|
Re: ناس الزقازيق ... أجدع ناس .. (Re: ياسر نجيلة)
|
صفحة جديدة عامرة بتواصلكم تامين و لامين إن شاء الله تعالى ..
ــ
إعتذاري و أسفي الشديد لكل من راسلني عبر الإيميل خلال الفترة الماضية و لم أتمكن من الرد عليه لظروف حالت دون إستخدامي للبريد الإلتكروني ، و إعتذاري مجدداً لمن راسلني من الزقازيقاب الأوفياء من غير أعضاء سودانيز أون لاين و لم أتمكن من نشر رسالته في وقتها و إليكم أولاً رسالة من سنيرنا المبجل / عادل عبد المطلب ( زراعة )..
Quote: السلام عليكم عن طريق الصدفة وجدت هذه الاخبار عن الزقازيقاب وقد اسعدنى ذلك وفعلا لا احد يستطيع ان يفسر ارتباط طلبة الزقازيق بها من دون بقية المناطق الا صدق العلاقات التى نشات فيها لك التحية اخى عصام \اخوك عادل عبد المطلب خريج الزراعة 1988 موبايل 00249912296930 المدير التجارى للشركة القومية للتجارة والخدمات |
تحية لزميلنا الفاضل / عادل مع الأمنيات بأن يظل تواصلنا مؤكداً على نبل علائقنا الأخوية و قوتها ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
حكاية زقازيقية احتلال السفارة السودانية بالقاهرة عام 86م (1) تعود أصل القصة عندما فرضت على الطلاب السودانيين الدارسين بجمهورية مصر العربية دفع رسوم دراسية بالإسترليني ومنعوا من دخول السكاشن وعندما فاز إتحاد التجمع ورث هذه المشكلة وبدأ في مخاطبة المسئولين لمعرفة كيفية حلها وكان إتحاد الزقازيق هو أول إتحاد للتجمع بعد الانتفاضة وعندما بدأت تتضح الرؤيا لنا بأن المسألة أصبحت سياسية بين الحكومة السودانية والحكومة المصرية في اجتماعات اللجنة السياسية (ل ،س) قررنا حل هذه المشكلة بالتصدي والتصادم القوي وإظهارها على السطح كقضية وطنية ، تم الدعوة لاجتماع رؤساء الاتحادات بالقاهرة لعدم تكوين هيئة الإتحاد العام وفي الاجتماع تقرر حسب رأي (ل،س) بأن تعقد جميع الاتحادات مؤتمرات طلابية أو ندوات وتدفع الطلاب في اتجاه احتلال السفارة السودانية للمطالبة بحل مشكلة الإسترليني . عدنا إلى الزقازيق من الاجتماع ودعونا الطلاب إلى مؤتمر طلابي ناقشنا فيه المشكلة وفي النهاية كان رأي الطلاب جاهز على مسألة الاقتحام وبعيداً عن أعين ورقابة إدارة المباحث المصرية ومتابعة (بطه) لنا بالموتر وتم الاتفاق على أن يتحرك الطلاب من الساعة 4صباحاً بقطر الجيش مع ناس دفعة والناس الآخرين بالأتوبيس والبيجو ومن شدة حماس ناس الزقازيق بعض الشباب سافر بذلك الليل خوفاً من منعهم من الأمن المصري وقد نجحت الخطة ووصلة كمية كبيرة جداً من ناس الزقازيق وبكثافة عالية ساندها في ذلك طلاب طنطا وشبين الكوم وثم إسكندرية وبعدها توافد إلينا طلاب القاهرة وعند الفجر فوجئ سكان جاردن سيتي بآلاف الطلاب السودانيين يزحفون نحو سفارة بلادهم . اللجنة السياسية كونت عدة لجان منها لجنة الطعام واللجنة الإعلامية ومجموعة الاقتحام ، ومجموعة أخرى سعت لعمل قنابل ملتوف (زجاجة بها بنزين وحجارة صغيرة وقطنه وولاعة) وتم تكوين وفد للسفر إلى السودان لعمل مؤتمر صحفي ومقابلة رئيس الدولة وتم تكوين الوفد من شخصي ورئيس إتحاد القاهرة الفرعي (جبهة ديمقراطية) وقد نسيت أسمه . وفي لحظة الاقتحام كان قد تم تبليغ جميع الوكالات العالمية وصحف المعارضة المصرية على رأسها الوفد والعمل والأهالي ومن صحيفة الأهالي كانت الصحفية الأستاذة فريدة النقاش . نكمل كيفية الاقتحام والمباحثات التي دارت مع كل من الأمن والسفير والسفارة الكويتية وبعض السفارات العربية وموقف الرئيس القذافي .
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
سلام للجدعان
أولا ألف مبروك للأخت مشاعر بدوي
ثانيا:
والله يا ميسرة بديت ليك موضوع جميل شديد وبالرغم من أنني كنت من المشاركين في هذا الإعتصام إلا أن هنالك العديد من التفاصيل والأحداث ظلت مبهمة بالنسبة لي إذ كنت حينها برلوما (جديد لنج) يعني كان لينا أيام قليلة جدا بالزقازيق
لذلك أرجو أن تكثر من التفاصيل في الحديث عن هذا الحدث العظيم
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: احتلال السفارة السودانية بالقاهرة عام 86م |
شفتو يا برالمة التسعينات نحن كان قويييييين كيف
قالوا البريزة فى زمنكم وصلت 120 جنيهه ... الحكاية ماشة معاكم باسـطة سمعتو بحاجة اسمها الميز قـــادى ....
120 ..... يعنى ممكن اسكن براي واتعشى كل يوم فى الشرقاوى واخلط بمزاج وعندى شغالة وتلفزيون ملون والشقة فيها( رسيبشن ) كمان وشويتين كده يكون عندى عربية ذى احمد عزمى ......
واصل يا ميسرة عشان يأمنو ...
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا ميسرة واصل ونحن متابعين التاريخ الناصع للحركة الطلابية السودانية في مصر واعتصام السفارة من أنصع هذه الصفحات وفيه تجلت وحدة الحركة الطلابية من أجل مطلب نقابي طلابي ،،، فتوحدت كل التنظيمات السياسية بما فيها ناس الأتجاه الإسلامي الذين كانوا خارج الأتحاد أي في المعارضة ... واستطاعوا أن ينتزعوا حقوق الطلاب من الحكومة المصرية والسودانية ، وكانت ايام مشهودة وزي ما قال سامي كنا برالمة وكثير من الأحداث بالنسبة لنا ضبابية ،، أساس المشكلة والصراع ما بين حكومة الصادق والحكومة المصرية ، وحتي الصراع السياسي الطلابي ، كلها أحداث كما حديثي عهد بها ... تنظيمات التجمع قادت الطلاب بثقة ووعي ... واعتقد أن دورة التجمع الأولي كانت قمة في كل شئ من حيث الوحدة بين التنظيمات ، والأداء النقابي الممتاز ، اما الدور الثانية فكان الفشل حليفها في كل خطوة ،،، وتتحمل كل التنظيمات الفشل الذي لازم تلك الدورة والأسباب عديدة ، ويا ريت نتكلم في الموضوع دا بعد تحكي لينا الإعتصام كيف بدا وإنتهي ليك الود ،،، ولمني والعيال
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
قال
Quote: عربية ذى احمد عزمى |
اخينا احمد عزمى طالب بيدرس فى تجارة كان عندو عربية بيجو 505 زول ( حلبى ) من اولاد ام درمان واصحابو اولاد راحات كده بيلعبوا ( بينق بونق ) وبلبسوا جينز واحذية عالية وكبيرة ... ولو مشيت ليهم زيارة فى الشقة بيعملوا ليكم شاى ( بلبن بدرة نيدو )
هسه الزول ده بيكون عندو هــمـــر اكيد وين هو افيدونا وشلتو ناس شمس الدين والابراهيمين والسكي يا اولاد حى الضباط ..... ســــــلام
وما دام جبنا سيرة اولاد ام درمان ياخى التاج ابو كساوى بسأل عنك يا حمدى الفضلى ( لو بتقرأ بره بره ) وهاك ده رقمو 0509545765 وقال ليك اتصل بيهو ضرورى الزول ده محلفنى .
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
واصل يا ريس .. و النعمة أنتا مليون كويس ..
ــ
و مثل هذه الأحداث جديرة بالتوثيق لأنها تحدث عن تاريخ رائع لنضالات الحركة الطلابية ..
