ناس الزقازيق ... أجدع ناس ..

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 09-12-2018, 09:09 PM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-09-2009, 08:32 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: بس لو امكن اشرح لينا اللغة الخاصة دي ...

    معليش يا رسيد القوم
    الفهم قسم.....
    Quote: لأنني لاحظت تغيير صورة البروفايل و كانت عبارة عن
    فازة أو فاظة أو اناء زهور والزهور التي بالاناء منصور و مجدي و عبدالرحمن ومحمد و أنا...فشكرته
    على كونه جعلني زنبقة أو وردة في اناء زهوره الجميل..

    الغريبة نجيلة بفهم الكلام الجميل و المفروض الزول اليسأل عن العبارات دي.. موسى عيسى!!!
    ويمكن يسألك عن الزنبقة ....دا إذا ما قراها الزندقة

    أحبكم و أحب لغتكم زاتها
                   |Articles |News |مقالات |بيانات

09-09-2009, 08:55 AM

سامي عبد الوهاب إدريس
<aسامي عبد الوهاب إدريس
تاريخ التسجيل: 15-11-2005
مجموع المشاركات: 1508

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    أحر التعازي للأخ عبد المنعم حسين المبارك (حقوق) في وفاة شقيقة...للفقيد الرحمة
    و له ولأسرته الصبر الجميل...

    اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
                   |Articles |News |مقالات |بيانات

09-09-2009, 09:22 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: سامي عبد الوهاب إدريس)

    يعني ياجلا لوما رشيد القوم شرح المداخلة ...
    والله ماكنت فاهم حاجة...
    البركة فيكم ...

    موسي عيسي ...
    شيخ "دبي" الحق شيوخ السعودية ... دي اول مرة نسمع بيها ...
    كدي شوفو شيوخ جدة "الحوارهم جكسي ومحايتم ببسي"

    انت وين الريس ميسرة ...
                   |Articles |News |مقالات |بيانات

09-09-2009, 09:19 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    حار التعازي لأخونا الهميم في مصابهم الجلل ، إنا لله وإنا إليه راجعون ، اللهم أرحمهما وأرحم جميع موتى المسلمين آمين.
                   |Articles |News |مقالات |بيانات

09-09-2009, 09:24 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    أسعدتني زيارة أخواننا وفد الزقازيقاب أيما سعادة ، بالرغم من حضورهم في وقت متأخر من منتصف الليل لكن رمضان شهر كريم وكانت جلسة ما منظور مثيله ، الوالدة كانت مبسوطة جدا بالزيارة دي وكذلك الوالد والأخوات ، كانت سعادتي لا توصف بهذا الوفد الجميل ، وكانت الونسة الزقازيقابية الطاعمة ، ربنا يخليكم ويفرحكم على قدر ما فرحتونا كلنا، وإنشاء الله دائما تامين وفي أحسن الأحوال.
    تصور كيف يكون الحال لو ما كنت زقازيقابي والوجوه الحلوة دي ما أهلي ... بس تصور كيف...
                   |Articles |News |مقالات |بيانات

09-09-2009, 09:28 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: البادي النور)

    هاكم الرومانسية السودانية .....

    مجكسين
    "إنت ليه ما بتمسك ايدي واحنا طالعين سوا؟"

    ‏ "لأ طبعاً يا روحي... أفرضي زول من اهلك شافنا؟ ولا واحد من أهلي؟ على الاقل كِده بنقدر نزوغ من الزرزره, لكن إن ‏شاء الله يا حبيبتي باكر آخدك وامسك إيدك قدام الدنيا كلها".
    ....................................

    مخطوبين

    "إنت ليه ما بتمسك ايدي واحنا طالعين سوا؟"

    "علشان ما داير زول يعلّق علينا ويقول الجماعة ما مصدقين انهم مخطوبين...
    وبعدين بصراحة كده أنا ما برضى أي زول يتكلم على حبيبتي..."
    ..................................

    متزوجين
    "إنت ليه ما بتمسك ايدي واحنا طالعين سوا؟"

    "يا حبيبتي إحنا ما مراهقين عشان نقعد نمسك إيدين بعض في الشارع وكده!!....
    إحنا اتنين متزوجين ومحترمين وعندنا بيتنا نسوّي فيهو اللي عاوزينه"..
    ...................................

    متزوجين وعندهم عيال

    "إنت ليه ما بتمسك ايدي واحنا طالعين سوا؟"

    "يعني امسك إيدك انتي ولا امسك إيد الشافع ولا اشيل الأكياس دي كلها، ولاّ شنو يعني؟!
    مُصيبة شنو الوقعنا فيها دي يا ربي؟؟؟"
    ....................................

    بعد 25 سنه من الكفاح المُسلـّح
    "إنت ليه ما بتمسك ايدي واحنا طالعين سوا؟"

    "إيد شنو دي اللي بمسكها هسه بعد العُمُر ده! إنتي دايره راجل بـِتـّك يقول علينا كبرنا وخرّفنا؟!
    يا وليّه أكبَري عليك الله"
                   |Articles |News |مقالات |بيانات

09-09-2009, 10:22 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    خالص التعازى للاخ عبدالمنعم المبارك فى وفاة شقيقه
    ولا حول ولا قوة الا بالله
    وانا لله وانا اليه راجعون


    _-------------------------------------



    زهير عندى ليك سؤال بس خايف نادر فاروق يضحك فيك !!!

    انت ليه ما بتلبس جلاليب ؟؟
                   |Articles |News |مقالات |بيانات

09-09-2009, 10:34 AM

موسي عيسي
<aموسي عيسي
تاريخ التسجيل: 03-05-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)

    للفقيد الرحمة وللأخ عبدالمنعم حسين المبارك و أهله

    حسن العزاء و نسأل الله يجعل الفقيد في جنات النعيم

    و أن يلهمك الصبر في فقدكم الجلل و التحايا موصولة

    عبرك لجميع الأهل بودالشافعي وام درمان
                   |Articles |News |مقالات |بيانات

09-09-2009, 10:54 AM

موسي عيسي
<aموسي عيسي
تاريخ التسجيل: 03-05-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: موسي عيسي)

    Quote: زهير عندى ليك سؤال بس خايف نادر فاروق يضحك فيك !!!

    انت ليه ما بتلبس جلاليب ؟؟


    و انت مالك يا عبدالدائم انت ذاتك ما حصل شفناك لابس جلابية ،حبيبنا

    اب شنب لسع صغير و حلاة الدينا عليه و هو لابس القميص النص كم، ماله

    و مال الجلابية،والراجل كما طمعان ليه في فردة موديل 2000 بجناح طاير؟
                   |Articles |News |مقالات |بيانات

09-09-2009, 11:11 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: موسي عيسي)

    يا عبد الدائم ما قاعد تخش الفيس بوك ولا شنو .؟

    بعدين ليه السؤال أصلاًُ .؟ يعني الجاب الكلام دا علي بالك شنو .. ؟

    وبعدين نحن متين بقينا علي الجلاليب .؟ والتي شيرتات دي نخليها ليكم يعني .؟
                   |Articles |News |مقالات |بيانات

09-09-2009, 11:41 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    اصلا" السؤال ملقووووط من الفيس بوك
                   |Articles |News |مقالات |بيانات

09-09-2009, 12:18 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)





    الجلابية بتاعت ناس يمينين ، عليك الله حسع شفت صلاح الأمين دا يوم واحد لابس ليهو جلابية .. ولا ود الجعلي
                   |Articles |News |مقالات |بيانات

09-09-2009, 12:43 PM

عثمان الجيلي شيخ محمد

تاريخ التسجيل: 25-01-2007
مجموع المشاركات: 249

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    إنا لله وإنا اليه راجعون...

    حار التعازي للاخ / عبد المنعم حسين مبارك ..في وفاة شقيقة...
    نسال الله له المغفرة ، وان يسكنه فسيح جناته...

    عثمان الجيلي
                   |Articles |News |مقالات |بيانات

09-09-2009, 01:17 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عثمان الجيلي شيخ محمد)
                   |Articles |News |مقالات |بيانات

09-09-2009, 05:12 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    أبو الزوز العمة دي لفاها ليك أمجد ولا شنو....

    ياسر نجيلة لكن الرومانسية دي أظنها الرومانسية القديمة...حسه تلقى الأيادي متشابكة
    حتى في حدائق حبيبي مفلس....
                   |Articles |News |مقالات |بيانات

09-09-2009, 07:23 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: أبو الزوز العمة دي لفاها ليك أمجد ولا شنو....


    والله يا رشيد الظاهر عليها ما جلابية وعمة ..

    الظاهر ده عراقى وشال .. ولمن النضيف استفزاهو بالسؤال

    جرى سحبهم من سيد الدكان الجنبهم واتصور ...

    غايتو يا رفيق نصيحتى ليك خليك لابسهم وامشى ادخل بيهم

    المعسكر فى وكالة بنى زرقان جنب سوق العيش ...!

    ************

    الليلة طبعا مع الكور الكتيرة دى ما اظن فى زول ح يظهر

    (عدل بواسطة محمد عيد on 09-09-2009, 07:24 PM)

                   |Articles |News |مقالات |بيانات

09-09-2009, 09:55 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد عيد)

    تسجيل حضور ومتابعة
                   |Articles |News |مقالات |بيانات

09-09-2009, 11:39 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    Quote: تسجيل حضور ومتابعة



    also
                   |Articles |News |مقالات |بيانات

09-09-2009, 11:57 PM

عثمان الجيلي شيخ محمد

تاريخ التسجيل: 25-01-2007
مجموع المشاركات: 249

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد عيد)


    غير السقد..
    مابنوم...
    في كل الليالي بحوم...

    انت من ثاوث مول لي النت ولا شنو...

    ثم انو كان انت ولا رشيد ..مالكم ومال عمت الراجل ...لافيها ليهو مجد...
    ولا لافيها ليهو بتاع الدكان...

    انت ذاتك يا محمد عيد ما بتعرف تلفها احسن اسكت...
    لقيتو ذهير مسكين ...انت وصاحبك واحد ثبت والتاني شات,,,
    لكن اصيروا لي انا قدركم الاتنين ...تاني كده واحد فيكم يعاين ليهو ساكت...انا ال مر اعملوا حسابكم...

