوان ...
    انا لله وانا اليه راجعون ...

    الاجازة الاسبوعية من البوست مساء الخميس والجمعة والسبت بتخليك ...
    متابع ومستمتع وانت تقرأ ما فاتك من المداخلات من الميل الــ 70 مرورا بالـ 71 وختاما بالـميل 72
    ومنا هذه المتابعة نقول ...

    سرنا قدوم الريس مسيرة سيد احمد ..... ومني يونس ... واكيد هناك الكثير من ذكريات الزقازيق التي سطرتها صورهم ... كما اكد الريس بقوة ماقلناه سابقا ان الزقازيق هي الذكري السابقة ... وليس الزقازيق الآن ...
    افرحو ياناس لكوظ الريس جاب صور بالهبل من هناك ...

    وضحكت بعنف ... حين
    -قال زهير الزناتي عن لسان جماع ...
    " طيب قول للجماعة ديل يمشوا من هنا قبل ما ادرنها ليهم"

    ترحيب ب اختنا عرفة محمد سعيد ...

    الصور النزلتها الاخت عفاف عن لمة جده ... روعة اعادت لنا شكل الشباب في العصر الحديث ...

    وكتب رشيد القوم : وسلامتك ياحبيب ....
    الليله أنا منزول ما مدبرس يا ياسر نجيلة عشان كده ما قادر أكتب...أحسن اتنازل
    لي نجاة من الكمبيوتر أخايها تتفشى فيهو...
    آآآآتش...آآآتش

    سؤال نجاة حوفي :
    سالت ليكم الليلة الرشيد من امات طه لمن امن واكيد جواه قال دى مش برى .. نجاة حوفى دى البراية ذاتها..
    بالرغم من محاولة زهير الزناتي ... الا أن السؤال يظل قائم ...

    وقالت نجاة حوفي أيضا:
    جريت جرى جبت لى بامية ولحقت نفسى اما الكيك فى الايام الاولى السمن والبيض الدفقته كان
    يبنى لى بيت ...
    ونحنا ياما ضيعنا عمارات في الزبالة ...

    أدام الله تواصلكم هذا ومتعكم بالصحة والعاقية
    ولى عودة
    أخوكم حاج الركز ...


    وقال رشيد القوم :
    و أذهب الى أقرب دكان و أشتري
    كمية من حلاوة دربس..حلاوة نعناع...حلاوة حربة وبسكويت كوكو ثم أحضر الى البيت

    وزي ماقلنا سابقا الوحيد البرجعنا لزمن لبس " الاردية" و "الشدة و الكبك" هذا الرشيد ...


    ودمتم ...
                   |Articles |News |مقالات |بيانات

04-10-2009, 07:15 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)

    صباح الخير يا وجوه الخير ،،،،،

    أصبحنا وأصبح الملك لله ،،،،

    دعاء :-

    اللهم إنك عفواُ تحب العفو فأعفُ عني
                   |Articles |News |مقالات |بيانات

04-10-2009, 07:34 AM

مبارك جادين

تاريخ التسجيل: 13-09-2008
مجموع المشاركات: 350

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)

    يا ناس حوش الزازيق صباح الخير
    الواحد ينوم يخليكم في 71
    يصح يلقاكم مشيتوا 72 يعني باختصار نوم مافي
    والله بالطريقة دي يتكتلو زول يوم

    والله يا الريس الصور غاية في الروعة
    ورجعتنا المساكن ولكوظ

    عثمان الجيلي شكرا على التحية

    والله يا سيف النصر حقو تعذرني
    وترعى فارق السن فما تراه انت حوشا اراه بلكونة
    فروقات في النظر الذي اصبح مطششش

    لكن برضو الكوتش ولاعبرني حتى بعد الطشيش ده

    الرشيد صباح الخير عليك والاسرة
    الحكاية حقت المذيع ظريفة
    اعود ليك في مداخلة تانية
                   |Articles |News |مقالات |بيانات

04-10-2009, 08:00 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: مبارك جادين)

    والله يا جماعة مبارات العجائز دي مشكلة ... يعني يجي
    زول زي عبد الحفيظ طاشي شبكة يقوم يمشي يدقدق في بيوت
    الناس ، وفي رواية يخش أول حوش ويلقي السرير الماهل
    ياخد ليهو تكية ، إلا نمشي نصحي ونقوده للحوش ...
    ويجي مبارك جادين يتكلم مع عرفة ويتخيلها سيف النصر
    ولمن تقول ليهو دي عرفه يقول ليك معليش يا ولدي ما لابس النضارة
    ومحمد صديق ، مبارك جادين يتكلم معاهو من أول أمبارح وهو يقول قلت شنو
    ماشي السوق ، إلا نشوف ليهو سماعات طبية من النوع الأصلي ..
    اما عمنا جلا والله حكايته حكاية قام نزل صورة واحدة لياقته هبطت غلبه ينزل
    حتي الأسماء ،، حقوا نعمل لينا منبرين واحد للناس الصغار والتاني للعجايز
    رايكم شنو ...
                   |Articles |News |مقالات |بيانات

04-10-2009, 07:56 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)

    صباح الهناء والسرور ...
    تعازينا الحارة لأختنا / عفاف علي سعيد ، وربنا يرحمه ويسكنه فسيح جناته.
                   |Articles |News |مقالات |بيانات

04-10-2009, 09:28 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    أبو الزوز حسه أظنك تكون متوجه للأستاد...من حسة نحن جاهزين لصورك قبل و بعد..

    أمبارح دقست ليك الريس يا ابو الزوز..قلت ليهو أنا ماشي أنوم و خليتو لحدي
    ما خلص الصور و نام قمت طلعت و نزلت البري بتاعي بتاع وش الفجر ده...

    ياسر نجيلة والله تلخيصك رهيب..تصور الفكره جيده بتاعت التلخيص دي ويبدو انك
    أحسن من يقوم بذلك..و لكننا سنخسرك في تداخلاتك الأخرى و خصوصا أشعارك التي
    حرمتنا منها...
                   |Articles |News |مقالات |بيانات

04-10-2009, 09:38 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    سلام كبير أوي للريس ميسرة ... يا أخي حمدا لله على السلامة ليك ولي أفراد الأسرة الكريمة ولي بتنا منى يونس ، ليكم وحشة ، وشايفك منور في الحوش والحوش نور بيك لكن قراية الكبر مشكلة كبيرة.
    الرائع مبارك جادين والله مشتاقين وحمدا لله على السلامة ، يا أخوي مالك سمعته ولا جابو ليك ما كنا حلوين وبنتلاقا الحصل شنو يا جماعة ...
    بتنا عرفة محمد سعيد أهلا وسهلا بيك ونبارك مشاركتك الباسورد بتاعت الدكتور سيف ، طبعا سيف زول تقدمي وما عنده حكاية التعصبيات والعنتريات الفارغة، تحياتنا ليكم كلكم وإنشاء الله تامين ولامين ، عرفة درست سنة في كلية الحقوق وبعدين حولت إلى كلية الآداب ، في إنتظار مداخلاتك الجميلة وإنشاء الله نشوفكم قريب ، ويا دكتور أبقى أظهر...
    صور جدة كانت روعة وناسها حلوين ... وجدة غير ...
                   |Articles |News |مقالات |بيانات

04-10-2009, 10:59 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    Quote: ويا الرشيد .. عبدالرحيم ( الجيص ) بسلم عليك ... عرفتو


    و الله ما عرفتو يا ديدو...ممكن تديني أمارة...
                   |Articles |News |مقالات |بيانات

04-10-2009, 11:21 AM

عفاف علي ميرغني
<aعفاف علي ميرغني
تاريخ التسجيل: 10-09-2009
مجموع المشاركات: 769

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    من حاج الركز لأجدع ناس

    اسم القصيدة: قصيدة سنار 1965
    من ديوانه السمندل يغني
    حين أبحرنا إلى (سنار) عبر الليل
    كانت سدرة التاريخ تهتز
    بريح قادم من جزر الموتى
    وكان الكروان الأسود الريش يغني
    في غصون الشوك صوتاً
    كان غنّاهُ على شرفة (تهراقا) قديماً
    ثم أمعنا مع الريح على الصحراء
    والصحراءُ كانت مدنا مدفونة في الرمل
    أشباحاً تراءى وعظاماً نخرات
    وأنحدرنا عبر سور الغاب والمستنقع الأخضر والجسر..
    أعدنا؟
    قاب قوسين .. أعدنا؟
    ها هي البوابة الأولى: بساتين من النخل، وخيل في المراعي ..
    ها هي البوابة الأولى: أعدنا؟
    كيف لا؟ وجه برونزي، كتاب ونقوش ذهبيات ودرع ورماح أبنوس

    كان حلماً أن نرى البدءَ وميلاد الطقوس

    ولى عودة

    اخوكم حاج الركز
                   |Articles |News |مقالات |بيانات

04-10-2009, 11:27 AM

عفاف علي ميرغني
<aعفاف علي ميرغني
تاريخ التسجيل: 10-09-2009
مجموع المشاركات: 769

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عفاف علي ميرغني)

    من حاج الركز


    المدخل الشعرى أعلاه من نصوص الرحل المقيم محمد عبد الحى


    ولى عودة اخرى
                   |Articles |News |مقالات |بيانات

04-10-2009, 11:24 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: الرشيد الحمد لله الما بقيت جمال حسن سعيد

    والا كنت بقيت من فصيلة حاتم جبارة وطارق

    وحاج الركز والسنوسى ..وانا بى نسبة صغيرونية


    محمد صديق انت الله مرقك من موية الحتانة دي...و الا كانت لحقتك أمات طه و الحتة
    الصغيرونة دي تفاقمت لتصبح كصحراء كلهاري...
                   |Articles |News |مقالات |بيانات

04-10-2009, 11:31 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    صباح الأنتصار المنشود المنتظر
    هسى يا ربى زى جمال السنوسى ده , زى صباح الليلة ده بيكون عامل شنو ؟؟ اعصابى طبعا بتكون بوظان شديد
    لدرجة ممكن يكون قام ليهو شعر وما تعرفوهو , نتمنى نتيجة ايجابية اليوم لسيد البلد , النتيجة الأيجابية عندى تتمثل فى
    عدم ولوج اهداف فى المرمى الهلالى , هذا فى رايى اهم من كم الأهداف المحرزة , لأنو فى النهاية الشغلة ما حاتزيد عن
    هدف هدفين لكون الشباك النظيفة هى ما سيصنع الفارق لذا فان الكرة فى ملعب المدافعين اكثر منها فى ملعب المهاجمين
    هذا اولا
    اما اللقاء الزقازيقى الثالث والمحدد له يوم الخميس القادم , فنرجو ونعمل ان يكون فيه نقلة نوعية لنشاط
    زقازيقى منتظم , اجتماعة وثقافى منوع , هناك تفاؤل كبير من زقازيقى الرياض ستتم بلورته مساء اليوم فى
    الأجتماع المنتظر , كما ان الدعوة موجهة للزقازيقاب فى كل مكان فى المملكة لزيارة الرياض نهاية الأسبوع لتوفر
    فرصة نادرة للألتقاء مع صحبة الأمس فى لقاء اجتماعى جميل , تعرفوا الحصر المبدئى بيقول انه فى ما يقارب السبعين
    زقازيقى وزقازيقية فى الرياض وما جاورها , وما عندى حصر لزقازيقاب المملكة ككل , ولكنى اظنهم عددا كبيرا , المهم ان المعلومات بتاعت العناوين والتلفونات بتغطى حوالى الكم وستين شخص , ونعرف ان هذا البوست مقروء من عدد اكبر من ذلك
    بكثير , لذا فان الدعوة مفتوحة للجميع , ويمكن الأتصال على التلفونات الآتية لمزيد من التفاصيل
    0501960947 الأخ الأستاذ احمد اسماعيل
    0563495969 الأخ الأستاذ عثمان الجدى
    0505779464 الأخ الأستاذ جلال عثمان
    0590086541 الأخ الأستاذ احمدعوض ( عجوز)
    0563785231 الأخ الأستاذ كمال محمد الحسن (الشادى)
    0502451426 الأخ الأستاذ محمد عثمان عبد الرحيم (حاج الركز)
    0504177839 (منصور عبد الرازق)
    يعنى الهدف المنشود من اللقاء ده
    تواصل بين الناس المسجلة عنوانيهم ومعلوماتهم
    كسب ناس جداد وعناوين جديدة لتواصل اكبر
    كسب زقازيقيين من غير منطقة الرياض , فى منطقة قريبة او بعيدة كل حسب ظروفه
    اللقاء سيكون بطعم زقازيقى عتيق وقديم وبفقرات زقازيقية حا ترجعكم زى (عشرين سنة كده لى ورا يا طارق جبريل )

                   |Articles |News |مقالات |بيانات

04-10-2009, 11:56 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: منصور عبد الرازق)

    الريس ميسرة , مستمتعين للغاية بحفلة الصور الزقازيقية
    وننتظر المزيد , والشغلة كمان جابت ليها اخراج فنى جميل
    انت اصلو ميسرة ولا محمد عيد ياخ , اول شى حا احمله يوم الخميس الجاى ده
    اشوف لى زول يدينى دروس خصوصية فى تنزيل الصور واخراجها الفنى (بينى
    وبينكم ديدو فاتح لى فصل خاص بعد العصر لكن المخ ما بقى تقيل ) , ياخى ما عنكم طريقة يا ناس جدة
    تاجروا ليكم حافلة ولا طيارة خاصة وتجونا يوم الخميس , اعتبروها عمرة ياخى )
    * عفاف , الحقى حاج الركز ده , بكرة تجى تقولى لينا باسويردى ما لقيتو ولا حاج الركز خلاهو فى المطار
    ويحصل ليك الحصل لى (مبارك جادين) ,
    * مرحب بزميلتنا عرفة , دكتور سيف النصر ده زاتو يستاهل يقلعوا منو الباسويرد , ما قاعد يجينا الا مرة مرة
    اقول ليكى , دسيهو منو واجريهو ليهو بعد الدوام , مرحب بيكم الأتنين ونتشرف بالتعرف عليكم
    * عبد الحفيظ عباس , البوست موعود بقلم جديد , كمل الطششان والحوامة وحوش ود دهب مفتوح ليل نهار
    * يا زهير , غياب الريس معتصم زاد واقلقنا , ادينا النجيضة
    *المعا طايوق يا , فى زول عنده طايوق زياة
    *يا الرشيد ممكن تورينا الفرق بين يوم الخميس ويوم السبت عندك
    (اقول ليبكم انا , يوم السبت بيسوق ويوم الخميس بيسوق )
    * طارق جبريل , انتو طردوكم من الشارع زاتو ولا شنو ؟؟؟!!!
    * يا جلا , عمر دخل الدفاع الشعبى ولا لسة ؟؟
    * يا زينب التيجانىىىىىىىىىىىىىىىىىىىى
    * يا موسى عيسىىىىىىىىىىىىىىىىى
    *يا ريس معتصم جعفاااااااار
    *يا جمال السنوسىىىىىىىىىىىىى
                   |Articles |News |مقالات |بيانات

04-10-2009, 12:16 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: منصور عبد الرازق)

    سلامات يا ناس

    يا جادين والله رديت ليك لكن الكبر الدخلك ده

    انا ماعندى ليهو علاج..شوف الفكى بتاع الببسى

    يا منصووووووووووووووووووووووووووووووووووور

    ان شاء الله منصور.

