|
|
 انا راجع السودان نهائى...بس ساعدونى ؟؟؟؟
|
خالنا النور مغترب25 سنة.. قابلته اول امس فى شارع البطحاء بشترى فى الهديا كانه مسافر لاول مرة..سالته المسافر منو ياحاج قال لى انا ذاتى ونهائى ..قلت ليه انت ما جيت قبل شهرين قنعت خلاص قال لى ماشى اعيش عمرى الثانى...
هو من فلسفاته كان يقول _ وددت للمغترب ان يكون له عمران ..عمرا يجمع به المال
والعمر الثانى يرجع ويتمتع بتلك المال...
المساعدة التى اريدها من المخضرمين فى الاغتراب..ماهو حد الغنى المعقول الذى يريد ان يصل له المغترب حتى يرجع ويعيش وسط اهله وبلده...اسى انا مغترب لى ستة سنوات
طيب فرضا لو عندى 20 الف ريال بعد 20 سنة بصيرو كم ياربى...
طيب انا عاوز شنو ياجماعة...احل مشاكل ..مشاكل شنو يالله..تصحيح وضع..
مثلا...
1- قطعة سكنية فى العاصمة ..انا عندى واحدة فى ابقوتةعلى بعد 30 كيلو من جبل اولياء
2- اولاد يقروء .. انا عرس ما عرست
3- سيارة صالون ..سيارتى دى ذاتها بتنفع فى السودان بس اوديها كيف
4-
5-
6-
كدى شوفو لى حل
ولقدام
|
|
 
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: abuguta)
|
Quote: المساعدة التى اريدها من المخضرمين فى الاغتراب..ماهو حد الغنى المعقول الذى يريد ان يصل له المغترب حتى يرجع ويعيش وسط اهله وبلده...اسى انا مغترب لى ستة سنوات
|
العزيز أبو قوتة
أنا أفتكر إنو تعمل ليك حواشة و3 بقرات "مهجنة" وبوكسي 81 وبس ... داير شنو أكتر من كدا !!!!!!!!!!!!!!!!!!!!
طبعاً دي نصيحة من زول مغترب 20 سنة لكن الحاجات الذكرتها دي ما عندي ؟؟؟؟؟؟
الحلاوي
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: ALHALAWI)
|
| Quote: أنا أفتكر إنو تعمل ليك حواشة و3 بقرات "مهجنة" وبوكسي 81 وبس |
والله ياحلاوى
دى امنيات كل اهل السودان
لكن ياخوى ال81 يلقوه وين بقى مو ود نصحاح
النضيف ب 14 فى المعارض...وتشحنو ب 16 ..دا عاوز ليه سنة تانية
خالية من الضرائب والكفيل
عموما مشكور على النصيحة الغالية
خلينا نلحق الصافى جعفر عشان يدنا من حواشات سندس
ارض جدودنا القلعوها مننا
شكرا ليك
ولقدام
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: بدرالدين شنا)
|
| Quote: أبوقوتة كان دي مواضيعك تاني ما تتابعني |
يابدر.. شيتنا بفرقنى منك الله بينى وبينو
لكن قلت لى عاوز تتم العشرين ساى
انت مر ليك مغتبر السنين
اخر فسفات ود خالتى....
ان الاغتراب مو قروش ..
ولا ملىء كروش
الاغتراب سنين
قال ترجع السودان يسالوك..ليك كم سنة فى السعودية
تقولهم 20...وعراقيك مشروط
خالص
ودى لك
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: abuguta)
|
| Quote: 1- قطعة سكنية فى العاصمة ..انا عندى واحدة فى ابقوتةعلى بعد 30 كيلو من جبل اولياء |
أبو قوته
لا فيها مستشفى لا طبيب
ومدارس بدون مدرسين
وسوق يدون بضائع
وهى قرية بلا طرق
وتقول لى عندك قطعة فى ابو قوتة ..
