الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور)

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 14-11-2018, 04:34 AM الصفحة الرئيسية

مدخل أرشيف الربع الثاني للعام 2010م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
27-06-2010, 08:14 AM

بدر الدين الأمير
<aبدر الدين الأمير
تاريخ التسجيل: 28-09-2005
مجموع المشاركات: 14617

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فايزودالقاضي)

    Quote: لوووووووووول بالله الكحل طلع سنه؟؟

    زينب الفحل
    ياخى اصحى للون نميرى كان عارف ان الكحل سنة
    واصل على لكن المحن عندك
                   |Articles |News |مقالات |بيانات

27-06-2010, 08:30 AM

حافظ كنجال
<aحافظ كنجال
تاريخ التسجيل: 02-10-2009
مجموع المشاركات: 510

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: بدر الدين الأمير)



    نرجع لحق محور البوست
    هسه افتونا يا ناس الله
    الوردة ده الشرطة دقتو ولا فكتو

    وكيف الشرطة تعتقل فنان مبدع زي ده من غير وجه حق

    يا بوليس تعال وضح لينا ...



    *مصطلح الوردة تعبير للجمال ليس الا...
                   |Articles |News |مقالات |بيانات

27-06-2010, 09:09 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30786

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: حافظ كنجال)

    صلاح نادر يخربني كان فهمتك داير تقول شنو؟

    عبد الناصر الخطيب ... نصير الشعوب و الناس الإتفهموا غلط
    طيب حدود الموضوع المفروض النقد يقيف عندها هنا شنو؟
    يتخيّل لي الموضوع لو نزل بدون الصور كان حيدور كلّو عن الإعتقال و حكاية تصريح السهر و مقارنة العرض دا بعرض الأزياء التاني التم بحضور زوجة الرئيس وكدا
    لكن ما دام جات صور وفيها مناظر ما بتعجب من حق اي شخص يعلّق عليها بل و يستنكرها كمان
    طبعا دا ما مبرر للإساءات و الإفتراءات وغيرو
    لكن بكج الحرية بدي حق النقد و الإمتعاض حتى للتصرفات الشخصية للآخرين بما فيها اللبس و المكياج
    و نفس البكج بدي المتمكيجين ديل الحق لمّا يسمعوا النقد يردّوا عليه أو يدّوه الطرشة

    يعني لا يستقيم إرهاب الناس الماعاجبهم الحال بحجج الحرية و التقدمية و مش عارف إيه و تسفيه آرائهم
    لكن تاني بكرّر إبداء الرأي و النقد لا يعني الإساءة و الإفتراء




    عاد دا كلام دا
                   |Articles |News |مقالات |بيانات

27-06-2010, 09:15 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: محمد البشرى الخضر)



    المشكلة الجماعة ديل كلهم جادين

    ومصرصرين من شدة الشغل وضغط الزمن

    ..
                   |Articles |News |مقالات |بيانات

28-06-2010, 08:39 AM

قلقو
<aقلقو
تاريخ التسجيل: 13-05-2003
مجموع المشاركات: 4285

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: محمد البشرى الخضر)

    Quote: جدد الرئيس السودانى عمر البشير اليوم السبت عدم تراجع حكومته عن تطبيق الشريعة الإسلامية ، موكدا تمسك بلاده بالشريعة الإسلامية التى جاءت من أجلها الحكومة.

    وقال البشير فى لقاء جماهير لرجالات الدين الإسلامى فى السودان اليوم إن الحكومة لن تتراجع ولن تتخلى عن المشروع الإسلامى الذى جاءت حكومة الإنقاذ من أجله.

    وشن الرئيس السودانى هجوما عنيفا على دعاة العلمانية فى السودان واصفا برامجهم بغير المقبولة فى السودان ..

    وقال إن حزب /المؤتمر/ لن يلتفت إلى من لا يريدون الشريعة الإسلامية فى إشارة واضحة إلى الحركة الشعبية الشريك الثانى فى حكم السودان والتى تريد أن تكون منظومة الحكم فى البلاد علمانية.

    وكانت قيادات من الجنوب السودانى قد حذرت من أن إصرار المؤتمر الوطنى الشريك الرئيسى للحكم بالسودان سيعجل بانفصال الجنوب السودانى عن شماله فى الاستفتاء المقرر له العام القادم.

    والله نحن ناس شغالين بالفارغة والمقدودة..
    شايف كل المتداخلين مركزين على موضوع عرض الأزياء وده عامل بودرة وداك عامل كحل وديك لابسة احمر وعاملين للموضوع زحمة وهيلمانة فى الفارغ مع انو المسألة مابتستحق كل هذه الضجة..لكن لفت نظرى مداخلة الأخ ودالباوقة اعلاه والتى استفزتنى جدا ولم ينشغل بها المتداخلون كثيرا,وهو حديث عمر البشير عن الشريعة وتطبيق الشريعة ,وانا اسأل سيادته:
    عن ياتو شريعة تتحدث سيادتك ؟
    هل تتحدث عن شريعة الأنقلاب على حكومة ومنتخبة شعبيا؟
    ام عن شريعة تشريد آلاف الأسر بما يسمى الصالح العام وقطع رزقها وعيشهاوتشريد اطفالها؟(بالمناسبة هم يرفعون ايديهم يوميالله سبحانه وتعالى ان يأخذكم اخذ عزيز مقتدر)
    ام شريعة الولوغ فى دماء من كانوا بالأمس رفاقكم فى السلاح والدين؟
    ام شريعة اخذ اموال الناس من بيوتهم ثم اعدامهم شنقا؟
    ام شريعة بيع ممتلكات الدولة التى هى ملك لهذا الشعب بتراب القروش لأركان نظامكم وعشيرتكم؟
    ام شريعة بيوت الأشباح التى عذبتم وقتلتم بغير حق كل معارض او مشكوك فى عدم موالاته لكم؟
    ام شريعة تمكين فئة طفيلية من الأقارب واصحاب الحظوة من الأقتصاد السودانى؟
    ام ياترى شريعة قتل الالأف وتشريد الملايين فى دارفور حتى صارت منظمات الأغاثة الكنسية من تطعمهم وهم فى يوم من الأيام كانوا من مخرجى الزكاة والآن صاروا من متلقييها؟
    ام شريعة انتخابات (الخج والرج) التى لم يسبقكم عليها احد؟

    واخيرا وليس آخرا هل تتحدث عن شريعة تقطيع اوصال البلد وتفريقها شذر مذر وانت عندما قفزت عليها قد قفزت عليها وهى سالمة تامة وتبلغ اتنين مليون كيلومتر مربع..
    تطول الأسئلة ويطول ليل السودان الحالك لكن الله سبحانه وتعالى يمهل ولايهمل وهو القائل فى الحديث القدسى (وعزتى وجلالى لأسلطن عليك الدنيا تركض فيها ركض الوحوش) وهذا ماهو حاصل عليكم الآن انت وحاشيتك وبطانتك.

    فعن ياتو شريعة بالضبط تتحدث (ياريس؟).
                   |Articles |News |مقالات |بيانات

28-06-2010, 08:42 AM

قلقو
<aقلقو
تاريخ التسجيل: 13-05-2003
مجموع المشاركات: 4285

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: محمد البشرى الخضر)

    Quote: جدد الرئيس السودانى عمر البشير اليوم السبت عدم تراجع حكومته عن تطبيق الشريعة الإسلامية ، موكدا تمسك بلاده بالشريعة الإسلامية التى جاءت من أجلها الحكومة.

    وقال البشير فى لقاء جماهير لرجالات الدين الإسلامى فى السودان اليوم إن الحكومة لن تتراجع ولن تتخلى عن المشروع الإسلامى الذى جاءت حكومة الإنقاذ من أجله.

    وشن الرئيس السودانى هجوما عنيفا على دعاة العلمانية فى السودان واصفا برامجهم بغير المقبولة فى السودان ..

    وقال إن حزب /المؤتمر/ لن يلتفت إلى من لا يريدون الشريعة الإسلامية فى إشارة واضحة إلى الحركة الشعبية الشريك الثانى فى حكم السودان والتى تريد أن تكون منظومة الحكم فى البلاد علمانية.

    وكانت قيادات من الجنوب السودانى قد حذرت من أن إصرار المؤتمر الوطنى الشريك الرئيسى للحكم بالسودان سيعجل بانفصال الجنوب السودانى عن شماله فى الاستفتاء المقرر له العام القادم.

    والله نحن ناس شغالين بالفارغة والمقدودة..
    شايف كل المتداخلين مركزين على موضوع عرض الأزياء وده عامل بودرة وداك عامل كحل وديك لابسة احمر وعاملين للموضوع زحمة وهيلمانة فى الفارغ مع انو المسألة مابتستحق كل هذه الضجة..لكن لفت نظرى مداخلة الأخ ودالباوقة اعلاه والتى استفزتنى جدا ولم ينشغل بها المتداخلون كثيرا,وهو حديث عمر البشير عن الشريعة وتطبيق الشريعة ,وانا اسأل سيادته:
    عن ياتو شريعة تتحدث سيادتك ؟
    هل تتحدث عن شريعة الأنقلاب على حكومة ومنتخبة شعبيا؟
    ام عن شريعة تشريد آلاف الأسر بما يسمى الصالح العام وقطع رزقها وعيشهاوتشريد اطفالها؟(بالمناسبة هم يرفعون ايديهم يوميالله سبحانه وتعالى ان يأخذكم اخذ عزيز مقتدر)
    ام شريعة الولوغ فى دماء من كانوا بالأمس رفاقكم فى السلاح والدين؟
    ام شريعة اخذ اموال الناس من بيوتهم ثم اعدامهم شنقا؟
    ام شريعة بيع ممتلكات الدولة التى هى ملك لهذا الشعب بتراب القروش لأركان نظامكم وعشيرتكم؟
    ام شريعة بيوت الأشباح التى عذبتم وقتلتم بغير حق كل معارض او مشكوك فى عدم موالاته لكم؟
    ام شريعة تمكين فئة طفيلية من الأقارب واصحاب الحظوة من الأقتصاد السودانى؟
    ام ياترى شريعة قتل الالأف وتشريد الملايين فى دارفور حتى صارت منظمات الأغاثة الكنسية من تطعمهم وهم فى يوم من الأيام كانوا من مخرجى الزكاة والآن صاروا من متلقييها؟
    ام شريعة انتخابات (الخج والرج) التى لم يسبقكم عليها احد؟

    واخيرا وليس آخرا هل تتحدث عن شريعة تقطيع اوصال البلد وتفريقها شذر مذر وانت عندما قفزت عليها قد قفزت عليها وهى سالمة تامة وتبلغ اتنين مليون كيلومتر مربع..
    تطول الأسئلة ويطول ليل السودان الحالك لكن الله سبحانه وتعالى يمهل ولايهمل وهو القائل فى الحديث القدسى (وعزتى وجلالى لأسلطن عليك الدنيا تركض فيها ركض الوحوش) وهذا ماهو حاصل عليكم الآن انت وحاشيتك وبطانتك.

    فعن ياتو شريعة بالضبط تتحدث (ياريس؟).
                   |Articles |News |مقالات |بيانات

27-06-2010, 09:13 AM

معتصم محمد صالح
<aمعتصم محمد صالح
تاريخ التسجيل: 14-07-2007
مجموع المشاركات: 7293

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: حافظ كنجال)

    ياخ الصور دي قاعدين تجيبوها من وين ؟؟ وكيف

    خصصا الاخيرة دي
                   |Articles |News |مقالات |بيانات

27-06-2010, 09:26 AM

حسبو عكاشة
<aحسبو عكاشة
تاريخ التسجيل: 25-04-2010
مجموع المشاركات: 1305

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: معتصم محمد صالح)

    Sudanfashion9E.jpg Hosting at Sudaneseonline.com

    فعلاً شغل ابداعي و جميل جدا
                   |Articles |News |مقالات |بيانات

27-06-2010, 09:49 AM

سامي صلاح محمد

تاريخ التسجيل: 29-11-2004
مجموع المشاركات: 1734

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: حسبو عكاشة)

    في هذا العمق بالذات يظهر الديمقراطيون الحقيقيون، و في هذا المستوى بالتحديد يسفر الآخرون عن وجوههم

    كم يوجعني جدا هذا البلد بكل تناقضاته
                   |Articles |News |مقالات |بيانات

27-06-2010, 10:37 AM

عبد الناصر الخطيب
<aعبد الناصر الخطيب
تاريخ التسجيل: 25-10-2005
مجموع المشاركات: 5180

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: سامي صلاح محمد)

    محمد البشري خضر أنا أنتقد إذن أنا موجود ( ناقدين بلا حدود )


    كتير التحايا والتقدير

    Quote: طيب حدود الموضوع المفروض النقد يقيف عندها هنا شنو؟


    في اعتقادي البسيط حتنتقد في الموضوع المقدم نفسوا في حدود عرض الازياء ماظن يامحمد يكون من حق الناس تنتقد حسب إنطباعاته
    وتخميناته الممكن تكون خطاء في حق ناس ما بعرفوهم أصلا .....فلان ده ( ______ ) وفلانه دي ( _________ ) في السودان شي عادي
    إبسط ما عندنا نطلق الاحكام السلبية على الناس حتى من دون معرفة .......ودي مشكلة الناس لازم تنتبه ليها


    Quote: و نفس البكج بدي المتمكيجين ديل الحق لمّا يسمعوا النقد يردّوا عليه أو يدّوه الطرشة

    يعني لا يستقيم إرهاب الناس الماعاجبهم الحال بحجج الحرية و التقدمية و مش عارف إيه و تسفيه آرائهم
    لكن تاني بكرّر إبداء الرأي و النقد لا يعني الإساءة و الإفتراء


    طيب ما ظن واحد من الشباب ولا الشبات ديل عضو هنا عشان يجي يوضح من الافضل يدوها الطرشة
    لو طرح الناس هنا قائم على إنطباع إنهم شواذ وانو دي عادات دخلية على المجتمع السوداني
    مع انو المجتمع السوداني ده كان من أرقي مجتمعات أفريقيا في تجملوا وملابسوا وأكيد بكون عندك ألبوم قديم
    تقدر تشوف في كيف الناس لبست في الخمسينات والستينات وكيف كان ذوقه وتناسق ألوانه


    -------------------

    في الاخر هل نحنه كسودانيين محتاجين لثقافة زي دي تعلم الناس كيف تلبس وكيف تتجمل الواقع بقول محتاجين على الاقل
    الواحد ما بنزعج من منظر بناتنا البشوفهم في النيل الازرق في سهرة الاعراس وهم مرشوشات بوهية بيضاء زي ممثلات الاوبرا الصينية
    ولا يقابل سوداني هدوموا سلطه ما بين الوانه اى تناسق وانسجام .......

