|
Re: ناس الزقازيق ... أجدع ناس .. (Re: جلال عثمان)
|
يا جلال ... كالعادة طليتو علينا بروعتكم ياناس الرياض ... غايتو انا عرفت اولاد دفعتي ... والباقي بنخليهو للناس الحريفة ... محمود الحوري ... موسي عيسي ... طبعا عصام جلي ... احمد عوض "عجوز" واحمد اسماعيل ده تعبان مع ولدو كده ليه ...
وناس الرياض دائما احلي ...
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: حلوين يا زقازيقاب.. حلوين و رائعين حد الروعة عذرا للغياب الطويل عن المشاركة، و لكن نتابع بكل جوارحنا.. |
لا بالله يا برلوم يا مفتح ..
Quote: ظل هذا البوست زادا لنا و للكثيرين من خريجي الزقازيق خارج عالم سودانيز أون لاين، فليستمر هكذا و ليتسع هذا الفضاء الجميل.. |
دي مكنتك ؟؟ أول حاجة لما تغير أرقام تلفوناتك مفروض تدي الناس إخطار و ( البذرة الغمام ) .. ضارب الراحات و متابع بكل ( جوارحك ) كمان !! و الله آيامك يا( برلوم ) ؟؟
يا سنيرنا المبجل نجيلة .. عليك بهذا البرلوم ( النجيض ) أبو ( جوارح ) .. و إلينا به هنا عاجلاً ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: نحن بنغالط فى الجكس بس صلع وكروش ما معانا |
أيوووووة عشان كدة ..
ـ الكرش خلاص إلى زوال بإذن الله .. كلها كم ( جكة ) كدة في ( الجيم ) و باب بح ..
لكن الصلع و الجلحات دي إلا كان نشوف ليها ( زراعة ) ..
و اللأ تتوسط لينا عند( صاحبك ) د. أبوعلي ..
سمعنا تحت .. تحت .. كدة قالوا عندو حاجات أبو ( كديس ) عديل كدة .. و قالوا في ناس ( غانجين ) بيها ( براهم ) !! الله في ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الليلة عايز ( أتداعى ) ليكم عدييل كدة .. ـ في الأيام الأولى من شهر يناير 1988م و في ليلة شتائية ممطرة تحركنا مجموعة من ( البرالمة ) القادمين تواً من السودان من شقة الاستقبال المركزية في القاهرة و بسيارة ميكروباص إلى الزقازيق برفقة ( مندوب الإتحاد ) السنير المبجل و الأنصاري الرائع / الهادي الصادق .. الزقازيق التي تم قبولي فيها في العام 1987م تعرفت عليها قبل مجيء إليها عبر قريبتي د. فائقة حسين بلال ( زراعة ) التي ما أن علمت بقبولي في الزقازيق حتى قالت لي أنني ( محظوظ ) و حدثتني عن الزقازيق و ( ناسها ) حديثاً يشجي الخلي و يروي غلة الصادي ( ولد دة ) ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
من ( الأبيض ) و حتى التحرك إلى الزقازيق كنت رفقة صديقي ( مرتضى إدريس ) الذي سيصبح لاحقاً في الزقازيق ( مرتضى كرموش ) و قريبتنا المشتركة ( ازدهار أحمد أبو البشر ).. و من شقة الاستقبال بالقاهرة إلى الزقازيق أذكر من ضمن من كان معنا من الأعزاء ( البادي النور ) و ( حسن سليمان ) و ( فيصل العسيلات ) و ( محمد عبد العال ) و ( مصطفى ـ م.صناعي ) .. سلكنا طريقاً زراعياً مزدحماً حتى وصلنا إلى مدينة ( بنها ) و من ثم قابلنا مدينة ( منيا القمح ) كنا نتراجف من البرد القارس و كنا لا نرى شيئاً في الطريق بسبب ( الشبورة ) لكننا كنا نتسلى بمحاولة معرفة أسماء المدن و القرى و الكفور و النجوع التي نمر بها من خلال اللافتات التي نقرأها حين نتوقف للتفتيش في الكمائن الليلية التي كانت سائدة في ذلك الوقت ..
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
اللية بسحروك يا سيد الحوش ... تداعي واتجدع ساي ... الصفحة دي كلها ليك ... فرغ الذاكرة كلها هنا ... البداية البص بتاع الوصول ... قولو كلو ... واختمها بالبص بتاع الرجوع النهائي للسودان... معاك يا اخوي ... لآخر الصفحة
السمؤال ابوسن ... دي بقي قانوني مرتاح ... خليهو ... ليهو يوم ...
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
أنزلنا أغراضنا التي كانت في غالبيتها شنطة صغيرة لكل واحد بينما كان عدد قليل منا يحمل معه ( بطانية ) .. وجدنا في استقبالنا على مدخل العمارة عدد من الأخوة الذين لم نتبين وجوههم المغطاة كرجال الطوارق لكنهم يغطونها خشية البرد القارس ، و بينمت تحركت السيارة التي كانت تقل عدداً قليلاً من زميلاتنا ( البرلومات ) اللائي قدمن معنا . دخلنا إلى الشقة ، و قبل أن ندخل قمنا بخلع أحذيتنا أمام المدخل بعد أن شاهدنا كمية كبيرة من الأحذية المغطاة بالطين حتى لا تكاد تتضح معالمها ، همس لي أحد البرالمة ( الناس ديل عندهم بكا ) !! كانت الإجواء داخل الشقة توحي كذلك من حيث الصمت الرهيب الذي يسودها و يسودالعمارة بأكملها . جلسنا في ( الرسبشن ) و الذي هو عبارة عن كنبات مبطنة و مغطاة بقطع من القماش المنسدل إلى الأطراف ، ثم جلس مضيفونا الذين رحبوا بنا بإسم الإتحاد و عرفوا بأنفسهم و كلياتهم و صفوفهم و مناطقهم في السودان ثم بدأنا في تعريف أنفسنا و كنا نقول مناطقنا و كلياتنا .. أحضر لنا ( الشباب ) عشاءاً من الفول المظبط و الطعمية و ( الحلاوة ) التي سنعلم لاحقاً أنها ( الطحنية ) و الزبادي ، و رغم أننا كنا قد ( تصبرنا ) ببعض السندوتشات لكننا أتينا على العشاء إتياناً مبينا ، و بعد ذلك أعد لنا مضيفونا شاياً ( تقييييييييل ) ثم حضرت مجموعة أخرى من زملائنا و جلسوا معنا حيث قمنا ( بالتعارف ) مرة أخرى .. ثم حضرت مجموعة ثالثة و أيضاً تعارفنا ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
تسامرنا و حكينا و ضحكنا و أجبنا أحياناً على بعض الأسئلة التي كانت توجه لنا عن ( الوضع في السودان ) حتى قاربت الساعة الواحدة صباحاً .. بعد ذلك أقترح ( السناير ) أن ( يتوزعونا ) أي أن كل فرد من السناير يأخذ إلى شقتهم أثنين أو ثلاثة من البرالمة على أن نلتقي صباحاً في شقة الإستقبال حتى نذهب إلى الجامعة لإنهاء إجراءات التسجيل .. كنت و ( فردتي ) مرتضى و بإعتبارنا من أبناء ( راشك ) رابطة أبناء شمال كردفان صحبة السنير الراقي / جمال علي ( المذيع بتلفزيون السودان و قناة الشروق حالياً ) و جمال علي من أبناء أم روابة كما هو معلوم بينما مرتضى و أنا من الأبيض ، و سرعان ما وجدنا أنفسنا نعرف أهلنا في المدينتين كما حدثنا ( جمال ) عن عدد كبير من ( أولاد ) الأبيض الذين سوف نقابلهم في الزقازيق ، و تحركنا بصحبته ( كداري ) من شقة البرالمة و عبر شوارع طينية موغلة في اللزوجة ( حلوة دي ) عبرنا جسراً ضيقاً للمشاة مقام على تلك الترعة جوار ( كازينو النهر ) إلى شارع المحافظة و مررنا بغابة صغيرة من الأشجار خلف مبنى أمن الدولة ثم دخلنا إلى حي ( المساكن ) . في الطريق إلى شقة ( جمال ) وفي شارع ( القومية العربية ) توقفنا أكثر من مرة لمصافحة بعض الزملاء السودانيين الذين كانوا يتجولون بصورة إعتيادية حتى ذلك الوقت المتأخر ، ما كنا نلتقي بمجموعة حتى نتحلق في دائرة و نبدأ بالتعريف بأنفسنا ثم نتوادع ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
تحياتي يا جلال و ياسر .. و يا كل الزقازيقاب ،، و عايزين نشوف تداعياتكم ..