أحسن تصلح علاقتك بالكفيل دا كان عايز تعرس بس ..
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: معتصم الطاهر)
|
Quote: فيها مستشفى لا طبيب
ومدارس بدون مدرسين
وسوق يدون بضائع
وهى قرية بلا طرق
وتقول لى عندك قطعة فى ابو قوتة ..
أحسن تصلح علاقتك بالكفيل دا كان عايز تعرس بس .. |
ود الطاهر
انا بشوقك
بظاهر
وبسيفى بشاهر
بجيك فى البنادر
المستشفى عندنا والطيب فيها والدواء كمان
المدراس مضروبة جير ..ومعلمين وفير
الكهرباء جاءت
بس كنا فاقدين زلط..دا قبل 17 سنة
لكن الليلة
المستشفى فاضية
والمدارس هادية
طلاب فى السوق
مدرسين بقو خصوصين
وزلط لسع ما جاء
لكن بتصل عليه الان
لو برد
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: saif massad ali)
|
| Quote: نصيحة لي الله بس تعال لي هنا والله تعرس جنس عرس |
لو البوسطابية لحقت السوق العرض مقبول..
لكن عرس الخواجيات ديل..زى لقمة الحلة
خفيفة فى القطعة..وما بتملى البطن
لكن العربات عندكم
شوف لى اسعار الرؤؤس كيف...
قالو الاسكانيا دى فى الغرب
تجيب دهب...
خالص ودى لك
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: abuguta)
|
Quote: لكن الايام دى فى موضة تجبها
عمرة رمضان وتهربها يوم
فى حملة 27...وترجعا
فى الولدة العاشرة
لك ودى |
وتييييب يا ابوقوته ..
ما كان تكلمني قبال ما اتورط في استقدام
ومصاريف وتفاصيل ما ليها داعي .. الله يسامحك
وبعدين انا لما قلت ليك 20 الف ريال دي قلت ليك امشي اصرفها هناك مش هنا
شن الفائدة تصرفها في السعودية .. امشي اعمل ليك مشروع بتاع امجاد ولا ركشة
احد المشاريع العامة البلدية العامية في الاستثمار والناتج الاجمالي المحلي، والعالمي
وحيث كذلك من بنود بعض ما درست من الاقتصاد، واللجوء إلى السيد ادم سميث في حالة العدم
فأن لم تجد فحافلة 14 أو 25 راكب من طراز الفان أو الروزا
فان لم تجد فمطعم ومرطبات وشريطين ثلاثة لأحد الطيارات الحايمين اليومين دي
اسمعني بتعرف وزير التخطيط الدولي، دا انا اذا غلبتك حاجة تعال لي (بالحروف)
أقوى من الشهداء، واسرع من المده، واهداء من السكون ساحول خططك المستقبلية من احلام
حقيقة واقعية وتحويل الحاء في (احلام) إلى حرف الفاء لتصبح (افلام).. ويا حليلك يا لمناهل 
ارقـد عافـية
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: waleedi399)
|
Quote: فأن لم تجد فحافلة 14 أو 25 راكب من طراز الفان أو الروزا
فان لم تجد فمطعم ومرطبات وشريطين ثلاثة لأحد الطيارات الحايمين اليومين دي |
وليد المطعم دا ما جربتو
لكن الحافلة كلو يوم فيها عطل..وقديما قالو مشروع الحافلة زى
القمار..ممكن يضرب معاك وممكن تخسر
لازم تسوق بكارك وتخلص براك وتعبى بنزين براك
لكن لو شغلت ولدك او اخوك مو مضمون
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: abuguta)
|
Quote: 1- قطعة سكنية فى العاصمة ..انا عندى واحدة فى ابقوتةعلى بعد 30 كيلو من جبل اولياء
2- اولاد يقروء .. انا عرس ما عرست
3- سيارة صالون ..سيارتى دى ذاتها بتنفع فى السودان بس اوديها كيف
4-
5-
6-
كدى شوفو لى حل
ولقدام |
ابقوتة داير ديل كلهن؟؟كان كدى طالت غربتك،،،
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: صديق الموج)
|
| Quote: ابقوتة داير ديل كلهن؟؟كان كدى طالت غربتك،،، |
ود الموج
القعوده لوج
نخفضهن يعنى..قراية اولاد..تخصص تمريض وتحاليل
عارف الايام دى قالو الممرض المتخصص اهم من دكتور القروش
يعنى الزول القراء طب بقروش...