    يعني المسألة ماظن حتكون في عضّمه غلط

    Quote: نصير الشعوب و الناس الإتفهموا غلط
    ويامحمد الشعوب مقطوعين الطارى ديل والله الواحد لما يتعزم معاهم في مناسبة هنا ولا في بلدهم ذوق لبسهم وتناسقوا مناسب للغاية ,ومكياجهم براعي لون بشرتهم والدرجات البتتوافق معاها وما تكون مزعجة ولا متناقضة

    في الاخر الموضوع كلو موضوع أذواق , صعب الناس طوالى تمشي تنظر فيهوا
    بكلام بالتأكيد ما حيمثل الشي المفروض يدار بي الكلام في موضوع عادي
    بقدر ما بشي بنفسيات أصحابو/تو وتفكيرهم يعني الدنيا لو بتتعاش بالنظرة الحّادة دي في الغير
    تبقي دنيا صعبة خلاص






    --------------------------------------------

    Quote: لكن بكج الحرية بدي حق النقد و الإمتعاض حتى للتصرفات الشخصية للآخرين بما فيها اللبس و المكياج


    الناس تمتعظ براحته _ أصلهم ما بعملوا شي غير الامتعاظ _ بس ياريت يكونوا منطقيين في إمتعاظهم ما أكتر


    وليك أطيب تحية
                   |Articles |News |مقالات |بيانات

27-06-2010, 11:52 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: بدر الدين الأمير)

    Quote: زينب الفحل
    ياخى اصحى للون نميرى كان عارف ان الكحل سنة

    لوووووول يابدر ما تدقسني يا اخي هناك فرق بين الكحل الحجري والدلال
    الكحل الحجري لونه ازرق ويقال انه سنه مع انني سمعت ان النبي مكحل خلقه رب العالمين .
    بينما الدلال اسود اللون .
                   |Articles |News |مقالات |بيانات

27-06-2010, 12:35 PM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: doma)

    ..
    .
    Quote: الناس فكت الموضوع الاساسي الي هو إلاعتقال ومسكت في
    الاولاد ديل جاهزين وما جاهزين؟

    لولا ما بان من الاولاد لما كان الاعتقال ..
    وعرض الازياء كعرض وثقافة دعائية للشركات والموضه لا اعتراض عليه
    وبما انه شمل ازياء من التراث والثقافة والزى السودانى فهو امر جميل
    لكن اساساً لو الاولاد العارضين ديل كانوا قدموا العرض دا من غير حركات الظلال
    والماسكرا والمرطبات والميك اب والكحل وشيل الحواجب دا ..
    كان الموضوع مر عااادى وما كان فى اعتقال من اصلو ..

    بس بصراحة المياعة ووما خفى ديل الهوا زاتوو ..
    خربوا العرض وجابت الاعتقالات .. ولسه نشوف السفارة الامريكية
    تقول شنو ؟؟

    ---------

    غايتو يا رشاد نميرى عروضك بتاعت امريكا دى
    ممكن تعملهامع شوية احترام للمجتمع والعادات
    والتقاليد السودانية ..
                   |Articles |News |مقالات |بيانات

27-06-2010, 01:08 PM

Amani Al Ajab
<aAmani Al Ajab
تاريخ التسجيل: 18-12-2009
مجموع المشاركات: 14883

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Tabaldina)

    Quote: الخرطوم (رويترز) - قال سودانيون شاركوا في عرض ازياء إن الشرطة السودانية القت القبض لفترة وجيزة على أكثر من 20 من عارضي الازياء من الجنسين وخبراء مساحيق التجميل ومصممي الازياء بعد عرض نادر في الخرطوم ليل الخميس.

    وقال عارضون هواة اشتركوا في عرض الازياء لرويترز يوم السبت انه ألقي القبض عليهم في ساعة متأخرة من مساء الخميس بمعرفة شرطة النظام العام في السودان .
    ولم يتسن الاتصال بالشرطة للتعقيب على اعتقالات الخميس خارج أحد الاندية في المنطقة الثانية بالعاصمة الخرطوم.

    وقال أحد المشاركين انه أفرج عن جميع الذين قبض عليهم يوم الجمعة لكن تم ابلاغ ستة منهم على الاقل بتسليم انفسهم للشرطة يوم الاحد لمواجهة اتهامات لم تحدد.

    وقال مشارك طلب عدم الكشف عن هويته "جاءوا الى النادي بعد العرض والقوا القبض على عدد يتراوح بين 20 و30 شخصا -- ليس من العارضين فقط وانما من الاشخاص الذين يقومون بوضع مساحيق التجميل والاشخاص الذين قدموا الملابس."

    وقال "لم يكن هناك شيء سيء بشأن الملابس. كانت ملابس أفراح وملابس سودانية تقليدية وحلل وملابس من المتاجر المحلية والفساتين السودانية التقليدية."

    وقال مشاركون اخرون انه كانت هناك عروض ازياء في السابق في السودان كثير منها ينظم في حفلات خاصة. لكن حدث يوم الخميس يعتقد انه كان من اول المناسبات العامة التي يشارك فيها عارضون من الجنسين.

    http://www.alrakobasite.com/news.php?action=show&id=1959
                   |Articles |News |مقالات |بيانات

27-06-2010, 01:09 PM

مرتضى احمد عبد القادر
<aمرتضى احمد عبد القادر
تاريخ التسجيل: 30-12-2009
مجموع المشاركات: 2540

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Tabaldina)

    Quote: لولا ما بان من الاولاد لما كان الاعتقال ..
    وعرض الازياء كعرض وثقافة دعائية للشركات والموضه لا اعتراض عليه
    وبما انه شمل ازياء من التراث والثقافة والزى السودانى فهو امر جميل
    لكن اساساً لو الاولاد العارضين ديل كانوا قدموا العرض دا من غير حركات الظلال
    والماسكرا والمرطبات والميك اب والكحل وشيل الحواجب دا ..
    كان الموضوع مر عااادى وما كان فى اعتقال من اصلو ..
    بس بصراحة المياعة ووما خفى ديل الهوا زاتوو ..
    خربوا العرض وجابت الاعتقالات
    .. ولسه نشوف السفارة الامريكية
    تقول شنو ؟؟

    سلامات تبلدينا يعني الكلام بالأحمر دا سبب الإعتقال !!؟
                   |Articles |News |مقالات |بيانات

27-06-2010, 01:19 PM

عبد الناصر الخطيب
<aعبد الناصر الخطيب
تاريخ التسجيل: 25-10-2005
مجموع المشاركات: 5180

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: مرتضى احمد عبد القادر)




    وكت الكلام مشي لصفحة تالته الناخد تبريدة مع عركي




    خطوة وحيدة بيني وبينا لو اسرعتا
    خلت طيبا مالي الساحة به اتشبعتا
    زيها مافي لا شاهدت لاني سمعتا



    وشفته التوب ...........
                   |Articles |News |مقالات |بيانات

27-06-2010, 01:36 PM

ممدوح أبارو
<aممدوح أبارو
تاريخ التسجيل: 27-02-2008
مجموع المشاركات: 3177

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: عبد الناصر الخطيب)

    عمرها السخرية من الآخر ما بتكون رأي
    البوست دا ( معيارو) فلت بالمناسبة
    فلا الناس قادرة تقيف عند إنتقاد السلوك الشخصي للعارضين
    ولا هي قادرة تثمن علي العمل الفني الي في كواليسو تعبو ناس أنتهكنت خصوصيتم
    بالمناسبة شخصياً إستفدت من البوست دا جداً في إجاد محصلة لتفكير بعض الزملاء
    في منبر منوط بيه القيام علي أمر الحريات وتقبل الاخر

    يا نور الدين يا خوي نحنا دايرين سنين ضوئية عشان نتقبل نفسنا ناهيك عن الاخر!



                   |Articles |News |مقالات |بيانات

27-06-2010, 02:12 PM

ممدوح أبارو
<aممدوح أبارو
تاريخ التسجيل: 27-02-2008
مجموع المشاركات: 3177

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Tabaldina)

    Quote: لولا ما بان من الاولاد لما كان الاعتقال ..
    وعرض الازياء كعرض وثقافة دعائية للشركات والموضه لا اعتراض عليه
    وبما انه شمل ازياء من التراث والثقافة والزى السودانى فهو امر جميل
    لكن اساساً لو الاولاد العارضين ديل كانوا قدموا العرض دا من غير حركات الظلال
    والماسكرا والمرطبات والميك اب والكحل وشيل الحواجب دا ..
    كان الموضوع مر عااادى وما كان فى اعتقال من اصلو ..

    بس بصراحة المياعة ووما خفى ديل الهوا زاتوو ..
    خربوا العرض وجابت الاعتقالات .. ولسه نشوف السفارة الامريكية
    تقول شنو ؟؟


    يا تبلدينا كان تشيل الكوت حقي كلو ولا ما تحكم علي كلامي ناقص

    ثم بعدين الميك اب دا بتعمل في كل مجالات الاعلان والاعلام كمان
    كلامي خلاصتو في أنو عرض الكواليس دا إنتهاك لحرية وخصوصية الافراد ديل
    فضل يجيب لينا البنات بلبسن كمان
    يعني عشان أعالج خطأ (في نظر من يراه كذلك) أخطيء أنا كمان وأسيء لي شخص ولي تعبيرو؟
    قول يا خي ما كويسين (وديل مرقوهم من البلد؟) هل دا بدينا الحق نتندر عليهم ونعلن عليهم الجهاد ونهدر دمهم ولا كيف؟
    ويعني حسي هم أعتقلوهم عشان عاملين ماسكرة ولا عشان ما عندهم تصريح سهر؟



    ـــــــــــــــــــــــــــــــــــــــــــ
    شايفك من أستلمت القيد إتقيدت
                   |Articles |News |مقالات |بيانات

27-06-2010, 01:39 PM

Mahjob Abdalla
<aMahjob Abdalla
تاريخ التسجيل: 05-10-2006
مجموع المشاركات: 5584

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: محمد فرح)

    Quote: وياالمغتربين أرجو الإهتمام بوليداتكم ديل أكيد ماتربية البلد دي

    يا محمد فرح....
    تسدق و تآآآآآمن ... ديل تربية البلد و كلهم مولودين بعد 89...
                   |Articles |News |مقالات |بيانات

27-06-2010, 02:14 PM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Mahjob Abdalla)

    آخر المستجدات بخصوص القضيه

    تم تحويل مدير النادي وفني الساوند لمحكمه النظام العام

    بقيه المتهمين ( أوووبس ) قصدي العارضين ( وفي روايه الفنانيين ) فقد تم تحويلهم للتحري

    حتى يتم تلخيص البلاغ وتقديمهم للمحاكمه

    علمنا إن هناك شريط فيديو قد تم تصويره لهذا العرض وقد وضعت الشرطه يدها على الشريط
                   |Articles |News |مقالات |بيانات

27-06-2010, 02:27 PM

حافظ حسن ابراهيم
<aحافظ حسن ابراهيم
تاريخ التسجيل: 27-04-2009
مجموع المشاركات: 1604

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فدياس نجم الدين)

    Quote: عمرها السخرية من الآخر ما بتكون رأي
    البوست دا ( معيارو) فلت بالمناسبة
    فلا الناس قادرة تقيف عند إنتقاد السلوك الشخصي للعارضين
    ولا هي قادرة تثمن علي العمل الفني الي في كواليسو تعبو ناس أنتهكنت خصوصيتم
    بالمناسبة شخصياً إستفدت من البوست دا جداً في إجاد محصلة لتفكير بعض الزملاء
    في منبر منوط بيه القيام علي أمر الحريات وتقبل الاخر


    الخيل الجيدة تظهر عند اللفة يا ممدوح لكن هنا ظهرت بدري شوية
                   |Articles |News |مقالات |بيانات

27-06-2010, 02:31 PM

Salahaldeen Nadir
<aSalahaldeen Nadir
تاريخ التسجيل: 02-08-2006
مجموع المشاركات: 987

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فدياس نجم الدين)

    Quote: صلاح نادر ازيك
    صحي مشتاقين ياخي


    حاتم كيفك إنت
    محتاج لردك للمسج الرسلتها ليك ف الفيس بوك

    وكلامك صحيح, أزمة الليبرالية عندنا, إنو داخل أغلب السودانيين يوجد شمولي صغير (لمتوسط وقد ينشط مثيرا للغبار والأتربة)


    ودالبشرى
    الخطيب قال كل الأنا قاصدو في تعليقي الما فهمت منو حاجة


    !
                   |Articles |News |مقالات |بيانات

27-06-2010, 02:37 PM

Amani Al Ajab
<aAmani Al Ajab
تاريخ التسجيل: 18-12-2009
مجموع المشاركات: 14883

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Salahaldeen Nadir)

    Quote:
    آخر المستجدات بخصوص القضيه

    تم تحويل مدير النادي وفني الساوند لمحكمه النظام العام

    بقيه المتهمين ( أوووبس ) قصدي العارضين ( وفي روايه الفنانيين ) فقد تم تحويلهم للتحري

    حتى يتم تلخيص البلاغ وتقديمهم للمحاكمه

    علمنا إن هناك شريط فيديو قد تم تصويره لهذا العرض وقد وضعت الشرطه يدها على الشريط

    شكراً الأخ فدياس نجم الدين..
    الأخوة والاخوات المتداخلون لكم السلام والتقدير ..
    لقد إنحرف البوست من مساره!!
    الأن توجد قضية !
    ثقافتنا وكحل الأولاد ومكياجهم كلها أشياء خارج الموضوع !!
    هل يوجد نص أو مادة تبيح القبض على الأولاد المكحلين! ؟؟
    هل يوجد نص أو مادة تمنع عرض الأزياء! ؟؟
    ماذا فعل هؤلاء الشباب ؟؟
    هل القبض أصبح ساهل وهين يحق لرجل الأمن أن يقبض ويفرج
    كما يشاء من غير أن يعرف المقبوض عليه التهمه الموجة له وتحت
    أي مادة أو بند !!
    الموضوع ليس بالامر الساهل يجب أن نقيف عنده !!
    دمتم بخير ..
                   |Articles |News |مقالات |بيانات

27-06-2010, 02:51 PM

عبد الناصر الخطيب
<aعبد الناصر الخطيب
تاريخ التسجيل: 25-10-2005
مجموع المشاركات: 5180

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Amani Al Ajab)

    أستاذة أماني


    تحية وتقدير ,,,


    Quote: هل يوجد نص أو مادة تبيح القبض على الأولاد المكحلين! ؟؟
    هل يوجد نص أو مادة تمنع عرض الأزياء! ؟؟
    ماذا فعل هؤلاء الشباب ؟؟



    كامل تضامنا مع شبابنا ديل
    كلامك أعلاه في السودان دي ما المشكلة لانو فتح البلاغات ومواده
    بتم حسب المزاج والحالة العليها رجل القانون وده ما بحتار ممكن يفتش ليهم كمية من المواد الموجودة
    في القانون ..... المؤسف اكتر حيكون الرأى العام ضدهم لانو أكيد الناس تفكيره ما حيفوت الشباب الهنا بالمنبر
    ناس ديل مكحلين وديل ممكيجين وديل وديل .........