    الرشيد والله الموية هناك سمحة سماحة!!!

    يا جماعة روقوا لى ...
                   |Articles |News |مقالات |بيانات

04-10-2009, 12:48 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    Quote: يا الرشيد ممكن تورينا الفرق بين يوم الخميس ويوم السبت عندك
    (اقول ليبكم انا , يوم السبت بيسوق ويوم الخميس بيسوق )


    يوم الخميس معنوياتي بتكون عالية و يوم السبت بتكون يعني ما واطية..لكن ابتدت
    توطى لحدي ما توطى خالص يوم الأربعاء و تعلى يوم الخميس و هكذا...يعني في حالة
    عالي واطي طوالي...
                   |Articles |News |مقالات |بيانات

04-10-2009, 03:32 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    يا جماعة أريد أن أسجل هذه الأسماء و بهذا التوالي قبل مباراة الهلال وسوف
    أحضر للتفسير بعد المباراة...
    سادومبا 7-8
    ديمبا 24-27

    أمبيلي 27 من الشوط الثاني
                   |Articles |News |مقالات |بيانات

04-10-2009, 04:30 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    الرشيد مع اقتراب ساعة الحسم
    نسأل الله ان يكون نصرا مؤزرا
    وان يتواصل الدفن بالمقبرة ل ما(ذنبي)
    قرباناً لجماهير الهلال الرائعة الوفية
                   |Articles |News |مقالات |بيانات

04-10-2009, 04:32 PM

عبد الحفيظ عباس
<aعبد الحفيظ عباس
تاريخ التسجيل: 26-09-2009
مجموع المشاركات: 267

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    تفسير الأحلام
    يالرشيد يعني الكورة 3/2 لصالح الهلال
    سادوباهدفين وامبيلي هدف
    وديمبا هدفين عكسيات
    يعني نيران صديقة
    الله يستر
    دي بتودي التوج
    وتشمت فينا ناس محمد عيد وطارق جبريل
    وعبدالحفيظ
    وحتى اللحظة هلالاب
    لكن إمكن نقلب
                   |Articles |News |مقالات |بيانات

04-10-2009, 04:52 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الحفيظ عباس)

    اليوم ده بطئ والمداخلات تعبانه
    شديد يا ربي ده بيكون علشان كورة
    الهلال ، وبصراحة أنا ما بشاهد الكورة
    بتاعت ناس الهلال على الرغم من إني هلالابي
    بس أنا يا جماعة زول كبير ما بشوف إلا المباراة
    النهائية علشان الكاس أو تصفيات كاس العالم الباقي
    كله لعب دراب ساي ، وكان ما مصدقيني أسألوا عزالدين وهم.
                   |Articles |News |مقالات |بيانات

04-10-2009, 04:53 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الحفيظ عباس)

    Quote: يا جماعة أريد أن أسجل هذه الأسماء و بهذا التوالي قبل مباراة الهلال وسوف
    أحضر للتفسير بعد المباراة...
    سادومبا 7-8
    ديمبا 24-27

    أمبيلي 27 من الشوط الثاني



    Quote: وان يتواصل الدفن بالمقبرة ل ما(ذنبي)



    Quote: يا منصووووووووووووووووووووووووووووووووووور

    ان شاء الله منصور.



    Quote: صباح الأنتصار المنشود المنتظر
    هسى يا ربى زى جمال السنوسى ده , زى صباح الليلة ده بيكون عامل شنو ؟؟ اعصابى طبعا بتكون بوظان شديد
    لدرجة ممكن يكون قام ليهو شعر وما تعرفوهو




    ســـــتات الودع كتـــرن ..

    يا ود جبريــن .. تلحقنا وتنجدنا ...

    رغم كل شىء .. تغلبت سودانيتنا ...

    قلوبنا معكم .. وامنياتنا الصادقة بنصر مؤزر

                   |Articles |News |مقالات |بيانات

04-10-2009, 04:57 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الحفيظ عباس)

    Quote: لكن إمكن نقلب


    عبدالحفيظ يا أخوي قالو الواضح ما فاضح...أخير ليك يا أخوي تقلب من حسة..أخير
    الكيمان تتفرز من حسة....

    أما أنا فطفيت ليك كل أنوار البيت ما عدا نور التلفزيون خوفا من أي هجوم من اي
    زول...أي واحد يجي يلقى الأنوار مطفية يفتكر مافي زول يتخارج...ما عندنا أعصاب
    لي أسئلتهم الكتيرة...مين هادول..و ليش هذا...و شو وضع الكرة السودانية...و آخر
    يقول ليك هاي الطابة خطرة...


    الواضح ما فاضح...الناس ديل أنا بكجنهم في الظروف دي...
                   |Articles |News |مقالات |بيانات

04-10-2009, 04:46 PM

عبد الحفيظ عباس
<aعبد الحفيظ عباس
تاريخ التسجيل: 26-09-2009
مجموع المشاركات: 267

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    الحبيب طارق جبريل
    سلام
    ما وريتنا أخر الأخبار شنو
    لكن أطمئنك
    بأن قضيتكم هذه
    كان أحدى أجندة مؤتمر جوبا
    والمؤتمر الثالث للمؤتمر الوطني
    وقد أفردت لها لجنة خاصة
    ونوقشت بإستفاضة
    وخرجت فيها التوصيات التالية :
    1. إزالة كل الطوب من أمام المقر
    حتى يظل طارق واقفاوالقضية ما قعدت .
    2. فتح بوست لتدشين حملات المساندة
    وتكوين لجنة مشتركة من كليات بيطرة وعلوم وزراعة برئاسة
    زينب التجاني لزوم الجندر .
    3. القيام بتكوين لجنة قانونية من منتسبي كلية الحقوق
    للدفاع برائسة مولانا عصام دهب .
    4. تكوين لجنة إعلامية لتصعيد القضية وغزو المنابر
    الإعلامية بها برئاسة محمد عيد.
    5. تكوين لجنة مالية للدعم برئاسة الرئيس ميسرة
    6. تكوين قوة تدخل سريع لإخلاء طارق جبريل في حالة وقوع
    إشتباكات برئاسة الكمندان محمد صديق
    7. تكوين لجنة الدعاء برئاسة زهير الزناتي
    8. وأخيرا في حال فشل كل تلك اللجان يتم تعيين طارق جبريل رئيسا لتحرير إصدارة
    الزقازيق التي إقترحها سابقا الأخ محمد عيد
    أبشر بالخير نحن معك
    4.
                   |Articles |News |مقالات |بيانات

04-10-2009, 05:03 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الحفيظ عباس)

    Quote: يقول ليك هاي الطابة خطرة...

    يعني ختيت الطابة في ملعب البيت يالرشيد

    بالتوفيق لهلال الملايين
                   |Articles |News |مقالات |بيانات

04-10-2009, 05:23 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    Quote: يعني ختيت الطابة في ملعب البيت يالرشيد


    عليك الله يا جلال ما أحسن...خصوصا انه الليلة نجاة حوفي ما معاي...لما تكون موجودة معاي
    بكون ضامن النتيجة...حسة أنا من قبيل كلمتها قلت ليها الليله الكورة ما تنومي تقوتيها
    لقيته جاهزة...تنوم ما تنوم ما مشكلة المهم تفتح المباراة وتعرف النتيجة بعدين..
                   |Articles |News |مقالات |بيانات

04-10-2009, 08:49 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    كان مساء الاربعاء الماضى اخر اطلاله لى فى الميل69 واصبح الخميس دون اسدد اشتراك النت وامسيت خميساو جمعه كالاسد الحبيس
    وهرولت صباح السبت باكرا يسوقنى الشوق لاجدع ناس وخاب املى بعطلة السبت0
    عدت مسرعا هذا اليوم ولكن للاسف فلا كهرباء عادت الان فقط000وعدت انا معها ومااجمل العوده اليكم والجلوس بينكم فى وسط
    الحوش0 ما شاء الله 3 اميال قطعت فى غيابى عامرين دوما0
    رشيد القوم مهاتفتك للسؤال عنا كانت بردا وسلاما وفخرا بهذا الانتماء ادام الله الود
    # ز ز شيال التقيله ومجمع الاحباب شكرا زناتى شكرا كمندانا الاديب والوجيب0 منصووووووووووووور يسال عنك الخير الشكر الى
    كل الزيقازيقاب فهكذا تكون الاسرة الوحدة دوما
                   |Articles |News |مقالات |بيانات

04-10-2009, 09:23 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    ما شاءالله مرحب بعودة الريس ميسره ولا ريس غيره فقد كنت دائما اساءل عن صلة القرب بميسره وهل هناك صلة اكثر من الزقازيق
    صورك جميله وقد زكرتنى برعايتى للاخت الفاضله نوال تجاره كيف لا وقد جاءت وهى برلومه تحمل خطاب من الخاله وابناء الخاله يطالب برعايتها
    والوقوف معها والحمدلله الذى وفقنى فى ذلك0
    ======================================================================================
    الاعزا الرشيد نجاة كنا طالبين النسب لكن وقت فيها ركاشات غيرنا راينا
    ======================================================================================
    العزيز ود جبريل
    نذكر الان جميع الشهداء
    نذكر الان جميع الشرفاء
    كل من خط على التاريخ سطرا بالدماء
    كل من صاح فى وجه الظلم
    لا000لا000لا
    ان اى عدوان على حرية الانسان فى اى مكان هو عدوان على حرية كل واحد منا
    ان اغلاق صحيفه لانها ابدت رأيا مهما كان هذا الراى هو انتكاسه وعوده الى زمن حرق الخصوم
    فشجاعة الراى ليست جريمه انما الجريمه محاربة هذه الشجاعه0
    ====================================================================================
    الاخت الصغرى عفاف تحياتى لاسرتك الكريمه
    مبارك جادين البرلوم السينير والسينر البرلوم محب حباب العوده

    (عدل بواسطة معتصم جعفر on 04-10-2009, 09:48 PM)

                   |Articles |News |مقالات |بيانات

04-10-2009, 09:10 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    فاتح تلفزيون السودان ونسيت موضوع الكورة

    الله يخرب مطنكم ده كلام ده ،،،، أنحنا قبيل شن قولنا
    يا جلال يا الرشيد يا السنوسي قلنا ليكم أنحنا ناس كبار
    وجلاكين ساكت ما كان أحسن نمشي المكتب وواحد مصري يكوم مسطح
    والله فريقكم لعب تمام وهزم الفريق التاني وطبعاً ما عارف وين هو الفريق
    السوداني ،،، ودي كانت بتواجهنا في الزقازيق كلما لعب فريق أفريقي تسمع
    واحد يعلق والله فريقكم بيلعب حلو أوي .

