كتب الكاتب الفاتح جبرا المتوفرة بمعرض الدوحة
|
..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم...
|
الاخوة الاعضاء ..وجماعة البورد الحلوييين انا اقصد بالحلويييين ..الما على ظهرهم اختام ..سبحان الله تطورت الاختام حتى رجعنا الى عالم الطهارة..عالم القبور..بفتح الباء.. والجراد..وما ختم ناذر عنكم ببعيد...وامس الجمعة شاهدت حشرة عارضها دكتور عبد الله الريح قلت دا اجمل ختم لكن خوفنى منها قال فيها سموم..قلت دا ختم ملون وجمييل اقوم اختم بيه على ظهر المصنف..مثل ختم الفحص الدورى للسيارات عشان كدا انا عاوز ناس حلوين لكى تكون المادة ادناه انطلاقة للتسامح فى الشهر الفضيل
رايكم شنو؟؟؟؟؟؟
شاكوش الشنفري
«1»
والشنفري سيد الاسم صاحب « لاميةالعرب» سُبى صغيراً ، وعاش اسيراً، يسبق الخيل في عدوه، حذق، داهية لكنه عاش في ظروف اجتماعية سيئة وقد تكسر في احدى فتيات بنى سلمان حيث اسر فقطعوه معاه ناشفا فاتجه الى الفلاة والصعلكة صابا جام غضبه على كل الناس ممثلين في بني سلمان فقتل منهم مائة رجل من اجل البنية العسكرية ولكن استفدنا من شاكوش الشنفري الاصل بلاميته الشهيرة بعد ان فر الى الخلا
«2»
والشنفري العصري: شين ودشن كان جحوداً كسلان، سنونو مكسرات شناة السيح والريح عليهو اطلق عليه اولاد الحلة المثقفاتية « الشنفري» لاجل شناته فقط وليس لشاعرية حظى بها او حذاقة.. جمع بينه وبين الشنفري الاصل الشاكوش وكثرة الشينات.
«3»
والشنفري العصري تعلق قلبه بساكنة البيت الناصية . وهي ما جايبة خبر.. يلاقي امها ماشة السوق يخطف منها الكيس ويملاه مجانا ويجري يودي ليها البيت وهي تحمد وتشكر وما عارفة مالوو؟
اذا صرخت لهم عنزة فان الشنفري مُسكتها. واذا سورتهم اتحلجت فالسمكري الشنفري..وو..
خدمات مجانية..
«4»
وعندما تقدم لها.. في رهط من اهله كانت الاجابة
قررر قررر قررر ما بالغت يا شنفري.
«5»
من يوم القرقرة والرفض الشديد.. هرب الشنفري الى الصقيعة . واصبح من محبي « ود الجريد» واتلما على سابلة وعوام وشفوت واصبح همهم فرتكة ولخبطة الحفلات اياً كان نوعها ان شاء الله « دق ريحة».
وان كان الشنفري الاصلي قد قتل مائة رجل .. فان الشنفري العصري قد فرتك مائة حفلة
يحيا الشاكوش..
«6»
وحين هرب الشنفري الاصلي الى الفلاة مكاتلاً اهله قال:
ولي دونكم اهلون سيد عملس
وارقط زهلول وعرفاء جيال
وحين هرب الشنفري العصري الى الخلا مكاتلاً ناس حلته قال:
ولي دونكم اهلون سيد باسطة
وقدرة فوال وكرتة مأكل
«7»
يوم الطفاش الاعظم للشنفري العصري وبعدها لم يشاهده انس ولاجان كان ان اتى يوماً حفلة رابة واراد فرتكتها مع اصحابه كالعادة دفّر دفّر كسر كسر حتى وصل الى كوشة العرسان.
كشف كده من تحت عينيه المنهكتين من « ود الجريد» فرآها .. ذاتها البنت الساكنة ناصية.. بت الناس الضحكو قرر قرر قرر.
فقال وهو واضعا يديه على جبينه عشان يشوف كويس:
منو؟! ناس القرقراب.. وفرّ فرّة رجل واحد كمن لسعته ابنة رمل لها جرس يكشكش كش كش كش.
وتاني ما انشاف تب.
منقول
|
|
|
|
|
|
|
العنوان |
الكاتب |
Date |
..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم... | abuguta | 09-23-06, 02:44 AM |
Re: ..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم | abuguta | 09-23-06, 02:57 AM |
Re: ..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم | فيصل محمد خليل | 09-23-06, 04:38 AM |
Re: ..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم | ناذر محمد الخليفة | 09-24-06, 12:24 PM |
Re: ..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم | Abd Alla Elhabib | 09-24-06, 04:14 PM |
Re: ..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم | abuguta | 09-25-06, 01:56 AM |
Re: ..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم | abuguta | 09-27-06, 02:24 AM |
Re: ..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم | abuguta | 09-27-06, 02:38 AM |
Re: ..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم | abuguta | 09-27-06, 02:47 AM |
Re: ..رمضانيات ..( شاكوش الشنفري ) ...ملاعمر..البدر السمح..ثابت البطل ..سجيمان..حميد ..وقبيلتهم | abuguta | 09-27-06, 02:56 AM |
|
|
|