احب ام درمان وناس ام درمان واحب البحب ناس ام درمان والشواع والظلط والصاح والغلط . . . .

Quote: لا والله بتكلم جد يا أمانى .. بنات بحري ديل لا يمكن .. ولو بى صدفة تاريخيه سااااى كده تلقى فيهن واحده بس من الملازمين ..

Quote: التاريخ ينفح من حواريك القديمة و الايام تحكى عنك ياام المداين روحى تسافر فى التواريخ القديمة تقاتل فى كررى تحاصر الخرطوم تبيع راس غردون تعود بغايم النصر للمورد ترقص العرضة ثم تودع الافراح بيت المال تغنى عزة الاوطان ماهو عارف قدمو المفارق لم تذل ذكراك كالنيل كالاقمار تهدى خطانا بورة الوصل و ملتقى و جع الرحيل -------------------------------- من على البعد الجغرافى و الانصهار الوجدانى اهمس اليك احبك

Quote: حريف في كورتك (ودا كان زمان) وحريف في كتابتك ودائماً عامل ليك مرًّاقة على قول أماني الأمين

من اليسار الكابتن وابن المورده المدرب هيثم سلمان (مدرب الفريق القومي للناشئين ) دي اخر زيارة له عندي رمضان الفات
اها جبت ليك صورة صاحبك عشان تعرف علاقتنا مع اولاد امدرمان يستحيل الزمن يغيرها
اها المرّاقة التحت دي كيف
ليكي سلام وتاني سلام
وليكي قيام == وتاني قيام
ياست الدنيا== يا امدرمان
وست الجاه
وست الشأن
وست النان
سلمت == سلمت يا امدرمان
(سيد احمد الحردلو)

برضو فرق كبير بينا وبينكم ياخي (بحري سر الهوى ) و(غير بحري ما لي دوا )









----------------------
امدرمان عالم جميل

Quote: يازول انت نسيت حبوباتنا في بحري كان بحموهم بباقي موية وضوء الشيخ خوجلي وحمد بعدين ياخوي الناس ديل اقدم من امدرمان انت يظهر ماحكوا ليكم زمان لما شباب امدرمان بيجي بحري يتفرج للحسان ويعبروا الكبري راجعين يمشوا يبكوا ويكتبوا شعر في ربوع بحري لاقيتو بسم حياني حياتو والله قلبي على الأسى اتعلم وحين ما أذكرو اتألم وما بسلاه يا أحباب مهما فؤادي اشقاه في ربوع بحري لاقيتو بسم حيتو حياني طالعين كنا في نشوه على البلديه مرينا ناجينا الطيور في الروض قلنا ليها سامرينا سامرتنا بالتغريد ووريناها معنى الريد وقمنا وقالت اطروني وقلنا ليها اطرينا عبرنا الكبري والكبري وراجعين بقعة أمدرمان مزجتا دموعي بدموعا والجو كان أمان في أمان ودعتو ورجعتا براي لا روح لا فكر ولا راي ووين قلبي التركتو وراي غايب عني ليه زمان وانت فاكر دكتور (عابدين شرف ) دا كان بعالج في منو ومن شنو ولا اغلب المجانيين (رد الله غربتهم ) الحايمين في سوق الشهدا وسوق امدرمان سببهم شنو يازول الجماعة ديل زمان كان بربطوهم ليك في الكبجاب ويعملوا ليهم حجاب ياريت تكون عرفت سر الجمال في بحري (قالوا الصيد ورد في حلة حمد )

Quote: عدين بنات بحرى شكلهم اقليميات وما انيقات يعنى بالعربى كده بلديات لكن بنات امدرمان راقيات وانيقات وظريفات وحبوبات

ود المشرف:

Quote: لا والله بتكلم جد يا أمانى .. بنات بحري ديل لا يمكن .. ولو بى صدفة تاريخيه سااااى كده تلقى فيهن واحده بس من الملازمين ..

الغريبه ناس المشرف الأنا بعرفهم,
بين توتي والصبابي, الملازمين وأمدرمان علاقة ناس المشرف بيها شنو؟
شكلك مشرّف تقليد

أما عن بنات بحري فالملازمين دي بينهم وبينا بحر الحمد لله

Quote: أما عن بنات بحري فالملازمين دي بينهم وبينا بحر الحمد لله

Quote: يا بنات الناس يا اولاد الناس شنو اولاد ام درمان بمشوا لبحري وبيجوا راجعين يكتبوا الشعر ؟؟؟؟؟؟؟؟؟؟؟؟؟؟؟؟ شعر منو يا اخوانا ؟؟؟؟ ما تخليكم عاقلين شويه ( هو الشعر ده بكتبوه في شنو ؟؟ ومنو ؟؟؟ ) يا ناس ام درمان البجي يناسبكم من اي صقيعه في السودان ولا خلاء ما تدوه بيتكم , وما في واحد يمشي يجيب ليهو واحده من بحري وبعدين يقول ليبنا ( دي القسمه ) يا خي تخلي بنات ام درمان وتقول دي القسمه يا اخي ده الغبا الغبا ..... الغبا

يبكوا ويمشوا يقطعوا الكبري يكتبوا شعر,
وما جابت ليها قسيمه أصلو !

غايتو !
بس جبنا سيرة بنات بحري جابوا سيرة القسيمه !!

بالله لو سمحتوا شيلوا شعركم وغادي غادي

قال جرجير قال لوووووووول

Quote: تصدقي وبدون حليفة لمن ابيت خارج امدرمان زي الرايحه لي حاجة بحري جميلة والخرطوم جميلة لكن امدرمان اجمل ناسها ماعايزين واسطةعشان تعرفيهم تخشي شمال تووووووووش

Quote: تحياتي عشان بس تعرفي ليه بنعشق امدر اتمعني في كلام عمي شوقي بدري.

Quote: يا مجدي سيد البوست و وليد داوش بتاع الجرجير ,,

Quote: قسيمة شنو؟ ناس أمدرمان ديل قالوا ليكم بيجوا بحري يبكوا ويمشوا يقطعوا الكبري يكتبوا شعر, وما جابت ليها قسيمه أصلو ! غايتو ! بس جبنا سيرة بنات بحري جابوا سيرة القسيمه !

Quote: دي ياها ذاتاااااااته قشيت الملايات وفرشت الحوش..ههههههههه

Quote: هاهاهاهاااااااااااااااااااي اسمها ( قشيت الحوش وفرشت الملايات ) وبرضو حقتنا ياوليد ذكرتني قصة الاحول الدخل يدو في جيب صاحبو ههههههههههه

Quote: هاهاهاهاااااااااااااااااااي اسي الجاب سيرة القسيمه منو؟ الزول قال ليك قسمه. دي ياها ذاتاااااااته قشيت الملايات وفرشت الحوش..ههههههههه

Quote: من مذكرات الشاعر عبد المنعم عبد الحي نفتبس تفاصيل كتابة أغنية أنا امدرمان : ( رجعت من فلسطين في شهر مارس 1949 م وأتذكر أول لقاء لي بعد عودتي من فلسطين كان مع الفنان أحمد المصطفى واثناء حديثنا جاءت سيرة أغنية الخرطوم للفنان حسن عطية عندها ذكر لي أحمد المصطفى بانه يريد أغنية لامدرمان مثلما تغنى حسن عطية للخرطوم فقلت له : طيب اديني مهلة أفكر .. وفي نبطشية في القشلاق قعدت أقرأ في وصف أغنية الخرطوم لحسن عطية – الخضره والزهور والحاجات دي .. طيب امدرمان بالنسبة لي أكثر من وطن صغير داخل الوطن الكبير .. انا لما جيت اوصف أمدرمان مالقيت فيها جانب أجمل ولا اخلد من الجانب الوطني فامدرمان صورة مصغرة للوطن الكبير , امسك امدرمان ربع ربع وحارة وحارة تلقى فيها صور من الشعب السوداني كله من الشمال للجنوب تلقى ومن الغرب للشرق تلقى وحتى فيها جوانب بتصور أحقاب تاريخية من تاريخ بلدنا , في الموردة مثلا تلقى حي المواليد وفي السوق الكبير تلقى حي المسالمة الى جانب الأحياء المختلفة وبعدين مافي احداث وطنية عاصرها السودان الا كان لامدرمان وأولادها النصيب الوافر فيها وفي المرة دي ماكنت في الحقيقة محتاج أقلد صورة او شكلا وفي نفس المكان في القشلاق الكتبت فيهو أول أغنية سودانية .. ابتديت اكتب .. أنا امدرمان تأمل في نجوعي أنا السودان تمثل في ربوعي أنا إبن الشمال سكنت قلبي علي إبن الجنوب ضميت ضلوعي وماتوقف القلم في يدي الا بعد ان اكملتها كلها وأذكر انها كانت ثلاثة كوبليهات والثالث منها كان عنيف شوية وضد الإستعمار بشكل مباشر يعني مافيهو رمز ولاحاجة وعشان كده أفتكر حذفه أحمد المصطفى والأغنية كلها ماكان ممكن تذاع في إذاعة أمدرمان في ذلك الوقت .. أنا أمدرمان في جيد الوادي دره أصيلة في معدن وكريمة حرة أنا أمدرمان اذا العادي تجرا أنا حجر افضا في جبينه قرا أنا الصبر المرير في حلقه مره أنا السم النقيع في الجوف أمرا وأنا دار الأمان لفتاتى دارى وأنا الذكرى اذا عزت له الذكرى ثم يضيف الشاعر الكبير فيقول : تاني يوم جاْني أحمد المصطفى في البيت واديتو الكلام وبعد يومين بعد أن قرأها عجبتو وقال لي أنا بمجرد ما أوصل السودان ساقوم بتسجيلها في الإذاعة وأنا متأكد أنه اغنية أنا أمدرمان ستنال إعجاب الجميع .. قلت ليهو : انت شد حيلك في التلحين ,, قال لي : ماتخاف .. وفعلا بعد شهر أو شهرين سمعت من بعض الطلبة اللي وصلوا من الخرطوم قالوا أنهم سمعوا لأحمد المصطفى أغنية جديدة أسمها أنا أمدرمان ولاقت نجاح مامعقول .. الحكاية دي شوقتني اني لازم أسمعها بعدما تلحنت بقت كيف ؟ وبعدين أتذكر أنه الأخ منصور أحمد الشيخ في مرة من المرات قال لي انو بيت الطلبة السودانيين عندهم حفلة سمر بمناسبة وطنية مابتذكرا دلوقتي .. وقال لي نحن نمشي نشارك أخوانا الطلبة باعتبارنا زملاء سابقين ومشيت معاهو الحفل وهناك فوجئت من ضمن برنامج الحفلة طلبة غنوا وطنية منها أنا امدرمان ومافي زول كان عارف أني كتبتها غير الأخ منصور أحمد الشيخ .. وعجبتني الأغنية بعد ما تلحنت والطلبة قابلوها بصورة طيبة وبعدين منصور وقف قدام الطلبة وقال ليهم دي فرصة طيبة عشان أقدم ليكم مؤلف أنا أمدرمان وهو الملازم أول عبد المنعم عبد الحي والزميل السابق .. وقوبلت كلمة منصور بتصفيق شديد خلاني خجلت والكلام غلبني وفعل ما قلت ليهم غير أنا شاكر شعوركم الطيب وقعدت . ويستطرد الشاعر الكبير عبد المنعم عبد الحي ويقول : ذهبت للسودان في الإجازة وقابلت بالطبع أحمد المصطفى وعاتبته عشان ماغني الأغنية كاملة ولكنه قال لي : في الإذاعة رفضوا يوافقوا على الكوبليه الثالث وأضطريت أغنيها ناقصة . أنا أمدرمان - كلمات عبد المنعم عبد الحي أنا امدرمان تأمل في نجوعي أنا السودان تمثل في ربوعي أنا إبن الشمال سكنت قلبي علي إبن الجنوب ضميت ضلوعي ****** أنا أمدرمان سئلوا النيلين عني وعن عزمات فتاي عند التجني فخير بنيكا يا سودان مني سئلوا الحادي سئلوا الشادي المغني ****** أنا امدرمان إذا ما قلت أعني فما نيل المطالب بالتمني تجيش النفس بالآمال لكن ولكن هذه لما لا تدعني ***** أنا أمدرمان مضي أمسي بنحسي غداً وفتاي أحطم قيد حبسي وأخرج للملأ في ثوب عرسي وأبسم بعد ما قد طال عبسي وأعلن والفضاء يعلن همس وأهتفت والوري يعرف حسي فيا سودان اذ ما النفس هانت أقدم للفدي روحي بنفسي

