الكلام ده ما كلامي ولكنه ولله الحق كلام شيخ العرب المرحوم/د. عمر نور الدايم في مزدلفة في موسم حج 1416 أو 1417 ما بتذكر (بالمناسبة الناس الحاضرين الكلام ده قاعدين في جدة لحدي هسه)
حيث كنا مجموعة من السودانيين نلتف حول المرحوم / عمر نور الدايم الذي كان ضمن حجيج ذلك العام بدعوة من المملكة العربية السعودية وقعدنا كلنا في شكل دائرة وبدأ كل واحد من القاعدين يهاجم المرحوم في أنهم ضيعو السودان وقرنق قرب للخرطوم والحال الحاصل للبلد سببه الاحزاب وعنادها والتعويضات و.... و... و.... و كثير من التهم وكل واحد قال الفي بطنو والمرحوم/ عمر نور الدايم كان بسمع وببتسم وأنا كنت بعرف المرحوم من زمن الديمقراطية زمن كان وزير للمالية وبعرفني كويس أها قال لي يللا يا جمال نلقط الحجار للجمرات ولما قمنا قام قال للقاعدين ( اها إنشاء الله الأنقاذ دي تحكمكم 40 سنة عشان تعرفوا الاحزاب كانت شنو )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال السنوسي
فيس بوك
تويتر
انستقرام
يوتيوب
بنتيريست