    مرات لما الناس تتعود على القبح ويبقي شي ملازم لحياتهم
    للاسف ببقي منهج وأسلوب حياة صعب يقتنعوا بغيروا.................


    ربنا يعين الشباب ديل
    ويوفق رجال قانونا البواسل الحيمسكوا في الزي ده


    --
                   |Articles |News |مقالات |بيانات

27-06-2010, 03:10 PM

mekki
<amekki
تاريخ التسجيل: 15-06-2003
مجموع المشاركات: 3233

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: عبد الناصر الخطيب)



    ألبِل والبنات
    ما مِنهِن فوتات
    وعترات الزمن
    ما مِنهِن حُودات
    البى يبرى الهَرِف
    ما بِسلم من الوقعات
    والبى ياكل أكل المُشَّرِك ماااااااااااااااااااااااااااااااااات



    حواشى:
    ألبِل: الإبل
    المُشَّرِك: الذى ينصب (الشَرَك)
                   |Articles |News |مقالات |بيانات

27-06-2010, 03:14 PM

Salahaldeen Nadir
<aSalahaldeen Nadir
تاريخ التسجيل: 02-08-2006
مجموع المشاركات: 987

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: mekki)

    Quote: ألبِل والبنات
    ما مِنهِن فوتات
    وعترات الزمن
    ما مِنهِن حُودات
    البى يبرى الهَرِف
    ما بِسلم من الوقعات
    والبى ياكل أكل المُشَّرِك ماااااااااااااااااااااااااااااااااات


    LIKE

    !
                   |Articles |News |مقالات |بيانات

27-06-2010, 03:10 PM

Amani Al Ajab
<aAmani Al Ajab
تاريخ التسجيل: 18-12-2009
مجموع المشاركات: 14883

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: عبد الناصر الخطيب)

    Quote: كلامك أعلاه في السودان دي ما المشكلة لانو فتح البلاغات ومواده
    بتم حسب المزاج والحالة العليها رجل القانون وده ما بحتار ممكن يفتش ليهم كمية من المواد الموجودة
    في القانون .....

    الأخ عبد الناصر الخطيب لك التحية والتقدير ..
    !!!!!!!!!!!!!!!!!!!!!!!!!!!!!!!!!!!!!!
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
                   |Articles |News |مقالات |بيانات

27-06-2010, 03:25 PM

شول اشوانق دينق
<aشول اشوانق دينق
تاريخ التسجيل: 13-02-2006
مجموع المشاركات: 5332

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Amani Al Ajab)

    Quote: بتم حسب المزاج والحالة العليها رجل القانون وده ما بحتار ممكن يفتش ليهم كمية من المواد الموجودة
    في القانون ..... المؤسف اكتر حيكون الرأى العام ضدهم لانو أكيد الناس تفكيره ما حيفوت الشباب الهنا بالمنبر
    ناس ديل مكحلين وديل ممكيجين وديل وديل .........


    لغاية وقت قريب جداً اكون عامل (بوب) ساي وما عندك ضهر أو ود اكابر بتتمسك أو أقلاها بحلقو ليك بالغصب.


    لكم التحايا.



    _____________________
    والله حكاية نقل الصور وراء الكواليس ونشرو سبهلل في المنبر ده ما سليم (وجهة نظر)
                   |Articles |News |مقالات |بيانات

27-06-2010, 03:38 PM

naeem ali
<anaeem ali
تاريخ التسجيل: 16-04-2008
مجموع المشاركات: 6577

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: شول اشوانق دينق)

    ذي ما قال النادر صلاح الدين..
    لكل مهنة (عدة شغل)..
    وبالمناسبه (كل) مقدمي البرامج في القنوات التلفزيونيه (بمافيها السودانيه طبعا)..
    بعملوا (ماسبق ذكره من مكياج وخلافه)..
    وتعتبر من (عدة الشغل)..
    لكن (أظن مامفروض تكون دي المشكله)..
    او علي الاقل (احقية الشباب ديل في التصرف في مظهرهم لا تقل عن احقيه (لبني احمد حسين في لبس البنطال) باي حال من الاحوال)..
    ده سلوك شخصي وخاص (انشاء الله يرسموا ابو القدح في جضومهم ويدقوا شلوفتم..)
    المشكله في موافقتنا (معظمنا) علي اعتقالهم لانهم (من وجهة نظرنا) ما شادين حيلم..!!!!
    يعني (حرية الاخر مرتبطه بتقيمنا الشخصي ليه)..
    واعتقد انه ده البعمله جهاز الامن و(نشجب وندين ونتضامن) مع الاخرين بسببه..
    عشان كده مشاكلنا عمرها ما حاتتحلا بي (تغيير حكومه او نظام)..
    مشاكلنا تقبع داخلنا باطمئنان شديد..
    تشوهنا (مستمر) وقد يتحول لخصائص (جينيه) نقوم بتوريثها لاجيال قادمه..
    الموضوع ده ما (هنا) بس..
    في مجالات عده..
    عندنا (استباع) في الشخصيه .. (علي وزن اذدواج بس مرفوع للاس سبعه)..
    وملغوسين كلنا..
    والله (حالتنا) تحنن..
    بعدين حاسي انه الناس ملخبته بين (ممارسة الشذوذ الجنسي كحدث) وبين (الشاذ شخصيا)..
    اثبات (الحدث في الشذوذ) ذي اثباته في الذنا..
    عنده ضوابط مضبوطه..
    لكن التعامل مع الشاذ (ان ثبت انهم كذلك) بتهمة مجرد (وجوده) هو ممارسه للشذوذ..
    بنكون ذي نكتة الرباطابي القبضوهوا (بجركانة عرقي فاضيه).. فيها حبببببة باقي ريحه..
    القاضي قال يتجلد... قال ليه يا مولانا تجلدني ليه..؟؟ قال ليه ده شروع في السكر..
    طوالي الرباطابي (نزل سرواله) وقال ليه يا مولانا اخد معاك ده كمان (شروع في الذنا)..
    او كما قال..

    Quote: والله حكاية نقل الصور وراء الكواليس ونشرو سبهلل في المنبر ده ما سليم (وجهة نظر)

    لو لم يتم اخذ اذنهم/ن..
    يبقي ده انتهاك الخصوصيه الوااااااااحد المابرضاه زول
    _____________
    شول ياخ ماتفتح لينا كده..

    (عدل بواسطة naeem ali on 27-06-2010, 03:41 PM)

                   |Articles |News |مقالات |بيانات

27-06-2010, 03:50 PM

عبد الناصر الخطيب
<aعبد الناصر الخطيب
تاريخ التسجيل: 25-10-2005
مجموع المشاركات: 5180

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: شول اشوانق دينق)





    شول اشوانق دينق مساء الخير

    مرة مسكونا ناس النظام العام في شارع النيل وودونا مقرهم الفي المقرن الجم البنك الزراعي كانت التهمه غسيل عربات في شارع النيل
    قعدنا مافي أى موضوع بعد شوية أصروا على الولاد الكانو بغسلو العربات يغسلوا ليهم عرباتهم ,
    قلت ليهم طيب نحنه محلنا شنو من الاعراب في الحالة دي
    نغسل مع مع الجماعة ديل عرباتكم ولا نقعد كده ما فاهمين حاجة ولا نعمل شنو؟؟؟؟؟

    قالوا لى أنت بالذات شتت يا أبو الشباب من هنا ما ناقصين نقه فاضيةمعاك
    طيب الارهاب لزوموا شنو قبض وضبط وإحظار ......
    وأحد معرفة الله يطراء بالخير كان من ضمننا كمتهمين مقبوض علينا عنقد وما شتت وحلف إلا يتموا لى غسيل عربيتوا ... وقد كان

    يا شول في السودان ده في حاجات تحير

    الواحد بتأسف أنو بره البلد الفيها كمية من الاكشن والمرح والاثارة بالجد تطول العمر
    غايتو الواحد حاسدكم عديل على كمية المرح الانتو فيهوا




    مداخلة أخونا مكي دي فيها حكمة مع جهلى بالمقصد


    Quote: ألبِل والبنات
    ما مِنهِن فوتات
    وعترات الزمن
    ما مِنهِن حُودات
    البى يبرى الهَرِف
    ما بِسلم من الوقعات
    والبى ياكل أكل المُشَّرِك ماااااااااااااااااااااااااااااااااات



    ------------------------------------------------

    بس خوفي أنو في ناس مساوية في فهمه ما بين البنات والابل
    تبقي جديدة وحلوه وملعوبة
                   |Articles |News |مقالات |بيانات

27-06-2010, 03:58 PM

عبد الناصر الخطيب
<aعبد الناصر الخطيب
تاريخ التسجيل: 25-10-2005
مجموع المشاركات: 5180

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: عبد الناصر الخطيب)

    نعيم ليك التحية وصادق الود


    Quote: وبالمناسبه (كل) مقدمي البرامج في القنوات التلفزيونيه (بمافيها السودانيه طبعا)..
    بعملوا (ماسبق ذكره من مكياج وخلافه)..
    وتعتبر من (عدة الشغل)..


    الكلام ده سليم ومن هنا مدام المسألة بقي فيها قانون بطالب بضبط واحضار مقدمي الاخبار والبرامج في قناة الشروق

    مكياجهم أوفر شديد
                   |Articles |News |مقالات |بيانات

27-06-2010, 04:05 PM

naeem ali
<anaeem ali
تاريخ التسجيل: 16-04-2008
مجموع المشاركات: 6577

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: عبد الناصر الخطيب)

    عبد الناصر يا حبيب (ارجو ان تقوم بتحيتي بدون ضحك) يقوم يطلع (الضحك) عدم شدة حيل برضه..
    ههههههههههههههههههههههههههههههههههه
    Quote: لكلام ده سليم ومن هنا مدام المسألة بقي فيها قانون بطالب بضبط واحضار مقدمي الاخبار والبرامج في قناة الشروق

    مكياجهم أوفر شديد

    الشروق تحديدا متعاقده مع (بيت خبره) في الزينه وسيدة مشهوره جدا في تزيين العروسات. والعرسان.
    وده يوجب الاحترام بالمناسبه..
    لانه يشير (للمهنيه العاليه) لهذه القناه....
    بعدين اي زول خليه يجيب صورة (تخرجه من الجامعه) بتاعت (ماجستك والدول المتقدمه) وينزلا هنا..
    كان ما طلع احلي من (ليلي علوي)..ده يقوم في حيطتنا.. (واشار الي شاربه وتبسم)..


    _______________________________
    كامل تضامني مع العارضين والعارضات
                   |Articles |News |مقالات |بيانات

27-06-2010, 04:11 PM

عبد الناصر الخطيب
<aعبد الناصر الخطيب
تاريخ التسجيل: 25-10-2005
مجموع المشاركات: 5180

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: naeem ali)




    نعيم ياخوي والله انا ميت من الضحك ميته قلب مني وياخي خليها تتفسر زي ما تتفسر
    كلو محصل بعضوا ...... حالنا وأحوالنا يوم يتكتل ليها زول من الضحك


    مع كامل إتفاقي معاك في حته المهنية للقناة المذكورة
    بس لانو مرة أخونا دينق نزل عن مكياج مذيعنها كلام هنا
    الواحد تابعه كم يوم لقه ما متجني على الناس ديل شديد

    وفي الاخر زي ما كتار هنا قالوا دي ( عدة شغل ) مفروض الفهم ما يفوت الحته دي


    -------------------------

    معليش للتحية بضحك بس كل مداخلاتي من قبيل بقت تاعين للجزء الكوميدي من الحكاية وربك يستر
                   |Articles |News |مقالات |بيانات

27-06-2010, 04:25 PM

naeem ali
<anaeem ali
تاريخ التسجيل: 16-04-2008
مجموع المشاركات: 6577

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: عبد الناصر الخطيب)

    Quote: معليش للتحية بضحك بس كل مداخلاتي من قبيل بقت تاعين للجزء الكوميدي من الحكاية وربك يستر

    يا عبد الناصر يا اخوي ... اضحك .. اضحك الله سنك..
    انا ردي ليك ذااااته كان من باب (الضحك) في المصائب..
    عشان كده اتبعته ليك بضحكه طويله
    ههههههههههههههههههههههه
    انا والله غايظاني حاجه واحده..
    اننا بنبقا كلنا (قضاء) فجاءه كده..
    ولمن اجهزة الدوله تمارس (نفس دورنا) في (تفتيش الذمم) نقعد نشجب وندين ونتضامن وصادق الود وعاطر الكديسه..
    طيب ديل مازينا واحد..
    ذنبهم شنو انهم ما اكلوا دوم ياخ..
    اها انا عمري ماضقت (سيرلاك)...
    يعني اي زول اكل سيرلاك زمان انا ارجل منه..؟؟
    والله بالجد حاجه تحنن ياخ..
    (الاخر) عندنا مرفوض تماما وفي نظرنا غلط بس لانه (أخر) وما بشبهنا..
    وناسين اننا في نظر الاخر ..(أخر) برضه ياخّ....!!!
    والحريه لي ولغيري..
    والغايظني اكتر انه الاحكام اتبنت علي صور (لا ادري هل وافقوا هم/ن علي عرضها هنا ام لا)..
    يعني اتخيل زول يحكم عليك من (صورتك)...!!!!!
    ده ما زول حقار ساي..؟؟
    ياخ نحن لو اتقبضت جداده حمرا ولا خدره بنكورك لمن تتخيل انه الزول (قبضوا روحه) ماقبضوهوا هو..؟؟
    يجوا يتقبضوا (كم وعشرين) نقول (بلاهي عاين ليهم عاملين كيف كيف كدا)...!!!
    غايتوا راجين كتير


    ___________________________
    املنا في بكرة أحلي
                   |Articles |News |مقالات |بيانات

27-06-2010, 04:30 PM

عمار محمد ادم
<aعمار محمد ادم
تاريخ التسجيل: 01-07-2009
مجموع المشاركات: 2297

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: naeem ali)

    sudansudansudansudansudansudansudansudansudansudansudan55sudan1sudan.jpg Hosting at Sudaneseonline.com
                   |Articles |News |مقالات |بيانات

27-06-2010, 04:35 PM

Salahaldeen Nadir
<aSalahaldeen Nadir
تاريخ التسجيل: 02-08-2006
مجموع المشاركات: 987

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: عمار محمد ادم)

    Quote: اننا بنبقا كلنا (قضاء) فجاءه كده..
    ولمن اجهزة الدوله تمارس (نفس دورنا) في (تفتيش الذمم) نقعد نشجب وندين ونتضامن وصادق الود وعاطر الكديسه..