    زهير الزناتي والناس الآخرين الليلة ما عايزين زول يجي بالحوش ده خلوها لناس
    الشعبية أصلوا شايف عجاجة البوست بتاعهم عالية ودخلوا الميل 70

    ما تزعلوا يا ناس نمشي في بلدهم وح نغلبهم عليكم بسبعة أهداف نظيفه ،،،،،،،،

    الله يرحم الكورة السودانية .
                   |Articles |News |مقالات |بيانات

04-10-2009, 09:40 PM

عبد الحفيظ عباس
<aعبد الحفيظ عباس
تاريخ التسجيل: 26-09-2009
مجموع المشاركات: 267

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ميسرة سيد أحمد)

    إنا لله وإنا إليه راجعون
    الفاتحة بي يد واحدة
    وشرطها أن تكون الأصابع مفرقة وتامة
    أها يالرشيدفرزت
    كومي
    وقلبتا
    وياسيف
    نحنا المريخ نهواه في كل الظروف
    أحسن البوست البي غادي
    تخلي خاص بالهلال
    وياطارق جبريل
    باقي لي دي بشائر إنفراج أزمتكم
    ويا محمد عيد
    الغلبت ياتا
    وطنيتك ولا ما( ذنبهم )
    ولا أقول ليك
    شفت رجل الرأية الغيني ده
    متحامل على الهلال
    والحكم المالي صاحب الوالي
    وأسامة باع
    كابوندي باع
    مساوي باع
    أمبيلي باع
    المعز باع
    والهلال طار وضاع
    ولا يمكن زي ما قال واحد أخونا عاقل
    الهلال هناك بغلب سبعة
    يعني هسع لو القون في أرض الخصم بي
    قونين ... نتيجة الكورة كم
    رمي الودع عن ناس زهير في الحوش التاني
    ياربي أنا طشيت أمبارح مالي
    كنت شايف الخمسة
    خمسة وخميسة في عين
    اللي ما يصلي على النبي
    عصام دهب
    لو ما فرتكت صيوان عزاء المريخ
    حولوا لأصحابنا
    وزيدوا كم فردة
    والله أنا من أحضان صلاح إدريس
    قلت لحقم أمات طه
    أها مسعولين من الخير
    ما كان أخير الكهرباء ما تجي 45 دقيقة
    والنتيجة تكون 2/1
    الرجع الكهرباء ده بطيخابي
    لكن بطيخابي أبيض
    زي بياض ما ( ذنبي )
    لكنا الصبر كثير كدي النتفشة
    وبعد داك نرجع للوطنية
    طبعا إمكن تجوا بكرة أو إمكن ما تجو
    نداء عاجل
    زهير - كمندان
                   |Articles |News |مقالات |بيانات

04-10-2009, 09:41 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ميسرة سيد أحمد)

    مساكم الله بالخير
    عندما شاهدت فريق مازيمبي يلاعب النجم الساحلي تأكد لي أن هذا الفريق لا محالة
    واصل الى النهائي و ربما الفوز بها...فلاعبوه يملكون عقلية احترافية ولهم طموح
    الاحتراف الخارجي...و لكني تمنيت أن لا يحدث ذلك و تمنيت أن يفوز فريقي...
    الطريقة التي لعب بها الفريق اليوم هي نفس الطريقة التي لعب بها أمام النجم الساحلي
    و استحق الفوز..اعترف بذلك رغم حزني على خروج فريقي...و لأنها مجرد رياضه فأقول
    و بروح رياضية اننا لم نستحق الفوز ولم نعمل له...و أزيد ايضا بأننا لن نحقق أي
    بطولات قريبا...و هذا ليس ياسا مني ولكنه واقعنا الميؤس من اصلاحه الذي ينبئني
    بذلك...
    أقول للهلالاب و لجماهير الرياضه في السودان قاطبه...لكم الله...

    يا حاجة أنا الليله ما عايز عشاء...
                   |Articles |News |مقالات |بيانات

04-10-2009, 09:51 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    عبدالحفيظ...نحمد الله الذي فرج أساريركم و أسعدكم...نسأل الله أن نسعد
    جميعنا...و لكن متى ذلك...الله أعلم...
                   |Articles |News |مقالات |بيانات

04-10-2009, 09:51 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    يا شبابا ازيكم كلكم
    متابع وما قادر اكتب لانه لسة قاعدين في الطوب جنب الجريدة
    لسة الازمة قائمة







    شمتااااااااااااااااااااااااااان في الهلالاب وما داسيها
    عبد الحفيظ لامن اجيك بي رواقة
                   |Articles |News |مقالات |بيانات

04-10-2009, 09:44 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ميسرة سيد أحمد)

    فى الميل 71 هالنى ما قراته فى مداخلة الاخ الكريم
    welyab <البغض المتفشى الذى يطول شريحة المغتربين>اى بغض هذا الذى تتكلم عنه؟؟؟؟هل هناك اسره سودانيه تخلو من مغترب
    هل نكره الاخ والاخت والخال او العم وابائهم ام نكره زوج الاخت او بنت الاخت ؟؟؟؟من اين لك بهذا وما اسبابه 0
    عزيزى ان شريحة المغتربين شريحه اجتماعيه مهمه لها اثرها فى الحياة السودانيه بل فى الاقتصاد ككل ولا بيت يخلو من مغترب
    ومجهود مغترب 0والله ما جاب الكراهيه0
                   |Articles |News |مقالات |بيانات

04-10-2009, 09:58 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    تحية خالصة من القلب للريس معتصم
    وبركه الجيت ورجع ليكم النيت لقد
    إفتقدناك طيلة الأميال السابقة

    ليكن حزننا على عدم تطور الكورة السودانية
    ولا شماته لفرقنا السودانية المحلية البسيطة
    وهارد لكم يا جماهير الكورة السودانية .

    محبي ومريدي الهلال عودوا إلى بوستكم ولا يهمكم
    غداً نرجع المربع الأول ونبحث عن المستحيل .
                   |Articles |News |مقالات |بيانات

04-10-2009, 11:09 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ميسرة سيد أحمد)

    والله العظيم يا جماعة انا ما شمتان ولا حاجة

    لكن بس لغاية هســه خاتى ايدى فوق خشمى .. دهششششه !!!

    ما عارف أعدهم كم أصبع .. ؟؟!!


    Quote: عليك الله يا جلال ما أحسن...خصوصا انه الليلة نجاة حوفي ما معاي...لما تكون موجودة معاي
    بكون ضامن النتيجة...حسة أنا من قبيل كلمتها قلت ليها الليله الكورة ما تنومي تقوتيها
    لقيته جاهزة...تنوم ما تنوم ما مشكلة المهم تفتح المباراة وتعرف النتيجة بعدين


    الرشيد ... نجاة البراية شكلها نامت من الساعة ( 5 )

    Quote: ويا محمد عيد
    الغلبت ياتا
    وطنيتك ولا ما( ذنبهم


    عبد الحفيظ .. وطنيتنا ما بنخليها .. لكن الفضايح ما بندورها ..

    من زمان ماسكيننا سبعات وابو سبعة .. اها دى ما عيب يقولوا ليهم فيها حاجة ؟؟!


    ألذ حاجة اتصلت بناس منصور فى الرياض .. قلت أشارك فى الاجتماع هاتفيا ...

    لقيت ليك جلال والجماعة مرقوووووووا من قبيييييل ..


    هاردلكم يا شباب .. وياهو ده حال البلد وناس البلد

    الواحد ينفخوا فيهو يبقى زى القربة ..

    واول مسمار ( ما خمســـه ) .. فسسسسسسس يلحق امات طه

    والله طه ذاتو كورك !!!!



                   |Articles |News |مقالات |بيانات

05-10-2009, 05:42 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد عيد)

    Quote: يا جماعة أريد أن أسجل هذه الأسماء و بهذا التوالي قبل مباراة الهلال وسوف
    أحضر للتفسير بعد المباراة...
    سادومبا 7-8
    ديمبا 24-27

    أمبيلي 27 من الشوط الثاني



    في انتظاااااار التفسير ....



    ؟؟؟؟؟
                   |Articles |News |مقالات |بيانات

05-10-2009, 06:05 AM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    انها ليست هزيمة للهلال بل ازمة الكرة السودانيه عامه
    انها مشكلة اعلام يلعب على الورق وينظر ويكذب ليبيعنا الوهم
    انها ادارات غطت العمم الكبيره على عقولها
    انهم لعيبة من قش حتى لو انتصروا بالامس فلن يتقدموا بعدها
    الى متى نخدع انفسنا افيقوا ان الكره اصبحت علم وانتهى زمن الدافورى
                   |Articles |News |مقالات |بيانات

05-10-2009, 06:43 AM

welyab
<awelyab
تاريخ التسجيل: 08-05-2005
مجموع المشاركات: 3891

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    Quote: فى الميل 71 هالنى ما قراته فى مداخلة الاخ الكريم
    welyab <البغض المتفشى الذى يطول شريحة المغتربين>اى بغض هذا الذى تتكلم عنه؟؟؟؟هل هناك اسره سودانيه تخلو من مغترب
    هل نكره الاخ والاخت والخال او العم وابائهم ام نكره زوج الاخت او بنت الاخت ؟؟؟؟من اين لك بهذا وما اسبابه 0
    عزيزى ان شريحة المغتربين شريحه اجتماعيه مهمه لها اثرها فى الحياة السودانيه بل فى الاقتصاد ككل ولا بيت يخلو من مغترب
    ومجهود مغترب 0والله ما جاب الكراهيه0

    عزيزي معتصم جعفر
    لك خالص المودة
    اولا لي ان اشكر كل من :-
    1 - سامي عبد الوهاب إدريس
    ( كان في نيتي الاتصال به تلفونيا وسوف احاول)
    2 - جلال عثمان ..
    3 - معتصم جعفر
    اشكركم على لفتتكم البارعة وبترحيبكم للضيوف .( اكيد انتو أجدع ناس في البوست لغاية هسع..)

    حقيقة لم يكن في نيتي تعميم ( تهمة ما يمارس من بغض على شريحة المغتربين ) على سائر اهل السودان .. ولكن ما يتلمسه الفرد منا كمغترب من ممارسات جهات كثيرة داخل الوطن يترك ذاك الانطباع السيء في نفوس المغتربين . ربما اكون مخطئا في تقديري ( لبعض المواقف ) .. ولكن تكرار المحن والمواقف وبالذات من الجهات الرسميه تجاه المغترب ، وما يجده الفرد منا من عبارات ، وما يتلمسه من اساليب وممارسات وتصرفات من بعض المسؤولين ( ربما تكون فردية) كل ذاك يولد لدى الكثيرين من المغتربين ذاك الاحساس والانطباع
    لكم اخوتي في الداخل
    وافر الاحترام - وواجب الاعتذار
    محمد سليمان أحمد (ولياب)..
                   |Articles |News |مقالات |بيانات

05-10-2009, 07:29 AM

أحمد إسماعيل
<aأحمد إسماعيل
تاريخ التسجيل: 10-09-2009
مجموع المشاركات: 1375

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: welyab)

    أصبحنا وأصبح الملك لله رب العالمين

    اللهم زدنا ولاتنقصنا وأكرمنا ولاتهنا

    واعطنا ولاتحرمنا وآثرنا ولاتؤثر علينا

    اللهم اعنا على ذكرك وشكرك وحسن عبادتك

    اللهم أحسن عاقبتنا في الامور كلها وأجرنا

    من خزي الدنيا وعذاب الآخرة.


                   |Articles |News |مقالات |بيانات

05-10-2009, 07:54 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: أحمد إسماعيل)

    صباح الخير يا وجوه الخير ،،،،،

    دعاء صياح الديك ونهيق الحمار ،،،،،،

    إذا سمعتم صياح الديكه ، فأسألوا الله
    من فضله فإنها رأت ملكاً وإذا سمعتم نهيق
    الحمار فتعوذوا بالله من الشيطان فإنه رأي شيطاناً .
                   |Articles |News |مقالات |بيانات

05-10-2009, 08:14 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ميسرة سيد أحمد)

    أجدع ناس ها نحن حضوراً رغم الهزيمة الكبري
    فالهزائم لا تزيدنا إلا إصراراً نحو بلوغ أهدافنا
    ولن نرتقي سلم المجد ما لم نسقط ، هي كرة القدم
    دوماً الفوز والهزيمة وجهان لعملة واحدة ...
    أفرحنا الهلال كثيراً .. وأوجعنا مرات عديدا ..
    إلا أن حبه سيظل ما بقيت فينا روح ...
    شكراً لكل من واسي ... وشكراً لكل من فرح لهزيمتنا
    هذا حقه الطبيعي ، فقد فرحنا من أعماق قلبنا حينما
    فزنا علي المريخ ، فهو منافسنا الأول ... إنكسارته
    تمثل لنا لحظات مجد نبحث عنها ، وكذلك أنكساراتنا
    وتبقي حلاوة كرم القدم في إثارتها التي لا تعرف الحدود
    ونتائجها التي لا يتوقعها أحد ، ومهاتراتها التي لا
    تتعدي الحدود ....
                   |Articles |News |مقالات |بيانات

05-10-2009, 08:31 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    ِشكراً ولياب ولي أمر الزقازيقي المشاغب .
    واعتقد بأنك قد نجحت في إختيارك لمدينة الزقازيق
    وعرفت أن هنالك أيضاً طلاب سودانيين آخرين تم قبولهم
    العام الماضي .. بخصوص سياسة الحكومة تجاه المغتربين
    فهي تنظر لهم من زاوية واحدة وهي جباية أكبر الأموال
    منهم ، وهي سياسة تتبعها حتي مع مواطني الداخل ، فلا
    تحزن أستاذنا فكلنا في الهم شرق ...
                   |Articles |News |مقالات |بيانات

05-10-2009, 08:31 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ميسرة سيد أحمد)

    Quote: وكنت اتردد دوما الى الى الكلية والى الدارة الجامعة وتلمست حقيقة ان الرعيل الاول من الطلبة تركوا انطباعا جيدا لدى الإدارات المختلفة فاغلب من جالستهم في مكاتبهم كانوا يشيدون دوما بأخلاق الطبلة السودانيين (مش كلهم) !!


    الأستاذ محمد سليمان أحمد (ولياب)
    مرحب بيك في بيتك ناس الزقازيق أجدع ناس وأهلاً بطلتك الجميلة
    ونحن في إنتظار إسهامتك وأدخل بيتك بدون إستئذان ،،،، ولقد هممت
    بالرد على مداخلتك الطيبة ولكن حظنا العاثر لم يمكننا ،،، وكنت في
    الزقازيق قبل شهر ونصف الشهر ومعي زوجتي الزقازيقية وأبنائي ووجدت أيضاً
    الذكرى الطيبة في قلوب ناس الشرقية وعندما كنا طلبة بالزقازيق في الثمانينات
    كان هناك من سبقناً في ترسيخ وغرس هذه المفاهيم الطيبة وكنا نحن مثبتين لهذه المفاهيم
    عن من سبقونا.

    مرحب بيك مره أخرى أخونا ولياب والبيت بيتك .

