Many times ago, I tried to say a word about Shoal, however, I couldn't find a descriptive word/ phrase that tells about him, and even now, I have not been able to come up with one.. Shoal, I just wish that to be a friend of yours.. ___ Thanks Nado
01-22-2009, 06:48 AM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
ندوية يا حبيبة ... لك خالص ودي و عذرا" لاني إتاخرت عليك و في بوست نخلات بلادي لكن وعدا" برجع ليك باذن الله . شول صديقي إنسان كله ذوق و قلبه كبير يسع الجميع و يتعامل معهم بصدق و إنسانية مدهشة .. لكن علي فكرة ما شول براهو أغلب أبناء جنوب بلادي الذين أعرفهم لهم نفس ملامح شول و إنسانيته ، يحبون الناس و الناس تحبهم بدون شروط و بدون حدود . نماذج كتيرة منهم أتشرف بمعرفتهم و صداقتهم ، لذا عندما اقابل بعض ابناء الجنوب من ذوي حالات التعصب القبلي و العنصرية داااايما أعتبرهم حالات شاذة و شترة و لا يمثلون الاغلبية .
شول صديقي تحيات كتارات و هنئيا" لك حب الناس جزاء" لصدقك و حسن تعاملك مع الجميع . وبالله ما تنسي وعدك لي بخصوص ترتيب البرامج لما ربنا يهون و يجيبنا للسودان الحبيب بأذنه تعالي .
مــرفــق ودي
01-22-2009, 06:47 AM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
قالوا في المثل الجعلي لمن يدور يتفلهم بيجيب الإساءة لي أهلو !!
Quote: Many times ago, I tried to say a word about Shoal, however, I couldn't find a descriptive word/ phrase that tells about him, and even now, I have not been able to come up with one.. Shoal, I just wish that to be a friend of yours.. ___ Thanks Nado
هسي مالك داير تجيب لينا الإساءة ياخ !!!!
01-22-2009, 00:43 AM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
إنت إتخارج من وضاحة البتسكل وتمسكل بيهناك ديك ، لو لي أنا، أكتر حاجة بقولوها الود خِرِب.. المداخلة الفوق دي كتبتها من المكتب، ماعندي أدوات عربي، وقلت سريع سريع النجدع لينا حاجة في الصاج المولع ده، وبيني وبينك شول يستاهل، من الصاج ولي خشمو، أي والله طالما جات سيرتو، أخوك مبسوط منو شديد؛ وتعال هنا، إنت سقيتو شنو في الكريسماس؟؟؟ والله إنت عطشان لي رقبتك وما بتروى، حتى أكان غطوك بي هِدِم مرشرش بي عرقي ، ودفقو ليك الباقي قدام سريرك، زي موية الوضوء.. ___ كدي لمان أجي، وما تعزمني كان راجل، عشان يا معفن أوريك شيل الحال الجد جد..
Quote: إنت إتخارج من وضاحة البتسكل وتمسكل بيهناك ديك ، لو لي أنا، أكتر حاجة بقولوها الود خِرِب.. المداخلة الفوق دي كتبتها من المكتب، ماعندي أدوات عربي، وقلت سريع سريع النجدع لينا حاجة في الصاج المولع ده، وبيني وبينك شول يستاهل، من الصاج ولي خشمو، أي والله طالما جات سيرتو، أخوك مبسوط منو شديد؛ وتعال هنا، إنت سقيتو شنو في الكريسماس؟؟؟ والله إنت عطشان لي رقبتك وما بتروى، حتى أكان غطوك بي هِدِم مرشرش بي عرقي ، ودفقو ليك الباقي قدام سريرك، زي موية الوضوء.. ___ كدي لمان أجي، وما تعزمني كان راجل، عشان يا معفن أوريك شيل الحال الجد جد..
والله يا ياسر إنت وناذر ... تلقو الواحد متغطى بى بطانية من البرد تشيلوا البطانية وتخلوا مكشوف (وش زول مفضوح)
خليك من ناذر .. إنت بس تعال خت الشنطة فى البيت وبعدداك ناس بيتكم ذاتم ما يلموا فيك إلا وكت تكون راجع خلاس وإجازتك إنتهت ... وبس.
Quote: ذلك الفتى الطيب من جنوب بلادنا الحبيبة .. يجعلك تتمنى أن لا يأتي يوم يكون الجنوب فيه دولة جوار قريب !! بل أن يظل جنوبنا (جزء) من ( كل) الاتجاهات الاربعة لسودان أحببناه كما هو شرق وغرب وجنوب وشمال !
مزيعتنا الرائعه/ناديه عثمان تحياتى .......دى إسمها تقرير المصير ولا شنو ..!! كل الود محمد كابيلا
01-22-2009, 07:48 AM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
Quote: Quote: ذلك الفتى الطيب من جنوب بلادنا الحبيبة .. يجعلك تتمنى أن لا يأتي يوم يكون الجنوب فيه دولة جوار قريب !! بل أن يظل جنوبنا (جزء) من ( كل) الاتجاهات الاربعة لسودان أحببناه كما هو شرق وغرب وجنوب وشمال !