    LIKE شديد يا نعيم

    !
                   |Articles |News |مقالات |بيانات

27-06-2010, 07:30 PM

Shiraz Abdelhai
<aShiraz Abdelhai
تاريخ التسجيل: 21-09-2003
مجموع المشاركات: 1556

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Salahaldeen Nadir)

    Quote: [لأخ واصل لك التحية ..
    من حق أي شخص النقد من غير توجيه أساءة !
    ليس من سهل رمي الناس بالباطل!
    لقد كان هنا بوست عرض أزياء في المنبر وكان بحضور
    حرم السيد عمر البشير لم توجه فيه أي أساءة لعارضات الأزياء !
    هل السبب بانه كان للنساء فقط ؟
    الحوار الجانبي جعل البعض يتجاهل الموضوع الرئيسي!
    لماذا تم القبض على هؤلاء الشباب ؟؟
    ت فجاه هوامش وليست موضوع البوست الأساسي...او المفترض......
    هل وجهت لهم تهم معينه تحت مواد محددة ؟؟


    .....شكرا امانى على الأسئله الضروريه والتى اصبحت فجاه هوامش وليست موضوع البوست الأساسي...او المفترض......

    ....شرطة النظام العام ومحاكمها تفعل ما تراه مناسبا للحفاظ على البلاد من لؤم العباد....فتضرب المواطنات فى شوارع الخرطوم وتوقف من تراه
    يمشي مع اى كانت لتسأله عن صلة القرابة....وتوقف الشباب بسبب حلاقة شعرهم غير الملائمه لعاداتنا وثقافتنا من منظورهم طبعا.....
    وتعتقل لبنى حسين بسبب بنطلون لعين....
    ورجل الشرطه يضرب ويسب ويلعن ويقذف بنات الناس باسوأ اللفاظ الأخلاقيه والعنصريه ....
    ...وتمارس اسوأ مما مارسه شرطة بيروت تجاه السودانيين هناك من عنصرية مقيته وانتهاك لحقوق الانسان.......
    .....وها نحن هنا فى هذا المنبر نغمض العين عن كل هذا ونتمسك بقشور لا تفيد ولا تنفع........
    ...ان تعرض هؤلاء الشباب والشابات للاعتقال بعد العرض والاهانات التى وجهت لهم تستحق الرفض والشجب والإدانة الكاملة بل والفضح الإعلامى العالمى لهذا النظام الذى يتشدق بالحريات والديمقراطية الكاذبة فى نفس الوقت الذى يكبت الحريات السياسيه فيعتقل معارضيه ويعذبهم ويكويهم بالنار.....
    ويعتقل النقابيين الأطباء ويعذبهم لمجرد احتجاجهم ومطالبتهم بتحسين الأجور.....
    ويعتقل الصحفيين ويوقف الصحف ويمارس الرقابة القبلية المشينه على المواد الاعلامية......
    وهنا ايضا يتدخل فى صميم النشاط الاجتماعى والتجارى والمهنى لمؤسسات واشخاص ...فيعتقل عارضين بتهم غير محدده وغير معروفه.....
    ...وان لم نقف وقفة صلبة ونجند الأقلام والعقول لفضح هذا المخطط فسنجد المؤتمر الوطنى ماض فى تمريره الدنئ لخطة تحويل هذا الوطن إلى مسخ مشوه يمنع فيه
    استنشاق الهواء وسيتملص النظام تدريجيا من كل الاتفاقيات وسيقبع على صدورنا غرابا ضخما من هجين جديد بوجه مفترس قبيح جديد .....
    إذن....
    فلننصرف عن الهوامش ...ولنركز ......
    لا لشرطة وقانون النظام العام
    لا لقمع الحريات
    لا لاستعمال القوات النظاميه لترهيب وترويع المواطنين......

    أما كون هؤلاء قد خرجوا عن تقاليدنا وكذا وكذا....فهذا قطعا ...رأى شديد النسبية لا يستحق ان نقف ضدهم فيه.........
    ----------------

    التعرض للكاميرات واضواء العرض فى المسارح والسينما وعروض الأزياء والتلفزيون تظهر ملامح الوجه باهته وبعيدة وغير مؤثرة ويصعب مع الأضواء الساطعه تبين التعبيرات...
    لذلك فإن كل من يعمل فى هذا المجال من الجنسين يجد نفسه مضطرا ضمن عمله لوضع مساحيق معينه.......!
                   |Articles |News |مقالات |بيانات

27-06-2010, 07:59 PM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Shiraz Abdelhai)


    أها...عمار جاب الخبر اليقين...أحمر والشمس فوووووق...في زول قال تلت التلاتة كم؟

    لو في إدانة لهذا الثوب السوداني....أقترح محاسبة عمار بأثر رجعي!


    حاتم علي يا صديقي...كل ما تشتل الأفراح..تجي الأقدار تمد ايدا

    لاحظ أنو "واصل علي" صارّي رأيو عليهو ولم يقل بغم...Yet

    المهم...
                   |Articles |News |مقالات |بيانات

27-06-2010, 08:42 PM

Barakat Alsharif

تاريخ التسجيل: 08-06-2010
مجموع المشاركات: 1253

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    اللقطة الأولى:

    احد العارضين اسمه رشاد النميري

    حليل ابعاج
    ليك الجنيات بشروا وليك البنات زغردن
    تسلم يا ابعاج اخوي

    اللقطة الثانية:
    من متابعتي للمشاركات وحجدت ان الشعب السوداني شعب واعي ويميز جيدا بين الحرية الشخصية والمياعة والخمج، ولمن يقول ان من حق الشبان التكحل ونتف الحواجب واستخدام احمر الشفاه نقول هل ترضى ان يصدر هذا السلوك من إبنك أو أخيك؟
    نحمد الله ان الرسائل الإجتماعية التي وصلت الينا عبر التراث لم تذهب سدى وظهرت آثارها في السخرية اللاذعة التي نلمسها في الكثير من التعليقات على الموضوع

    ما دايرالك المينة ام رمادا شح

    حبس الدرب قالوا الدود قرقر

    يوم طلعت القمرا الخير يا عشانا تودينا لإهلنا بيسألوك مننا

    دخلوها وصقيرها حام

    احييت سنن البرامكة

    اللقطة الثالثة:
    عروض الأزياء في السودان بدأت خطوتها الأولى نسائية وتدور حول الثوب
    الخطوة التالية مختلطة والثوب اصبح شفافا نوعا ما (مرحلة هذا البوست)
    الخطوة الثالثة بدون ثوب (مرحلة أين لبنى ؟)
    الخطوة الرابعة فساتين قصيرة (تحتاج لخبرات لبنانية بعد تطبيع العلاقات)
    للخطوة الخامسةوفيها تصبح الخطوة رقم واحد واثنين متخلفة جدا (تحتاج هذه الخطوة الخامسة لقرار من الأمم المتحدة بعد التهديد بفرض عقوبات)

    (عدل بواسطة Barakat Alsharif on 27-06-2010, 08:50 PM)

                   |Articles |News |مقالات |بيانات

27-06-2010, 08:04 PM

Shiraz Abdelhai
<aShiraz Abdelhai
تاريخ التسجيل: 21-09-2003
مجموع المشاركات: 1556

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Shiraz Abdelhai)

    بعدين فعلا إزدواجية " المعايير" فى المنبر ده حيرتنا!!.....
    يعنى قبل يومين بس وقفنا وقفة رجل واحد ضد ما حدث فى لبنان تضامنا مع حقوق الانسان واللاجئين وضد العنصرية والترهيب.....
    وقبلها فى بوست المعيار رفعت السيوف وجفت الأحبار وانهمكت العقول لصفحات وصفحات متتاية دفاعا عن حق الكتابة ايا كانت باي شكل فى اي موضوع.....
    وعن حرية التفكير والتعبير.....دون قيد او شرط.......
    فهل يعقل أن نأتى اليوم فى هذا البوست لنتعاطى مجانية النعوت والصفات والاتهامات ؟؟
    فنمارس بذلك كل ما رفضناه قبلا من قمع وتحجيم و تعنصر ...؟؟
                   |Articles |News |مقالات |بيانات

27-06-2010, 09:07 PM

emad altaib
<aemad altaib
تاريخ التسجيل: 27-12-2007
مجموع المشاركات: 5300

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Shiraz Abdelhai)

    ــــ



    (فدنة) ومشيتك كان راجل ألحقني
    أسيلٍ ألمعٍ راريت فيه شفت سني
    شيتاً خفس القلب وولعاً لازمني
    مهلاً علي الخشيم ويارب يفاوضني
                   |Articles |News |مقالات |بيانات

27-06-2010, 09:16 PM

ابراهيم بقال سراج
<aابراهيم بقال سراج
تاريخ التسجيل: 12-10-2005
مجموع المشاركات: 10830

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Shiraz Abdelhai)





                   |Articles |News |مقالات |بيانات

27-06-2010, 09:39 PM

emad altaib
<aemad altaib
تاريخ التسجيل: 27-12-2007
مجموع المشاركات: 5300

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: ابراهيم بقال سراج)

    ــــ



    مهرة والفرسان بالعدم قلاله
    ودقر يا عين من النون وهلاله
    حيكومتنا خمجانة وآيّها الحاله
    ومن فعايلهاالوطن بقي ملاله.

    (عدل بواسطة emad altaib on 28-06-2010, 08:42 AM)

                   |Articles |News |مقالات |بيانات

27-06-2010, 09:43 PM

Nazik Eltayeb
<aNazik Eltayeb
تاريخ التسجيل: 27-11-2007
مجموع المشاركات: 2357

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: ابراهيم بقال سراج)

    الرجالة تطير كان تمثلت في هدر حقوق الاخرين القانونيةو الانسانية

    لا ادري الناس دي( فايرا) في شنو
    عرض الازياء محترم و مقبول و الحفل مصدق من الشرطة
    المكياج اداة معروفة في العروض و المسرح بكحل او بدونه حسب العرض
    دي حتى الصور الدعائية تكمل بتحسين الصورة (فوتوشوب) وروني عريس واحد الفوتوشوب ما وضع بصماته على صورة زواجه


    المحيرني صور الكواليس(دليل الادانة الوحيد) في هذا البوست كان مفروض ما تظهر ابدا الا ي حدود




    -------------------
    ممكن نزعل نقول والله السودان في شنو والناس في شنو (مقبولة ومنطقية)
    ممكن نقول عالم فايقة ورايقة (حقد طبقي وبوليتارياو برجوازية مقبولة و منطقية)

    مكن نقول مخالفة لتعاليم الاسلام (انصار سنة وسلفية و هلم جرا مقبولة برضوا
    ممكن نقول بالله شوفوا ناس الانقاذ دليل يقتلوا القتيل ويمشوا في جنازتو
    مقبولة و منطقية
    لكن لن يغفر الزمن هدر حقوق الانسان كفاية اصحوا





    ------
    يا جماعة باركوها و خلونا نعمل بريك، زمن مستقطع في سودان ثالوث الحرب والفقر والجوع
                   |Articles |News |مقالات |بيانات

27-06-2010, 11:01 PM

yasir Abdelgadir

تاريخ التسجيل: 01-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Nazik Eltayeb)

    Quote: ألبِل والبنات
    ما مِنهِن فوتات
    وعترات الزمن
    ما مِنهِن حُودات
    البى يبرى الهَرِف
    ما بِسلم من الوقعات
    والبى ياكل أكل المُشَّرِك ماااااااااااااااااااااااااااااااااات


    مكي يا خطيييييييييييير...والله فت بابكر ود السافل ذاتووو
                   |Articles |News |مقالات |بيانات

27-06-2010, 11:04 PM

yasir Abdelgadir

تاريخ التسجيل: 01-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Nazik Eltayeb)



    الناس في العرووض مابقيسوها بي تيبانها


    .....وما يهمك لباسهم والعروض عريانة



    .. هم حراس رزق...وقت التكتلو أمانة


    ... زي إبل الرحيل شايلة السقي وعطشانة









    في حد محتاج لي ترجمة؟؟

    (عدل بواسطة yasir Abdelgadir on 27-06-2010, 11:34 PM)
    (عدل بواسطة yasir Abdelgadir on 27-06-2010, 11:41 PM)

                   |Articles |News |مقالات |بيانات

28-06-2010, 00:20 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: yasir Abdelgadir)

    ما علينا !!

