الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور)

Quote: تحت المواد 153/152 من القانون الجنائي ..تقديم الموقوفين في حفل عرض الأزياء لمحاكم النظام العام اليوم.. كشفت مصادر شرطية بأن مدير شرطة النظام العام العميد أبو بكر عبد الرازق بعد مقابلته أمس عدداً من الموقوفين في حفل عرض الأزياء المشترك «للرجال والنساء»، أصدر أوامر بتدوين بلاغ في مواجهتهم تحت المواد 153/152 من القانون الجنائي، المتعلقة المتعلقة بالزي الفاضح، والعروض الفاضحة. وأكدت ذات المصادر ، احالة البلاغ للنيابة لتحقيق معهم، وتوقعت احالة المتهمين اليوم لمحكمة النظام العام بالسجانة لمحاكمتهم. الخرطوم/ سلمى آدم: الصحافة

Quote: ______________ في زول رسل لي في البريد...قال صورة بت خالتو حايمة وسط الصور دي....

Quote: الاخ انور السلام عليكم آسفة علي اقتحام ايميلك من غير اذن او سابق معرفة ....... بس انا قارئة متابعة سودانيز اون لاين ومن خلال المتابعة دي قريت ضمن صفحات البورد بوست الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) بغض النظر عن رأي في الموضوع الا ان تعليقات البعض التي انصرفت للتغزل في السيدات العارضات كان مستفز جدا ... هل نسوا ام تناسوا ان لهذة السيدة كرامة وانسانية وآدمية قد تجعلها لا تقبل ان تُعامل كانها سلعة معروضة في سوق يحق لكل مار عليها ان يدلي بوصف فيها... ولهذة السيدة اهل وزوج وابناء قد تستفزهم الإيحآات الرخيصة التي يستعملها البعض .. يأخي الكريم كتاب سودانيز اون لاين مفترض انهم من المثقفين السودانين ويأتي هذا السلوك منهم ... ماذا نتوقع من الآخرين. أسفة مرة اخري علي اقتحام ايميلك .. فقط هي وجهة نظر استفزتني جدا وتمنيت ايصالها بأي طريقة وقد كان ايميلك موجود في النت. شكرا جميلة ابراهيم السيد Gamiela Elsied London, On Canada

(عدل بواسطة AnwarKing on 06-29-2010, 00:48 AM)
(عدل بواسطة AnwarKing on 06-29-2010, 00:49 AM)

دقيـت اليميـن انـو القمـر إتدلى
في نص النهار سارح يحوم في الحله
غيمت السما وشـرقت نجـوم تتجلى
وانبهرت عيون عاجـباها خـلقة الله

سبحان الخلق سواها واحده فريدا
وخلى الليل يجي وينزل ينوم فوق إيدا
والنجم انتظم عقداً جميل فوق جيدا
زي طفلاً وديع من نظرة بس بتريدا
في الذوق والجمال ما شفت اصلي نديدا

---

تخريمة:
خليكم عارفين أى زول(راجل) ظهر فى التلفزيون هو بالضرورة تعرض لعملية مكياج زى الفى صور....أى زول بما فى ذلك ناس (فرعون) و(هامان) وعملهم!

(عدل بواسطة mekki on 06-29-2010, 06:41 AM)

Quote: بغض النظر عن رأي في الموضوع الا ان تعليقات البعض التي انصرفت للتغزل في السيدات العارضات كان مستفز جدا ... هل نسوا ام تناسوا ان لهذة السيدة كرامة وانسانية وآدمية قد تجعلها لا تقبل ان تُعامل كانها سلعة معروضة في سوق يحق لكل مار عليها ان يدلي بوصف فيها... ولهذة السيدة اهل وزوج وابناء قد تستفزهم الإيحآات الرخيصة التي يستعملها البعض .

Quote: محاوله للحاق (بالجوطه) وتوضيح.. شايف الناس بتقول (الكلام ده عاجبكم... وخلوا اولادكم يلحقوهم وبناتكم ماعارف شنو..) انا مثلا (ولاني تربية قري) ممكن الصور (تطمم بطني).. ودي حاجه (بتخصني انا ومكونات نشئتي) لكن ده مابيديني الحق (احكم عليهم/ن) او ما اتضامن معاهم/ن (الموضوع القاء القبض بسبب حفله عرض ازياء).. تاني حاجه الموضوع الاساسي (عرض ازياء) والكواليس منطقه خاصه (ذي الحمام) مامفروض يطلع علي احداثها شخص من خارجها.. تالت حاجه الاعتراض الوحيد (لدي شخصيا) هو (التواطؤ علي القاء القبض عليهيم/ن بسبب عرض ازياء لانهم في نظرنا ماشادين حيلم ببساطه ... اي زول جهاز الامن يقبضوا هو في نظر الجهاز عميل ويقوم بافعال دخيله علي المجتمع لمن وجهة نظرنا نحن تستوجب الاعتقال يبقي وجهة نظر الجهاز احق مننا لانه (لا)قانون هنا مجرد وجهات نظر شخصيه.. ولو كان البوست موضع النقاش يناقش في الظواهر الشاذه في المجتمع كان قلنا الف كلمه وكلمه مختلفه.. لكن لا لاعتقال اي شخص بدون ضوابط قانونيه لو بقا الشخص ده شاذ جنسيا او امام مسجد.. بس .. دي نجيضتي..