|
|
 (هكذا تورد النجوم)
|
(هكذا تورد النجوم)
************
تدافر جوة شوارع الروح
بي الطعم الأول للريد
ساعة ميلاد
تدي الأولاد ......... روح الأجداد
نصراً غالي وكاسر القيد
نجمة تحنس في القمرة
شان ترجع لي دين الضي
تتوشح بي الأحمر زي
تظهر بي الأصفر في السهرة
ما تهل مرة ... وتتواري
ما تتضاري
ناقصة ومتباقصة و أطلال
تتخلقن خجلاً تبقي هلال !
يا هيبة و عظمة
يا حاضر وماضي وتأريخ
يا صفوة
يا البيكا وصلنا تماس النشوة
يا وطنناً نهوي
يا سودان المريخ !
يا فجراً بشرق لمّن تغرب
شمس أمجاد أوطاننا
يا نجمة بتلمع
يا معني بيسطع
في كل مربع من سوداننا
مريخ الوالي
عالي ومتلالي
يا قيمة و سطوة و هوية
شايلك جواي
عزة وجنسية
بالميلاد كوكب أحمر
مولود في رحم الوطنية
نجمة بتعلن لينا حضورا
زاهية تمثل أجمل صورة
منعـــــة ورفعــــــــــة
كورة و مقصورة
تدي الأحلام طابق تاني
واقع ملموس ..... ما ماســــــورة !
بين قوسين
عفواً بين فرحين !
بهجة مكتوبي هذا وانا بين ظهراني أكتمال نصاب المجموعة الشمسية
ألي أقصي حدود الأبهار والبهرجة القادمة تواً من رحم النجوم
و سعادتي وسودان المريخ يتدلي من الثريا معنيً جديداً للفرح
ولي قدام عشم ممدود قدح كسرة فرح بنوتة بالسترة
كلام ناساً حنان بالحيل و لي قدام
حبيب نورة
|
|
 
|
|
|
|
مجدي عبدالرحيم فضل
عبدالله كع
فيس بوك
تويتر
انستقرام
يوتيوب
بنتيريست