|
Re: ناس الزقازيق ... أجدع ناس .. (Re: الرشيد بابكر)
|
العزيز الرشبد اولا اعيد ترتيبك حسب العمر لانو عندى فيهو تحفظ واناقض نفسى عندما ضحكت كثير وانا اقراء الواحد يقبض مثتان جنيه0000فعلا ضحكت وقلته الغبيان ده ماحضر ال28 جنيه مرتب بند العطاله بتاع الهندى !!!!!!!
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: العزيز الرشبد اولا اعيد ترتيبك حسب العمر لانو عندى فيهو تحفظ واناقض نفسى عندما ضحكت كثير وانا اقراء الواحد يقبض مثتان جنيه0000فعلا ضحكت وقلته الغبيان ده ماحضر ال28 جنيه مرتب بند العطاله بتاع الهندى !!!!!!! |
معتصم لو بالشنب حيكون زهير الأول و الأخير يا جلال يا محمد عيد...أما الترتيب التاني ده فكلمنا انت عنه... أنا ال28 جنية ديل ما حضرتهم...لكن المائتين ديل كانو حارقني جدا...الدوام من ستة صباحا لحدي ستة مساءا والقعدة في ضل التراكتور في عز الصيف وبعدين يدوك مائتين جنية كنت بجي من الجزيرة شايل القروش بتاعت شهرين...يعني اربعمائة جنية أنزل من البص جمب المركز الاسلامي في أركويت عشان أمشي البيت...أشتري لي فواكه لي ناس البيت بي مرتب شهر كامل...تخيل التعب ده كلو يطلع كم دستة برتكان على كم دستة موز على شوية منقه...و جيت راجع كمان بي تايفويد رقدني شهر كامل في البيت... حسة أيام زي دي تقول يا حليلة ولا تقول الله لا عادها...
كلما أتذكر الأيام دي أتذكر لما نجاة حوفي في الأعياد واحد يقول ليها ان شاء الله ربنا يرد غربتكم...تقول ليهو مالك بتدعي علينا في العيد...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
في العام 1990 تكونت جمعية أبوزمام الزراعية من مجموعة من خريجي كليات الزراعة و كان زراعي الزقازيق أغلبية في الجمعية وهم...عاطف القوز..خالد موسى..مالك المبارك... صفوت حسن..صفاء عباس...حنان القطينة...هالة اسماعيل...و شخصي...و أرجو أن لا أكون قد نسيت أحدا منهم... استغليت علاقتي بالاستاذ بدرالدين طه و الذي كان مديرا للبنك الزراعي في أخذه الى وقع المشروع في شمال الجزيرة أنا و الأخ عادل عبدالرحمن خريج زراعة الخرطوم...فساهم الرجل وبكرم شديد في تأسيس البنية التحتية للمشروع... كان لوجود الزقازيقاب الأثر الكبير في قبول التحدي وخوض التجربة رغم صعوبتها في البدايات فعشنا التجربة وكأننا في احدى رحلات كلية الزراعة...نقلنا جو الزقازيق الى الجمعية الأمر الذي جعل الجميع من خريجي الكليات الأخرى يلتفون حولنا ويقتدون بنا... زرعنا و حصدنا وتاجرنا بعائدات زراعتنا كمجموعة...لم نكن تجارا جيدين ولكننا لم نخسر... ازدهرت أحوالنا كثيرا في الفترة الأولى...حتى ابتدأت الانتاجية في التدهور...و زاد ضغط البنك الزراعي علينا و الذي لم يمولنا الا عبر ما يعرف بالسلم وهو صيغة من صيغ التمويل الاسلامي... كان عندي عدد من الخراف في المشروع..ابتدات باثنين فازداد العدد يوما بعد يوم..و كنا نزرع الذرة و القمح والفول كمحاصيل نعتمد عليها اعتمادا اساسيا... في سنة 1994 وتحديدا في شهر أكتوبر قررت أن أنهي عزوبيتي وكنت وقتها بعمل في كورس كمبيوتر في معهد بايت قرب سينماء كلوزيوم...أدخلت في الكمبيوتر أول خميس في سنة 1995...فطلع يوم 5/1/1995 فقلت لنجاة حوفي سنتزوج في ذلك اليوم...عندما قررت ذلك كان في جيبي ما يعيدني الى البيت فقط...حتى لم استطيع الاحتفال مع نجاة على كوب ليمون أو غيرة... كتبت رسالة طويلةالى والد نجاة لأخبره برغبتي في الزواج من ابنتة...ثم تبقى لي الجزء الأصعب وهو مفاتحة والدي في الأمر فلقد حددت حتى تاريخ الزواج و حتى دونما أن أخبر والدي بذلك.. كان والدي يرقد في سريره بالحوش في ذلك المساء و حولة مصاحفة وكتب أوراده...كان يرتاح في الفترة ما بعد المغرب وقبل العشاء...أحضرت كرسيا و جلست أمامه وكان يبدو علي الارتباك الشديد...بادرني بي...خير مالك في شنو...كان ذلك بعد ثمانية سنوات من تخرجي من الجامعة.. قلت له وبعد تردد شديد...و الله يا أبوي أنا قررت أتزوج ان شاء الله يوم 5/1 السنة الجاية.. يا زول...و كمان حددت التاريخ...كنت أتوقعة أن يسألني من هي العروس...و لكنني فوجئت به يقول مش دي البت الجات معاك قبل كده من مصر...كان ذلك في سنة 87 أي قبل سبعة سنوات كنا قد عدنا سويا أنا ونجاة بعد أن أكملت نجاة التيرم الأول وكنت أنا قد استخرجت شهاداتي وو دعت الزقازيق... قلت له أيوه هي البنت زاته الجات معاي من مصر...كان سؤاله رغم مفاجأته كان مريحا جدا فقد أعفاني من مقدمات كثيرة...ثم سألني عن عائلتها من أين هم...ثم عن استعدادي فأخبرته بكل شئ...فارتاح أبي وقال لي على بركة الله مبروك... قمت من أمامه فرحا...و لكن بمجرد أن قمت نادى أخي الأكبر محمد ولم يكن متزوجا وقتها... و قال له أسمع أخوك الصغير عايز يتزوج في شهر واحد...لازم تجهز نفسك و بسرعة عشان تتزوج معاهو...لكن يا أبوي..أراد محمد أن يتملص...ما لاكن ولا حاجة أمشي جهز نفسك وتعال... وكان...تزوجنا أنا و أخي محمد في نفس الفترة..أراد الله أن يسبقني بايام... فكنت أقول زنقات قوم عند قوم فوائد...
حاولت الاختصار قدر الامكان... أؤجو أن لا تكونو قد شعرتم بالملل...
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلام والف سلام لي ناس الحوش الجميلين.
والله علي قول محمد صديق البوست بودي الزول التوج... لكن بيني وبينك بقي لينا في رمضان ده احلي من الحلو مر...
حلاوة في التقاء الذكريات من الحبان... ومرارة في انك مابتقدر تتابع كل شي وكل صفحة والتصفح اصبح سريع جدا... وحتي الصفحات ماشاء الله بقت سريعة جدا قفز صاروخي...
مرحب بيكم جميعاً...
وبعدين يا محمد عيد الصور والرسومات المتحركة دي قاعد تنكتها من وين ...فنان ورهيب... بس الزغرودة دي كلها عشان كيه في الرشيد ونجاة...اه اه اه اه اه اه
يا اخوانا شايف موسي عيسي بعد الثلاثة همد خالص ...الحاصل شنو ؟؟؟ عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
Quote: بالله اتكلموا لينا عن صلاح علي صالح |
والله ياطارق جبت سيرة زول له في القلب معزة خاصة ولدنا ودسنار (العنصرية ظهرت) واحد من السناير الذين ندين لهم بالفضل الكثير وقد كنا محظوظين انا ومحمد الهادي ان وجدنا امامنا في الزقازيق صلاح علي صالح ومحمود يعقوب خاطر يا اخوانا وين بالله محمود سارتانا دا؟ في زول عندو خبر منه؟
| |
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
Quote: داير تقول للناس انكم انت ونجاة حضرتوا عرس محمد عيد
حتى قبل ما تعملوا خطوبة رسميـة ..؟
|
قالو كل زول بيستخلص من أي قصة ما يناسبة...حسه الجاب سيرت عرسك منو...و منو من البرالمة ديل بتذكر انت عرست بتين...و منو السألك قال ليك الرشيد ونجاة ديل لما حضروا عرسك كانو مخطوبين ولا معرسين...انت والله بقيت متلقي حجج كبير يا محمد عيد..
