كتب الكاتب الفاتح جبرا المتوفرة بمعرض الدوحة
|
|
 Re: عظمـاء الحركـه الطلابيه...نصــر الدين الرشيد. (Re: ابوبكر الامين يوسف)
|
الاخ خالد
الشهاده لتاريخ نصر الدين من الصعوبه وفداحة فقده المؤلم
نصر الدين الرشيد لم يكن من عظماء قيادة الحركه الطلابيه الواعيه ، بل كان رقم متقدم في النضال الطلابي والحركه النقابيه الطلابيه . وإنسان معرفته كنز بمعنى الكلمه .
كانت علاقة المنطقه بحري والاهليه الجامعه والسياسه والتحالفات والزنقات والمطاردات والعمل العام والحلم الكبير .
نصر الدين كان واحد من طلاب الاهليه النادرين العاشوا الهليه مثلوا مثل آخرين وطن بنحلم بيهو يوماتي ، حلم الجامعه ومقرها الحالي في حمد النيل آنذاك كان تحدي لكل قيادة الطلبه وإدارة الجامعه ، ساعة كان قرار ترحيل الجامعه للمقر الجديد تحدي اختارته قيادة الطلبه مع الإدارة في زمن صعب وقاسي ، والمقر الجديد في الوكت داك ما كان غير سور جميل في صحراء قاحله وبعض مباني لم تكتمل ، ما يراه الناس اليوم من الاهليه لا يعادل ولو بقليل ذلك اليوم الذي وقفنا فيه كلنا لننظر لحلم الحاضر ، وكم كان حلما مرهقا ان تصنع الحياه من لا شيء .
تم ترحيل الجامعه من غير كهرباء ومويه ولا قاعات مكتمله ، وبتحدي قوي من كل القوى السياسيه ، وعظماء الحركه الطلابيه زي ما قلته وبي زي نصر الدين ، اتقبل التحدي .
معسكرات الإتحاد وتعمير الجامعه كانت مزج الروح بين كل الالوان الطوريه وقفة الردميات ما فرقت بين المستقل وحزب الامه والشيوعي والاتحادي ، زمن يا خالد كانت فيه الحركه الطلابيه بتعني خوه ووحده ، ولما نفرش الواطه باليل نغني ونتسامر في ضلمة حمد النيل القاحله ، كان الليل بشع بي معاني بشر زي نصر الدين ، الصباح يجوا الزميلات بالشاي واللقيمات ، تصدق انو كانوا اخواتنا بعد شغل الردميات والتعب طول اليوم في المعسكر يشيلوا هدوم الشباب كلهم يغسلوها ويرجعوها تاني يوم في اعظم ما يكون الاخاء .
نصر الدين لمن لم يعرفه طاقه من الوعي والذكاء الحاد والثاقب ، شعلة نشاط ما بتهمد ولا بتكل ، لما كان تشوفه طابق الشنطه وكاسح من جامعة الخرطوم ، للفرع ، للاهليه - ولكل مكان فيه كلمه في صالح الشعب الطيب ده ممكن تتقال ، تحس قيمة الفكره والانتماء ومعنى شنو انو تمسك درب نضال طويل ما تكل ولا تمل ، صدقني ما دهشته من انو نصر الدين شال بندقيه في سبيل حلمه ، وقدم روحه الطاهره عشانه ، لانو صاحب مبدأ وصنديد ، ما اتردد يوم في موقف ولا وقف بين بين .
شاب انيق حد الترتيب المزعج والاهتمام بكل التفاصيل الدقيقه لكل صغيره وكبيره فيهو وحواليه ، شخصيه ذات حضور طاغي ووش بشوش قيهو طيبة كل الدنيا ، الونسه مع نصر الدين كانت خليط من القفشات البجيده والتعليقات والجديه البتنط فجاءه وسط تيار ضحك وما تشتر حاجه من الحاصل ، وصمت مرات كثيره مليان بي تفكير .
