|
Re: ناس الزقازيق ... أجدع ناس .. (Re: عفاف علي ميرغني)
|
زينب التجانى فاكرنك لابده فى حفله وفعلا فقدناك سلامتك الف سلامه
الابنه عفاف<مادام زهير خالك> البرايه سنينه شلتى حال الخال والخال والد خفى عليهو شويه
ابتهاج انبوبه الغاز جات ولا لسه
التحايا لكل الاخوات والبنات عشان ماتزعلو عمكم
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: يا رشييييييد وين زنوبة0000 |
يا عفاف زوبة تماثلت للشفاء و الحمد لله وهي بخير الآن بعد وعكة المت بها لمدة يومين نتيجة لتناولها جبنة في بيت عرس...مشكلتها الوحيده الآن ادمان البوست...
Quote: او التواصل بينا وبين السبقونا وما ح اقول الجو بعدنا عشان انا اصغركم يا عيد والرشيد ومعتصم0000 وحاج الركز كمان
|
و لا أضيف الى كلماتك الجميلة والتي تشبة كسلا الوريفة غير ان هذا الزخم بالنسبة لنا...أنا و أنت ونجاة وحاج الركز...وكل الثنائيات الزقازيقية الجميلة...هذا الزخم عندنا مضاعف...
الحلنقي...كجراي...أبو آمنة حامد...جلا...زهير...عفاف...ما هو السر في جمالكم يا ناس كسلا....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
عفــارم عليــكم يا أجــدع ناس
برافو عليكم جميعا ...
شـــدوا الهمــّـه ..
باكــر انشاء الله بنعدّى محطـــة الشــعبية
ونمر من شمبات والحلفايا وود رملى .. الى عطبره ومروى حتى حلفا
احبـــكم يا جرايين
احبكم حب النيل العظيم للجريان فى مساره
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: باب الروح متاكي إنسربي صاحيات الحدائق أرعي قبال منجنيق الخوف يعاود ضربي قبل الطير وصعلوك النحل منكبي هشي العافية من تمري المخمر وعبي وزي ما النيل طبق مركوبو مارق للبحر مدبي أدخلي في الجسد محمومة بالمرض اليحير طبي وأدبغي جلدي بقطران مهيج لبي زي أتر النعال فوق الرمال متربي كان بهل الجمر منقد سماي شن ذنبي مادام الشرار وسط الرمال متخبي لابد من فضيحة النار تولع جنبي |
والله يا الرشيد الزول دا مجنون عديل كدا ،، عليك الله شوف الصور الشعرية دي :
Quote: وزي ما النيل طبق مركوبو مارق للبحر مدبي |
Quote: كان بهل الجمر منقد سماي شن ذنبي |
والله كل الأبيات دي جميلة وعايزه تفكيك نخلي محمد صديق يجي يفكك لينا الكلام السمح دا ..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: والله يا الرشيد الزول دا مجنون عديل كدا ،، عليك الله شوف الصور الشعرية |
أبو الزوز خيري ده فات الجن بي غادي...يجعلك تفغر فاهك وتقف مندهشا عند سماعك كلماته...و لما تنتهي القصيدة تقول ليه انتهت...ما كان لازم تنتهي تعتقد و أنت تسمع أنك بامكانك أن تكتب مثلها وعندما تبدأ المحاولة... تعجز قبل أن تبدأ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: أجمل حاجة يا الرشيد كان جنبي محمد صديق بدينا نتعرف علي الناس قلت ليهو الزول النضيف اللابس الجينز دا منو ..؟ |
قول ليهو ده هيثم مصطفى...و محمد المرتضى سادومبا قبل الصلعة...و عبدالرحمن مضوي سيف مساوي...و فايز باري ديمبا...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا أبو الزوز أنا نزلت الصورة من غير أسماء...و منتظر محمد عيد يجيب الأسماء و على فكرة ده ما امتحان لأن الناس الفي الصورة كلهم معروفين و من الشخصيات النشيطة في الزراعة...و كلهم دفعة محمد عيد...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
قصة رياضية طريفة
مباراة كرة قدم بين الحيوانات والحشرات الله يكرم المستمتعين بدأ اللقاء وفي أول نصف ساعة أحرز فريق الحيوانات ثلاثة أهداف نضيفة أصيب
الحضور المكثف من مشجعي فريق الحشرات بإحباط شديد لأنهم كانوا متوفائلين بأن
يهزموافريق الحيوانات بوجود لاعبهم الأسطورة (ابو سفرو) والذي يعتبر أهم لاعب
في الفريق (زي محمد صديق في فريق تربية) ويتفاجأوا بأن هذا اللاعب لايوجد في
تشكيلة الفريق، إنتهى الشوط الأول وبدأ الشوط الثاني إلى أن تبقى من نهاية
المباراة ربع ساعة دخل اللاعب ابواربعة وأربعين قدم (ابوسفرو) وبمهاراته العالية
وارجله المزعجة للخصم عزف فواصل مهارية قامت لها المدرجات وإستطاع ان يعادل النتيجة
بإحرازه ثلاثة اهداف وإنتهى اللقاء على كده . هنا ثار مشجعوا فريق الحشرات بقيادة
كبار المشجعين (ابودنقة وابو دنان والفراشة وابوصرصور والقرمبع وغيرهم) التدريب فاشل
التدريب فاشل 000 التدريب فاشل وبعضهم عايز يضارب المدرب تدخل العقال وهداوا المشجعين
قام المدرب مبررا قال ليهم ابوسفروا ده اهم لاعب عندي وكنت عايزو من ضربة البداية لكن
حظنا كده تصدقوا هذا اللاعب ماإنتهى من لبسوا إلا في الربع ساعة الأخيرة دي.