بعدين قصة الكبير منو دي أسأل منها جلا ومحمد صديق و زهير أمك قالت شنو لما مشينا اتونسنا معاها في البيت...أنا ما بقول حاجه لحدي ما يجي جلا راجع...عشان ما تقول أنا بتاع شمار...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: حسه الجاب سيرت عرسك منو |
يالرشيد محمد عيد عرس لما
Quote: ناس زهير كانو برالمة و جارين ورا العلاقات الثقافية ؟؟ |
براهو قال وطبعاً نحن برضوا كنا برالمة ولم نحظى بحضورهذه الايام السعيدة عشان كدة بالله ماتنسوا تعزمونا في زكري عيد زواجكم الكم وع.....ين الجاي يا جلاكين
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا ولد يا قليل الأدب احترم أعمامك ديل...شنو جلاكين دي...سفاهتكم بتاع أولاد الزمن...حسة أقوم أطقك بالمركوب ده...و لا أطلع تكة السروال ده أخنقك بيهو أولاد آخر زمن.... |
يا حاج أمي عاوزاك بي غادي قالت ليك تعال جلال أعمل حسابك من كلام الجلكين دا!!! معانا جكسي وانت عارف كدا
أحبكم زي ما انتم
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
جلال ان شاء الله قاعد تتحرى ليلة القدر الأيام دي...
بس أوع تبقى عليك قصة الزول الجاتو ليلة القدر وبعدين اتلخم قال ان شاء أبقى ادريس صلاح بدل ما يقول صلاح ادريس...قام الصباح لقى في كارو واقف قدام الباب حسة مع البوست ده تقوم تجيك لية القدر تقوم تتلخم و تقول ان شاء الله أبقى محمد عيد تصحى تلقى نفسك عمرك 55 سنة...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا حاج أمي عاوزاك بي غادي قالت ليك تعال جلال أعمل حسابك من كلام الجلكين دا!!! معانا جكسي وانت عارف كدا |
جلا وين انت يا دفعة دفعة دفعتي...عليك الله تعال شوف الأولاد ديل...ديل لما جو الزقازيق كانت الرغيفة الجينز بي 25 قرش...نحن في زمنا بي 25 قرش تشتري سبت كامل...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
رشيدالقوم اوكابتن الرشيد اى ملل هذا الذى تتحدث عنه لا تلتفت للمغرضين والمحبيطين فما كتبته رائع ويستحق التسجيل وكم استمتعت به وانا اقراءه مثنى وثلاث انها كفاح الزقازيقاب جميعا لاثبات ذاتهم وايجاد مكان لهم تحت الشمس فى زمن الفرص المستحيله وقد كان انها قصة كفاح مشرق من حق اولادنا ان يستفيدوا منها0 اتحفنا فلاملل البته بل متعة وسعاده بقصة نجاح زقازيقيه0
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: نحن في زمنا بي 25 قرش تشتري سبت كامل... |
كلامك دا يا حاج الركز معليش أقصد حاج الرشيد يعميني و يطرشني أنا دفعتي عفاف ميرغني و صالح تبلدينا انتو عارفين يا جماعة أبهاتنا و أعمامنا دائماً يحلو ليهم السهر و السمر تحت القمر وطالما هذا البوست يعتبر قمر لكل الناس المتداخلين فلا بد من وجود أخوانا القاعدين الآن المحيرني محمد عيد و منصور غاطسين وين؟؟؟ ما عارف جلال خلاص أمشي نوم كفاك
أحبكم و أنا فاقد الريس ميسرة
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: وكم استمتعت به وانا اقراءه مثنى وثلاث |
معتصم جعفر ان شاء الله ربنا يمتعك بالصحة و العافية ويجبر بي خاطرك زي ما جبرت بي خاطري...
بس نصيحة أخ...أوع تتمها وتقول رباع بيجيب ليك الهواء الكلام ده...الجماعة ديل متلقين حجج...الجماعة ديل منو...ما شغلتي...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: أوع تتمها وتقول رباع بيجيب ليك الهواء الكلام ده... |
يا عم سيييبو و الله خربتها لي .....فرصة زي ما بتتلقي ....دايرين نشوف مويتو شنو؟؟؟ ما شايفنا بنعمل ميتين في حاجات ....دا كلو عشان نمسكو بالثابتة الله يخرب مطنك
أحبكم و الدش مات في يدي
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: جلال ان شاء الله قاعد تتحرى ليلة القدر الأيام دي... بس أوع تبقى عليك قصة الزول الجاتو ليلة القدر وبعدين اتلخم قال ان شاء أبقى ادريس صلاح بدل ما يقول صلاح ادريس...قام الصباح لقى في كارو واقف قدام الباب حسة مع البوست ده تقوم تجيك لية القدر تقوم تتلخم و تقول ان شاء الله أبقى محمد عيد تصحى تلقى نفسك عمرك 55 سنة... |
يا حبيب ... ربنا يجعلنا واياكم من عتقاء الشهر الكريم والله ضحكتني لامن صروا لي وطوالي حكيتها للحاجة اها يقصر الملح طوالي قامت ردت ليك: والراجل الجاتو ليلة القدر واتلخم بدل يقول بقر بدون حبال قال حبال بدون بقر اها قال ليك تاني يوم الحلة كلها والحلال المجاورة نجدوا العناقريب للعيد
ودي حصلت جد جد حسب رواية الوالدة وبطلة القصة جدتي ام الوالد عاشة بت سعيد ودبادي رحمة الله عليها حيث كانت معنا في سنار وكانت رحمة الله عليها تعاني من ضعف البصر وبجوار منزلنا يوجد عمود نور وكانت نفس هذه الايام من عام 85 المهم ياسيدي الحاجة جاتا صحية قبل السحور بشوية ، فما كان منها الا ان قابلت ليك النور وهاك يادعاء تخلي لي وليداتي وطول عمرهم وتديهم وتديهم .... الخ وصحى الوالد ونقش ليك موضوع الحاجة فما كان منه الا ان تمتم والله ياحاجة ليلة قدرك دي حدها الخزان بس (خزان سنار)
جلا امش نوم انت ياخ وردية النهار البشتغلها منو؟
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: كلامك دا يا حاج الركز معليش أقصد حاج الرشيد يعميني و يطرشني أنا دفعتي عفاف ميرغني و صالح تبلدينا |
جلا ...ان شاء الله يضووا ليك... هو أنا قلت دفعتي...أنا قلت دفعة دفعة دفعتي..يا كيشة...عارفك بياع و المشتهي......يطيييييييييييير
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: أنا قلت دفعة دفعة دفعتي..يا كيشة |
يا جمااااااعة هووووووووووي ألحقوني ....كلام بليل ما بتفهم المشكلة الناس بليل بتغاتتو خاصة إذا كوركت يقولو ليك خليهو ياكل نارو مع الحرامية قدر ما قريت كلا الرشيد ما فهمتو و وزنتها على ولد ولد ولدي ...برضو ما جاتني...يا بتاع المغرب كان قريب حصلني و انجدني...زول البيبسي تلقاهو نائم
أحبكم و كان عندكم محاية جلبطوني بيها
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: تفوتوها كيف ولسة ما جبنا ليكم الارز المصرى؟؟؟؟
|
انت عارف حكمة ولدي مهند و الأنا عاجباني جدا بيقول لي يا باباTAKE IT OR LOSE IT فحسة نحن موضوع الاعلان طرحناه وقلنا ننشئ شركة دعاية واعلان...جاء زهير قال الا تمشوا مصر...قلنا ليهو يا زهير نحن قلنا ليك عندنا غضروف عشان نمشي مصر...نحن عايزين نرجع نعمل شركة سودانية وبمواردنا المحلية... أها الموضوع مافي زول اشتغل بيهو لحدي ما القطر فات خلاهو...
