|
Re: نـادي الزهــاجـه ٢ سجل أسمك/إسمك.. (Re: عليش)
|
دعوه الي مني خوجلي البشوفها كلو يوريها ويقول ليها: النادي مستمر في إستقبال الحالات المستعصية والنادي بابو فاتح لي كل زول عندو رغبة او موهبه جديده للزهج.. كمان نبراس لو شفتوها في الفيسبوك كلموها بالإجتماع الجاي ..] دكتورة علم النفس سناء...جيبنا ليكم لزوم الكشف(تلاته شرايط من نوع ناس وراء وراء وراء وناس راجل القشارة ) خليك جاهزة.. عايزين نفتح قسم جدبد للأطفال عشان ينضموا للمجتمع المغلوب علي امره 89 صفر..كمان عشان ننسيهم قصة التعليم الخاص الماقدرين عليهو...وعشان وعشان
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: heba Elmahi)
|
يازهجانين
قلت أزهج شوية, فتحت التلفزيون , لقيت واحدة زى العجب بتقول كولاجين وعمليات تجميل ,وين فى السودان
مبالغة صاح؟
غيرت ومشيت القناة الجمبها, لقيتهم بعملوا فى عملية تجميل للشعب السودانى, كولاجين تقيل , الخج خلاص خلوهو.
القناة التالتة , لقيت زوبا, ياسلام لو شفتو زوبا, ح تستغربو أنتو زهجانين مالكم؟
السودان عالم جميل, تعال ازهج ومعك آخرون.
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: عليش)
|
Quote: تعال ازهج ومعك آخرون. |
ياندي: عشان كده نحن الزهجانين أعلاه..نتوقع زياده عدد الزهاجه الوافدين من الضواحي وطرف المداين.. يلا ساهمي معانا في المشروع الكبير المقترح من قبل سيادتكم..
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: عليش)
|
أستاذنا المبدع عليش لك التحايا
تلاتة يوم زهجان مادخلت البورد ، وعشان أخو الزهجان أقصد أخوالاخوان متولى قلت أفك زهجتى فيكم
Quote: ياود عليش يمين زهجك تعدا مكانو واملي الفيك ذهب هدمتا لي اركانو وطلبك صار صعب لابد من امكانو |
وإضافة نقول
ياخوانا الزهج دايرين نشوف أسبابو
للعالم يطــوف ويوماتى طارق بابــو
كان لى ساكن الديار غصباً يقولو حبابــو
كيف حالو الصعيب ساكيهو قوتو شرابــو
شقيان ماوِقف متحدى البقود كشــاتـو
وكان للمغترب الزهجة من ( بِلاتـــــــو)
وين حق الايجار (ومورقِشو) ودفعـــــاتو
وطلبات (المرا ) و(إنشورسو) وعــرباتو
وكان وِقِف الشٌغل ياهو الكِتِر زنقــاتو
وللزهج الشديد مراحلو عدا وفاتـــو
ونرجع نقـول بلدنــا خير وأحبابــو
*** ودالبدوى ابوفاطمة
وياأستاذنا عليش (نادى الزهاجة ) دى مسرحية جاهزة وأشعار الاخوان ودجبريل وودالمديرومتولى
والنص موجود عندك .
وأنا أتخيل المشهد الاول : يجى الممثل (زهجان ديمة ) طالع المسرح صارى (بوذو)يشتم وينبذ
الجمهور ، ولكن تتدخل الممثلة البارعة ( ليمونة فى بلد قرفانة ) لتهدئة الوضع مما يزيد
من زهجة (ديمة ) وينهال عليها ضرباً مما يتسبب فى طيران باروكتها عالياً وتتبعثر المساحيق
التى تسبب حالةً من العطس وسط الجمهور والزهج والنرفزة (يقفل الستار )**
الجمهور يقوم بدور المشهد الثانى (الستار لم يفتح حتى يهدأ الممثلين من زهجتهم )
زوج وزوجته زهجانين من بعض آخر كوراك وجوطة لولا تدخل الاجاويد الزهجانة والجيران
لكان الطلاق بائناً.
المشهد الثالث والاخير ، يظهر الممثل ( ديمة) مربوط الرأس وهو يغنى بزهج
تِعبت خلاص من الزهج توبة
جاتنى ليك زهجة بقَرفة مصحوبة
فلقت لى راسى وضربتو بى طوبة
ضربتو بى طوبـــــــــة
***** وهو يلوح بهذه الطوبة مما أحدث الجوطة وهرب الجمهور ... وإنتهت المسرحية بســـلالالالام .
_______________
أستاذى عليش إستميحنى عذراً ولك الود ، والحمد لله فكيت طوبتى أقصد زهجتى فى هذا النادى
العامـــــر .
