|
Re: تأشيرة الى مصر من السعودية (Re: الصادق صديق سلمان)
|
الاخ اساسي شكراً لك يا عزيز ومابوصو واعي ، قبل كدا في ضابط في مطار القاهرة قفل لي الباب قال يا تدفع يا ما تخش قلت له والله لو جبت حسني مبارك ما تشوف لك مني قرش (وحياة ربنا يا اساسي عقيد راسه عديل) ولا التاني المن صالة المغادرة للطائرة عنده ممر ضيق كدا (انت شخصياً قطع شك بتحك في الحديدة والحيطة) "ما شاء الله عينا باردة" بس دا عسكري نفر اي مسافر لازم يتجمرك. ودا غير انه شغال معاهم وعارف حركاتهم كويس وانا اصلاً ماشي زيارة سريعة ان شاء الله يومين او تلاتة وسنجل يعني ابتزاز بالاسر مافي (اصله العالم دي زي تكاسة مكة كل ما يشوفوا معاك اسرة السعر بيزيد 200%.) الاخ خالد العبيد شكراً لك والجاتك في الانتخابات سامحتك .
الاخ محمد ابراهيم شكراً لك.
الاخ هاني
Quote: نصيحة: ما تهتم كتير بطلبات البقشيش الكتيرة - كلمة حمد الله على السلامة معناها أديني بقشيش - لا تدفع أكثر من 50 جنيه مصري للتاكسي من المطار إلى أي مكان في القاهرة مهما كانت حجّة السائق - نسق حجز الشقق والفندق مع معارفك في القاهرة قبل السفر - لو كنت كثير السفر إلى مصر عليك التوجه إلى مجمع التحرير - الطابق الأول - الإقامة - والحصول على ختم إقامة 6 شهور من شباك 42 - مجاناً - والحصول على تأشيرة خروج وعودة مصرية من شباك 25 بعد دفع رسم مقداره 6 جنيهات مصرية وعشرة قروش |
مالك مصعبة على يا اخوي، انا ماشي وداير اجي راجع باسرع ما يمكن ان شاء الله.
Quote: ود الباوقة سافرت قبل عامين الى مصر من الرياض
لاتحتاج الى تأشيرة يا اخي محمد 00
توكل على الله وسافر وبطل شوشرة .... |
شفت كلام الناس ديل كلهم انا مع احترامي ليهم بديهو الواطة وبمسك في كلامك انت بس (انا من يوم شفت صقريتك مع الرئيس عرفتك واصل، تحين انت ما هنيت بفوز مصر في سفارتهم؟ بالمناسبة ما عندك اي وصية لحبوبة غريبة؟ (وجه ضاحك).
الاخ عصام مشكور يا شقيق
شيخ الصادق شكراً لك
استاذ بهاء شايفك اصله ما جبت سيرة حبابك في مصر، ما مشكلة بمشي على حبيب نورة، بس لو ما غير شقته الحارة ديك اصله ما بصله، على الطلاق ود جبرين جايب له صورة وهو يصلي لو ما سالت وقالوا لي الزول دا عرقان كنت قايله مارق من غسل جنابة.
الشفيع دا الكلام وانا ذاتي كراهيتي في الدنيا اقيف انتظر.
دغيس كدي خليني اقضي انا الاول وبعدين شوف حل لمشكلتك (وش على كيفك)
عثمان سيد انت يا اخوي في السودان ولا مقيم زينا وعندك كفيل؟
|
|
|
|
|
|
|
العنوان |
الكاتب |
Date |
تأشيرة الى مصر من السعودية | محمد عمر الفكي | 04-22-10, 09:56 AM |
Re: تأشيرة الى مصر من السعودية | اساسي | 04-22-10, 10:10 AM |
Re: تأشيرة الى مصر من السعودية | خالد العبيد | 04-22-10, 10:11 AM |
Re: تأشيرة الى مصر من السعودية | محمد إبراهيم علي | 04-22-10, 10:27 AM |
Re: تأشيرة الى مصر من السعودية | Hani Arabi Mohamed | 04-22-10, 10:37 AM |
Re: تأشيرة الى مصر من السعودية | ود الباوقة | 04-22-10, 10:48 AM |
Re: تأشيرة الى مصر من السعودية | عصام دهب | 04-22-10, 10:31 AM |
Re: تأشيرة الى مصر من السعودية | الصادق صديق سلمان | 04-22-10, 10:48 AM |
Re: تأشيرة الى مصر من السعودية | محمد عمر الفكي | 04-22-10, 11:18 AM |
Re: تأشيرة الى مصر من السعودية | baha eassa | 04-22-10, 10:50 AM |
Re: تأشيرة الى مصر من السعودية | الشفيع وراق عبد الرحمن | 04-22-10, 10:57 AM |
Re: تأشيرة الى مصر من السعودية | خالد العبيد | 04-22-10, 10:59 AM |
Re: تأشيرة الى مصر من السعودية | baha eassa | 04-22-10, 11:03 AM |
Re: تأشيرة الى مصر من السعودية | عثمان دغيس | 04-22-10, 11:07 AM |
Re: تأشيرة الى مصر من السعودية | OSMAN SAYED MOHAMED | 04-22-10, 11:06 AM |
Re: تأشيرة الى مصر من السعودية | أيمن الطيب | 04-22-10, 11:21 AM |
Re: تأشيرة الى مصر من السعودية | ميسرة سيد أحمد | 04-22-10, 11:35 AM |
Re: تأشيرة الى مصر من السعودية | محمد عمر الفكي | 04-22-10, 11:48 AM |
Re: تأشيرة الى مصر من السعودية | OSMAN SAYED MOHAMED | 04-22-10, 12:33 PM |
Re: تأشيرة الى مصر من السعودية | baha eassa | 04-22-10, 10:35 PM |
Re: تأشيرة الى مصر من السعودية | خالد العبيد | 04-23-10, 05:46 AM |
Re: تأشيرة الى مصر من السعودية | OSMAN SAYED MOHAMED | 04-23-10, 06:25 AM |
Re: تأشيرة الى مصر من السعودية | ناصر المحسى | 04-23-10, 11:32 AM |
Re: تأشيرة الى مصر من السعودية | baha eassa | 04-23-10, 01:41 PM |
|
|
|