|
Re: ناس الزقازيق ... أجدع ناس .. (Re: عصام دهب)
|
بسم الله الرحمن الرحيم ( وبشر الصابرين الذين اذا اصابتهم مصيبة قالوا انا لله وانا اليه راجعون)
تعازينا القلبية للاخ / محي الدين علي يوسف ولاسرته ...ونسأل الله ان يتقبلها مع الصديقين والشهداء وان يسكنها الفردوس الاعلي..
** في انتظار رقم محي الدين في السودان يا عبد الدائم ..ويازهير الزناتي
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
للعزيز محي الدين خالص العزاء ولاسرته وجميع أهله تعازينا اللهم أرحم الفقيدة واجعل الجنة مثواها *********** كما توفي عم الزميل سيف النصر محي الدين بعطبرة
****** وتوفي شقيق الزميل نجم الدين علي إبراهيم (رئيس الاتحاد السابق)
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
وصادق تعازينا للأخوين سيف النصر ونجم الدين
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
خالص التعازى والمواساة فى وفاة عم الاخ سيف النصر محى الدين وشقيق الاخ نجم الدين
اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
بسم الله الرحمن الرحيم ( انا لله وانا اليه راجعون)
تعازينا للاخ / سيف النصر محي الدين في وفاة عمه نسأل الله ان يغفر له ويرحمه ويدخله فسيح جناته مع الصديقين والشهداء ..
كذلك تعازينا للاخ / نجم الدين علي ابراهيم في وفاة شقيقه نسال الله له الرحمه والمغفرة وان يسكنه فسيح جناته مع الصديقين والشهداء...
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
علي شرف العزيز طارق جبريل
يلتقي عدد من ناس الزقازيق
بحدائق الشهداء مساء اليوم السبت
والدعوة لكل ناس الزقازيق
يا عبد السميع ما تعمل الرسالة ما وصلت
وتحضر كورة المريخ ، الحديقة فيها تلفزيون
وعندي تقرير الاستلام
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا عصام دهب
عملنا التعديل وإنشاء الله بشير يلحقنا وينجدنا
وامس اتكلم علينا عن كل الشيوخ من العراق للمغرب
مش ختمية وبس ، بشير ده بعد كم سنة حا يزوروا فيهو
وما بيسأل في السادة الختمية ذاتهم
إنتو اقعدوا اتحاوموا لي بالسعودية دي
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
والله روعــة فوق روعـــة... دكتور طارق مشرف الديار...كنا نتمني ان نلقاك هناك... بشير علي العبيد ..مازالت البسمة الطيبة تعلو محياك ...حفظك الله يا خليفة ... عبدالرحمن مضوي ...تحياتي واشواقي ...قالوا (وداهو الزمان وعجبو المكان)...طيب الاقامة بين الاهل والاحباب ..تحياتي لك ولمن معك... صالح عبدالرحمن ...خالص التحايا ...في انتظار كروت الفرح... خالص تحياتي لكل الناس الحلوة المعكم...
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: وده واحد الدفعات القدامنا شديد
قالو إسمه عمار رحمة الله وشغال في البوليس
يتخيل لي لواء ويمكن عميد معاش |
والله انا شايفو اســمح واصـغر واحد من ضمن فرقة تــيراب الزقازيقية وطارق جبريل الان بقى ينافس حاتم جبارة فى الصلعة ...
واها نخش فى الجد يوم الخميس الفات كان مساهرين معاى الاخوان ياسر نجيلة من دبى والرشيد خواطر ( مكة ) وعثمان الجيلي وجمال السنوسى ويوم الجمعة جاء الاخ ميسرة سيداحمد وزوجته منى يونس واولادهم
وعاوزين جهودكم معانا لطلب العضوية للاخ ميسرة ومنى والرشيد خواطر ومعاهم منصور عبدالرازق والرشيد بابكر وامال بنجاوى بكرى ابوبكر الايام دى فاتح العضوية ونحن الناس القدام خلاص اوراقنا كملت ادو الناس الجدد فرصة يلا يا عصام دهب ، طارق جبريل ، سامى عبدالوهاب ، زهير ، نجيلة وبقية الاخوان نشوف الموضوع ده .
ولو قلتو نعمل موقع خاص بينا يكون احسن .
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الف الف مبروك يا بسكو بيت مال وعيال وعقبال اخوانك الصغار ناس صديق الصادق وصالح وصاحبو داك ...