لم أحضر إحتلال السفارة ، لكني كنت من المشاركين في إعتصام دار الإتحاد بالزقازيق بقيادة الكوماندور / مبارك جادين و الذي أستمر ـ إن لم تخني الذاكرة ـ 37 يوماً و السبب هو مشكلة قيد زميلنا الخلوق ( المدعو ) / سر الختم أشهر برلوم في تاريخ الزقازيق .. الذي تم ترشيحه في قائمة الإتجاه الإسلامي التي فازت بالإنتخابات حينها قبل إكتمال قيده في كلية أداب ـ سبب العذاب .. كنا نسميه إعتصاماً و كان إخوتنا في الإتجاه الإسلامي يقولون أنه إحتلال لدار الإتحاد .. و طالما أن قائد ذلك الإعتصام الزميل الرائع / مبارك جادين موجود بيننا فليته تكرم و أتحفنا بخفايا و أسرار و مواقف و طرائف ذلك الإعتصام الحدث في تاريخ الزقازيق ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
حقيقة هي احداث تعكس وبإمتياز وعي الحركة الطلابية في ذلك الوقت بمكاسبها واتضح جليا وقتها وحدة وتماسك تنظيمات التجمع التي كانت تقود العمل النقابي في تلك الدورة ومن الاحداث التي لازالت تعانق جدار الذاكرة الكيفية التى تم بها اقتحام السفارة واشتباك المجموعة المكلفة مع افراد الامن المصري المحيطة بالطلاب المعتصمين وكمية البطش التى عناها هؤلاء الى ان تمكنوا من احتلال مكاتب السفارة اكثر ما يدور بخلدي الان كيف كانت تطورات الامر تنقل الينا نحن المعتصمين خارج السفارة بواسطة احد الزملاء من شباك مكتب "اظنه الملحق الثقافي" بالدور الاول للسفارة
كانت ايام لها بعد مختلف
شكرا عبدالدائم ..... شكرا ياريس .... على انعاش الذاكرة الخربة
------------------------- سمسم شوق مطر ياخي
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
حكاية زقازيقية احتلال السفارة السودانية بالقاهرة عام 86م (2)
وأنت جاي من ميدان التحرير في اتجاه السفارة السودانية تسمع هتافات تهز الأرض بقيادة المايستروا إبن المنصورة الدكتور محمد جعفر
يا أكتوبر جاك أبريل ***** أعظم شعب وأعظم جيل الترحيل ************** يا سفير سفارة عميلة ********* يجب ترحيله العار العار ********* يا مستشار قضية سودانية ********** الأمن يطلع بره
نقطة سياسية أخرى تخص السودان ، كانت الحركة الطلابية تعلم تماماً بأن الغرض من فرض رسوم الدراسة للطلاب السودانيين وبأثر رجعي لطلاب السنة النهائية تعني قرارات تعجيزية المقصود بها لوي دراع الحكومة السودانية ويلاحظ بأن العلاقة السودانية المصرية وصلت مرحلة سيئة جداً في ذلك الوقت فأرادت الحكومية المصريةأن تخنق الحكومة السودانية في أبنائها الطلاب وفي إجتماع اللجنة السياسية كانت الحركة الطلابية تفهم ما ترمي إليه سياسة الحكومة المصرية وطبعاً أخوانا المصريين لا دراية ولا علم لهم بقوة الحركة الطلابية ودورها في العمل السياسي السوداني .
======================================= من ضمن الخفايا التي صاحبت اقتحام واحتلال السفارة السودانية وكثير من الأشياء كانت تحت الكتمان حتى أن البعض من أعضاء التنظيمات ما كانوا مطلعين على باقي التفاصيل كل مجموعة عليها تنفيذ ما هو مطلوب منها ، وانتقل القرار إلى اللجنة السياسية المركزية بالقاهرة ،،،،،،، أولاً كان لازم يؤمن الطعام للطلاب تم الاتفاق مع صاحب مطعم سندوتشات بالقرب من السفارة خاص -الفول والطعمية - وصاحب المحل أقفل المطعم ظاهرياً ولكنه كان يعمل معنا من الداخل ومن باب خاص . ثانياً :- اللجنة الإعلامية اتصلت بصحف المعارضة في التوقيت المناسب حتى لا يكون للأمن المصري أي خبر وقد نجحوا تماماً بدون وجود الجوالات الحالية . ثالثاً مجموعة الاقتحام تحملت في البداية ضرب حرس السفارة رابعاً احترمنا موظفي السفارة وطلبنا منهم ترك مكاتبهم بهدوء ومغادرة السفارة من الباب الخلفي . المستشار سوار الدهب تم التحفظ عليه أولاً ثم طلبنا منه المغادرة وقد أمتثل لأمرنا . مجموعة تحضير المتفجرات البدائية جمعت كل ملفات السفارة في كومه واحده لأنه في حال تدخل الأمن المصري سوف نقوم نشعل السفارة وملفاتها بالنار . نقطة مهمة جداً لقد تم تجميع كمية كبيرة من جوازات سفر الطلاب ووضعها في أكياس وتم إحضارها معنا إلى السفارة بحجة التسفير إلى السودان ومنها خرجت هتافات .... التسفير يا سفير،،،،،،،،،
بعد أن تأكد لنا وصول أكبر عدد من الطلاب وكان للزقازيقين القدح المعلى في الاقتحام و فاكر كان أخونا صلاح جلال طويل اللسان قليل القوة البدنية أكثر من ضرب بالعصا وسقط أرضاً وتحمس البعض الآخر لمهاجمة الحرس وعند اندفاع الطلاب بقوة انسحبت الشرطة ومعها سلاحها ونؤكد بأن مقتحمي مبنى السفارة كانوا بنسبة لا تقل عن 90% من طلاب الزقازيق وجميع التنظيمات اشتركت في العملية بما فيهم الاتجاه الإسلامي بقيادة أخونا أدروب وآخرين وللمعلومة الطلاب الغير منظمين كان لهم دور وحضور قوي جداً وفعال أتذكر مجموعة كبيرة جداً من الطلاب والطالبات كانت لهم أدوار كثيرة ومميزة ,,,,,,,,, نكمل ...........................
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
أهلا بأعضاء اللجنة التنفيذية للجمعية ومرحب بالإستاذة الصحفية أسماء الحسيني وشكراً يا زناتي على الصور الجميلة بس إنت متأكد إن الزول ابو شنب أبيض ده أخوناالعزيز تبيدي ،،،، اصله مطلوب من زمان بالإنتربول ،، ولا رايك شنو يا عبدالدائم ،،، بس شوف لينا وين أميمة دفع الله وما تكلم زوجها هشام محمد علي الأستاذه/ نهلة والأخ الصديق صلاح عبدالمجيد ما شاء الله وعيني والله باردة ما زلتم محافظين على قدر كبير من الشكل القديم ،،، بس يا زهير الصورة ما واضحة أكمل لينا باقي الأسماء يا سلام على أخوانا وأخواتنا من ذلك الزمن الجميل ،،،،
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: بشير علي العبيد ، الشقيق الخليفة .... الشهير بـ بشبش |
يا سلام عليك يا بشبش ،،، والله مشتاقين ،،،، بس زيادة شعر شوية كدي وتكون الشقيق العزيز الخليفة بشير العبيد وينك ووين أيامك ،،،، تحية عطرة مرسلة للأخ/ مصطفى محمد الحسن والأخت/ فدوى أحمد،،،، إزيك يا بوليس ,,
يا سلام على أيام الزمن الجميل والناس الحلوه
لن ننسى أياماً مضت قضيناها،،،،،،، لن ننسى ذكراها
| |
|
|
|
|
|
|
Re: ناس الزقازيق ... أجدع ناس .. (Re: Tabaldina)
|
شكراً جزيلاً يا زهير ..
و شكراًو تحية و إحترام و تقدير ( للأعمام ) الأعزاء أعضاء اللجنة التنفيذية ..
و الأستاذة / أسماء الحسيني تستاهل كل خير و هي واحدة منا معشر الزقازيقاب ..
و نأمل أن يكون في اللقاء معها خيراً للجميع ..