Quote: اليوم عصام دهب ماخد ليكم اجازة عديييييييييييييل كده |
صدق يا نجيلة اليوم من دون الأيام جيت من الصباح المكتب لقيت عندي كمية من ( الشغل ) تخلي الزول ( يهضرب ) عديييل كدة .. أهة لما أستحكمت حلقاتها و ( عصلجت ) قلت أعمل بالمثل الصيني البيقول ( لو كترت عليك المشغوليات أعمل ليك تداعيات ) فمعليش لو الواحد ( تداعى فيكم ) ما ( ياكم أهلي )..
ـ أهة هسع .. خلاص ( سحروني ) ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
السلام عليكم يا أخوان الليلة يوم طيب وأنحنا نتابع عصام دهب - صاحب الحوش - يحكي ويتجلي ويعود بينا إلى الوراء وأجمل ذكريات أيام البرلمة اللذيذة .
يا جلا واصل حديث الذكريات بس في ناس حاسده ساكت يعني هجوم ناس تجارة على البوست ده ناس عبدالدائم النضيف عميانين ما شايفين ،، نعم هجوم زراعة قوي وممتاز وبيسجل أهداف في المريخ والهلال كمان بس ناس تجارة ديل بيسجلوا معظم أهداف الدوري ومداخلاتهم ملأت الساحة من الداخل والخارج وكمان صور كتيرة والرياض أصبحت مستعمرة ناس تجارة ،، يا جلال في صورة تشبه لحد كبير أخونا بهاء الدين بتاع تجارة - لابس نضارة وبنطلون بيج وقميص أبيض ولا غلطان .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: يسعدنا كأول ثنائى زراعى الهوى وزقازيقابى الهوية أن نطل من نفاجك اولا ثم بعده الى شباك الريس ميسرة |
نحي جميع الأخوان الذين يعبرون عبر نفاج بعض الإخوة ونخص بالشكر الأخ/ قدروه والصديق/ منصور والثنانئ الظريف أخونا محمد عثمان وزوجته مدام عفاف وفي إنتظار مداخلاتكم الجميلة .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
وصلتني هذه الدعوة العامة لخريجي الجامعات والمعاهد المصرية للحفل الترفيهي الأول ،، يا حليلكم ناس الزقايق تجاوزا هذه المرحلة زمان ،، يا زهير الزناتي هل جات ليكم دعوه من هذا الإتحاد لرابطة خريجي الزقازيق وبعدين ما يعملوا معانا زي ما عمل الإتحاد العام بالقاهرة لأن إتحاد الزقازيق تم تكوينه قبل تكوين الإتحاد العام ،،، والله إنتو يا ناس الزقازيق قيافه يا الفايتين الناس مسافة ،، وفي كل حاجة،، يلا يا ناس الداخل لمن يرغب في حضور الحفل الدعوة وصلت .
Quote: EGYPT GRADUATES / الحفل الترفيهى الاول From: EGYPT GRADUATES ([email protected])
Sent: Wednesday, April 22, 2009 2:35:25 PM To: [email protected]
وصلتك رسالة من 'EGYPT GRADUATES' الرسالة: اتحاد خريجى الجامعات المصرية الحفل الترفيهى الاول للخريجين واسرهم بمشاركة فرقة عقد الجلاد والاستاذ/ محجوب شريف الجمعة 24/4/2009 الساعة 7:30 مساء - دار السويد – الحديقة الدولية الدعوة خاصة لخريجى الجامعات والمعاهد العليا بجمهورية مصر العربية الرجاء تعميم الرسالة |
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
سيد الحوش عصام دهب... يا أخي طالما سنحت الظروف للتداعي فكان الأحرى بك ان تسغل هذا اليوم حتى نهايته... والآن وقد تركته يمضي فلن تدري ماذا يحدث غدا فاليوم تداعي و غدا أمر على وزن اليوم خمر و غدا أمر. تصور في الفتره التي حزمت فيها حقائبك لتختبر تجربة جديده في الزقازيق كنت قد حزمت حقيبتي متوجها الى تندلتي كواحد من فريق للانذار المبكر التابع لمفوضية الاغاثه و اعادة التعمير و كنت قد فارقت الزقازيق منذ سنتين تقريبا... في الزقازيق أصبح البرالمه سناير و كنت كلما اتصلت بأخي و صديقي محمد المرتضى و كان يحدثي عن أنهم فعلوا و تركوا، كنت دايما بقول ليهو يا مرتضى بلد غاب فيها التمساح يقدل فيها الورل وهذا عادة ما يتخيله السناير عندما يتخرجوا ان الدار من بعدهم أصبحت خراب، لكن و الشهادة بالحق وجدتكم كلكم تماسيح، ورغم ان الأعداد قد قلت كثيرا الا أنه لا شك انكم عشتم حياه مليئة بالذكريات الجميلة.
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
صباح الخير يا وجوه الخير عارف يا أخوي الرشيد صاحب الحوش لمن كان برلوم بشكله النحيل الضعيفوني داك ما أديناه أي وزن وكمان صاحبك بناطح وبيحضر إجتماعات اللجنة السياسية وفي والونسه الداخلية التحت تحت الجماعة بيقولوا إنتو الإتحاديين ديل بيجبوا لينا برلموم ما فاهم حاجة والجماعة فاكرين في الإجتماعات يخموا الجماعة ديل ،،، وبعدين الكلام إختلف الولد طلع عكليته ومفتح ومولود بسنونه صاحبك كمان طلع حوت عايز يخم السناير ،، يا جماعة أحسن لينا بشير على العبيد والمرحوم د. محمد عثمان .
صاحبك سيد الحوش ده ما كان برلمون ساهل ... وحالياً البرلوم ده من مؤسسي هذا التجمع وهذا الربط والتواصل الزقازيقي ،، عملوها الصغار ووقعوا فيها الكبار ،، بس ووقوعاً سمح خلاص .
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
سلام والف سلام لناس الحوش الظريفين.. السناير المخضرمين ...والبرالمة الدايشين والمفتحين....
الف تحية ليكم جميعاً...
يااخونا مادام الحوش عامر كل الاحباب متداخلين...والحاضر ممكن يكلم الغائب...
هنا موضوع هااااااااااام جـــــــــــدااااااااااااااااا للتداول...
يله همتكم معنا...
يا اخوانا هو موضوع الاشتراكات والمساهمات وذلك ليستمر هذا النسيج القوي ويتماسك اكثر واكثر وتكون لينا دار وكيان ومكان يجمع الناس في اي وقت...
سبق ان تم طرح الموضوع اكثر من مرة ...وكان لاخواننا بالرياض اليد الطولي في المد...وبعدذلك اخواننا في جدة ورغم ذلك انامن وجهة نظري شايف المسألة لاترقي الي مستوي الترابط الذي يجمع ناس الحوش وليست هذا لبخل منهم وإنما تعسر عملية جمع الاشتركات في حد ذاتها ومشغوليات العمل لكثير من الاخوان وانا واحد منهم ...لكن عايزين هذا المد بالاشتراكات المستمرة والمساهمات اي واحد يساهم بما عنده لو ( بريزة )... والله انا عايشت بعض المسائل مع الاخ / زهير الزناتي والزمرة ومن معه محمد صديق ونهلة نجم الدين ومعتصم سلمان جعفر...صراحة هؤلا النفر كانوا بدفعوا من جيويبهم لتسير اعمال الجمعية ودفع بسخاء... المهم يا اخوان هذا موضوع مهم والناس الآن ماشاء الله مجتعمة ومتداخلة يمكن ان تدلي بدلوها و(بريالهاودولارها...)
يله قولوا لينا...ما رئيكم دام فضلكم....
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
قيس جمال الدين ولقاء بعد سنينا طوال
من اليمين (صلاح السر - حامد صاغة - حامد الحبر - محمود الحوري - منصور عبدالرازق - احمد اسماعيل - محمد عثمان - عصام) وسطا (الصادق عيسى - موسى عيسى - محمود محمد آدم) جلوسا (قيس - احمد عوض - آدم محمد عبدالله)
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
احلي صورة ... منظر الكبسة وهي تنظر لمنصور عبدالرازق "بشغف" وهو يتجلي في كلمته ... فعلا الكروش و "الصلع" مابتجي بالساهل ...
جلال يااخوي خلى واحد يصورك "كتير" المرة الجاية ... ماكل مرة طالع من المولد بدون "صور"
روعة يا ناس الرياض ... تميز منقطع النظير فتو ناس "هناي" بمسافة ... قصدي ناس الامارات ...