انت يا زهير قلت لي فى التلفون اقول عمار رحمة الله بقى زوزو فوق زوزو لانى نسيت ذكرنى عشان اكتبها تانى ...
يا صديق الصادق ناس كسـلا مالم ...
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
عزاءنا للدكتور سيف النصر محى الدين فى وفاة عمه وكذا الاخ نجم الدين على ابراهيم فى وفاة شقيقه سائلين المولي عز وجل لهم الرحمة والمغفرة
العريس عمر بيسكو ... والله لو عارفين تأخير العرس بحافظ على الشباب ده كنا زاتنا عرسنا هسع معاك ... والله عريس اخر وجاهه وقيافة عينا بارده ...
عليك الله شوف طارق جبريل ده هسع ... لو اخر عرسو ما كان احسن ... والله يا طارق ما عرفت الا شنيك وسنونك .... الزمن غدار فعلا ...
شكرنا موصول للعزيز عبد الدائم لاستضافته لنا بمنزله العامر بجدة وكانت امسية جميلة بحضور كل من الرشيد خواطر – ومازال محتفظ بشبابه هو واخونا الفاتح عبد الله (تجارة) وهو زميل في الدراسة وفي السكن ايضا وكذلك الظريف المبتسم دائما الانيق عثمان الجيلي والحاضر الغائب اخي جمال السنوسي وبنتنا العروسة عناب عبد الدائم النضيف – تشكر يا نضيف على اللمه
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
البرنس عبد الحميد ، إلهام وحمودي وأنيس الجديد طولت الغياب يا برنس شديد ، نندهك زي سحابه مرت سريع وابت الهطول ،،،
العزيز سامي ///
في إنتظار إيميلات الشباب ديل ، لم يصلني سوي إيميل العزيز ميسرة سيد احمد عشان نحاول نرسل لي بكرة المجموعة كاملة ، وبكري دا زي الدنيا مره معاك ومرات يطنشك ، عشان كده حقو الناس ديل يسرعوا في إرسال الإيميلات لك الود
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
سلام يا أجدع ناس..
تعازينا الحارة لكل من فقد عزيزا،
التعازي للأخ شريف عباس في وفاة المرحومة والدته. أسكنهاالله فسيح الجنان والهمكم الصبر و السلوان، والتعازي للأخ محي الدين علي يوسف في وفاة المرحومة والدته، تغمدها الله بواسع رحمته و ألهمكم الصبر و حسن العزاء، و التعازي للأخ سيف النصر محي الدين في وفاة المرحوم عمه، رحمه الله رحمة واسعة و جبر كسركم، و التعازي موصولة للأخ نجم الدين في وفاة المرحوم شقيقه، تغمده الله بواسع رحمته و أحسن الله عزاءكم، إنا لله و إنا إليه راجعون
الشقيق عبد السميع، حمدا لله على سلامة المدام، و ما تشوفوا شر إن شالله.
و تلغرافات،
طارق جبريل، يازول عادي ممكن تقول طلحة جبريل، شبه مبالغة.. خ/بشير علي العبيد، ( شي لله يا حسن..) سلامات ياأبو البشر.. عمر بسكو، تهانينا يا جميل، و ألف ألف مبروك.. صورة البرنس خلّفت في نفسي كثير من الأحاسيس الجميله، هذا الرجل الذي عانى أكثر من غربة، وجد أخيرا ملاذا يعيد له بعض ما إفتقد من طعم للحياة.. تحياتنا له وتهانينا بوصول أنيس شقيق حمودي. والتهاني موصولة للأستاذة إلهام أحمد.. صورتك يا برنس تصلح موضوعا لبوست، مثلما كانت، (صورة عصام دهب الحديثة)..
ياسر نجيله، حكاية جده دي عملتها كيف و متين؟
| |
|
|
|
|
|
|
Re: ناس الزقازيق ... أجدع ناس .. (Re: Samau'al Abusin)
|
التعازي لكل الأحباب... شريف عباس.. محي الدين علي يوسف.. سيف النصر.. نجم الدين.. ميسره.. وكل من فقد عزيز...