ــ
أذكركم بمقال كتبته الأستاذة أسماء عن الزقازيقاب الأفاضل .. و نشر بجريدة .. الصحافة العدد 5055 - الخميس 12 يوليو 2007م
[Quote: B] سودانيو الزقازيق .... أجدع ناس أسماء الحسيني ِ[email protected]
يبدو أن التواصل الوجداني بين الناس يستمد أحياناً قوته من المناخ الذي يعيشون فيه ويتأثرون به .. وربما كان هذا هو حال الطلاب السودانيين الذين تدفقوا علي مدينة الزقازيق عاصمة محافظة الشرقية منذ عام 1975م حينما تم تأسيس جامعة الزقازيق التي استوعبت آنذاك أعداداً كبيرة من الطلاب السودانيين ، الذين تخرجوا منها وتفرقت بهم سبل الحياة لكنهم لم ينسوا أبداً هذه الرابطة القوية التي جمعتهم يوماً ما في رحاب الزقازيق ، وعادوا اليوم بعد كل هذه السنوات الطويلة ليعلنوا تأسيس الجمعية السودانية لخريجي الزقازيق . وقد تأسست هذه الجمعية أخيراً في السودان بعد الحصول علي الموافقة الرسمية ، وأصبح لها موقع علي الإنترنت هو (www.zagazigab.net) وقد أطلقوا علي موقعهم أسم (زقازيقاب) ، وكأنهم قبيلة أو رابطة ، وقد جاء تأسيس الجمعية بعد حوارات ونقاشات أمتد\ت لأشهر بين السودانيين من خريجي الزقازيق في منبر موقع سودانيز أون لاين تحت عنوان (ناس الزقازيق ... اجدع ناس) ، وقد أستقر خلالها الرأي علي تأسيس تلك الجمعية. وقد تابعت بشئ من الدهشة والإعجاب الحوارات التي دارت بين سودانيي الزقازيق ،وهالني حجم المشاعر الجياشة و العواطف المتدفقة وعجبت لكم الذكريات الحميمة التي تربطهم والمواقف الطريفة التي تتوالي علي خواطرهم طازجة مفعمة بالحياة وكأنها حدثت لتوها أو كأنهم لم يفارقوا بعضهم البتة ، ودهشت لحجم المشاعر التي يحملونها لأبناء وشوارع وأزقة بل وحوانيت الزقازيق تلك المدينة الريفية التي ليس فيها ظاهرياً شئ يدهش أو يجذب أو يستدعي كل تلك المحبة التي يحملها هؤلاء السودانيون من خريجي الزقازيق ، خاصة إذا ما قورنت بغيرها من المدن المصرية . عجبت من ذلك رغم إنني أدرك تماماً حجم المكون العاطفي في الشخصية السودانية الذي يصيغ الأشياء التي يحبها بألوانه الخاصة فيكسبها الروعة والجمال ، هذا المكون الذي يسعي دوماً لسبر عمق الأصالة في الشخوص والأماكن ولا يكتفي بالظواهر أو يقف عند حدود الأشكال وإنما يغوص بعيداً في الأعماق باحثاً عن الجوهر والمضمون .. وأظن أن هذا هو ما جذب (الزقازيقاب) إلي الزقازيق مدينتهم المحبوبة التي أصبحوا جميعاً يفتخرون بالانتماء إليها وإلي أهلها . وربما يكون ما جذبهم إلي الزقازيق وحببهم فيها تاريخها العريق ونضال أبنائها وعلي رأسهم الزعيم أحمد عرابي من أجل الحرية والكرامة ، وربما كان السبب كرم أهل الشرقية المشهور الذي صار مضرباً للأمثال في مصر كلها ، وربما كان ذلك بسبب بساطة أهلها وطيبتهم المعروفة وحياتهم غير المعقدة أو المتكلفة . وهنالك عامل إضافي تمثل في شخصية الدكتور محمد طلبة عويضة الذي شغل موقع أول رئيس لجامعة الزقازيق وكان معروفاً عنه حبه للسودان والسودانيين ، وكان ينظر نظرة خاصة للطلاب السودانيين وقد ساعد كثيراً منهم في الدخول أو التحويل لكليات القمة أي المتميزة التي يرغبون فيها متخطياً اللوائح والقوانين في بعض الأحيان إيماناً منه بقدرات وإمكانات الطلاب السودانيين الذين كان معظمهم عند حسن ظنه وحققوا نتائج طيبة في كلياتهم وتفوقوا لها ، ثم أصبح كثير منهم الآن في مواقع متميزة داخل السودان وخارجه . ورغم الوفاء والحنين الذي يحرك السودانيين تجاه الأماكن التي عاشوا فيها أو مروا عليها وتجاه الأشخاص الذين عاشروهم أو تعرفوا عليهم ،ورغم أن معظم السودانيين يكادون أن يكونوا أسري لما يعرفون من أشخاص أو أماكن ، فإن اشتروا من محل لابد أن يعودوا إليه وإن حلقوا عند حلاق لا يعرفون غيره ، إن أكلوا في مطعم فضلوه بعد ذلك علي سواه ، وإن تعرفوا علي شخص لم ينسوه البتة ، وإن اتخذوا صديقاً ظلوا أوفياء له أبداً .. غير أن هؤلاء الزقازيقاب قد فاقوا علي ما يبدوا سائر إخوانهم في السودان في الوفاء ، والإخلاص ، فالزقازيق قبلتهم ومحط أفئدتهم ولأهلها في نفوسهم مكانة رفيعة وذكرياتها لا تمحي من ذاكرتهم ولأصدقائهم السودانيين في الزقازيق منزلة خاصة . وقد التقيت أخيراً بالأخ والصديق العزيز والمثقف الرائع السموأل أبو سن وقد أستهل أجازته السنوية من عمله كمستشار قانوني بالإمارات بزيارة مصر قبل أن يتوجه إلي السودان ، وفي مصر توجه صوب الزقازيق متلهفاً لزيارتها فهي لا تعادلها في نفسه مدينة أخري شأنه في ذلك شأن باقي أفراد قبيلته (الزقازيقاب) وقد ذهب إليها يحمل كامرته يلتقط الصور لميدان عرابي وميدان المحطة ومدخل جامعة الزقازيق ، كما يفعل في كل زيارة محاولاً أن يرصد بكامرته التغييرات التي تطرأ علي مدينته الحبيبة ، وقد جلس يحدثني عن شوارع الزقازيق .. عن منشية أباظة وشارع القومية وشارع الشهيد احمد اسماعيل وشارع الجلاء وشارع فاروق والمطبعة .. وكأنه يحدثني عن الشانزلزيه أو داوننج سترييت ، ويحدثني عن الفول والطعمية بالزقازيق وعن عسلها الأسود وجبنها القريش ، وكأنه يحدثني عن الكافيار والسيمون فيه ، ويحدثني عن جيران طيبين وأناس كرماء وأشخاص ظرفاء .. عن البقال وساعي البريد والفراشين والأساتذة والزملاء والجيران . ويكلمني عن العمل السياسي للطلاب آنذاك ودستور 78 الذي كان يعمل بموجبه اتحاد طلاب الزقازيق خلافاً لدستور 81 الذي كان ينظم باقي عمل اتحادات الطلاب السودانيين بباقي أنحاء جامعات مصر ، ويحدثني عن الجمعيات الأدبية والفنية والنشاطات الرياضية والمبدعين من رفاقه وإخوانه من سودانيي الزقازيق ممن عاصروه أو سبقوه أو لحقوا به ، الذين تفرقوا بعد تخرجهم في أنحاء السودان والشتات ، ويذكر الزيجات الناجحة التي جمعت بين زملائه وزميلاته السودانيين من طلبة الزقازيق . وتجربة السودانيين في الزقازيق تستحق الوقوف عندها والتمعن فيها والاستفادة منها ، وأول ما يمكن ملاحظته في تلك التجربة الفريدة الرائعة هو هذا التعايش وهذا الانصهار الذي تم بين السودانيين بمختلف ألوان طيفهم الفكري والسياسي والإثني والجهوي حينما التقوا في أجواء طبيعية محايدة ، فالسودانيون علي اختلاف انتماءاتهم غالباً ما يعيدون في مدن بعيدة عن أوطانهم اكتشاف ذواتهم ودواخلهم ومزاياهم والإمكانيات الواسعة لديهم للعيش والتعايش والتعاون معاً . وكما تصهر الحرارة المعادن وتستخلص منها الشوائب فعلت ذلك النوائب وأوقات العسر والضيق الناجمة عن تأخير أو قلة التحويلات المالية آنذاك بـ (الزقازيقاب) فكشفت عن مكامن الخير في نفوسهم وجعلتهم يتكاتفون معاً وإن قل المال أو الشح الطعام في مواقف أصبحت الآن أجمل ما يحملون من ذخيرة في حياتهم . وقد لاحظت أن لغة حديث السودانيين خريجي الزقازيق عن مصر أو العلاقة بين مصر والسودان مختلفة عن سواهم سواء من المصريين أو السودانيين فهم لا يتحدثون عن مصر كشيء آخر منفصل ومعرفتهم بها عميقة واقعية وهم لا يتكلمون عن كيف يمكن أن نقيم علاقات أفضل بين البلدين لإنهم علي ما يبدو قد أصبحوا هم هذه العلاقات التي نتحدث عنها ، وعندما أمعن النظر في طريقة كلامهم عن مصر وأقارنها بغيرهم من المصريين حينما يتحدثون عن السودان أو السودانيين عندما يتحدثون عن مصر .. أري سواهم مقارنة بهم كمن يتحدث نظرياً عن كيف يمكن أن نتعلم السباحة ، أما هم فقد انزلقوا سريعاً في البحر ، وكانت هذه هي طريقتهم المثلي في تعلم السباحة ، وقد كان هذا هو حالهم في الزقازيق عندما إندمجوا مع أهلها وصاروا جزءاً منهم ، وهذا هو بالقطع حال شعبينا حينما يلتقيان لقاءً حراً مباشراً بعيداً عن تنظيرات المثقفين أو تعقيدات السياسيين. ويبقي أن هذه المشاعر الرقيقة المتدفقة والعواطف الطيبة الجياشة التي تكسو هذه العلاقة الإنسانية المدهشة التي تتحدث الزمان والمكان هي التي تمنح الأيام دفئها وتعطي الأشياء معناها وتمنح النفس الإنسانية شيئاً من السكينة والطمأنينة في خضم الحياة المتلاطم .
آخر الكلام : يقول الشاعر الموريتاني أحمد ولد عبد القادر : (وادي الأحبة هلا كنت مرعانا إن الحبيب حبيب حيثما كان يا أخا البعد هل تشفيك قافية تبوح بالنفس أنفاسا وأشجانا أف علي الشعر والدنيا بأجمعها ما لم تقرب إلي الأخوان أخوانا هون عليك ذاك الشمل مجتمع والنجع لاقي علي التحنان خلانا إن الحمائم قد عادت مغردة فوق الغدير وعاد البان نشوانا أما رأيت طيور البحر حالمة في أفقنا ترسم الأفراح ألوانا وسل أحباءك الآتين كيف أتوا وكيف ناموا علي الهجران أزمانا أحبابنا الأهل مرحي يوم مقدمكم هذا لقانا فهل تنضم أشلانا هذا لقانا فهل آمالنا انعتقت وهل نسيم ربيع الوصل قد لانا) |
أفلا تستحق أسماء التكريم و الإحتفاء ؟؟
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
.. .
Quote: أفلا تستحق أسماء التكريم و الإحتفاء ؟؟ |
اجل .. وبلاشك .. تستحق وأكثر ..
__________
الم اقل من اجل العلم بالشئ ولا الجهل به .. وليس عيباً ان تتسال ولكن العيب ان تكون سائرا بجهل
( مقولة من قرعوبتى دى يا دهب
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
.. .