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
يا جلال وناس الرياض شوية معجنات مع كفتة بطاطس ما كان احسن ليكم ولا عاوزين تعملوا كرش للرشيق الحورى زيكم
ايميلين ( تخان ) من اخونا اسامة ابتر
Quote:
سلام يا نضيف وناس الزقازيق الجدعان كلام عجيب والله عجيب الواحد منبهر ما يسحروكم يا اجدع خلق الله والله الواحد يطش ليه طشه صغيرة كده فى الخلا يجى يلقى نفسو طاشى عديييييييييييل من البوست وان قايل نفسى دخلت العولمة التعازى لاخونا شنقراى ولكل من فقد عزيز لديه يا عمو زناتى على حد قول البادى انا وجبريلا قاعدين ما فى داعى للقنابل اخونا العزيز كيلون ( جلا ) وينك انت يا لذيذ تلفونك ما ظاهر منو الا المفتاح اخونا محمود الحورى سلامات البدلة ما يلفحا الحرامى السرق هدومك من حبل الغسيل !!!!!!!!!!1 الابن الفاضل ابو سن عساك بخير والله ليك وحشه |
يا ابتــــر يوم الخميس حاولت تلفونك برضو ما بجمع معاى لكن اليوم بقعد ليك عديل كده واللى عاوز يكلم اسامة ابتر ده رقمو 00249912168289
Quote:
يا نضيف انا ما قلت ليكم ح اهريكم سنة 97 دى طبعا العمرة التانية بتاعت موسى مشيت كورس بتاع حماية شخصيات يعنى زى الريس ميسرة وكدة دورة فى اكاديمية نايف بالرياض الاخ موسى عمل لمة زى اللمة بتاعت الحورى كانت حاضرة ........... فهمى عبدالجليل كمندان كبير عثمان الخير عصام جلى ود المبارك الدكتور عارف واخرين طبعا كانت العلاقات بين السعودية والسودان زى علاقتنا بالكبابجى !!!!!!!!!!!!!1 وده طبعا بعد حرب الخليج التانية لان حرب الخليج الاولى عندى ليها موضوع براهو !!! فى السنة دى واثناء تواجدى بالرياض قرر الامير عبدالله (ان ذاك ) اصلااح الاوضاع وطلع قرار يسمح لكل سودانى موجود داخل المملكة ان يمتلك اقامة محلية ا لاخ موسى كتر خيرو طرح لى الموضوع وانا وافقت وشال الجواز وبعد اسبوع جاب الجواز راجع وقال ناس الهجره قالوا انت جاى فى مهمة رسمية ما ممكن تعمل اقامة طبعا حسدونى هسى كنت اكون مع ناس الرياض الرايعين ديل طبعا اخونا موسى قطع فينى الرسوم بتاعة التاشيرة كلها قال لى دى طلعت من الجمعية بخصوص التاشير بتاعتك وما ممكن ترجع طبعا دى الاسرار الافشاها اخونا كيلون بتاعت البريزة ومسالة الشغل الاجتماعى يعنى موسى عيسى نفذ افكار جلا فى ارض المهجر ولكن ما اظنو عمل عملتو بتاعت الخنصرة وكدة وانا قبل كده قلت ليكم ناس الرياض اقدم من ناس الخرطوم فى الشغل ده وبالسمنة وكدة !!!!!!!!!!!!!!
|
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: يا جلال وناس الرياض شوية معجنات مع كفتة بطاطس ما كان احسن ليكم ولا عاوزين تعملوا كرش للرشيق الحورى زيكم
|
شوو يازلمي .... قال معجنات قال انت عارف ياعبدالدائم الكبسة دي سرها باتع ... ما شايف السعودين ديل بالنهار نوم .... وبالليل ...... تفحيط. ده سر الكبسة
التحية للكمندان اسامة ابتر
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: يا اخوانا هو موضوع الاشتراكات والمساهمات وذلك ليستمر هذا النسيج القوي ويتماسك اكثر واكثر وتكون لينا دار وكيان ومكان يجمع الناس في اي وقت... |
كل شئ جميل في هذا البوست ما عدا ما تم طرحه من الأستاذ/ عثمان الجيلي وهو لمس روح ونفس الرابطه والقضية لتأخذ أبعادها بشقين :-
- الشق الأول أعضاء الرابطه بداخل الوطن - الشق الثاني أعضاء الرابطة بدول المهجر (بصورة عامة)
الشق الأول متروك لناس اللجنة التنفيذية بالداخل ،، أما الشق الثاني وهو المطروح للتداول ومعظم المتداخلين من الطيف المهاجر يعني الناس في الخارج متابعة وعارفه أين مكمن الداء ،،، المطلوب التفاعل لتجميع الإشتراكات الشهرية وأعتقد إنها إشتراكات رمزية بسيطة قررت اللجنة التنفيذية حسب ما أفاد به الأخ/ زهير الزناتي وهو خمسة دولارات شهرية وأنا رأي مخالف لذلك حيث أن مبلغ خمسة دولارات مبلغ هايف جداً ولا معنى له لأنه ببساطه يعادل 18.75ريال سعودي فهل يصحح أخونا زهير صحة قيمة الإشتراك الشهري لناس الخارج؟؟؟؟؟؟؟؟؟؟؟؟؟؟؟؟ الدعوه هنا طرح للآلية التي يتم دفع الإشتراك الشهري وتفعيله حيث لا ننسى بمشاغل الحياه اليوميه ،،، وأعتقد ناس الرياض كانوا قد بدأوا خطوه أكثر إيجابية ،، الدعوه للجميع للتداخل والنقاش
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا ناس الرياض و الله صورة كبستم هيجت لينا القولون و لولا لمتكم الجميله دي كان عايزه ليها حبة بوكسيديوم. مسكة منصور للمايك دي ذكرتني عرس منصور... كنا مجموعة من الزقازيقاب حضورا في الحفله و لأني كنت ملما بالتفاصيل كان الشباب بيسألوني منو الفنان فكنت أرد عليهم مازحا صلاح بن البايخه، رغم انني أحب الاستاذ صلاح بن الباديه جدا...وأثناء ذلك جاء أحد أصدقاء و جيران منصور و طلب مني تقديم الفنان باعتباري صديق منصور، فارتبكت بل ورجفت عديل كده فلقد خشيت أن أقدم صلاح بن الباديه بصلاح بن البايخه... لكن ربك رب الخير ستر و قدمته بمزمار الغناء السوداني وصاحب الحنجره الذهبيه و هنيت العروسين فانبسط صلاح بن الباديه وأبدع كما لم يبدع من قبل و انبسط منصور أيضا و هاص و جقلب كما لم يجقلب من قبل. حبيت بل و قصدت ذكر المناسبه لأني عارف انو الشياب (بالياء) ديل بتعجبهم الذكريات الذي دي بعدها حيقوم يطلع الصور و ما بعيد يطلع شريط الفيديو بتاع الحفله يقوم يحضروا تاني والله يستر من الجقلبه.
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
فيما يخص الاشتراكات يا ميسره، كنت قد تكلمت عبر الهاتف مطولا مع زهير حول هذا الموضوع والمبلغ صحيح هو ما يعادل خمسة دولارات لزقازيقاب الخارج ولكنه على قلته لا يصل، أنا مع أن لا يتجاوز الحد الأدني و أكرر الحد الأدني هذا المبلغ أو يزيد قليلا شريطة أن يصل الى اللجنة التنفيذية بانتظام الأمر الذي يمكنها من أن تكون لديها ميزانية معروفة و محدده فيكون التخطيط بعد ذلك على أسس واضحة، أما من يريد أن يساهم بأكثر من الحد الأدنى فالباب مفتوح و لا يوجد سقف لذلك. الأهم في اعتقادي هو تكليف بعض الناس لتجميع تلك الاشتراكات، أو فتح حسابات في بنوك مراسله لأخرى في بلاد المهجر، أو يتم التحويل عبر الصرافات أو مكاتب التحويل بدول المهجر والتي يوجد العديد منه، على أن يقوم الاخوة بالداخل بتحديد الوسيله التي تناسبهم والكل على استعداد تام للالتزام باشتراكاتهم.
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
صادق التعازي لزميلنا الفاضل د. / بابكر بخيت في وفاة والدته و أسال الله تعالى أن يتغمدها بواسع رحمته و عظيم مغفرته و أن ينزلها الفردوس الأعلى من الجنان و أن يلهم زميلنا د. بابكر و أسرته و كافة أهل المرحومة الصبر الجميل ، و بشر الصابرين ..
ـ أتمنى ممن لديه هاتف الدكتور / بابكر نشره هنا حتى يتمكن كافة زملائه من الزقازيقاب غير المتواجدين معه من تعزيته ، و لا أراكم الله تعالى مكروهاً ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الساعة 4 عصرا بتوقيت الامارات قلت أتاوق ليكم قبل ما أمشي أتلم، لقيت الدار خلا و البوست اتدحرج للصفحه التانيه قلت الناس ديل خبارم...مالكم يا أخوانامشغولين ولا مدبرسين و لا بتجهزوا للامتحانات مع الاجازات ولا الحاصل ليكم شنو... ان شاء الله بكره نجيب ليكم مجموعة صور جديده نحرر ليكم البوست ده شويه.
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
بسم الله الرحمن الرحيم..
( وبشر الصابرين الذين اذا اصابتهم مصيبة قالوا إنا لله وإنا اليه راجعون )
حار تعازينا للاخ / د. بابكر بخيت ...في وفاة والدته..
نسأل الله ان يتقبلها في الشهداء والصديقين...