(طبعا 22شورت و22شراب و22كدارة000 الخ)
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
وقوفا من اليمين رفعت نور الدين-الطيب رجب-واحد صاحبي عجوز قلبه اخضر- طارق السيد- اسامة موسى (كان بارع في رائعة ابو عركي بخاف)-عبد الرحمن مضوي- عادل عبد المطلب(شرح لي اقتصاد زراعي وانا برلومة ماكنت فاهمة حاجة ولغاية الان)- جلوسا من اليسار محمد المرتضى (حلووو بينشر فرح في اي مكان موجود فيهو)-فايز حسن التوم(فوكس)والاتنين قضو معانا ايام جميلة في الرياض-احمد يوسف (حمادة)-عادل ريكس (احسن زول يغني حقيبة) وجلوسا على الارض صلاح محمد عثمان
اها يا الرشيد لقيتني كيف؟ عندنا واحدة قريبتنا طباااخة كلما تعمل صنف يسألوها دي من وين فيكون ردها :(من راسي ما من كراسي) واختم:زراعي انا وابوي النيل وامي مساحة مليون ميل
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
والله يا الرشيد استعنت بحاج الركز في دي بس رغم اني ما واثقة من اجابته لكن قال دا عبد الحميد رحمة
عارف الدفعة بتاعت ناس محمد المرتضى لما جيت برلومة كانو خريجين عشان كدا مطبوعيين جواي
وانت يا رشا مالاقيتك في الزقازيق لكن شفتك بعيون نااااس حلووووة
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: وانت يا رشا مالاقيتك في الزقازيق لكن شفتك بعيون نااااس حلووووة |
الاجابة صحيحة...و أثبت حاج الركز أنه لا يحتاج الى كركم محمد عيد... وأنا يا فافي شفتك بنفس العيون الحلوة دي...أضيفي الى ذلك موقع حاج الركز في قلوبنا يجعلك في نفس الموقع...و أضيف أيضا تجلياتك في البوست تؤكد موقعكما من قلوبنا...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
جانا من حاج الركز مايلي: الصورة الاولى من اليسار:كيمو تجارة-حمادة-ورا حمادة؟لكن اظن ابوالسارة-الرشيد- اسامة موسى- محمد المرتضى وياسر طه اشراقة حمدين نورين-اسماء مبارك -زاهر الصادق- عبده مضوي جمال مصطفى
الصورة التانية:من اليسار سناء برهان-حنان القطينة -منى عبد الواحد- محمحد عيد- مجدي عبدالله-حنان بابكر-مضوي -ضيفة
اها يا عيد نجيب الكركم لحاج الركز
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
ألو ....ألو.... ألو واحد...تست تست....ألو...أفففف ياخ الصوت دا ما طالع كدي ودي السماعات دي غادي شوية ألو....واحد,,, اتنين... تلاتة يا أبو الشباب عليك الله زح من السلك العافصو دا ألو....أفففف لكن بالطريقة دي ما بتجي هس الحفلة دي يبدوها كيف؟؟؟ دا شنو ما في أي نظام...وينو بتاع البوليس بس رجع لينا الزول الواقف هناك عشان ديرين نبدا الحفلة ألو...أفففف...سيداتي أنسا... الله يا لطيف الناس دي جات من وين؟؟؟
كدي خلوني أقول ليكم بحبكم لغاية بعدين
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
الليلة يا الرشيد بقوا علي زهايمر00 وضعف نظر غايتو البركة في (سال من شعره الذهب)
انتو جلال دا جامن وين ؟
تصدق يا جلال حاج الركز مصر انها سهاد وانا قلت ضيفةفمشى كلامي (بفهم)
جلا خليك من الحفلة جيب عشا السماية اول
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
جاى للتفكيك مع انى ما عندى ادوات نقدية
شكلكم ناس ليل...وعفاف نشيطة [ ما شاء الله]
عشان كان جاتا نزلة ما تقولو ..عين
وفيها صور وامتحانات وكركم وزهايمر
خلونا نجيكم بكرة ان شاء الله
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: جلا خليك من الحفلة جيب عشا السماية اول |
الحفلة و السماية العشا في بالنا لكن الناس ما منظمة قلنا ننظمها الأول بس خايف من حتة العشا دي لأنو قالو في ناس متوعكة ليها يومين بعدين عليك الله براحة جلال ما يسمعك
أحبكم لكن بالدس
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: خلونا نجيكم بكرة ان شاء الله |
مواقنك تب يا جورج...غايتو المغصة بتكتل الزول الجاي وطاشي شبكة دا
Quote: دي شنو الجوطة دي ... انتو في حفلة الليلة ولا شنو؟ |
آي كانت في حفلة و اتأجلت لغاية بكرة حسب كلام ناس البوليس
أحبكم و أحب ناس البوليس الفرتقو الحفلة
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: أحبكم و أحب ناس البوليس الفرتقو الحفلة |
جلا يا خوى .. غايب ليك يومين
وهســـه جاى تفرتق لينا الحفلة
ارجع لى توتيل وغنى لى نص الليل
الصورة دى مهداه للحبيب رشيد .. وكمان لى ناس كسلا عشان ما يزعلو
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
الصورة دي سمحة ياعيد سمية بين من كسلا 00 واحلى حاجة لما رجعت السودان فتحت ليها حضانةللاطفال ناعمة سمتها بوجي وطمطم على نفس استايل بوجي وطمطم في شارع المحافظة وكانت من النشيطين في رابطة كسلا كنا قعد نشاكل لزهير (رئيس الرابطة ايامها وابونا الروحي ) ناس البيروتية نفسي اعرف ياخالو زهير اخبارها شنو؟
محمد عيد 000 0(وكفى )
ياسر بطة زول رائع كان في انتاج حيواني وعنده ارانب شغال عليهم بحث التخرج وكنت برلومة سمى واحدة من الارانب فافي
ودي العسل العسل (هي هي وانا مالي وانا مالي)
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
تمام يا عفاف ..
طبعا انا الليلة عين بى جاى
وعين مع ناس الشــعبية ...
والله جنس جرســه ... هلال مريخ بس
عليكم الله شوفوا الكبكبة دى ...
Quote: وينكم يا جماعة
ناس الزقزقة طايرين طيران وانتو نايمين |
ودى كمان
Quote: ياسعادة المستشار هذه حجار طلبه ولم تعطل مسيرتنا سير سير ياودحمد |
وبرضو
Quote: يادكتور الصفحة ماقربت الجماعة ديل في خطراتنا نقوم نرش باقي الصور ولا كيف |
وكمان
Quote: والله الصفحة الفاتت خليتها مقنطرة فوق كوم تراب وقلت ليهم اها شوووووتوا قعدوا يتضايروا جاي وجاي والله لو قالوا ليها اف كانت خشت اها تاني اسوي ليهم شنو لمن جاء عزام اخوي وقال ليهم نحنا نستناكم لحدي ناس الزقازيق يجيبوا خبرنا غايتوا لما يصحوا بيجيبوا خبروا |
يا اخوانا شنو الجلسريين ده ؟
Quote: ** الديوان دا فاتح سيدو فى مافى يجب أن يكون دائماً فى المقدمه ولانرضى بغير الرقم (1) رقم التميز والمتميزين ........ #### إنى أرى فى الخلف خيولاً على مشارف الجيلى وقد علا غُبارها .......... (ودام الود بيننا |
ها ها الما بتلحقو جدعوووو
Quote: ياسعادة المستشار هذه حجار طلبه ولم تعطل مسيرتنا سير سير ياودحمد |
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
احتلال زراعي للبوست
يا جماعة طلب لو ممكن عايز لي زول فيكم نضام يتكلم لينا عن عادل الجعلي واحد من الطف خلق الله في الزقازيق وزمان انا كنت بقول لي حاتم جبارة لمن تكون في ندوة ما عاجباني: ياخي غير عادل الجعلي مافي زول حا يمشي ليهم
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
الأعزاء ناس البوست من البشائر وصلتني رسالة قبل قليل من بكري بانه منح كل من ارسلنا بريده الإلكتروني عضوية المنبر وهذه الدفعة تضم كل من : أحمد اسماعيل عفاف علي ميرغني د. نورا كرم الله عبد الحفيظ عباس مدثر ابا يزيد معتصم جعفر حنان مجمر
ومن القدامي الذين تم تجديد عضويتهم
زينب التجاني مبارك جادين كمال الشادي
فعلي الآتية أسماءهم إفادتنا بوصول الباسيورد بأسرع ما يمكن : عبد الحفيظ عباس حنان مجمر نورا كرم الله مبارك جادين كمال الشادي
وناس الشعبية ديل واضح يا محمد عيد خاشين المنافسة بقوة وعاملين معسكر عشان كده لازم المحترفين الجدد يشاركوا في المباريات القادمة ، وبإذن الله سيكون النصر حليفنا ...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
ود جبرين ...
ليلتك ضواية ...
Quote: احتلال زراعي للبوست |
بل اكتساح زقازيقى للمنبر العام كله
عليك الله الناس دى كلها نامت
وجلا فرتق الحفلة
أدفر معاى الصفحة دى بى اتنين تلاتة
من حكاويك الطاعمة ديك ..