    (عدل بواسطة ميسرة سيد أحمد on 05-10-2009, 08:38 AM)

                   |Articles |News |مقالات |بيانات

05-10-2009, 08:30 AM

أحمد إسماعيل
<aأحمد إسماعيل
تاريخ التسجيل: 10-09-2009
مجموع المشاركات: 1375

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: أحمد إسماعيل)

    الف مرحب بالأخ محمد سليمان (ولياب)

    وأتفق معاك لاننا فعلا عايشين واقع الحال

    بعد ماهاجر الأباء لتحسين اوضاعهم بالخارج

    وساهموا مساهمة فعالة للدولة إلا إنها لم تنصف

    أبناءهم في القبول للجامعات السودانية وذلك بوضع

    شروط تعجييزيه الهدف منها لازم إبن المغترب يدفع

    لكي يمّول الجامعات

    فمثلا لو نظرنا لشروط القبول هذا العام

    مهما كان تحصيل إبنك في الشهادة العربية يعتمد

    60% فقط من التحصيل ويخضع إبنك لإمتحان قدرات ثم

    إمتحان قياس من مجموع 40 درجة بعد داك تجمع هذه

    النتائج للمنافسة.

    هذا الإجراء حيعمل نفسيات للطالب الذي تحصل على 95%

    فمافوق بدل مايحفز يعاقب بإمتحانين آخرين
                   |Articles |News |مقالات |بيانات

05-10-2009, 09:40 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: أحمد إسماعيل)

    البادي النور يحرم من هذا البوست خمسة ايام متتالية .....

    يا جلال بكل أسف لم أشاهد المباراة لإنقطاع التيار الكهربائي بعد أن
    تفاءلت لكم بإنقطاعه في الرياض ... شاهدت الشوط الأول في الأعادة ..
    بعد الساعة الثانية صباحاً . وفي الشوط الثاني إنقطع الإرسال لا أدري
    لماذا .. لا زلت أبحث عن هذا الشوط لأشاهد ماذا حدث بالتحديد ... سماع
    المباراة من الإذاعة غير الحرمان من الشماهدة كانت هنالك عقوبة إضافية
    وهي أقسي من الهزيمة ، ألا وهو المذيع الذي تفضل بنقل المباراة ، لا
    استطيع أن أوصف لك ما فعله بنا هذا المذيع ،، لكن شكيناهو علي الله
    والميكرفون مع محمد صديق ...

    أتمني أن يواصل الأخوة النقاش حول تعليم أبناء المغتربين لأهمية الموضوع
    وخاصة أن عدد كبير من ناس الزقازيق أصبح لديهم أبناء علي وشك القبول
    بالجامعات ...
                   |Articles |News |مقالات |بيانات

05-10-2009, 09:59 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    زهير ياحبيب والله لا ادري ماذا اقول لك
    لا زلت في حالة غريبة كدة ولا اصدق ان هذا قد حدث
    فقد كنا ننتظر الفرح الذي يسمو بنا فوق متاهات الغربة التى نعيشها
    ولكن قدررنا ان تزداد احزاننا بهذه الهزيمة الكارثة
    بس تعرف ياحبيب انا الآن بخير
    فأن تحضر هذه "البعترة" على رأي عثمان جالية
    في ضيافة ابو الكرم منصور وحرمه
    ووجود كمال الشادي
    واحمد اسماعيل
    وصلاح سعد
    ومحمد عثمان
    وعفاف
    والشبل احمد منصور الذي فاق والده كرماً
    في حضرة من تهوى لن يجد الحزن لنفسك مدخلا

    -----------
    هاردلك سيد البلد
                   |Articles |News |مقالات |بيانات

05-10-2009, 10:08 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    الرشيد -
    الريسين العائدين (ميسرة ومعتصم)
    سامي
    الكمندان محمد صديق
    مبارك جادين
    عبدالدائم
    وكل عشاق الموج الازرق (ابوخمسة)
    هيا نتجاوز مربع الهزيمة هذا ....
    ونعود لافراح حوشنا الذي يزدان بوجودكم والاخوة (الصفراب) من اصفر
    ناس عيد - وحفيظ - وجبريلا ومن لف لفهم

    فهنالك الكثير ينتظرنا
                   |Articles |News |مقالات |بيانات

05-10-2009, 10:48 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    Quote: وكل عشاق الموج الازرق (ابوخمسة)
    ونعود لافراح حوشنا الذي يزدان بوجودكم والاخوة (الصفراب) من اصفر
    ناس عيد - وحفيظ - وجبريلا ومن لف لفهم

    طيب نحن ديل نكون مع ناس منو؟؟؟؟؟
    مع ناس الخمسات؟؟؟
    و لا من ناس السبعات؟؟؟
    و لا أقول ليكم ...قالو موت الكتيرة عرس....

    غايتو ناس الكورة ديل مجانييييين كيف؟؟؟؟؟؟؟؟؟؟؟؟؟
                   |Articles |News |مقالات |بيانات

05-10-2009, 10:48 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    1 / يعمينى غير الهدف الاول حقهم ما شفت شى

    2 / جرس الباب دق مشيت افتح لود عمى جيت لقيتم جابو الهدف التانى

    3 / الارسال قطع شوية ولما رجع لقيت مكتوب فوق الشاشة 3

    4 / عناب قالت عايزة عصير فتحت التلاجة وجيت راجع قبال ما اقعد جابو الرابع

    5 / ود عمى زعل قال ماشى اترجيتو يقعد يتم المبارة ... على الواقف جا الخامس


    هو مبارة الاياب متين يا اخوانا ....
                   |Articles |News |مقالات |بيانات

05-10-2009, 11:00 AM

سامي عبد الوهاب إدريس
<aسامي عبد الوهاب إدريس
تاريخ التسجيل: 15-11-2005
مجموع المشاركات: 1508

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)

    ربما نحن شعب لا يستحق أن يفرح (من وجهة نظر الذين يجب أن يفرحونا)
    كل من بيده أن يزرع الفرح في نفوس السودانيين تجده يتقاعس عن أداء دوره
    أو يؤديه بغرور وعنجهية كأنما هي هبة من عنده
    وما حدث بالأمس خير دليل على ذلك
    لقد إستكثر لاعبي الهلال علينا الفرح
    بل أدخلونا في أعماق الحزن ولا أدري (شخصيا) متى أستطيع أن أتأقلم مع هذا الوجع...

    ماعندي مزاج أكتب... ولا عارف أكتب

    ويا ناس الرياض كنت بفكر أجيكم الخميس لكن مع الدبرسة دي ماااااااااااااااااااااااااااااااااا أظن



    لكن بررررررررررررررضو بنحبك يا هلال... ومرضانين بيك
                   |Articles |News |مقالات |بيانات

05-10-2009, 11:15 AM

سامي عبد الوهاب إدريس
<aسامي عبد الوهاب إدريس
تاريخ التسجيل: 15-11-2005
مجموع المشاركات: 1508

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: سامي عبد الوهاب إدريس)

    Quote: اولا لي ان اشكر كل من :-
    1 - سامي عبد الوهاب إدريس ( كان في نيتي الاتصال به تلفونيا وسوف احاول)
    2 - جلال عثمان ..
    3 - معتصم جعفر
    اشكركم على لفتتكم البارعة وبترحيبكم للضيوف .( اكيد انتو أجدع ناس في البوست لغاية هسع..)


    رغم الدبرسة

    سعدت كثيرا باتصال الأخ محمد سليمان أحمد (ولياب) ... وهذا هو سودتنيز أون لاين يجمعك ويعرفك بناس تحترمهم وتقدرهم

    وأسعدني أكثر تحدثه عن الكيفية التي تعاملت بها إدارة الجامعة والكلية معه
    لدرجة أن الإدارة قامت بالإتصال على الأمين العام للجامعة بعد ساعات العمل والتي قامت بدورها بالرجوع لمكتبها (بعد الدوام) وفتحت المكتب لتكملة الإجراءات نسبة لضيق وقته هو (أقصد ولياب)
    كما ذكر أن بعض الدكاترة والموظفين يتصلون عليه هاتفيا من مصر حرصا منهم على مصلحة إبنه
    كل هذا وأكثر بسببكم أنتم أيها الجدعان لما خلفتموه من ذكرى طيبة عند الشراقوة واللهم فعلا (أجدع ناس) وأهل الكرم
     

    (عدل بواسطة سامي عبد الوهاب إدريس on 05-10-2009, 11:19 AM)

                   |Articles |News |مقالات |بيانات

05-10-2009, 11:04 AM

أحمد إسماعيل
<aأحمد إسماعيل
تاريخ التسجيل: 10-09-2009
مجموع المشاركات: 1375

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)



    انت يامحمد آدم النور مع ناس بوت سبنسر


    بالظبط ياجلا مركبك ده والرقدة مع وضع البرنطة

    كدة بس ترنتي

    زمان وقت كنا سنماتية بنسمي ترينس هيل (ترنتي)
                   |Articles |News |مقالات |بيانات

05-10-2009, 11:21 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: أحمد إسماعيل)

    الصديق سامي
    الهزيمة هي الهزيمة بخمسة أهداف أو عشرة أو هدف ...وهي
    امر طبيعي في كرة القدم ، كيف نتجاوزها والإستفادة منها
    لتصبح زاد لما هو مقبل ،، هو الأمر المهم ...
                   |Articles |News |مقالات |بيانات

05-10-2009, 12:26 PM

عبد الحفيظ عباس
<aعبد الحفيظ عباس
تاريخ التسجيل: 26-09-2009
مجموع المشاركات: 267

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    , والله يازهير
    مبوسطين
    وكمان زدنا إنبساطا
    لانو ما ( ذنبي )
    علمكم منطق الكورة
    وأن الهزيمة والنصر وجهان لعملة واحدة
    وأن الهزيمة بي واحد ولا خمسة هي الهزيمة
    وطبعا لغتكم إتغيرت عشان
    تكتلوا لينا الدش في يدنا
    لكن غلطانين
    عشان نحن شايلين دبش
    يعني خمسة بي جاي وخمسة بي هناك
    طبعا هو بحسب بحسابات الهدف في أرض الخصم
    بي هدفين
    ورونا مسافرين ولا ... منسحبين
                   |Articles |News |مقالات |بيانات

05-10-2009, 01:10 PM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الحفيظ عباس)

    يا جماعة غيرو موضوع الكورة ده ،،، ميسرة مش نزل صورة
    قال ليكم عاوز يعرف الغلط وين

    لو كان موسى عيسى موجود كان استغرب لما ميسرة وضع صورة
    جـلا على باب الشرقاوى ..

    يا عبدالحفيظ انا لى 5 أيام بنادى وارحب فيك ....
    ما شفت رجل الخط رافع ليك يدو ....
                   |Articles |News |مقالات |بيانات

05-10-2009, 01:12 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الحفيظ عباس)

    فتحت كمبيوتري

    و قرأت ما كتبتم

    و الآن أريد أن أغلقه...


    تسجيل حضور...و متابعة...


    أخخخخخخخخخخخخخ

    ان كترت الهموم ادمدم و نوم....

    عبدالحفيظ نترك لك المجال لتفرح حتى اشعار آخر.....
                   |Articles |News |مقالات |بيانات

05-10-2009, 01:12 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الحفيظ عباس)

    أخخخخخخخخخخخخخخخخخخخخخخخخ

    أنا نايم

    ...........

    مرة أخوي الصغير مامون الآن طبيب بالسعودية...كان في حالة بتاعة زهج
    شديد...قلنا ليهو مالك يا مامون زهجان...قال لينا والله أنا مجهط جدا
    قصدوا محبط...

    حسه أنا عندي حالة اجهاض شديد...

    بجيكم بعدين....

    (عدل بواسطة الرشيد بابكر on 05-10-2009, 01:17 PM)

                   |Articles |News |مقالات |بيانات

05-10-2009, 01:22 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: يا جماعة غيرو موضوع الكورة ده ،،، ميسرة مش نزل صورة
    قال ليكم عاوز يعرف الغلط وين


    و الله معاك حق يا ديدو...الغلط في أسامة التعاون....


    قلنا ليك مجهضين ياخي تقول لي الغلط وين....
                   |Articles |News |مقالات |بيانات

05-10-2009, 01:55 PM

عفاف علي ميرغني
<aعفاف علي ميرغني
تاريخ التسجيل: 10-09-2009
مجموع المشاركات: 769

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    ازيكم00
    مالو البوست بقى كورة رقم غياب جمال السنوسي؟

    انت يا عبد الدايم السنوسي دا مش القرا معانا في الزقازيق؟

    وبمناسبة الكورة
    زي ما قال جلال تحضرها في جو زقازيقي يستقبلك فيهو منصور والحلوة جدا
    اماني ويبهرك احمد بكرم امه وابوه
    واحمد عوض بأبتسامته المألوفة
    وقبل ما تسمع صوت الهدف يكون صوت
    كمال الشادي علا
    والبرلوم احمد اسماعيل
    وصلاح سعد
    والشايل باسويردي ليهو يومين بفهم انتشروا عرفته يا جبريلا(اريت ابصلعة ناير)
    والعمدة جلال
    اها يا رشا يا رشا في احلى من كدا

    وجاياكم يا ناس الكورة00
    لكن ما هلال ومريخ
    وين جلا 00 يا جلاااااااا وين اانت


    الريس معتصم منور تاني يا دفعة (ودفعة دا يا معتصم صديقي شيييين لكن والله سممممح00 دفعتي من تربية00 وابو اسيا ويارا وكريم000 ومرات قعد يتكتك مع حاج الركز والجيفارات 00 لكن انا لهم بالمرصاد000 خلبني يا معتصم اقول ليهو شكرا اتعلمت منك يا دفعة الكتير)
                   |Articles |News |مقالات |بيانات

