|
Re: شول اشوانق دينق .. تعال بي جاي يا خوي .. (Re: heba Elmahi)
|
سلام تاكم يا ناس طلحة مشكور على البوست الجميل دا عن الشاب المهذب شول اشوانق هو فعلا بيستحق الكلام الطيب دا لانو زول طيب ونيتو صافية من كان صغير بس يا مونج (شول) شنو قصة الرشاشة دي يا اخوي ما بتفهمونا يا عالم. قبل اسبوعين يا شول انا كنت في الخرطوم بس ما لقيت تلفونك ونسيت يوم داك ما شيلتو منك المرة الجاية ان شاء الله نلاقيك.
تحياتي للكل
دمبيك
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: heba Elmahi)
|
الصديق العزيز شول أشوانق لك التحية.. أنقطع الوصل بيننا والرائعين فى المنبر والسبب هو Password.. الذى منعنى من الدخول اليكم بعد أسبوع واحد من حصولى على عضوية المنبر ده حظ النوبة كده..نتمنى من صاحب البيت الكبير بكرى معالجة الأمر وله ولكم التحية مع خالص شكرى..قمر دلمان
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
سلامات يا محسن طه شخصيا لم يسبق أبدا أن فكرت في أنو دا جنوبي ودا شمالي ودا شرق ودا غرب .. تفكيري منحصر دائما في أنو دا زعيم مريخابي ودا مسكين معدم هلالابي ودائما بدعو لضم الأقلية الباقية من انصار أبو الهل إلى الاغلبية المسيطرة والحاكمة بنادي الزعماء .. ودائما أشفق علي حال المهلهلين وبؤسهم وتعاستهم الكامنة في أعماقهم منذ ثمانين سنة او يزيد بسبب عدم حصولهم علي أية بطولة خارجية يزينون بها سجلهم المجدب المقحط ..
Quote: هلال واو وجوبا وملكال
|
دا ترهل هلاليش (من بيش ) مضر جدا بالكرة السودانية وسيؤدي إلي هلهلتها وكفاية فضائح الهلال الكبير ..
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: شول اشوانق دينق)
|
لا دي عرفتها ليك طب يا شول اخوي Quote: إتا فى بيت تاكن فى خرطوم ولَ قى قينى برا تا سودان؟! ... آآآآآآآآآآجو جواب ضرورى يا هبة
|
الترجمة للناس القاعدين ساي : إتا: انتي تاكن : ساكن قي قيني برا تا سودان : واللا مغتربة برا السودان آآآآآآآآآآجو جواب ضرورى : الرجاء الرد ضروري .. إذن العبارة تصبح كالآتي : أنتي ساكنة في الخرطوم واللا مغتربة برا السودان ..؟ الرجاء الرد ضروري يا هبة ..
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
نهاركم زين يا حلوين "بتوقيت السودان" طلحة ووهبة ومحسن "جالدونق" وبت الماحى الزعيمة الصفوية "حتى الثمالة"
سلام تاكم
Quote: بورداب الخرطوم الحلوين ديل في كل البرامج الاجتماعية المدورة عندهم دي، قاتل الله الغربة و الاغتراب انا يا شول عايشة في امريكا ولاية فريجينيا ، أي خدمة نحن تحت أمرك . |
روح تاكى جميل عشان كده إتا قاينو ناس كلهم جميلين ... إنا بليمو لو إتا يوم جا لى كرتوم أخت تاإِ
Quote: يا طلحة بالله خارج لينا الرشاشات ديل من البوست و خلي لينا شول دا براهو عشان نقدر نديهو راسو و نعقله |
سيب تاكن حركات مريخاب تاكن ده يا هبة...
شول اشوانق دينق
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
اشول اشوانق دينق...
شخص تتمني ان تلقاه ذات يوم في هذه الدنيا ام قدود ولطلحة المريخابي باقة من الاناشيد الهلالية وهدية خاصة مني هي لوحة تخلد زيكو (منتصر الزاكي) وهو شايل الكورة وعامل يااااااااع
والله يرحمك يا والي الدين
يا طلحة ... أفرش الأرض ورود ... أستاذنا عبد الكريم المشهور بـ "كيكى" وصل.
هلا بيك يا عبد الكريم وإنشالله مصير الحى يلاقى.