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: يا ناس زراعة بما انكم بقيتوا اغلبية بالله اتكلموا لينا عن صلاح علي صالح الزول دة من اروع ما خلق الله صراحة |
طارق جبريل الطاشي...صبحك الله بالخير.... لم نتجاهل طلبك...فصلاح علي صالح ليس بالشخص الذي يمكن تجاهلة....لقد تحدثنا عنه سابقا في هذا البوست...و حكى محمد عيد كيف ان صلاح وقف وبشجاعة أمام مجموعة من حزب البهجة وقال لنا بعد أن تم ترشيحه ليمثل المجموعة في انتخابات الأسرة ليقول بأنه جبهة ديموقراطية... لقد كان صلاح علي صالح هاشا باشا متبسما في في وجه كل من يلقاه...يتفق حولة الجميع ديموقراطيين واسلاميين لأنه كان صادقا وصالحا...وفي نفس الوقت كان جادا جدا...
ليس هذا و حسب...و لكني أنقل الميكروفون لعفاف و حاج الركز...فحاج الركز أحسن من يتحدث عن صلاح لو عفاف أدتو فرصة في الباسورد....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
رشيد .. الله يديك الف عافية
والله انت كل يوم بتثبت انك اكثر واحد فى البوست
بيحرص على المشاركات والمداخلات وما بيهون عليهو البوست يغطس ابدا
هســه انا مساهر وما عندى شغلة ...
الزول ده مشى نام ليهو ساعتين وصحى للفجر وبرضو اصر على التداخل
ابو مهـــند ..
القبعات المرفوعة ليك كترت ..
انشاء الله بس دولابك يشيلها
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
صباح الخير يا وجوه الخير 000 اخلي الناس في صفحة 56 الاقيهم في 57 ماشاء الله على كدا انا ابطل خبيز وكعك وشوبنج 0000 ويا الرشيد انا لوعايزة احكي عن صلاح علي صالح ح تقول لي دي ملامح حاج الركز 000 غايتو لكن 000 (وش برلومة عايز يحرررررد)
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا الحبيب عثمان الجيلي اخوك والله مزنوق زنقة ما
تتمناها إلا لعدوك أولا العشرة الأخيرة من رمضان
وكمان السفر اليوم مساءا و ما زلت مداوم حتى
الساعة الثالثة مساءا و لسع في حاجات في السوق
و بعد كل نصف ساعةيجييك اتصال سريع بالله يا بابا
جيب معاك و جيب معاك و انت عارف اخوك ابو بنات
و ما قادر ارد طلب لأي وحدها فيهم .
يعني يا عثمان الموضوع موضوع لياقة و بس و
عينك ما تشوف إلا النور بعد ما نصل لبت الشيخ
هناك ؟ انشاء الله بعد ما الواحد يضرب ليك صواني
ياسر نجيلة و شواشو جلا و عوازيم الزناتي اوعدك
حاستلم ليك البوست و اريح الرشيد و محمد عيد
من الورديات دي ؟
يا عفاف ميرغني ما شاء الله العين بادرة شايفك
مجدعه في البوست فامرحي و شوفي لينا المواضيع
الممكن تجرجر لينا بعض الناس للبوست ؟
و التحايا للسيد حاج الركز .
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
يا عبد للدائم ماشاء الله على صورة البروفايل الفيها الأمورتين ديل و عيني باردة اللهم أحفظهن من كل شيطان و هامة و من كل عين لامة اللهم أجعلهن من المستورات القانتات و اجعلهن من الصالحات و البارات بوالديهما اللهم حبب لهن السودان آمين آمين آمين آمين
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
اللهم أحفظهن من كل شيطان و هامة و من كل عين لامة
اللهم امين يا جلا
شايف ناس مول الجنوب عارضين علينا المول بالاضافة لسوق الاهدل وما اديناهم رد الى الان .... رايكم شنو تجو ولا نجى يا ناس ابوظبى
ايرلندا والرباط .... خليناهم زى زيت صباح الفلت
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: يعني يا أبو الزوز نحن ناس جلال و سامي كان ما البوست ده كان سمعنا بيهم... |
والله يا رشيد القوم مؤكد إنو نحن كنا بنعرفك كويس جدا لأنو لما جينا الزقازيق دي كان عندنا هوس كورة (أنا بشجع بس) وجلال دا جانا من أهلي سنار عدييييييييييييييل كدا لذلك كنا متابعين كل الناس (الحرفا) وكمان أنيقين... بعدين نحن جينا الزقازيق سنة 1986 وتعرف ونحن في مدني الثانوية في فصل أولى (رشد) كان في واحد صغيروني درجو جنب درجي طوالي وكنا أصحاب وكنا بنسميهو (علي صغيرون) وهو الأخ الفاضل (علي بابكر) شقيقك الأصغر... أها شفتني بعرفك كيف؟؟؟ _________________________
فاتني أن أقول لأخونا الدكتور زهير ألف حمد لله على السلامة وإن شاء الله ما تشوف شر
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
Quote: أها شفتني بعرفك كيف؟؟؟ |
و الله يا سامي هذا شرف لي أن تعرفني...ربما نكون قد تعاصرنا لأشهر بالزقازيق و لكننا لم نتعارف كما نتعارف الآن...و معرفة شخص مثلك لا شك أنها كنز واضافة مقدرة لمعارفي...أسأل الله أن ألتقيك مرة أخرى على الخير..و لقد فاتني هذا الشرف في اجازتي الأخيرة...
علي بابكر شقيقي الأصغر...زاملك بمدني الثانوية و زامل طارق جبريل بالخرطوم الجديدة...و تجمع بينه و نادر فاروق علاقة طيبة....شفت البلد دي ضيقة كيف....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: وما اديناهم رد الى الان .... رايكم شنو تجو ولا نجى يا ناس ابوظبى |
يا ديدو ما شاء الله تبارك الله ولا حول و لا قوة الا بالله...ان شاء الله ربنا يحفظهم ليك
و الله يا ديدو مع الجكس النضيف ده أبو مهند زاتو يجي مش مهند...و كان ما لقينا بمطار أبو ظبي بنجيكم بمطار دبي...ينفع؟؟؟
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ايقاعى الرمضانى -خاصة فى العشرة الأواخر مختل وضارب كمان رايح لى نوم كثير خلاص لا يمكنك ان تفصل ايقاعك من ايقاع البيت يعنى لمن تجيك ايثار -بتى الكبيرة الساعة ثلاثة صباحا وتقول ليك يابابا بدل ما تنوم وتانى تقوم للصلاة تعال نلعب ليدو ولا عشرة كوشتينة بينك وبين نفسك تقول البت دى جنت ولا شنو ؟؟ ولكن تعرف بينك وبين نفسك برضو انو ده الأيقاع السائد والمسيطر ايقاع رمضان الذى تجبرهم فيه على النوم والذهاب للسرير فى الثامنة صباحا وانت مضطر تمشى المكتب بين نائم وصاحى وهم ما عندهم حاجة مستعجلين ليها تجى من المكتب وانت (نايم عديل بعد ان تغلب نصفك النائم على نصفك الصاحى ) وتلقاهم لسه نايمين تجدع نفسك فى السرير , يأذن المغرب , يقولوا ليك وهم بيصحوك يابابا ماعايز تفطر ولا شنو ؟؟؟ بالحيل عايز افطر , لكنى عايز انووووووووم كمان وترجع الساقية للدوران انتو العيد متين ؟؟
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
عند المصريين مثل عامى يقول تعرف فلان ؟؟قالوا ايوة عاشرتو ؟؟ قالوا لا قالوا ما تعرفوش وتم تعديل المثل مؤخرا تعرف فلان ؟ ايوة زاملتوا فى بوست واحد لا ما تعرفوش التوقيع سامى عبد الوهاب والرشيد بابكر (الحلم فى يوم من الأيام لمن جا تعبااااان من الخلا انو غلب الصحافة وادوهو اربعمية وخمسين جنيه)