    شوف كمان ياسر نجيلة انت طلعت من وين يا هلا...
                   |Articles |News |مقالات |بيانات

10-09-2009, 00:10 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد عيد)

    انت يا حبوبتي دحين قبل دة ما سكرتي مع بت عريبي
    - نفيسي: نان يا ولدي هو داك يوم بيتنسي
    - باقيلي طشمتن كله كله
    - وحاتك يا ولدي رقدنا خل
    - اصلكن لقيتنو وين
    - مشينا يا ولدي لي عرس بت واحدي سرنا من البركل لي مروي انا وحبوبتك بت عريبي
    - اها شن سويتن
    - لقينا النصيبة اليقولولا صابرات شادي العرقي للعرس
    - اي هي كانت دي شغلتها في الاعراس
    - اي يا ولدي عندها عرقي كافر خلاص
    - نان انتن اصلكن لقيتن الجر (الزير) أليل العرقي ووقعتن فيهو
    - والله يا ولدي انا السويت النصيبي
    - كيفن
    - قلت لي بت عريبي ونحن طالعات علي نضوق عرقي الخرابة دي قبل نمشي علي بيوتنا
    - اها
    - اهايا ولدي قعدنا جنبها وبقت تديني كوري وراء كوري ونحن نشرب ونتمطق
    - اصلها ما قلتلكن كفاكن
    - آآآبتقدر عارفاني لساني علي الحبل أليل البير
    - اها
    - وحاتك يا طارق يا ولدي وكتين اشوف في بت عريبي تشرب في الكوريي
    وتنزل عرقي الجن دة في حلقها وتكرمش وشها علي كروق الدوم وكتين يقدم
    - ههههههههههههه الله لا تكسبك كتلتيها
    - اها يا ولدي هي تجغم وانا اجغم .. وكتين شفنا راسنا سكرنا وبقينا نلغلغ
    - شن سويتن
    - قلتلا يا بت عريبي قوماك نمشي انا راجلي يصلي بالناس في خلوة القرونة
    - راجلك امام وانت تطشممي
    - نان يا ولدي هو كان عارفني دايري امشي اطشم في العرس هههههه
    - اها
    - قلتلك قلت لي بت عريبي نمشي من تالا التمُر لامن نصل قصاد بيوتنا ونطلع جري ننوم
    - اها
    - يا ولدي بقينا ماشين ماشين لامن رحنا
    - الله يقلعكن اها
    - قامت بت عريبي قالتلي: انت يا نفيسي نحن وين
    وانا قمت قلتلا: انت في نحن وين ولا نحن ذاتنا منن (من نحن)



    مساكم الله بالخير
                   |Articles |News |مقالات |بيانات

10-09-2009, 00:43 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    طارق صبحك الله بالخير

    ورطت صاحبك عرست ليهو وجيتنا...حبابك
    عليك الله تاني ما تنقطع...انت زول بتاع كورة...في تو بيبقى بلا ون...مش اسمها ون تو
    حسة زي also حقة محمد عيد يسموها شنو...ون بالنية ولا شنو...و متابعة جلال واستمتاعه
    طعمه شنو...كسرة بالموية أطعم منها...أمبارح كاسر رقبتي لحدي الشمس ما طلعت أكتب في موضوع
    الصقور...و دي أنا ما بعمله الا لما تكون البرازيل لاعبه...زول ساكت غير ياسر نجيلة يديهو
    العافية هبب لي مافي...أها الليلة حردت ليهم البوست ده وبقيت طاشي في المنبر ده
    ما خليت لي قولة خير...و لا زولا عايزين يطمئنو علية ولا لافتات زهير ولا بوستو بتاع الكورة...
    و لو كنت لقيت المصيبة البيقولو ليها صابرات كنت جيتكم راجع أخيت في الشارع...عله ما
    لقيته و الله ستر...
                   |Articles |News |مقالات |بيانات

10-09-2009, 00:49 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: و لو كنت لقيت المصيبة البيقولو ليها صابرات كنت جيتكم راجع أخيت في الشارع...عله ما
    لقيته و الله ستر...


    والله يا الرشيد خليتني اقع علي قفاي من الضحك
    يا زول شيت صابرات داك كافر ضُمة ضُمة




    الرشيد موضوع الصقور عجبني شديد
    بس كنت منتظرك تورينا كيف بيدربوها على عملية القنص دي
    يعني دي شغلانية زي تجيب دونغا يدرب المريخ عدييييييل
                   |Articles |News |مقالات |بيانات

10-09-2009, 01:04 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    Quote: الرشيد موضوع الصقور عجبني شديد
    بس كنت منتظرك تورينا كيف بيدربوها على عملية القنص دي
    يعني دي شغلانية زي تجيب دونغا يدرب المريخ عدييييييل


    جاييك يا طارق لي موضوع تدريب الصقور...أنا ابتديت بالنهاية قلت أجس النبض بتاع
    ناس البوست ديل...لقيتم ليك عايزين ملح تروية مع رمضان ده...
                   |Articles |News |مقالات |بيانات

10-09-2009, 06:15 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    اها ياشباب ولدنا موسي عيسي – جزاه الله خير – ما قصر معاي
    قمت من الصباح وفتحت بريدي الالكتروني وجدته جاب لي صينية الفطور
    بتاع بكرة الجمعة وقال لي عشان بت الشيخ ماتنتهز فرصة الكورة وتعمل ليك اليوم
    كلو شاندوتشات عشان كورة المريخ والهلال بكرة الجمعة
    كتر خيرك يا اخوي ياموسي دائما زول حارة ...

    اها ياجلا سوري –يعني اسف – الصينية دي لشخص واحد بس ماحاقدر اعزمك
    لو مغالطني شوف طرف الصينية البهناك
    يوجد رغيفين صغار لشخص واحد ....






    ياشباب موسي عيسي من امس "بعافر" في الباسورد بتاعو وماقادر يدخل ...
    ببلغكم السلام ...
    وشوفو ليهو حل ...
                   |Articles |News |مقالات |بيانات

10-09-2009, 06:17 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    انت ياطارق جبريل ...
    حبوباتك ديل كلهم ياكافي البلا ...
    ياسفة ياعرقي ...



    عثمان الجيلى ... ياظريف
    تحياتنا واشواقنا ...
                   |Articles |News |مقالات |بيانات

10-09-2009, 08:00 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    Quote: الجلابية بتاعت ناس يمينين

    والعمانيين برضو

    ــــــــــــــ

    نجيلة دى ما صينية فطور رمضان احتمال يكون فطور عيد فطور عريس
    شوف نوعية الاكل الموجود

    ــــــــــــــ

    يا جبريلا انا حبوبتى لو لقت حبوباتك ديل كان ( جضمتهم ) ليك
    دنقلاوية مسلطة وتربية الديم ( ديامية ) سجارتها قصبة
    واحسن زول فى العيلة بلعب وست والله ( تسييكك ) فى خمسة دقايق
    فى فترة التمنينيات اى بتاع تكسى فى الخرطوم لو شافها ما بركبها
    بعد ما تصل مشوارها تقول ليهو قووووم لف .

    ــــــــــ
    الرشيد واصل وورينا اسعار الجديان بكم ؟
                   |Articles |News |مقالات |بيانات

10-09-2009, 08:04 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    صباح الخير على وجوه الخير...
    الأشواق الحارة لي كل الأخوان في حوش الزقازيق العامر دائما.
    العيد على الأبواب يا عمو الزناتي عايزين برنامج لمة وكدا يديك العافية عارفك ما بتقصر يا أب شنب بعد ما لبست الجلابية.
                   |Articles |News |مقالات |بيانات

10-09-2009, 08:12 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    أولاً نرحب بالميل 55
    بالله رأيك شنو يا الرشيد في الإفتتاحية دي؟؟



    Quote: اها ياجلا سوري –يعني اسف – الصينية دي لشخص واحد بس ماحاقدر اعزمك
    لو مغالطني شوف طرف الصينية البهناك
    يوجد رغيفين صغار لشخص واحد ....

    يا نجيلة أنا ما مغالطك....لكن داير أوريك فنيات لهط الحاجات الفي الصينية دي
    أولاً قرب البيض والجبنة للفول عشان ما تتعب
    ثانياً التحلية زحها بعيد عشان نفسك ما تتسدا
    ثالثاً كب نص ملاح أبيض و النص التاني الملاح الأحمر عشان تستمتع
    رابعاً: بعد نهاية العصيدة أمشي على اللحمة وقزقز بيها بعد ما تطلع صحن الشطة القاعد تحت اللحمة
    خامساً: الزيتون مع السلطة حاجة كويسة و بعدين أكل براحة براحة زي أكل النسوان عشان تأكل أكبر كمية
    سادساً غمس في الدمعة ديك عشان بت الشيخ ما تزعل منك و تقول ليك بورت لي أكلي
    سابعاً أوع تحكي لي جلال بالصينية دي لأنو مترع بي أكل الخبراء الأجانب
    إنت يا نجيلة ضابح و عازم نفسك براك؟؟؟؟؟
    حكم

    أحبكم و أحب فطور عيد رمضان

    (عدل بواسطة محمد آدم النور on 10-09-2009, 08:22 AM)

                   |Articles |News |مقالات |بيانات

10-09-2009, 08:49 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد آدم النور)

    و الله يا جلا الصينية كاربة شديد...جهجهتونا و شحتفتو روحنا...خصوصا انو الواحد محروم
    خمسة أيام في الأسبوع من الحاجات دي....أنا أتفق مع ديدو ان دي ما صينية رمضان..ده
    فطور عيد الأضحى...و لا فطور عرس سماية أي حاجة لكن رمضان ما ظنيتو...ما زول لاحظ
    لي صحن المرارة الضغير المطرف هناك في آخر الصينية...و لو في أي واحد فيكم عندو
    حاسة سادسة و دي ما بتتوفر الا عند ناس نادرين جدا...كان شميتو ريحت شية الجمر الجاية
    في السكة دي... ما ظاهرة في الصينية لكن خلاص مرقت وجاية...أستبعد عيد الضحية و الا
    كان شفت لي جك شربوت مليان تلج ومندي من بره....و لا جك عرقي زي بتاع حبوبت طارق جبريل..
                   |Articles |News |مقالات |بيانات

10-09-2009, 09:01 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: و لا جك عرقي زي بتاع حبوبت طارق جبريل..