Quote: لبت القبايل .... البندورا ليــه |
والله غلبتنى يا نضيف بالجد دى قضية داير اناقشها معاكم هنا .. انتو ناس ابهاتى واعمامى والله 2009 دى تجلى .. بمشى المايقوما بجيب لى ولد وبت ومعاهم اندنسية وبقعد بتابعهم وبضيف للحوار وجهة نظر هانئ برعى وبنقلها ليكم على الهواء .. اصلو العين دا اصابت ناس معينين ..
اخر اجتماع طرحت القضية فى طاولة الساحة اللبنانية بوجود اسامة خضر وسامى عبدالوهاب .. السمؤل ومحمد الهادى حسي قالو عزام اتشعلق خفيف كدا .. وصراحة انا الكلام دا ما مقنعنى لمن يثبت عكس ذلك ..
فبالله كى شوفوا القضية دا .. صراحة مسالة انتظر بت زهير الزناتى دا بقت تجيب لى كوابيس والغريب ابو البت وامها مصَرين على القصة وماخدنها جد .. وانا بقيت متوتر .. آووووووووى
___________
قلت شنو ؟؟
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
الواحد بقي ينوم وجهاز الكمبيوتر في احضانو عشان ما يفوتو شئ ... ومع ذلك من الصعب ملاحقتكم عينا بارده ... ونحن معاكم حتي لو بالجري ...
غايتو يوم الاعتصام داااك توجهنا للسفارة مع الافواج الاولي وكان معي عبد الدائم النضيف احمد السني هناء عتباني محمد عبد المحمود
وقبل ما ناس الرئيس ميسرة يجيبو الفول والطعمية كنا جعنا شديد جدا جدا واتفقنا انو احمد السني وعبد الدائم يطلعوا من الحصار ويجيبو لينا اكل وكانت الشرطة محاوطة الطلبة - عاملين طوق بالاحطياتي المركزي المصري ونحن امام السفارة وكانو يمنعو اي طالب ينضم جديدا للاعتصام والشرطة كانت مخططة ان الطلبة اكيد بعد ما تتعب سوف تتسرب الواحد تلو الاآخر لقضاء حوائجهم وكانو يسمحون بخروج الطلبة وعدم دخولهم مرة تانية دائرة الاعتصام امام السفارة... عشان كده ناس الرئيس ميسرة انتبهو للموقف مؤخرا ودبرو عملية الاكل من المطعم ... ولكن بعد تسرب جزء غير القليل من الطلبة ... وعند رجوع عبد الدائم واحمد السني تم منعهم من قبل الشرطة فما كان من عبدالدائم ان قال لضابط الشرطة "دييك اختي" واشار لهناء عتباني ... والله مابخليها براها ... فما كان من الضابط الا الاندهاش ... ومن ثم انفجر ضاحكا ... لان هناء عتباني بيضاء زي المصرين وقال الضابط "والله ده انا كنت فاكرها مصرية" وطبعا ضربنا الصحبة مع الضابط وصارت مجموعتنا تطلع وتتدخل بحرية الى أن جاء الليل ... وتواصلت الاحداث كما يفيدكم الاخوان ....
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: وقبل ما ناس الرئيس ميسرة يجيبو الفول والطعمية كنا جعنا شديد جدا جدا |
حكاية زقازيقية احتلال السفارة السودانية بالقاهرة عام 86م (3)
الأخ/ ياسر نجيلة إشار إلى نقطة صحيحة لأنه في الأول لم نهتدي لموضوع صاحب السندوتشات واللجنة المكلفة من (ل،س) لم تنجح في البداية لأن الأعداد كانت كبيرة جداً والعمل في الأول ما كان مقنن بالمستوى المطلوب وبصراحة كلنا جعنا وكانت المشكلة بأن هناك أعداد من الطلاب داخل السفارة لازم ندخل لهم مواد غذائية، وتدخلت اللجنة السياسية مع طلاب القاهرة وحسموا الموضوع ، الأمن المصري :- الغريب في الأمر إن الأمن المصري كان يستمع إلى حديثنا وتفهموا موضوعنا وتعاونوا معنا بشكل ملفت للنظر وتعاطفوا معنا المهم هم إستوعبوا القصة وأقنعناهم بأن هذه قضية سودانية ولا دخل لمصر فيها ولكن طبعاً كانت الحركة الطلابية تعي تماماً بأن القضية سياسية بالدرجة الأولى وكان قرار إقتحام السفارة يعني :-
- إلغاء رسوم ا لدراسة (الإسترليني) - رفع الضغط الذي فرض على الحكومة السودانية - إحراج الحكومة المصرية بعدم إستخدامنا كورقة مساومة بعض الحقائق يجب أن تذكر إتصلت بنا بعض السفارات العربية وأولها السفارة الكويتية يستفسروا عن المشكلة وتبرع الأخ/ صلاح جلال بالرد وأبدوا إستعدادهم لدفع كامل المبلغ المستحق على الطلاب لصالح الجامعات المصرية وكذلك بعض السفارات الأخرى وعلى رأسها سفارة الأمارات العربية وطلع لنا بتصريح قوي وخطير العقيد معمر القذافي إذاع بأنه على إستعداد كامل لدفع جميع مصاريف الطلاب السودانيين الدارسين بمصر وكانت ليبيا ومصر ليستا على علاقة طيبة،،،،،،، هذا الموقف وصلنا وكنا سعداء جداً به ولكننا أوضحنا للجميع بأن الحركة الطلابية على مقدرة كافية بحل هذه المشكلة ولقد ذهبت الحركة في هذا الموضوع مشوار بعيد وسوف تكمل مشوارها بقوة ،،،،،،،،
نأمل أن يدلوا الجميع بدلوهم وأخص الناس إلى كانت معانا بالسفارة ،،،،،
نكمل عن التناغم ما بين طلاب الداخل (السفارة) والطلاب أمام السفارة والطلاب خارج الطوق الأمني،،،،،،،،،،،،،
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: والله غلبتنى يا نضيف بالجد دى قضية داير اناقشها معاكم هنا .. انتو ناس ابهاتى واعمامى |
ياولد... عاين اسمع كلام عمك جلال ده .. والموضوع ده غاية في البساطة وعشان ما الامور تجوط علي اعمامك التانيين العميانيين ديل ومايقدروا يفرقوا بين جاردن سيتي والخرطوم ... خلي عمك الفوق ده يخلص العكة دي والبنبان دة شوية ريحتوا تروح وبعدين الموضوع ده نجيهوو سمح
------------ عاين دق لي تلفون ضروري عشان ماعندي رصيد
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا ميسرة الاعتصام كان شهر كم بالضبط غايتو ما كان فى شهر بــرد لانى مذكر كنا قاعدين فى الشارع ونمنا على قطع كراتين ******
يا صالح اسمع كلام جلال واتصل عليهو مش انت شغال فى شركة كنار بقول ليك ما عندو رصيد ودى تعادل زمان ميزنا قادى
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
يا ريس ..
بكل إندهاشات البرالمة أتابعكم ..
و أقول يا ريت لو كنا معاكم ..
و أحي وقفتكم و صمودكم يا جيل البطولات الطلابية ..
فلولا فضل الله تعالى ثم وقفتكم المشرفة إزاء هذه الرسوم التعجيزية ..
لما كان لدفعتنا و الدفعات التي تلتنا أن تكون هناك ..
شكراً لكم .. و لكل جماهير الحركة الطلابية في مصر بمختلف توجهاتها و إنتماءاتها التي أنتزعت
حقوقها إنتزاعاً .. و علمتنا معنى الصمود ..
و عوملنا من بين ـ جميع الأجانب ـ معاملة المصريين في الرسوم الدراسية ..
لقيناها ( باردة ) بجهدكم ..
فشكراً لكم و لله من قبل و من بعد ..
ــ
واصل سرد هذه الملحمة الرائعة ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: يا صالح اسمع كلام جلال واتصل عليهو مش انت شغال فى شركة كنار بقول ليك ما عندو رصيد ودى تعادل زمان ميزنا قادى |
انت مابتبلش في بوااك فولة
بالمناسبة ذكرتني قصة البرلومة لما حبت تتكلم مصري اول ماجات: عارف قالت شنو: الاديسة دلااات اللبن من البلاااونة "كان ماعرفتها اتصل على البرلومة بتوريك"
احيي من هذا المنبر الريس على السرد الرائع لملحمة احتلال السفرة كما لايفوتني ان احي صاحب الحوش على اندهاشاته الرائعة ايضاً
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
وفى رواية اخرى
Quote: الاديسة دلااات اللبن من البلاااونة |
واااااربت آللبن آآآآآولو
وفى برلومة برضو قالت ( بلغة اهل العوض ) جــيــلــتــكـم فـى الـشــقــة ومــا لـقـيـتـكـو
مع الاعتذار للاخ محى الدين على يوسف وجميع ال .... وطارق جبريل .....
يا جلا ل ياخى ما تبقى انصرافى خليك فى الاعتصام
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
و بعد حالة ( إستعصام) و إنقطاع غير مبررة إطلاقاً يطل علينا الزقازيقابي الرائع / الرشيد بابكر ، و الحقيقة أنني تأخرت في نشر رسالته إليكم فله و لكم العتبى ، و مثلما جاءنا الرشيد وددنا أن يكون دافع للزمييلة الفاضلة / نجاة حوفي و لكافة الرائعين الذين تواصلوا معنا ثم ( أستعصموا ) بالإنقطاع عنا بأن عودوا و نحن في إنتظاركم نتحرق شوقاً ..