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
سأل طارق جبريل عن صلاح الدين على صالح انا اجيب ممتنا , ملئيا (بزهو الحكى وخيلاء الحكايات القديمة ) فى نواحى القصيم ضاحية البكيرية كاى فلاح ومزارع حقيقى يقيم صلاح على صالح الآن يمارس صدق التعامل مع حاصدات البطاطس , وبذارات البرسيم و مرشات المبيدات والأسمدة يدفع له اجرة العمل والحصد والبذر والرش مزارع او اثنين ويخلف وعده الباقون هل يعيدالتاريخ نفسه ؟؟ عندما اجتمعنا -ذات ليلة زقازيقية شتائية - نتدارس امر الأسرة الزراعية هل كان ذلك فى العام 1984 يا محمدعيد والرشيد؟؟ فى تلكم الجلسة كان درس الصدق الاول الذى ادخل صلاح على صالح فى قلوب زملائه كان محور الخطاب -ساعتها -ان المجتمعين يهدفون الى تكوين لجنة جديدة للأسرة تختط خطا اجتماعبا اسريا خالصا يخلص الأسرة من (شطط السياسةوجنوح السياسيين ) كان صلاح ممن رشحه المجتمعون لتبنى ذلك الخط فكان ان وقف معتذرا كاشفا عن هويته السياسية التى لم يكن يعرفها احد ومؤمنا على الفكرة كخطوة اولى نحو اعادة اللحمة الاجتماعية التى كانت فى طريق اللاعودة ثم دلف خارجا من الأجتماع , مؤمنا على حقنا فى رسم طريقنا دون وصاية من أحد كان يفعل نفس ما يفعله الآن مع مزارعى البطاطس والبصل ثم كان العكس تماما من آخرين , مارسوا خصلة (عدم دفع فواتير الحصاد ورش الأسمدة والمبيدات) الذى يفعله المزارعون معه الآن فذهبوا هم ببطاطسهم وبصلهم وباقى خضرواتهم الى (سوق الله اكبر ) فاصبحوا عندنا نسيا منسيا وذهب صلاح الدين على صالح , ببضاعة الصدق والشفافية التى يدمن بيعها وترويجها الى (قلوبنا ) فليكن اذن صلاح الدين على صالح شخصيتنا الزقازيقية لليوم وعفوا يا عفاف وحاج الركز , اذ سبقتكم الى ذلك (لقافة وحبا )
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: تجدع نفسك فى السرير , يأذن المغرب , يقولوا ليك وهم بيصحوك يابابا ماعايز تفطر ولا شنو ؟؟؟ بالحيل عايز افطر , لكنى عايز انووووووووم كمان وترجع الساقية للدوران انتو العيد متين ؟؟ |
منص عيد شنو هو ده...
آآآآآآآآآآآآآآآه....نعسان خلاص ماشي أنوم عشان أجي أبرى ليك نفسي بالليل برررررررررررررر..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الحلم فى يوم من الأيام لمن جا تعبااااان من الخلا انو غلب الصحافة وادوهو اربعمية وخمسين جنيه |
بعد ما قفلت الكمبيوتر وسديتو بالترباس قلت أمشي أنوم...و أنا بقفل شفت طرف مداخلتك دي فتحت تاني من أول و جديد... يا جماعة لو كان قلت ليكم المدرب قال لي أمسك ميسي كان قلتو..برشلونة...بالغت عديل كده..دي أديته كوز وزودتها شوية موية كمان...الصحااااافة يا جماعة ما برشلونة و عبدالرحيم لما سجل في الهلال توقفت عن تشجيع الهلال لحدي ما اتشطب...لأني ما زلت متذكر كلام الكوتش...الرشيد ما تخليهو يلعب كورة...
وحاتك تلاتة والشمس فوووووووق...
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
معقولة يا جلال لابدين للزول كده يمين المداخلة ي ما أخدت 30 ثانية عدلتها وانا اقرا (وجعلنا من بين أيديهم سدا ومن خلفهم سدا فأغشيناهم فهم لا يبصرون ...) بعد دا أجي القاك حصلتها ،،، يا ناس الزقازيق خطرين عديل كده
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
صلاح علي صالح إنسان متفرد ونسيج لوحده زاملته في السكن عامين متتالين وفي الجبهة الديمقراطية إنسان لا يجود الزمان بمثله .. فهو من أجمل الذين ألتفيتهم في حياتي علي الإطلاق كثيراً ما اقول بأني تربية صلاح علي صالح ،، وأن كنت اري بأني أظلمه بهذا الإقتران .. فصلاح إنسان كامل الدسم يحترم كل من يلتقيه وإن كان بينهما من الإختلاف ما يكون باسماً ، ضاحكاً ،،، متفانياً في خدمة الآخرين ، باذلاً نفسه للجماعة دون من أو أذي ،،، كان من قادة الجبهة الديمقراطية في مصر لفترة طويلة ،، من أخلص الرفاق الذين مروا علي التنظيم من تأسيسه ، كان يحمل العبء من أسيوط وحتي إسكندرية .. حتي تأثرت حياته الأكاديمية ، ولكن بإصراره وذكاءه الوقاد استطاع أن يتجاوز أزمته الأكاديمية في أشهر معدودة ، رغم أنه كان في أصعب أقسام كلية الزراعة .. لم أري شخص عليه أجماع من جميع الطلاب كصلاح علي صالح ... هنالك كثيراً من القادة والناس الذين يبهرونك وحينما تقترب منهم تكتشف بعض الأشياء الشخصية التي تصطدمك إلا أن صلاح علي صالح أستثناء من هذا ،، فسماحة نفسه هي نفسها ... لو كنت بعيداً منه أو قريباً ،،، لي معه آلاف الحكاوي والقصص حتماً سأحكيها هنا ... لم أري شخص في حياتي متفائل كصلاح ... أي مشكلة تطرأ مهما كانت عويصة لديه لازمة دائمه حا تتعالج مهما كانت العقبات ... لديه ضحكة من القلب من أشهر الضحكات في الزقازيق لم أراه مدبرس ، أو تعيس ،،، يا سلام عليك يا صلاح إتعلمنا منك حاجات كتيرة ... في الحياة والسياسة ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يازهير مسحت الكوت بتاع المداخلة عشان الجماعة الشمار يخليهم (يعطسوا) تعال نعمل حمد لبد اتخيل لي مافي زول شاف حاجة غيري الخوف من الرشيد لكن اكيد نايم زي المواعيد دي |
يا حبة الجلاكين ديل الواحد ما خايف منهم الواحد لو شاف المداخلة إلا يجيب ليهو عشرمية نضارة عشان يفرزها ,,, وزي ما بيقول جلال عثمان يجلوها ثابتة ...
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
التلميذ النجيب الريس معتصم ما شاء الله صور من العصر الفرعوني الأول يا ريت تنزل لينا بعض المعلومات عن الناس الفي صور وعارف أنك لا زلت علي صلة بالكثير منهم ونحت في الإنتظار ... عجبني لمنصور البقي ولد صغير يرسلوه ...
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
على احدى دبابات العدو المحطمه بالاسماعيليه عفراءسهل و معتصم سلمان من خلفهم كوثر منير وفى الاعلى اولاد بعشر يتوسطهم محمود ماهر الجميع تجاره نكتفى اليوم بهذا العدد ولنا عوده ان لم تمانعو فكثرة الطله بتمسخ خلق الله
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: يا حبة الجلاكين ديل الواحد ما خايف منهم الواحد لو شاف المداخلة إلا يجيب ليهو عشرمية نضارة عشان يفرزها ,,, وزي ما بيقول جلال عثمان يجلوها ثابتة ... |
أنا شخصيا كنت نايم و ما شفت حاجة...و كان شفت ما كنت قلت حاجه...انت قول الحمد لله جلا ما شاف حاجة...يختفي ويظهر مع الحاجات دي...