باقى لى ناس الشعبية الليلى جاعورم بيصلك فى مراكش
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
محمد عيد هاك دقشة الصور دي من زيارة أمبارح ولغاية الصباح نكون حصلنا الجماعة بمداخلات مليانة ودسمة :
يحيي قناوة ،، خريج محاسبة الزقازيق 83 وراجل حكاي ووناس ، وقال إتخرجوا في ذاك العام إثنين فقط من محاسبة وفي السنة التي تخرجنا فيها كان عدد الخريجيين لا يقل عن مائة خريج
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا عفاف يا بتي جدك حسن آكشن دا ، بعد ما إتخرج من آداب الزقازيق ، رجع السودان ودخل كلية الهندسة ، وإتخرج مهندس أد الدنيا ، ويعمل منذ سنوات في وزارة الشئون الهندسية بحري ، ولديه أعمال خاصة في مجال المقاولات ، يعني أي زول عايز يبني عليه بأبو علي ، ويقيم بشمبات جوار عمار رحمة الله الذي يبدو لجواره في الصورة وهو من أخرج حسن آكشن من مخبئه ، حسن تزوج قبل فترة وجيزة ولديه طفل . عرفت من عمار بأنه مؤذن الجامع بالحي ، ولو ما أذن حسن أكشن الجماعة يلغوا الصلاة في الجامع ويذهبوا للجوامع المجاورة ، ولا زال أبو علي علي عشقه القديم للجماعة .. والكلام دا يفهموا ناس السياسة ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
طلعنا من الريس معتصم ، وتوجهنا صوب الصحافة لزيارة العم سيد أحمد محمد سيد احمد الشهير بالنضيف بعد أن الصق به الإسم إبنه عبد الدائم النضيف .. ومنها توجهنا نحو مدينة يثرب وللذين لا يعرفون الخرطوم جيداً من أبناء الأقاليم وأهل العوض فهي تقع غرب جبرة وشرق الشجرة والعزوزاب .. لنعيد علي أسرة الأخ سامي عبد الوهاب وعيادة والده العم عبد الوهاب إدريس ..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا سلام علي هديل إبنة أخت سامي عبد الوهاب ، فتحت لينا الباب وبثقة فتحت الديوان ، قدمت لينا الشيالة وشلنا حلواة مثني وثلاث ورباع وجابت البارد الما خمج وحلفت علينا بالشاي إلا الوقت ما ساعدنا في شراب شاي مقنن ، وقامت ودتنا علي أوضه جدها ، يا جدي في ناس عايزه تسلم عليك ، يا سامي البت دي أبقوا عليها عشرة ، ما هينة وربنا يحفظها ، وأشكرها نيابة عنا علي حسن الضيافة والكرم والأريحية ..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الليلة يا عيد انا هنا لغاية مانصل الميل 66 (بالغيظ في ناس ال000000ية)انشاء الله تجيب ليها خرف وخطرفة كلام
اخلاص اخت اكشن كانت دفعتي في زراعة وكنا دايما مع بعض 00 رغم اختلافنا في كل شئ في الدنيا من الالف للياء ورغم كدا كنا مزاكرتنا مع بعض قعادنا في المحاضرات جنب بعض 000 انا ما بفهم المحاضرة لو ما اخلاص جنبي وهي كمان 000 واحيانا نفهم بعض بمجرد النظرة000 ودا كله ونحن مختلفين حتى في طريقة سلامنا للناس00 لكن انا كنت برجع السبب لاننا الاتنين شربنا موية توتيل الحنينة000 وعندها كتير من القصص مع د0صلاح عبد المقصود بتاع اقسم الميكنة ونحن برالمة000
جبريلا وحد جهودك معانا بواحد اتنين 00 الجماعة ديك عرفونابقو شادين حيلهم
عيد تاوق ليهم تاني وانقل الصورة(نظام تيسير علوني وكدا)
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
إتخيلي يا عفاف الناس دي كلها مواصلة كتابة في البوست لو كل زول كتب اربع مداخلات بس في اليوم بنعمل صفحتين يومياً ، يعني نحصل الصفحة مية خلال اسبوعين .. يلا أعملوا نداء لكل من لديه باسويرد من أجل ناس الزقازيق أجدع ناس ......
1/ منصور 2/ معتصم 3/ ميسرة سيد أحمد 4/ الرشيد 5/ محمد عيد 6/ ياسر نجيلة 7/ جلا 8/ محمد صديق 9/ عبد الدائم 10/ طارق جبريل 11/ سامي 12/ جلال 13/ صالح تبلدينا 14/ عصام دهب 15/ الصادق عبد الله 16/ عثمان الجيلي 17/ أسامة أبتر 18/ البادي النور 19/ نجاة 20/ عفاف 21/ زينب 22/ ابتهاج
الغياب : 23/ عبد السميع 24/ مبارك جادين 25/ حيدر حنين 26/ سيف النصر 27/ السمؤال 28/ صلاح الأمين 29/ سامي 30/ د. أحمد أمين 31/ عبد الحميد البرنس 31/ سناء الصباغ 33/ صفية مساعد 34/ بكري حامد 35/ السهيلي حمد 36/ حاتم جبارة 37/ عادل عبد الرحمن 38 مدثر أبا يزيد 39/ جمال السنوسي 40/ آمال البنجاوي 41/ عباس محمد 42/ ياسر شبيكة 43/ أحمد طراوة 44/ أبو الزفت
ومن ننتظرهم علي أحر من الجمر : 45/ كمال الشادي 46/ عبد الحفيظ عباس 47/ نورا كرم الله
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
خلاص انا عيوني بقت تشوف طشاش زي عيون حاج الركز وابناء دفعته 000 لكن عجبتني ليكم قصص قصيرة جدا للكاتبة فاطمة السنوسي000 احتجت لبعض عقلي فاتخذت قرارا بالاأذكرك الاعلى راس كل ساعة00 لكني الفيت نفسي اقضي العمر انتظارا لرؤوس الساعات00 فعدلت عن القرار0
في وسط السوق00 شاهدت منظرا ادمى قلبي00 فرايت حماية لقلبي ان اضعك على عيوني000 وانظر الدنيا من خلالك00 ماان فعلت ذلك00 حتى رايت شحاذا يعترض المارة يعطيهم ولا ياخذ منهم00
تحابينا بصدق توحدنا000 سالني صورتي 000 فاعطيته المرآة0
التقت الفتاة بصديق قديم00 حكى لها عن فكرة طريفة يتبناها ومشى خطوات00 تتمثل الفكرة في تكوين ناد للقلوب الخالية ودعاها للانضمام للنادي00 التقيا مرة اخرى لمناقشة ابعاد الفكرة كان اللقاء طويلا والحديث حلوا وشجيا قبل ختام اللقاء 00 ايقن كلاهما انهما فقدا شرط العضوية الوحيد00
من انطلوجيا (غابة صغيرة)
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
والله يا جماعة فقدنا زينب التجاني ،، لو في كان زمان ناس الشعبية ديل قاعدين نعاين ليهم بالمرايات ... بعدين إيقاع البوست السريع فوت علي ناس كتار تهنئة العزيز عزام بزواجه وكذك الأخ محمد علام ... صحصحوا معانا يا جماعة ما تجيبوا لينا اللوم ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا زناتي ناس زراعة ديل من زمااان بيحمروا لينا لمن نكون قاطعين زراعة ماشينا علي كليتنا قالوا بنجي نسلم علي جكسيهم وعادل يسلم ونمشي هو عادل يسلم زاتو محسوب مع الجكس موش رئيس جكس زراعة
الف سلامة لي زوبة ياخي وكان نفسي اهجج في عرس عزام يا جماعي نفسي في حفلة كاربة اقعد ارقص فيها لامن اقع علي قفاي ولو ختموها بي ود النصري يمين ياني الميت رسمي
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
طبعاً يا طارق نفس الحكاية مع ناس آداب أي زول يجي كليتهم تحمير تقيل ، وسلام ببرود صاحبك الساكن معاك وبيلعب معاك تنس في دار الإتحاد ، لمن تزوره في آداب يدق منك طناش والونسة يعملها ليك كلها ... إي ، اي ، اي كلمة واحدة ما يديك ليها لمن تتخارج . اها العجيبة بنات آداب ديل عرسوهم ناس علوم حسب إفادة فتح الرحمن ودي بيحكيها ليك محمد صديق بكره .. وبوعدك بكره أكتب ليك عن عادل الجعلي . فقد زاملته في كلية تجارة (رغم إنو الإتنين ما كنا بنحضر ، وما تقول لي يا طارق جبريل إنه انا قريت في ياتو قسم في زراعة عارف عندك زهايمر وحالتك صعبة) وزاملته في السكن وكذلك في الجبهة الديمقراطية ..