    المهم اي زول شاف ان (بعض) الصور الظهرت هنا عااااااااااااادي

    نقول ليه يا زول 100%
    ونمنى ليه يقتدي بيها جناه
    واولاده ينهجو نفس النهج

    ( انا بتحدث عن بعض الصور )


    الصور الاخرى فيها شغل نضيف
                   |Articles |News |مقالات |بيانات

28-06-2010, 01:26 AM

سناء عبد السيد
<aسناء عبد السيد
تاريخ التسجيل: 29-03-2008
مجموع المشاركات: 2093

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: وليد محمد المبارك)

    اي زول بطنه ما طمت من صور الاولاد ديل ..يمشي يراجع الطبيب النفسي








    الحرية ليها حدود
                   |Articles |News |مقالات |بيانات

28-06-2010, 04:15 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: سناء عبد السيد)

    Quote: اي زول بطنه ما طمت من صور الاولاد ديل ..يمشي يراجع الطبيب النفسي

    سناء يا حبيبه الموضوع دا ا ليه اخذتوه بالحساسيه دي ؟؟
    بما انه عرض ازياء فالمكياج دا يكون لزوم العرض يعني الاولاد ديل في حياتهم العاديه احتمال بطلعوا الشارع عاديين يستحموا ويلبسو قميصهم وبنطلونهم ويمرقوا . لاحظت انه احدهم لزوم العرض رسموا ليه دقن وشنب ولا اعتقد انه ممكن يعمل كدا في حياته العاديه اذا الموضوع دا مجرد تمثيل
    يعني هم اولاد عاديين لا كحل لا بودره لا غيرو .
    اسه لو ماكان تم عرض صورهم وهم داخل الكوفير ما كان جبنا خبر انهم ممكيجين ولا خلقه الله .
    لكين ملابسهم عاديه وموضوع انها تعجبني اوما تعجبني دا متروك للذوق الشخصي .
    انا اري انه من الاجحاف ان ننعتهم باوصاف غير لطيفه وكل التهكمات والسخريه التي صدرت . فمثلا لا يعجبني الولد الناعم ولا البصفصف شعره ولا البيقيف قدام المرايه ساعه يعاين لروحه من كل الجنبات دا مقياس يخصني انا لكين ما بقدر اقول والله لو كل الناس ما اخدت بمقياسي دا تكون مريضه وتمش تشوف طبيب نفسي .
    الاولاد الممثلين ديل ما عندي اي شئ ضدهم
    لكين الولد البيكون في حياته العاديه منعم ومكحل و عامل روج ومظلل ولاملقط حواجبه لا يعجبني اطلاقا ودا موقف شخصي بيخصني انا وبس
                   |Articles |News |مقالات |بيانات

28-06-2010, 05:27 AM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: doma)

    Quote: اي زول بطنه ما طمت من صور الاولاد ديل ..يمشي يراجع الطبيب النفسي

    الطبيب النفسي ...حولنا لقسم المخ والاعصاب!

    ونصحنا نحضر البتاع ده:
    ربيكا ساكس : كيف تصنع عقولنا التّقديرات الأخلاقيّة
    http://www.ted.com/talks/lang/ara/rebecca_saxe_how_brai...moral_judgments.html
                   |Articles |News |مقالات |بيانات

28-06-2010, 05:40 AM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    Quote: المهم اي زول شاف ان (بعض) الصور الظهرت هنا عااااااااااااادي

    نقول ليه يا زول 100%
    ونمنى ليه يقتدي بيها جناه
    واولاده ينهجو نفس النهج



    تصدق يا وليد...لا يسعني إلا أن أقول آمين وربنا يزيد...لسبب واحد وهو:
    لو كان جدك أبو أبوك حاضر تدشين الفضائيات في زمنو...لدعى نفس دعوتك هذه على كل من تسول
    له نفسه -حينئذ باحضار قناة LBC والمستقبل لبيته!

    يعني هذه المسائل متحركة مع الزمن يا صديقي...وقد تكون القاعدة العامة بعد 32 سنة من الآن -عمري- هي
    أن يظهر الرجل بأكثر منظر تراه الآن مستهجن!

    زي مافي بعض الاماكن في السودان -حتى تاريخ كتابة هذه السطور- يعتبر من يلبس البنطلون،،، ما شادي حيلو!

    شفتا كيف يا صديقي؟
    الكلام كلو يدور حول جعل أنفسنا معيار للآخرين...وهذه مصيبة!

    حقو نوسّع السراويل...لنستطيع التفكير والتعامل مع مالم نختبره بعد...سيبك من الموجود الآن!

    المودة الواحدة ديك يا شفت...يا محافظ!
                   |Articles |News |مقالات |بيانات

28-06-2010, 05:56 AM

mekki
<amekki
تاريخ التسجيل: 15-06-2003
مجموع المشاركات: 3233

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)




    ود البنا أخوى
    السيسبان مانوس
    وفوق ضلوا الرهين
    رايعات معيز أم روس
    الفى عينو (حُمره)
    وإيدوا فيها فلوس
    إن خِتا ها (المَلَم)
    ما إظنوا يلقى (عروس).....!



    حواشى:
    إيدوا فيها فلوس: أى الكوز
    حُمره: ما ضرورى مريخابى

    (عدل بواسطة mekki on 28-06-2010, 05:57 AM)

                   |Articles |News |مقالات |بيانات

28-06-2010, 05:56 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    برافو يا انور ودي كلام صحيح انه القيم دي متحركه
    اذكر ان ابي لم يكن يحب سماع اي فنان غير عبد العزيز محمد داؤود لانه يجسد صوره الرجل لوالدي . وما ان يسمع ابراهيم عوض او صلاح مصطفي كان بيقول اقفل الصندوق دا بلا حبيبي جنني بلا مسخره معاكن
    ديل رجال ++++++++++++ويتبعها بصفه كعبه شديد علي عينك يا تاجر
    واذكر ان والدتي كانت تتصدى له مدافعه عن فناني جيلها نسبه لفارق السن الكبير بينها وبين الوالد قائله له انت راجل رجعي عايش في الزمن الغابر ديل فنانيين وغناهم جميل ورجال ونص وخمسه .
    واقسم الا يزوجني لرجل كارب صليبو اي لابس بنطلون وقد كان ان زوجت لرجل لا يرتدي بنطلونا .
                   |Articles |News |مقالات |بيانات

28-06-2010, 07:59 AM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: doma)

    Quote: برافو يا انور ودي كلام صحيح انه القيم دي متحركه
    اذكر ان ابي لم يكن يحب سماع اي فنان غير عبد العزيز محمد داؤود لانه يجسد صوره الرجل لوالدي . وما ان يسمع ابراهيم عوض او صلاح مصطفي كان بيقول اقفل الصندوق دا بلا حبيبي جنني بلا مسخره معاكن
    ديل رجال ++++++++++++ويتبعها بصفه كعبه شديد علي عينك يا تاجر
    واذكر ان والدتي كانت تتصدى له مدافعه عن فناني جيلها نسبه لفارق السن الكبير بينها وبين الوالد قائله له انت راجل رجعي عايش في الزمن الغابر ديل فنانيين وغناهم جميل ورجال ونص وخمسه .
    واقسم الا يزوجني لرجل كارب صليبو اي لابس بنطلون وقد كان ان زوجت لرجل لا يرتدي بنطلونا .

    الخالة الحبيبة دوما...
    تسلمي وكلامك عن "كارب صليبو" ده أوضح نموذج ممكن نستفيد منو...

    دائما استفيد واتعلم منكم ...
    كامل المودة
                   |Articles |News |مقالات |بيانات

28-06-2010, 05:59 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    مرحب انور اخبارك والاولاد


    Quote: حقو نوسّع السراويل...لنستطيع التفكير والتعامل مع مالم نختبره بعد...سيبك من الموجود الآن!


    ما اقدر والا اكون منفصم يا انور ...
    هذه هو تفكيري وهذه هي المحددات الاساسية لشخصيتي التي تربيت عليها
    ان انفصلت عنها انفصل عن نفسي

    لا استطيع يا انور ..


    المهم
    توسيع السراويل زاتو عنده قواعد والا حا تكون الامور سبهلل وبدون ضوابط وكل زول بشريعتو
    وحينها ما حا يكون في اختلاف بين المجتمعات ...

    كدي يا انور شوف الفرق بين المحافظ على اسس وتقاليد وهيئة وجندر مع مسحة من الحداثة


    وبين المسح الفاصل بينهم



    الفرق بين الصورتين واضح يا انور

    (عدل بواسطة وليد محمد المبارك on 28-06-2010, 06:01 AM)

                   |Articles |News |مقالات |بيانات

28-06-2010, 06:05 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: وليد محمد المبارك)

    وليد يا ولدي ركز الحكايه تمثيل لزوم العرض وبس لاحظ ان الشنب والدقن مرسومات بقلم دلال.
                   |Articles |News |مقالات |بيانات

28-06-2010, 06:08 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: doma)

    مرحب يا خاله

    هو فعلا تمثل لانو الولد التحت ده مثل بي نفسو حقيقي

    بعدين يا خالة الحواجبين الملقوطات ديل ملقوطات تمثيل ...

    وحتى لو هو عاوز يمثل عاوز يمثل شنو بالظبط .. قاصد شنو يعني ؟!

    ودي
                   |Articles |News |مقالات |بيانات

28-06-2010, 06:29 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: وليد محمد المبارك)

    وليد يا ولدي انت كيف اتاكدت
    انه الولد دا حواجبو ملقوطه كيف ؟؟
    في ناس الله خلقهم حواجبهم مواسيه
    الولد دا بس مكيجتو البت كدا
    يا اخي شوف عضام يدينو ديل
    دا زول ناعم ؟؟
    ويكون عاوز يمثل انسان وسيم
    بالمناسبه في اولاد خلقه ربنا وسامه مبالغ فيها
    اذكر انه كان في مضيف سوداني الكلام دا في اوائل التسعينات
    اخدراني شديد والله وسامتو في المضيفات المعاهو ما في
    غايتو انا كسرني عديل كدا وقلت في نفسي
    يا رب دي اخواتو يكونن كيف ؟؟
    الولد وسيم وسيم وسامه مبالغ فيها

    (عدل بواسطة doma on 28-06-2010, 06:35 AM)

                   |Articles |News |مقالات |بيانات

28-06-2010, 08:06 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: doma)

    يا خاله كلامك عن الوسامة والجمال ما عندنا فيه رائي
    والوجه الحسن من هبات الرحمن

    ومن مذهبات الحزن ، ما وخدرة ووجه حسن

    هسع المضيفة القلتيه اتلموا فيه اتنين

    وخدره ووجه حسن

    الولده ده انا جبت النسوان الفي البيت كلهن وقبل ما اعلق
    ويتهم صورتو
    وسالتهم عن تفاصيل الصورة دي

    قالن
    1) عامل بدرة
    2) عامل روج
    3) لاقط حواجبينو

    شخصيا استفذتني صورة الولد ده تحديدا
                   |Articles |News |مقالات |بيانات

28-06-2010, 07:31 AM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: وليد محمد المبارك)

    Quote: ما اقدر والا اكون منفصم يا انور ...
    هذه هو تفكيري وهذه هي المحددات الاساسية لشخصيتي التي تربيت عليها
    ان انفصلت عنها انفصل عن نفسي

    لا استطيع يا انور ..


    وليد يا صديقي...عدم مقدرتك ده زاتو رهين بالمكان الحا تواصل فيهو بقية حياتك وتجاربك والخ...
    لو كنتا حالياً عايش في اماكن من الجزيرة العربية...ومعطّن بالثقافة المحلية هناك...سترى هذا كفرا عدييييل...

    يعني البُعد الزمكاني مهم في هذه الحالة... ما يدور الآن من نقاش بيننا...ما كان ليحصل لولا وجود الإنترنت مثلاً
    التي كسرت الكثير من الحواجز...وجعلت الناس منفتحين -إلا من أبى- على بعض!

    أسع من دربك ده..أمشي ليك لأقرب زول جمبك وحاول أتناقش واخد وادي معاهو في نفس الموضوع،
    ما أظن الموضوع حا ياخد زمن ومرونة كما هو الحال الآن...

    لم ولن أطالبك بالانفصال عن شخصيتك يا صديقي...رجوتك أن لا تصم نوافذ التفكير الحُر وإحترام أفكار وسلوك الآخر
    - وليس بالضرورة تقبّلها وتنفيذها حرفياً- لأنك الآن لست وليد فقط...بل راعي أطفال ستفرض عليهم أسئلة مختلفة عن
    تلك التي واجهتك حتى عمرك الآن...!

    الزول المشى مكان-دولة- مفتوح الليلة دي مثلاً...سيأخذ فترة لتصبح المناظر التي تعتبر إباحية في مركز "السودان" عادية
    بالنسبة ليهو...

    من المقولات العالقة في ذهني من زمن:
    حسنات الأبرار ...سيئات المقربين!
    فتأمل يا صديقي
                   |Articles |News |مقالات |بيانات

28-06-2010, 08:23 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    مرحب انور

    Quote: الزول المشى مكان-دولة- مفتوح الليلة دي مثلاً...سيأخذ فترة لتصبح المناظر التي تعتبر إباحية في مركز "السودان" عادية
    بالنسبة ليهو...


    يا انور لكل مجتمع عاداته وتقاليده
    وهذه العاجدات والتقاليد فيها الصحيح وفيها الغلط

    في مجتمعات كانت بتؤئد وفي مجتمعات بتسترق وفي مجتمعات بتزوج الرجال للرجال وفي مجتمعات لا تخرج المرأة من بيتها


    هسع انا لو مشت واحده من المجتمعات ديل اشوف انه البسوه ده عادي

    بالتاكيد لا


    Quote: يعني البُعد الزمكاني مهم في هذه الحالة... ما يدور الآن من نقاش بيننا...ما كان ليحصل لولا وجود الإنترنت مثلاً
    التي كسرت الكثير من الحواجز...وجعلت الناس منفتحين -إلا من أبى- على بعض!


    في حواجز يا انور لا بتكسرها انترنت ولا مشاهدة عيانية

    ودي
                   |Articles |News |مقالات |بيانات

28-06-2010, 08:39 AM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: وليد محمد المبارك)

    سلامات يا ولي يا حبيب

    Quote: شخصيا استفذتني صورة الولد ده تحديدا

    موضوعك شخصي يا حبيبنا...وبالتالي حا تفقد الموضوعية في التعامل مع الأمر...

    الشاب ده في نظري غير محظوظ، لأنو الكاميرا التقطت ليهو صورة في لحظة أثارت حفيظتك...

    رأيك شنو في صورتي دي؟

    بدون مجاملة يا وليد...

    عاوز جد أعرف تعليقك...

    أسع في ناس حا يشوفوا الصورة دي وما بيعرفوني شخصياً...كما تعرفني أنت...هل تستطيع تخمين
    تعليقاتهم على الصورة؟
    Feel Free by the way
                   |Articles |News |مقالات |بيانات

28-06-2010, 09:04 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    Quote: موضوعك شخصي يا حبيبنا...وبالتالي حا تفقد الموضوعية في التعامل مع الأمر...