لكن ياصديق مش ملاحظ الدولار نزل والاسعار سماء
ودى حكاية بضر المغترب المسكين..
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: abuguta)
|
ابقوته تحياتي وسلامي لك
ياخي والله ضحكتني حد الضحك قلت لي يجيبوهن عمره وزوغه
والرجعه مع الولده العشرين
اما حاجاتك القلت دايرن ديل القطعة والاولاد والسيارة
غايتو القطعة في العاصمة صعبة بالجد
لكن الاولاد وقبلهم العرس اسهل حاجة...
والسيارة والله يا ابوقوته ب 5 مليون تاخذ سيارة على الزيرو بالاقساط
بس تكون عندك همة وتدعك عشان تسدد ..
ولو قلت داير تعمل ديل من الاغتراب فشكلك حتطول غربتك مما يزيد من كربتك
بعدين والله اعجبتني حكم خالك خاصة العمران عمر للمال وعمر يستمع بالمال
تحياتي لك ..ولخالك ودعوات بالتوفيق والنجاح يا اخي
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: luai)
|
| Quote: غايتو القطعة في العاصمة صعبة بالجد |
كيف القطعة فى العاصمة غالية
شمال الخرطوم الى شندى سهلة...شرق الخرطوم الى ابودليق سهلة
غرب الخرطوم الى دار حامد سهلة
جنوب الخرطوم الى ابقوتة سهلة
ليس هنالك حدود للخرطوم..
تعرف المدن الكبيرة...بومبى مثالا...المناقل حى من احيائها
المغلين الارض....السماسرة الحامين...وهذه الجلة التى يلوحو بها
فى الفضاء...هذا المطار المستهج..
مرة شرق النيل فطارت اراضى الحاج يوسف
مرة سوبا فنبثقت الفردوس
واخير غرب النيل فطارت الصالحة
فياريت يقولو جنوب الخرطوم
عشان تغلى بلاد جدى
خالص ودى لك
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: abuguta)
|
الاخ ابوقوتة شوق ماسورة محلوجة فى بيت عزابة رحلوا ليهم شهرين وما دافعين حق ستة شهور
شفت يا زول انا لسه ما مسكت طريق الغربة لكن بينى وبين نفسى مشيت للوداعية قلت ليها انا بقعد كم فى الغربه رمت الودع وقالت لى 6سنوات دى فى لكن الواحد(1) مامعروف يجى قبلها او بعدها؟؟؟؟؟؟؟؟؟
ولك منى كل الاشواق
انا الحنة على عاوز كم كرتونة؟؟؟؟؟؟؟؟؟
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: abuguta)
|
أخي أب قوته
نفعني الله بسكناته وحركاته
يقول المغتربون في الأرض أن الهجرة بقصد العمل من بلاد لو وزعت خيراتها على نصف سكان الكرة الأرضية لكفتهم تعتبر بكل المقاييس قلة أدب شأنها في ذلك شأن الضحك بلا عجب ، ويقول المعنيون بأمر الإغتراب أن الكثير من السودانيين في دول المهجر و حتى في الوطن شأنهم شأن إبل الرحيل = شايله السقى وعطشانه =
الإغتراب يا أبا قوته وبخاصة في دول الخليج هو في الواقع هجرة بلا ضمانات فأنت بلغت من سني إغترابك ستة سنوات وشيخنا شنا تخطي السنة الرابعة عشر في غربته ويطلب منك أن تكفله سنوات غربتك تلك وتعزه في الخطاب طمعاً ومكرا. وهناك من تجاوز ربع القرن بقليل أو كثير – فاغتراب يجب أن يكون محدد المدة أما الهجرة فهي غير محددة المدة ولو قدر لبدر الدين شنا أن قضي تلك السنوات في بريطانيا لدخل مجلس العموم البريطاني أو أصبح عمدة لمدينة مانشستر أما بوضعه الراهن فلن يصبح حتى مشجعاً معترفاً به لفريق مانشستر.