انا ماشي أنوم والساعة عندنا الثالثة صباحاً وبكره عندنا شغل ، ودي بتكون المداخلة الـ 36 يا ناس الزقازيق في الصفحة يتخيل لي ما قصرت معاكم مداخلاتي دي أعتبروا معاي ابتهاج وزينب الغياب لهذا اليوم ... وتصبحوا علي خير
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
مشهد اول
حاتم جبارة: يا طارق ياخي نرفع السراير دي في اوضة جورج (محمد صديق) اصلو بعد دة بقينا صايعين ومنتظرين الشهادات معناها نشتغل كشاتين للدين طارق: يا عب القصة دي عايزة ليها طن جرائد كدة عشان نفرشها ونخت فوقها اللحافات حاتم: خلاص نجيب باقي الاهرام دي ونرشها هنا طارق: ظبط
مشهد تاني: يا بشير (خفة) اسمعني الليلة الغداء عليك ما تتجن - شوف جبريلا انا الليلة عندي مزاج اغلب ناس حاتم ديل عليك الله سد بدلي - ياخي تغلب شنو انت لمن تكون قافل تتراجف زي زمبلك الساعة - جبريلا عليك الله ما تكتر النقة ياخي اقفل لي اخوك اليلة بس وانت طباخ ياخ - امرنا لله يلا طلعوا الشيرينغ
مشهد تالت: مبارك جادين: جبريلا اي مساعدات - ياخي بس زح مني ناصر كشري دة ياخي امبارح حضر ليه فيلم بتاع جاكي شان وهسي شايل ليه كباية وقال المعلم قال لي جاكي شان لو شلت الكباية دي حا تقدر تهزم الخيانة ودي الكباية التالتة وكلهن كسرن وشغال لي.. آه ايه هو آه هو - ههههههههه يا كشري بعد من جبريلا دة والله لو قام عليك بيكب الحلة في راسك
مشهد رابع: - خمسيييييييييييييييييييييييييين - دة منو الشحموه خمسين دة يا بركة - بشير الشين زعمطوه وعندو جوكر كمااااااااان - ههههههههههههه خلاص عاقبوه يزيد ليهو بريزة في الميز - لا هو ومحمد صديق يمشوا يجيبوا الفطائر من المزلقان - ظبط جدا - يا شباب الغداء جاهز افرشوا
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
جبريلا
باقي لي عيونك زيي بقت تشوف طشاش مع فارق التوقيت ود الجعلي في زراعة وعادل يسلم مع الجكس
يا زول ناس الشعبية ديل نسوني جيفاراتي
لكن والله حلوين خلوني اطول وقت في جو زقازيقي
انت يا زهير ود البيه مش كان برضو زراعي 000
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
الثالثه ونصف صباحا البلد فاضيه لازهير ولا بت اختو برو برو برو لما ناموا 000000 قالوا بلد ما فيه تمساح يقدل فيها الورل وما دام تماسيح البوست نامت الناخد قدله
انتو ناس الشعبيه عشان نحصلهم نملا بالفارغه والمليانه يا جماعه الفارغه بتحصلنا ليهم لكن ما بتقدمنا
ونحنا تحصيلهم عايزين بيهو شنو مانخليهو يجى براهو براهو براهو ويكون تفوق نوعى قبل ان يكون كمى0 -------------------------------------------------------------------------------------- قالو الناس من ما تتكلم فى العمر معناها بداية الكبر000وفى هذا المقام كلمة سينيرنا كلمه ظريفه وفى حالتنا دى خلوها س س سينير سنيرنا0 الرابعه ص مع تحياتى
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
أجمل الصباحات هي التي تبدأ بتحية الأحباب: التحيات لله والصلوات والطبيات السلام عليك أيها النبى ورحمة الله وبركاته السلام علينا وعلى عباد الله الصالحين أشهد أن لا إله إلا الله وأشهد أن محمداً عبده ورسوله..
التحية هذا الصباح لأمي التي علمتني التوكل...و لأبي الذي علمني الصبر... التحية لزوجتي التي علمتني أن أحب و أن أعطي بغير حدود...
التحية لكم تحية اعزاز و تقدير....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: *إقتراح
نكر صوتك صداك
غالطنى الزمن فيك
شهرت على الجفاف وعدك
بطاقاتنا الخريفية
رجع فاضى الكلام مليان
معاك إتبرجت غيمة
وشهق جوايا صوت جدول
مرقت على المطر .. حفيان
لقيتك والرزاز .. مدخل
وناديتك :
أقيفى معاى
نشيل كتف الغنا .. الميّل
ونتخيل
حلم دونك بيتحقق
وقبلك خيل دماى .. واقفة على شريانى .. تتشهق
وعرف صوتك .. صداك .. غنيتى
رشحت حلقك لى إذاعات الشجر
والمنتظر من عودة المدعو المطر
والمسادير .. والطنابير
واللسة فى رحم القصيد
والدابو حسّ فى سوق عكاظ
بين مزادات الحروف
غيبت رسمك .. وإحتكرتك لى الظروف
للزمان الجايى .. واللحظة اللى فاتت
.. منى هسة
.........
يا واقفة بين جرح السحاب
وبين شهقة الأرض البكر
ما كان ده ريد
كان إحتمال تغيير قوانين شهقتك
ما بين حديثنا .. ولحظة الفعل الحقيقى
وإنتباهك إنتى للشارع البيرجع تانى .. لى نقطة بدايتو
وإنحيازك إنتى للشارع البيرشح
فى مسام رملو التوقع
وما أنعرف قانون نهايتو
غايتو أمشى فى الدرب البطابق فيهو خطوك .. صوت حوافرك
يا فرس كل القبيلة .. تلجموا
يكسر قناعاتا ويفر .. يسكن مع البدو .. فى الخلا
ما يرضى غير الريح تجادلو
.. وتقنعوا
........
إفترضتك لون أساسى
يمنح اللوحة إزدواجية القراية
ويفتح الضو
بين خطوط الريشة ..
والخط الإضافى .. الجايى من شبكية الزول المشاهد
وإكتشفنا ــ الرسمك وأنا ــ برضو التوارد فى الخواطر
نفس أرقام التذاكر
البيها سافرنا وشهدنا
إنفجارك فى الأرض
يا سمرا يا واضحة
ما غنيت يوم جيتك .. صدفة
قبل أبداك كان غصنك .. بشـّر
يوم ما كان إحساسك مسرى
عرج غيمك فينى .. ومطّر
لحظة طار عصفور من صدرك
رتب فينا إحساس بالإلفة .. ودوزن عصب الزمن الأشتر
وإتوكلت عليكى .. وقلت
المارق منك داخل جرح الوردة وراسم فوقا غناوى الطل
المارق منك
رجع للغابات الزنج الهاربة
وللعتمور العرب العاربة
وأدى الكون مفتاح الحل
المارق منك
شادد عصب الورقة .. وحرفى
وراصد فى اللاّ وعى سكونو
مواعيد صحوه .. وحلمو ولونو
شارى يقينك فى ظنى
سارق لحظة إنى أفكر
المارق منك
مارق منك .. أو ..
منى !
|
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: *شهيق
ما تتضارى ورا الدعوات
وما تتلبسى فرح الفات
بسكن فيك النغم الزايف
ويسرق حاسة شوفنا الواقفة على رجلين جوانا
نحن الهاوية .. والمتطامن من الأرض
آه من نحلك ساعة يرحل
ولمن يكتب فينا الحنضل
ويختم عمرو بفعل الشهد
قال الجدول :
طلوع النخلة .. مرور الريح .. واحد
لكن الريح بعانق حقل
ونحن بنطلع نخلة .. وننزل
ونكتب فى ذاكرة الصفق الأخضر
سجنا الريح فى الورق الأبيض
وجهناها ضد التمر الناعس
يسقط زى قبعة الحارس
زى الكان بيناتنا .. و فات
قالت غيمة :
".. بين قوسين غيمة لئيمة"
أولاد الشارع فهرس لى كل المدن
التهرس جوفك بالأسمنت
قالت ريح :
شوف الناس قنديل
لو ما نور يحرق كوخ .. وباقى الحلة تنور
أو جبة جوخ .. أو ينزل بوخ
يقول للنسمة الزايفة .. أقيفى
لو تتفرد ريح .. تتشرد ريح .. ريح الخوف
لو تتفرد ريح تبدا تفرتق ضفاير المدن الكاذبة
تعيد تسريحتك
ويوم سمايتك .. شكل قامتك
كيف تموتى .. وتحيى تانى
ويوم قيامتك .. هو البيدينا الثبات
يا مجلوبة فى قافلة رق
ما بستحمل صدرك رصاصة ظلم
يا صابت رحم الفال
يا قطعت حبل الحلم
يا كنا نبيعك .. يا نسرق
إخترنا النار .. الضلها يحرق
طمنـّاك إنو الدنيا بخشها ضو
يجرح جلد العتمة
دم الليل قربان فجرك
يا بت يا نيل
لو نامت قمحة على الأبيض .. وإتشرت زيو
وزاد الأبيض فى غيو
ومدد رجلو اليسرى
ما كان الكسرة .. جاتك من برة
صفرا .. ومنكسرة
زوجناك الشهدا وِلاد الكلب
الماتو عشان الشعب
زوجناك ما عندك ضرة
زوجناك ما جاتك ضرة
وما إنشاف ماعونك فى الحلة يساسق
ويلقى فتات
قال الأبيض لى الأزرق:
يبقى ضد الإنتباه
وضد تواريخ التمازج بينى .. بينك
البشوفك فى مراهقة الخرائط
وفينا من وجع المسافرين .. واطه .. ما لاقت هوية
رد الأزرق:
مطر الحبش لو كان نبش جواك سقف
أو هد حيلك فى الدواخل
وشدّ عصبك فى المداخل
صوت مراكبى
وإيد بتسأل فى القمح
وفينا من فرح المسافرين قصة الشمس .. القضية
يا أعشاب النيل الأبيض .. ما تتضارى ورا الدعوات
أقرا تاريخك .. وأخاف
أسأل جبين الفجر .. وألقى الفجر مطعون فى القفا
هل سافرت فى دمك المحقون رجا
حبة غضب
ما شلنا جمرك .. وإنطفا جوانا نارك .. والمطر
جايين بالكتابة .. وضربة الناس المهابة
لو هز نخلك باشبزق
ما غادرت تمرة السبيط
وما ساور الطورية شك
إنو الأرض أنثى .. وبتحمل بالحلال
مين اللى قال
إنو المسافة البينا بين الشمس طاقة
أو مياه النيل
بتدخل فى عروق السنبلة المسقية بى عرق الجعانين ..
والمساهرين بالبطاقة
أقرى تاريخك .. وأقيف
جواكى .. والزمن النضيف
جواى .. من جواك غضب
سلم مفاتيح السؤال
جيل الشمس .. موكب حريق
واقف على باب الدخول
بيناتو بينات الوصول ..
لحظة شهيق
|
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ماشاء الله عليكم .... يديكم العافية .... ياناس مابتنوموا!!!
Quote: انتو ناس الشعبيه عشان نحصلهم نملا بالفارغه والمليانه يا جماعه الفارغه بتحصلنا ليهم لكن ما بتقدمنا |
اعجبني ما اثاره الريس معتصم اعلاه ويقيني انها من المستجدات في المنبر العام ان يكون التنافس بيننا وناس الشعبية ولكننا نريدها منافسة نوعية، تجبرنا على إخراج احسن مما عندنا لتجبرهم على رفع القبعات لنا وليس "حجار طلبة" كما عبر احدهم
يا اخوانا نحن فايتنهم فايتنهم .... ولن نرضى بغير البوست (الأول) لذلك فليكن التجويد شعار الصفحات القادمة
-------- معاً حتى المـــــــــــــــ100ـــــيل
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
بطريفتكم دي الواحد ما يأخد اجازة يوم الجمعة والسبت من البوست ... خليناكم في بداية الميل 63 حسه .... عيييييييييييييييك 65 ما شاء الله ... زهير الزناتي ماقصر بصور زياراته الماكوكية هو والشباب ... ولا ننسي نبارك الباسبورد لبتنا ابتهاج ... والف كفارة لزينب التجاني ... والف مبروك لاخوانا عزام ... ومحمد علام ... محمد عيد ... بيت البكا بتاع اخونا المليونير ... لكن ماشرط ... اخر زمن بصحيح القالب فكاهي ولكن قريب جدا من الواقع .... وشهادة التقدير لاخونا عصام دهب يستحقها ... محمد ادم النور الشهير بجلا ... بقي يتاووق ويرجع ... عاوز يقول هو متابع ومستمتع بس خجلان .... طارق جبريل متعك الله زي ما امتعتنا بروح الشوايقة واسكنك في بيت فيه "حفرة دخان" ... منصور مداخلاتك دائما ... عاوزه الواحد لازم يكون صاحي وشبعان وحاضر الذهن ... ورشيد القوم ... الصور دي كنت "غانج" بيها وين من زمااااان .... يادووووب جيلنا بدأ يظهر ... محمد صديق ياكمندان ... ذكرياتك لكن في الصميم ... ودائما بتذكرنا بالذي مضي .... وتحرك فينا كوامن الاشياء التي دعتنا لهذا التواصل ... كتر منها عبد الدائم النضيف ... بناتك ربنا يحفظهم ... ومعاهم الوالد والوالده ... كلنا بكينا معاك ... لابد من ذكرهم ... سامي عبدالوهاب وعفاف على ميرغني والبادي النور وجلال عثمان ونجاة حوفي وموسي عيسي واحمد اسماعيل والريسان ميسرة ومعتصم... بصمات في هذا البوست ...
ااؤكد لكم بلسان حال كل المتابعين ... أي حدث او موقف او صورة توضع هنا ... فانها قطعا ليست خاصة بافراد بعينهم ... ولكنها حتما تحرك مشاعر الآلاف بل كل من عاش بالزقازيق ... ومر من هنا ...
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
Quote: يا جماعي نفسي في حفلة كاربة اقعد ارقص فيها لامن اقع علي قفاي |
غايتو انا متبرع ليك بالفنانين كمال الشادي و احمد عوض بجيبهم ليك تب والعازفين جاهزين هاني برعي - زكي - ابولكيلك انت عليك عماد شريف وماتنسى تعزم الجكس بتاع لكوظ ناس المساكن بعزمهم النضيف
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
فاتني أن أهنئ الأخ محمد علام ونقول ليهو ألف ألف مبروك وكذلك أخونا عزام وعقبال اللبالي بالك
___________
ولزينب التجاني:
حمد لله ألف على السلامة... وماتشوفي شر
_____________
ولعفاف: ما شاء الله على هذا النشاط... والكتابات الجميلة
________
ولزهير الزناتي: شكرا جميلا على الزيارة وعلى الكلام الرائع في حق بتنا هديل... ولكم إعتذارات الأسرة الذين كانو في واجب عزاء في مدينة أم درمان وقت حضوركم
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
أصبحنا وأصبح الملك لله رب العالمين اللهم إني أسألك خير هذا اليوم،فتحه
ونصره ونوره وبركته وهداه، وأعوذبك
من شر مابعده.
اللهم بك أصبحناوبك أمسيناوبك نحيا
وبك نموت وإليك النشور
اللهم فاطر السماوات والأرض،عالم الغيب والشهادة رب كل شيءومليكه
أشهد أن لا إله إلا أنت.أعوذ بك من شر نفسي ومن شر الشيطان وشركه اللهم إني أسألك العفو والعافية
في ديني ودنيايّّ وأهلي ومالــي
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
القائمة بعد التحديث
وللصفحة 65
التحديث القادم صفحة 66 إذا في جديد وإذا مافي جديد نتوقف شوية نسبة لتسارع إيقاع البوست
(1) سامي عبد الوهاب إدريس خريج تربية 91 قسم اللغة الإنجليزية هاتف السعودية 00966502297598 هاتف السودان 00249916000543 [email protected] _________________________________ (2) زهير محمد عثمان الزناتي كلية التجارة قسم المحاسبة متزوج وأب لأربعة خريج 1992م ت : - 0919701061 [email protected] _________________________________ (3) محمد صديق محمد احمد الحسين تربية...انجليزى برالمة 84-85 انا وجلا جينا فى سنة واحدة لكن انا دفعة النضيف ت-0912162923 (منزل 0122051212) [email protected] _________________________________
(4) ميسرة سيدأحمد إبراهيم المملكة العربية السعودية - جدة هاتف منزل 6754688 جوال 0508606055 [email protected]
_________________________________ (5) محمد آدم النور حسن تجارة الزقازيق 88 الخرطوم - 0912319724 [email protected]
_________________________________ (6) الرشيد بابكر سيدأحمد زراعة الزقازيق 1986 الامارات العربية المتحدة أبو ظبي تلفون:00971508179161 -- 00971504469622 بريد اليكتروني: [email protected]
________________________________ (7) ياسر نجيلة الاسم: ياسر أحمد نجيلة الامارات - دبي محاسب بحكومة دبي خريج تجارة الزقازيق - محاسبة دفعة 84 - 1988م هاتف شغال 24 ساعة : 6268806 50 971 + ايميل: [email protected]
________________________________ (8) Dr.Elsadig Abdalla 0353879359144 Waterford Regional Hospital Endocrinology and Diabetes Department Waterford Republic of Ireland 0 Email:[email protected]
_________________________________ (9) اسامة عثمان محمد صالح ابتر خريج علوم 1989 كسلا دنقلا تلفون 00249912913486 وكمان 00249912186289 [email protected] _________________________________
(10) صالح عبدالرحمن صالح شارع افريقيا - مبنى القبله شركة كنار للإتصالات إدارة التسويق 249155552515+ موبايل كنار 249912397336+ موبايل زين 299155553310+ مباشر مكتب ايميل عام : [email protected] ايميل عمل : [email protected] _______________________________ (11) عصام الدين دهب علي خريج حقوق الزقازيق 1991م مستشار قانوني و مديرالإدارة القانونية شركة الدار العالمية للأستشارات القانونية والمحاماة / جدة هاتف عمل 00966920000054 هاتف جوال 00966503639124 [email protected]
_____________________________ (12) منصور عبد الرازق محمد فضل السعودية -الرياض الشركة الوطنية لصناعة الأسمدة الكيماوية (نافكو) مدير المبيعات -اسمدة تلفونات 00966504177839 موبايل 0096612652266 ext 1 or 117 0096612651327fax e-mail:[email protected] e-mail:[email protected] ________________________________ (13) محمد عيد ميرغني خريج زراعة 1987 الخرطوم بحري جدة 00966503763764 [email protected] _________________________________ (14) جلال عثمان محمد علي عكود تربية (90) السعودية الرياض منزل/ 0096614720809 عمل/ 0096614780234 فاكس/0096614789361 خلوي/ 00966505779464 [email protected] [email protected] _________________________________ وبعد إضافات جلا ومحمد عيد: (15) تاج الدين الخليل بلال تجارة 88 العنوان: سلطنة عمان [email protected] _________________________________ (16) عصام عبد الرحمن محمد جلي تجارة 88 السعودية _ الرياض 0507780880 [email protected] ____________________________________ (17) عبد القادر بابكر عبد القادر " قدورة "
خريج زراعة 1984
ام درمان - الثورة - الحارة الثانية
السعودية - الرياض ـ : 0509835001
بريد الكترونى : [email protected] _____________________________________ (18) محمد حســان سعد الدين
خريج زراعة 1988
عطبره - الدامر
بريد الكترونى: [email protected]
رقم الموبايل : 0126919898 ___________________________________ ومن عندي: (19) عزام أحمد البشرى خريج تربية 89 بورتسودان مقيم بالدوحة – قطر تليفون: 009746655029 [email protected] ________________________________ (20) سموأل عوض السيد خريج تربية 89 بربر الخرطوم – وكالة سونا للأنباء 00249912393567 _________________________________ (21) محمد الهادي محمد الأمين خريج تربية 91 سنار الخرطوم تليفون: 00249912105159 ____________________________________ (22) أسامه إبراهيم فرج الله (طيارة) خريج بيطرة 90 أو 91 أم درمان مقيم بالدوحة – قطر تليفون: 009745316925 [email protected] _____________________________ (23) سر الختم محمد علي الحاج (المدعو) خريج آداب 93 بورتسودان مقيم بالدوحة – قطر تليفون: 009745295220 [email protected] _____________________________ (24) نزار محمد ابراهيم عمر الشقليني هندسة مدنية خريج :1994م ت: 0912141038 [email protected] _______________________________ (25) موسى عيسى أبكر تجارة 1988 قسم المحاسبة الجزيرة أبا مقيم بالمملكة السعودية الرياض مدير مالي الهاتف :009662253893 الموبايل:00966560026152 الموبايل بالسودان : 00249914070652 email :[email protected] ________________________________ (26) طارق عبدالمنعم محمدعلي خريج الزقازيق تحاليل طبيه 1990 العنوان الحالي (UPM )Malaysia [email protected] [email protected] [email protected] mobile:0060149275130 ____________________________________ (27) عبد الدائم سيد أحمد (النضيف) خريج تربية 88 الخرطوم الصحافة مقيم بجدة – السعودية [email protected] تليفون: 00966504609597 ____________________________________ (28) صلاح سعد عثمان تجارة 89 الرياض السعودية ت 00966564242757 [email protected] ___________________________________
(29) معاوية الزبير تربية 88 قطر الدوحة [email protected] _________________________________
(30) حبيب الله كدام تربية 90 الرياض السعودية [email protected] _________________________________ (31) احمد عوض سيداحمد (احمد عجوز) الفنان اداب 88 الخرطوم الصحافة الرياض السعودية ت 00966590086541 [email protected] _________________________________ (32) احمد السيد عبدالعال زراعة 93 ت 00966505618275 الشركة العربية لامات الدواجن -- جده [email protected] _________________________________
(33) مدثر ابايزيد سيد خريج حقوق 1988 مواليد جزيرة ارتقاشا شمال منطقة دنقلا الاقامة ببورسودان حي الأسكلة ثم حي الثورة مربع 10 حاليا بالسعودية الرياض جوال: 00966554612264 [email protected]
____________________________ (34) زينب التجانى محمد على ابو رفاد خريجة زراعة الزقازيق 1991 مواليد الابيض العنوان امدرمان مدينة النيل التلفون 0912560606 [email protected] ______________________________ (35) أحمد محمد إسماعيل النور تجارة الزقازيق - محاسبة برالمة 84 1985/ نيالا مقيم بالسعودية مدينة الرياض موبايل :00966501960947 ت منزل : 0096614111233 [email protected] ____________________________ (36) طارق جبريل خريج بيطرة 1990 هاتف: 00212667445928 [email protected] مدير الادارة الفنية لمجموعة اخبار اليوم المغربية الرباط-المغرب _______________________________ (37) عفاف علي ميرغني زراعة الزقازيق92 من مواليد كسلا الاقامة الحالية السعودية الرياض تلفون 00966501292285 ___________________________________
ونواصل...
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
بسم الله و السلام عليكم و رحمة الله و بركاته ما أجمل أن تعود من كسلا....وتاخد ليك جمة في مدني.... وتجد موسى عيسى قدامك ثم يأتي يوسف عبدالله خالد..جايين من الخرطوم وذلك بغرض تقديم واجب العزاء باسم ناس الزقازيق أجدع ناس لكل من عصام جلي في وفاة والده...وسعاد عبدالرحمن في وفاة شقيقها... الموقف حزايني....لكن يتوقف الزمان عندما تجد أناس زقازيقو الهوى محمد المبارك (تجارة و نسيب عصام جلي)....علي حسن (آداب) و عبد الله الزبير (تربية)، يوسف نور الجليل (علوم)، عبد الهادي عبدالله (تجارة) و الجماعة المذكورين عارفين نحن جايين وكانو منتظريننا عند ناس عصام جلي.. دايرين تعرفو قلنا شنو...مش؟؟؟؟
غايتو أنا شقي و مجنون بي حبكم
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: ولكننا نريدها منافسة نوعية، تجبرنا على إخراج احسن مما عندنا لتجبرهم على رفع القبعات لنا |
يا جلال انت مشووووطن....وريني الحاجة المانوعية في المداخلات عندما نقول مبروك للأخوان عزام..و محمد علام ...دا ما نوعي؟؟ في زول يحكي عن حفرة الدخان أحسن من الزول القاعد يكسر الطلح في المغرب ...دا ما نوعي؟؟؟؟ في زول يجيب ليك صور نادرة من سنة حفروا البحر..وانت طاشي شبكة و تقول يا سلام...دا كم و لا نوع؟؟؟ ولمن نجيب صور لي ناس صغار السن زي ناس محمد عيد وتجي فافي بت كسلا وتقول دا فلان و دي فلانة..دا مش تواصل؟؟ لمن اللمة تكون عند الريس و الكل مبتهج في الصالون زي كلية التجارة ما فيها أي زولة ...مش حق علينا نعلق؟؟؟ لمن عبد الدئم يقول حي وووب..أحييييي وتاني وووب....ويستنجد بي منصور الغتيت ويقول ليهو شيل الرماد داك ...و التراب ما كبيتو كويس ...دا مش نوعي؟؟؟ لمن الرشيد و نجاة حوفي يتبادلو البري و يجيبو ليك مواضيع عن الخجل المشاعري لدى السودانييين...دا كيف و لا نوع؟؟؟ بالرغم أنا قاعد أعلن صراحة بالحب في هذا البوست لمن الناس تسأل من الأمجاد بالتقسيط ويقول ليها ربنا يديك الصحة و العافية وتجي تشتري كامري بالكاش دا اسمو شنو؟؟؟ لمن سامي عبد الوهاب يجيب رصة الداتا بتاعتو لو في زول جديد جا...نقول ليهو شنو؟؟؟ لمن البادي يغيب ويقول ليكم لو في أي لمة كلموني...ونحن عارفنو ما حا يجي لأنو يقول ليك كنا و ..كنا ..و كنا...مش برضو تواصل؟؟ لمن الزول يسأل من الريس ميسرة...الحرد الرئاسة بعد الريس معتصم ...مش حقنا نسأل منو؟؟؟ لمن جنابو محمد صديق يقول جاييكم يوم الخميس الفات مش إنتو منتظرين؟؟ ...طيب ليه؟؟؟ ...مش في حاجة نوعية جاية في السكة؟؟؟ لمن الزول يكون متابع و مستمتع ..ويدخل عليها حاجة جديدة و يقول مستمخ...وفيها حجر شيشة ..دا مش كيف نوعي؟؟؟؟ لمن أقول ليك خليهم يرفعو القبعات ساكت و كمان دا قليل من كثير ...داير تقول لي دا ما نوعي؟؟
ليه ما أجن إذا أنا داير أغير من الحب لي الجن!!
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
دكتور عصام دهب كتب جلال عثمان ( ماشاء الله عليكم .... يديكم العافية .... ياناس مابتنوموا!!!