    كيف يعني شخصي ؟!

    ما فهمتك !!!


    Quote: عاوز جد أعرف تعليقك...


    صورة قبيحة

    اها عاوز تقول شنو ؟
                   |Articles |News |مقالات |بيانات

28-06-2010, 03:30 PM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: وليد محمد المبارك)

    Quote: صورة قبيحة

    الصورة منتزعة من سياقها الاساسي يا وليد...ورغم ذلك..اعتبرها من اجمل الصور خاصتي...
    طيب يا وليد...لو كان عندك سُلطة في يدك الان....الصورة دي...هل تسلتزم القبض علي ومحاكمتي؟



    _____________
    الجمال نسبي يا ولي...والقرد الشين شديييييييييييييييييييييييد....في عين أمو غزال!
                   |Articles |News |مقالات |بيانات

29-06-2010, 05:28 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    Quote: هل تسلتزم القبض علي ومحاكمتي؟


    يا انور ده موضوع مختلف تماما
    حتى الان انا ما علقت على موضوع قبضوهم او ما قبضوهم
                   |Articles |News |مقالات |بيانات

28-06-2010, 09:31 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    Quote: الشاب ده في نظري غير محظوظ، لأنو الكاميرا التقطت ليهو صورة في لحظة أثارت حفيظتك...


    ما اظن يا انور
    من مجموع الصورة بصورة عامة بتوريك انو الصور المعروضة احترافية ومنتقاه ما صور هواة
    صور متاخذه لغرض الادعاية والاعلان

    يعني الصورة معروضة كما هي لاغراضها
                   |Articles |News |مقالات |بيانات

28-06-2010, 10:53 AM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    ..
    .
    Quote: رأيك شنو في صورتي دي؟



    اقول ليك انا لمن وليد يجى وبدون مجاملة وبدون زعل .....
    أستخدم مرطب الشفاه بشمع النحل من بيزلين pb030 او لابيليو بالعدم فازلين ..
    قرقر قرقر قرقر..

    ----------
    الناس حتقول عامل ليناشلاليفك الناشفات ديل


    ____ خارج النص_______

    الواحد من بقى يتيم شالايفو ما نشفن زيك فى شمس الخرطوم دى
    لمن انت العايش فى الصقيع وام الوليدات جنبك
    فضحتنا ياااخ ..

    (عدل بواسطة Tabaldina on 28-06-2010, 11:01 AM)

                   |Articles |News |مقالات |بيانات

28-06-2010, 03:45 PM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Tabaldina)

    Quote: اقول ليك انا لمن وليد يجى وبدون مجاملة وبدون زعل .....
    أستخدم مرطب الشفاه بشمع النحل من بيزلين pb030 او لابيليو بالعدم فازلين ..


    أها يا صالح جيتني في جرح..بتعليقك الذي لا يشبه تعليق وليد...نفس الصورة بتاعتي العا########ي دي:


    وأنتو شخصين مختلفين...وليد قال الصورة قبيحة (في المجمل)...وركزت أنت على شلاضيمي اليابسات ديل

    اهههههههههههههااااااااااااااااا...في عرض الأزياء مثار نقاش هذا البوست...في زول بيركز على التوب...وزول بيركز على الساقين
    وزول بيركز على غيرو...يبقى خلفيتك الثقافية هي البتحدد حا تنظر وتركز وين...

    الشباب (أولاً مواطنين سودانيين زيكم واحد) وهم من خلفية ثقافية غير مطابقة ليك أو لوليد
    ثانياً: بحسب التصريح باقامة المناسبة ما كانوا مخالفين للقانون
    ثالثاً: لم يضعوا-كما أعتقد- أنو في زول غير مهتم بقطاع حرفتهم والمنتجات البيسوقوها (بالضبط زي البوست ده)..حا يسك ليهو
    3 صفحات عشان يسقط عليهم واقع حياته وتربيتو والخ...لأن الحديث عن الأمر يتطلب نقد من نوع خاص على الأقل!

    مجدداً هذه دعوة لقراءة:
    "ثقافة التبخيس" 00 كأحدى مكونات العقل الجمعي السوداني 00 مقاربة

    ______________
    في زول رسل لي في البريد...قال صورة بت خالتو حايمة وسط الصور دي....
                   |Articles |News |مقالات |بيانات

28-06-2010, 06:01 AM

المسافر
<aالمسافر
تاريخ التسجيل: 10-06-2002
مجموع المشاركات: 4972

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)







    دابا أدخنت يا دوبا
    ودابا مرقت قاعدة في الراكوبة
    البت أم ضميراً محزز زي قايز الكوبة
    خلت قلبي أنا مكنة فوردة في البادوبة


    ( دوبيت لشاعر مجهول )



    انت يا اللوري تشيل منو...




    إنشاء الله شمال السواق

    نفر والسفر


    ـــ

    فوردة - تأنيث لفورد ( اللورد فورد ) شفتو كيف الجماعة أنثوه
    ومكنة الفوردة - اللوري السفنجة - خاصة لما يكون مربوط لها كوز
    البادوبة - الصحراء الجرداء المستوية -
                   |Articles |News |مقالات |بيانات

28-06-2010, 06:41 AM

Elawad Eltayeb
<aElawad Eltayeb
تاريخ التسجيل: 01-09-2004
مجموع المشاركات: 5270

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: المسافر)

    (وَإِذَا أَرَدْنَا أَنْ نُهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا
    ‏فَحَقَّ عَلَيْهَا الْقَوْلُ فَدَمَّرْنَاهَا تَدْمِيراً (16)
    وَكَمْ ‏أَهْلَكْنَا مِنْ الْقُرُونِ مِنْ بَعْدِ نُوحٍ وَكَفَى بِرَبِّكَ بِذُنُوبِ ‏عِبَادِهِ خَبِيراً بَصِيراً (17)
    مَنْ كَانَ يُرِيدُ الْعَاجِلَةَ ‏عَجَّلْنَا لَهُ فِيهَا مَا نَشَاءُ لِمَنْ نُرِيدُ ثُمَّ جَعَلْنَا لَهُ جَهَنَّمَ ‏يَصْلاهَا مَذْمُوماً مَدْحُوراً (18) وَمَنْ أَرَادَ الآخِرَةَ ‏وَسَعَى لَهَا سَعْيَهَا وَهُوَ مُؤْمِنٌ فَأُوْلَئِكَ كَانَ سَعْيُهُمْ ‏مَشْكُوراً (19)
    كُلاًّ نُمِدُّ هَؤُلاء وَهَؤُلاءِ مِنْ عَطَاءِ ‏رَبِّكَ وَمَا كَانَ عَطَاءُ رَبِّكَ مَحْظُوراً (20)
    سورة الإسراء‏


    دولة المشروع الحضاري افقدت البلد توازنها الإجتماعي والأخلاقي خلال عقدين، وعقلية القهر أنتجت شخصيات مقهورة هي إسقاط ومقابل لنفسية القاهر، يمنحه ولو مؤقتاً السكينة وصك مواصلة حربه الإلهية. فتخرج الأجنة في قوالب وظواهر غير طبيعية تتماشى مع الحاضر وتتكيف مع الممكن، فيبتلعها المجتمع على مضض مقابل إجماعه السكوتي، وسيصبح هذا الجنين تنيناً في بيئة محيرة تتماهى فيها المعايير ليصعب تمييز الخير من الشر والفاسد من الصالح لتتجدد ماكينة المشروع الحضاري وهي تحمل البلد نحو المجهول.

    ربما يختلف البعض حول تنفيذ فكرة أول عرض أزياء في السودان، لكن لن يختلفوا حول أن المجتمع نوعاً ما قد تخلخل بين بطش أقصى اليمين وتمرد أقصى اليسار فاصبحت منطقة الإلتقاء الوحيدة هي أطراف التطرف (فجاء الجمال أعوراً) بدلاً من الوسطية التي كانت تنتج الجمال المتناغم وفق قاعدة الأرض المشتركة في إطار الحكم الرشيد.

    لا تقفوا طويلاً في تعجب أمام الظواهر بل ابحثوا عن مسبباتها...

    (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)‏.

    (عدل بواسطة Elawad Eltayeb on 28-06-2010, 07:05 AM)

                   |Articles |News |مقالات |بيانات

28-06-2010, 06:20 AM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: ابراهيم بقال سراج)

    Quote:





    ده عرض أزياء لملابس وطنيه وعفش مكاتب صيني وعربات كوريه ولا المنظر شنو ؟؟؟؟
                   |Articles |News |مقالات |بيانات

28-06-2010, 07:02 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30786

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فدياس نجم الدين)

    Quote: يعني اي زول اكل سيرلاك زمان انا ارجل منه..؟؟
    بالحيل يا نعيم
                   |Articles |News |مقالات |بيانات

28-06-2010, 07:20 AM

معتصم محمد صالح
<aمعتصم محمد صالح
تاريخ التسجيل: 14-07-2007
مجموع المشاركات: 7293

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: محمد البشرى الخضر)

    النجيضة ..



    فتحوا ليهم بلاغات ( لبس فاضح ) و ( أعمال فاضحة ) .. وفي انتظار المحاكمة
                   |Articles |News |مقالات |بيانات

28-06-2010, 05:58 PM

naeem ali
<anaeem ali
تاريخ التسجيل: 16-04-2008
مجموع المشاركات: 6577

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: محمد البشرى الخضر)

    Quote: بالحيل يا نعيم

    ود البشري يا حبيب..
    هيييييييع..
    أبشر بالخير..
                   |Articles |News |مقالات |بيانات

28-06-2010, 07:24 AM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فدياس نجم الدين)

    ..
    .
    حسي بعد اختلاف الراى بين مؤيد ورافض ( للميك اب بتاع الرجال )
    ومناداة الكثيرين هنا بحقوق الانسان
    ومقارنة حادثة الاوزاعى ومصطفى محمود بحادثة نادى ابولو ..
    عايزننا نعتبر انو _بعض _ من الاولاد عارضى الازياء الــ( الكــ ....)
    دا يعتبر حق شرعى ليهم عايزين تكلفوهو ليهم ..!!؟؟
    ومن حقهم يتمكيجو ويشيلو حواجبهم ويمشوا فى الشارع السودانى
    وبكره يعملوا نادى عراة .. ومسيرة مثليين .. كما اصبح لهم قروب فى الفيسبوك ..الخ
    والله فعلا الشعب دا احترق ووصل الحضيض تحت شرعية حقوق الانسان
    والحضارة .. وحرية الفرد وحرية الاخرين وتلاشى الدين والعادات والمثل والاخلاقيات
    والمحيرنى الناس البتقول الكلام دا عااادى ..وعملو شنو .. وحلات الدنيا عليهم .. ودا وحق شرعى
    غايتو اما ديل اقرباء بعضهم/ن .. او لو معجب/ة بقلم الدلال الجاريو للاخر
    وشيل الحواجب دا احسن يزورا اطباء نفسيين ..!!
    فكما ان الرجل الطبيعى يشوف ليهو امراة مسترجلة فتطم بطنه لانها فقدت الانوثة
    كذا من المفترض لمن تشوف ليك واحد ما شادى حيلو - مفترض بطنهم تطم- كما قالت سناء - لانو فقد الرجولة
    لكن نقول شنو .. الرجال ماتوا فى كررى .. وحليل زمن رابحة!!

    وحليك يا محمدe سليمان ياهو زمن المثليين وتيموليت

    ----------
    يا ابارو؛
    يا زول انا مااستلفت منك اقتباس دا جايبو من عندى
    والله .. الا تشابه فى الراى ساااى ..
    يا الخطيب ؛
    الناس ديل عندهم تصريح لكن النظام العام
    كشاهم ما عشان التصريح عشان ما شادين حليهم وبدعتهم الجديدة دى
    واراد الجزء والفضيحة عمت الكل ..
    وما عندنا كلا فى البنات ولا فى بعض من لعارضين الباين الاحترام
    فى ادائهم وصورهم ..
    بس الخير يخص والشر يعم ..
                   |Articles |News |مقالات |بيانات

28-06-2010, 07:48 AM

مرتضى احمد عبد القادر
<aمرتضى احمد عبد القادر
تاريخ التسجيل: 30-12-2009
مجموع المشاركات: 2540

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Tabaldina)

    Quote: فكما ان الرجل الطبيعى يشوف ليهو امراة مسترجلة فتطم بطنه لانها فقدت الانوثة
    كذا من المفترض لمن تشوف ليك واحد ما شادى حيلو - مفترض بطنهم تطم
    - كما قالت سناء - لانو فقد الرجولة
    لكن نقول شنو .. الرجال ماتوا فى كررى .. وحليل زمن رابحة!!

    يعني طمام البطن مبرر للقبض على هؤلاء الشباب ؟؟ اسي لو لاقو إمراة مسترجله بطنهم حتطم حسب كلامك اها برضو بيقبضو عليها ؟؟

    Quote: الناس ديل عندهم تصريح لكن النظام العام
    كشاهم ما عشان التصريح عشان ما شادين حليهم وبدعتهم الجديدة دى
    واراد الجزء والفضيحة عمت الكل ..
    وما عندنا كلا فى البنات ولا فى بعض من لعارضين الباين الاحترام
    فى ادائهم وصورهم ..
    بس الخير يخص والشر يعم ..

    يعني البوليس قبضهم عشان في بعضهم ما شادين حيلهم وقبض الكل واراد البعض ؟؟
    حسب علمي انو الشرطه بتقبض المواطن لو إتجاوز القانون وعدم شدة الحيل دي ما أظنها مبرر قانوني ولو في قانون جديد يبيح القبض على الزول الماشدي حيلو ورونا ليهو ورونا شدة الحيل دي تعريفه القانوني شنو؟؟ في ناس عندها رأي في الزول البيحلق شعرو ويخفف الجمبات اكتر من الفوق انو ما شادي حيلو وفي الزول البيتمسح و و و و ... الخ
                   |Articles |News |مقالات |بيانات

28-06-2010, 09:18 AM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: مرتضى احمد عبد القادر)

    ..
    .
    سلام يا مرتضى

    عليكم الله ما تبرر الكلام على هواكم ..
    خلينا نتكلم بصفة عامة ..
    الدين الاسلامى والمجتمع السودانى والعادات والتقاليد الفطرة الطبيعية
    ما بتقبل الراجل المثلى او المخنث او تالتهم كما قال صديقى انور ..
    والقبض ليس لان بطنهم طمت كما تحاول ان تحرف المعنى .. ولكن لخروقات
    فى قانون النظام العام .. واعلم واتفق ان القانون به تجاوزات
    وان سرق فيهم الشريف تكرهو .. لكن هذا الرفض بحكم العادات
    والاخلاقيات .. والكلام الكتير الما بحتاج لتكرار

    Quote: حسب علمي انو الشرطه بتقبض المواطن لو إتجاوز القانون وعدم شدة الحيل دي ما
    أظنها مبرر قانوني ولو في قانون جديد يبيح القبض على الزول الماشدي حيلو ورونا ليهو

    شدة الحيل
    تعتبر تجاوز لقانون النظام العام ما عندى فكرة عن تفاصيل
    قانون النظام العام والمجتمع لكن اعرف من ضمنها اللبس الخليع
    والتشبه والممارسات الخاطئة التى تتنافى مع الدين والاخلاق وعادات المجتمع ..