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: ازهرى بدوى)
|
زهيـــــــــــــــج عفو اقصد (عليش) وينك يا شاب والله نحن ومعانا مستثمرين زاهجا (عرب) من اهلنا ناس الجزيرة فتحنا لينا بنك بتاع زهج في البلد دي ومش كده وعملنا للبنك فروع بتاعت زهج وبرضو .. صراف اّلي ... للخدمة الزهجية يقدمهاالبنك وخدمة اخري وهي تحويل واستلام الزهج من الدول العربية وكل العواصم خارج وداخل خط قرنتش .. والزهج عندنا بالعملة المحلية والاجنبية... واخو ارتقي وبقي مدير فرع في البنك اعلاه يعني وضعنا لازم يبقي مميز في النادي بتاعكم ده ............. يعني بالزهجي اقصد بالعربي كدة احـــــــــــــــــــــــجز لينا قدام .. جنب السواق بتاع النادي ..
والله بالجـــــــــــــــــــــــــــــــــــد مشتافين
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: omar alhag)
|
Quote: وخدمة اخري وهي تحويل واستلام الزهج من الدول العربية وكل العواصم خارج وداخل خط قرنتش .. والزهج عندنا بالعملة المحلية والاجنبية... واخو ارتقي وبقي مدير فرع في البنك اعلاه |
رفيق, انا مانجر مال هادا فرع.....
جاى متاخر وعايز تبقى مدير؟
بلازهج معاك.
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: ازهرى بدوى)
|
Quote: وكان للمغترب الزهجة من ( بِلاتـــــــو)
وين حق الايجار (ومورقِشو) ودفعـــــاتو
وطلبات (المرا ) و(إنشورسو) وعــرباتو
وكان وِقِف الشٌغل ياهو الكِتِر زنقــاتو
وللزهج الشديد مراحلو عدا وفاتـــو
ونرجع نقـول بلدنــا خير وأحبابــو
|
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: عليش)
|
الزهــــــاجه نحن نشيد بمجهوداتكم التي تدفع زهجة النادي الي قمة القمة,,ونشيد ايضا ونثني الاخ عمر الحاج..ونضم اصواتنا الراحت في شووربة زهج,,الي مشروع البنك والزهّاج الآلي,, ياعمر.. ابعدوا من الشيكات,,الطايرة,,غالبا حاتجيكم من الاخوة الذين لازهج عليهم ولاهم بزهجانين. وينك يااا شـــــــــوق
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: ازهرى بدوى)
|
Quote: وأنا أتخيل المشهد الاول : يجى الممثل (زهجان ديمة ) طالع المسرح صارى (بوذو)يشتم وينبذ
الجمهور ، ولكن تتدخل الممثلة البارعة ( ليمونة فى بلد قرفانة ) لتهدئة الوضع مما يزيد
من زهجة (ديمة ) وينهال عليها ضرباً مما يتسبب فى طيران باروكتها عالياً وتتبعثر المساحيق
التى تسبب حالةً من العطس وسط الجمهور والزهج والنرفزة (يقفل الستار )**
الجمهور يقوم بدور المشهد الثانى (الستار لم يفتح حتى يهدأ الممثلين من زهجتهم )
زوج وزوجته زهجانين من بعض آخر كوراك وجوطة لولا تدخل الاجاويد الزهجانة والجيران
لكان الطلاق بائناً.
المشهد الثالث والاخير ، يظهر الممثل ( ديمة) مربوط الرأس وهو يغنى بزهج
تِعبت خلاص من الزهج توبة
جاتنى ليك زهجة بقَرفة مصحوبة
فلقت لى راسى وضربتو بى طوبة
ضربتو بى طوبـــــــــة
|
ههههههه والله زهجة حلوة مفروض تُجـاز من المصنفات الادبية فورا للعمل والتنفيذ لكن سؤال? الطوبه نلقاها وين?? طوب الكمابن الغلاد داك؟
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: عليش)
|
زهجانة زهجة ليها ضل......
لى شهرين ما خشيت البورد....لمن ريحتى بقيت طير طير من الزهج....
كلامى زاتو كمل وراحت منى بنات افكارى وأولادا كمان.....
قمت بزهجتى دى...قلت يا بت...لأ لأ ده ما مسلك ثورى.....
شلت لى حجرا ماااااكن ورميتو ...جمبلق...فى بركة السكون....
وقعدت راجية الدوامات قال....يمكن زهجتى تفك....
أها لليلة راجية وراجية لاااامن حجرى غرق ...وزهج...وجا طافح تانى....ولا دوامة ...ولا يحزنون....
....قلت با بت....لا عزاء للزهجانين...قومى ..أدفرى...أدفرى الباب ..خليو يفتح على جناين القلب المدسوسة من زمان ...ومتخبية
ورا الوهم...!!....
...دفرت ....وحاخش يا عليش...حاخش...يمكن الزهجة تفك...لأ أكيد الزهجة حتفك لمن تخلى الوهم وتطلع لجوة ...الزهجة بتفك!!
....ياخ لكن ده زهج كثيف ...غليد....وعجيب خلاس....!!!!