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
وهذه ذكريات ممتدة ومتواصلة من محمد آدم (جلا)
Quote:
فترة راحة شوية وبعدين نواصل:
نحن قبيل شن قلنا
ما قلنا الطير بياكلنا
في جبال كرري
إنت عارف ياموسى
ما أحلى أن تتذكر
و ما أجمل أن تكتب عن ماضيك
أيها الأمة
الناس
القوم
العشيرة
الزقازيقيون
أنا أعيش الآن أسعد الأيام
ما أن أبدأ في الكتابة إلا و تأتي شياطين ال........
عفواً و عذراً
ما أن أبدأ في الكتابة إلا و يأتيني الوحي و الإلهلم الزقازيقي
وهم ناس دفعتي الذين تم ذكرهم سابقاً و الذين سيأتي ذكرهم لاحقاً
وحكاية الإلهام و الوحي دي
يا جماعة الزقازيق ناس موسى عيسى و عصام جلي ما خاشين فيها لأسباب فنية
يا دوب أنا عرفت الناس بتكتب مذكراتها ليه
Mohamed Adam Elnour Training/ Human Development Specialist FAO/ SPCRP(North), Mobile Telephone: (+249) 912319724 Khartoum - Sudan
|
| |
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
صباح الخير يا زقازيقاب الخير نرسل عزاءنا للأخ / حسين شنقراي ، وعزاءناللأخ /د. بابكر بخيت اللهم أرحم موتانا وموتى المسلمين أجمعين. يا ناس زراعة يا رائعون ، صراحة الحوش دا كأنه موجود في لكوز والمطبعة وفجأة فتحتوا فينا نار زراعية، واصلوا المتعة الزراعية اللكوزية ونحن معكم برغم إننا ما كان عندنا تواصل شديد مع اللكوزيين. لكن الملاحظ إنه المداخلات مختصرة على دفعة واحدة من أجدادنا القدماء الزراعيون وين الحلوين ناس التسعينات ووين تواصل الأجيال الزراعي اللكوزي نحن راجينكم، في ملاحظة تانية إنه ناس بيطرة نائمون تماما برغم نشاط جيرانهم الزراعيون إصحى يا بريش... وجبريلا وظلوجي وقيس جمال الدين...
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
البادي صباح الخير انت عارف طبعا حديث الذكريات ده بيعجب العجايز شديد عشان بيرجعوا بيهو شبابهم، أما الشباب من أمثالك فلسه بيكونو في ذكرياتهم. و بسؤالك عن ناس بيطره، الصوره التاليه بتعبر عن ان ناس زراعه وناس بيطره كانو حاجه واحده الصوره دي في مهرجان رياضي بميدان كلية الزراعة بمناسبة وداعي.
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
هيثم مصطفى بالرغم من انك ( ظلطت الراجل فى قدمو ) برضو بكرمو فيك شكلك كان سغنتوتى .... وين الجمهور ما باين ( وش غامز )
هو منصور عبدالرازق بيلعب الكورة بالنضارة ؟
اسعفنا بالاسماء يا محمد عيد لو سمحت مع انو بالنسبة لي واضحين !!
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
شكراً يا د. الصادق ..
و ما تطول الغيبة ياخي ..
Quote: موبايل بابكر بخيت 00353877485828 |
أتصلت على زميلنا الفاضل د. بابكر بخيت حتى أنقطع رنين الهاتف و لم يكن هناك رد ، و سأعاود الإتصال ..
و أتمنى أيضاً أن تبلغه تعازي الزقازيقاب أجمعين إن لم نتوفق في لقائه ..
رحم الله تعالى الفقيدة و أسكنها الجنة و ألهم أهلها و ذويها الصبر و الإحتساب ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
وفجاتن كده فتحت الشباك لقيت محمد عيد بعاين
Quote: الحبيب عبد الدايم .. تحية لك وللجميع الناس الفى الصورة رشيد مع طارق لكوظ كابتن بيطرة والهدايا المتبادلة كانت ربع كيلو كنافة بالقشطة من سويت بسام لكنها بايتة من امبارح !! اما هدية طارق لكوظ فقد كانت مفاجأة .. لأنها جات طازة من معمل صحة الحيوان بكلية بيطرة اما بقية الناس : احمد يوسف وفايز حسن التوم واسامة موسى وعبد الرحمن العارف وصمويل صبحى سيفين اما ابو نظارة فكلام ياسر نجيلة صاح ده مش منصور ولا حتى عبده مضوى .. السماحة تطير دى صورة الرفيق اركان حرب / ياســر ياسين واحتمال الرشيد ذاتو مصفيهو ..!! ولك الود محمد عيد ميرغنى
|
يا ربى ناس صحة الحيوان ديل جابو ليهو شنو ...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
و صوره خصوصي لنعمات الجبل لاخراجها من مخبأها و اخراج آخرون...ونعتذر للبرالمه على التشفير الذي لا نقصد به الا أن يتواصل معنا نفر عمروا الأرض وساهموا مع آخرون في تشكيل شخصياتنا... الصوره تضم الراحله سميره سيد والتي أسأل الله يجعل مثواها الجنه و أعتذر للكثيرون الذين ربما قد أكون أيقظت أجزانهم بهذه الصوره...ولكني قصدت تخليد ذكراها الطيبة العطرة رحمها الله ونسأله و الصبر و السلوان للجميع.
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
أعتذر عن الغياب في الفترة الماضية لبعض المشغوليات وخالص التعازي لدكتور بابكر بخيت في وفاة والدته له الرحمة والمغفرة ولأسرته صادق التعازي ويا ريت يا الصادق لو أمكن منزل العزاء في السودان حتي نقوم بواجب العزاء نيابة عن كل ناس الزقازيق داخل وخارج السودان
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
ستقام مساء الأحد القادم الجمعية العمومية للجمعية السودانية لخريجي الزقازيق ، لمناقشة خطاب الدورة والميزانية ، ومناقشة القضايا والمشاريع التي تهم كل الخريجيين ، والمشاكل التي تواجه أعمال الجمعية ، ونهيب بكل الخريجيين الحرص علي الحضور وممارسة حقهم في نقد وتقويم اللجنة التنفيذية ، كما ستكون هنالك تغييرات جذرية في اللجنة التنفيذيبة لأعتذار بعض الأعضاء ، ونتمني أن يتصدي الأخوة الخريجيين من ذوي النشاط الفعال لإنضمام للجنة التنفيذية ويا ريت تكون هنالك اقتراحات ونتمني أن تمثل كل الأجيال في اللجنة التنفيذية حتي نستطيع ربط كل الأجيال قديمها وحديثها
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ملايين التهاني و التبريكات لزميلتنا الزقازيقابية الفاضلة د. رجاء الطيب لحصولها على درجة الدكتوراة ، و بوركت جهودها و إجتهادها و مزيدأ من النجاحات المفرحة لجميع الزقازيقاب ، و التهنئة موصولة للزقازيقابي الرائع / نادر فاروق و لأبنائهم الأعزاء و الأسرة قاطبة ، و لجميع الزقازيقاب الأمنيات بدوام النجاحات ..
ـ
و بارك الله في جهودكم يا زهير .. حقاً أديتم الأمانة على أحسن ما يكون و جمعتم الشتات سالماً و جعلتم الأحلام حقائق نعيشها .. سيروا و عين الله ترعاكم و بإستمراكم و تواصلنا جميعنا بإذنه تعالى موعودين بمزيد من الإنجازات الرائعة ..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
التهنئة الحارة للأستاذة الباحثة د. رجاء الطيب أثلجتم صدورنا وفرحنا لفرحكم ،،، التهنئة موصولة لأخونا / نادر فاروق وأكيد لكل نجاح جنود مجهولون .
قيام الجمعية شئ جميل وحضاري ،،، ونهيب بجميع الإخوة الحضور إلى الجمعية والمقامة بسينما الثقافى ، نأمل من الإخوة الذين تمكنهم ظروفهم من الدخول في اللجنة التنفيذية أن يفعلوا ذلك دون إذن مسبق .
مرحب بعودتك يا زهير بس ما قلتوا لي وين أركان النقاش ح تتعمل وبعدين ح تعملوا بياتو دستور ؟؟؟؟؟؟
أخونا الرشيد تخريجك الكروي كان جميل ووداع فاهم ،، بس أنا عندي سؤوال الرشيد إلى في الصورة ده الراجل الطيب و الزقازيقايق إلى نحن نعرفه بس صورتك في البروفايل الحالي غير نفهم السبب ؟؟
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: بس أنا عندي سؤوال الرشيد إلى في الصورة ده الراجل الطيب و الزقازيقايق إلى نحن نعرفه بس صورتك في البروفايل الحالي غير نفهم السبب ؟؟ |
أخوي ميسرة...قالوا قديما فهم السؤال نصف الاجابه وأنا بصراحه ما فهمت السؤال...لكن لو فهمت السؤال صحيح فالاجابة ان الفرق بين الصورتين 23 سنه و23 كيلو، لعل ذلك يكون سببا كافيا.