    إنت يا الرشيد مداخلتك دي مالا سكرانة كدا؟؟؟؟
    الغريبة نحن في رمضان
    قلنا صينية الفطور دي..... فطور عيد الفطر
    لا يمكن أن تكون صينية عيد الأضحى الفيها صحن لحة واحد ونحن ضابحين خروف ب 350 جنيه
    لا يمكن أن تكون فطور عريس ونح دافعين لأهل العروس 12 ألف جنيه
    قد يكون فطور سماية و الصينية دي حقت النسوان لأنو مجيهة
    و الله يا الرشيد عندك حاسة شم قوية ..... و أنا يا دوب شميت الريحة
    الله يخرب مطنك يا جلال

    أحبكم من غير تحلية
                   |Articles |News |مقالات |بيانات

10-09-2009, 09:20 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد آدم النور)

    غايتو ناس تعبانة جنس تعب ...
    وجنس هضربة في الصينية ...
    مرة تقولو بتاعة رمضان مرة تقولو عيد رمضان ومرات عيد الاضحي
    لا كمان جابت ليها فلسفة ... فطور العريس ...

    كمان جابت ليها دعم بمشروبات ما عارفين جنسها شنو ... صح يالرشيد

    ياجماعة دي صينية هلال مريخ ...
    ماتغلطو دي صينية مباراة المريخ والهلال ... يعني لازم نعيد الكلام مليووووووون مرة
    حتن الموضوع يقع ليكم ...

    كمان جلا عمل ليها خطة اكل ... جنس محن ...
    هو بكرة الفاضي يلووك ولا يضوووق طعم حاجة شنو ....

    كدي انتظروني بكرة بعد المباراة ...
    يمكن "أحرد" وارجع الصينية بصمتها لموسي عيسي ...
                   |Articles |News |مقالات |بيانات

10-09-2009, 09:49 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    Quote: انت ياطارق جبريل ...
    حبوباتك ديل كلهم ياكافي البلا ...
    ياسفة ياعرقي ...


    نسوان قاهرات يا نجيلة ياخي
    كمان زيد عليهن حبوبة ((الوست)) بتاعة ديدو
                   |Articles |News |مقالات |بيانات

10-09-2009, 10:34 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    عيني باردة ... ولا اله الا الله محمد رسول الله
    بس كل زول يقراء السطر ده بلسان حبوبته بس اهم شيئ تكون ضاربة عبار
    طلعت من البوست ده امبارح قريب الفجر وجيت اسه دا الظهر
    لقيت ليك ماشاءالله فطور عريس وونسة حبوبات وكتحي عديل كدة ومعاهو شطة بالدكوة
    لا وكمان موسى عيسى ودر باسويردو تاني - انت ياموسى الشئ دي مشتريها بالدين
    المهم ....
    الرشيد موضوع الصيد بالصقور شيق وكنا ننتظر باقي المشهد لتكتمل المعرفة
    ومن ثم التعليق ... ومن ثم نشتري (الجديان) زي ماقال ديدو والهمر ونجيك نسوقك المقناص

    جلا اين صديقك الكمندان ... وفي رواية القمندان ... أي البوليس
    تكون كنار عملتها معاهم تاني ...

    عيد شكرا على ال also وحاتك عجبتني وكنت عاوز اعلق عليها بس الرشيد دا ياخ شايفوا حمر لينا
    وطبعا لا انا ولا انت ما بنقدر على زعل الزول ده ....

    زهير بالعمة والشنب جاني احساس كدة انك زول دفعة ناس هباني وادروب
    طلع .... طلع ياخ الحاجات دي انت متين بقيت لى جنس ده
    جاهل وصغير ... الدفعة البعدنا طوالي
                   |Articles |News |مقالات |بيانات

10-09-2009, 09:59 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    Quote: كمان جابت ليها دعم بمشروبات ما عارفين جنسها شنو ... صح يالرشيد

    ياجماعة دي صينية هلال مريخ ...
    ماتغلطو دي صينية مباراة المريخ والهلال ... يعني لازم نعيد الكلام مليووووووون مرة
    حتن الموضوع يقع ليكم ...


    ياسر الله يطولي عمرك هذا المشروبات من التراث...عيد الضحية ارتبط بالشربوت...و الأعراس
    زمان ما حسة في الشمال ارتبطت بالعرقي...و الله الواحد ما عارف يقول حليلو الزمن داك ولا
    الله لا عادو...تقول حليلو يطلعوك بتاع طشمة...تقول الله لا عادو تطلع متطرف و متنكر لي أصلك
    و لي تراثك...

    صينية هلال مريخ دي من شكلها ده ما شايف فيها فريق غالب شكلها كده بيقول الكورة تعادل...
                   |Articles |News |مقالات |بيانات

10-09-2009, 10:08 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: ياسر نجيلة)

    والكلام شايفو فى الميل ده
    ملخصو , صينية , وعمة قلووظ , وصابرات ست العرقى
    اما الصينية , فلو كانت صينية هلال مريخ يا نجيلة
    فدى صينية , لفتها صعبة خلاص , قطع شك حا تدق الدلجة مجرد ما تلز الدركسون لزة خفيفة
    جهة اليمين او اليسار
    اما اذا لفيت جهة اليمين
    والأمر هنا ما عنده علاقة بالجغرافيا
    فما اكثر ما لف (اليمين)
    فى واقع الأمر هو اليمين عندو غير (اللف ) والدوران شنو ؟؟!!
    وشوهد زهير الزناتى مستلقيا على قفاه حتى تخرمجت عمته (اليسارية)وهو يقرأ هذه الجزئية
    وعارفين انتو , لمن عمة زهير تتخرمج
    ابتهاج ذاتها ما تقدر (تلفها ) تانى
    وعن شطة صينية (نجيلة ) احدثكم
    فالشطة انواع ثلاث
    شطة شطة , وشطة ما شطة , وشطة دايرة ليها شطة
    اما الشطة الشطة
    فهى الخضراء المخلوطة بحمراء والممزوجة بقلقل اخضر لزوم النكهة
    واما الشطة الما شطة
    قهى شطة ست الريد ست الكوارع الجنبنا الما بيعرفها الا ديدو
    فقيل , وما الشطة الدايرة ليها شطة يا منصور يا ود عبد الرازق
    قال منصور
    هى كل شطة او ما شابه الشطة وحاول اصحابها اضافة المبردات من دكوة وليمون زيادة
    ويمكن كمان عصير طماطم
                   |Articles |News |مقالات |بيانات

10-09-2009, 10:25 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: منصور عبد الرازق)

    وبأستخدام معادلة (اسبيس توون ) بتاعت الرابط العجيب
    من شاكلة العلاقة والرابط بين شجرة السنط , ومشروب البيبسى كولا
    فاننا نسال عن الرابط العجيب بين ثلاث
    شنب زهير , وصينية ياسر نجيلة , والصقر الشاهين بتاع الرشيد بابكر
    وكمان بين عمة زهير , وشنب الريس ميسرة , وكنار
    واذا حبيتوا الطريقة برضو عايزين
    العلاقة بين جلابية جلا وعمته فى فطور ابتهاج (الهو يا هو زاتو قطور زهير )
    والملاح القرين (the green molah)بتاع الخبراء الأجانب
    واستمتاع ومتابعة عصام دهب
    وهناك علاقة جدلية اخرى تستاهل البحث والتحرى من المفتش (كولمبو ) بتاع اسبيس توون
    عرقى صابرات القام بى حاجة (نفيسى ) ورفيقتها (بت عريبى )
    حتى لم يعدن يعرفن (من هن دعك عن اين هن ذاهبات)
    يا ربى عرقى الليل تمر , ولا نقيع عيش , ولا خليط بين هذا وذاك ؟؟!!

    وفى النهاية ما علاقة كل ما ذكر
    بشخصية اليوم الزقازيقية التى نذكرها بالخير كله
    اخونا صلاح عبد المجيد نصر ,
                   |Articles |News |مقالات |بيانات

10-09-2009, 10:45 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: منصور عبد الرازق)

    منص ياحبيب
    غايتو اتخيل لي انو الرابط العجيب بين
    جلابية جلا وعمته في فطور ناس ابتهاج
    وملاح القرين بتاع الخبراء الاجانب
    واستمتاع عصام دهب
    ياهو انك جبت سيرة رجل فاضل وأخ عزيز
    احفظ له في الذاكرة وابان احد الاجازات كان مسئول التسفير
    وأذكر تماما كيف عمل على استقبالنا بوادي حلفا وكيف عمل على راحتنا
    حتى مغادرة القطار من هنا له التحية ونتمنى ان يكون اخونا صلاح في احسن حال
                   |Articles |News |مقالات |بيانات

10-09-2009, 10:55 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    Quote: ياسر الله يطولي عمرك هذا المشروبات من التراث

    تعرف يالرشيد هذه المشروبات التراثية فعلا ارتبطت بالمناسبات
    والعرقي فعلا كان في مناسبات الاعراس ومن هنا فهذه دعوة للزول المسخوت
    طارق ود جبريل ليحدثنا عن:
    الحسوة - البقنية - الدكاي - والشربوت
    فهذه المشروبات الرائعة تحتاج فقط لمسئول تسويق خبرتو زيكم كدة
    حتى تصل لمصاف مثيلاتها العالميات
    "ساعتها سوف يكون لنا حق التسويق الحصري"
                   |Articles |News |مقالات |بيانات

10-09-2009, 11:04 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    يعني زول واحد فيكم قال الزول ده بهضرب كدة مالو
    اسكتوا ... انا ماقلت ليكم ... مش اليوم انا إجازة
    وقاعد مجدع في البيت ومستعد تماما ابراكم لغاية ساعة الافطار
    والحمد لله اليوم اعتقد الجو شوية احسن يعني درجة الحرارة اقل على غير المعتاد
    لانو حاسي ليك انو المكيف ده بارد شديد ... المهم في ناس رمضان ده سخن معاهم شديد
    وبقو يلخو ولا يلحو ساكت ... اسه بالله دي شنو اللحة دي
    Quote: لا يمكن أن تكون صينية عيد الأضحى الفيها صحن لحة واحد
                   |Articles |News |مقالات |بيانات

10-09-2009, 11:36 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    بعدين يا جلال روق شوية ونحن الهضربة دي عافنها بالليل بس
    أي هضربة بالنهار معناها انت سكران
    انتو الميل دا مالو مترنح كدا ...أصلو شارب حق صابرات داك ولا شنو؟؟
    الحمد لله الكمندانات ما جو
    Quote: وفى النهاية ما علاقة كل ما ذكر
    بشخصية اليوم الزقازيقية التى نذكرها بالخير كله
    اخونا صلاح عبد المجيد نصر ,

    منصور أنا أبدأ معاك الرابط العجيب في مداخلتك ....وكمان من الآخر
    صلاح عبد المجيد زول محسي من دنقلا ...وقريب من الشمالية
    و الشمالية مشهورة بالبلح......
    و البلح ممكن نعمل منو عرقي صابرات القام بالحاجة (نفيسي).....
    وحاجة نفيسة حا تكون أكثر استمتاع و متابعة لحفلة العرس أليل سرهم الفي مروي ....
    و كأنها عصام دهب في البوست دا....
    وطالما عصام دهب كان مع عبد الدائم في إفطار جماعي...بيكون مشتهي الملاح القرين
    و الملاح القرين دا من الأكلات المفضلة لجلا
    وجلا كان لابس جلابية وعمة كاربة و قام لفاها لي زهير أب شنب في فطور ابتهاج.....
    و ابتهاج زولة ما ساهلة معرسة زول بي شنب كبير هو زهير الزناتي....
    وزهير الزناتي يحب العصافير .....و كان عندو كنار يغرد صباحاً و مساءً
    يقوم زهير يتطوع يديهو لي شاهين صاحب الرشيد الأماراتي عشان يكون طعم للصقر بتاعو
    و بالتالي يكون الطعم و لا أحلى عندما تكون صينية نجيلة بها لحم طير مما تشتهي نفوسنا

    أحبكم و أحب رابطكم العجيب
                   |Articles |News |مقالات |بيانات

10-09-2009, 01:09 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد آدم النور)

    Quote: بعدين يا جلال روق شوية ونحن الهضربة دي عافنها بالليل بس
    أي هضربة بالنهار معناها انت سكران


    والله ياحبيب ... واقف لط
    انت عارف الواحد لما يكون في نص الحوش ده بيكون في حالة كدة
    انا شخصيا ما بقدر اوصفا - نشوي سكر غايتو ما اظنها ذهللة

    جلا انت الحالة دي قاعدة تجيك
                   |Articles |News |مقالات |بيانات

10-09-2009, 06:44 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    مساكم الله بالخير يا شباب ، نأسف للغيبة لظروف تقنية في غاية الصعوبة


    أولاً نجي لفطور ناس أبتهاج .... طبعاً عجبتني جداً والله يا جماعة الفطور دا جد بتاع إبتهاج
    بكل ما تحمل الكلمة ومساهمات ضخمة من نادر فاروق ومحمد حسن وعشي ومحمد صديق وزي ما قلت
    المرة الفاتت الخيل تجقلب والشكر لحماد ... طبعاً من الحاجات اللذيذة قال منصور فطور ناس
    ابتهاج وبين قوسين فطور ناس زهير ، وجا جلال قال فطور ناس إبتهاج أها دي تذكرني ود أختك
    ما بتناديه باسم ابو تقول محمد ود سلمي أو ود علوية ، يعني ما معني الكلام دا إنك يا جلال
    ما صاحبي ، وكمان دفعتي ... في قصة لذيذة الكلب بكري حامد الشين (الشتيمة دي عشان يجي
    يرد وطبعاً بكري عنده باسويرد لكن عامل فيها تقيل زي الود حيدر حنين) المهم مره في
    التسعينات ونحن نتجول في شوارع الخرطوم سويا ، قال لي ياخي ما نمشي لي محمد صديق في الداخلية
    وطبعاً بحكم إني كسلاوي أدروباوي ما بنحب محلات الكجر (البوليس) وكمان من بقايا الشيوعية فيها مع عوض المفتاح حا أحكيها لاحقاً .. حاولت إتملص منه لكن ألح علي ، قلت ليهو أسمع يا بكري انا محمد صديق
    دا زاتو ما صاحبي ، صاحب إبتهاج ، ضحك لامن قعد في الواطة وأفترقنا ، بعد ما لاقيته المره البعدها قال لي والله كلمت لي محمد صديق وزعل ، بعد فترة محمد صديق قال لي ، والله لا زعلت لا حاجة ، ما صحي أنا ما صاحبك وصاحب إبتهاج ، أها حسع لأنو محمد صديق بطبيعة شغله بقي ما قاعد يلبس رسمي فردته وصاحبته..
                   |Articles |News |مقالات |بيانات

10-09-2009, 07:12 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    والله يازهير ويعلم الله وماطالبني حليفة
    لما لقيتك مطنش البوست ومافي ولا مداخلة منك
    لطشت ليك الفكرة من مداخلة منصور وبيني وبين نفسي قلت والله اخلى ليك زهير يجي ناطي اسي دي
    بعدين تعال هنا ده ... وين المبادي والافكار والحاجات ديك
    يعني اسه فطور ناس ابتهاج دي حرقتك، يعني مسألة الامور الجندرية الفلقتنا بيها كم مرة خلاص (بح)
    وتاني مرة تعال هنا ده ابتهاج شنو وانت شنو (فولة قسموها نصين)

    التحية ليك وللخالة
                   |Articles |News |مقالات |بيانات

10-09-2009, 07:14 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    بسم الله الرحمن الرحيم

    بسم الله الصباح – على قول اخونا وسنيرنا قمر الدولة ود فطيس

    فى شنو يا اخوانا ؟ الحاصل شنو فى البوست ده ؟؟

    يا ريس ميسرة انت داقش ويييين وسايب الرعية كده ؟

    يا سيد الوحش ود دهب .. القانونى الضليع والبوردابى المميز والأحمر الجميل

    يا اخوانا شنو دعاش المريسة الفايح فى حوش ناس الزقازيق ده ؟

    يا ربى انا غلطت وبدل اخش حوش الزقازيق خشــيت حوش الزقاقات ؟؟!!

    الدنيا رمضان ولا كريسماس ولا هى راس السنة ولا راس كلـ ...... !!!

    والله الواحد بعد صحى ودخل البوست وشاف الحاصل ..

    افتكرت انو انا باحلم وانو فى انقلاب من نوع ما حأسميهو حصل فى الحوش

    الجماعة ما صدقوا حكاوى ود جبرين مع حبوبته صابرات والحاجة نفيسى الحصل ليها زى

    ما حصل لواحد من ناس الحوش ديل ذاتهم يوم عرسو ..

    المهم الناس ما صدقوا الباب انفتح وجاتك توووش صوانى المرارة وام فتفت وكبدة الابل

    وناس تانيين عملوها فطور صبحية ولا فطور عريس ما باعرف

    الناس التقول رايحـــة ليها طشــــّة ..!

    انا غايتو حاتعامل رسمى واقدم عريضة دعوى لمولانا سيد الحوش

    وبصراحة الاتهـــام موجه عديل لحبيبنا الرشيد .. بأنه يقود توجها مشبوها

    لتحويل وجهة البوست وانحرافه وهو ما زال يافعا صغير السن سهل الانقياد

    لم يبلغ الستون صفحة من عمره ...

    والأدلـــة التى سأقدمها واضحة وبينة ويشهد عليها الجميع ، بل وانها موثقة فى الميلين 54،55

    واولها ابتداره موضوعا عن الصــقور وعندما لم تكن الاستجابة كما خططت لذلك الجهات الاستعمارية

    التى تموله ... استدرج اخونا طارق جبرين لاخراج موروثات وحكاوى حبوبة صابرات ، والنضيف

    كمان شرب الحكاية وقام فـــتّ حكاية حبوبته الديامية البتسييك فى 5 دقايق وتهرش سواقين

    التكاسى

    اما باقى الجماعة فاحت فيهم ريحة القرعه ( بفتح القاف ) وفتحوا ليك غنــاء فى

    انواع المـــــزة والعرقــى الداااااشر !!!

    رشيد .. جهز مذكرة دفاعك ... ان ما خليت زهير يخت صورتك فى بروفايلو بدل

    لبنى ..!!!!
                   |Articles |News |مقالات |بيانات

10-09-2009, 07:30 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد عيد)

    Quote: زى ما حصل لواحد من ناس الحوش ديل ذاتهم يوم عرسو ..


    الشمار .... الشمار ..
    محمد عيد ... دا منو دا
                   |Articles |News |مقالات |بيانات

10-09-2009, 07:46 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    يا أبو الجل ، بالعكس الكلام كيفني جداً و عليك الله أقرا مداخلتي تاني عشان
    تعرف انا قاصد شنو .؟
                   |Articles |News |مقالات |بيانات

10-09-2009, 08:33 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    عارف يا الرشيد أنا أمي شايقية وأنصارية وعندها راي في سف التمباك ، لكن بتحكي
    لي عن أهلها المقربين ، وعلاقتهم بالعرقي ، وقصصهم التي لا تنسي ، حكت لي مرة عن
    إنه كان في مجموعة من أهلهم يجتمعوا كل يوم خميس في بييت زول ، يضبحوا الخروف
    والشربه بالجردل الكبير ، في يوم بعد ما جهزو حالهم ثبت شهر رمضان من دربهم
    داك علي الخلوة والصلاة ، إثنين من قريباتها قاموا بكل اللحمة والشربه تاني
    يوم أي في رابعة رمضان ... والقصص كتيره ، عشان كده يا طارق جبريل لو في
    اي قضايا أترفعت حا نجي شهود ولا يهمك ....
                   |Articles |News |مقالات |بيانات

10-09-2009, 08:19 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    و الله ناس البوست ديل عجيبين خلاص...نشيل ونفتح ليهم في المواضيع المهمه و توزع ليهم
    في الباصات...زول واحد يعبرك فيهم مافي...تقوم تلعب ليك باص مخرمج وبالغلط...يعني
    ما مقصود منو باص...تلقاهم كلهم قاعدين يشوتو في القون...
    انتو قريتو في الزقازيق ولا في الديم...يخرب مطنكم كلكم...

    أها أنا الموضوع ده زي ما فتحته في ونسة عابرة مع طارق جبريل...حالف الا أقفله كمان
    و الا الناس السجمانين و الرمدانين ديل حيصلو بيهو الميل ستين براحة...

    جلال ده تجيهو قبل الفطور تلقاهو يهضرب ساكت...بس أول ما يعبي الزنقلة بتاعته دي بابداعات
    الحاجة تلقاهو قاعد مرخم و جمبو صحن البليلة و صندوق الكلينكس...المعلقة قاعدة جمب الصحن
    ما بيشتغل بيها...يخمش ليك بي يده و يقش ليك بالكلينكس وبعدين يفتح البوست ويكتب ليك بآخر
    نفس...متابع ومستمتع...يقفل ويخمش تاني من صحن البليلة...

    محمد عيد...انت كان متلقي حجج كلمني...انت يا زول ما صدقت منصور قال محمد عيد ده موهوب
    و مبدع و كمان محامي...بقيت تفتش للقضايا في خشم البقرة...قالو سيد الرايحة يفتش خشم
    البقرة...يا زول سيبني في حالي...أنا لا بترافع ولا بدافع ولا يحزنون...انت عينك للفيل
    تطعن في ضله...الموضوع ده فتحه طارق جبريل جاي ناطي لي أنا حيطك القصيرة دي...ما تمشي
    تهبش طارق جبريل و لاخايفو يبشع بيك في جريدة أخبار اليوم المغربية...و الله ناس تخاف وما
    تختشيش....
                   |Articles |News |مقالات |بيانات

10-09-2009, 08:40 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    اصلو القصة باظت باظت
    والناس ما صدقت جبنا سيرة البقنية والعسلية
    كدي نبوظها للطيش



    الطيب ود موسى وود مدلهم


    - تعرف يا طارق ولدي عمك ود مدلهم دة كان مصيبة الله يرحمه
    - كيفن يا عمي
    - انا وهو كنا شغالين في الصنادل البتمشي بين كريمة ودنقلا
    - اها
    - ويا ولدي حياتنا كلها عديناها مع التمُر
    - كيفن يا عمي
    - النهار كله نحفر تحته ووكتين تليل نصلي عشان ونطلع علي حريم العرقي
    - هههههههههههه اصلو تربكم دة يا عمي جنو جغمي
    - ايي يا ولدي ان بيقنا ما جغمنا آآآبنرتاح
    - دحين عمي وداعة الطلع فيكم زي جدي
    - أيي عمك وداعة رحمة الله عليه كان جنو قرآن زي جدك
    - هي لكن يا عمي انت جدي دة موش كان بيأم الناس في الخلوة
    - ايييي
    - نان كيفن كنتوا بتجغموا وانتو اولاده
    - يا زول الجغمي دة ماهو دايرلو سبب كدي خلني اللحكيلك قصة ود مدلهم
    - اها
    - يوم سافرنا في الصندل لي ضنقلة والدنيي كانت برد شديد خلاص
    - ايي برد الشماليي كعب
    - يمين يا ولدي برد ان طلعت اصبعك ينقطع... المهم ود مدلهم جاني في الصندل كان عندنا فيهو اوضة ننوم فيها
    قالي قوماك نشوفلنا عرقي في البلد الفقر دي...
    اها قمنا لقيلانا اندايي كدي وكنا شايلننا قريب فروت... وحاتك يا ولدي ود مدلهم دة كبا العرقي في كوريي وبقى يعصري
    فيها القريب دة... والخرابة قوي يمين قشر القريب بي منجل ما تطلع منه نقطايي..
    سكرنا زين وشلنالنا نص في قزازي وجينا راجعين نغني في الطريق
    - اها
    - قام يا ولدي علي التعترنا قابلنا ليك بوليس اصلي زي لياقتو (من لايووق) ما شفتها
    - وداكم الحراصة
    - قعدنا يا ولدي نحنس فيهو... ابى كله كله... اديناهو جنيه.. حرن كله كله... قلنالو خلاص شيل النص دة عليه العوض ومنه العوض
    اصلو ابى يتفاهم كله كله... اها قام عمك ود مدلهم قالي تكفتو ولا اكفتو انا
    - لا حولاااااا يا عمي دايرين تكتلو الزول
    - نان يا ولدي ما جننا جن.. قلت لي ود مدلهم ان بقيت كفتو انت بيموت خلني النكفتو انا
    - اها وكفتو
    - لا جينا جنبب بيت كدي ونسمع ليك الناس يتونسوا بالحيطة... قام عمك ود مدلهم شالو ورماهو ليهم بي فوق الحيطة
    - ههههههههههه يا عمي دة شغل مجانين دة
    - نان منو القالك نحن نصاح... النصيبة يا ولدي قام لاقانا واحدا تاتي ليهو تفي كدي
    - بوليس تاني
    - ايي ليهو تفي كدي علي الاشميق... برضو يا ولدي محنا محاين
    - اها وساقكم للنقطة
    - لا ما شهدناهو
    - كيفن؟؟؟؟؟
    - ود مدلهم قالي المرة بكفتو... مسك القزازي الفيها النص وقشطو في كتفو
    وكان اسمعلك يا ولدي كررررررررر في ترقوة الراجل وبدا يكورك
    - هههههههههه غمتو يعني
    - ايي يا ولدي لامن حنيت عليهو
    - اها وشن سويتو تاني
    - قمنا جارين علي صندلنا وفي الصباح قالولنا لقولم بوليس غمران وعضامو راقدات خل
    - اها شن حصل
    - يا زول الصندل قام في نفس اليوم وتاني ما جبنالو خبر




    رحمة الله عليهم الاتنين
                   |Articles |News |مقالات |بيانات

10-09-2009, 09:20 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    سلامات يا ناس

    جلال ...كتر خيرك على السؤال

    بعض المشاغل ابعدتنا الايام الفائتة

    ومبروك عليكم الميل الجديد

    لكن انا من دربى ده ماشى اشوف لى عربية دورية ومعاى

    اسامة ابتر نخم سكان الحوش ديل كلهم ونبيتم محل عارفين

    شدوا حيلكم
                   |Articles |News |مقالات |بيانات

10-09-2009, 09:37 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)





    مبروك ال76.000 قارئ ، يعني في ناس بتقرا ومستمتعة يا الرشيد .... زي ما قال الكوتش
    شدوا حيلكم
                   |Articles |News |مقالات |بيانات

10-09-2009, 10:26 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    عشقى الزقازيق والزقازيقاب كيف لا وبها عشنا ربيع الامانى وعانقنا السماء مع نعم الاخوه وأعظم الزملاء فامتلاء وجداننا باعظم وانبل المشاعر والاحاسيس اتجاههم
    الاخوة الزقازيقاب اليوم اسجل حضورى وقد اضفت الكركم الى وجباتى وما اسعدنى بكم
    التحية والود والاجلال لكم
    وتحية خاصة ل سيد الحوش
                   |Articles |News |مقالات |بيانات

10-09-2009, 10:31 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    ماشاء الله ان شاءالله دايماً تامين ولامين

    زهير فهمتك ياخ والله بشاغل فيك ساكت ...
    ----------------
    الرشيد وحاتك يادوب جريت صحن البليلة وجبت المناديل والتمر استعدادا للتعسيلة
    اها ... تررررن ... تررررن جلال لازم تجي المكتب عشان انا عاوزك ضروري
    ياخ انا ما مداوم اليوم ... لا لا لازم تجي لانو انا مضطر اسافر بكرة (الجمعة) خارج المملكة
    وهنالك بعض الامور لازم نخلصها ... طيب حاضر حاضر .. ووحاتك يالرشيد هادي فكة
    من ابو الكا ده ... وقلت اتاوق قبل امشي البيت ...
    ----------------
    ياكمندان ... ياخ براحة علينا ....
    يعني انت كان رمضان ولى كنت بتعمل فينا شنو
    ----------------
    جبرييلا ياحكاي وحاة الله يوم بتكتل ليك زول بالحكي الطاعم دا
    هاك دي
    كنا في سنار (اشلاق البوليس) وطبعاً تكثر مثل حكاوي اعمامك ديل "عليهم رحمة الله"
    جارنا وعمنا الشاويش "عليه رحمة الله" من المقل كان في بوليس السواري
    وكانت روحه شابة حيث يسعدنا دائما بقصصه الممتعة من هذه الشاكلة
    اها مرة زولك لاطي للطيش وكان عليه وردية حراسة في سوق سنار
    الدنيا سقط ... وكثير من الاحداث والجرائم كانت في تلك الايام
    أها عمنا دخلتو خوفة كدي حسب الفى راسو ...
    وفي عز الرجفة دي جاي ماري بي حصانو قدام مزيرة فيها زيرين قدام دكان
    فما كان منه الا ان يتمتم بصوت واطي "انا اخو بت ابشر اماني الليلة ماكتل راجل"
    الخرابي ديل اكيد لابتين لي ... ياربي كان سلمت عليهم بخلوني في حالي
    فما كان منه الا ان قال "السلام عليكم اسرقوا سرقتكم وامشوا من هنا"
                   |Articles |News |مقالات |بيانات

10-09-2009, 10:06 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    محمد صديق كيف حالك ياخي...و الله انت لبداتك بقت عجيبة...تختفي و تظهر بعد حول...
    حكايتك شنو...

    و بعدين وكت بقت فيها دوريات وخم ياني المبيت مع ناس عمار ولا عوض المفتاح...ما أظن
    الدورية بتجي بي هناك...جلا تعال بنخلي ليك سرير...

    زمان عندما كنا صغارا كان اجباري تقضي الاجازة و الأعياد في الكوة مسقط رأسي و مكان أهلي
    و أجدادي قبل أن يتوفى الله من توفاه رحمهم الله جميعا ويرحل من بقي منهم الى الخرطوم... ولي
    في الكوة حكايا وقصص كثيرة رغم اني لم أعش فيها غير العطلات و الأعياد...و لكن الحكاية التي
    أنا بصددها لها علاقة بالموضوع المسيطر على البوست اليوم...
    في احدى زياراتنا للكوة في عيد الضحية...كثرت الزبائح وكثر اللحم...كان عمي المتوسط في عز
    أيام جاهليته قبل أن يتشيخ ويطيل مسبحتة ثم دقنه...طلب مني مرافقته الى البحر...و للنيل
    الأبيض شاطئ رائع برمالة البيضاء الناصعة البياض خاصة عندما ينعكس عليها ضوء القمر...كان بيت
    جدي وما زال يفتح على النيل مباشرة وأمامه عدد من أشجار النيم التي لم أرى لهم مثيل في
    حياتي كانو أضخم نيمات لا أبالغ ان قلت في العالم...و لتلك النيمات قصص سوف آتي اليهم مرة
    أخرى...
    جلست وعمي في شاطئ النيل الأبيض الرائع فاذا يخرج من جيب جلابيتة زجاجة عرقي وكان قد مهد
    لها طويلا قبل اخراجها...معليش اعذر عمك زهجان بس ما تعمل زي انت ان شاء الله أمورك ما تكون
    زي القرف بتاعنا...ثم ابتدأ يكتح كما يسميها هو...شفطنا هواء النيل الأبيض اللذيذ داك كله
    حتى كتح عمي كل الزجاجة...ثم قال لي يالا نمشي البيت نتعشى...مشينا البيت لقينا عمتي قالت
    لينا شيلو الرتينة دي أنا خليت ليكم العشاء بتاعكم في المطبخ...و ماتنسو صحو معاكم مكي..
    مكي عمي الكبير...ابتلاه الله بضعف في السمع فلا بد أن ترفع صوتك عاليا حتى يسمعك...دخلنا الى
    المطبخ ووجدنا لحم بالكوم وراس خروف وشوية فول...عمي بتاع الكتحة قال لي أمشي صحي عمك ده
    أنا بجيب العشاء بره...خت لي الرتينة دي جمب الباب...ختيت الرتينة جمب الباب و مشيت أصحي
    عمي مكي وكنت أشك في ان دي نزوغة من عمي الأوسط...
    صحيت عمي مكي و قعدنا حول الصينية...امسك عمي براس الخروف وفتح فكية ليخرج اللسان فلم يجد
    اللسان...الله اللسان ده وينو...انت شلتو مخاطبا عمي الأوسط...لا والله ما شلته...انت خليني أسألك
    سؤال انت الخروف ده لمن ضبحتوهو الصباح كان بيقول باااااااع...مستغلا ضعف سمع عمي مكي...
    و الله ما عارف أنا ما سمعته أجاب عمي مكي...و تيب الخروف ما عنده لسان عشان كدة ما كان بقول
    بأأأأأأأأأأأأأع...

    بعناكم بعافية
                   |Articles |News |مقالات |بيانات

10-09-2009, 10:34 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: الاخوة الزقازيقاب اليوم اسجل حضورى وقد اضفت الكركم الى وجباتى وما اسعدنى بكم
    التحية والود والاجلال لكم
    وتحية خاصة ل سيد الحوش


    معتصم جعفر يشرفني جدا أن أكون أول المرحبين بك...لا شك انك اضافة قيمة لهذا البوست
    خاصة و انك جاي بي كركمك...حبابك عشرة بلا كشرة بل قل حبابك مليون...
    بس عندنا سؤال تقليدي لكل القادمين الجدد...انت زول ليل زينا كده ولا زول نهار زي
    عبدالدايم و الريس ميسرة ولا بتاع كلو كما ادعى موسى عيسى....
                   |Articles |News |مقالات |بيانات

10-09-2009, 10:53 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    رشيد القوم كما العهد بالزقازيقاب جميعا فى كرم الضيافه فلك من الشكر اجزله
    اما مسالة الليل والنهار بتتحكم فيهو العلاقه مع بت الشيخ لكن مبدئيا زول ليل ساكت
                   |Articles |News |مقالات |بيانات

10-09-2009, 10:37 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: الاخوة الزقازيقاب اليوم اسجل حضورى وقد اضفت الكركم الى وجباتى وما اسعدنى بكم

    ياهلا .. ومرحبا .. ومليون مرحبا
    وتجدنا في غاية السعادة ان ينضم الينا الريس شخصياً
    ياخ ده يوم فوق العادة
                   |Articles |News |مقالات |بيانات

10-09-2009, 11:07 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    سلامات يا ناس

    يا بختنا بقى عندنا ريسين لكن مؤكد مركبنا ما بيغرق

    مرحبآ الريس معتصم...حتمآ ستكون اضافة وعلامة
                   |Articles |News |مقالات |بيانات

10-09-2009, 11:12 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    سلامات يا ناس

    ناس الدورية ابو يجو معاى قالوا لى

    ناسك ديل ناس كلام ساى..والسواى ما حداث
                   |Articles |News |مقالات |بيانات

10-09-2009, 11:14 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    قمندان لك التحايا والاشواق والشكر
    فى زول بقبض نفسو

    (عدل بواسطة معتصم جعفر on 10-09-2009, 11:17 PM)

                   |Articles |News |مقالات |بيانات

10-09-2009, 11:18 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    حباب معتصم جعفر
    بيتنا نور
                   |Articles |News |مقالات |بيانات

10-09-2009, 11:43 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    منور باصحابو والشلوخ اللاورا
    ازيك ود جبريل انور ايامك
                   |Articles |News |مقالات |بيانات

10-09-2009, 11:19 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    سلامات يا ناس

    يبدو انكم بتاكلو راس الناس

    الجاية دى مهداة لى طارق جبريل ومنصور

    واحد من اعمامك الشوايقةكان عيان اولادو

    ودوه الدكتور وبعد الفحوصات كتب الدوا

    وقال ليه ياحاج تاخد الدوا دا وتعمل

    حسابك من الابيضين...بعد طلعوا قال لى

    ولدو ..الدكتور ده ما عرفتو قاصد بى

    كلامو ده شنو ؟قال ليه يابوى الابيضين

    ديل السكر والملح...الشايقى قال كان

    كدى الحمد لله انا كت قايل واحد منهن

    العرقى
                   |Articles |News |مقالات |بيانات

10-09-2009, 11:25 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    سلامات يا ناس

    الجاية دى مهداة للجميع

    دفعتنا الاسيد ...شقيق المرحوم عمر الاسيد...علوم

    كان شغال فى جوبا...عندو عسكرى غاب من الشغل كم يوم

    كده..قال لى بتاع الادارة تشوفو الزول تجيبو قدامى

    الزول لما جابوه كان واقف سلك...الاسيد قال ليه انت

    وين يا زول؟؟العسكرى قال ليه...يا سعادتك انت ما سمعت

    الفنان بقول نسكر نغيب
                   |Articles |News |مقالات |بيانات

10-09-2009, 11:11 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    اخى الجلال السلام والشكر الكثير على هذا الترحاب الجميل
    بس اجدعنا بخمشة بليله واوع الكومندانات يخوفوك
    ولك الاجلال كله
                   |Articles |News |مقالات |بيانات

10-09-2009, 11:17 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    الترحاب يمتد مثنى و ثلاث ورباع بالريس معتصم

    ومؤكد الحوش نـــّور وازدهى بيك ...

    وشكلك من بدايتك معانا زول ليل

    والخريف الليّن من بشايرو بيــّن

    ******

    Quote: ناس الدورية ابو يجو معاى قالوا لى

    ناسك ديل ناس كلام ساى..والسواى ما حداث



    يا جنابو القصة ما مستاهلة ...

    ما الرشيد قبيل قال الروووب ...

    انشاء الله يقولها باكر زى الوقت ده .. !!


    *************

    جنابو بالله واصل مع ابو دومة

    خلى الســــكرة تطير ...!!!
                   |Articles |News |مقالات |بيانات

10-09-2009, 11:25 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد عيد)

    Quote: الاخوة الزقازيقاب اليوم اسجل حضورى وقد اضفت الكركم الى وجباتى وما اسعدنى بكم
    التحية والود والاجلال لكم
    وتحية خاصة ل سيد الحوش
    تجدنا سعيدين أيما سعادة أن تكون بيننا
    كيف لا.... ونحن نهلنا من معينك في موقع الزقازيقاب في و قتها أغلى النصائح و الذكريات الجميلة
    و ها أنت الآن ممسك بدفة الرابطة في خرطوم الله الباردة ...و أنت وتجاري الهوى
    الآن البوست في حالة غير اعتيادية ....يترنح يمنة ويسرا هل هو بمجيئك أم بفعل فاعل ...الله أعلم!!!!
    عارفين يا جماعة بالنسبة للرشيد، و جلال وطارق جبريل و معاهم زهير الزناتي ديل ساهلين
    شوفو لينا الزول الفدادي الأسمو منصور دا إانشاء الله ما يكون قاعد في تحت حيطة
    معليش يا ريس الداخل جيت لقيت الناس في حالة تانية و خلصو المرارة بتاعت ياسر نجيلة
    و الباسم بتاع الرشيد و فوق دا كلو سيد الحوش رش الواطة بالموية من الصباح للجماعة ديل

    هس بي حالتكم دي يقولو يحبوكم كيف؟؟؟؟
                   |Articles |News |مقالات |بيانات

10-09-2009, 11:33 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد آدم النور)

    سلامات يا ناس

    يا عيد ازيك ...ما ناسى ابو دومة

    لكن جيت لقيت الناس دى كلها واقفة سلك

    قلت اخليهم يصبحوا

    بجيك
                   |Articles |News |مقالات |بيانات

11-09-2009, 00:05 AM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد آدم النور)

    يسعد ايامك يا رب
    الحوش حالتو حاله0000ولكنها الزقازيق
    لك الحب والتحيه
                   |Articles |News |مقالات |بيانات

10-09-2009, 11:37 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد عيد)

    انا عائد بالحب يا بلدى
    انا عائدفالشوق يعصف بالغريب
    ناديت من ولهى عليك
    فمال غصنك يستجيب
    انا ظامىء لاارتوى بالدمع
    او بدم النحيب
    الحبيب عيدقصدت ان احييك بما تحب من جميل الكلم
    فلك الشكر الجزيل
                   |Articles |News |مقالات |بيانات

10-09-2009, 11:40 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    انت وانا..

    اغنية تبشتن عدييييييييييل


    قالوا الشايقي لو ما كان بيحب لامن مكسر ويجوعر
    ما بيبقى شايقي صح صح
                   |Articles |News |مقالات |بيانات

11-09-2009, 00:17 AM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: طارق جبريل)

    ده كان زمان قبل الزلط الشوايقه بقوا فى اربعه ساعات يبلو الشوق ويرجعوا
    بعدين هاشم ميرغنى ذاتو شلختوا
                   |Articles |News |مقالات |بيانات

10-09-2009, 11:43 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    Quote: الحبيب عيدقصدت ان احييك بما تحب من جميل الكلم

    يا ريس الناس الريحتم طاقة ديل تحييهم بي شنو؟؟؟

    أحبكم بحلو الكلام
                   |Articles |News |مقالات |بيانات

11-09-2009, 00:11 AM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد آدم النور)

    امامى زجاجة عطر ازارو هدية من الزقازيقى الرائع اسامه دبلوك <حقوق> حاابخ امكن الريحه تتغير
                   |Articles |News |مقالات |بيانات

11-09-2009, 00:49 AM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    اقرأ باسم ربك الذى خلق
    ما بين خوف وخشيه ويقين وشك وتصديق ومزيد من التصديق 0بين الرهبه وجلال الموقف والارتعاشه الانسانيه المجيده000كانت الكلمه 000تنضدت
    حروف القران الكريم000كلمة كلمة وجملة جملة000فغدت هذا السفر العظيم ذو الجلال0
    فاقرأوا ما تيسر منه 000انه امان من خوف ورشد من صغار وهدى من الضلال 000القران فيه كلمه000وعالم رحب 000وخلاص
    بسم الله الرحمن الرحيم
    # ودعا ربه0انى مغلوب00فانتصر000
    #رب00اشرح لى صدرى ويسر لى امرى000
    #قل جاء الحق وزهق الباطل ان الباطل كان زهوقا000
    #والعصر ان الانسان لفى خسرالا الذين امنو وعملوا الصالحات وتواصوا بالحق وتواصوا بالصبر000
    #واعلموا انما اموالكم واولادكم فتنه وان الله عنده اجر عظيم00
    #ان الله لا يظلم الناس شيئاولكن الناس انفسهم يظلمون
    #فأما الزبد فيذهب جفاءواما ما ينفع الناس فيمكث فى الارض
    #واذكر ربك فى نفسك تضرعا وخيفه ودون الجهر من القول بالغدو والاصال ولا تكن من الغافلين
    #وما من دابة فى الارض الا على الله رزقها ويعلم مستقرها ومستودعهاكل فى كتاب مبين0
    صدق الله العظيم

    (عدل بواسطة معتصم جعفر on 11-09-2009, 00:50 AM)
    (عدل بواسطة معتصم جعفر on 11-09-2009, 00:54 AM)

                   |Articles |News |مقالات |بيانات

11-09-2009, 10:36 AM

سامي عبد الوهاب إدريس
<aسامي عبد الوهاب إدريس
تاريخ التسجيل: 15-11-2005
مجموع المشاركات: 1508

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    ترحيب حااااااااااار

    بأخونا معتصم جعفر

    وفي إنتظار بقية الأخوة الجدعان خصوصا المتابعين ومستمتعين


    ______________________

    والله الليلة البوست ريحتو... حكااااااااااااااااااااية
                   |Articles |News |مقالات |بيانات

11-09-2009, 01:39 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: سامي عبد الوهاب إدريس)

    يا جماعة الريس دا جا بي وين ،،،،،،،،،

    مرحب يا ريس ... والدار منوره .... والله بقينا زي لبنان فيها عشرة رؤساء

    الرئيس الحريري والرئيس سليمان ......

    إضافة حقيقية ..... وبختنا ناس تجارة ... مننا ريسين
                   |Articles |News |مقالات |بيانات

11-09-2009, 03:40 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: زهير الزناتي)

    افو يا ريس زناتى نطيت الحيطه لو ما انته القدمته الاسم للباش بكرى وله ولك الشكر الجزيل
    شايف يا ريس دى ساهله كيف عشان كده من الليله الزعيم هو ميسره وكل واحد فينا ريس يسعى لخير قبيلة الزقازيقاب0
    بعدين الجماعه اول ما جيت سالو زول ليل ولا نهار والله صبحته الواطه ما لقيتم وصليت الجمعه وبرضو ما لقيتم يا
    ربى سابو لى الحوش ولا امكن قايمين الليل الله يستر ما يكون واحد رشه الحوش لماهم عندو فى رمضان ده0
                   |Articles |News |مقالات |بيانات

11-09-2009, 03:24 PM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: سامي عبد الوهاب إدريس)

    شكرا للرجل الخلوق سامى اكرر شكرى وتقديرى
                   |Articles |News |مقالات |بيانات

11-09-2009, 06:09 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    كان الله ادانا الفي مرادنا بنجيكم بعدين
    وننثر الفرح في هذا البوست













    وكان ما جينا اكيد بجيكم محمد عيد ليزرع الابتسامة
                   |Articles |News |مقالات |بيانات

11-09-2009, 06:44 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    مساكم الله بالخير

    غياب قسري... واطلالة عاجلة قبل أقل من نصف الساعة من بداية مباراة الهلال و المريخ
    سوف نعود ان شاء الله بعد المباراة مهما كانت النتيجة و التي أشعر أنها لصالح الهلال
    ان شاء الله...لكننا عائدون حتى و ان لم تكن كذلك فنحن ندعو الى الروح الرياضية من خلال
    هذا البوست...
                   |Articles |News |مقالات |بيانات

11-09-2009, 09:07 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    عدنا و كما توقعنابفوز الهلال...الحقيقة لم أتوقعها ثلاثية ولكنها أصبحت هكذا...
    كان المريخ ندا حقيقيا للهلال بل كان الأفضل في غالبية فترات المباراة وهذا ليس
    بمجاملة لمحمد عيد...
    أستطيغ أن الذي فاز هو كامبوس...فلقد أصبحت بصماته واضحة على الفريق و استطاع
    رغم حساسية المباراة أن يخرج من لاعبي الهلال أحسن ما عندهم...
    اصابة حمودة بشير صبت في مصلحة الهلال...فلو استمر في اللعب لخرج مطرودا لمناكفتة
    الدافي بدون داعي...و أثبت الدافي انه أحسن محترف في الدوري السوداني حتى الآن...
    علاء الدين يوسف تحسن مستواه من حيث الأداء و الأخلاق أيضا...من وين جاب الأخلاق دي ما
    عارف...يكون صايم يا ربي...
    مهند الطاهر لاعب محلي جدا...لو كنت مكان كامبوس لأخرجته قبل ذلك بكثير...لاعب ذو مهارات
    عالية جدا ولكنه لا يؤمن بقدراتة...
    هدف عمر بخيت هدف عالمي دون مزايدات وكذلك هدف ايفوسا...

    مبروك للهلال وهاردلك للمريخ...و لمريخاب البوست...لقد انهزمتم بشرف...
                   |Articles |News |مقالات |بيانات

11-09-2009, 09:16 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    رشيد القوم .........
    مبروك الف مبروك والتهاني نسوقها لعموم أهل البلد
    واسمح لي في هذا المقام ان نرفع القبعات تحية إجلال لهلال الملايين (سيد البلد)
    زارع الفرح في النفوس
    اتفق معك تماما في كل ماذكرت بس حكاية انو المريخ كان احسن من الهلال دي فيها قولان
    ياخ ديل ماصدقوا انو المباراة انتهت
    هدف عمر بخيت اكثر من عالمي
    هدف ايفوسا بس هو العالمي
    دي ليك
    ودي للهلال
                   |Articles |News |مقالات |بيانات

11-09-2009, 09:33 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: جلال عثمان)

    جلال شكرا على الوردة ومبروك للجميع...
    لكن عايز اذكرك بعد طرد الباشا و تعادل المريخ...كاد كليتشي أن يفعلها ويسجل ولو
    حدث ذلك لتغيرت نتيجة المباراة في وقت هبطت فية لياقة عمر بخيت وعلاء الدين واختفى
    هيثم...و لولا سرعة سادومبا التي صنعت الفارق لكان هنالك وضع آخر...

    نقول ان القادم أصعب...و كثير من اللاعبين يحتاجون لمراجعة أداءهم...حتى كابوندي لم
    يكن بأحسن حالا من أمولادي الذي رحل...فلقد كان أداء خليفة في المباريات السابقة أفضل
    منه...لكنني أرى أنه لاعب جيد يمكن أن يتحسن مع الوقت...لا بد من تصحيح الأخطاء و من
    الآن وأن لا نعتقد أننا بهزيمة المريخ قد فزنا بكأس البطولة...
                   |Articles |News |مقالات |بيانات

11-09-2009, 09:27 PM

عثمان الجيلي شيخ محمد

تاريخ التسجيل: 25-01-2007
مجموع المشاركات: 249

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    مبروووووووووووووووك للهلال..
    مبرووووووووووووووووووك لي جمال السنوسي...

    رغم اني هلالابي لكن ما شايف كورة في السودان...

    الا اني بقول لي محمد عيد هارد لك ...

    كانه المريخابي الوحيد بالحوش...
    يا المريخاب وناس الحوش بالذات انتو عارفين ال جاب ليكم ال كج دهـ موسي عيسي..
    كمان ماشي حاضرها هناك... نحس عينة...وكمان بتحدي...وقال عازم الناس عشاء ...
    بالله هسع بكون عندك نفس لي عشاء..
    طارق جبريل تراك منجم ساكت تب...
    ياسر نجيلة ايه رايك نرشحك مدرب للمريخ...