مزيعتنا الرائعه/ناديه عثمان تحياتى .......دى إسمها تقرير المصير ولا شنو ..!! كل الود محمد كابيلا
محمد كابيلا ... قلتا لى تقرير مصير
طيييييييب اسمع ده وورينا وصلت وين
كن بخير
شول اشوانق دينق
01-22-2009, 07:07 AM
willeim andrea
willeim andrea
تاريخ التسجيل: 05-01-2002
مجموع المشاركات: 3813
.. . بالله عندك بوست لمن لحق الصفحة التانية والله ماشاء الله ..تستاهل يا شوول .. قالو الشكرو قدامو نبذو لكن بالجد .. انت سودانى اصيل ..
والله يا شول من مواقفكم المخفية وما ساهلها لا زلت اذكر لمن اتحركنا من المحل دااااك الساعة 4 صباحا والعربية الوحيدة الكانت ماشه فى خط مستقيم قائدة الركب وانت باتصالات للاطمئنان ان الرهط وصل سليم معافى بدون مشاكل ..
بس عليك الله نادية دى لمن تجى تتصور معاك ما تنسي تجيب الكرسي
___________
آسيا مدنى زعلانه قالت خذلتوها ما جيتو شاركتوها زى ما شاركتكم فى وسط البحر .. ليه كدا ؟؟
01-22-2009, 07:35 AM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
Quote: .. . بالله عندك بوست لمن لحق الصفحة التانية والله ماشاء الله ..تستاهل يا شوول .. قالو الشكرو قدامو نبذو لكن بالجد .. انت سودانى اصيل ..
والله يا شول من مواقفكم المخفية وما ساهلها لا زلت اذكر لمن اتحركنا من المحل دااااك الساعة 4 صباحا والعربية الوحيدة الكانت ماشه فى خط مستقيم قائدة الركب وانت باتصالات للاطمئنان ان الرهط وصل سليم معافى بدون مشاكل ..
بس عليك الله نادية دى لمن تجى تتصور معاك ما تنسي تجيب الكرسي
بالله يا تبلدينا شفته نادية دى عملت فينى شنو؟ جايب ليها صورة معلقة هنا (حلق) والجماعة يشيلوا ويجدعوا فى الكلام ... حالتى سعب شديد والله وانا انقل من اليوتيوب واكب هنا وارجع تانى (جاء النمل واخذ الحبة وخرج) اها هسى بقينا فى الزرزرة والتلفت وما عارفين نطلع من الورطة التاريخية دى كيف (وش متاوق) جيتك ده خلاس نقول شول إنتهى وما فضل ليهو حاجة تانية يستروا (ههههههههه)
تعال نتذكر كردفان واهلنا البيتشاكلوا براهم لغاية يوم الليلة والناس كلهم فى تطور وتنمية ورقى وتحضر وكل الكلام الكبار كبار داك الما قسمو لى أهلنا. الله يخلى الأهل كلهم ويفضلوا عايشين فى أمان (يحاولوا بشتى الطرق الممكن توديهم لى كده ياخ)
تعال نتذكر كردفان يا تبلدينا
شول اشوانق دينق _______________________ الفنانة آسيا مدنى لها العتبى حتى ترضى وفعلاً المفروض أجى إلا كل الناس حاكماها ظروف هى ما جاية الرحلة؟!
نادية عثمان ااااااه انا منك يا نادية (لو كنتى جمبى كان جضمتك بالجد) تعالى امسكى بوستيك ده انا ماشى خلاس ياخ تعبت من نقل الفيديو من اليوتيوب (ههههههههه)
الغنى الفوق ده هدية ليكى يا نادية
شول اشوانق دينق ____________________ ما تقولى دايرة اللايركس كمان (هههههه)
يازول تمسك بوستيك عليك وأنا بجي أقرأ حب الناس ليك وأفرح جدا لأنك ياصديقي تستاهل جدا فبالله ماتعمل لي فيها محرج وحاجات وشيل اليوتيوب كلو وجيبو هدايا للناس الحلوة الجات هنا دي ولو كمان تعبت من اليوتيوب ممكن تجيب ورد وشاي بلبن ولقيمات سمح ؟ ( وش فخور بيك شديد )
هالة حسن
باقي الصور ياخ شايفة معتصم مجقلب قال ماجبتي صورتو ( وش مخستك) !
ندو حبيبة مشتااقين احنا والله كتير كتير كمان عارفه اجمل حاجة فى شول ده انو بيتعامل بطبعتو انسان متوازن مع نفسو تعاملو مع الجميع هنا بيكشف عن دواخل جميلة رقيقة احب انا كتير الطريقة البيخاطب بيها اخواته من الجنسين فى المنبر دائما بلقاه فى الخير والكره مع الجميع حبوب حبوب جد رجع لينا احساس انو الانسان السودانى بخير و السودان بخير وخير كتير كمان والله شول اخوى جد انت انسان مفرح شديد ومعرفتك تسر البال والخاطر ربنا يحفظك ويسلمك من كل شر يارب وانشالله بقابلك قريب ندو حبيبه خليكى كده دايما تجيبى الجمال مكل ماتكونى تسلمى حبيبه كتير يارب من كل شر ...