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
زهير مشتاغوووووووووووووون ...... وجايك برواقة بس الواجب يحتم اولا تقديم واجب العزاء لدكتور بابكر من موسى عيسى
Quote: الأخ جلال: لك تحياتي التعازي موصولة عبركم للدكتورنا الأصيل -بابكر ود الفادني سائلين المولي أن يجعلها في جنات النعيم و أن يديم البركة في الذرية ،اللهم ابدلها دار خير من دارها و أهلاً خيرا من أهلها و اجعل اللهم قبرها روضاً من رياض الجنة
|
ومن محمد آدم النور (جلا)
Quote: التعازي للأخ د. بابكر
وربنا يجعلها من أصحاب اليمين
و يجعل قبرها روضة من رياض الجنة
ويسكنها فسيح جناته
وينزلها منزلة الصديقين و الشهداء
و أن تؤتي كتابها بيمينها
و يلهم د. بابكر وذويها الصبر الجميل و حسن العزاء
كل ما عليها فان ويبقى وجه ربك ذو الجلال و الإكرام
Mohamed Adam Elnour Training/ Human Development Specialist FAO/ SPCRP(North), Mobile Telephone: (+249) 912319724 Khartoum - Sudan |
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
ويتواصل كذلك سفر التواصل وهاهي مناكفات (جلا) ورد موسى عيسى عليه
Quote: الأخ موسى هناك مقولة متداولة وهي
نبدأ من حيث إنتهى الآخرون
وهذا إعلان مكذوب دون شك
فلكم أن تبدءوا من حيث أنتهيتم
ما في زول يلصق حق زول
.....................
على سياق قول الكتيابي
على كيفي أكتب كلامي أو لا أكتبه
و لكن لا أظن أنه ليس على كيفي طالما أنني بين أحضان أحبتي
ذكرت سابقاً أنني أكثر الناس سعادةً و أنا أتنقل بين بلادي السودان
كل ما كتبته عن طريق زهير الزناتي أو موسى عيسى كان بمدينة الدمازين
والتي تسكنها صالحة
وقريب منها في بلد يوسف عبدالله خالد والتي إسمها أبو حجار
ولذلك كل الكلام السابق كان دراب و حجار و لا زال
أحبكم أيها البشر
الآن أنا في عطبرة الحلوة و التي أظن أنني سأجد فيها ناس طيبين
و بلا شك أنهم كذلك
وطبعاً هي عادل الجعلي و تحت تحت سامية إسماعيل وعادل و د البيه
ومحمد عطية
....................
بدأت الكتابة و بشكل جيد في فترة سابقة في موقع الزقازيقاب
وتواصلت مع نفر كريم و أظن كل الناس المتواجدون في الحوش
سناير و برالمة
التحية للأخ السنير الرشيد بابكر المفعم بالزراعة
وهو من الناس الذين يحملون هم أبنائه و أبناء المغتربين للعودة للسودان
دائماً موسى عيسى يخيَّب ظني وقد كنت طرحت إقدام موسى للعودة للسودان
ولكن!!!!!
فرقة الرياض صعبة
الكبسة المصورة ما بتتخلى
الكرشة ما بتتنقص
يا ناس المغرب قاعدين تاكلوا شنو؟
عبدالدايم صورتك كيف؟ ياك نضيف لسع؟
يا أسامة أبتر التلفون أظنوا ظهر لكن البريد الإلكتروني
MailFilterGateway has detected a possible fraud attempt from "us.mc380.mail.yahoo.com" claiming to be [email protected]
أمهلوني أنا دائماً معكم
في السودان ما عندنا Weekend
بالله ما تتاوقوا ساكت وتدسوا
تعظيم سلام للرائع السنير المبجل
أيدناك بايعناك ياميسرة أيدناك
لكم محبتي أينما كنتم
Mohamed Adam Elnour Training/ Human Development Specialist FAO/ SPCRP(North), Mobile Telephone: (+249) 912319724 Khartoum - Sudan |
Quote: الأستاذ /جلال عثمان ما زلنا عبر نفاجكم نطل ومن برفقتنا إلي حين ؟ ولكم أن تتستخدموا كل الطاقات والواسطات الممكنة والغير ممكنة حتى نستطيع التواصل بالباب عديل ، بالمناسبة يالريس ميسرة الزول جلا دأ طبعا ما تشوف الفصاحة حقتو دي والله هو أخونا العزيز عوض شلبي كانوا معانا يجننونا جن بس لحظة ما يكون الجنس الناعم من أخواتنا الطالبات موجود والله الواحد ما تحس بوجودهم،و الله الواحد كان خايف عليه من موضوع الزواج يستعين بصديق ؟لكن يبدو عمل كورس اضافي مع دراسة الماستر ! بالمناسبة الأستاذ جلا عمل ماستر في الاقتصاد و يعمل الآن في مجال تدريب الكادر البشري التابع لبعض المنظمات نسأل الله له التوفيق و إلي الإمام مع التحايا للجميع أبو عهود |
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
التهاني والتبريكات نسوقها للأخت الفاضلة دكتورة/ رجاء الطيب بمناسبة إجازة الرسالة والتهاني موصولة للزقازيقي الرائع نادر فاروق وللابناء وكل الاهل وفعلا يازهير وراء كل عظيمة رجل بس شكلك جبت الهواء لرقبتك
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
الف الف مبروك لاختنا رجاء
اتصلت على دكتور بابكر بخيت سبحان الله الصوت ياهو ذاتو علي الزمن سوى شنو آآآبعرف
الرشيد انا كورة بيطر وزراعة في وداعك دي كنت فيها اسطوبر بيطرة ودقيت ليكم احمد رأس الحربة بتاعكم دة دق شديد خلاص هههههههههه
التحية للجميع
| |
|
|
|
|
|
|
Re: ناس الزقازيق ... أجدع ناس .. (Re: adil rahman)
|
جميع الأخوة الأعزاء خريجي جامعة الزقازيق تحية وود وشوق لا شك أني سوف أجد نفسي في هذه الواحة الزاهية بحضوركم الجميل شوق لكل ناس الزقازيق تسجيل حضور ... وجزيل الشكر لك شقيقي عصام دهب لفتح هذه النافذة البهية
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
وصلني على الفيس بوك رساله من الجنرال عادل فتح الرحمن، عادل الانسان الشفيف اللطيف المؤدب و الذي تحبه للحسن فيه، عادل مقيم هو و أسرته بدولة قطر وأنا متواصل معه بالتلفون.
Quote: تحياتى يا أبو مهند سلامى وأشواقى لأجدع .........ناس . بالتأكيد أى كلمة تكتب وأى صورة تنشر عن تلك الفترة تعد توثيق لما كان يدور فى ذلك الزمن الجميل الذى جمعنا بأشخاص هم محل تقدير وإعزاز نتمنى أن نلتقهم ولكل من عاصر أو واكب تلك الفترة إسهام مقدر وإسهاماتكم تزين المكان ألقًا سلام لأجدع .........ناس الرجاء النشر فى بوست ناس ازقازيق |
شكرا يا عادل وتواصلك يسعدنا
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
صباح الخير يا أهل الخير ملاييييييين التبريكات لي بنتنا وأختنا الغالية / رجاء الطيب على هذا الإنجاز الإعجاز ، وكمان التهاني لي أخونا الرائع / نادر فاروق وطبعا أكيد نادر كان عونا وسندا ومشاركا فعالا في هذا المشروع الحضاري. للعلم إنه رجاء الطيب قريبتي جدا وكذلك نادر فاروق بالإضافة للنسب. ويا عمو الزناتي موت بي غيظك وكدا.. نحن أهل وأحسن ليك تطلع منها....
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
اطلالة صباحية من العزيز محمد عيد ومجادعات مع الرشيد بابكر وزراعــــــــة ووووووولعت
Quote:
معذرة .. عبد الدائم .. يا ايها العزيز ..
فقــد نكــأ الحبيب رشيد بابكر جراحا كنا نظن وهما" انها قد ادملت !!
فاذا بها قد تفتـقت وتفتحت وانداحت شجنا وألما يدمى القلوب ...
سميرة سيد تلك الزهرة الجميلة التى كانت تتفتح فى كل الفصول ..
سميرة .. تلك اليــد الحانية والانامل الرقيقة التى كانت مثل مبضع
جراح ماهر يداوى النفوس المهترئة ويعالج آلامها ..
سميرة .. كانت نســـمة ربيعية فى عز الهجيــر ..
كانت واسطة العقد فى مجموعة فريده مثلت بحق بيت العائلة
لكل افراد زراعة فى ذلك الحين ..