النضيف ياأصلي خلي المشاغله... الزناتي.. صورك منقه.. جبريلا.. ماشاءالله.. الصحه اتصلحت وبغبغت شايفك.. الله يرحم أيام السخينه.. عمر بسكو.. بيت مال وعيال... مشتاقين والله.. عمار.. الله فوق زوزو? ده شنو كمان.. أها النضيف والزناتي قبلوا عليك.. نجيله.. وين صور اللمه والا النضيف عامل حظر..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب) (Re: عصام دهب)
|
أحيي كل الجدعان والجدعات أعزي كل من فقد عزيز أهنيئ كل من يستحق التهنئة ان شاء الله حتي لو اشتري قميص جديد ناهيك عمن تزوج أو رزق بمولود أو فرح بنجاح ابن أو بنت. تعرفوا ياجماعة من زمان كان نفسي أكتب ليكم لكن ما كان عندي باسويرد وحتي بعد الباسويرد ظروفي ما سمحت والله زي مابيقولو لا كعوبية ولا سواد نية بس المشاغل مشتاقة لي كل من مر حتي ولو مرور بالزقازيق وان شاء الله ما تشوفوا شر.
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
ديشاااااااااااك سناء الصباغ الزولة دى لما كان تجى دار الاتحاد وتنزل من التكسى فى رأس الشارع وترزع باب التكسى وتجى ماشة مشيه الضباط ولابسة الباته ، طواااااالى البرالمة بزحو ليها من السكة اها يا سناء انا بحيييك لكييين ما بزح ليك الا اكمل كلامى ده وبخص بيهو ناس زراعة من تكتل ناس بيطرة فى المنبر بصورة غير عادلة لتقاسم السلطة والثروة امســـك من نمرة واحد - صلاح الامين - طارق جبريل - حاتم جبارة ( جاييييك برواقة ) - احمد امين - صفية مساعد واخير سناء الصباغ انا خايف البوست ده بكره نلقاهو فى لكوظ لازم انتخابات ، ناس زراعة ديل مهمشين عديل كده . مع انو بناتهم اســــــــــمح من بنات بيطرة .... ( كييييه يا صفيه )
والكلام لسه كتير...
تليشة يا قول طارق جبريل ( التوب ده لو شفون يا سناء ما ياكى الاتجهجهتى فى شارع القومية ) ...
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
نناس الزقازيق اجدع ناس سلام
عن اذنك يا سناء ممكن اقتبس كلامك دي الا جتة
مشتاقين
Quote: أحيي كل الجدعان والجدعات أعزي كل من فقد عزيز أهنيئ كل من يستحق التهنئة ان شاء الله حتي لو اشتري قميص جديد ناهيك عمن تزوج أو رزق بمولود أو فرح بنجاح ابن أو بنت. تعرفوا ياجماعة ظروفي ما سمحت والله زي مابيقولو لا كعوبية ولا سواد نية بس المشاغل مشتاقة لي كل من مر حتي ولو مرور بالزقازيق وان شاء الله ما تشوفوا شر. |
تحايا خاصة لطارق جبريل وامال بنجاوي
وبقية العقد الفريد
صفية
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: صلاح الأمين علي طريقة بريتني إسبيرز يهرب من عدسات مصوري المشاهير
|
دي نضيفة... تديها كم؟؟
على رأي أخوانا كشّاح وعبد المجيد عيسى (الله يطراهم بالخير)
ويا زناتي دا ماااااااااا محمد إدريس
ياخي في زول ينسى رئيس الإتحاد!!!
والله الليلة الجدعان... ما شاء الله
| |
|
|
|
|
|
|
Re: ناس الزقازيق ... أجدع ناس .. (Re: عصام دهب) (Re: عصام دهب)
|
بالغت يا عبد الدائم عملتني ارهابية عديييل حسة الناس المابيعرفوني خاصة الأجيال اللاحقة ياخدوا عني فكرة غلط , القصة كلها كانت شوية جدية فرضتها ظروف العمل السياسي وطبعا دلوقت بعد كبرنا وكبرت احزاننا بقيت مرة حلة مسكينة بربي في أولادي ويمكن أمشي الحج كمان. شكرا سامي وعصام دهب علي الترحيب وان شاء الله نقدر علي المساهمة. زهير والله كدا ناس الزقازيق ديل بيسحروك. صفصف مشتاقين واذنك معاك طبعا نحن مقدرين مشغولياتك وشئون الجندر وما أدراك وعشان خاطر الجندر نحن في الخدمة يادكترة. بالمناسبة يا عبد الدائم التوب دا توتال ونحن عاملين حساب الجهجهة يامان.