01-22-2009, 10:25 AM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
تعرف يا وليم إسمك ده بيذكرنى واحد صاحب بنفس الإسم كان هاجر لبنان ورجع وتانى سافر القاهرة وهسى ما عارفو وين بالضبط. إسم وليم أندريه ولقبه (تيله بوث). كنت معاهو وصحبه تورو بوث (إمانويل بيتر قاركواث) فى الليلة السافر فيهو القاهرة.
شول اشوانق دينق
01-22-2009, 10:47 AM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
Quote: عز الدين بيلو إسم احترمه جداً لانه لا يتكلم بغير موضوعية ولا يشتم الجاى والماشى بدون سبب مهما كان الإختلاف. ده الإنطباع الأخدتو عنك يا صاحب وبالجد اتمنى القاك فى الدنيا ام قدود دى والله (وش كلو جدية) عزو ... ياخ إنت بتدينى أمل إنو البلد ده فيهو ناس حقانيين ... حتى ولو الحق ده خصماً عليك وعلى إتجاهك البتمثلو. دى براها بالدنيا والله .. لا زيادة لا شئ وخليك قريب يا صاحب:
التحية للاستاذة/ نادية وللمحتفى به شول اشوانق وبعدين تعال هنا يا ولد(شول) كيف تقول تعبت من نقل الاغاني من اليوتيوب الكلام القالو الناس في حقك ده مفروض يخليك تساهر على البوست ده على مدار الساعة موش تجي تقول لنادية انا تعبت وما عارف ايه ههههههههههه بعدين الحاصل شنو في البوست داك لسع ما مشيت عليهو اول ما استردت الباسورد جيت داخل توووووووووش هنا طوالي لكم كل الود
Quote: وبعدين تعال هنا يا ولد(شول) كيف تقول تعبت من نقل الاغاني من اليوتيوب الكلام القالو الناس في حقك ده مفروض يخليك تساهر على البوست ده على مدار الساعة موش تجي تقول لنادية انا تعبت وما عارف ايه
موش كده بالله ؟
شفت شول لقى الناس بتحبو شديد قام يتدلع كيف ؟
ذكرني الاغنية البتقول :
قام يتعزز الليمون
عشان بالغنا في ريدو
( وش ميت من الضحك وبحترمكم شديد )
01-23-2009, 05:55 PM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
Quote: التحية للاستاذة/ نادية وللمحتفى به شول اشوانق وبعدين تعال هنا يا ولد(شول) كيف تقول تعبت من نقل الاغاني من اليوتيوب الكلام القالو الناس في حقك ده مفروض يخليك تساهر على البوست ده على مدار الساعة موش تجي تقول لنادية انا تعبت وما عارف ايه ههههههههههه بعدين الحاصل شنو في البوست داك لسع ما مشيت عليهو اول ما استردت الباسورد جيت داخل توووووووووش هنا طوالي لكم كل الود
الخال دومبيك شخصياً يا الف مرحب وتعال عندى ليك واحدة كاربة من اليوتيوب
ود أختك/ شول اشوانق دينق
01-23-2009, 05:43 PM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
يا خال فاطنة إنت المية مية والله (حسب شرح كيكى للعلامة) ونادية دى طلعت زولة عجيبة خلااااااااااااس والله (وش ممرمط فى واطة الله دى) الف مرحب يا صديق وإنشالله هديتك يعجبك يا صديق. بس طالما إنت خال عندى ليك هدية خاصة جداً شوفو معاك تحت
تسلم لى يا خال فاطمة
شول اشوانق دينق
01-23-2009, 06:58 PM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
Quote: شول ده ود أصول فعلا.. لانه بيحترم الناس وبيقدرهم.. ويحب المشاركات الاجتماعيه وكريم في تعامله.. ولانه واعي في حديثه ويعرف ما يقول ..
وكمان حافظ أغاني كتيره وغناااااااي برجع ليك يا ندويه وشول ببعض صور..
معقولة يا منى يا اختى معلقة المداخلة بتاعتك ده لغاية ما قدرتا أشوفها!!!. بعدين يا منى ... القاليك منو انا بعرف بغنى ياخ ... حتى اسالى ناذر الخليفة كان انا كضاب (ههههههه) غنا شنو يا منى البعرفها ... داير الجماعة يسمونى هناق ولّ شنو (وش طربان شديد)
اها ... نسيت اجيب ليكى هديتك ... اوكى تعالى بى جاى (إنت بتستاهلى اكتر من هدية با منى والله)
(1)
(2)
(3)
واخيراً:
شول اشوانق دينق Notes: 1- لازم تسمعى الأغانى ديل واحد واحدعشان خاطرى (كل اغنية فيها رسالة ليكى) 2- جد جد بريدك وبحترمك لانك بتستحقى اكتر من كده والله 3- وينها الصورة ديييييييك ياخ (وش مبسوط ومرتاح للدين)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة