|
Re: مقال جيد للاستاذ الفاتح جبره ..نشيل ليها اللوز !!!بعد إذنك يا أستاذ .. (Re: Dr.Elsadig Abdalla)
|
عزيزى دكتور الصادق
التحايا والود
معليش ما شفتا البوست إلا هسه .. حكايت (أى عجلاتى) دى فعلن الملح فيها كتير وأصلو الكتابة الساخرة بتعتمد على (تكبير) الظاهرة لدرجة المبالغة لتوصيل الفكرة .. والفكرة هنا وااااضحة وهى إنو مفروض الدكتور لو عاوز يعرف العطب وين فى (المريض) يعرفو بواسطة أقل (فحوصات) .. والجلاتى ذاااتو لو عاوز يعرف العطب فى العجلة وين يعرفو فى أقل عدد من (الفحوصات) وأظن أن الطبيب (أو العجلاتى) أو (الميكانيكى) أو (الكهربجى) الماهر هو من يفعل ذلك!يعنى ما معقول (الكهربجى مثلاً) يفك أسلاك وتوصيلات العمارة كوووولها عشان يعرف (الشورت وين) لأنو فى الحالة دى أى (دكتور) ممكن يعرفو وين !!!!
كسرة : حكايت العلاج والمستشفيات زمان دى حكاية !! الظاهر يا دكتور إنتا (صغيرونى) شوية !!
هذا مع شكرى وفائق إحترامى.
|
|
|
|
|
|