    عثمان الجيلي
                   |Articles |News |مقالات |بيانات

11-09-2009, 09:40 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عثمان الجيلي شيخ محمد)

    Quote: يا المريخاب وناس الحوش بالذات انتو عارفين ال جاب ليكم ال كج دهـ موسي عيسي..
    كمان ماشي حاضرها هناك... نحس عينة...وكمان بتحدي...وقال عازم الناس عشاء ...
    بالله هسع بكون عندك نفس لي عشاء..


    عثمان الجيلي..عليك الله الزول ده أنا ما حذرته وقلت ليهو انت زول أخونا و حبيبنا أسحب
    كلامك و بسرعة و أنا بخلي زهير الزناتي يتنازل عن العشاء...أصر و ألح و تبع عصبيته وما
    سمع الكلام...

    أنا بضرب تلفون حسة لي زهير عشان ما يفوت عشاء موسى عيسى ده...
                   |Articles |News |مقالات |بيانات

11-09-2009, 09:56 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    سلامات يا ناس

    مبروووووووووووك لينا وحظ تانى للمريخ

    يا الرشيد الخلى شكل المريخ احسن هو تأخر

    التبديلات...لكن الخواجة لحق الموضوع...

    مهند ما محلى لكنو لاعب كسول والنوع ده

    علاجو عند المدرب...

    يا موسى عيسى نحن جاهزين للعشاء...

    عيد يا حبيب حأمسح احزانك بى ابودومة
                   |Articles |News |مقالات |بيانات

11-09-2009, 09:58 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    الشىء البيفرح فى البوست ده انو ناسو مهذبين وفاهمين وواعين

    مبروك يا اولاد العم ... تستاهلوا التأهل

    وتيم الهلال ممكن يعمل حاجة للبلد السنة دى

    فريق المريخ .. فريق مهارات دونما توظيف كأنه لاعب بدون مدرب

    والدليل ما معنى زجه بالعجب آخر 3 دقايق ومالطا خربانة ..

    عموما الفائز هو السودان واتمنى للهلال مواصلة المشوار حتى المنصة


    شكرا يا رشيد على التحليل الواعى ... واقطع دراعى اذا كنا حنلقى شى فى مستواهو

    فى صحافة بكرة - أقصد ســخافة بكره

    ويرضو باقول ليكم وبالصوت العااالى ...

    * نهواه فى كل الظروف *
                   |Articles |News |مقالات |بيانات

11-09-2009, 09:57 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: يا جنابو القصة ما مستاهلة ...

    ما الرشيد قبيل قال الروووب ...

    انشاء الله يقولها باكر زى الوقت ده .. !!


    محمد عيد الروووووووووووووب....انت زول عزيز علينا و طالما تمنيت أن أقولها اليوم
    أها قلتها ليك...ما انت ما قلت أنا حأقول الرووووب عشان شنو,,

    و أها تاني الرووووووووووب....
                   |Articles |News |مقالات |بيانات

11-09-2009, 10:11 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    سلامات يا ناس

    ===========

    هى ليلى...توحيدى وشمولى...والمدخل لى من قبة غفرانى ومتابى

    زدنى اللهم بها ولهآ لاتصرفه

    وزدها بى عشقآ لايبلى

    هى ليلى محياى

    وانت الارأف بى منى ..والاعلم بى

    تبصرها تبصرنى

    يا رب الالفة انت لليلاى ولى ..وولى

    فاصهرنى فى ليلى ...واصهرها فى

    آه منها وهى حبت حيث حبوت

    فدرجت حيث درجت

    وشبت حيث شببت

    وربأت حين ربأت

    تخطر فى شفتيها الحرف البشرى وقت تكلمت

    ===============

    نواصل
                   |Articles |News |مقالات |بيانات

12-09-2009, 07:22 AM

موسي عيسي
<aموسي عيسي
تاريخ التسجيل: 03-05-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: محمد صديق)

    الاخوة الكرام صباح الخير و طبعا ناس ياسر نجيلة

    وطارق جبريل محمد عيد و من على الشاكلة الحمراء

    كلهم حرادانيين لكن ياهو حال الكورة اليوم مغلوب

    بكرة بتغلب والمريخ في الدورة دي بس شغال ثلاثات

    ساي و الله ما فارقنا فاسدة دا المريخ ما يشوف عافية

    طب ،

    الشى شنو يا جماعة الواحد بس يغيب ليه يومين تلقى

    نفسك عايز ليك اسبوع علشان تواكب بشويش علينا يا جماعة

    نحن والله حب اللياقة الفي دي مدخرنها لإجازة السودان

    لانو منتظرنا بهناك كسح وجري مع ناس زهير و جلا و صالح

    والله الجماعة ديل كساحين كسح ! و دا خليك من مواضيع

    بنت الشيخ الغايبين منها أربعة اشهر .
                   |Articles |News |مقالات |بيانات

12-09-2009, 07:58 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: موسي عيسي)

    العزيز معتصم سلمان جعفر

    باسمى وباسم كل المتاوقين والمستمتعين

    نقولا نعم والف نعم ليك يا القائد الملهم






    ناس تجارة كده بقيتو كم ؟؟؟


    ـــــــــــ

    نزل بياناتك لسامى على الاقل نعرفك دفعة كم ....
                   |Articles |News |مقالات |بيانات

12-09-2009, 08:22 AM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)

    شكرا اخى عبدالدائم00ولو كتبت دفعة كم حاتحتج على كلمة اخى000ما تفرح اظن اتقابلنا بالزقزيق
    مع حبى وتقديرى
                   |Articles |News |مقالات |بيانات

12-09-2009, 08:31 AM

معتصم جعفر
<aمعتصم جعفر
تاريخ التسجيل: 10-09-2009
مجموع المشاركات: 501

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    مبرووووك
                   |Articles |News |مقالات |بيانات

12-09-2009, 09:33 AM

سامي عبد الوهاب إدريس
<aسامي عبد الوهاب إدريس
تاريخ التسجيل: 15-11-2005
مجموع المشاركات: 1508

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    مبروك لكل أحباب ومشجعي الأزرق

    وحظ أوفر للمريخاب مستقبلا
                   |Articles |News |مقالات |بيانات

12-09-2009, 09:35 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: معتصم جعفر)

    انت هسه جيت براك ولا معاك ناس
    عزابة ولا فى خلط
    ( وش شمشار )

    وكنت ساكن مع منو
    واكلاتك المفضلة
    واسئلة ذى دى ....... يعنى ...
    ولا عشان من تجارة ما يسألوك ..... مننا.....
                   |Articles |News |مقالات |بيانات

12-09-2009, 10:29 AM

زينب التجاني
<aزينب التجاني
تاريخ التسجيل: 24-01-2009
مجموع المشاركات: 504

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)

    سلام يا شباب دا حساب زينب التجاني
    وكان فيهو مشكلة ليهو فترة ،
    وبي كده يكون عندنا إثنين برالمة

    معتصم سلمان جعفر

    وزينب التجاني .....

    وبحسابها ذاته نقول ليها مرحب بيك وما تبقي لينا زي
    الشابات التانيات الواحدة تجي كم مره تلقي الحته كلها عزابها
    تمشي ما تجي ...


    ترحيب كبير أوي بالأبله زينب


    زهير الزناتي
                   |Articles |News |مقالات |بيانات

12-09-2009, 10:37 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: عبد الدائم سيد أحمد)

    صبحكم الله بالخير

    منصور ما جيت مارق مالك انت غيرت لونك ولا شنو...

    ديدو انا شفت عدد مشاركاتك كنت قايلة تاريخ ميلادك...قلت الزول ده اخناتون عديل كده...

    الحق زيد عدد مشاركاتك دي عشان تطلع من الخمسينات و الستينات...
                   |Articles |News |مقالات |بيانات

12-09-2009, 10:51 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: ترحيب كبير أوي بالأبله زينب


    يا زهير لو زينب التجاني أبلة أنا أكون الجد مختار ولا شنو...و لا كمان ما بتعرف
    الجد مختار...انت حضرت ماما منو في جنة الأطفال عشان نشوفك دفعة منو...

    تحية و ترحيب كبيرين بزوبة...مقدم زوبة لا شك منور البوست وبخلي العزابة ديل يتأدبو
    و تاني ما عايزين نسمع سيرة أي واحد من الأبيضين يا محمد صديق..و يا طارق جبريل وجلال
    خلاص اتلموا و اتأدبو وصلحوا لغتكم الكعبة دي...اتعلموا الكلام الناعم وبطلوا الكلام الدشن
    و الخشن...ومن الليلة كل واحد فيكم يمشي يشتري ليهو كريم يتمسح و أكوا هدومكم المكرفسة
    دي..وورنشوا جزمكم...و كل واحد يمشي يجيب ليهو كريم بريل لي شعروا المجغمس ويسرحه...
    و ما تنسوا تتريحوا...و أي واحد ما يتبع التعليمات دي ما يجينا تاني بصراحة كدة..


    همسة في اذن زوبة
    كان ماعجبوك العزابة ديل اخدي ليك زاوية في البوست ده مع نجاة حوفي أقطعوا فيها زي
    ما عايزين..و أنا متأكد سناء مش قالت مشغولة و ما عارف شنو بكرة بتجي ناطة ليكم...
                   |Articles |News |مقالات |بيانات

12-09-2009, 11:05 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس .. (Re: الرشيد بابكر)

    Quote: ترحيب كبير أوي بالأبله زينب


    زهير الزناتي

    هس لو عايزين نرحب ....نرحب بي منو؟؟؟
    بي تنشيط حسابها في سودانيزاونلاين و لا بي مداخلة زهير من حسابها؟؟؟
    طيب يا زهير هي حا تجينا متين؟؟؟
    Quote: يا محمد صديق..و يا طارق جبريل وجلال
    خلاص اتلموا و اتأدبو وصلحوا لغتكم الكعبة دي...

    و الله يا الرشيد كلامك صاح.... الحمدلله أنا ما معاهم

    أحبكم هلالاب و مريخاب
                   |Articles |News |مقالات |بيانات


1 صفحة 55 „‰ 101:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de