سميره .. نهلة .. امال خضر .. ماجدة عبد الرحمن .. تماضر
معذرة اخوانى .. فان شريط الذكرى يصر على ان يتوقف فى
محطات كثيرة معها .. الكلية .. برامج الاسرة .. عزائم فطور رمضان .. حفلات التخرج والرحلات
وما بعد التخرج والتلاقى الجميل فى وزارة الزراعة .. حتى رحيلها المــر !!
ولكنى عاجــز عن التعبير ..
رحمك الله يا أختــاه وغفر لك وجعل الجنة مثواك ..
مرفق صورة اخرى للراحلة لفائدة بقية الاخوان الذين قد لا يتذكرون الاسم .
بقية الصورة يا رشيد عرفت منها : اخلاص محمد احمد – احمد المعتز – هاشم سعيد – ابراهيم مختار ، اضافة الى على ميرغنى والرشيد .
محمد عيد ميرغنى
|
رحم الله سميرة واسكنها فسيح جناته ولذويها الصبر والسلوان
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
اولا" الف مبروك للاخت والزميلة رجاء الطيب هذا الانجاز وشهادة الدكتوراه وانشاء الله دايما يا ناس الزقازيق فى العلالي بالامس شاهدت ندوة د/ منتصر فى قناة النيل الازرق
ثانيا" سعيدين برجوع العضو الكان نشط زمان عادل عبدالرحمن وعقبال بقية الناس الزاقت مننا .... ههه
وثالثا" نرحب بعروة على موسي ( نص ترحيب ) لحدى ما نصفى حساباتنا فى المطار القديم
يا جلا حارسل ليك صورة فى الايميل عشان شنو ... عشان تأمننننو ...
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
صباح باهي لكل الزقازيقاب أينما كانوا .. وممنون د طارق ( الزول البريدو في شان الله ) على الترحيب وان شاء نكون عند حسن الظن .. وينك يا نضيف .. والله دارت دورة الأيام ونحن مع الزمن أغراب .. نص ترحيب مقبول منك يا زول يا فنان ونحن حاضرين للمطار القديم بس الناس جات لأنو في دعوة قدمت ليها .. والكلام على شهادة الرشيد خواطر .. وشوق العميان لي الشوف ...
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
صباح الخير يا وجوه الخير،،،، سعدنا كثيراً بمداخلة الأخوان عادل عبدالرحمن وعروه على موسى ، ونأمل أن تعودوا وتبحروا معنا في بحر الزقازيقاب الطامح،،،
شكراً أخي محمد عيد على هذه المرثية في الحزينة في حق زميلتنا
Quote: سميرة .. كانت نســـمة ربيعية فى عز الهجيــر .. |
| |
|
|
|
|
|
|
Re: ناس الزقازيق ... أجدع ناس .. (Re: سيف النصر محي الدين محمد أحمد)
|
مرحب بشقيقي ( الغتيت ) عروة ..
( غانج ) بالباس ورد و جاي داخل ( تووش ) كدة إنت قايل نفسك ( كمال أبو سريع ) .
و يا من لم يعاصرهم و من لم يعاصروه ..
عروة دة دفعة و ( فردة ) و شقيق شفيف و زقازيقابي ( مقددها ) و رفيق درب مشيناه و لا زلنا من الزقازيق مروراً بود النور و الأبيض و جدة و مكة ..
وبوجود عروة بيننا و بمشاركاتكم بإذن الله تعالى سيبقى هذا البوست أخضراً ..
تداعى يا شقيقي قشة ما تعتر ليك يا شقيقي ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الشقيق الرفيع جداً دهب
إنتو قايلين براكم البتعرفو بكري أبو بكر الزول طلع معرفة قديمة وبينا قرابة يعني هسي أنا زول بيت
قلت ليه يا قريبي يا بكري ياخي داير باسورد عشان إقشر بيها مع ناس دهب وعبدج الدائم النضيف
قال لي : غالي والطلب رخيص .. تستاهل يا قريبي ...
وحقيقي أنا ممنون ليهو شديد لهذا الكرم النبيل وربنا إديهو العافية
وجزيل الشكر يا شقيقي على كلامك الزي ضو الرتينة ..
ونحن معاكم لي النهاية ..
بالله يا دهب قول لي عبد الدائم النضيف صحي النابغة الذبياني مدفون في القضارف ؟!
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
اولاً ترحيب حار بعودة الغائب الحاضر now عادل وياعروة تحيات كثيرات وترحيب حار لكن الكوسة جابت ليك الهواء قلت لي بكري طلع قريبك .... اههها شيل شيلتك مع سناير تجارة ديل
Quote: ألحق يا موسى
يوجد أحد البرالمة الجدد في البوست و أظنه رائع كما الزقازيق نفسها
و قال شكري لشقيقي عصام دهب لفتح هذه النافذة
وأنا دائماً أدقق في بعض التفاصيل
الأسم: عروة علي موسى
تاريخ التسجيل 27/4/2009
مجموع المشاركات 3
طيب ما تقول للجماعة
شقيقي، زميلي، رفيقي، إنشاؤ الله حبيبي
لأنو كلمة أخوي شايفها ما جابت حقها
ما قلت ليك إنت دائماً خاذلني يعني لو كنت قاعد أكتب عن طريق ناس آخرين كان لقيت لي مدخل
إنشاء الله عن طريق مبارك جادين
Mohamed Adam Elnour Training/ Human Development Specialist FAO/ SPCRP(North), Mobile Telephone: (+249) 912319724 Khartoum - Sudan |
وهاك ياعصام دهب
Quote: هنا نقطة نظام يا أخي الدهب لو لا أني أعلم بأنك دهب وكمان عيار 24 فوق الأصلي لكان صدقت كلام أخونا جلا ولكن عازنا الوحيد هو المناشدة بل المطالبة و لانتزاع الحقوق (كما قال اخونا ناس الجبهة الديمقراطية بأن الحقوق تنتزع) فلكم أنا تناضلوا معنا حيث أنكم أهلاً لذلك النضال حتى نستيطيع التواصل من الباب ، ولك الود والتحايا يا صحبي
ابا العهود
|
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: التهاني و التبريكات للأخت رجاء الدكتورة وزوجها الكريم و المفضال نادر
وإنشاءالله بيت مال وعيال
و المقصود بالمال الجلوس مع رفقائها و رفيقاتها الدكاترة ناس الطب البشري و الطب البيطري
العيال و المقصود به زيادة بحوثها و إسهاماتها في مجتمع بلادي
يعني كلمة دكتورة بي حقها ويا ناس علوم عليكم الله ما تفلقونا وتقولوا أنحنا الفيها وذاتو ما مقتنعين بدكترة البياطرة
يعني يا الأخ نادر
الجاتك في مالك سامحتك
أو الخيل تجقلب و الشكر لي حماد
طبعاً من المؤسف أن تكون آخر المعزين و المهنئين
و إذا لا قدر الله وجدنا password يا موسى الجماعة حا يتعبوا معانا
نرجع لي حقنا
قد يكون صحيح في بعض ما ذهب إليه الأخ موسى في مداخلاته
لكن الحقيقة و التاريخ
كما ذكرت سابقاً عددنا يفوق ال100 وهذا العدد يضم ثلاثة من الأخوات الصالحات ثم أصبحن أثنين
أما إذا قلنا ننتشر عاطفياً فكليات زراعة و بيطرة يبلغن من البعد مسافة ما بقدر ليهم زول إلا الريس ميسرة وطبعاً له الحق في تفقد الرعية
وهو يعمل بالحديث كلكم راعي
وهناك سياج في الكليات القريبة و بالعديل قالو لينا ما تقربوا لأنو سيحصل شئ لا يحمد عقباه
و الكلام ده قالو مبارك جادين
ولذلك بدأنا في إيجاد حلول أخرى
دافوري
حفلات
كوتشينات
عسى أن نحول إهتماماتنا مع إنو دي ختيناها في حنانا
شكراً أيها الناس
Mohamed Adam Elnour Training/ Human Development Specialist FAO/ SPCRP(North), Mobile Telephone: (+249) 912319724 Khartoum - Sudan |
Quote: يا جلال صباحاتك بيض هاك جلا دأ طبعا الولد جلا دا عامل لي وجع وش كلما امش اخلي البريد نضيف زي حذاء عبدالدائم (مره كنت ومعاي الأخت سامية اسماعيل جايين من الجامعة و صحبي عبدالدائم ماشي الكلية الظهر في المسافة ما بين مسجد عبدالحليم حافظ و بداية الجامعة السيد النظيف مسح الجزمة زي ثلاثة مرات بمناديل الفاين المخصصه لذلك الغرض !!! رايك شنو يالبادي ) أرجع ألقى جلا موسخ البريد برسائله الحلوة دي و كمان بين كل رسالة ورسالة مكالمة يا أخي جلال ما نزل الرسالة بتاعتى دي ليه ما عاجباه ولا شنو و الله تقول رسالة انيس منصور ؟ وبالله يا جلال ما تقصر و نحن ما حنفسر؟بالمناسبة يا شباب اخونا جلا حصل ليه تجلي و افصح لبعض القراب منه انه مهتم بواحدة من الزميلات بل معجب كمان و لكن المشكلة انه ما قادر يبوح بالحاصل ؟ و في الرسالة القادمة نكمل ما قام به جلا في الموضوع
