كتب الكاتب الفاتح جبرا المتوفرة بمعرض الدوحة
|
Re: حجيتكم ما بجتيكم...حارة كلمة وصيف ..ولا جلسة الرصيف (Re: abuguta)
|
وحياة اسم الله يا ابو قوته ما عندك ولا هم في الدنيا دى واتاريك مربى حبوبات
ابو قوتة بتعرف شملة كنيزة ؟ ولا اقوم اركبك ؟
قالوا الاسد والنمر والمرفعين والدبيب قرروا يعملوا قرية يسموها القرية العامرة وقاموا نادوا ليك جقدول قالوا ليهو تعال ابقى معانا في حلتنا العامرة دى . جدول ضحك هههههههههههههههع وقال ليهم انا معاكم عمروا حلتكم براكم - الاسد زعل من جقدول وقام لطشو ليك لطشة واحدة نامن اتعتع لوراء وجقدول قام جاري ووقت ابعد صاح ليهم قال ليهم وهو ساخر عمرتو بالحيل .
يا ابوى الجماعة قرروا يعقدوا اجتماع يحدد اسس العشرة بين الاعضاء طبعا جقدول خلاهم . واول من تكلم الاسد وقال للجمهور لو عايزين حلتكم تبقى عامرة تختوا ازعاجي وقت اكون نائم - الجماعة صفقوا ليهو وجلس - قام النمر قال لو عايزين حلتكم دى تدوم عامرة واحد يحمّر لي بعيونو مافي . صفقوا ليهو وجلس . قام المرفعين قال انا ازعجونى وانا نائم ما بهمني وحمروا فيني ما بيهم بس حاجة واحدة ما ما برضاها ابدا الجماعة قالوا ليهو شنو قال ليهم انا جوّل وكوّاس بغيب الليلة وبجي بعد اسبوع وبغيب بالنهار وبجي مع الهجعة ارجوكم واحد فيكم يقول لي مشيت وين او جيت من مافي . صفقوا ليهو وجلس .
قام الثعبان وسلم على الجميع وقال ليهم انا كل حاجة برضاها الا وطية ضنبي دى الجماعة صفقوا ليهو وجلس .
يا زول الحلة مشت عامرة لاسبوع وفي يوم من الايام عاد المرفعين بعد طول غياب ووجد النمر متحكر برة النمر غلبو الصبر وقام سال ليك المرفعين قال ليهو انت بتمش وين ما بتخلي هملتك وكواستك دى ؟ المرفعين زعل زعل زعل وراح محمّر ليك بعيونو في النمر النمر التحمرة حسبها حقارة راح ناطى ليك في المرفعين والدواس حصل الوقت داك الاسد نااااااااااااااااااائم مرتاح سمع الضجة والازعاج قام ليك عليهم الاتنين معط شديييييييد وفي اثناء الدواس الجماعة وطوا ليك في ضنب الدبيب ووباقي روحو ادى ليك الاست لقزة سامة شديييييد لحدى مات .
نواصل
|
|
|
|
|
|
|
العنوان |
الكاتب |
Date |
حجيتكم ما بجتيكم...حارة كلمة وصيف ..ولا جلسة الرصيف | abuguta | 12-13-07, 08:07 AM |
Re: حجيتكم ما بجتيكم...حارة كلمة وصيف ..ولا جلسة الرصيف | الطيب شيقوق | 12-13-07, 08:57 AM |
Re: حجيتكم ما بجتيكم...حارة كلمة وصيف ..ولا جلسة الرصيف | abuguta | 12-13-07, 09:08 AM |
Re: حجيتكم ما بجتيكم...حارة كلمة وصيف ..ولا جلسة الرصيف | الطيب شيقوق | 12-13-07, 09:20 AM |
Re: حجيتكم ما بجتيكم...حارة كلمة وصيف ..ولا جلسة الرصيف | abuguta | 12-13-07, 09:28 AM |
Re: حجيتكم ما بجتيكم...حارة كلمة وصيف ..ولا جلسة الرصيف | طلحة عبدالله | 12-13-07, 09:20 AM |
Re: حجيتكم ما بجتيكم...حارة كلمة وصيف ..ولا جلسة الرصيف | معاذ حسن | 12-13-07, 09:22 AM |
Re: حجيتكم ما بجتيكم...حارة كلمة وصيف ..ولا جلسة الرصيف | abuguta | 12-13-07, 09:40 AM |
Re: حجيتكم ما بجتيكم...حارة كلمة وصيف ..ولا جلسة الرصيف | abuguta | 12-13-07, 09:34 AM |
Re: حجيتكم ما بجتيكم...حارة كلمة وصيف ..ولا جلسة الرصيف | ثابت محمد | 12-13-07, 09:30 AM |
Re: حجيتكم ما بجتيكم...حارة كلمة وصيف ..ولا جلسة الرصيف | abuguta | 12-13-07, 09:46 AM |
Re: حجيتكم ما بجتيكم...حارة كلمة وصيف ..ولا جلسة الرصيف | ثابت محمد | 12-13-07, 10:03 AM |
Re: حجيتكم ما بجتيكم...حارة كلمة وصيف ..ولا جلسة الرصيف | طلحة عبدالله | 12-13-07, 12:06 PM |
Re: حجيتكم ما بجتيكم...حارة كلمة وصيف ..ولا جلسة الرصيف | abuguta | 12-13-07, 12:48 PM |
|
|
|