أحبكم حب جلا للشمار
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: نكتفى اليوم بهذا العدد ولنا عوده ان لم تمانعو فكثرة الطله بتمسخ خلق الله |
استمتعنا كثيرا بالصور يا ريس...و أجزم بأن هنالك متاوقين استمتعوا أكثر مني أرجو أن لا تحرمهم متعة استرجاع الماضي الجميل...واصل حتى ولو وصلت بنا الى الميل ستين..
بعض الصور حديثة نسبيا رغم أنها باهتة قليلا...فنوال رحمة الله عليها وكذلك احسان عوض من الجيل جديد...احسان عوض لم تكمل معنا...
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
يا سلام يا ريس الصور جميلة بس ما ظاهرة حبه ودا واضح من تقادم الزمن علي الصور وما عايزين نحسب عمرها خليها مستورة ... لكن واضح إنه تفاصيل الحياة الطلابية في الزقازيق حافظت علي أساسها الأتوضع ليها علي يدينكم ... وفي كتير من الناس هنا ما حصل لينا الشرف بمقابلتهم لكن سمعنا باسماء كتيرة منهم .... زي حنان الخطيب وأسامة دبلوك ... وقابلنا الراحلة العظيمة نوال محمد علي (زراعة) رحمها رحمة واسعة
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
تعرف يا الرشيد الحمد لله جلا ما كان في كان شال حالي ...
المهم كنت بتكلم مع معاوية يحيي قبل شوية قال لي بوستيكم دا ليه طوالي قاعد تقول الناس المتابعه ومسمتمعة نحن متابعين لكن ما مستمعين خاصة بعد كورة هلال مريخ ... عشان كده لازم نراعي شعور الناس المتابعه لازم تكون مسمتمعة ولا رايك شنو .؟
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: نكتفى اليوم بهذا العدد ولنا عوده ان لم تمانعو فكثرة الطله بتمسخ خلق الله |
يا ريس بالعكس طلاتك بتحــليك اكثر
خاصة مع اقترانها بهذا الزخم الجميل من الذكريات الموثقة
وكما ذكر الرشيد وزهير تعرفنا على البعض .. مثل المرحومة نوال
وعشة كروم وحنان الخطيب
وعلى فكرة المرحومة نوال دفعة ناس منصور .. يعنى بعد الرشيد بى سنة
يعنى ما يتجدع فيك ويعمل فيها برلوم قدامك ..
بالله واصل .. ونزل كل ما لديك من ذخيرة
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: المهم كنت بتكلم مع معاوية يحيي قبل شوية قال لي بوستيكم دا ليه طوالي قاعد تقول الناس المتابعه ومسمتمعة نحن متابعين لكن ما مستمعين خاصة بعد كورة هلال مريخ ... عشان كده لازم نراعي شعور الناس المتابعه لازم تكون مسمتمعة ولا رايك شنو .؟ |
و الله يا أبو الزوز انت عارف من الصعب أن ترضي كل الناس...فالمزاجات مختلفة و كذلك الميول...نحاول قدر الامكان أن نأتي بما يمكن أن يجمع معظم الناس حول البوست...هذه واحدة ثانيا نحاول أن نبتعد عن كل ما ينفر الناس من البوست...و بين هذه وتلك فاننا نعكس تجاربنا الشخصية في الزقازيق أو خارجها...فمن لم يستمتع بالرشيد فانه يستمتع بمنصور أو طارق جبريل مثلا وهكذا... أما معاوية فهو شخص رقيق و جميل وهو بلا شك مستمتع ان لم يكن بكل ما ينشر فبعضه يمتعة و أذكر أنني عندما قدمت لزيارتنا لوالدة محمد عيد بقصيدة حميد الرجعة للبيت القديم أعجبه ذلك كثيرا واستمتع به وأرسل لي رسالة على الموبايل طالبا مني نشر القصيدة كاملة...ففعلت ذلك من أجله...ما أمتع معاوية ربما يكون قد سبب الملل للبعض الآخر...
زي ما العافية درجات يا أبو الزوز...كمان المتعة درجات...
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: وعلى فكرة المرحومة نوال دفعة ناس منصور .. يعنى بعد الرشيد بى سنة |
عليك دينك يامحمد عيد دي موش ياها "انا واخوي الكاشف" ولا انت عاوز توضح الامور للريس وسعدنا جدا بالصور ياريس وهم وإن لم نلتقيهم فقد كانوا ذخيرة كما قال محمد عيد شكرا ياريس
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: عليك دينك يامحمد عيد دي موش ياها "انا واخوي الكاشف" ولا انت عاوز توضح الامور للريس |
جلال معليش أسمح لي أختلف معاك...دي ما أنا و أخوي الكاشف...دي أخوي الكاشف بس الزول ده عامل لينا فيها جاهل وديع مغرور...
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
حقيقي ونسة الناس الكبار دي سمحة جنس سماح ..
و خاصة الواحد لما يلقى ليهو ناس ظريفين و من زمن الجامعة كانت قطاطي و داردر ..وشارع القومية كان مافي و ( كوان دور ) لم يكن حتى في الأحلام ..
واصلوا يا رائعين و نحنا معاكم متابعين ..
و أعجبني جداً الحديث عن الزول الجميل صلاح على صالح ..
و رغم أني عاصرته فترة قليلة جداً لكن يظل ( عمو ) صلاح قدوة لكثيرين مثلي من الزقازيقاب ..
صلاح على صالح .. عادل الجعلي .. حمدان هندسة .. أمين السمين .. صلاح الأمين .. زمن جميل يا جبهة يا ديمقراطية .. واصلوا بالله ..
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: زي ما العافية درجات يا أبو الزوز...كمان المتعة درجات... |
صدقت والله يالرشيد عن نفسي عندما "تعترك" لدّي الامور يكون اتجاهي محددا .... على طول بفتح البوست لاحظى بحكاية من جبرييلا او دعابة من جلا او قصيدة من محمد عيد او خبر مفرح من زهير او لالتهام سطور المبدع منصور او بالتأكيد سوف تجد الرشيد ينثر درره وعطره الفواح بين جنبات البوست فتشم ثم تبتسم وتصل حد الاستمتاع مع دهب وديدو وتبلدينا والريس والريس وسامي وموسى والبرالمة والغائبون الغائبات اؤلئك المقربون وانا اليهم لمشتاقون ياخواننا هي "صحبة" شكلت وجداننا لله دركم اخوة/ت اعزاء
------------ كسير تلج "مزاجي رايق وقاعد اشرب لي في سجارة" قولوا لي خير؟
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: نفسي امي (الله يرحمها) ترسلني لي دكان بشارة عشان اجيب ليها السمن حق الكعك نفسي تمد راسها بالحيطة وتسأل أم النصر (رحمها الله) وتقولها: ام النصر بديتي الكحكي ولا لليلي ونفسي اسمع ام النصر: رسلت اسامة يجيبلي السمن من دكان بشارة نفسي القى امي بتعجن في الكعك مع اعتماد اختي الكبيرة نفسي اشوف امي تقطع في الكعك الفي الصينية بي كباية الشاي واخواتي ينقشن في الكعك بالمناقيش نفسي امي تولع الصاج بالحطب الكسرتو ليها انا وتقولي جيب الطشت وتختو فوق الصاج وتولع فوق الصاج الحطب وتدخل صينية الكعك تحت الطشت وتقولي تعال سوقلي المفرمة ألت البسكويت فشان اقطعو في الصواني نفسي لمن تطلع الكعك من تحت الطشت ويكون سخن واقوم اشيلي وحيدي فشان اضوقها تقوم تكورك فيني وتقولي: يا شقي الشي سخن بيوجع بطونك خلو لامن يبرد واضرضرلو السكر نفسي ام النصر تتاوق بالحيطة وتناديني فشان امسك صواني الكعك ألاتها فشان امي تنجضو معاها نفسي تجي بت ابنعوف (الله يديها طولة العمر) وتخت سفتها وتجي شايلي صوانيها فشان ينجضن واسمع فيها تقول لي امي: الشي دة لا يبقى كترتيلو النشادر وامي تقولها: بري يا يمة وحاتك يطلع زي العجب نفسي بت الجريف (رحمها الله) تمد راسها من حيطتها التالانا وتقول لي امي: بت ابو دية انت لليلي تنجضي في كعك الجن دة امي: نان اسوي شنو أليلي نجض دة أليل بت ابنعوف وام النصر نفسي اشيلي صحن من الكعك والبسكويت وامشي علي عوض صحبي في النيمة وهو يجيب الشاي من بيتهم ونقعد تتونس ويجن مارات بنات الفريق القدامنا دااااك ونعزمن علي الكعك ويتبسمن لا قعر اضنيهن ويخجلن يمشي وانا اسمع في عوض شغال: بتكتلني يا طارق البت دي وانا اقوله نان انا قايلني داير اعيش بعد ام وجنات دي شافت فيني
|
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: طارق...نفسي أجي ماشي قدام بيتكم تجيني ريحة البهية مختلطة بريحة الكعك النجض يا دوب...أرفع جلابيتي لا فوق وأنطط من الطين القدام بيتكم بعد ما غسلتو الحوش بالخرتوش... نفسي أمشي حلتنا و ألقى بنات الحلة بقشن في الشارع قدام بيوتم وأول ما يشوفوني يوقفو القش ويرسمو على وجوههم أحلى ابتسامة...تمشي علي الحاجه و تقول ليها ناقصكم شي...تقول ليك بري مافي شي ناقص تتبارك يا ولدي... نفسي نرفع التمام بعد صلاة العيد قدام جامع ود البحر...تسلم على الجميع بالأحضان لامن جلابيتي تتكرفس والريحة الجابه لي خالي محمد من الكويت تختلط بروائح الآخرين و تقول يا جماعة الفطور عند عمنا حسن علي نمشي نسلم على الحاجة و نجيكم راجعين تجري البيت جري...تدفر الباب تفتش على الحاجه جوا البيت...تحضن الحاجه حتى تشعر بطعم حضنها و أنا طفل صغير...تدعو ليك الحاجه بطولة العمر و الوساع في الرزق و أن يجنبك الله بنات الحرام و أولاد الحرام...ماشي وين أقعد أفطر...ماشين فاطرين عند ناس حسن علي يا حاجة...عليك الله أقعد أكل ليك شوية سكسكانية انت بتريد السكسكانية خلاص أديني حبة كده في صحن صغير...و لا أقول ليك بشيل براي...