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: تليشة يا قول طارق جبريل ( التوب ده لو شفون يا سناء ما ياكى الاتجهجهتى فى شارع القومية ) ... |
Quote: بالمناسبة يا عبد الدائم التوب دا توتال ونحن عاملين حساب الجهجهة يامان |
والله يا عبد الدائم كلامك دا كان قلتوا زمان إلا ود الجعلي يكسر ليك راسك
حسي الراجل عجز والغربة هدته
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
منصور عبد الرازق - زراعة الرياض
Quote: سلام وتحيات كثيرة يا راجل يا شفيف ,تصدق لم انتبه لملاحظة كتابة هذا البريد لك استجابة لنداء عبد الدائم النضيف فى بوست الأجدع ناس الا اليوم , تعرف انا كنت فى الخرطوم زى ما اتصلت بيك لكن للأسف لم استطع المرور على نهلة نجم الدين كما وعدتك لأننى اظن -جازما - بأن يوم الخرطوم وصلتوا المحقة زى ما وصلت كل شىء , انت متأكد يا زهير انو اليوم عندكم لسه اربعة وعشرين ساعة ؟؟ عليك الله ما تجاوب ساى وتعمل عارف , كدى اسأل الجنبك وأتأكد , والله يا زهيى اكثر من خمسين فى المئة من الحاجات المخطط ليها مش ما عملتها بس حتى ما اتذكرتها كمان , يوم وحيد قدرت فيهو الاقى عبد الرحمن مضوى ومعاوية يحى ومجدى عبد الله مع اسرنا , غير كده كأنى ما سافرت , لكن العزاء انى راجع تانى يوم تسعتاشر من الشهر الحالى , ادعو الله ان يزيل المحقة من الأيام التمانية الحا اقعدها فى الخرطوم حتى السابع والعشرين , اقدر رغبتك ورغبة عبد الدائم فى اعتبارى دما جديدا يمكن ان يسرى فى شرايين الأجدع ناس (المليانة دم احمر نقى وطاعم وخفيف ) واواوافق عليها دون ادنى تحفظ ولكنى التمس تأجيلها حتى بداية سبتمبر القادم اى لحين عودتى واستقرارى مع الأسرة مرة اخرى خوفا من المحق والمحقة بتاعت (سودان اوكامبو وشداد وصلاح ادريس ) , ان راودتك فكرة نشر هذه الرسالة فى بوست الأجدع ناس فانا احبذ ذلك باعنبارها مساهمة مبدئية وتحية الى الكل مساهمين ومطلعين وتحياتى لك وانت تقوم بدور الدينمو على اصعدة عديدة اتابعها وتجد منى كل التقدير , منصور عبد الرازق محمد فضل
|
هذه مساهمة أولي من منصور عبد الرازق ، لمزيد من المساهمات : [email protected] أو [email protected]
وما تفتكروا 66 دي سنة ميلادي يا حاقدين
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
ماشاء الله تبارك الله .. والله حوشنا نور وكلو فرحة ... مرحب بكل الناس الحلوة ال نورة الحوش.. مرحب بيك اختنا سناء الصباغ نورتي حوشك ... مرحب بيك اخونا الغالي منصور عبد الرازق...مرحب بيك اختنا صفية,,, وربنا يكبر الحوش ..بالله ماتنقطعوا عنا رغم المشاغل،،، طلة في الاسبوع اقلها ..منها الناس تعرف اخبار بعض وتعيد الذكريات الحلوة...ويامنصور بالله اخبار اخونا مجدي عبد الله شنو انشاء الله بخير وعافية ..سنين بعيدة لم نلتقي بالله تحياتي ليهو...والسؤال عن اخبار الاخت صفاء عباس ؟؟ بالله لو في واحد فيكم عندو خبرها او عنوانها يتكرم علينا بارساله... الاخ عصام دهب تحياتي ..انا ادافع بشدة واترافع امامكم عن السيد / ياسر نجيلة ..والله الراجل ماقصر رغم ضيق الوقت حاول يقابل الناس لكن الوقت كان ضيق جداً,,,لكن انا وجمال السنوسي ورشيد خواطر وعبد الدائم قابلنا الوجيهه في بيت عبد الدائم نيابة عن ناس جدة,,,والراجل مقدر ظروف الناس وظروف العمل..