....شكرا عليش على مساحة الزهج المفرحة دى.....
...أها فتك زهجان!!
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: Shiraz Abdelhai)
|
الي السيده الداخله توووش ومعطرة النادي بي زهجتها اللبها رتوووش.. زهيجاز ازيك... انا كنت متخيل الزهجه تفك بي حضور الامل الشفيف.. خزلني .. زهجت مني ..وتفاصيل الواقع محبطه.... زهجان معاك الشارع العام.. والمدير العام.. والثانوي العام.. والنظام العام.. والمفوضيه الساميه وبلاد العم سام.. وربط الحزام.. اها تاني شنو؟ بالمناسبه ماترمي حجرك ساي..بكره يدفعوك حق العتب ولاضريبه جااالوص ولا ضريبة زهج في اوقات العمل الرسمي.. شكرا زهيجا شيراز وادخلي لي جوة
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: عليش)
|
....تانى؟؟؟هى فضل فيها تانى؟؟؟ .... أكتر حاجة مزهجانى ....زهجى الماعندو قاع ده...!!وقدر ما أقول خلااااااااااس...دقينا الواطة ... أرجع أعاين ألقي الضلام رااااااقد....وفاتح ضراعاتو وعازمنى غرق!!.... أقوم أغرق وأغرق ...وازهج...وأزهج.... أخش من باب ...وأطلع من جحر قدر قد الإبرة...بصعوبة شديدة...أتلولو وأتكرفس....وأنزلق..... وأدافس كل الأرواح الشريرة البتحاول تطلع معاي..... ولما أطلع...ألقي روحى تاااااانى دخلت فى عمق زهجان أكتر من القبالو....وضلااااااام..... ....
عليش ....إزيك تانى.....حدو وين الزهج ده...حدو وين؟؟؟ ...
....... يا الله...رفقا بعبادك الزهجانين!!
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: Shiraz Abdelhai)
|
الزهجانيين .. هووووووووي .. ازهج ليكم أسع ..
تعرفوا أكتر حاجة مزهجاني شنو .. أنو أنا عامل فيها مثقف .. بقره كل يوم في سودانيز أون لاين .. وأي ندوة في الرياض .. بمشي أحضره .. وأكمل الثقافة كمان بشيل لي ورقة وقلم .. وأكتب الكلام البتقال في الندوة ... تصدقوا بعد ده كله .. ماحصل فهمته حاجة من الحاصل في السودان .. مثلاً : يقولوا لينا في إنتخابات حتتعمل في السودان .. ونحنا فرحانين .. أعمل فيها مثقف وأفرح .. بعد شوية .. يقولوا الإنتخابات مزورة .. ويزعلوا .. أقوم أنا كمثقف فارض نفسه في الساحة الثقافية .. أزعل .. ألقى ليك الناس تقول بس مافي مشكلة .. أهو تجربة .. تمهد للتحول الديمقراطي .. أزهج زاطوووا ..
ولا يلم فيك واحد يديك محاضرة عن الإنفصال وخطورته .. ومشكلة الجنوب .. تزهج ( ماقلنا ليكم مثقف وكده ) .. بعد شوية يقول ليك المشكلة دي حلها عند ربنا .. هو القادر على حماية السودان من الإنفصال .
ألقى ليك ثقافتي في الحضيض .. وزهجتي في السماء السابع الأرجواني .. ولون الدنيها مابرتكاني .. وأزهج وأنا منتظر الزمن الفلاني..
على العموم .. سوف أزهج حتى يوهن الزهج عن زهجي .. ثم أدعي انني مثقف .. حتى يزهج المثقفون من إدعائي .
| |
|
|
|
|
|
|
Re: نـادي الزهــاجـه ٢ سجل أسمك/إسمك.. (Re: عليش)
|
حــزنان .. ومطلــوق همكـ .. يا البحـر اليفيـض.. جرحين.. عصافير تحلق.. في دماك.. ملهوفه.. تسرقكـ ..حلمين.. ويــا ناركـ.. وكت ضجت..هواجس الشوق.. يا الهجـــروك..قبال ميعاد الحلم.. وفطموكـ بالقلق اليبـاس.. (2)..
الحزن الأبيض : العصافير الملونه.. ... قبـال توادع الحلم.. وسر الطين ..عشق.. قبال مطاراتك..تئن.. حزنا عليك.. نفس العصافير ا لتشيل أتركـ.. وتغيب..حنـين.. عطرت سر رحيــلك.. و روح غنـــاك.. و ياغنــاك.. ...
... تقــوم من الصباح ريحتك زهج زهج.. تقوم بي زهج.. تشرب زهج بي نعنــاع ولا زهج ســاده..او زهج بي لبن سكر خفيف,, تمشي تركب زهجتك وتدوره...تحلف ماتزهج من الزهجه الصبّت بالليل,,وبرّدتْ ليك الزهجه,, "واحد بفكر يزهّج نفسـو"
| |
|
|
|
|
|
|
|