تمشي تلقى الناس نلها ملمومة عند ناس حسن علي....و نقعد في المسطبة الفي الشارع قدام بيتهم...
|
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: لم أري شخص عليه أجماع من جميع الطلاب كصلاح علي صالح ... |
يا اخوانا انا ما داير استرسالكم عن الحبيب صلاح على صالح يخلص
وانا ما اقول كلمة ..
لكن والله من امبارح كلما اجى اكتب عنو .. يغلبنى المشى .. زى ما بيقولوا
صلاح يا اخواننا حكاية تانية .. وأغنية متفردة .. نغم شجى وحبيب
مجرد رؤيته وعلى وجهه ابتسامته الودودة تبحر بالانسان الى شواطىء اخرى .. مختلفة
كنا برالمة معا وحضرنا فى توقيت واحد ... انتظمنا سويا فى شقة الاستقبال
وتعلمنا الطبيخ معا على يد الراحل .. كمال الدين الياس .. ولصلاح حكاوى كثيرة معاهو
كنا نذاكر كمجموعة كبيرة فى شارع فاروق .. وكان صلاح أميز الموجودين فى استيعاب
دروس التقوية بتاعت الاتحاد .. وبالتالى فى البيت كان صلاح هو الاستاذ ونحن التلاميذ
كان الاحباط واليأس متملكا من الجميع - لضيق الوقت لامتحان التيرم - وقرر الكثيرون
العودة للوطن وركل الدراسة بمصر بعد الامتحان .. ولكن صلاح هو من أسهم فى بقاء
واستمرار عديد من افراد تلك الدفعة ويشهد على ذلك معاوية يحى وعبده مضوى ومجدى
اثناء البريكات بين المذاكره كان دائما ما يبتدع لنا البرامج الترفيهية التى تخفف عنا توتر المذاكرة
ومعظمها كانت فواصل غنائية جميلة بصوته .. وهى معلومة قد لا يعرفها الكثيرون ..
فقد كان يتمتع بصوت جميل وكان مشاركا فى الكورالات والمجموعات الغنائية كثيرا قبل ان
تأخذه السياسة عن ذلك ..
حتى بعد التزامه السياسى والذى تحدث عنه منصور والرشيد وعن شجاعة موقفه .. كان اغرب
السياسيين الموجودين بالزقازيق .. !
حيث كنت تراه هاشا باشا وفى قمة الهظار والضحك مع خصومه وفى صفاء نادر ...
تراه ممسكا بطارق عبيد والطيب رجب وهو يضحك .. وكانت له علاقات مميزة مع
ادروب وهبانى وقادة الاتجاه الاسلامى ..
أذكر ذات مرة حدثنى عنه اخونا زاهر الصادق - اثناء اجتماعات اللجنة السياسية وهمس لى
قائلا .. ياخى صلاح ده الوحيد الممكن تصنيفه فى الجبهة الديمقراطية بوسط اليسار !!
تميزه بروح المقاومة والكفاح - كما ذكر منصور - لاحقته حتى فى حياته العملية بالسعودية
ويكفيه انه كلما تأتى سيرته امام كل الناس الا ويقولون ...
الله يطراه بالخير ...
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
وانا ابحث فى شنطة الزكريات وجدت كراسه كتب عليها - بحوث تسويق - مليانه يشخبطات العشق الزقازيقى اكثر من التسويق هاكم بعضها اغلى من لؤلؤة بضه صيدت فى شط البحرين الصمت لحظه من لحظات الكلام انا امدرمان فى جيد الوادى دره 00000ورغم ما مره على الرحيل فمازال القلب يترقب طرقك عيناى تسبح خلف نجم الليل تبحث عن نجم غائب مارس شهر الكوارث مع حبى
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
معليش يا الريس ومحمد عيد لكن طارق جبريل قاعد يعمل عمايل أنا ماشي في طريقو هو و الرشيد يا طارق جبريل أنا نفسي فييييي نفسي ....في جلابية العيد البيضا ومعاها طاقية ...و يقول لي خالد أخوي الكبير ... أمشي شيل من أبوي ريال عشان نمشي نعيد لعم بله (عليه الرحمة) العم بله: تعال يا محمد ولدي... كيفك و العيد مبروك عليك إنشاء الله تبقى كبير تبقى دكتور و تعالج أهلك الكتار ديل أنا: بس يا أبوي أنا عايز أبقى مهندس عشان أبني العمارات العم بله: كلو كويس.... مهندس و لا دكتور ما مشكلة ...أبوك خليتو كيف في البيت؟؟ أنا: و الله شديد و قال جاي ورانا يعيد عليك العم بله: خلاص هاك الريال دا أمشي اشتري ليك حاجات كتيرة الحاجة آمنة زوجة عمي (رحمة الله عليها)...انت يا محمد ما سلمت علي ...تعال الله يديك العافية أنا: آي جاييك يمه ...قلت أخلص من أبوي بله في الأول الحاجة آمنه: و الله كتر خيرك...وانشاء الله يخلي ليك أمك و أبوك ...هاك شيل الكعك دا...تعال جيب جيبك أنا: يمه أنا شايل لي كيس الحاجة آمنه: خلاص خت الكعك في الكيس و بعدين ختو في جيبك....وينو أخوك خالد؟؟؟ قاعدين برا....مع عبد الحليم وصلاح وقالو ماشين جبل الختمية...و أنا ماشي معاهم الجبل الحاجة آمنه تنادي يا صلاح يا صلاح تعال جاي... ختو بالكم لي أخوكم محمد دا...و مافي زول يشيل قروشو الأداها ليهو أبوهو نفسي في عبد الحليم يغشني ويشيل مني 8 قروش و يقول لي دا حق المواصلات لأنو نحن القاعدين ندفع ليك برغم وصية الحاجة إلا أنني مهمبت من خالد أخوي و إبن عمي عبدالحليم
أحبكم وذكرياتنا الجميلة
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
سلامات يا ناس
وانا نفسى اكون جاى من لكوز كدارى ومعاى فردتى
مصطفى محمد الحسن...لابسين فنايل البرد التقيلة
ديك وبناطلين الجينز الوسخانة...وفى جيب القميص
بتاع مصطفى علبة كيلوباترا معفصة باقى فيها اربعة
بس...ونعدى المزلقان نخش بالسويقة ونستمتع بشارع
السمك العفن داك الكان ساكن فيهو جلا وتاج الدين
ودرش وكمال وعصمت اولاد كسلا ...ولما نصل ميدان المنتزه
نقعد على القهوة المفتوحة فى السهلة الفيها الصهريج
ديك...على الكراسى الخشبية والتربيزة الرقيقونة وطويلة
سريعآ يجينا سعيد الجرسون...ٍٍٍٍ[ انتو وين سعيد رجبة الجيلى
تربية جغرافيا]
اجيب الاهوة يا بهوات ولا تامرو بحاجة تانية؟ فلا نأمر بحاجة
انها اهوة سعيد وليس غيرها...