ــ و بعد هذه المقدمة الجميلة جداً .. جداً ( مني طبعا) ..
و إليكم رسالة أجمل من عزيزنا / الرشيد بابكر ..
Quote: عزيزنا عصام دهب لك كل التحايا و الود وكل عام و انت و العائلة وكل الزقازيقاب بخير بمناسبة السنه الهجرية و الميلاديه وتعازي عبركم لكل الذين فقدوا أعزاء لديهم. و الله أنا بطل عليكم بين حين و آخر لأقضي بينكم أوقات ممتعة و سعيده، و ماسكني منكم الشديد القوي و الله، رغم انني لست أهلا لمجاراة عبدالدايم النضيف و ميسره في كتاباتهم المميزه و الممتعه ورغم انني لست جزءا من كثير من الزكريات التي وردت الا انني أشعر و كأنني قد عشتها معهم و كنت بينهم وواحد منهم. وشايف عبدالدايم بيستنجد بينا في التعرف على صور الأخوات الزراعيات في الصور السابقه، فبقول ليهو يا عبدالدايم فالك طيب والله، عن نفسي تطسني جاموسه عمياء لو كنت فاهم حاجه، و الله ما عرفت ولا واحده، امكن نجاة حوفي تكون حضرت الجيل ده وتتعرف عليهم لكن أنا و أخوي الكاشف (منصور) ما ظنيتنا حنتعرف على زول، رغم انو منصور نجيض، لكن أعتقد ان مسألة الموديل دي ليها دور كبير في الموضوع ده. سناء الصباغ و الله الفيك اتعرفت، تضربي تلفون لي صاحبتك ولا بتسألي مني و لا حتى بترسلي لي سلامات، أنا لندن دي بجيها تاني وبجيك في بلدكم البعيده ديك و بتعرفي ساعتها اللوم وجها لوجه بيكون كيف. والله يا عصام كانت هنالك محاوله من الأخ زهير الزناتي لاشراكنا بالمنبر لكن لا أدري اين صارت تلك المحاولات، ربما يكون لتهكير المنبر دور في التأخير، و لكننا تواقون للدخول الى حوشكم عببر الباب رغم ان النفاج بتاعك مشرعة أبوابه على الدوام و مرحب بنا في كل الأوقات فاردا ذراعيك من أصلك الطيب وقلبك الطيب و حديثك الطيب. تحياتي لكل الأخوان الأعزاء ودمتم دايما سالمين الرشيد بابكر |
و يا أخوتنا زقازيقاب سودانيز أون لاين .. إن باس ورد أخونا الرشيد مسئوليتكم و أمانة في بوستاتكم .. فجدوه يرحكمكم الله ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا ناس زراعة عام 2009 لو واحد فيكم ما اخد باصورد تقوموا تقتحموا البوست ده وتعملوا اعتصام لعصام ..
غايتو انا ممكن اتقاسم باصوردى مع منصور عبدالرازق وحاوصى ليك واحد برلوم اسمو السمؤال يا الرشيد يديك الباسورد تبعو لانو ما قاعد يكتب هنا كتير .
والف مرحب بود دفعتى عادل عبدالمطلب / زراعة
يا صالح ومبارك جادين ياخى ما تحكو لينا عن راشــــك اجمل حفلات حضرتها فى الزقازيق راشك 87م وعلوم 87م .
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الأعزاء ناس جوه وبره
خاصة لعناية العزيز عثمان الجيلي ... طرف ناس جدة
لقد تكفلتم بإيجار مقر للرابطة .... اها الكورة في ملعبكم ، قررت اللجنة التنفيذية أخذ المسألة مأخذ جد وقد قررت تكليف أعضاءها بالبحث في منطقة السوق العربي للآتي : 1/ وجودها في منطقة وسط لكل العاصمة . 2/ قلة أسعار الإيجار مقارنة بالأماكن الأخري .
خلال إسبوع من تاريخه ستكون التكاليف المالية علي طوالتكم ، الرجاء العمل علي جمع ما تيسر في خلال الفترة القادمة .
علماً بأن اللجنة قد قررت في اجتماعها اليوم عدد كبير من المشاريع للشهرين القادمين .. سنعلن عنها في الأيام القادمة ، وهي مشاريع ترفيهية واجتماعية وثقافية هامة .
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: خلال إسبوع من تاريخه ستكون التكاليف المالية علي طوالتكم ، الرجاء العمل علي جمع ما تيسر في خلال الفترة القادمة . |
أخونا الحبيب الغالي :- عثمان الجيلي ألف حمداً على السلامة ومرحب بيك في جدة مرة أخرى وعايزينك تبدأ برنامج زهير واللجنة التنفيذية وأنحنا على العهد وأنا بقترح يكون الإيجار كل ستة شهور أو سنوي , , , , ونحي الأخوة أعضاء اللجنة التنفيذية للرابطة ونأمل أن تكون البرامج والمشاريع شاملة ناس الداخل والخارج لعموم أهل الزقازيق ودمتم،،،،،،
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: يا ميسرة أبشرك بأن المشاريع ستخدم كل ناس الزقازيق داخل وخارج السودان ..... |
الله يبشرك بالخير يازهير انا غايتو عاوز ناصية.....
وحيث ان الكرة في الملعب: نفرد هذه المساحة للنقاش حول كيفية دعم نشاط الجمعية من كل النواحي. وجميل ان نتشارك الرأي هنا للعمل سوياً من اجل انجاز كل المهام. وياريت ان يكون لنا(ناس الحوش) قصب السبق في انجاز هذه المهام.
وبدوري اجدد الدعـــــــــــوة:
------------------ من أجل الرابطة يلا شدوا اوتار الجيوب
<ركن ناصية/ يازهير مافي اشتراكات محددة للعضوية؟>
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: خاصة لعناية العزيز عثمان الجيلي ... طرف ناس جدة
لقد تكفلتم بإيجار مقر للرابطة .... اها الكورة في ملعبكم ، قررت اللجنة التنفيذية أخذ المسألة مأخذ جد وقد قررت تكليف أعضاءها بالبحث في منطقة السوق العربي للآتي : 1/ وجودها في منطقة وسط لكل العاصمة . 2/ قلة أسعار الإيجار مقارنة بالأماكن الأخري .
خلال إسبوع من تاريخه ستكون التكاليف المالية علي طوالتكم ، الرجاء العمل علي جمع ما تيسر في خلال الفترة القادمة .
|
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: نتحدث عن موضوع كان خطير وشغل بال كثير من الطلاب من جميع الاتجاهات بما فيهم طلاب الاتجاه الإسلامي عن إتحاد إبو عيسى وقضية التزوير !!!!!! هل حقيقة كان هناك تزوير ؟؟؟؟؟؟؟؟ وهل شارك الجميع في هذا التزوير ؟؟؟؟ وكيف أمتلك الإخوة بالاتجاه الإسلامي سندات قالوا إنها تثبت عملية التزوير؟؟؟؟ |
بعيداً عن العمل السياسي
سوف أدخل في صلب الموضوع وأبدأ من النهاية قبل البداية !! هل قام إتحاد التجمع في ذلك الوقت بعملية تزوير نقول كلمة حق ونُسأل أمام الله سبحانه وتعالى يوم الحساب نقول بملء فيهنا بأنه لم يحدث تزوير أبداً أبداً أبداً أبداً أبداً أبداً أبداً أبداً أبداً أبداً أبداً أبداً ماذا حدث ؟؟؟؟؟؟؟؟؟؟؟؟ عندما كنا في السفارة خلال فترة المفاوضات واتفقنا مع السفارة على مشروع البيان النهائي ولأن موقف المستشار الثقافي والسفارة كان محرج لهم وموقفهم في الأول موقف متخاذل تمت طباعة البيان الختامي وعندما أطلعنا عليه وجدنا به تغيير كبير وأضيفت فقرات وكلمات لم نتفق عليها ورفضنا هذا البيان الختامي وعندما اشتدت الأزمة بيننا وبين السفارة تدخل السيد/ فاروق أبو عيسى وأستمع لوجهة نظرنا وآمن عليها وشطبنا الفقرات التي أقحمتها السفارة في البيان الختامي وتم تعديل البيان الختامي كما اتفقنا عليه أما مسودة البيان الأول الخاص بالسفارة لم نهتم فيه وتركناها في سلة المهملات الخاصة بالسفارة لأنه لا يخصنا في شئ ولم نتفق عليه في شئ وفات على السفارة السودانية إن المجموعة التي تفاوضهم ليست سهلة وناس لهم خبرة في التفاوض داخل اللجنة السياسة بالسنين الطويلة . أخذ أحدهم (أو سرق أحدهم) مسودة البيان الختامي التي رفضناها وذهب بها خارج السفارة وسلمها للأخوة بالاتجاه الإسلامي بالقاهرة علماًبأنه كان معنا رئيس إتحاد المنيا ويتبع للاتجاه الإسلامي!!!! والله أعلم ،،،،،،،،،، وبعدها طلعت فكرة التزوير التي اتهموا بها إتحاد التجمع زوراً وبهتاناً لأنه ببساطة كانت هذه مسودة بيان ختامي لم نتفق عليه وطالبنا بالبيان الختامي كما هو متفق عليه وهذه المسودة المرفوضة تمت سرقتها وتم اعتبارها هو البيان الختامي وأن إتحاد التجمع قام بتزوير مسودة البيان والغريب تمت قراءة البيان الختامي أمام الطلاب مباشرة من أعلى المنصة بالباب وكيف تمت طباعتهابهذه السرعة؟؟؟؟؟ وكيف تم تزوير ورقة مختومة بختم السفارة طيب أين دور السفارة في موضوع التزوير وكيف تتعامل السفارة مع مجموعة قامت بتزوير أرواق حكومية رسمية ، كان ممكن للسفارة أو السفير أن يقدم طلب إستدعاء عن طريق الإتحاد العام بعد تكوينة أو عمل بيان ترفض فيه البيان الختامي الذي تم تزويره وتقول هذا لم يكن بياننا الختامي ،،، عموماً إن الإنتصار الذي سجلته الحركة الطلابية السودانية بجمهورية مصر العربية سابقة يجب أن تسطر وتكتب بماء الذهب وتحفظ في الأرشيف ويكتب عنها التاريخ لأنها كانت معركة بطولية تحسب لجميع الطلاب بدون إستثناء أي فردأو فصيل سياسي ويحسب لإتحاد التجمع أخذ زمام المبادرة وحل المشكلة التي إستعصت على الإتحادات السابقة ******************************************* عموماً من جانبي بصفتي كنت من المشاركين والمتهمين عفونالكل من ظلمنا واتهمنا زوراً وبهتاناً في هذه القضية وعفونا عنهم لوجه الله تعالى ،،،،،،،، لأننا أخوة ونكن للجميع المحبة والوئام : : : نقفل من جانبنا هذا الملف لأننا سردنا الحقائق فقط وأن هذا البوست ليست للعمل السياسي أيها الزقازيقاب نحبكم جميعاً ،،،،،،،
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: تعرف يا جلال الناس الأيام دي مليانة حماس ، ودار الجمعية حا يكون محك أساسي فإذا فشل سيصيب الناس بالإحباط ، وإذا نج نستطيع أن نحقق قفزة نوعية في عمل الجمعية ... |
الحبيب عثمان الجيلي أنت كنت في السوداني نورنا بالمطلوب تفصيلاً ، ولنجعل تجمع مكة المكرمة لقاء تنفيذي لما يتم الإتفاق عليه بالهاتف . : : : : : : : وليكون شعارنا يلا شدوا أوتار الجيوب ،،،،،،،،
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
العزيز ميسرة سيد أحمد شكراًُ لك وأنت تلقي الضوء علي هذه السيرة العطرة من صفحات الحركة الطلابية بمصر ،،، بالمناسبة عثمان الجيلي طرفكم في السعودية
ودي رسالة من الزقازيقي رفعت سعيد
Quote: الرجاء منك يا صديقي أن تبلغ تحياتي لكل الزقازقيين الذين يدخلون على بورد الزقازيق أجدع ناس في سودانيز اولان لقد ظللت أتابع منذ أعوام حتى هذه اللحظة وأسعدني كثيرا هذا الترابط ودائما ما أتابع أخباركم عبره التحية لكل الأعضاء النشطين في هذا البورد وكل الذين يتابعون عن بعد داخل وخارج السودان ونتمى أن تكون هنالك موقع خاص بنا حتى نتواصل عبره والله أعدتم لنا أحلى الذكريات في أجمل مكان بي ناسوا طبعا عشت فيه حتى الآن. للاتصال هذا هو أيميلي
[email protected]
Mobile : 0915345926
رفعت سعيد سالم
|
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
التقي اليوم وفد من اللجنة التنفيذية للجمعية بإدارة شركة برايم للتأمين الطبي وهي شركة تغطي كامل تفاصيل العلاج للمؤمن عليهم داخل وخارج السودان ، ونحن الآن في مرحلة التفاوض من أجل تقديم خدمة علاجية راقية وبأسعار معقولة لأعضاء الجمعية .... وهذه أول مشاريع العام الجديد والقادم أحلي وخليكم قراب
وشدوا أوتار الجيوب ...
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: نهديكم هذا الفيدو للتسلية ويا جلال ونجيلة رايكم شنو في الرجالة دي |
ياريس والله راجلة لامن ماظاهرة كلو كلو .... انت دي موش ياها الرجالة السريالية بتاعت سلفادور دالي لا وكمان باللغة السريتايلندية (عشرة وجوه ميتة من الضحك)
عارف ياريس الرجالة الجد التحدي الذي وضعنا فيه زهير ده فأمر تفعيل الرابطة اعتقد هو التحدي الحقيقي وان نجعل لهذا الماضي الجميل والأرث العظيم مستقبلا زاهر اعتقد هو برنامج المرحلة القادمة
عشان كدة.....
يلا ... من اجل الرابطة شدوا اوتار الجيوب
----------- ركن ناصية/ بمناسبة زاهر الفوق دي ماعندك طريقة تلمني في الاخ زاهر الصادق
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: يا اخوانا عثمان الجيلى ما ظهر الى الان مالو |
عثمان الجيلي أظهر وبان لك الأمان حتى الجوال صام ،،،،،،،،،،،،،،،، شاعرنا وحبيبنا ياسر نجيلة والله أي قصيدة بتكون إنت طرفها أنحنا تعجبنا جداً لأنها نابعة من القلب وبتحكي عن الزقازيقاب ,, : : : : : : : : : : : : : يلا شدوا أوتار الجيوب
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: يلا شدوا أوتار الجيوب ... خلو جمعيتنا تشرق ... تشع بالنور شباب بالمحبة ... واصل المحنة ... مجتمعه مهما الزمن يدور رغم البعاد ... وحتي المحن سوف نصنع من الرمل بلور نتخطي الصعاب نعمل باجتهاد ونجعل من الصخر مجموعة بدور بريزة في تعريفة ... خلونا نصنع الالفة ونبنيها دارا فيها كم دور باسم الاصالة والبسالة بصمتنا لاحفادنا نهديها صلة لاتبور اجدع ناس حقيقة لاخيال ولمتنا بالحب صلبة لا تذوب ...
|
يا سلام يا نجيلة .... قلت فأوفيت ،، غايتو قريب كدا حا نشوفك في زول
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يا سلام يا نجيلة .... قلت فأوفيت ،، غايتو قريب كدا حا نشوفك في زول |
... الله يجبر بخاطرك يا زناتي ومعاك الريس ميسرة وعصام دهب وبقية العقد الفريد
زول مرة واحدة ... خلينا في ركن الزقازيق ده ... وبالكتير دار جمعيتنا قريبا ان شاء الله ... قولوا آمين ...
عبدالدائم ماشي الرياض (دي جديده) دي نقلية عمل ولا شنو ... اشرح لينا
يلا شدو اتار الجيوب ...
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
تبلدينا صالح
لمن تقول بت زهير وابتهاج قاعد تعمم في المواضيع ، نحن قلنا ليك قبل 3 سنوات الكبيرة ما حا تستناك كان عمرها 8 سنوات والليلة عمرها 11 سنة عشان كده حجزنا ليك الصغيرة ، والله بطريقتك دي الصغيرة ذاتها تفوتك ... اقعد أتلفت لي كده ..... بعدين ما تخاف اصحابك كتار، من ناس شاويش لغاية سمؤال حسان وما بينهما يشيب له العزاب ....
غايتو الله مرق عمر بسكو ...
جلال :
تلفون زاهر الصادق : 0122203245 ورايك شنو نضمو ليكم في ناس جدة وتطلع لينا منو المساهمة ...
ويا أبو الجل عايزين خطوات عملية ،،، كل زول يدق صدره ويقول أنا مساهمتي كده ... عشان نكسب لينا وقت ....
عبد الدائم :
مبروك الترقية وعقبال تبقي مدير كبير ،،، وكفارة لي ناس جدة الفقد الجلل ، وأكيد الرياض حا تكسب بعده ونكون عملنا فرع تاني نشيط هناك ....
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يازهير والله كتر خيرك ياخ الليلة انا فرحان شديد والله ناسا عزاز والله ظهروا واحد واقف في الباب التاني تاوق بالحيطة بس قال جايي
عرفتوهم؟؟ ياخ مبارك جادين الفوق ده وحيدر حنين البهناك داك.
وكمان شكرا يازهير على تلفون زاهر الصادق وطوالى ضمو للتيم ويرك الفعال ده وتأكد تماما ريسين بنجضوا ليك الموضوع ده تمام (الريس زاهر - الريس ميسرة) وكمان لمن تضيف باقي ناس جدة.... جمال - عثمان - عصام - ديدو - سيف وباقي العقد الفريد بكون الموضوع منتهي.