    ---------

    شدة الحيل دى بتتعرف بالبديهة والفطرة
    لكن فى القانون الا ينزل لينا واحد التفاصيل
    بتاعت االقانون العام ..
    نحنا زاتنا دايرين نلم بيهو عشان ناخد حذرنا :)
                   |Articles |News |مقالات |بيانات

28-06-2010, 08:32 AM

حسبو عكاشة
<aحسبو عكاشة
تاريخ التسجيل: 25-04-2010
مجموع المشاركات: 1305

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Tabaldina)

    سلام يا تبلدينا
    Quote: كشاهم ما عشان التصريح عشان ما شادين حليهم وبدعتهم الجديدة دي
    عليك شوف البدعه دي معاك برضو علي مرأي و مسمع نفس الشرطة



    و الشرطة مستمتعة جدا و ما عندها اي مشكلة في الموضوع دا, و بتصور كمان
                   |Articles |News |مقالات |بيانات

28-06-2010, 08:33 AM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Tabaldina)


    العزيز صالح تبلدينا...سلامات يا رجل...قلت:

    Quote: عايزننا نعتبر انو _بعض _ من الاولاد عارضى الازياء الــ( الكــ ....)
    دا يعتبر حق شرعى ليهم عايزين تكلفوهو ليهم ..!!؟؟
    ومن حقهم يتمكيجو ويشيلو حواجبهم ويمشوا فى الشارع السودانى
    وبكره يعملوا نادى عراة .. ومسيرة مثليين .. كما اصبح لهم قروب فى الفيسبوك ..الخ


    أولاً يا عزيزي وجود شواذ جنسياً في السودان ليس جديداً...واحيلك لبوست أغاني الحقيبة والخ...
    الأمر ممتد منذ عهد سيدنا لوط عليه السلام...عرفت بعض المجتمعات كيفية التعامل معها وتظل مجتمعاتنا تنكرها
    وهي فيها... لو حابي نتحدث عن ما يدور في المدارس الابتدائية وبين اولاد الحلة والخ... أخوك مستعد!

    ثانياً: أعتقد أننا بثقافاتنا التي لا تقبل الآخر...نحن الدخلاء على الفيس بوك..وليس العكس، وقد يكون أسياد الشئ زاتو
    مستغربين في القروبات المليونية الدايرة تحرر القدس ودايرة تقفل قروبات الشواذ والخ!

    ثالثاً: عليك أمان الله...في نادي عراة أكتر من الصورة في البوست ده؟
    لِمَ لَمْ تمهد له الطريق يا عمر؟؟ العثورعلى جثة رجل داخ...ص ما لا يمكن كتابته)

    تذكر ان الله لا ينظر لصورنا يا عزيزي!
    ________
    في جزئية تانية بتاعة "تالتن" ممكن نتطرق ليها لاحقاً...وكذلك المُبتلين بميولهم ضد الفطرة...

    أنور
                   |Articles |News |مقالات |بيانات

28-06-2010, 10:42 AM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    ..
    .
    اخى العزيز / انور كينغ

    تحيات واشواق

    Quote: أولاً يا عزيزي وجود شواذ جنسياً في السودان ليس جديداً...واحيلك لبوست أغاني الحقيبة والخ...
    الأمر ممتد منذ عهد سيدنا لوط عليه السلام...عرفت بعض المجتمعات كيفية التعامل معها وتظل مجتمعاتنا تنكرها
    وهي فيها... لو حابي نتحدث عن ما يدور في المدارس الابتدائية وبين اولاد الحلة والخ... أخوك مستعد!

    اولا :
    اتفق معك يا صديقى ان الشواذ جنسياً موجودون منذ حقب قديمة
    بل لقد ورد ذكرهم فى القران .. بل قد ووصفوا بانهم تجد أحدهم قليل الحياء
    قد مصـت الأرض ماء الحياء من وجهه فلا يستحي مـن الله تعالى ولا من خلقه
    وليـس فيه قوة الرجال ولا بأسهم ولا صـرامتهم.. وطبيعتهم مغايرة للطبيعة البشرية
    اها باس الرجال وصرامتهم والطبيعة المغايرة دى ياها البنتكلم عليها
    يعنى لمن تقارن الشباب اللابس الجكيت الرمادى والقميص البلو والاخرى الابس
    الفل سوت السوداء مع العروس .. بالثوب الابيض والله ما بتشوف شئ شاذ
    لكن الصور الاخرى .. حدث ولا حرج ..
    مسالة كيف المجتمع يتعامل معاهم دى صعبة ؟؟ هل يتعامل معهم كمرضى مثلاً ؟؟
    ولا كحقوق انسان يعمل ما نهى الله عنه والمجتمع ؟؟
    انا متاكد انه القضية شائكة والحالات فى المدارس والحلة وتواجدهم فى طرقات
    هذه المدينة الظالم اهلها لا تحصى ولا تعد .. وما نقوله هنا ونناقشة هو اضعف الايمان
    وفقط سعى لتقديم صورة دينية ومثالية والمحافظة على ما تبقى من مجتمعنا
    فلا زالت هنا اجيال قادمة ستعانى من جراء انتشار عادات وحريات كهذه ..

    ثانيا :
    اعلم انك متدين وان لا نقبل الاخر من ناحية عنصرية مثلا بان هذا ابيض وذلك اسود
    او ( لا فرق بين عربي وعجمى وابيض واسود ) هذه تختلف فهنا الاسلام طالبنا بقبول الاخر
    اما حديثك عن الشواذ- فالدين والقران طالبنا برفض الاخر
    (إنـهم كانوا قوم سوء فاسقيـن )الأنبياء74.
    وقال تعالى ( إنـا مهلكوا أهل هذه القرية إن أهلها كانوا ظالمـين ) العنكبوت31.
    فتـأمل إلى من وصفهـم الله بـهذه المواصفات وذمهم بتلك المذمـات .
    وهـم أهل لها فإنـهم يرتكبون جريـمة غريبة على الطباع والعقـل والأذهان والغرائـز..
    ونحن هنا لا نقول ما لا نعلم ولا يمكن لشخص ان يصف _ بعض العارضين_ عما يدور بحوارنا المتشعب هذا
    فكثيرا ما تكون المظاهر خداعة ولكن ان وصفنا ( الميك اب ) والمياعه التى صاحبت بعضهم
    فى تجهيزاتهم خلف الكواليس كما نراه فى ( حادثة نادى ابولو ) بانها مخالفة للمالوف فهذا لا خلاف عليها
    ورغم المبررات والهجوم الا ان التقييم نسبى بلاشك ..
    ومثلا انا وانت واخرون وكثيرون هنا بنمشى لصالون الحلاقة لحلاقة راقية ولتهذيب الشنب والدقن ..
    ويمكن يعمل ليك مواد لو عندك حب شباب .. ولو عريس نظافه وش .. الخ
    لكن معقول تقول ليهو القط لى حاجبي ولا جر لينا قلم هنا واعمل لينا ماسكره ..!!؟
    كما راينا خلف كواليس نادى ابولو ... بالتاكيد لا ..
    اها انحنا علينا بالظاهر المسالة دى زادت عن المعقول ..
    والمياعة دى بتدخل فى الشبهات .. ودى بدعة وكل بدعة ضلالة
    وكل ضلالة فى النار .. فالناس ما تجى تنادى بحقوق الانسان وشئ طبيعى
    ولهم الحق ان يفعلوا كذا .. وكذا ..
    دى حاجات تتنافى تماما مع الشرع والمجتمع والعادات والاخلاقيات
    ومن حقنا ان نرفضها اليوم لكى لا نندم غدا عندما نرى ابنائنا يفعلونها امام مراى منا
    ثالثا:
    حادثة الرجل المتوفى فى المجارى
    هذه مسئولية الراعى عمر البشير والوالى عبدالرحمن الخضر
    وكلكم راع وكلكم مسئول عن رعيته
    وهم مسئولون منها امام الله .. فهى ليست لها علاقة بالعادات والتقاليد
    هذا تقصير رئيس ووالى تجاه رعيته وشعبه يسئل منها يوم لا ظل الا ظله

    ----------

    الجزئية بتاعت تالتن والذين ابتلاهم الله مرضا
    ان كانوا قوم لوط او غيرهم.. فما زال الحوار العام مفتوحا
    فتفضل ادلو لنا بدلوك
                   |Articles |News |مقالات |بيانات

28-06-2010, 07:34 AM

حافظ كنجال
<aحافظ كنجال
تاريخ التسجيل: 02-10-2009
مجموع المشاركات: 510

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فدياس نجم الدين)

    معا ضد اعتقال المبدعين

    ياجماعة الشباب ديل حاليا بواجهو تهم من غير وجه حق
    وممكن يتحاكموا حتى ولو بالغرامة مثلا
    من اجل توصيل رؤية وفكرة معينة

    بعيدا عن كل ماحدث
    يجب التضامن معهم ضد الاعتقال وسلب الحريات

    التحية لنميري رشاد والاخرين
                   |Articles |News |مقالات |بيانات

28-06-2010, 07:59 AM

الهادي محمد ابراهيم
<aالهادي محمد ابراهيم
تاريخ التسجيل: 03-11-2009
مجموع المشاركات: 791

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: حافظ كنجال)

    dd.jpg Hosting at Sudaneseonline.com


    يا بورداب الخارج..
    اتقوا الله وامسكوا عليكم (اولادكم)..
    وخلونا في عراريقنا وجلاليبنا..
                   |Articles |News |مقالات |بيانات

28-06-2010, 08:16 AM

الهادي محمد ابراهيم
<aالهادي محمد ابراهيم
تاريخ التسجيل: 03-11-2009
مجموع المشاركات: 791

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: الهادي محمد ابراهيم)

    bb.jpg Hosting at Sudaneseonline.com


    ولن ننساك يا ايداهور
                   |Articles |News |مقالات |بيانات

28-06-2010, 08:39 AM

emad altaib
<aemad altaib
تاريخ التسجيل: 27-12-2007
مجموع المشاركات: 5300

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: الهادي محمد ابراهيم)

    ــــ


    Quote: ود البنا أخوى
    السيسبان مانوس
    وفوق ضلوا الرهين
    رايعات معيز أم روس
    الفى عينو (حُمره)
    وإيدوا فيها فلوس
    إن خِتا ها (المَلَم)
    ما إظنوا يلقى (عروس).....!


    طَابَق الْقَيْد الْقَمَر مَدَاسو
    الْتِّبْرالمسُُوبك كع مِقاسو
    الْكِوِيّز المَلَاق مَامِن جُلْاسو
    الْمَعْرُوْف الْجَمَال ب حُرّاسو
                   |Articles |News |مقالات |بيانات

28-06-2010, 09:17 AM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: emad altaib)

    الناس الجادة جنى جداد دي لمّا تخلص أدونا خبر النجي نجوطا!
                   |Articles |News |مقالات |بيانات

28-06-2010, 12:34 PM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: محمد عبد الماجد الصايم)

    Quote: الناس الجادة جنى جداد دي لمّا تخلص أدونا خبر النجي نجوطا!


    يا عمك

    أول مره الزول يتعاطف مع اللون الأحمر

    النجيضه البت ............................ حمراء
                   |Articles |News |مقالات |بيانات

28-06-2010, 09:16 AM

غباشي
<aغباشي
تاريخ التسجيل: 19-01-2007
مجموع المشاركات: 1724

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: الهادي محمد ابراهيم)

    Quote: تحوا ليهم بلاغات ( لبس فاضح ) و ( أعمال فاضحة ) .. وفي انتظار المحاكمة

    و الله يا جماعة انا لي قريب الساعة بقرا في المداخلات و التعليقات ا لمباحة و الغير مباحة , الجادة و الما جادة , المتضامنة و المناهضة , فوجدت فيها ما اضحكني حتى بانت نواجزي (الضحك ليس استخفافاً بالشباب موضوع البوست لكن من بعض تعليقات الناس الحالتها صعبة ..... ناس ود القاضي) و ما اوشكت ان ابكي بسببه (قربت ابكي) لحدي ما وصلت للنجيضة الجابها معتصم نيستا و لحدي هنا و خلاص كدة يا جماعة انسو الكلام الفات دا كلو من (عدم شدة حيل الاولاد و ما الى ذلك, و كروش البنات و سيقانهم و اللوري و الوردة , و هلمجرا ....) يا جماعة مش جا في صدر البوست دا انو حفل عرض الازياء مصرح بيهو? و التصريح دا من الشرطة عديييل (يعني ما من الشرطة المدرسية) طيب يا جماعة انا على حسب فهمي (البسيييييط) بفتكر انو الشباب ديل لا تثريب عليهم طالما مصرح ليهم سلفاً بالقيام بأعمالهم الفاضحة دي ..... بعدين و الله يا جماعة حكاية التشريك للناس و التصيُّد لهفواتهم او زلاتهم دا نوع من الحقارة ... وين الحكمة و الموعظة الحسنة باعتبارهم لسة صغار, لمصلحة من ان تقيَّد ضدهم تُهَم مخزية كدة? و للا الحكاية كسر عين و السلام?