05-10-2009, 02:39 PM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    مساء الخير ...
    حقيقة مع زحمة الشغل ماقدرت أدخل في الصباح الباكر وطال بي الزمن حتى هذه اللحظة من العصر ، دا نظام تمويه عشان ناس جلا ما يصنفونا مع الجماعة ...
    رجع الريس ميسرة ورجعت معه نغمات الصباح (وجوه الخير) وبعد كدا العين ما بتعلى على الحاجب وعشان كدا حأشوف لي نغمة جديدة مختلفة للصباحات البواكر ...
    حار التعازي في خمسات الهلال ونحن قوم بنو هلال روحنا رياضية ، لكن حقيقة الكرة السودانية مهزلة والإعلام الرياضي له الضلع الأكبر في هذه المهزلة ... لا هلال ولا مريخ ... لا موردة ولا تحرير ... تعالوا نتحرر من إدمان الفشل الكروي ونخلي التشجيع والفرجة عشان اللعيبة المحترفين الفاشلين ديل ما يلقوا ليهم زول يتفرج عليهم ... وأتفرج يا سلام متفرج ...
    عمو الزناتي فرض علي الحرمان من البوست 5 أيام ، ليه يا عمو إنت قايلني من مازنبي والا من الكنغو ، حتى المعز محجوب أنا ما لاقيتو لي فترة طويلة عشان تتهمنا بالتقاعس ، وأزيدك من الشعر بيت مدثر كاريكا زاته قريب المعز يعني زدنا الطين بله ... لكن يا أخوي أحمد الله أسامة التعاون دا ما بنعرفه أظنه من عهد التعاونيات في نظام نميري ... عموما يا عمو خليك من التعسفيات بتاعتك دي وإلا حنطلب تحكيم دولي ...
    رغم مشاكسات عمو الزناتي إلا أنني أثني على قندهار بالنهار ... يوم السبت وإنشاء الله نكون حاضرين وتامين ...
    يا دودو لكن ما مبالغة في الوصف الرياضي الساخر ...
    جني وجن الفشل الكروي ... الله يجننم زي ما جننونا...
                   |Articles |News |مقالات |بيانات

05-10-2009, 03:20 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    Quote: غايتو ناس الكورة ديل مجانييييين كيف؟؟؟؟؟؟؟؟؟؟؟؟؟

    معليش ياجلا من العلي جليتك ...
    بعدين معلوم ياحبيب ناس الكورة مجانين
    مش هي زاتا اسمها المجنونة ؟
    ---
    وتيب
                   |Articles |News |مقالات |بيانات

05-10-2009, 03:40 PM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    يا ناس وردية الليل ... والليل جميل ...
    وين الحلوين وين راحو ... ممكن نعرف الليل دا بيبدأ متين وينتهي متين ... وعلى أي توقيت ... باقي لي تشابه علينا البقر...
    أخونا ود جبرين الله يفك كربتك يا ود أمي ويبعدك من الطوب وقعاد الشوارع وربنا يستر عليك ويعينك ويوفقك دائما ... آمين
                   |Articles |News |مقالات |بيانات

05-10-2009, 04:01 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    Quote: ألذ حاجة اتصلت بناس منصور فى الرياض .. قلت أشارك فى الاجتماع هاتفيا ...

    لقيت ليك جلال والجماعة مرقوووووووا من قبيييييل ..

    فيك الخير يامحمد عيد
    عارف والله رغم الخيبة الكبيرة أمس لكنه كان يوما استثنائياً
    خططنا فيه لملتقانا يوم الخميس القادم.
    ------
    ياخ منصور وكمال الشادي وحاج الركز (العجايز ديل)
    مفروض يتعينوا في الجهاز الفني بتاع الهلال
    خطط "ماتخرش" الميه
                   |Articles |News |مقالات |بيانات

05-10-2009, 04:06 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    Quote: يا ناس وردية الليل ... والليل جميل ...

    البادي ... مشاء الله الليلة بسحروك
    وردية الليل ياخوي تبتدي من الآن ولحين ظهور جبرييلا فجرا
    فدحين ياخوي كان ما ماخد نومة العصرية ماتخاطر ...
    الشغلة دي فيها سهر جد

    -----
    خمسة سهرات
                   |Articles |News |مقالات |بيانات

05-10-2009, 04:31 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    الاخ الكريم \محمد سليمان احمد
    خالص الشكر على اهتمامك بالتوضيح, واؤكد لك ان هذه المحن والبلاوى والمواقف تقابلنا يوميا
    بالداخل من ماتصبح حتى تمسى و عزاؤنا انها فرديه, ولا تعليق سوى بيتين من الشعر للامام الشافعى0000
    ذهب الرجال المقتدى بفعالهم
    والمنكرون لكل امر منكر
    #اما الثانى فينطبق على المعاملات مع بعض المرافق الرسميه
    ان رأونى بخير ساءهم فرحى
    وان رأونى بشر سرهم نكدى

    نسال الله السلامه ووفقنا ووفق ابنائنا وكفانا شر خلقه
    ولك من الشكر اجزله
                   |Articles |News |مقالات |بيانات

05-10-2009, 04:12 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    Quote: ياخ منصور وكمال الشادي وحاج الركز (العجايز ديل)
    مفروض يتعينوا في الجهاز الفني بتاع الهلال
    خطط "ماتخرش" الميه


    بالله يا جلال جهاز بقيادة منصور والشادي وحاج الركز
    مش مفروض تكونوا فرحانيين بالقيادة الرشيده الناس
    ديل كانوا ركائز في عهدهم ،،، أنحنا في جدة عندنا محمد عيد
    وعصام الدهب وعثمان الجيلي وعندنا الفكي الماكن - أبو محايةً
    ببسي وبخورة بالجكسي - طبعاً ده ديدو إسم الدلع والنضيف إسم الدلع
    الثاني بس أنحنا نعمل سماية ونجيب ليكم إسم دلع ثالث ،،،

    بمناسبة إنتهاء الكورة وما فيش حدي يتكلم في الكورة أنا اليوم في
    كلية البيطرة حسب الإتفقاق مع ناس الهلال .

    شوفوا وراكم ناس الشعبية الباقي ليهم حته صفيرة وقعوا في الميل 72
                   |Articles |News |مقالات |بيانات

05-10-2009, 04:14 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    Quote: كمال الشادي علا
    والبرلوم احمد اسماعيل
    وصلاح سعد
    والشايل باسويردي ليهو يومين بفهم انتشروا عرفته يا جبريلا(اريت ابصلعة ناير)
    والعمدة جلال


    زمان قلت ليكم الهلال ده وصل دور الأربغة ببركة دعاء بنات الشيخ
    يعني أي واحد عايز يحضر الكورة يخلي بت الشيخ تحضر معاهو...
    أنا شخصيا ما كنت متفائل بعدم حضور الكورة بعيد عن نجاة...
    قلت نجاة بعيدة بعيدة ما مشكلة المهم تحضر..على الأقل تعادل...

    ناس الرياض ديل صاتوها...اتنين بنات شيخ...فافي و أماني

    و الخمســــــه الفوق ديل...
                   |Articles |News |مقالات |بيانات

05-10-2009, 04:20 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    الاحباب الأعـــزاء ..

    دعوا الاحزان والدبرسه جانبا ..

    فالحال من بعضه .. وحال البلد فى كل شىء لا يدعة للفرح فلماذا نحلم بالرياد ه

    فى الكورة ؟؟

    لا يستقيم الظل والعــــود أعـــوج ..

    ولكن لا بأس لأن تسمحوا لنا بأن نبتسم قليلا فى وسط هذا ( الاجهـــاض ) !!

    معليش .. خلونا نتفســح فيكم شوية .. بس عشان طولة اللسان كانت زايدة حبتين ..

    ........


    جلا الحبيب ... اليك آخر الاخبار

    مراسلنا الســرى بالرياض أفادنا بالتقرير التالى :

    انعقد مساء أمس بمنزل الاخ / منصور عبد الرازق بالطابق الخامس من عمارة رقم ( 5 )

    بابراج الراجحى بمنطقة الخماســية ( الخالدية سابقا ) .. اجتماع لجنة أ‘ضاء منبر الزقازيق بالرياض

    وذلك للتجهيز للرحلة المزمع قيامها يوم ( الخميس ) القادم الى احدى اســتراحات الطريق الدائرى

    مخرج رقم ( 5 ) . وقد خرج الاجتماع بـ 5 قرارات على النحو التالى :

    1 - منع العضو منصور عبد الرازق من الكتابة فى بوست يوم ( الخميس ) الفات الليله يا حليلو .

    2 - تقرر رفع توصية للملحن على أحمد ( صلاح ادريس سابقا ) بتبنى توصية لدى معهد الموسيقى والمسرح

    بالغاء الســـلم ( الخماسى ) من منظومة الغناء السودانى كافة .

    3- رفع توصية لشاعر البوست الكومندان محمد صديق بتقديم طلب للمجمع اللغوى بالغاء الاسماء ( الخمسة )

    من قواعد اللغة العربية .

    4- تقرر بدء الحفل فى تمام الساعة ( الخامسة ) من مساء الخميس القادم وتم تكوين لجنة ( خماسية )

    تشمل كل من ( منصور وجلال واحمد اسماعيل واحمد عوض وكمال الشادى ) لتنظيم فعاليات الحفل .

    5- تقرر منع دخول أى اسره تتكون من عدد ( خمسة ) افراد وبالتالى يصبح اخونا حاج الركز واختنا عفاف

    اضافة الى جيفاراتهم الثلاثة من الممنوعين . كما تقرر منع احمد عوض ( عجوز من تقديم اغنية يوم

    الخميس .. صفقة ورقيص ) . وتقرر انهاء الحفل فى وقت مبكر قبل ( الخامسة ) فجرا خوفا من

    ان تهاجم المدعويين ريــاح ( الخماسين ) .

    الريس ميســره .. نأسف لامتناع معظم الاعضاء عن حل مسابقة الصورة الزقازيقية ونرجو مراعاة

    الحالة النفسية لهم بجانب انشغالهم بالتجهيز للملتقى ( الخميسى ) المرتقب .

    ولكنى دعنى اوجه لك ســـؤالا بريئـــا " ...

    خميســـــــك كييييف يا ريــــس ؟؟!
                   |Articles |News |مقالات |بيانات

05-10-2009, 04:21 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: ياخ منصور وكمال الشادي وحاج الركز (العجايز ديل)
    مفروض يتعينوا في الجهاز الفني بتاع الهلال
    خطط "ماتخرش" الميه


    وجدتها وجدتها....


    من أمبارح بفتش في السبب ما لاقي....
                   |Articles |News |مقالات |بيانات

05-10-2009, 04:31 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    محمد عيد انت يا يابا ما بتقدر تدس فرحتك...
    قالوا من شدة فرحك لما جاتك حمى أشد من وردة التلاتية..
    أنحن المره الفاتت قطعنا فرحنا في حشانا قلت ولد عيد ده
    مننا وليننا وسمحه سمحنا وشينه شينا...
    حسة جيتنا شايل طارك..اريتك يا ياباصاحب التابا...
    أها المره الجاية كان جينا بي رمادنا و كنداكتنا ما تزعل مننا...

    خوة فرتك من حسه...
                   |Articles |News |مقالات |بيانات

05-10-2009, 04:56 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: خميســـــــك كييييف يا ريــــس ؟؟!


    يا محمد ود عيد إنت قاصد ياتو ريس كان قاصد
    الريس معتصم ،،، سمح الكلام من خيشيم سيده .

    وكان قاصدني أنا حرم طلقت الكورة زمان من زمن
    ناس الدحيش والنقر أخوان وعلى قاقارين وما زعلت
    إلا من جماهير الهلال كانت بتهتف ،، النجمة النجمة ،،، تحت .......
    جزمة مين وليد طاشين ،،، والله لمن إنحدر الموقف العام لهذا المستوى

    أنا فارقت الهلال على الرغم من أن دمي أزرق - فوتوشوب -,,,,,,,,,,,,,,
    ولكن عمري ما شمت في المريخ ، بس الناس بيجبوا لي الخبر وبكفر ليهم ودائماً
    أجد متعه كاملة الدسم حين ما أكون متابع بس مستمتع بعدم المشاهدة .
                   |Articles |News |مقالات |بيانات

05-10-2009, 05:13 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ميسرة سيد أحمد)



    حبيب الكــل .. رشيد القــوم

    صدقنى والله انا ما كنت فرحان وانا باتفرج فى المهزلة ..

    وصدقنى كل قون كان زى الابره فى العضل .. وبالجد مهما كان .. اصابتنى الحســره

    خصوصا انــا كنت متحنفش من العصر وجايب معاى كرت الـ art السجم ده

    واتلموا معاى شوية حلب على يمانية على سوريين يتفرجوا .. طبعا اخوك ما كان ماخد خوانة

    يعنى قلت اسوأ حاجة ممكن تكون درون وده نصف نهائى .. يعنى وارد ...

    لكن والله من ما النتيجة بقت 3/2 قمت مارق وسايب ليهم الحتة .. وما عرفت الا بعد نهايتها

    عرفت يا حبيب ؟

    بس الواحد حب يفرفش يالناس شوية .. انت ما شايف جلجل ده رائع وروحه عالية كيف ؟

    لكن بس انا ما لميت فى جمال السنوسى .. حاولت مرارا وتكرارا ان اتصل به فقط لكى اقول

    له انه الكـــج الحقيقى للكورة السودانية عامة .