طوال سنواتنا بالجامعه ما بتذكر شفته هايج او فاقد لزمام اي موقف ، دايما هادي ولماح وسريع في التعامل مع اي موقف .
متحدث لبق وكادر خطابي ما بشق ليهو غبار ، مرتب في طرحه ، ومتحدث لبق بمنطقيه جيده ، تشوفه معانا كلنا فما تعرف لو نصر الدين شيوعي ولا حزب امه ولا اتحادي ، في الزمن داك الغيره على العمل السياسي كانت واجب بذوب فيهو الانتماء والحسابات .
حكوا لي بعد سنين من الغربه ، وبعد ما اتخرجنا من الاهليه عن الغابه ، ما عارف بسموها شنو لكن هي مجموعة الاشجار الكثيفه بين مدخل الجامعه ومباني الاداره والكليات ، وميدان الجامعه . ياريت لو فعلا يتكتب تاريخ انو ده كلو اتحقق كيف ، بتذكر الـ 1500 شتله لما بدا مشروع تشجير الجامعه ، وكتها ما كان في مويه ، اتزرعت وكانت بتتسقي بالتناوب ايام المعسكر المويه بتجي بي تانكر كبير وعشان تسقي الشتول الشباب جوا بي فكرة حمار المويه ، وبالمناسبه ظل الحمار جزء من تاريخ الجامعه لحدي بعد ما تخرجنا في 95 ، كاني بشوف نصر الدين هسه ، صباحا بدري هو ومعتز فداسي ومعاويه السر وعوض عثمان ومصطفى سري وطرزان وبشير ابوسالف وصديق محمد التوم والشايقي وناصر مهدي و......و...و.....و شباب زي موج النيل الهادر وهم محنيين وبسقو الشجر شجره شجره لا فتر لا ملل .
كان لنصر الدين طعم الفرح الخاص في القوافل الطلابيه ، كادر طلابي مؤهل للتصدر لاي عمل مهما كان حجمه ومعوقاته ، خفة ظله وروحه المرحه بتخلي حضوره صاخب وعالي زي هامته .
ياخالد
زي ما قلته الشهاده في حق نصر الدين من الصعوبه وفقده ، لانو خساره ما حيعوضه الجاي ونقصان لي صورة الماضي الانكسر واحد من اركانه القويه .
نصر الدين مناضل وإنسان من طراز فريد
عاش عظيم ومات عظيم
بتمنى انو زملاءنا القدام كلهم من العاصروا نصر الدين يكتبوا ويحكوا عن عظمة انسانه وقيمة فكره الوهبوا حياته الغاليه ومات ماسك رايته .
لك الرحمه يا صديقي يارفيقي في عليائك
لنا الصبر وحزمة ذكريات تضرب عميقا في نسج الروح
ولك الود خالد
لي عوده
ايمن السر تابر
خريج الاهليه 95 انجليزي
|
|
 
|
|
|
|
|
| العنوان |
الكاتب |
Date |
| عظمـاء الحركـه الطلابيه...نصــر الدين الرشيد. | خالد خليل محمد بحر | 04-02-07, 01:15 PM |
| Re: عظمـاء الحركـه الطلابيه...نصــر الدين الرشيد. | مدثر الشبلي | 04-02-07, 01:35 PM |
| Re: عظمـاء الحركـه الطلابيه...نصــر الدين الرشيد. | Abdel Aati | 04-02-07, 01:47 PM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-02-07, 02:53 PM |
| Re: عظمـاء الحركـه الطلابيه...نصــر الدين الرشيد. | على عمر على | 04-02-07, 04:25 PM |
| Re: عظمـاء الحركـه الطلابيه...نصــر الدين الرشيد. | Gafar Bashir | 04-02-07, 04:51 PM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-03-07, 01:51 PM |
| Re: عظمـاء الحركـه الطلابيه...نصــر الدين الرشيد. | خضر حسين خليل | 04-02-07, 05:13 PM |
| Re: عظمـاء الحركـه الطلابيه...نصــر الدين الرشيد. | الخير محمد عوض | 04-02-07, 05:43 PM |
| Re: عظمـاء الحركـه الطلابيه...نصــر الدين الرشيد. | الصادق اسماعيل | 04-02-07, 09:45 PM |