    يا جماعة ياخ ليه ما نخت الكورة واطة (دي بمناسبة كأس العالم) و علاقاتنا مع بعض وانطباعتنا عن بعض تكون في شكل باص و خانة ونريِّح اللعب و بلاهو اللعب الطويل و الضاغط .... لانو كدة بنقطع بسرعة و اللياقة بتبقى ببح
    تحياتي للجميع و الشباب ديل انا ما شايفهم غلطانين طالما صُرِّح لهم باقامة حفلهم اللي لبسوا فيها الملابس الفاضحة و ِمارسوا فيه العمل الفاضح على حد قول الاتهام
    و يا جماعة كدوا أكدوا لينا حكاية المشروبات الكحولية دي عشان الموضوع ما يكون فاكي ساي كمان



    ــــــــــــــــــــــــــــــــــــــ
    * الاخ القتيل فايز ود القاضي و الاخ بتاع الحنبوكة .... ياخ انتو قربتو ِتقتلوني بتعليقاتكم ..
    * يا جماعة قدر ما فتشت لي عضم المشاركة بتاعت سيد الحوش في سلقَّط ... ملقَّط ما لقيتها .... و الله لو ما التكويت بتاع الشباب المتابعين كان قلنا عليها (ذهب مع الريح)
    * تحياتي للجميع و يا شباب اخوكم العبد لله زول ساي ... يعني لا واعظ و لا يحزنون
                   |Articles |News |مقالات |بيانات

28-06-2010, 11:28 AM

emad altaib
<aemad altaib
تاريخ التسجيل: 27-12-2007
مجموع المشاركات: 5300

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: غباشي)

    ـــ


    أَم خشَيم مُحَمَّر مَا بْتَعْرِف الْعَوْه
    شُبِهاطْرَانِي بَنَات رِفَاعَة وَالُكُوه
    وبْرِيقَافـج رِدَخ الْعِظَام وَالِجُوه
    وَقِيْع بِصَلَاتِي عَل الشفَاع أَبِمَرُوه.
                   |Articles |News |مقالات |بيانات

28-06-2010, 12:41 PM

مرتضى احمد عبد القادر
<aمرتضى احمد عبد القادر
تاريخ التسجيل: 30-12-2009
مجموع المشاركات: 2540

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: emad altaib)

    سلام تبلدينا
    ما قصدت أحرف معنى كلامك ودا الوصلني من مداخاتك على العموم آسف لو حرفت كلامك لقصور في فهمي لمدخلتك وأتمنى أكون فهمتك صاح أسي

    Quote: الدين الاسلامى والمجتمع السودانى والعادات والتقاليد الفطرة الطبيعية
    ما بتقبل الراجل المثلى او المخنث او تالتهم كما قال صديقى انور ..

    مافي إختلاف ودا زي ما قلته بصفة عامة لكن ما عندو علاقة بالموضوع إلا إذا في زول شايف الشباب ديل مثلين أو مخنثين

    Quote: والقبض ليس لان بطنهم طمت كما تحاول ان تحرف المعنى .. ولكن لخروقات
    فى قانون النظام العام .. واعلم واتفق ان القانون به تجاوزات
    وان سرق فيهم الشريف تكرهو .. لكن هذا الرفض بحكم العادات
    والاخلاقيات

    يعني القبض تم لتجاوز الشباب لقانون النظام العام
    رفضك لسلوك الشباب ديل انا ما عندي فيهو إشكال وبعتبرو رأي ما أكتر ومبني على أخلاقياتك وخلفيات الثقافية وعاداتك
    أنا إشكالي مع الناس المؤيده إنو يتم القبض على الشباب ديل لأنهم رافضين سلوك الشباب ديل وشايفنهم ما شدين حيلهم ولبسو وأستخدمو حاجات غريبه علينا او ما بيستخدمه الراجل في مجتمعتنا

    Quote: شدة الحيل
    تعتبر تجاوز لقانون النظام العام ما عندى فكرة عن تفاصيل
    قانون النظام العام والمجتمع لكن اعرف من ضمنها اللبس الخليع
    والتشبه والممارسات الخاطئة التى تتنافى مع الدين والاخلاق وعادات المجتمع ..

    الموضوع هنا نسبي جدا يعني الضباط بتاع النظام العام البجي مع الحملة لو أنصار سنة اللبس الخليع ممكن يشمل 90% من الشعب السوداني ولو واحد من قرايبي الفي البلد عدم شدة الحيل بتشمل اي زول بيتمسح ويتسبسب و ..........الخ

    إحترامي و ودي

    (عدل بواسطة مرتضى احمد عبد القادر on 28-06-2010, 12:48 PM)

                   |Articles |News |مقالات |بيانات

28-06-2010, 01:28 PM

فايزودالقاضي
<aفايزودالقاضي
تاريخ التسجيل: 27-11-2007
مجموع المشاركات: 10091

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: مرتضى احمد عبد القادر)



    التوب الاحمر ده بكون صادروه ولا رجع ؟!!!!
                   |Articles |News |مقالات |بيانات

28-06-2010, 01:40 PM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فايزودالقاضي)

    Quote:

    التوب الاحمر ده بكون صادروه ولا رجع ؟!!!!


    شفت التوب وما لقاني أجمل منه

    يا مان قاصد التوب ولا الجوه التوب
                   |Articles |News |مقالات |بيانات

28-06-2010, 02:14 PM

Al-Mansour Jaafar

تاريخ التسجيل: 06-09-2008
مجموع المشاركات: 4116

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فدياس نجم الدين)
                   |Articles |News |مقالات |بيانات

28-06-2010, 02:18 PM

naeem ali
<anaeem ali
تاريخ التسجيل: 16-04-2008
مجموع المشاركات: 6577

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فدياس نجم الدين)

    محاوله للحاق (بالجوطه) وتوضيح..
    شايف الناس بتقول (الكلام ده عاجبكم... وخلوا اولادكم يلحقوهم وبناتكم ماعارف شنو..)
    انا مثلا (ولاني تربية قري) ممكن الصور (تطمم بطني).. ودي حاجه (بتخصني انا ومكونات نشئتي)
    لكن ده مابيديني الحق (احكم عليهم/ن) او ما اتضامن معاهم/ن (الموضوع القاء القبض بسبب حفله عرض ازياء)..
    تاني حاجه الموضوع الاساسي (عرض ازياء) والكواليس منطقه خاصه (ذي الحمام) مامفروض يطلع علي احداثها شخص من خارجها..
    تالت حاجه الاعتراض الوحيد (لدي شخصيا) هو (التواطؤ علي القاء القبض عليهيم/ن بسبب عرض ازياء لانهم في نظرنا ماشادين حيلم
    ببساطه ... اي زول جهاز الامن يقبضوا هو في نظر الجهاز عميل ويقوم بافعال دخيله علي المجتمع لمن وجهة نظرنا نحن تستوجب الاعتقال يبقي وجهة نظر الجهاز احق مننا لانه (لا)قانون هنا مجرد وجهات نظر شخصيه..
    ولو كان البوست موضع النقاش يناقش في الظواهر الشاذه في المجتمع كان قلنا الف كلمه وكلمه مختلفه..
    لكن لا لاعتقال اي شخص بدون ضوابط قانونيه لو بقا الشخص ده شاذ جنسيا او امام مسجد..
    بس ..
    دي نجيضتي..

    ____________________
    كامل التضامن معهم/ن
                   |Articles |News |مقالات |بيانات

28-06-2010, 02:20 PM

Al-Mansour Jaafar

تاريخ التسجيل: 06-09-2008
مجموع المشاركات: 4116

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: naeem ali)

    عرض ممنوع ودا عرض غير ممنوع؟؟

    مهرجان الثوب ، اول عرض ازياء مفتوح ، ابداع و جمال و رفع... صور و صور ثم فيديو
                   |Articles |News |مقالات |بيانات

28-06-2010, 03:25 PM

سناء عبد السيد
<aسناء عبد السيد
تاريخ التسجيل: 29-03-2008
مجموع المشاركات: 2093

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: فدياس نجم الدين)

    Quote: حسي بعد اختلاف الراى بين مؤيد ورافض ( للميك اب بتاع الرجال )
    ومناداة الكثيرين هنا بحقوق الانسان
    ومقارنة حادثة الاوزاعى ومصطفى محمود بحادثة نادى ابولو ..
    عايزننا نعتبر انو _بعض _ من الاولاد عارضى الازياء الــ( الكــ ....)
    دا يعتبر حق شرعى ليهم عايزين تكلفوهو ليهم ..!!؟؟
    ومن حقهم يتمكيجو ويشيلو حواجبهم ويمشوا فى الشارع السودانى
    وبكره يعملوا نادى عراة .. ومسيرة مثليين .. كما اصبح لهم قروب فى الفيسبوك ..الخ
    والله فعلا الشعب دا احترق ووصل الحضيض تحت شرعية حقوق الانسان
    والحضارة .. وحرية الفرد وحرية الاخرين وتلاشى الدين والعادات والمثل والاخلاقيات
    والمحيرنى الناس البتقول الكلام دا عااادى ..وعملو شنو .. وحلات الدنيا عليهم .. ودا وحق شرعى
    غايتو اما ديل اقرباء بعضهم/ن .. او لو معجب/ة بقلم الدلال الجاريو للاخر
    وشيل الحواجب دا احسن يزورا اطباء نفسيين ..!!


    الله يبارك فيك يا تبلدينا.. قلت المختصر المفيد.. فعلاً بعض الناس اختلط عليهم الحابل بالنابل و اصبحوا يدرجوا الغلط و الصاح تحت اسم الحريات
    و حقوق الإنسان و شتان بين حادثة مصطفى محمود و حادثة لبنان و بين حادثة عرض الأزياء .. لاجئيين ضربوا و قتلوا و سجنوا دون ذنب اقترفوهوا و ..اولاد
    ابتدعوا بدع غريبة و مخلة بمحض إرادتهم اين وجه الشبه و يأتيك من يتحدث عن إزدواج المعايير لكوننا تضامنا مع ضحايا حادثة لبنان و أدنا موقف هؤلاء
    الأولاد .. حيث لا يوجد وجه شبه و اقول لمن يتهمنا بازدواج المعايير ما تمارسونه هنا من خلط للأحداث يسمى بإختلال المعايير .. عن نفسي ارفض سلوك
    هؤلاء الأولاد و لكنني ادين ايضاً اعتقالهم و ضربهم .. علينا معالجة الأمور بعقلانية اكثر من التعاطف اللا مجدي و الإعتقال و الإساءة المذلة للإنسان
    ..
                   |Articles |News |مقالات |بيانات

28-06-2010, 04:59 PM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: سناء عبد السيد)

    Quote: الله يبارك فيك يا تبلدينا.. قلت المختصر المفيد.. فعلاً بعض الناس اختلط عليهم الحابل بالنابل و اصبحوا يدرجوا الغلط و الصاح تحت اسم الحريات
    و حقوق الإنسان و شتان بين حادثة مصطفى محمود و حادثة لبنان و بين حادثة عرض الأزياء .. لاجئيين ضربوا و قتلوا و سجنوا دون ذنب اقترفوهوا و ..اولاد
    ابتدعوا بدع غريبة و مخلة بمحض إرادتهم اين وجه الشبه و يأتيك من يتحدث عن إزدواج المعايير لكوننا تضامنا مع ضحايا حادثة لبنان و أدنا موقف هؤلاء
    الأولاد .. حيث لا يوجد وجه شبه و اقول لمن يتهمنا بازدواج المعايير ما تمارسونه هنا من خلط للأحداث يسمى بإختلال المعايير .. عن نفسي ارفض سلوك
    هؤلاء الأولاد و لكنني ادين ايضاً اعتقالهم و ضربهم .. علينا معالجة الأمور بعقلانية اكثر من التعاطف اللا مجدي و الإعتقال و الإساءة المذلة للإنسان..


    الأخت سناء...صدقيني ما بزعل لو تم توجيه الكلام بصورة مباشرة..يعني البعض الفوق دي..لو سألتا منها طفلنا الرضيع
    المأمون...حا يقول لي خالتو سناء دي قاصداك وكدة....

    الفهم بتاع الحزب لو ما أصدر بيان يبقى الموضوع ما مهم ده... مضيعنا!

    كدي أسمعي معاي تراثنا الجميل ده..



    المهم...
                   |Articles |News |مقالات |بيانات

28-06-2010, 06:01 PM

naeem ali
<anaeem ali
تاريخ التسجيل: 16-04-2008
مجموع المشاركات: 6577

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Salahaldeen Nadir)

    Quote: LIKE شديد يا نعيم

    !

    (نلايكك) في سمح الوليدات يا صلاح يا اخوي..
                   |Articles |News |مقالات |بيانات

28-06-2010, 02:22 PM

walid taha
<awalid taha
تاريخ التسجيل: 28-01-2004
مجموع المشاركات: 3493

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Wasil Ali)

    من سياق الردود يمكن تصنيف المتداخلين الى قسمين :
    1- مستنكر للحادثة (بكل ما ورد فيها)
    2- مستلذ بما ورد فى البوست من صور وأخص بالذكر أخونا (ودالقاضي) الذى أسرف فى إعجابه بالــ " التوب الأحمر" وأنصرف الى ذلك تماماً.

    يجب ان نخلص الى أن الامر سلوكى يا أخوانا ومصدر إستياءنا نابع من غرابة الامر فى المقام وهى حادثة ليست بأسوأ من غيرها .

    عاجلاً أم آجلاً ستفرج الجهات الامنية عنهم وصدقونى بعدها سنسمع بعروض ازياء كهذه او اكثر خلاعة.

    إنها المرة الاولى فقط !
                   |Articles |News |مقالات |بيانات

28-06-2010, 03:22 PM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: walid taha)

    Quote: من سياق الردود يمكن تصنيف المتداخلين الى قسمين :

    اكتر بكتير من قسمين...
    لو عندك حاجة شخصية مع (ودالقاضي)...قولها ساي!
                   |Articles |News |مقالات |بيانات

28-06-2010, 03:47 PM

Salahaldeen Nadir
<aSalahaldeen Nadir
تاريخ التسجيل: 02-08-2006
مجموع المشاركات: 987

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: AnwarKing)

    ويسألونك: من أين أتى هؤلاء؟

    !
                   |Articles |News |مقالات |بيانات

28-06-2010, 04:10 PM

Al-Mansour Jaafar

تاريخ التسجيل: 06-09-2008
مجموع المشاركات: 4116

للتواصل معنا

FaceBook
تويتر Twitter
YouTube


Re: الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور) (Re: Salahaldeen Nadir)
                   |Articles |News |مقالات |بيانات


[رد على الموضوع] صفحة 3 „‰ 4:   <<  1 2 3 4  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de