Quote: انتو ناس الشعبيه عشان نحصلهم نملا بالفارغه والمليانه يا جماعه الفارغه بتحصلنا ليهم لكن ما بتقدمنا
اعجبني ما اثاره الريس معتصم اعلاه ويقيني انها من المستجدات في المنبر العام ان يكون التنافس بيننا وناس الشعبية ولكننا نريدها منافسة نوعية، تجبرنا على إخراج احسن مما عندنا لتجبرهم على رفع القبعات لنا وليس "حجار طلبة" كما عبر احدهم
يا اخوانا نحن فايتنهم فايتنهم .... ولن نرضى بغير البوست (الأول) لذلك فليكن التجويد شعار الصفحات القادمة
-------- معاً حتى المـــــــــــــــ100ـــــيل ) ده كلام جميل وعايزين نستمتع بالجميل وليس بـtset + وصور لبنات مع شباب في البحر (صوره مقلوبه وحفاظا على اخواتنا) من المشاكل وانا من كتب حجار طلبه وهذا لاثارة المنافسه ياغالين ولتشجيعكم وتشجيع ناس الشعبية بالمشاركة . يادكتور عصام دهب تقابلنا في افطار جده كل الود والاحترام وعندما تجودوا لنا بالجميل من شعر وادب وثقافة سوف نرفع لكم قبعاتنا ونقف ونصفق لكم مع التوفيق يازقازيقاب وعايزين نرفع القبعات ولا نقلب البرنيطه
____________________ اها انا رفعت ليكم البوست كمان شويه ( لايوجد عندي قطع ولصق )معليش
| |
|
|
|
|
|
|
Re: ناس الزقازيق ... أجدع ناس .. (Re: وليد عبد اللطيف)
|
Quote: يا جلال انت مشووووطن....وريني الحاجة المانوعية في المداخلات |
هذا ما قصدته تماما ... مداخلات من النوع المشوطن ده ... يعني لما يجي جلا ويكتب ليه مداخلتين شحمانات كدة البخليني ما اشوطن شنو ويجي جلا ويقول ليك جاي من كسلا ومليان دعاش القاش البخليني ما اشوطن شنو لا وكمان لما جلا يغشى مدني ويقول ليك "وتجد موسى عيسى قدامك ثم يأتي يوسف عبدالله خالد..جايين من الخرطوم ده بالله مش ياهو الشوطنة ذاتا احبكم وانا اثير فيكم الشوطنة وانتم تنثرون الدرر
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
شكرا ياوليد على وجودك بيننا .... وهذه دلالة على انك متابع ومستمتع وما تخاف علينا فايتنكم فايتنكم بس انتو شدو حيلكم ساكت ونتمنى ان تحضروا القبعات والبرانيط من الآن على ان تكون من النوع الجيد
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: ده كلام جميل وعايزين نستمتع بالجميل وليس بـtset + وصور لبنات مع شباب في البحر (صوره مقلوبه وحفاظا على اخواتنا) من المشاكل |
ياوليد .... هي ليست صور بنات مع شباب كما سميتها بل هي صور لزملاء وزميلات جمعت بينهم صلات اقوي وامتن من ان اعبر عنها هنا والدليل هذا البوست ... وادعوك لتصفح بعض صفحاته لتكتشف ماهي هذه الصلات وليد هل تعلم ان اكثر من 50 زميل و زميلة اضافوا لهذه الصلات التي احدثك عنها رابطة الزواج ومنهم اعضاء هنا ... بجوك براهم بعد شوية وصورك المقلوبة دي بعدلوها ليك لما تآمن
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
أمسك يا جلال كبيت لي ناس الشعبية الكلام دا في البوست بتاعهم سلام ياناس الشعبية بختكم فأنتم يجمعكم الزمان و المكان وهذا على لسان واحدة زقازيقية شرسة بس نحن يجمعنا الزمان فالمكان ليس له حدود بيننا نعشق الزقازيق و لا زلنا نحن قد نكون من درب رام الله أو من جبل الزيتون أو من الله كريم في كردفان أو جبل التاكافي كسلا لا يهم!!! نحن زقازيقو الهوى و كفى!!! قلنا نسلم عليكم ونزيدكم مداخله ...و الله نحن نحبكم دون شك علماً أن هناك زقازيقون شعبيون ليس وطنيون أو ليس بأمة ولكن قد يكونو ميرغنيون
Quote: وينك يا عبد الكريم الجماعة طايرين بسرعة الكونكورد |
شمس الدين قول ما شاءالله ...عندنا واحدة سميناها أمجاد بالتقسيط ..ألمت بها وعكة لم تأتي حتى الآن أدعو معي لها بالصحة و العافية...و إذا قدر الله جات اليوم...ما عارف أقول ليك شنو؟؟؟ تذكر يا شمس الدين في واحدة من منافسات الدوري الممتاز لمن المريخ كان متقدم على الهلال بسبع نقاط ثم جاالهلال و شال الدوري من المريخ...وبس!!!! الكلام دا ما عندو أي علاقة بالبوست بتاع ناس الزقازيق و البوست بتاع ناس الشعبية
خلوني يا ناس أقول ليكم بحبكم
| |
|
|
|
|
|
|
Re: ناس الزقازيق ... أجدع ناس .. (Re: وليد عبد اللطيف)
|
يا وليد صباح الخير من الصدف الجميل حينما زرتنا هنا كنا أنا وجلا في حيكم العامر بتلات مداخلات متتالية رغم المنافسة بين البوستين ..
بخصوص مداخلة test هي المداخلة الوحيدة في هذاالبوست التي تحمل كلمة واحدة وجاءت في معرض شرحي لأحد الأصدقاء لكيفية التعامل مع المنبر العام وكان من المفترض نعمل عليها تعديل بمداخلة حقيقية والمنافسة مع ناس الشعبية لن تجعلنا نضعف المستوي العام للبوست بخصوص الصور فهي صور تذكارية لعدد من أعضاء البوست واصدقاءهم ويبدو أنك لم تتابع البوست من أوله لتعرف حجم العلاقة بين ناس الزقازيق أنصحك بمتابعة ولو سريعة للصفحات الماضية لتعرف سر هذه العلاقة ، ومعظم من يظهر في هذه الصور من الزميلات هن زوجات لكثير من أعضاء البوست وخريجي الزقازيق ، وحتي اللائي تزوجن من خارج ناس الزقازيق اصبح أزواجهن أصدقاء لنا ، ومن المتابعين لهذا البوست بشدة .. وليس هناك ما يعيب أو يشين بنشر هذه الصور ولك جزيل شكرنا وخالص ودنا ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: غايتو انا متبرع ليك بالفنانين كمال الشادي و احمد عوض بجيبهم ليك تب والعازفين جاهزين هاني برعي - زكي - ابولكيلك انت عليك عماد شريف وماتنسى تعزم الجكس بتاع لكوظ ناس المساكن بعزمهم النضيف
|
والله يا جلال ما قصرت وعماد شريف دة خليه علي الزول دة كان بيدرس في السويس ومقيم مع ناس بيطرة
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
تحية و سلام لأجدع ناس و أصحابهم و أصحاب أصحابهم ذاتوو ..
و الواحد بقى مع ـ إنتهاء الإجازة وبداية الدوام ـ ما مصدق يلقى ليهو فرصة عشان يتاوق و يستمتع ..
لكن عشان يصدق أكتر معاها تأكيد حضور و إستمخاخ ..
و الحوش محروس بي الناس الرائعين ..
و شكراً جزيلاً يا وليد عبد اللطيف و سعيدين بحضورك و متا بعتك و تشجيعك كسعادتي بلقائك ..
Quote: يادكتور عصام دهب تقابلنا في افطار جده |
و شكراً تاني على توشيحي بلقب ( دكتور ) و أنا مجرد ( إسيتيذ ) يا دوبك ياخي ..
شكراً لكل من منحونا هذا الجمال ..
| |
|
|
|
|
|
|
|