لا أنصح أى سوداني بالعودة النهائية إلى السودان فكل زمان يمر علينا يكون أسوأ من سابقه فلقد لعن الذي سبقونا حكومة الأحزاب حتى أتاهم نميري فتباكوا وتمنوا لو أن الزمان تبدل وعاد قليلاً للوراء ولم ولن يفعل ولما أندثر حكم المشير نميري تت فترة إنتقالية عمت فيها الفوشى وضربت بأطنابها فجاء إنقلاب يوليو وخرج على الملأ صلاح كرار وقال بالحرف الواحد لو لم تأتي الإنقاذ لأصبح الدولار الأمريكي يعادل خمسة وعشرون جنيهاً سودانياً والآن بعد ستة عشر عاماً من الحكم الإنقاذي أصبح الجيه في غير ما حاجة لمقارنته بالدولار لأننا وبكل بساطة إستبدلناه بدينار.
إذا كان لابد لك أو لغير من العودة النهائية إلى السودان فأنت في حاجة إلى أجهزة تكييف مركزي وفرن رغيف آلي ومغسلة ملابس على مستوى عالي ومال وفير وعربة فارهة ومستشفى خاص يديره خبراء وإستشاريون وصيدلية لا ينعدم فيها الدواء وجو غير أجواء السودان وطقس ينعدم فيه البعوض ليلاً والذباب نهاراً وما تنسي تجيب معاك شارع زلط وإشارة مرور وكمية بتاعت ميجاواتات - جمع ميجا وات - كهرباء ومويه للشرب وأخرى صالحة للإستخدام الآدمي ومكان للنزهة وآخر للتسوق يعني بصراحه جيب كل حاجة.
| |
|
|
|
|
|
|
|
|
 Re: انا راجع السودان نهائى...بس ساعدونى ؟؟؟؟ (Re: abuguta)
|
اخوي ابوقوته واحد اخونا مشي السودان قبل 5شهور اجازة وكان معاه حوالي 75الف درهم ناوي يشتري قطعة ارض او بين جاهز . السماسرة قالوا ليه دي ما بتعمل ليك شئ قضي بيها مصاريف اجازة والمرة الجاية تعال بمبلغ كبير 000 تقول لي 20الف راجع نهائي وعرس ومشروع 000
| |
|
|
|
|
|
|
|
|
|
Re: انا راجع السودان نهائى...بس ساعدونى ؟؟؟؟ (Re: abuguta)
|
Quote: طيب فرضا لو عندى 20 الف ريال بعد 20 سنة بصيرو كم ياربى...
|
مادام قلت ""يصيرو كم"" ونسيت "ببقو كم" ما عندك عوجة تب ..
من بداية كلامك عرفتك في العشرة الأولى ..
بس أبشرك الوجعة الجاتك هسع دي وريدة البلد معناها قلبك عاوز يدلج .. يعني العشرة التانية بتمر عليك مر السحاب . مبرووووووووووك.
إضاءة:
أهم تكون كونت نفسك يا أبو قوتة 
| |
|
|
|
|
|
|
| |
abuguta
EMU إيمو
waleedi399
بدرالدين شنا
معتصم الطاهر
aosman
walid taha
saif massad ali
صديق الموج
luai
عبدالرحمن عزّاز
munswor almophtah
almulaomar
JAD
فيس بوك
تويتر
انستقرام
يوتيوب
بنتيريست