اهاوطيب ... عودة للخطوات العملية والله يازهير انا شايف انو الناس فعلا اسفيريا ومعنويا ماقصرت فما باقي غير الخطوات العملية القلت عليها دي. عشان كدة بقترح انو ايها الاخوة والاخوات يديكم معنا في انجاز هذا الامر وعن نفسي سوف ارسل تبرعي بل قل إلتزامي لك يازهير او من تحدده (بس قول لي كيف)
يلا ياشباب ..... الهمة
----------------------- ومن أجل الدار يلا نسدد الايجار
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
ياريس والله كتر خيرك كتير والزول ده ماماشي الرياض ولا حاجة بس نظام تصعيد زي ما قال انت عارف دي زي الكيزان لما قالوا زورتوا عايزين يكتلوا ليكم الدش بس ولدنا دا عاوز يحيي الدش في يد عثمان الجيلي عشان يجي بسرعة قبل عبدالدائم مايمشي الرياض المهم
والله لما لقيتك كاتبني وراء ود عمتي ده فكرت عينوني في الادارة الجديدة (وش ضاحك بخبث)
المهم: نطالب عبدالدائم بالالتزام بمثله الاعلى (رقم9)
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الاحباء الغالين .. ناس الحوش... السلام عليكم ورحمة الله ... وكل عام وانتم بالف خير ... ونقول ليكم عودنا ...والعود احمد... عودنا لنصافح وجوهكم الجميلة ... عودنا لنغلب معكم سنين الذكريات الحلوة... ونفرح بفرحكم ... ومع اختلاف الاحداث التي لم نعايشها ، الا اننا سوف نغلب الصفحات لنري ماذا حدث في الغياب لكم لتحية مرة اخري عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا جلال ...
طارق جبريل دا لو عندكم تلفونه أهبشو الراجل طول خلاص مننا ،
وحمد الله علي السلامة يا عثمان الجيلي ،،، والناس في إنتظارك
طبعاً موضوع المقر ، تقريباً ماشي كويس وهنالك شقة في شارع السيد عبد الرحمن في طريقنا لمعاينتها يوم الأحد ، يعني الناس تبدأ تحول لعبد الدائم النضيف أمين امانة المال لناس الزقازيق في الخارج ،،، ويا ريت المساهمة تتعدي ناس جدة وتعم كل المملكة وكمان ناس الخليج الباقين ....
حقيقي المقر حا يكون بداية لعمل ضخم سوف نعلن عنه يوم الأحد القادم بعد إجازته من اللجنة التنفيذية ,,,
ويا جماعة دعواتكم معانا المفاجأة ما تجلي ....
| |
|
|
|
|
|
|
فرحة بعودة سودانيز أون لاين دوت كم (Re: عصام دهب)
|
السلام عليكم يا شباب والحمد لله على سلامة العودة،،،، وما عارفين نعمل مع الهكر القام بعاتي مرة أخرى مازالت بقية الصفحة رقم 15 وبداية الصفحة رقم 16 تاهيه بين النجوم ،،،،، وأنحنا ما زلنا في الإنتظار ،،،،،،،،،،،،،،،، وربنا يستر،،،،،،، من سئ الذكر المدعو الهكر
| |
|
|
|
|
|
|
Re: فرحة بعودة سودانيز أون لاين دوت كم (Re: ميسرة سيد أحمد)
|
Quote: ويا جماعة دعواتكم معانا المفاجأة ما تجلي .... |
اها تجلي اكتر من كدة يازهير ... يعني باقي الصفحة دي ... وصفحـ16ـة يقولوا مشوا وين؟ .... الخور الله يستر على البادي والرشيد وزينب وامال .... طمنونا بالله
يازهير .... عاين سوف آتيك بالجديد المفيد عن هبة ناس الرياض ووقوفهم صفاً وسدا من خلف الرابطة ومشروعها الآني "إيجار الدار" وهنالك جهود قيمة جارية الآن بقيادة السناير موسى عيسى و احمد محمد اسماعيل (تجارة) لتفعيل هذا الامر وان شاء الله في غضون اليومين القادمين سوف تسمعوا مايسركم
المهم الجاتكم في 16كم سامحتكم
وحمدا لله على السلامة
------------- موسى عيسى واحمد اسماعيل بيسلموا عليكم كلكم
| |
|
|
|
|
|
|
Re: فرحة بعودة سودانيز أون لاين دوت كم (Re: ياسر نجيلة)
|
يعنى يا موسى عيسى ما يجيبك الا الهكر عشان تجى تسلم علينا شكرا" على المكالمة التلفونية الصباحية الرائعة منك وده صباح جميل وخليك مواصل ... والجابك يجيب عادل شــهونة ...
معليش يا شباب الاختفى من البوست حوالى 26 مداخلة فقط وتتعوض باذن الله كلو منك يا البادى البرلوم .... المفروض لما جيت خاشى تقفل الباب وراك مش تخليهو مفتوح ... هسه البنات ديل نلقاهم وين تانى ... ودفعتكم دى حنسميها دفعة ( هــكــرو ) ،،،،،
ولا انسى ان احي ايضا" الاخ الفنان كمال الشادى بالونسة السمحة اول امبارح ونتمنى ان نوفق يا كمال باسترجاع الباسورد حقك القديم لتنضم لكوكبة تجارة كمال ( عضو سابق فى سودانيز ) بس ضيع الباسورد فى احدى حفلات لـكوظ .
| |
|
|
|
|
|
|
علشان الرابطة والجمعية ،،، يلا شدوا أوتار الجيوب (Re: عصام دهب)
|
Quote: نصيحتي من زمان لو مابنيت بيتك في بيوت الناس ماتكوس الرسا ... وموقعنا الخاص بدفينا بهدلونا ... هكرونا ... وفي رحمة غريب ربطونا |
رأيكم شنو في كلام الراجل السُكر ده ،،،،، الكلام ده ليكم يا ناس اللجنة التنفيذية،،،، بالأمس كان لنا لقاء هاتفي مع إبن الزقازيق النشط أخونا جلال عثمان وتشاورنا وحددنا أُطر التحرك وتفعيل برنامج دفع قيمة إيجار الدار وسوف نطرح ما تم التشاور عليه في لقاء مجموعة جدة ،،،، أنحنا قمنا بقدير قيمة الإيجار السنوي للدار بس يا زهير لو في أرقام تقريبية بيكون أفضل لأننا طولنا من السودان وما عارفين القيمة الفعلية .
بالمنطقة الوسطى (الرياض) هناك شباب كثُر من الزقازيقاب النشطين والحلويين ، أمثال الأستاذ/موسى عيسى والأستاذ/ أحمد إسماعيل - أبو شنب - ورئيس الأسرة الأستاذ/مكي أحمد حمزة - أولادنا بتوع تجارة ، يلا أجعلوا إتحادنا مركز قوتنا ،،،،،،
=============================
يلا شدوا أوتار الجيوب,,,,,,,,,,,,
| |
|
|
|
|
|
|
Re: علشان الرابطة والجمعية ،،، يلا شدوا أوتار الجيوب (Re: ميسرة سيد أحمد)
|
يا شباب ،،، حمد الله علي السلامة بعد التهكيرة الزول البادي دا جاب لينا الهوا ،،، انا زعلان عملت لي بوستات قعدت فيها الساعات الطوال راحت في كرعين الهكر الله لا كسبه ،،،
ويا شباب الناس الجابها باسويرد دي قولوا ليها حاجة ، كلموهم قولوا بقيت أعضاء هنا
الرشيد بابكر
وآمال البنجاوي
عليهم بمراجعة إيميلاتهم ،
وأكيد يا الرشيد الباسويرد دا ما حقك براك ، يعني نجاة حوفي عندها 50% منه ...
بالنسبة لإيجار الدار :
وجدنا شقة صغيرة في وسط الخرطوم أجرتها الشهرية حوالي 650 جنيه سوداني ومقدم ستة أشهر أي 2600 جنيه ، بالدولار قرابة 1300 دولار ولا أعتقد بانه مبلغ كبير ،،، أخترنا أقل الخيارات سعراً ،،،،
يلا يا جماعة همتكم معانا ،،، اللجنة التنفيذية وضعت برنامج طموح في الفترة القادمة ....
| |
|
|
|
|
|
|
Re: علشان الرابطة والجمعية ،،، يلا شدوا أوتار الجيوب (Re: زهير الزناتي)
|
نحن الآن بصدد التحضير لأسبوع كامل في الفترة من 7 إلي 15 فبراير وبرنامجه كالآتي :
1/ ندوة علمية حول الأصول الجينية للسودانين والأمراض المنقولة جينياً في قاعة الشارقة مقترح أن يتحدث فيها العالم د. جعفر ميرغني وهو غني عن التعريف وبروفيسر منتصر الطيب وهو خريج الزقازيق وهو الزول الأول يجري دراسة حول جينات السودانيين وقد تم منحنا قاعة الشارقة مجاناً .
2/ ليلة شعرية كبري ، بها كل الشعراء السودانيين الكبار إبتداءً من اسحق الحلنقي وهلاوي إضافة لشعراء الزقازيق مختار دفع الله وآخرين ...
3/ حفل ساهر وتجري المفاوضات مع البلابل عشان خاطر عبدالدائم ...
4/ تجري الإتصالات مع الأبنودي عن طريق أسماء الحسيني وفي حالة فشل المساعي سيستبدل بآخر في قامته .
،،،،
المفاوضات مع شركة شيكان في مراحلها الأخيرة بخصوص التأمين الطبي الشامل لأعضاء الرابطة والتأمين علي الحياة ...
،،،،،،،،
اتفقنا مع صحيفة السوداني والأستاذ عثمان ميرغني ، وتم منحننا صفحة كاملة شهرياً لعكس أنشطة الرابطة الثقافية والاجتماعية وغيرها ،،، ودي برضها دعوة للكتابة في هذه الصفحة عن أي شئ يختص بالزقازيق لكل الناس داخل وخارج السودان ،، وعكس أخبارهم وأخبار أصدقاءهم من ناس الزقازيق وللأهمية المرجو مراسلتنا علي العنوان البريدي : [email protected] أو رقم التلفون 0919701061 ،،،،،،،،،،،،،،،،،
كفاية لغاية هنا وباقي المشاريع والأخبار الجميلة في المداخلة القادمة ...