    وانا اتفق معاك انو عموما احنا فى مراحل يفترض ان يتوقف سقف طموحاتنا عند

    دور المجموعات فقط .. الــــى ان ينصلح الحااال المائل .
                   |Articles |News |مقالات |بيانات

05-10-2009, 05:48 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد عيد)

    تسجيل حضور ومتابعة عشان ناس عيد وعبد الحفيظ ما بقولوا
    الزول دا زاع ،، يا الرشيد نحن راكزين للهزيمة ....
    زي ما راكزين للنصر ولا نامت اعين الجبناء ... اكيد الجبناء
    دي ما فيها مريخاب الزقازيق أجدع ناس ، يكفي إحساس محمد عيد
    بالهزيمة اما الاحوة العرب
                   |Articles |News |مقالات |بيانات

05-10-2009, 06:41 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    آخر إحصائية يوم 26/9 :

    متوسط 128 قراءة في اليوم
    معدل 13 قراءة لكل مداخلة

    لدينا 6389 مداخلة :
    بمعدل 10 مداخلات في اليوم


    اليوم وصلنا للقارئ رقم 85.000


    395.JPG


    أي ان 4.000 قارئ في خلال 8 ايام بمعدل 500 قارئ في اليوم الواحد وهذا
    يعني متابعة عالية للبوست ... يعني تكربوا شغلكم وتخلوا المداخلات شحمانة
    ودسمة عشان ما الناس دي تجي وتمشي ساكت ....
    وسنتخطي قراء بوست بحري عما قريب ....
                   |Articles |News |مقالات |بيانات

05-10-2009, 06:49 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    يا الرشيد نرجع بيك للدبرسة .. الحاجة المقادر ابلعها
    في هزيمة امبارح الهدف الخامس لمازيمبي ، كنت ومحمد صديق
    نسمع في الكورة من خلال الإذاعة في عربة محمد صديق .. وفي الدقيقة
    45 كانت النتيجة 4/2 جات الكهرباء ، وبسرعة ذهبت لفتح التلفزيون
    لمشاهدة أهداف مازيمبي الاربعة وكيف ولجت مرمانا .. فإذا بي أجدهم
    قد اصبحوا خمسة فتنفست الصعداء أن المباراة إنتهت إلا وكنا قاعدين
    نحسب لغاية الآن . شاهدت الهدف الخامس في المنبر هنا بواسطة هذا الرابط
    بعد الثانية صباحاً ... وكلما يتصل بي محمد صديق خلال هذا اليوم أحدثه عن
    هذا الهدف الاوانطة ، جاء من مسافة كيلو نصف الكيلو ... يعني من قريب
    كبري امدرمان الجديد .... برضو تقول لي البادي ما يحرم من المنبر خمسة
    ايام ، إنت عارف إنه البادي خال المعز حارس الهلال ....
    هاك الرابط وإتفرج عشان تثني إقتراح حرمان البادي من البوست ..

    http://www.justin.tv/clip/0bb076f468791f99
                   |Articles |News |مقالات |بيانات

05-10-2009, 07:14 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    أبو الزوز أنا من القون التالت غيرت المحطه و كنت برجع من وقت لآخر
    لمعرفة النتيجة..كنت متأكدا من عدم امكانية الهلال على الفوز..لأنه
    فقد أهم مميزاته...ألا وهو خط ظهره...

    قول لي محمد صديق صاحبك بس فالح لي في هلال بورتسودان...
                   |Articles |News |مقالات |بيانات

05-10-2009, 08:01 PM

عثمان الجيلي شيخ محمد

تاريخ التسجيل: 25-01-2007
مجموع المشاركات: 249

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    الاعزاء الغالين
    ناس الحوش الظريفين...

    الف تحية وسلام وشوق...

    مرور عابر ...ونحن بقينا مطالعين فقط...

    صورك حلوة يا ريس...واججت فينا الذكريات الحلوة...

    عصام دهب ح ارجع ليك مرة اخري في قصة الجلابية والصلع...

    زهير الزناتي وجمال السنوسي ورشيد والاهله الباقين ...يا اخوانا ماتعبوا نفسكم السودان مافيهو كورة خالص...BIG 0000000

    والله انا اخترح نعمل تيم لي ناس الحوش ونستورد لعيبة من طارق جبريل...من المغرب ومن مصر ح يكون احسن
    من هلال ومريخ ...
    يااخوانا تبلدينا وين ؟؟؟

    عثمان الجيلي
                   |Articles |News |مقالات |بيانات

05-10-2009, 08:15 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    جيناكم ناس ليل ساكت

    والله من اصبحت قاعد لي في (خمسة) طوبات لامن رجعت لي وليداتي
    وما اكلت شي الا الساعة (خمسة)


    البادي كيفنك ابوي
    بالله زولي المعاك داك قوليه شوف لي شغل
    هني القصي ماشي تتعقد والناس ديل لليلي سادين لينا الجريدة
    غايتو الرشيد دقة صدرو وقال بيرسل لي فيزا وبيستضيفني شهر كمان
    وعصام دهب قال لي بس انت رسل السي في والباقي علي


    لا عدمناكم يا احلى ناس
                   |Articles |News |مقالات |بيانات

05-10-2009, 08:41 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    الجدع الطويل (طارق جبريل)
    الجدع القصير (حاتم جبارة)

    تلك كانت اوصافنا عند ام احمد
    الخدامة المشتركة بينا وبين ناس شقة (نورا+اروى+سالمة+ازدهار)
    تلك السيدة لها عشق خاص ووقع داخل القلب
    احتملت قرفنا ووسخنا واكلنا الما مفهوم
    رغم ذلك لم تتعب يوما في خدمتنا وحبنا كذلك
    حين تاخذني الذاكرة بعيدا الى تلك الايام
    اتذكر وجهها الذي علته التجاعيد
    وحبها لنا والذي كان يفيض محنة
    اذكر جيدا حين رجعنا من الكلية وقلنا لها تخرجنا
    تاني يوم جابت فرخة على حسابها وظبطت لينا حلة زي الورد
    كان تحبنا لله رغم راتبها المتواضع جدا حينها
    كنا نضع لها الفلوس في راس التلاجة ونجد الباقي حتى لو كان قرشا واحدا

    هذا الانسان كائن غريب حقا
    اذا احب صادقا لوجه الله يبدع
    واذا كره قادر على تدمير الكون

    تحية من القلب لتلك السيدة الفاضلة اينما كانت
                   |Articles |News |مقالات |بيانات

05-10-2009, 10:58 PM

عبد الحفيظ عباس
<aعبد الحفيظ عباس
تاريخ التسجيل: 26-09-2009
مجموع المشاركات: 267

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    سلام جاكم كلكم
    نزح شوية من الكورة
    الليلة أمس وفي أخر أيامي بعروس الرمال
    الأبيض
    وأنا اقوم بأخر مهمة لي تتبع منظمة المبادرة السودانية
    للتنمية ( سوديا ) وبعد أن أكملنا إجراءات تسجيلها في ولاية
    شمال كردفان
    ذهبت إلى سمسار بحثا عن منزل ليكون مقرا للمنظمة
    وحضر السمسار بعد ساعة زمن وذهبنا كل على حدى لرؤية المنزل
    تصيبني الإندهاشة عندما نزل شخص من العربة الأخرى وقال :
    كدى السلام أول وعندما واجهني سلمت عليه
    أهلا يا ود المكي ولا ما صاح رغما عن الشيب الذي أكسبه وقارا
    على وقاره
    قال لي : ماعرفتك
    ودخلنا البيت وشفناه
    وقال لي البيت ده 4 غرف وصالون وهول
    فتداعى إلى الزاكرة عصمت
    فسألته : سمسار ولا وكيل
    قاطعني : صاحب البيت
    قلت : هو بهذا النجاح ود المكي
    ذلك الزقازيق خريج تجارة
    على ما أعتقد 1988 أو 1987م
    الموبايل بتاعوا سوداني 0122001195
    ضرائب الأبيض .
    قلت نرسلوا ليكم الدنيا انتخابات
    ونجاحات زقازيقية
                   |Articles |News |مقالات |بيانات

05-10-2009, 10:59 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    اللقطة الوحيده في المبارة كلها التي شاهدتها
    هي الرابط النزلوا زهير الزناتي والحمد لله شاهد
    ما شافش حاجة ،،، يا جدعان هدف من المقرن إلى داخل
    شباك الراجل التعبان حارس الهلال .

    لقيت البوست حاتل لا تحت وناس الشعبية عيني عليهم بادرة
    دخلوا الميل 71 وجايين علينا جاي ،،، يا ناس ورديت الليل
    أبقوا عشرة على المبادئ ،،،
                   |Articles |News |مقالات |بيانات

05-10-2009, 11:07 PM

عبد الحفيظ عباس
<aعبد الحفيظ عباس
تاريخ التسجيل: 26-09-2009
مجموع المشاركات: 267

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    طارق جبريل
    تحياتي
    قيام الليل
    أحسن من قعاد الطوب
    كدي قش بنطلونك ده
    وأجدع
    شكلك الليلة
    واقف براك والهم عصف
    لكن
    أنا جاي ليك
    من زحمة الدنيا ودروبا المتعبة
    وهاك الجدعة دي إتصبر بيها
    واحد قريبنا ضربتوا ليك فلسة شديدة خلااااااص
    قال أخير أن نقوم على الجامع ده نصلي
    ووراء الإمام لزم
    وعكازو معاهو
    أها الإمام بعد الصلاة قعد يدعو
    وقال : ألهم أرزقنا بحلالك عن حرامك
    قام قريبي أداهو ليك لكزة قوية في ضهروا
    وقال ليه
    ما تفرز
    خليه الينزل ساكت
    هههههههههه ها
                   |Articles |News |مقالات |بيانات

05-10-2009, 11:21 PM

عبد الحفيظ عباس
<aعبد الحفيظ عباس
تاريخ التسجيل: 26-09-2009
مجموع المشاركات: 267

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    سادي وردية لقايت ما يظهروا ناس اللسل
    طبعا زي ما قلنا الدنياإنتخابات
    وكمان نشوف نجاحات الزقازيقاب
    قبل فترة وأنا بمسجد السلام بالطائف
    إلتقيت بشخص ما شاء الله عندو صلعة ليها قيمة
    ما تقول ميسرة ولا حاج الركز ولا ودجبرل
    والله ولا حسن أكشن في زمانو
    ولا جمال السنوسي قبل الكورة
    كان ما تكون شوتت القون الخامس دي جات زاحفة في مدرجوا
    المهم قلت ليهو : أنا شايفك لكن وين ما عارف
    قال لي أنا ذاتي .
    وطبعا بدينا عادة السودانيين
    إنت من وين
    كوستي ... لا
    محام .... لا
    طبعا ما سألتو قريت وين
    لانوا ما ممكن نكون قرينا مع بعض من الصلعة ساكت
    قلت ليه أنا فلان ومن المنطقة الفلانية
    وخريج حقوق الزقازيق
    طوالي قال لي أنا د. عبدالرؤوف قرناص
    خريج صيدلة الزقازيق
    قلت ليه لا ... لا ... لا
    طبعاأنا مخي مشى لي التفكير في نفسي
    معقول أنا شفت الزول ده في الزقازيق
    قال لي : والله وإتخرجت سنة 1981م
    وتنفست الصعداءوقلت ياربي ده البعرفوا منو من ناس الحوش
    طبعا لما وريت زهير وأديتو تلفونه
    قال لي ده إلا نشوفوا في الكشوفات القديمة
    المهم هو الأن شخصية ناجحة جدا
    وجمل فارح لديه معرفة بنجاحه
    في مجال شركات الأدوية
    موبايله0123001935
    طبعا في النهاية إتضح أنني قابلته في إكثر من إجتماع .
                   |Articles |News |مقالات |بيانات

05-10-2009, 11:32 PM

عبد الحفيظ عباس
<aعبد الحفيظ عباس
تاريخ التسجيل: 26-09-2009
مجموع المشاركات: 267

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    يالنضيف
    تحياتي وسلامي
    يا أخوي مالك
    أوع تكون وصلت مرحلة الكركم
    أنا أول ما جيت خاشي الحوش
    رحب بي محمد أدم وقال لي
    أغبش كدى مالك
    والله ناس عبدالدائم راجنك دايرين يعملوا
    فيك شنو .... الليلة
    قلت ليهو ... بي غبشتي دي
    عبدالدائم إلا يديني من حاجات النضافة
    لكن بتفتش فيني تاني وليك 5 يوم
    تبقى عوجة كان الغبشة ما راحت
    ولا تكون داير المعزبعد درديقاتو الخمسة
    معليش قلت ما داير كورة
    أها
    يالمحبوب أنا جيتك جاري
    بشوق ومحبة
    ودمعي الجاري
    يلا أصحى لي
    ما تجيني الصباح
                   |Articles |News |مقالات |بيانات

06-10-2009, 00:14 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الحفيظ عباس)

    عبد الحفيظ عشان بكره الصباح ما تجي تقشر للجماعة
    وتقول ليهم شلت ليكم وردية الليل براي وما عارف شنو ..
    دا إسمه تسجيل حضور .....
    البادي النور المفصول من البوست جا قال وردية الليل
    ومشي والكلام دا الساعة تسعة ما جات يعني ناس وردية النهار
    لسه ما سلموا ..... أمشي عامل لي ود أختك الكيشه دا...

    من أطرف البوستات يا عبد الحفيظ بوست محمد عادل بتاع
    القطب الرياضي المشي سنار ، علاء الدين يوسف قال ما قادر
    يرفع رجله زي المربطه ، وكذلك المعز محجوب ، يعني المسألة
    بقي فيها فقرا وكده ، طيب الفقرا ديل تخصص يربطوا الفرق
    الثانية , ولا ممكن يحققوا ليك النصر .. دا سؤال مهم جداً ...

    بعدين بيني وبينك أتذكرت علاء الدين يوسف قربت أصدق حكاية الفكي دي .
    في المباراة علاء الدين يوسف ما ياهو علاء الدين يوسف البنعرفوا ، ياخي
    تصدق إعتذر لواحدمن لاعبي الخصم وكمان سلم ليهو في راسو ، وإلي أن
    إنتهت المباراة لم ينل كرت أصفر ، ولم تحسب عليه فاولات كتيرة ..
    أكيد الولد دا إتعمل ليهو عمل ، لكن الفكي بتاع مازيمبي فرنسي
    إبن لذينا ،، عرف كيف يربط لاعبي الهلال بسرعة لاعبيه ، وضربهم
    لمناطق الضعف في الهلال ...