بالله يا اخوانا ما تقطعوا اخباركم... ياناس السودان ...محمد صديق وخالدة الميرندا عندكم!!!! ويازهير الزناتي ...لو ما حصلت الميرندا زمان مش رايح تحصلها الآن...
تحياتي للجميع ابقوا اظهروا دائماً
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
ماشاء الله عينا تلج ... المنبر محروس ومزدان بأهلة من الزقازيقاب ...
اولا ترحيبنا الحار بالزميلة سناء الصباغ ... من اعلام الزقازيق ... بشعرها المقصوص "افرو" وحذاءها بدون كعب ... وانا شخصيا كنت معجب بشنط يدها التي تحملها ... من اين كانت تأتي بتلك الموديلات المميزة والغريبة ... بس كلمة توب دي ما متخيلها في سناء ... مليون مرحب
Quote: نجيله.. وين صور اللمه والا النضيف عامل حظر.. : |
الحبيب حاتم جبارة ... والله انا عارف قصدك بالصور ... عشان تشوف الاستايل بتاعي ... وكمان اخوك جاي من عمرة يعني استايل عجيب ... بس اخوك حريف وما بقع جيبت معاي عمة وطاقية ... يعني خططك فشلت ... والصور كلها "كاس زبادي" جلابية وعمة وطاقية بيضاء ... اسألوا جمال السنوسي الصور معاهو ... حقو يا عبدالدائم ويا عثمان الجيلي الحقو جمال الخرف ده وجيبو منو الصور ...
Quote: و يا ياسر نجيلة الفيك أتعرفت و بس ، مالو لو أديتنا طلة حتى لو بالتلفون .. |
والله يا عصام دهب ظلمتني ظلم "الشمامة لقشرتها - ادتها الريحة وشالت الطعم" - المثل ده قاطعوا من راسي لزوم التجديد ما تفكر فيهو كتير عديها- وتسلم يا انيق "عثمان الجيلي" للتوضيح والدفاع عني ... ورغم ظروفي وظروف حبيبنا عبدالدائم "ذاك اليوم كانت زوجته خارجة من المستشفي ليها ساعتين" ومع ذلك اتليمينا في بيته في عجالة ... وكمان عبدالدائم معذور لم يملك الوقت بالاتصال بكل الأحباب حسب ظرف زوجته ... ولكن لكم العتبي حتي ترضوا يا صاحب الحوش ومعك الجميل ميسرة سيد أحمد والمرة الجاية الزيارة مخصوص عشانكم ... ما نحنا خلاص وقعنا في حب الحرم والمسجد ...
Quote: ياسر نجيله، حكاية جده دي عملتها كيف و متين؟ |
القانوني الراقي السموأل ابوسن ... اعذرني والله جات كده بدون سابق انذار رحنا فضينا شحنات الحب ورجعنا بسرعة ... عقبال عندكم ...
سلام خاص وسريع للعزيز منصور عبد الرازق _ زراعة
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: وطارق جبريل الان بقى ينافس حاتم جبارة فى الصلعة ... |
يا النضيف القصة ما قالوا بقت ستايل ياخي
Quote: عليك الله شوف طارق جبريل ده هسع ... لو اخر عرسو ما كان احسن ... والله يا طارق ما عرفت الا شنيك وسنونك .... الزمن غدار |
يا نجيلة بقينا زي الكوامر مكتوب فيها من اجل ابنائي
Quote: طارق جبريل، يازول عادي ممكن تقول طلحة جبريل، شبه مبالغة.. |
عاد يا السمؤل طاعين من نفس البطن رحمها الله
Quote: جبريلا.. ماشاءالله.. الصحه اتصلحت وبغبغت شايفك.. الله يرحم أيام السخينه.. |
حاتم جبارة عاد ما بحصل بغبغتك
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
عليكم الله قولوا ما شاء الله ,,, العروس دي بت مخلص علي عكاشة و انا الوكيل الشرعي ليها ، العايز يتقدم ، ابوها ما عندو شروط غير إنو العريس ما يكون جبهة ديمقراطية ممكن لغاية مؤتمر مستقلين نحن موافقين ...