أبو الخلد ... الزول ساقط ترجمة وفعلاً المصائب لا تاتى فرادى
يا جماعة طلحة ده ادو راسو وقولو ليهو ... إنضم للهلال سيد البلد ولا نامت اعين الجبناء
شول اشوانق دينق
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: يا شول مونق..... آسف يا شول اشوانق خليك عاقل يا زول اكيد انتا بتهظر وما قاصد جد إنك بتشجع الهلال ــــــــــــــــ طبعاً الناس مستغربين شول مونق دا من وين ؟ (اشهر اكول عند الدينكا ويقال بأنه كان يستخدم قرناً مجوفاً لتناول الطعام ولقمته الواحدة يكفي أكثر من شخص). |
الأخ قير تور أولاً ياخ كل سنة وإنت طيب والله المداخلة ده يا دوب شفته هسع. متذكر يا قير ... فى بداية الألفينات إتلاقينا فى بيت خالى د. كوال اروب كوال ولَ ما متذكر؟ أخى الكبير أقوير اشوانق افتكر قريتو سوا فى مدرسة واحد "وانا بكتب المداخلة ده هسع ... هو قاعد جنبى" بيسلم عليك وبيقول ليك كل سنة وإنت طيب. شوف يا قير بخصوص الهلال ... ده اكتر حاجة انا جادى فيهو يا زول ... هلال شنو البيهظروا فيهو كمان يا مريخابى إنت
كل سنة وإنت طيب وكل اسرتك بخير ياخ وسعيدين بى طلتك
شول اشوانق دينق ________________________ عظماء الجنوب من أمثال شول مونق يا استاذ قير دايرين ليهم بوست إنشالله واحد فينا يفتحو قريب.
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: سلام تاكم يا ناس طلحة مشكور على البوست الجميل دا عن الشاب المهذب شول اشوانق هو فعلا بيستحق الكلام الطيب دا لانو زول طيب ونيتو صافية من كان صغير بس يا مونج (شول) شنو قصة الرشاشة دي يا اخوي ما بتفهمونا يا عالم. قبل اسبوعين يا شول انا كنت في الخرطوم بس ما لقيت تلفونك ونسيت يوم داك ما شيلتو منك المرة الجاية ان شاء الله نلاقيك.
تحياتي للكل
دمبيك |
الخال دومبيك شخصياً ... الهلال هلا معقولة يا خال تجى الخرطوم وما نلقاك ... مبالغة ياخ... طيب التلفون ما عندك طيب الإيميل ده مالو ياخ بعدين إنتو شنو يا خال مستخسرين فينى اكون هلالابى مالكم... الهلال مدرسة وفن وكورة وأى شئ إنتو بس اعلنوا الإنضمام وخلوا الباقى علينا يا خال ياخ زول فاهم زيك كده المفروض يكون هلالابى بالجد ... يا خسارة طلعت مريخابى
تيت تيت ... هلالنا حديد
بعدين . . . . انا . . . اكون . . . مريخابى؟
لا
شول اشوانق دينق
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
طلــــوح اللذيذ
Quote: تعال يا ابو الخلد مكمل المسكنة ورينا دلالة الحوار المصور دا شنو |
أسأل شيبا ..
أسه عليكـ الله موسي الزومة ده قاعدين تتفاهمو معاهو بياتو لغة؟؟
أمشو ياخ كلكم قادين ترجمة ..
طلــوح و شول و دومبيك و بقية الشباب الحلوين في البوست .. صباحاتكم أبيض و أزرق
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: الصديق العزيز شول أشوانق لك التحية.. أنقطع الوصل بيننا والرائعين فى المنبر والسبب هو Password.. الذى منعنى من الدخول اليكم بعد أسبوع واحد من حصولى على عضوية المنبر ده حظ النوبة كده..نتمنى من صاحب البيت الكبير بكرى معالجة الأمر وله ولكم التحية مع خالص شكرى..قمر دلمان |
الصديق قمر دلمان كل سنة وإنت طيب ياخ وإنشالله السنة الجاية حظك وحظ النوبة كلهم وكل السودانيين يتغير للاحسن والله ... نتمنى ذلك بكل صدق. بصراحة ما كنا عارفين الكلام الحصل ليك بخصوص الباسويرد ونرجو من الأخ بكرى معالجة الأمر.