|
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
من المبجل سنير سنايرنا المبجلين / محمد عيد ميرغني تلقيت عبر الإيميل الرسالة التالية :
Quote: العزيز جدا" .. عصام لك الود والتجــلـّة .. والتحايا كلماتك الجميلة عن الاخ/ صمويل صبحى سيفين أثارت شجونى وأحيت مشاعر واحاسيس نبيلة أفخر بحملها تجاه هذا الاخ النموذج والذى يعتبر مثالا رائعا للتعايش الحميم والجميل فى سوداننا الحبيب ، فاسمح لى ان أدلو بدلوى فى هذا المقام لأن صمويل يستحق الكثير . هل تصدق اخى عصام بأن كثيرين من ناس زراعة كانوا لا يعرفون ان صمويل كان مسيحيا رغم دلالة الاسم الواضحة !! وسبب ذلك انه كان ودودا" ومتداخلا مع الجميع بصورة حميمة ازالت اى فوارق او اختلافات مصطنعة والشاهد ما ذكرته فى هذا البوست من قبل حينما رويت لكم حكاية عبد العظيم لكوظ عندما رفع يداه بالفاتحة معزيا صمويل عند وفاة والده .. واعود هنا لأعدد بعضا من ملامح جمال هذه الشخصية العذبة حيث انه فضلا عن مشاركاته المتواصلة مع الجميع من خلال نشاطات اسرة زراعة كان من أكثر الناس طوافا" وزيارات لشقق الاخوة والاخوات .. حتى انه اشتهر بعبارة مألوفة عنه حيث كان كلما يقابل احدنــا يبادره بصوته المحبب ( الليلة انا حأنتشــر عندكم !! ) وذلك كناية عن اختلاطه الدائم بالجميع ، وأذكر انه فى اثناء العام الدراسى 85/86 ان اجريت للاخ/ مجدى عبدالله عملية الزائدة الدودية وتم احتجازه بالمستشفى لعدة أيام وظل صمويل معنا اثناء الجراحة وبعدها ، وعندما اتفقنا ( سكان شقتنا ) انا وهشام عثمان ومعاوية يحيى على تبادل المبيت مع مجدى فى المستشفى احتج الاخ صمويل بشدة وأصر على ان نضمه لجدول المبيت بل انه قضى ليالى اكثر من اى منا . وعندما تم خروج مجدى من المستشفى اصطحبه صمويل لشقتنا وظل ملازما لمجدى لمدة اسبوع كامل يقوم بخدمته واعداد الاكل والغسيل وخلافه ..!! وهناك نقطة اخرى فى غاية الاهمية ولا بد من تسجيلها .. لقد كان الاخ صمويل يحتفظ فى شقته بســجادة للصلاة وكان عندما نزوره وتحين احدى الصلوات يسارع باحضار السجادة ويصيح فينا يلا قوموا صلوا يا عصاة ..!! حقا .. صمويل صبحى اسم لا ينمحى من الذاكرة .. اتمنى ان نسمع عنه كل الخير . محمد عيد ميرغنى |
و مجددا كل التحايا و الاحترام لسنيرنا المبجل و ود حلتنا / صمويل صبحي و لكل الزقازيقاب ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
رسالة من الحبيب اسامة ابتر
Quote: صاحب الحوش سلام وكمان الساكنين والجيران والخاشين ساكت ونحن لينا الله وعيشت السوق والتحية ليك يا صاحب النفاج يا نضيف الله يخلى لينا نفاجك ده قول امين التحية لاخونا عروة و عادل طبعا يا جلال عادل واقف على حيلو ولسان حالو يقول (انا ما عندى كرش يا جلال ) وانا بقول .... كبستكم كبست كبستنا تقدر كبستكم تسبق كبستنا وتقش السودان !!!!!!!!!! لان الانتخابات جاية بتاعت الجمعية وبتاعت السودان ......... قول يا لطيف التعازى لاخونا د بابكر بخيت وربنا يتقبل والدته بالرحمة والمغفرة الرايعة برلومتنا د رجاء الطيب الف مبرووووووووووك ولاخونا الوجيه نادر فاروق الحبوبه الزناتى ربنا يخدر عود ضرعاتكم |
رجاء الطيب قبل ما نادر فاروق ( يكيسا ) لانو ما ظاهر فى الصورة من اليمين : عبدالله الزبير - عمار رحمة الله - احمد عثمان - احلام مختار - رجاء الطيب تيسير على ابشر - مها صالح - احمد عوض - الفاتح محمد عبدالله امامهم ( انــــــــــــا دا )
وهنا مع نادر فاروق فى حفلة البلابل بنادى ود نوباوى ( سمحة يا دكتورة والله )
وهنا فى قندهار مع محمد حسن البرلوم بعد ما لحس صينية الرجال لحق صينية الحريم قوووووم كملت الشية كلها ، اكل السوسة والصلعة الملحوسة الانجاز ده يا نادر داير ليهو تــــــــــــور
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
التحية للأخوة المتداخلين الذين أمتعونا خلال الفترة السابقة بمداخلاتهم وقفشاتهم الظريفة ، الظريف أسامة أبتر ، والرائع محمد عيد والفاضل موسى عيسي وفاكهة المتداخلين الحلوين جلا يا جلا وعاشت تجارة ،،، وكمان زراعة ،،،،،
عبدالدائم عايزين نعمل حفل إستقبال للشاب الزقازيقي الرائع عروه والناس في شقة الإستقبال ،، مرحبتين حبابكم
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
بناتي يمنى و آية عادل
ترسلان ألق الحروف إلى لكل خريجي الزقازيق أعد نفسي من الآن لأحكي لهن قصة ولعي بذكرياتي أيام الدراسة بالزقازيق سأحكي لهن كل الذكريات الجميلة بين شارع القومية وشارع الشهيد، في منشية أباظة ولكوظ وشارع الحمام سأحكي لهن عن الأسماء الجميلة التي أذكرها والأسماء التي لن تتكرر في ذاكرتي مثل حسن طبلة وكشاح والطيب شبس وحسن برى وبالطبع لن أنسي الريس ميسرة سيد أحمد وهو يكرر في المنبر الطلابي (وهذا قدرنا وصاحب الحوش عصام دهب. ذاكرتي لن تخونني في ذكر أعلام المحراب حافظ أبوعاقلة ونوردالدين وعمر الفنوب ومحمد عيد ميرغني وياسر نجيلة والسهيلي حمد مجذوب وسهاد محمد ابراهيم وآخرين أعرف أن حكايتي التي سأحكيها ستطول ولكني سعيد بأني سأحكيها وسأكون أكثر سعادة حين أحكيها
عادل عبدالرحمن
| |
|
|
|
|
|
|
Re: ناس الزقازيق ... أجدع ناس .. (Re: adil rahman)
|
[I]الأخوة جلال عثمان الوفي الراقي سلام وشوق وود محمد آدم النور يا زول يا فهم يا روعة وينك .. لكن لقيتك دقة متناهية أسامة أبتر يا زول يا غيم شوق شديد محمد عيد سلام وود وشوق الفاضل موسى عيسي سلام وود وشوق نادر فاروق يا روعة الزمن البزيل همي والله مشتاق رجاء الطيب مبروك الدكتوراة وسلامي وشوقي د سيف النصر محي الدين الزول الراقي .. في البال والذاكرة لكن مشاغل دنيا بنجيكم بي شوقنا د طارق جبريل الزول سمح الدواخل ممنون سيدي عادل عبد الرحمن ربنااحفظ البنيات ووود وشوق شكر كتير على روعة الترحيب وود وكثير شوق ... ولجميع ناس الزقازيق وبنجيكم بالتفصيل : د. بابكر بخيت خالص التعازي في وفاة والدته وربنا ارحمها واغفر ليها : :
الحبيب ميسرة شاكر فضلك سيدي وممنون لكن إنت بتطلب الكلام ده من منو من النضيف .. كان كدة حأعمل لي استقبال براي ميسرة سيد أحمد أشهد الله شوق العميان لي الشوف
| |
|
|
|
|
|
|
Re: ناس الزقازيق ... أجدع ناس .. (Re: عروة علي موسى)
|
التعازي الحارة للأخ بابكر بخيت في وفاة المغفور لها بإذن الله والدته، ألهمك الله الصبر و السلوان، إنا لله وإنا إليه راجعون.
التهاني الحارة للدكتورة رجاء الطيب، على المنجز العلمي المشرّف لكل أبناء الزقازيق، رفعتي راسنا و إلى الأمام، التهاني بالطبع موصولة للأخ العزيز نادر فاروق و مزيد من الإنجازات..