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا عبد الدائم ،،،
صباح الخير
نعم اصبت ثم أخطأت
الأخوات العزيزات عائشة بخيت ثم نوال سر الختم (بيطرة) وأبينا نجيب سيرة نوال سر الختم عشان ناس زراعة ما يتحسسوا من موضوع البياطرة البيقوا كتار ....
بالمناسبة عندي صور كتيرة جداً من الرحلة طشت ، عموماً دي الصور الأهم
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يازهير الزناتي... السلام عليكم وعلي من معك ...
الصور بلا شك رائعة روعة ناس الزقازيق ... وشايلة منهم طعم الفرح والبهجة...ولون المودة والاخوة الصادقة...
لك الشكر والتقدير...بس بس ... للمرة المليون ساعدنا بالاسماء ...يعني في ناس كتبت تعليق عنهم لواضفت الاسماء ثم التعليق يكون احلي... وليك كل الود عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
عصام دهب، مشتاقين يا حبيب..
ياسر نجيله، العمرة مبروكه و حمد الله بالسلامة، يعني عمّرت و " رفرشت".. بس ما تكونوا حجزتو عناب!
Quote: بالغت يا عبد الدائم عملتني ارهابية عديييل حسة الناس المابيعرفوني خاصة الأجيال اللاحقة ياخدوا عني فكرة غلط |
يا سناء الصباغ، عبد الدائم برئ. بصراحة كده نحنا من زمان هارشيننا بيك، قالوا لينا في زميله إسمها سناء الصباغ دي "بُنيتها بره". الكلام دا ما كان بيروج ليهو زهير الزناتي طبعا. هسة أفتكر دا الوكت المناسب عشان تشوفي الحصل بعدك شنو.
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا سمؤال عارفين ما في زول بتاع قوالات غير ود البيه فما تجيب لي الراجل الهوا
بعدين نصيحة لي الله سيدي ، اختي الجلاليب ، أختي الجلاليب ، أختي الجلاليب
ما شايف صاحبك عبد السميع رغم الصلعة الجلابية دي في السنة مرة , لو الصلعة تكبرك عشرة
الجلابية تلصقك ليك عشرين ....
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
لا أعرف من أين أبدأ...
ولا كيف أبدأ..
فأنا في غاية الحزن والأحسي لفراق أخي وصديقي مبارك أحمد عالم
إنتقل إلى رحمة الله الأخ مبارك أحمد عالم
بالأمس بأم درمان إثر علة لم تمهله كثيرا
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولذويه الصبر
والتعازي لكل الزقازيقاب وكل خريجي كلية التجارة وكل أعضاء مؤتمر المستقلين بمصر بالثمانينات
ويا زهير وكل زقازيقاب الخرطوم أرجو أن تصلو أسرته وتعوزهم بالنيابة عننا... وممكن تعرفو البيت من جيرانه في سوق أم درمان للمنتجات الجليدية فهو معروف جدا هناك
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
انا لله وانا اليه راجعون آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
إنا لله إنا اليه راجعون ....
انتقل الشفيف العفيف الورع ... ابن الزقازيق المحبوب ... الكل يشهد له بحسن المعشر وسماحة اأخلاق ... حبيبنا واخونا : مبارك أحمد عالم ليس لنا سوي الدعاء له ...
اللهم اغفر له وارحمه ووسع له في منزلة وانر قبره وانزله منزلة الشهداء والصديقين وحسن اؤليك رفقيا
عزاءنا موصول لجميع افراد اسرة أحمد عالم وكذلك اسرة خريجي الزقازيف
حسبنا الله ونعم الوكيل
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
.. .
Quote: إنتقل إلى رحمة الله الأخ مبارك أحمد عالم بالأمس بأم درمان إثر علة لم تمهله كثيرا |
لا حول ولا قوة الا بالله كل من عليها فان ويبقي وجه ربك ذو الجلال والاكرام متين الكلام دا يا سامى ؟؟
والله لا زلت اذكر ضحكته وتعليقاته ترحيبه وهمته فى محله عند زيارتك الاخيرة .. ياخى زول فاضل وطيب وكريم.. نسال الله ان يرحمه رحمه واسعة ويتقبله مع الصديقينوالشهداء وحسن اولئك رفيقا ..
انا لله وانا اليه راجعون آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
_________________
لا حول ولا قوة الا بالله
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
تعازينا للأخ عبد الرحمن مضوي والأخت نهلة
| |
|
|
|
|
|
|
|