Quote: دمبيك وياي جوزيف شرفتما البوست يا شباب |
الزول الكتب بإسم ياى جوزيف ده الصديق الصحفى باجراس الحرية قمر دلمان ياخ... إنت نسيت نضارتك وين
يا خالد ووهبة الحقوا الزول ده يا ناس الله
كن بخير يا طلحة ود عبدالله
شول اشوانق دينق
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
طلحة عبدالله ... تحياتي ايها الرائع ... رغم انك مريخابي والله منذ حين كنت عاوز اتداخل معاك لكن بما انك جبت سيرة الزول الرائع لدرجة المبالغة ده كان لابد من المشاركة
اتابع كل مايكتب ويصيبني بالدهشة فهو رجل معافي من كل مرض
فالتحية لك ياطلحة على هذا البوست الجميل
والتحية لك اخي شول اشوانق دينق، واتمنى نتعارف اكثر
----------------------- خاصة انو بجمعنا حب القبيلة الزرقاء
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
جلال عثمان تحية طيبة وكل عام وانت بخير وعافية والأمورة في البروفايل والأهل وجميع أحبابك القابلة ربنا يحقق امانيك شكرا علي المرور الأنيق يا انيق Quote: والتحية لك اخي شول اشوانق دينق، واتمنى نتعارف اكثر خاصة انو بجمعنا حب القبيلة الزرقاء
|
إتلم المكسين علي المعدم الفقير في حب خرابة ينعق فيها البوم ..
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
سلام للزعيم طلحة ولجميع المتداخلين شكراً أخى جلال عثمان على الود والتقدير واكيد سنتعارف اكثر يا اخى طالما جمعنا حب الهلال العظيم ومن قبله الوطن. كن بخير إنت وأسرتك وكل عام وإنت والأهل بالف خير
شول اشوانق دينق _______________________________ ابو الخلد ... ما اوصيك بالله ...اديلو واحد تانى
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
إتلم المكسين علي المعدم الفقير في حب خرابة ينعق فيها البوم ..
وطيب ياطلحة ما يهو ده ذاتو النضال انت قايل ثورة الهامش والمهمشين ده شنو ياخ، شكرا يازعيم على الترحيب
سؤال برئ : الليلة كيف؟؟
شكراً أخى جلال عثمان على الود والتقدير واكيد سنتعارف اكثر يا اخى طالما جمعنا حب الهلال العظيم ومن قبله الوطن. كن بخير إنت وأسرتك وكل عام وإنت والأهل بالف خير
شكرا ليك انت ياشول....... تعرف اكثر ما لفت نظري في جميع الاراء التى تطرحها شيئين المبدئية ... والعقلانية دم على ذلك اخي
ولكم مودتي جميعاً
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
حتى اعود بعد نهاية مباراة الزعيم المريخي والوحدات الأردني ..
شايفكم يا طلحة ضاربين الجماعة 3-صفر البركة فى السعودى اللاعب القدير البارع جداً ياخ
شول اشوانق دينق __________________________ مرات السعودى بيعمل حاجات كده عجيبة "على ذمة محمد عادل"
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: إنتقل من السفح للقمة .. |
طلحة يسفحك الجقس اليخلي كرعينك سواسيو انا مراقب البوست دا كويس من ما فتحتو وداير تستفرد بشول دا انا عارفك في النهاية بتطلب منو طلب غريب ولبت ساكت عشان اشوفك داير من الزول دا شنو فاتح ليهو بوست وشابكو مش عارف قريت مع منو وشنو وشنو
ايوااااا اظهر على حقيقتك شول ابقى مارق من هنا وتاني كدي النشوفك حايم في البوست دا امرق تعال بهناك انا بفتح ليك بوست جديد احسن من دا
قال شنو من السفح للقمة ههههههههههههههههههههههههههههههههايا
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
سلالالام تاكم جميعا انا جيت تاااااني
Quote: بعدين لو ما عايز تستفيد من منحة الاخت هبة خلينا نستفيد لكن يا هبة انا ما داير اعرف الاقتباس كيف داير اعرف الحاجات قي ضحكوا دي انا بشيل همن كيف عشان كتو في كلام تاي وما تخافي الحساب مع شول |
سلام تاك خال تا شول انا بوريي لي اتا بس اتا ضروري كلمو شول دا يغير رأي تاو في مريخ تا إنا العظيم دي ، عندك في يمين صفحة الرد بتلاقي (Smilies library) كليك عليها بعد ان تضع المؤشر بتاعك في المكان العاوز تنزل فيه الابتسامة المعينة،بتفتح معاك صفحة صغيرة كدا جانبية علي يسار الشاشة تختار منها الابتسامة الانتا عاوزها، جرب و وريناالشرح المبسط دا نفع ولا لا .. بس ما تنسوو اتفاق تانا .