ويلا شدوا أوتار الجيوب ،،،
ويا ميسرة لازم تشدوا حيلكم ويصلنا الإيجار قبل الإثنين القادم ....
| |
|
|
|
|
|
|
Re: علشان الرابطة والجمعية ،،، يلا شدوا أوتار الجيوب (Re: زهير الزناتي)
|
Quote: وجدنا شقة صغيرة في وسط الخرطوم أجرتها الشهرية حوالي 650 جنيه سوداني ومقدم ستة أشهر أي 2600 جنيه ، بالدولار قرابة 1300 دولار ولا أعتقد بانه مبلغ كبير ،،، أخترنا أقل الخيارات سعراً ،،،، |
يا زناتي كدي راجع ضربياتك دي ... مقدم 6 شهور 3,900 جنية
عموما نحن جاهزين ... ورينا نبدأ نرسل متين ...
وبرامجكم تمام ... خلتنا نفكر نرجع السودان
بداية موفقة ... يلا شدو .... حيلكم
| |
|
|
|
|
|
|
ناس الزقازيق أهم ناس وأجدع ناس،،،،،،،،، (Re: عصام دهب)
|
تمام التمام يا زناتي ،،،، والله فكرتونا بأم زمان الجميلة،،،، ومشاريع قوية وبرامج ممتازة بس لازم كل حاجة موثقة بالفيديو وتنزل على البوست علشان ناس الخارج يواكبوا ناس الداخل ،،،،
يا ياسر نجيلة خليك معانا ،،،، وكمان لو عندك ناس هناك أجمعهم لينا،،، لأن إجتماع جده بكرة وإجتماع ناس الرياض بعد بكرة الجمعة،،،، ونقترح تجميع المبلغ في جدة لدى أمين الصندوق عبدالدئم النضيف والمبلغ بسيط جداً جداً ، ونحاول نرسل إلى المبلغ بعد تحصيله قبل يوم الأثنين حسب رغبتكم : : : : : : :
===================== علشان الزقازيق ،،،، يلا شدوا أوتار الجيوب
| |
|
|
|
|
|
|
علشان الرابطة والجمعية ،،،،، يلا شدوا أوتار الجيوب،،، ناس الزقازيق أجدع ناس،،،،،،، (Re: عصام دهب)
|
Quote: رقم الحساب 11716164000110 عبدالدائم سيداحمد محمد البنك الاهلى التجارى جده - المملكة العربية السعودية |
يا شباب المبلغ المستهدف هو ما يعادل 7000ريال - فقط سبعة الف ريال سعودي يعادل إيجار الدار لمدة ستة شهور والناس إلى في خارج المملكة ويرغب في المشاركة عبر بوابة جدة رقم الحساب موجود أعلاه ، ويا جلال أهو الرقم قدامك وموعدنا بالهاتف يوم الجمعة للتشاور بعد إجتماعكم،،،،، : : : : : : : بصراحة أنا مبسوط وسعيد جداً لانه تكلموا معنا ناس من الرياض لنا سنين لم نتكلم معهم ،،، هيا يا شباب لهذه الهجمة الإعلامية من أجل بدء تعمير دار الزقازيقاب
================================= يلا شدوا أوتار القلوب على الجيوب
| |
|
|
|
|
|
|
Re: علشان الرابطة والجمعية ،،،،، يلا شدوا أوتار الجيوب،،، ناس الزقازيق أجدع ناس،،،،،،، (Re: ميسرة سيد أحمد)
|
تجربة اتحاد 86 تدل علي أن كل أمر يوكل لميسرة سيحقق النجاح الكبير .... نضف له رجال يسدون قطر الشمس
النضيف ، جلال ، نجيلة ، عثمان الجيلي ......
وباقي العقد النضيد .... ناس جدة والرياض
وباقي الخليج وليس غريباً ان يكون أول المساهمين عزام ... فهو دوماً في صف المبادرين
ولا تنسوا يا ناس الرياض الزقازيقي الأصيل ....... منصور عبد الرازق
والولد دفعة دا وراهو مجموعة كبيرة من ناس الزقازيق بالرياض ،، حمدان رضوان ، صلاح علي صالح ، محمد عثمان عبد الرجيم ، عفاف علي ميرغني ، موسي الراجل ، وباقي القائمة عند دفعة ويا جلال لو ما عندك تلفونو ارسل ليك بالماسنجر ...
شكراً يا ريس وطاقمك علي المجهود الكبير ....
| |
|
|
|
|
|
|
Re: علشان الرابطة والجمعية ،،،،، يلا شدوا أوتار الجيوب،،، ناس الزقازيق أجدع ناس،،،،،،، (Re: زهير الزناتي)
|
Quote: ويا جلال لو ما عندك تلفونو ارسل ليك بالماسنجر ... |
يازهير بطل الزهللة البتسوي فيها دي ... انا عندي الزول ذاتو تقول لي تلفونوا انت قاعد تفط مداخلاتي ولا شنو - بإذن الله امر الدار مقضى ... تب أبشر يازهير وهذا يؤكده التلفونات الكمية التى وصلتني امس واليوم "الله يستر من الخروج النهائي"
بس شهادة لله أحمد اسماعيل وموسي عيسى ديل لازم يكونوا معانا هنا شعلة من النشاط والحيوية "رسلت ليك ايميلاتهم في ايميلك يازهير" يلا همتك معانا خلي بكري يدخلهم سريع جدا
الزول الراقي الفنان المرهف الهميم اخونا كمال الشادي اتصل على اليوم صباحا معاتبا ومازحا في عدم ابلاغه بالتحركات الجارجية* ووعد كعادة كل اهل القبيلة هنا في الرياض بأن يشارك في هذا الإنجاز ولك العتبى ايها السنير الهمام حتى ترضى
حبيبنا عثمان الخير ورغم مشغولياته التى اعلم ابدى تمام الاستعداد والرجل سوف لن يكون متواجد بالرياض نهاية هذا الاسبوع لكن قبل ذلك وعد بتحضير لستة فخيمة من الزقاقزيقيين/ون الرائعين/شرحو والله يازهير صحي العربي ده صعب
على فكرة ان شاء الله مساء اليوم سوف يكون هنالك لقاء على هامش التمرين الاسبوعي لجماعة احمد اسماعيل ومجموعة من السناير المبجلين قمة تشاورية بمن حضر لتنسيق العمل ومراجعة القائمة التى وصلت الآن (قولوا ماشاءالله) الرقـ50ـم
تاني بجيكم بعدين بعد التمرين
ويلا... من أجل الدار شدو الهمة
* عايز اكتب الجارية وجا في بالي الخارجية كتبتهم الاتنين "فهلوة"
| |
|
|
|
|
|
|
ناس الزقازيق الفي الرياض اجدع ناس (Re: عصام دهب)
|
Quote: يا جلال تمرينك دا ما سل روحنا
أوعي يكون تحت الأضواء الكاشفة تقوم تساهر بينا .....
بعدين إنت قاعد تتمرن ولا بتتفرج .... |
ياحليلك يازهير اول شئ الدوام بخلص 09:30 مساء بتوقيت هنا "نفس توقيتكم" بعدين عاوز ليك اقل شئ نصف ساعة عشان توصل عشان اليوم الاربعاء يعنى WEEK END بتاع الناس المرتاحة هناوالشوارع ماشاءالله اها على بال ما السناير الكوامر ديل ناس احمد اسماعيل وجماعته يجوا بتكون انت نمت
المهم... صحيتك من النوم تخش البوست تلقى ان شاء الله المفيد والمؤمل من اجدع ناس ....... وهم ناس الزقازيق وفى ناس الزقازيق ناس الرياض
يلا... قوم نوم وصباحاتو بيض
| |
|
|
|
|
|
|
Re: ناس الزقازيق الفي الرياض اجدع ناس (Re: جلال عثمان)
|
الاخوة الاعزاء في القمة التشاورية التي جرت امس تم حصر عضوية خريجي الزقازيق بالرياض والرقم كما اعلنا سابقا هو "ما شاءالله" خمسـ50ـين خريج بالتمام والكمال (ويمكن اكثر) معظمهم لدينا تلفوناتهم. المهم في الامر الاخوة المتابعين لهذا للبوست (غير الاعضاء) ولديهم رغبة حقيقية في المشاركة يمكنهم الاتصال بي: جوال (موبايل) 0505779464 تلفون مكتب/ 4780234 تلفون منزل/ 4720809 [email protected] [email protected]
اما الخطوات العملية يازهير اليوم الخميس وغدا الجمعة سوف يتم تجميع الاشتراكات ويوم السبت بإذن الله سوف ترسل
ويلا.... الهمة ياشباب
| |
|
|
|
|
|
|
ناس الزقازيق أجدع ناس،،،،،،،،، (Re: عصام دهب)
|
نعي أليم
إنتقلت إلى رحمة الله يوم أمس عصراً ، ثريا محجوب أحمد البلول شقيقة نوال البلول - تربية الزقازيق يقام المأتم بالخرطوم بحري - السامراب هاتف نوال 0912211999
كامل العزاء للأخت نوال البلول والأخ/ عثمان الجيلي،،،،،،، وللعائلة حسن العزاء وأن يلهمهم الصبر والسلوان ,, إنا لله وإنا إليه راجعون،،،،
======================= هاتف عثمان الجيلي الجديد 0563107975
| |
|
|
|
|
|
|
|