و ترحيب على دقة الخيّالة الشرقاويين بالسنير العزيز والشاعر الرقيق عروة على موسى، هذه دفقة دماء حارة في شرايين هذا البوست (ياعصام ما تجي تتداعى لي في دي شوية) :)
بالمناسبة يادهبنا ( المجمر) تليفوناتي كما هي، ما إتغير اي شي، يعني (نفس اليافطة في نفس الحتة و الجابرية تحيي الريس)، بس إنت تكون إتلخبطت عليك أرقام الإمارات.
الحبيب ملك الذوق والتهذيب.. نجيلة ياخي عصام دا ما موصيك!!
الحبيب العزيز جلال، لحدي هسة منافس ميسرة في شيلة البوست. و نحن في إنتظار نتائج بحث المندي، و بالعدم صينيتو.
ديمة النضيف، يا أجمل أرشيف!
و يللا يا زقازيقاب إيدينا للبلد همههم هههم هههممهم
دي مشاركة بـ(جارح) واحد بس عشان عصام دهب ده يتداعى!
| |
|
|
|
|
|
|
Re: ناس الزقازيق ... أجدع ناس .. (Re: Samau'al Abusin)
|
صباح الخير يا وجوه الخير بوست ناس الزقازيق يكسب من جديد ناس حلوين ومهذبين ،،، الشاب الرقيق السمؤوال ابو سن ، والأستاذ عادل ربنا يحفظ ليك يا سيدي البنيات الحلوات ، ويجب أن نورث جميعاً أولادنا تجربة الزقازيق الرائعة ،، الشاعر عروة أنت مكسب حقيقي إضافي لهذا البوست .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
تحياتنا للاخ عادل عبدالرحمن وسلام للاميرات جيل الزقازيق القادم منتظرين "تداعياتك" وابداعاتك الفنية والادبية ... الباب مفتوح
القانوني الراقي سموأل ابوسن ... طلتك بتفرحنا ...
الشاعر القادم من الزمن الجميل عروة على موسي ... تحياتنا... واذا حضر الاصل ... نرجو من العاملين فيها شعراء "يضايرو" منتظرين ياعروة فرح الكلمات ... خليها تدور هنا
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
يا لروعة الدفء النبيل بينكم اشتاق وأعلم أني إذ أشتاق أتوق أليكم .. ومن جميل الذكريات معكم أقتات .. سيدي الغالي ميسرة سيد أحمد ممنون تاني وجزيل الشكر على السؤال والترحيب ياسر نجيلة وين يا ناس ( ليت المواعيد لا تكون دوماً سراب ) وأسأل الرشيد خزاطر .. قلت لي في ناس عاملة فيها شعراء .. هههههههههههه .. عرفتهم .. البرلوم الراقي سمؤال أبو سن تسلم يا غالي وحقيقي الزول تداخلت عليهو أرقام الأمارات ( فهمت دي )
وعشانك يا ياسر نجيلة وللجميع ...
وابقالِك بساط الريح
أضاري عليك من لفح الحنين والريح
أقش الدمعة من خداً جفاهو حبيب
وهاجر لي درب ودّار
وساب زولاً وحيد وكسيح
إقاسم (البركل) الهم العليو تبريح
غريبة حكاية النم البشب تلويح
إناغم زولو نص الليل
وإتوسد غنا (الكاهلي) الحنين وفصيح
وغريبة حكاية الريدة البقت تجريح
تكوس الهمسة من ذاتاً
بقت مربوطة بي زولاً ضنين وشحيح
نسيمات العتامير الهاجة طول الليل
تجرجر في أساها كسيح
تولول .. صوت بكاها وحيح
مناها تقابل الرفقة التشد وتريح
تقالد فيها نسماتكِ
وتختر بيها لي زمناً بهيج وفسيح
نسيماتك تخش رويحاتنا قبّال صريف النال
وقبّال ما إصدح النبَّهان لي ناسو البخبرو وصال
تهدهد لي دواخلنا المعرّش فيها تل حزناً
مكوّم من دميعاتن ضناها سؤال
حليل الراحو في درب الهوى الما طال
حليل الراحو من بلداً غشاها (البوم)
وعربد في رباها (جُهال)
حليل ( طير الرهو ) رحّال
حليل التاه إفتش يمة في صي القبور ولوال
وحليل أيامنا يا (الزقازيق) الدعاشك فال
| |
|
|
|
|
|
|
Re: ناس الزقازيق ... أجدع ناس .. (Re: عروة علي موسى)
|
ماشاء الله .... مفرح حد الدهشة تواصلكم الجميل .... يقيني ان عرفاناً كهذا يندر في زمانا كهذا وليت الأيام تعود بنا لذلك الزمن الجميل لنعيد ترتيب ذلك الجمال ياخي عاديتونا شنو الحنين ده كلوا .... عادل وعروة والسمؤال عليكم الله تواصلوا وما تنقطعوا ... وجودكم ذو نكهة خاصة.... نجيلة قلت لي الناس العاملين فيها شنو؟ شكلك داير تكب الزوغة ياحبيب..... زهير .... ياااك دي تكتيك مرحلة ولا شنو ... عارفنك مشغول ياخ .... ياااك مابناباها بس ماتطول علينا
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
دي مداخلة من محمد صديق تداعت ذكرياته بهذه القصيدة في مناسبة سابقة فرأي إنها أفضل إطلالة لكم ووعد بمواصلة الرسائل
Quote: يا كوتش سلامات خشيت اليوست امس مساء لاتدرى كم اهاج شجونى حديث الذكريات ذلك {كسرة {كما يقول البونى واحد صاحب ما زقازيقى قابلته نهار احد الايام وكان ثعسآ وحزينآ سأ لته عن السبب فكان الفلس ومرض احد ابنائه مساء ارسل الى ابيات شعر تقيض عذوبة وتفاؤلآ اصابتنى الدهشة وقلت لنفسى ماذا هناك ؟ ارسلت اليه استغرابآ واستغرب شنو الخلاك تضحك كوم شنو البدل مزاجك اربعة وعشرين منو الزرع الفرح جواك بدل احزان اكيد انك رجعت ورا واكيد انك طريت الشوق وناس الشوق وشوق الشوق ونار الشوق تحرق الجوف تطلع منو غنوة ريد تسيل الحان تهدهد لقليب هيمان اكيد انك رجعت ورا واكيد انك مبحلق فى عيون ناسآ من الزمن الحلو ونديان لمن كانت الضحكة بتكفى البيت وتطلع منو بالنفاج على الجيران وللسابع..تصل مبلولة زى زهرات من الوديان عليك الشوق
|
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
ترحيب حار وكبير بحجم المسافة ما بين الخرطوم والزقازيق بالمدهشين والأديبين عادل عبد الرحمن وعروة علي موسي وهما إضافة بلا شك لكامل المنبر وليس بوست ناس الزقازيق .... بمناسبة ناس الزقازيق ودا أقتراح أري أن يستمر الأسم كما هو ناس الزقازيق وليس الزقازيقاب لأنها تشير لثقافة منطقة واحدة وهي وسط السودان وناس الزقازيق منتشرون في كل بقاع السودان شرقه غربه شماله وجنوبه ويا ريت نتحاشي استخدام زقازيقاب ونميل للفظ الأعم ...
واقترح علي الأخوة الآتية أسماءهم مقابلتي بالبريد الإلكتروني وهم : 1/ منصور عبد الرازق 2/ محمد آدم جلا . 3/ أسامة أبتر 4/ محمد صديق محمد أحمد 5/ محمد عيد . 6/ كل من يأنس في نفسه الكفاءة في مواصلة هذا التداعي الحميم ...
| |
|
|
|
|
|
|
Re: ناس الزقازيق ... أجدع ناس .. (Re: عروة علي موسى)
|
بجيلك من هدير الموج ومن سكه مشي الضفه ومن دروب الشوق اسكب اشعاري انيقه بلهفة ولما الورود تلبس توب .. ومن مرض الغرام تشفي بجيلك زي رزاز النور وزي برق المحنه من زمن الالفه وفرحنا بيك يا انسان منتظرينك من زمان يا عروة ياشاعر ياانسان يارقيق يافنان عن جدارة وطيب خاطر ... تستاهل يا "شاعر البوست" كل يوم من ده خلينا نصبح البوست دائما بهذا الجمال المتدفق ... Quote: حليل الراحو في درب الهوى الما طال
حليل الراحو من بلداً غشاها (البوم)
وعربد في رباها (جُهال)
حليل ( طير الرهو ) رحّال
حليل التاه إفتش يمة في صي القبور ولوال
وحليل أيامنا يا (الزقازيق) الدعاشك فال
|
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
يا سلام علي شعراء البوست ويا ياسر نجيلة شد حيلك وكرب أدواتك جوك شعراء وأدباء بالجملة عروة وعادل وفي الطريق محمد صديق ، وعبد الدائم لو وإنكرب شوية في الأيام الجاية برضو ممكن نعتمده أديب
| |
|
|
|
|
|
|
|