Quote: شول ابقى مارق من هنا وتاني كدي النشوفك حايم في البوست دا امرق تعال بهناك انا بفتح ليك بوست جديد احسن من دا |
انا مش قلت ليك يا طلحة من الاول خارج لينا الرشاشات ديل من البوست هسة لو سمعتا كلامي و عملنا للبوست دا مفتاح نديهو للصفوة بس كان قدرنا علي شول دا ببساطة لكن ما مشكلة خليهم اصلو أي نجاح في الدنيا دي مستهدف و كونه تكون مريخابي دا أعظم نجاح لذا توقع المزيد من الاستهداف. يا وهبة إزيك ياخ والله انا من فترة بفتش لي سبب عشان اتداخل معاك ، دايما بوستاتك لذيذة و ضيوفك ناس حلوين ، بس عليك النبي لو جيتك في بوست ما تشبكني الهلال و المريخ عشان ما نتشاكل باقي انا المريخ دا مااااا برضي فيه كلمة .. بعدين يا وهبة ياخ انت شكلك زول كويس البوديك الزريبة شنو ؟ أقعدوا عافية جميعا و سلام كتير لصاحب البوست و المحتفي به
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: heba Elmahi)
|
Quote: يا وهبة إزيك ياخ والله انا من فترة بفتش لي سبب عشان اتداخل معاك ، دايما بوستاتك لذيذة و ضيوفك ناس حلوين ، بس عليك النبي لو جيتك في بوست ما تشبكني الهلال و المريخ عشان ما نتشاكل باقي انا المريخ دا مااااا برضي فيه كلمة .. |
ياهبة ياخي انا الناس المابدوروني وعارفهم ما بدوروني بتحكحك فيهم وبريدهم خلي الزول البجي كايسني يا ستي الف مرحب بيك وانا سعيد جدا والله بمعرفتك
Quote: بعدين يا وهبة ياخ انت شكلك زول كويس البوديك الزريبة شنو ؟ أقعدوا عافية جميعا و سلام كتير لصاحب البوست و المحتفي به |
الزريبة دي هي العملت المريخ وما قامت ليكم قايمة الا من مشاطيب الزريبة ومدد يالبرعي مدد مدد
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: heba Elmahi)
|
Quote: عندك في يمين صفحة الرد بتلاقي (Smilies library) |
اخت تاي هبة انا اشكر اتا خالص خالص عشان اتا وري لانا نقلو حاجات قي ضحكوا دي انا ما شوفو كلام فوق دي زمان شكر تاي لاتا
بعدين يا شول اسمع هنا دا هبة قالت ليك ابعد من المريخ يعني تبعد والا انت براااك عارف الخال ممكن يسوي شنو في ود اختو لو زعل منو وكمان ما تنسى تحاسب هبة
يومكم سعيد
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: شول اشوانق دينق احسن ليك تقلب سافلها عاليها أي : أقلب من الفريق المهلهل للزعيم المريخي بمعني: إنتقل من السفح للقمة .. |
قاليك طلحة فى لحظة فرح إسفيرى
وهبة وجلال ... ما تخافوا على تب من المريخابى ده
شول اشوانق دينق ______________________________ مبروك برضو يا طلحة ..3-1 ده نتيجة مشرفة والله
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
طلحة عبد الله كيف حالك انا داخل اسلم على العب الاسمو شول اشوانق ومارق فقط تحذير: ما اسمع زول شليق يجى يقول صديق الموج عنصرى. مفهوم!!!!