    (عدل بواسطة زهير الزناتي on 06-10-2009, 00:16 AM)

                   |Articles |News |مقالات |بيانات

06-10-2009, 05:18 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    أصبحنا وأصبح الملك لله ...
    اللهم نسألك خير هذا اليوم عاجله وآجله ما علمنا منه وما لم نعلم ...
    ونعوذ بك اللهم من شر هذا اليوم عاجله وآجله ما علمنا منه وما لم نعلم ...
                   |Articles |News |مقالات |بيانات

06-10-2009, 05:50 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    يا عمو الزناتي قابلت المعز قبل المباراة بيومين كدا في عزاء في أم درمان وكان لي فترة ما شفتو ... قمت سألتو يا ولد إنت قاعد في العزاء هنا والجماعة كلهم في المعسكر ... قال لي يا خال ما مشكلة ما يوم واحد ... سألته عن مازنبي والتحدي ... حقيقة حسيت إنه القصة ما مطمئنة فقلت ياخي المعز دا دائما غتيت وما بتكلم كتير وما بصرح ... لكن يا خوي بعد المباراة عرفت إنه المسألة غريبة جدا ومعادلة ما في زول قادر يعرف يحلها ... غايتو الله يسامحهم كلهم... جننونا جن كلكي...
    يا ود جبرين ... الله يسلمك يا ود أمي ، الزول المعاي حتى الآن ما تناقشت معاه في موضوعك ، لكن يا زول إنت ما عندك مشكلة الله في ثم الأخوان موجودين وما بقصروا ... وعندك فكي الحوش ديدو دعوة واحدة يخليك مع حاتم جبارة في عمارة واحدة وتعيدوا الذكريات الزقازيقية من وجهة نظر أمريكية ... الله يسهل عليك ويريح قيلبك وقليبات أسرتك الكريمة ...
    يا الزناتي عملت نائم من موضوع قندهار بالنهار ... يا أخوي المرة دي نحن جاهزين لحماية الدين ... يقوم حسه جلا المجنون ينط لينا ويقول البادي دا بتاع إعلام ساكت وما حيجي وبعدين يقول كان عندنا وما كان عندنا ... جلا جننتني الله يشفيك من الجن الفوقك دا ...
                   |Articles |News |مقالات |بيانات

06-10-2009, 06:17 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    جلا المجنون كان لاعب كورة وكان مجنون بالكورة ... لكن شايفو زي كبر وعجز قام ربنا شفاه من الجن الكروي ... الجماعة لما قاموا دوروا مزازيك وحاجات حلوة كدا كان جلا ما عاجبو الموضوع ... الحكاية شنو يا جماعة مش قالوا يا كفر يا وتر ... طيب لما جلا ربنا شفاه من الجن الكروي ما الجن الوتري دا حاجة تانية خاصة وهو زول مجنون ومسكون بالأدب ... معنى كدا قصة الكفر والوتر دي متلازمين في كل شئ ...
    يا جلا جننتنا بي جنونك الغريب ...
                   |Articles |News |مقالات |بيانات

06-10-2009, 05:54 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    قلنا الميل 72 ماشي ببطء شديد ...
    والسبب بعض الاحباطات "الخمسية" ...
    بس القصة دي حتجيب اجلو ...
    قصة جميلة ورائعة ... بس طوووووووويلة ...
    الماعندو وقت يحاول يقرأ آخر 15 سطر ...
    سلام خاص لناس الرياض ... صور الاجتماع لو سمحتو ...
    الريس ميسرة صورك دي منتظر بيها شنو ... ابدا متعنا يالحبيب ...

    بقلم : الفاتح يوسف جبرا
    سيدى : كما هو معروف فإن الأسرة هى أساس المجتمع، فمنها يبدأ، وعليها يعتمد، وبقدر ما تكون الأسرة مترابطة بقدرما يكون المجتمع قويًّا مترابطًا والزواج هو الوسيلة المثلى الوحيده لإشباع حاجات الأفراد النفسية والجسدية ولقمع الشهوات والإنحراف والشذوذ حتى يستقر المجتمع ويحقق أهدافه وطموحاته ! فكيف لهذا المجتمع الذى يتبنى (مشروعاً حضارياً) وقد تفاقمت فيه نسبة (العنوسة) والعزوف عن الزواج لهذه الدرجة التى أصبحت تشكل خطراً يهدد أمن وسلامة المجتمع وتقويض بنيانه فازدادت نسبة اللقطاء ومجهولى الأبوين وإنتشرت العلاقات المحرمة وارتفعت جرائم التحرش الجنسى ، إننى أطالب (وزير الأسرة والمجتمع) بالحضور إلى هذا المجلس ليجيب على هذه التساؤلات ليفيد المجلس الموقر بإحصائيات توضح العدد الحقيقى لمن فاتهن قطار الزواج مع شرح خطة الحكومة لحل هذه الأزمة التى تفاقمت ووصلت إلى مرحله لا يمكن السكوت عليها - تلتفت إلى بقية الاعضاء - لكن بعد ده لا بنسكت ولا حاجه !! على الرغم من هذا الإستجواب الذى تقدمت به العضو (حسنات القطر فات) عن (طريق رئيس المجلس) لوزير (الأسرة والمجتمع) إلا أن (الأخير) قد (تملص) عن الحضور للإجابه على الإستفسارات الذى تقدمت به العضوة المحترمة متعللا بإنشغاله الدائم ولم يكن هذا (الزوغان) إلا لعلمه فى قرارة نفسه بأن وزارته قد فشلت فشلاً ذريعاً فى وضع وتنفيذ أى خطة لمجابهه هذه الظاهرة الخطيرة غير أنه قد قام شخصياً بالإتصال هاتفياً بالآنسة (حسنات) داعيا لها حضور إجتماع بمكتبه لمناقشة الأمر بدلاً عن مناقشته على الهواء (أو كما قال)!
    .....................................................................................................................
    الإجتماع :
    على مكتبه بالوزارة جلس (السيد الوزير) أركان حربه مبتدراً النقاش ومرحبا بعضوة المجلس الآنسة (حسنات القطر فات) ثم بدأ الإجتماع موجها حديثه لها:
    - إنتى يا أستاذه عاوزانى أجى المجلس ارد على إستجوابك ده أقول شنو؟ نحنا قصت زيادة نسبة العنوسة عارفنها وملاحظين ليها لكن ما عارفين نعمل معاها شنو؟ جربنا حكاية العرس الجماعى دى وفشلت
    - لكن ما لازم كان تفشل يا سعادتك .. هى القصة (شنطت شيله) وكم توب وكم فستان وإلا القصة (فتح بيت) وتكوين أسرة !!
    - قلنا برضو نحل المشكلة بالتعدد برضو ما إتحلت
    - لكن يا سعادتك تتحلا كيفن إذا الناس المرتاحة العاوزة تعدد دى بتعدد بالبنات (السغااار) وحلوااات وتخلى (الكباار) الزينا ديل !
    - أها هسه تفتكرو نعمل فى المصيبة دى شنو؟ العرس واقف عديل كده ! الناس البعرسو ديل كووولهم من طبقة معينه .. عامة الشعب خلاص قنعت من حكاية العرس دى والبنات فاتو (التلاتين والأربعين سنه) لسه قاعدات
    - المشكلة يا سعادتك إنو كل يوم نسبة العنوسة دى بتزيد والمجتمع فى خطر
    - ما عشان كده أنا عملت الإجتماع ده عشان نشوف لينا حل للموضوع ده !
    - الموضوع يا سعادتك ما عندو غير حل واحد إنو نوفر للناس دى فرص بتاعت وظائف دخلها كويس عشان يقدرو يعرسو ويفتحو بيوت وكمان ننزل لهم اسعار السلع الضرورية !
    - نحنا عارفين إنو ده الشئ الطبيعى لكن نجيب ليهم وظائف وقروش من وين مع البترول السعرو كل يوم نازل وضارب الواطه ده ! ?يلتفت نحو الجميع- عاوزين لينا يا جماعه حلول تانية !
    - والله سعادتك لو عاوز تحلها غير كده إلا تكون (حاوى) !
    - طيب أيه رايكم لو بقيت (حاوى) وحليتا ليكم أدونى بس يومين وإنتو ح تشوفو براكم
    بعد يومين :
    ما أن رأى أفراد شلة الضمنة الذين كانو يجلسون تحت ضل النيمة عم (خضر) يتجه نحوهم ممسكاً بجريده فى يده حتى بادروه :
    - أها طابق الجريده دى فى ايدك الليلة معناتا جايب خبرن عجيب وغريب !
    ما أن وصل عم (خضر) إلى حيث يجلس الجميع تتوسطهم تربيزة الضمنة حتى تهالك جالسا على (البنبر) :
    - الغرابه الشوية دى ؟ إنتو قريتو الليله جرائد؟
    - لا ما قرينا ... نحنا نقرا جرائد وإلا نأكل الأولاد؟
    - والله كان كده إنتو ما عارفين حاجة ساكت !
    - كيفن؟
    - (يتناولهم الجريده) : كدى أقرو العنوان الرئيسى ده وح تعرفو !
    - (الجميع يبدأون فى قراءة الخبر بصوت واحد) : خطة للقضاء على العنوسة : إستيراد ألف عريس من الصين كدفعة أولى !
    - والله دى حكاية ؟ عرفنا (الجنريترات) والتلفزيونات والأجهزة والمعدات كمان جابت ليها عرسان؟ معقوله بس؟
    - الما معقول شنو؟ الأجهزة الإليكترونية الفى السوق دى كووولها (صينية) والملابس المكومة قاعدين يبيعو فيها دى كووولها (صينية) - يصمت قليلا- أقول ليكم كضبه ؟ الجلابية الأنا لابسة دى جاية جاهزة من (الصين) والله هسه كان زحيتو التربيزة دى تلقوا تحتها (صينى)
    - هى لكن بس معقوله يا حاج ! العرس يغلبنا لحدت ما نستوردو من بره !
    - ما يغلبنا كيفن لو الأولاد كووولهم قاعدين عطالة ... عاوزنهم يعنى يعرسو بى شنو؟
    - لكن يا حاج كده المسالة بعد شوية ح تجوط والواحد بعد شوية ما ح يعرف نفسو قاعد فى (بكين) وإلا قاعد فى (بربر) !
    - بربر .. بكين .. شيكاغو .. المهم العرسان ديل مش (مسلمين) ذى ما قالو ناس الحكومة؟ خلاس مشكلة مافى !
    أم البنات :
    بينما كانت (نفيسة أم البنات) تجلس مع جارتها (محاسن) وهن يتناولن (الشاى) ويشاهدن التلفزيون إذ تمت إذاعة الخبر :
    - ما سمعتى يا نفيسة الكلام القالوهو ناس الحكومة ده ؟
    - كلام شنو ؟ ما كل يوم قاعدين يتكلمو هم عندهم غير الكلام حاجه !!
    - لا لا ده كلامن تانى ! وبيهمك إنتى يا أم البنات !
    - شنو؟ عاوزين يخفضو أسعار الكريمات
    - كريمات شنو ؟ عاوزين يجيبو لى بناتك ديل عرسان !
    - من وين؟ والله إلا يستوردوهم ليهن !
    - ما أصلو .. قالو ليك ماشين يستوردو ليهن عرسان من الصين الما قريبه دى
    - الكلام ده جد يا محاسن؟
    - كيفن ما جد يا نفيسه كمان الحكومة بتكضب !
    - يعنى هسه بناتى ديل (بورتن) إتفكت ! مما خلصن القراية بس قاعدات ليا كده لا شغله لا مشغلة .. اليوم كلو شمارات وكريمات و(ماسكات) شئ بالقشطة وشئ بالخيار وشئ بالشنو ما بعرف داك
    - لا خلاس يا بت أمى .. المشكلة إتحلت أمشى كلميهم
    (نفيسة) تغادر منزل جارتها (محاسن) مسرعه وتدخل إلى منزلها حيث تجد بناتها الخمسة جالسات يشاهدن فى القناة الفضائية يضعن المساحيق على وجوههن ويمسكن بالمرايات يتطلعن لوجوههن ...
    - أيوووى يوووى يوووووى ....!!
    - مالك يمة بتزغرتى ؟ حمادة أخوى جا من السفر؟
    - حمادة شنو؟ ده خبر بى مليون جنيه
    - (فى تلهف) : شنو الخبر يا حاجه ما تشحتفى لينا روحنا أكتر من كده
    - أيوووى يوووى يوووووى ...!! خلاس يا بنات بورتكن فكت ! بكرة الخمسة الاقيكن فى بيوتكن !
    - معقوله يمة ؟؟ لقيتى لينا خمسة عرسان حته واحده !
    - خمست شنو البسيطة دى ؟ أكان عاوزات خمسين أجيبهن ليكم إنتن ما سمعتن بالخبر
    - خبر شنو؟ كمان
    - الحكومة فتحت الإستيراد !
    - بتاع الكريمات
    - كريمات شنو يا غبيانه .. بتاع العرسان .. وحاتكن قالو تانى بت تفضل عانس بلا زواج مافى
    - ويجيبوا لينا عرسان قدر ده من وين؟
    - والله قالو إستوردو ليكن جنس عرسان يا حلاتن ذى (حجارة البطارية) ده من ده ما تفرزيهو !
    - اوع بس يكونو ذى بضاعتم الفى السوق دى الحاجه تشتغل يومين وتقيف!
    - والله غايتو دى مشكلة ناس المواصفات السوق كلو بضاعتو ضاربه يا بتى
    - وديل يمه يعنى نقدم ليهم وين؟
    - والله لسه الحكومة ما ورتنا الحاصل شنو لكن الظاهر ح يوزعوهم ليكن ذى (التموين) !
    مؤتمر صحفى :
    طبعن يا جماعة كولكم عارفين إنو عرس بقى مافى فى ظل إرتفاع تكلفة المعيشة وإنعدام فرص العمل وضآلة المرتبات وإنو تبعاً للحاصل ده إرتفعت مشكلة العنوسة بشكل رهيب وده طبعن ح يكون عندو آثار سالبه على المجتمع على المدى البعيد عشان كده يا جماعه الدولة فكرت فى إنو تحل المشكلة دى حل جذرى !
    نحنا إتفاهمنا مع أخواننا المسئولين الصينيين ولقينا إنو عندهم نسبة عنوسة كبيره وشباب كتيرين ما قادرين يتزوجو عشان الزواج هناك تكلفتو باهظة وبتحصل ليها 75 ألف دولار قلنا ليهم خلاص مافى مشكلة نحنا أصلو علاقاتنا مع بعض (سمن على عسل) وإنتو أصلو عندكم شركات كتيره شغاله هنا عندنا نقوم بالمرة نستورد منكم عرسان يعرسوا مننا ويشتغلو فى الشركات دى ! بس على شرط يكونو (مسلمين) والحمدلله الأخوة المسئولين الصينيين وافقوا على القصة دى وطوالى وقعنا إتفاقية (زواج مشترك) وح نبدأ المسالة دى بى (ألف عريس) كمرحلة أوليه لحدت ما نقضى قضاءً مبرماً على مشكلة العنوسة دى ! - يلملم أوارقو ويلتفت للحضور - :
    - ده كل الكلام العندنا فى الوكت الحاضر ... فى أى زول عندو أى سؤال أو إستفسار
    - أيوه سعادتك الحقيقة سؤالى هو : (ألف عريس) دى يا سعادتك ما شويه ؟ نحنا فى (حلتنا بس) بيكون فى ألف عانس !
    - الألف ديل بس دفعة أولى وإن شاء الله تكون فى دفعات تانية وتالته ورابعه لحدت ما نقضى أقصد نعرس لى آخر عانس !
    - والله الحقيقه انا عاوز أسأل سعادتك يعنى هل برضو ح تحلو مشكلة العنوسة بالنسبة للأولاد ذى ما حليتوها بالنسبة للبنات !
    - والله أنحنا (الأولاد ديل) عملنا ليهم إعلان فى الصحف الأجنبية عشان نصدرهم بره (كعرسان) لو فى زول محتاج ليهم لكن لسه ما جاتنا أى طلبيات!
    - سؤالى سعادتك هو : هل الدولة وحدها هى الح تتبنى المشروع ده وإلأ ح يفتح للقطاع الخاص ؟
    - والله نحنا قلنا ضربة البداية دى نقوم بيها نحنا وبعدين الشركات الخاصة ممكن تكمل المشوار
    ودخلت الشركات :
    إمتلأت الصحف بإعلانات الشركات التى دخلت مجال إستيراد العرسان (شركة نصف الدين لإستيراد العرسان المرطبين) ، وقد تخصصت فى إستيراد (عرسان) ذوى كفاءة مالية تتناسب مع عوانس (الطبقات العليا) ، شركة (ليسكنوا) للعرسان العاديين العاوزين (يسكنو وبس) ، شركة (عريس السرور) وكذلك شركة (عريس الكرور) والتى تقوم بإستيراد عرسان (قدر ظروفك) وقد فضلت بعض الشركات أن تقوم بالإستيرا فقط على أن تتولى شركات تجزئة القيام بمهمة البيع للجمهور !
    فى سوق (سعد قشرة) تجمهر عدد من المواطنين أمام شخص يصيح بواسطة مايكرفون محمول وهو يضع أمامه عدد من العرسان الصينيين .. على عشرة .. على عشرة .. على عشرة صينى مية المية وأهو ده الباسبورت .. والواقف داك المأذون .. عريس ميه الميه وأهى دى الشهاده الصحية .. لا بساهر (بره) لا بجيب ليك (ضره) .. علينا جاى ..
    - عليك الله يا ود أمى قول للواقف فى النص ده قبل جاى خلينا النشوفو كويس
    - ده ؟ اللابس الجينز ده ؟
    - .............................
    - الوليد ده شغال شنو؟
    - ده يا حاجه ما وليد ما تشوفيهو (سغيرونى) كده .. ده إسمو (وانغ يانغ ليو) وعمرو 39 سنة وشغال(فنى بتاع تبريد وتكييف) !
    - أريتو عريس الهنا شوف الشعر نازل لى جبهتو كيفن - تلتفت نحو بنتها التى تقف خلفها - تعالى يا بت شوفى العريس ده بنفع معاكى !
    - (تنظر إليه متفحصة) : قصير يا ماما .. قصير
    - ويجيبو ليكى صينى طويل من وين؟ ما ياها دى البضاعة الفى السوق !
    - (البائع يلتفت نحوها ) : خلاس يا حاجه ما مشكلة بكرة تعالى جايانا بضاعه (Xlarge ) بكره !
    على مقربه من البائع السابق كان آخر يصيح (بدون مايكرفون) وقد تجمع حوله عدد كبير من السيدات تتوسطهن (نفيسة أم البنات)
    - تعالااا بص ... بإتنين ونوص .. تعالااا بص ... بإتنين ونوص .. جابوهو بالطيارة وباعوهو بالخسارة .. أهو ده المأذون وأهم ديل الشهود .. تعالااا بص ... بإتنين ونوص .. تعالااا بص ... بإتنين ونوص
    بينما عدد من (العرسان) يجلسون القرفصاء على الأرض ينظرون فى وجوه التى إزدحمت لتراهم ...
    - ما بدتدينا يا ولدى (الخمسة) البى جاى ديل بى عشرة؟
    - يا حاجه والله ده ما راسمالهم !
    - (بناتها الخمسة يتشعبطون من خلفها فى محاوله لرؤية العرسان) : يا حاجه والله أخير لينا بورتنا دى .. عرسان شنو ديل الواحد قدر أنبوبة الغاز!
    - (البائع) : إنتو يا حاجه عاوزين تعرسوهم وإلا تشدو فيهم (حلة) ؟ ديل أقل عريس فيهم (مهندس بترول) دخلو فى اليوم الشئ الفلانى .. قايلنهم ذى اولادكم ديل الواحد قدر الحيطة واليوم كلو نائم !
    على واجهه شركة (راسين بالحلال) للإستقدام تم تثبيت لافتة قماشية كبيره كتب عليها بخط جميل ملون (يا ناس يا عسل العريس الصيني وصل) , تزاحم وهرج شديدين أمام مدخل الشركة مما دعا البوليس لتنظيم الصفوف
    - والله أخير لينا بورتنا من الزحمة والمدافرة دى
    - يا بت إنتى جنيتى؟ بورت شنو الأخير لينا والله كان قالو ليا أقيفى فى السراط المستقيم الليله أقيف ! هو نحنا صدقنا نلقى لينا عريس
    - والله أنا خايفه يكونو مضروبين ذى بضاعتم الفى السوق دى !
    - مضروبين ما مضروبين أنا حالفه الليله ما أرجع إلا شايله معاى عريس قابضاهو فى أيدى دى !
    بعد 40 سنة :
    سيداتى أنساتى سادتى من إستاد الخرطوم الدولى يسرنا أن ننقل إليكم وعلى الهواء مباشرة المباراة الختامية لكأس الدورى الممتاز والتى تقام بين فريقى (التنين الاحمر) و(نجمة بكين)
    كما تعلمون سيداتى وسادتى أن فريق (التنين الاحمر) قد وصل إلى هذه النهائيات بعد فوزه على فريق المريخ 5/صفر كما أن فريق (نجمة بكين) قد وصل بدوره إلى هذا النهائى بعد تغلبه على فريق الهلال (6/1) .. يدير المباراة حكمنا الدولى (شانغ فونغ لى) يعاونه فى الخطوط ( فينغ فو دان) و(وانغ فو لينغ) بينما يجلس كحكم رابع الحكم الدولى (شنغ فانغ شانغ) .. الآن سيداتى وسادتى يتقدم السيد (ليانغ لى فونغ) وزير الشباب والرياضة يصحبه السيد (شونغ فانغ لى) معتمد العاصمة القومية لمصافحة اللعيبة ...
    الآن فى هذه اللحظة يطلق الحكم الدولى (شانغ فونغ لى) معلنا بداية المباراة .. الكورة مع فريق التنين الأحمر ... اللاعب فونغ وانغ (زرديه) بيلعب باص طويل جهه شونغ فانغ (طحنية) بيقطعا اللاعب شان لى فونغ (نملية) وبيعمل معاهو (فاول) ، الحكم بيديهو بطاقه (حمرا) ، ، يتوقف اللعب الآن وحتى يتم إخراج اللاعب من الميدان سيداتى آنساتى سادتى أشكر إنابه عنكم الفريق الإذاعى العامل الذى يقوم بنقل هذه المباراة لكم على الهواء مباشرة :
    فى هندسة الصوت : شينغ شي تاو
    على عربة النقل الخارجية : يانغ ياو شانغ
    فى الإخراج : دونغ يونغ شاو
    وينقلها لكم .. محدثكم : هوانغ ليانغ لين
    كسرة :
    هتافات الجمهور تتعالى : شانغ تشيو شونغ تشاو ....(التحكيم فاااااشل)
                   |Articles |News |مقالات |بيانات