نتأمل دكاكين المفروشات والاحذية والملابس الجاهزة..وحلويات
سويت بسام تغازلنا فنتوارى خجلآ...
عمر افندى ...عيادة الشبان المسلمين وكبريهم...وشقة الوفد
شارع المحافظة ودكان الفلسطينى...شارع القومية والناس الحايمة
وهايمة..وفى النهاية اسمع ضحكة بكرى حامد وهلا ايوب ..وهما يقفان
امام العدد الكبير من الناس القاعدة فى مسطبة الجاويش...
وين بكرى حامد ووين هلا؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
كانت شخصيتي و أنا صغير تشبة الى حد كبير شخصية أبوي الرشيد...يقول أبي أنه أسماني على أبوي الرشيد وهو عم أبوي أي جدي...كان جدي الرشيد أو أبوي الرشيد قوي الشخصية للحد المتطرف...و كان أحمق جدا...كان جدي تاجرا بالجنوب ثم بسوق أم درمان...كان معروفا جدا بنزاهتة وفي نفس الوقت بطباعة الشديدة...و كنت كلما آتي بعمل فيه حماقة... كانوا يقولون لي أبي والله انت الغلطان...انت سميتو الرشيد ليه...كان الجميع يعتقد بأنني ورثت الحماقة عن جدي...و كانأهلي من أبي ينادونني بحاج الرشيد...الا حاجة أمونة وامي كانو بيقولو لي...تبرا يا يابا من حاج الرشيد...انت بتشبة خالك محمد نفس الكلام ونفس المشية و كل حاجه فيك زي خالك محمد...تبرا انت من أبوك الرشيد أبوك الرشيد ده مره كان بيتكلم مع تاجر من كوستي وهو في أم درمان...التاجر بتاع كوستي قال ليهو انت ما عندك كلمة يا حاج الرشيد...خت السماعة وركب عربيتو من أم درمان وو صل كوستي بعد خمسة ساعات..قبل ما يعملو شارع الزلط...وصل كوستي مشى سوق كوستي ضرب الراجل كف وجاء راجع أم درمان... تبرا انت من جنس دا... قلت لي أبوي أمي و حبوبتي قالو أنا بشبه محمد خالي...محمد خالك ده ولد مصارين بيض...زمان كنا بنقرا الوسطى و الثانوي في أم درمان...و لما نجي راجعين الكوة بنرجع بالبابور بتاع البحر...مرة البابور خسر بينا في وسط البحر...قالو في قطعة في المكنة خسرت والا يجيبوها من الخرطوم...الجماعة ربطوا البابور في نص البحر وركبوا الرفاس يجيبو القطعة من الخرطوم...الزوادة حقتنا كملت...فضل عندنا القرقوش بس كانو ناس الحلة الانكسر جمبها البابور بيجيبو لينا اللبن ساخن في البابور نكسر ليك القرقوش في اللبن و نآكل...البابور قعد تلاتة أيام في البحر و القطعة ما جات من الخرطوم...نقول لي خالك محمد تعال أكل معانا يقول لينا أنا ما باكل قرقوش...بعد شوية خالك جاع شديد...بقى يجي يكسرالقرقوش في اللبن...يعني يا أبوي عايز تقول لي خالي حنكوش...عايز أقول ليك انه ود مصارين بيض...
بين أبوي الرشيد و خالي محمد أصبحت أنا...ما زال أبي يناديني بحاج الرشيد و ما زالت أمي كل ما عملت أي حركة تقول لي و الله بس خالك محمد...و ما زال أهلي من ابي ينادونني بحاج الرشيد و ما زال أهلي من أمي ينادونني برشيد القوم كما كانت تفعل حاجة أمونة... رحم الله أبوي الرشيد و حاجة أمونة و خالي محمد و جعل مثواهم الجنة...
نفسي في لبن حار من بلدنا أكسر فيهو قرقوش بلدنا...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
الرشيد براحة علينا خلينا نخش اجواء المباريات
وحبة حبة نحيد بت الشيخ..شكلها ما اكتشفت النصيبة
الجديدة دى ....لسة عندها امل تسمع بت كنار مقطوعة
الطارى ديك تقول لى رصيدك هو....صفر صفر جنيه ..تاريخ
انتهاء الصلاحية....وطوالى تبتسم اى بت الشيخ
تلقاها عند الغافل
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
ليت لي دي مش معناها نفسي...هاكم نفسي بتاعت الراحل صلاح أحمد ابراهيم... مهداة الى صديقي الدكتور معاوية يحي....
ليت لي ازْميل((فدياس)) وروحاً عبقرية
وأمامى تل ُ مرمر
لنحت الفتنة الهوجاء في نفس مقاييسك
تمثالاً مُكبر
وجعلت الشعر كالشلال : بعضُُ يلزم الكتف
وبعض يتبعثر
وعلى الأهداب ليلاً لا يُفسر
وعلى الخدين نوراً يتكسر
وعلى الأسنان سُكر
وفماً كالأسد الجوعان زمجر
يرسل الهمس به لحنا معطر
وينادى شفة عطشى وأخرى تتحسر
وعلى الصدر نوافير جحيم تتفجر
وحزاماً في مضيقٍ ، كلما قلتُ قصيرُُ هو،
كان الخصر أصغر
يا مريه
ليت لي إزميل ((فدياس)) وروحاً عبقرية
كنت أبدعتك يا ربة حسنى بيديَّ
يا مريه
ليتني في قمَّةِ ((الأولمب)) جالس
وحواليَّ العرائيس
وأنا في ذُروة الإلهام بين المُلهماتْ
أحتسي خمرةَ ((باخُوس)) النقيَّة
فإذا ما سرتْ النّشْوةُ فيَّ
أتداعى ، وأُنادى : يا بنات
نقٍّّروا القيثار في رفقٍ وهاتوا الأغنياتْ
لمريه
يا مريه
ما لعشرينين باتت في سعير تتقلب
ترتدى ثوب عزوف وهي في الخفية ترغب
وبصدرينا ((بروميثيوس)) في الصخرة مشدوداً يعذب
فبجسم الف نار وبجسم الف عقرب
أنتِ يا هيلينُ
يا من عبرت تلقاءها بحر عروقي ألفُ مركبْ
يا عيوناً كالينابيعِ صفاءْ...ونداوة
وشفاهاً كالعناقيدِ امتلاءْ...وحلاوة
وخُدوداً مثل أحلامي ضِياءْ ....وجمالا
وقواماً يتثنّى كبرياءْ...واخْتيِالا
ودَماً ضجَّتْ به كلُّ الشرايينِ اشتهاءْ..يا صبيَّة
تَصْطلي منهُ صباحاً ومساءْ....غجريَّة
يا مريّه
أنا من إفريقيا صحرائها الكبرى وخطِّ الإستواءْ
شحنتْني بالحراراتِ الشُموسْ
وشوتني كالقرابينِ على نارِ المجُوسْ
لفحتني فأنا منها كعودِ الأبنوسْ
و أنا منْجمُ كبْريت سريعِ الإشتعالْ
يتلظَّى كلًّما اشتمّ على بُعدٍ (تعالى))
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
صبحكم الله بالخير
متاوقة نهارية...النهار ده ما حقي لكن بنجي نرفع الروح المعنوية بتاعت ناس النهار...الظاهر عليهو رمضان ده هد حيلكم وبقيتو ماشين بالحث الذاتي...البركة في محمد صديق اللسة محتفظ بلياقة لأنو ما لعب التصفيات...
حتى بالليل بقينا نلقى الشباب طاشين...الفاتح ليهو بيت ظار...و لا دكان ود البصير و القاعد جمب كشك جرايد يتكلم في الكورة...و الما عارفو بيعمل في شنو..بيتهجد ولا مقبقب و كلما ما بت الشيخ ترخي قبضتها عن رقبته يجي ناطي
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: أول المهنئين أظنه الرشيد
|
انتظرنا رشيد القوم اكتر من ساعتين ... ماوصل ....
ينفع اكون اول المهنئين ... يتربا في عزكم ... ونسأل الله ان يكون بارا بأبويه ... وسندا لأختيه ...
واصل حفلة الصور ياريس ... والله مستمتعين بمزااااج ...
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
والله ما شاء الله بقيتو ما بتتلحقو...
قلنا ننزل الداتا دي كل صفحة... بين يوم وليلة فوتنا 55 و56 ودي 57 في آخر رمق يا لحقناها ويا جلّت
(1) سامي عبد الوهاب إدريس خريج تربية 91 قسم اللغة الإنجليزية هاتف السعودية 00966502297598 هاتف السودان 00249916000543 [email protected] _________________________________ (2) زهير محمد عثمان الزناتي كلية التجارة قسم المحاسبة متزوج وأب لأربعة خريج 1992م ت : - 0919701061 [email protected] _________________________________ (3) محمد صديق محمد احمد الحسين تربية...انجليزى برالمة 84-85 انا وجلا جينا فى سنة واحدة لكن انا دفعة النضيف ت-0912162923 (منزل 0122051212) [email protected] _________________________________
(4) ميسرة سيدأحمد إبراهيم المملكة العربية السعودية - جدة هاتف منزل 6754688 جوال 0508606055 [email protected]
_________________________________ (5) محمد آدم النور حسن تجارة الزقازيق 88 الخرطوم - 0912319724 [email protected]
_________________________________ (6) الرشيد بابكر سيدأحمد زراعة الزقازيق 1986 الامارات العربية المتحدة أبو ظبي تلفون:00971508179161 -- 00971504469622 بريد اليكتروني: [email protected]
________________________________ (7) ياسر نجيلة الاسم: ياسر أحمد نجيلة الامارات - دبي محاسب بحكومة دبي خريج تجارة الزقازيق - محاسبة دفعة 84 - 1988م هاتف شغال 24 ساعة : 6268806 50 971 + ايميل: [email protected]
________________________________ (8) Dr.Elsadig Abdalla 0353879359144 Waterford Regional Hospital Endocrinology and Diabetes Department Waterford Republic of Ireland 0 Email:[email protected]
_________________________________ (9) اسامة عثمان محمد صالح ابتر خريج علوم 1989 كسلا دنقلا تلفون 00249912913486 وكمان 00249912186289 [email protected] _________________________________
(10) صالح عبدالرحمن صالح شارع افريقيا - مبنى القبله شركة كنار للإتصالات إدارة التسويق 249155552515+ موبايل كنار 249912397336+ موبايل زين 299155553310+ مباشر مكتب ايميل عام : [email protected] ايميل عمل : [email protected] _______________________________ (11) عصام الدين دهب علي خريج حقوق الزقازيق 1991م مستشار قانوني و مديرالإدارة القانونية شركة الدار العالمية للأستشارات القانونية والمحاماة / جدة هاتف عمل 00966920000054 هاتف جوال 00966503639124 [email protected]
_____________________________ (12) منصور عبد الرازق محمد فضل السعودية -الرياض الشركة الوطنية لصناعة الأسمدة الكيماوية (نافكو) مدير المبيعات -اسمدة تلفونات 00966504177839 موبايل 0096612652266 ext 1 or 117 0096612651327fax e-mail:[email protected] e-mail:[email protected] ________________________________ (13) محمد عيد ميرغني خريج زراعة 1987 الخرطوم بحري جدة 00966503763764 [email protected] _________________________________ (14) جلال عثمان محمد علي عكود تربية (90) السعودية الرياض منزل/ 0096614720809 عمل/ 0096614780234 فاكس/0096614789361 خلوي/ 00966505779464 [email protected] [email protected] _________________________________ وبعد إضافات جلا ومحمد عيد: (15) تاج الدين الخليل بلال تجارة 88 العنوان: سلطنة عمان [email protected] _________________________________ (16) عصام عبد الرحمن محمد جلي تجارة 88 السعودية _ الرياض 0507780880 [email protected] ____________________________________ (17) عبد القادر بابكر عبد القادر " قدورة "
خريج زراعة 1984
ام درمان - الثورة - الحارة الثانية
السعودية - الرياض ـ : 0509835001
بريد الكترونى : [email protected] _____________________________________ (18) محمد حســان سعد الدين
خريج زراعة 1988
عطبره - الدامر
بريد الكترونى: [email protected]
رقم الموبايل : 0126919898 ___________________________________ ومن عندي: (19) عزام أحمد البشرى خريج تربية 89 بورتسودان مقيم بالدوحة – قطر تليفون: 009746655029 [email protected] ________________________________ (20) سموأل عوض السيد خريج تربية 89 بربر الخرطوم – وكالة سونا للأنباء 00249912393567 _________________________________ (21) محمد الهادي محمد الأمين خريج تربية 91 سنار الخرطوم تليفون: 00249912105159 ____________________________________ (22) أسامه إبراهيم فرج الله (طيارة) خريج بيطرة 90 أو 91 أم درمان مقيم بالدوحة – قطر تليفون: 009745316925 [email protected] _____________________________ (23) سر الختم محمد علي الحاج (المدعو) خريج آداب 93 بورتسودان مقيم بالدوحة – قطر تليفون: 009745295220 [email protected] _____________________________ (24) نزار محمد ابراهيم عمر الشقليني هندسة مدنية خريج :1994م ت: 0912141038 [email protected] _______________________________ (25) موسى عيسى أبكر تجارة 1988 قسم المحاسبة الجزيرة أبا مقيم بالمملكة السعودية الرياض مدير مالي الهاتف :009662253893 الموبايل:00966560026152 الموبايل بالسودان : 00249914070652 email :[email protected] ________________________________ (26) طارق عبدالمنعم محمدعلي خريج الزقازيق تحاليل طبيه 1990 العنوان الحالي (UPM )Malaysia [email protected] [email protected] [email protected]
mobile:0060149275130 ____________________________________ (27) عبد الدائم سيد أحمد (النضيف) خريج تربية 88 الخرطوم الصحافة مقيم بجدة – السعودية [email protected] تليفون: 00966504609597 ____________________________________ (28) صلاح سعد عثمان تجارة 89 الرياض السعودية ت 00966564242757 [email protected] ___________________________________
(29) معاوية الزبير تربية 88 قطر الدوحة [email protected] _________________________________
(30) حبيب الله كدام تربية 90 الرياض السعودية [email protected] _________________________________ (31) احمد عوض سيداحمد (احمد عجوز) الفنان اداب 88 الخرطوم الصحافة الرياض السعودية ت 00966590086541 [email protected] _________________________________ (32) احمد السيد عبدالعال زراعة 93 ت 00966505618275 الشركة العربية لامات الدواجن -- جده [email protected] _________________________________
ونواصل...
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
إمكن من الليلة ما يكون عندي طريقة دخول عليكم إلى ما بعد العيد
لذلك خلوني أكون أول المهنئين بالعيد
كل عام وأنتم بألف خير
وربنا يحقق أمنياتكم جميعا
أسافر غدا صباحا إلى الدوحة - قطر
لقضاء عطلة العيد
وكان إتسهلت بنكتب من هناك
---------------------------
كدا جبنا ليكم خبر الصفحة دي
| |
|
|
|
|
|
|
|