صديق الموج يا عمك ... كل سنة وإنت طيب. وشنو يا اخوى عامل فيهو تقلية كده يعنى... العيد الجاب الناس ما جابك يعنى؟
ارقد عافية وإنبسط من الفوز على الوحدات الأردنى وارجى منى تلفون يا عجوز
شول اشوانق دينق
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: صديق الموج يا عمك ... كل سنة وإنت طيب. وشنو يا اخوى عامل فيهو تقلية كده يعنى... العيد الجاب الناس ما جابك يعنى؟
ارقد عافية وإنبسط من الفوز على الوحدات الأردنى وارجى منى تلفون يا عجوز
شول اشوانق كيفك يازول يا سمح انا اتاخرت عشان اهنيك بكل الاعياد ما عدا عيد الانقاذ ميرى كريسماس وهبى نيو اير وهلمجر شكرا المباركة وعقبال نعزيكم بكرة مع وفاق سطيف،،،
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: ما تخدعك المظاهر ياهبة |
هي المظاهر زاااتها طلعت مزورة يا طلحة يا أخوي والشكل القلنا كويس أتاريهو شكل أخونا حسين مكاوي وصحبك قااااشر بي صورته حكمة والله و حكاية ..!
ياشول انت أختفيت ووووين ياخ ؟ سمعتا كلام الخال دا ولا لا !!
مرفق تحياتي و ودي للجميع,,,
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
الزعيم ود الموج Quote: انا داخل اسلم على العب الاسمو شول اشوانق ومارق فقط |
Quote: فيما تكتب مداخلتك اعلاه ولو ما اخاف من الكضب أقول ليك الجميل شول دا قاعد جمبك لزم .. دا لو ما كتب الكلام الفوق دا هو . |
الغريبة يا ود الموج كتبت ليك الرد دا أمس وقبل شول ما يجيء يرد عليك لكن ما عارف ما نزل لشنو ..؟ كل التقدير والإحترام لكما معا.
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: شكرا المباركة وعقبال نعزيكم بكرة مع وفاق سطيف،،، |
الفقر الإسمو صديق الموج ده التقول كجَرا!!! ياخ 2-1 ولوفاق سطيف ... حزينة والله وما بنستاهل ده كلو!!!! ماذا يجرى لأمة الهلال؟! لم الهزائم تتوالى تباعاً؟!
شول اشوانق دينق _________________________ صلاح إدريس ده هو سبب الفقر الحاصل ده كلو
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: الفقر الإسمو صديق الموج ده التقول كجَرا!!! ياخ 2-1 ولوفاق سطيف ... حزينة والله وما بنستاهل ده كلو!!!! ماذا يجرى لأمة الهلال؟! لم الهزائم تتوالى تباعاً؟!
شول اشوانق دينق _________________________ |
شول يا ود القبائل سلامات مش لو كجور قال مطر بنزل فى مكان ده مطر على طول بنزل؟ طيب انا امبارح كلمت الكجور وقال الهلال مغلوب الجاتكم فى هلالكم سامحتكم،،،
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
Quote: شول يا ود القبائل سلامات مش لو كجور قال مطر بنزل فى مكان ده مطر على طول بنزل؟ طيب انا امبارح كلمت الكجور وقال الهلال مغلوب الجاتكم فى هلالكم سامحتكم،،، |
ياخ سامحتنا ... ده ادتنا كف عديل
. . . الله فى!
شول اشوانق دينق ____________________ يعنى مؤنثة؟... قاصد هبة ولَ شنو؟ ... واوعك تقول ... شنو ... لانها قديمة
| |
|
|
|
|
|
|
Re: شول اشوانق دينق .. تعال بي جاي يا خوي .. (Re: طلحة عبدالله)
|
سلامات يا جلة انت طالب شول اشوانق دينق شكر لانك عتلت ليهو البوست الحتل دا .. طبعا انا ما في السودان عشان كدا قطعان الكهرباء دا ما نابني منو ضلام وكمان ما بنتمي لفصيل المساكين المعدمين ودا بخليني دائما في حالة معنوية قمة كما المريخ القمة الكلام الناس العايشين موسم حداد ديلاك يا عيني عليهم . وانت عامل أيه دلوقت يا أبو الجل ..؟؟
| |
|
|
|
|
|
|
| |