| Re: عظمـاء الحركـه الطلابيه...نصــر الدين الرشيد. | hanadi yousif | 04-02-07, 11:20 PM |
| Re: عظمـاء الحركـه الطلابيه...نصــر الدين الرشيد. | Imad Khalifa | 04-03-07, 04:57 AM |
| Re: عظمـاء الحركـه الطلابيه...نصــر الدين الرشيد. | arif elsawi | 04-03-07, 12:30 PM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-03-07, 02:12 PM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-03-07, 02:27 PM |
| Re: عظمـاء الحركـه الطلابيه...نصــر الدين الرشيد. | الصادق اسماعيل | 04-04-07, 06:29 PM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-04-07, 06:44 PM |
| Re: عظمـاء الحركـه الطلابيه...نصــر الدين الرشيد. | Sawsan Ahmed | 04-05-07, 00:38 AM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-05-07, 10:08 AM |
| Re: عظمـاء الحركـه الطلابيه...نصــر الدين الرشيد. | ابوبكر الامين يوسف | 04-05-07, 04:29 PM |
| Re: عظمـاء الحركـه الطلابيه...نصــر الدين الرشيد. | Inaam Saad | 04-05-07, 11:38 PM |
| Re: عظمـاء الحركـه الطلابيه...نصــر الدين الرشيد. | ابوبكر الامين يوسف | 04-06-07, 04:22 PM |
| Re: عظمـاء الحركـه الطلابيه...نصــر الدين الرشيد. | Aymen Tabir | 04-06-07, 08:36 PM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-07-07, 01:06 PM |
| Re: عظمـاء الحركـه الطلابيه...نصــر الدين الرشيد. | ابوبكر الامين يوسف | 04-07-07, 09:02 PM |
| Re: عظمـاء الحركـه الطلابيه...نصــر الدين الرشيد. | amar nagmaldyn | 04-08-07, 09:49 AM |
| Re: عظمـاء الحركـه الطلابيه...نصــر الدين الرشيد. | amar nagmaldyn | 04-08-07, 10:22 AM |
| Re: عظمـاء الحركـه الطلابيه...نصــر الدين الرشيد. | محمد عبدالرحمن | 04-08-07, 10:36 AM |
| Re: عظمـاء الحركـه الطلابيه...نصــر الدين الرشيد. | كمال مبارك | 04-08-07, 06:49 PM |
| Re: عظمـاء الحركـه الطلابيه...نصــر الدين الرشيد. | مجدي شبندر | 04-09-07, 11:02 AM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-11-07, 06:19 PM |
| Re: عظمـاء الحركـه الطلابيه...نصــر الدين الرشيد. | قسم السيد الحاردلو | 04-11-07, 09:08 PM |
| Re: عظمـاء الحركـه الطلابيه...نصــر الدين الرشيد. | عبد المنعم ابراهيم الحاج | 04-11-07, 09:15 PM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-12-07, 10:33 AM |
| Re: عظمـاء الحركـه الطلابيه...نصــر الدين الرشيد. | خالد ابوالقاسم | 04-11-07, 09:55 PM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 04-22-07, 07:24 PM |
| Re: عظمـاء الحركـه الطلابيه...نصــر الدين الرشيد. | على عمر على | 06-07-07, 02:59 AM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 06-08-07, 05:59 PM |
| Re: عظمـاء الحركـه الطلابيه...نصــر الدين الرشيد. | Nazar Yousif | 06-08-07, 10:03 PM |
| Re: عظمـاء الحركـه الطلابيه...نصــر الدين الرشيد. | خالد خليل محمد بحر | 06-09-07, 02:36 PM |
|
| |
Aymen Tabir
فيس بوك
تويتر
انستقرام
يوتيوب
بنتيريست