06-10-2009, 06:10 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    ميل بسبعة ارواح ... ابت تطلع ...
    تحياتي يا عبدالحفيظ عباس ...
    والبادي النور ...
    خلونا نواصل الوردية لحدي مانطلع روح الميل ده ...
    ولدنا بادي ...
    شايفك المرة دي شادي حيلك وناوي على قندهار ...
    نتمني ان نشوف صورك مع الشباب هذه المرة ...
                   |Articles |News |مقالات |بيانات

06-10-2009, 06:45 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    أخونا ود نجيلة صبحك الله بالخير ...
    شايفك وحيد يا ناس براي إستفزيتني وقلت الزول دا ما ممكن أخليه براه ... وبيني وبينك كدا الخواجة الليلة مشغول شوية وما فاضي لي ... ربي أشغل أعدائي بأنفسهم وأبليهم ربي بالمرج ... المرة دي إنشاء الله حتشوفو صور جميلة وبعدين أنا الشباب زاته ... قالوا إبليس شكار نفسه ... عموما أنا ما زي دودي وما زي ؟؟؟؟؟؟؟؟؟؟؟ (خايف الناس تزعل) يعني الوسطية حلوة ... والله يجبر بي خاطرك ...
    يا جماعة الصفحة دي ما راضيا تنقلب لي شنو ... يكونو ناس الشعبية شفرونا وعملوا لينا عمل زي ما ناس المريخ عملوا عمل للهلال ... أو تكون يا ربي من الجماعة اللي ما بتقلبوا ديلاك ؟؟؟؟؟؟؟؟؟؟؟؟
    جني وجن الجن الكلكي زاته ...
                   |Articles |News |مقالات |بيانات

06-10-2009, 06:56 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    هي أكيد مرسيدس لأنه المرسيدس قالوا ما بتتقلب خالص بالرغم من حادث دودي الفايد والأميرة ديانا اللي كانوا راكبين مرسيدس وقالوا المرسيدس ممكن تمشي على تلاتة عجلات ...
    مجنون بالمرسيدس ... ربنا يقلب الصفحة دي غايتو ...
                   |Articles |News |مقالات |بيانات

06-10-2009, 07:08 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    شكلها عايزة تتقلب بواسطة الريس ميسرة ... عشان ناس ديدو يغنوا قلبا قلبا قلبا ...
    جني وجن حركات ناس دودي ...
                   |Articles |News |مقالات |بيانات

06-10-2009, 07:46 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    Quote: شكلها عايزة تتقلب بواسطة الريس ميسرة ...

    كيف اخبارك يابادي ...
    والله الريس لو جا وادانا صورة صورتين ... ترجعنا للذكريات الجميلة ...

    نكتة في الذاكرة ...
    عجوز سمعت بان عزرائيل بيلقط في ارواح العجائز
    قعدت تاكل في سيريلاك ...
    جاء عزرائيل سألها بتعملي في شنو؟
    قالتلو باكل في مم ... مم...
    قاليها خلصي عشان نمشي باي ... باي ...
                   |Articles |News |مقالات |بيانات

06-10-2009, 08:13 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    اسماء واماكن في الذاكرة ...
    دار الاتحاد
    دار الزهراء
    دار الانتفاضة
    دار 21 اكتوبر
    مصطبة الجاويش
    صيدلية سان مارك
    شارع القومية
    شارع الشهيد
    شارع فاروق
    شارع المحافظة
    مولد النبي
    المزلقان
    البيجو والاتوبيس
    صيدناوي
    عمر افندي
    الشبراوي
    الشرقاوي
    الشواربي
    كبري الشبان المسلمين
    المساكن
    لكوظ
    ابوطرطور
    منشية اباظة
    الحنطور
    ستيديو مصر
    عم جودة
    عصمت السمسار
    البريزة
    الجاموسة
    البراندي
    الكشري
    القرزة
    عصير القصب
    مشرحة طب
    كيمو لاند
    مت غمر
    منيا القمح
    السنبلاوين
    كازنو النهر
    قصر الثقافة
    مربع كاي
    سحلب
    شيشة
    اركان النقاش
    بطة
    الشبورة
    دبرسة
    خلط
    انتشار
    الشال

    ....
    جايكم تاني
                   |Articles |News |مقالات |بيانات

06-10-2009, 07:59 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    البادي ... شكلك إتمقلبت في موضوع قندهار دا ...

    الكوتش محمد صديق والكوتشة خالدة قسم الباري بصدد تدشين
    منزلهما الكائن بشارع الشنقيطي عصر يوم السبت القادم بحفل
    مرطبات زقازيقي إحتفاءُ بالمدعو موسي عيسي .. والدعوة وجهة
    لكل الفعاليات الزقازيقية وأالأجيال المتعاقبة .. ويمكن يكون
    فيها فنان بالعود بس ما جورج ... انا مسئول الدعوة من الآن
    كل الناس من دون فرز ، البارحة أخليت مسئولتي عن تبليغ
    إثنين الباقين فانا كفيل بهم ...

    البادي تعيش وتاخد غيرها ... الأيام دي شايف المصايب بقت
    كتيرة من يوم الأحد وإنت ماشي ...
                   |Articles |News |مقالات |بيانات


1 صفحة 72 „‰ 101:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de