Quote: وليد عبد اللطيف نصيحتك علم وينفذ, وادي مرقه من البوست, ودعتكم الله جد جد المره دي ,,

Quote: يعنى ما لعبوا كوره فى العرضه ..

Quote: تقول لى غلبتونا فى الميدان الفيهو عمود فى النص ! يا راجل قول كلام غير ده .. بالغت عديل كده

(عدل بواسطة وليد عبد اللطيف on 04-22-2010, 10:40 AM)

Quote: كانت الدعوه من شباب الختميه .. ناس خالد الخبير والتاج بركيه وحمد كمال وهيثم مصطفى وعلى الدبلوك ورضا

Quote: على دبلوك : (حي العرب ) واحرف من مشى على الارض (الان كرش واربعة في اربعة )

الدبلوك لاعب فنااان ووأحد من احرف الناس اللعبت معاهم ..
غير انو شخصيه لطيفه جدا .. وقد كان حينا من الدهر ضيفا عزيزا علينا بالقاهره
الرجاء ابلاغه تحياتى ان كنت تواصله يا وليد
قول ليه ( حكصا ) بسلم عليك ..

..
بالمناسبه التاج بركيه العب من باقى الحمام الميت
وابو شامه برضو كان فى الهلال ..
يبدو لى انى أخطأت فى اسمه .. كتبته ابو شايه او نحو ذلك

,,

وبحري طراوه كمان وكمان ..
يحكى أن جدى الشيخ خوجلى كان لا يطيب له المنام الا ببحري
بعد ان يقضى سحابة يومه متنقلا بين توتى والمقرن ووصولا حتى ذلك البر البعيد
والذى سمى لاحقا ( بري ) ..
وذا ربما يفسر وباسقاط تاريخى امتداداتى العاطفيه والشديدة الطراوه ببحري
وغزواتى الكروية ايضا

(عدل بواسطة محمد حيدر المشرف on 04-22-2010, 03:39 PM)

Quote: بحري طراوه

Quote: احب ام درمان وناس ام درمان واحب البحب ناس ام درمان

Quote: النصيحة لله ناس ام درمان بتحبو و يقيفوا للزول في حلقو

Quote: الجماعة قالو امدرماااااان ما امبدة...علشان كدة خليكم بعيييد

Quote: لكن بالله تعال فهمنا النظرية بتاعة تسكنو في الحاج يوسف وتدفنو في البحر دي

Quote: ياخي الفنان زيدان ابراهيم لما رحل من العباسية للحاج يوسف قال يادوب انا بحسب سنين عمري من الوساع والبراح والطراوه

Quote: الدبلوك لاعب فنااان ووأحد من احرف الناس اللعبت معاهم .. غير انو شخصيه لطيفه جدا .. وقد كان حينا من الدهر ضيفا عزيزا علينا بالقاهره الرجاء ابلاغه تحياتى ان كنت تواصله يا وليد

Quote: يعني الناس الجات بعد الجفاف والتصحر 1984م ما بنحسبهم مع ناس امدرمان

الصورة ماخوذة من بوست لعضو المنبر خلف الله عبود..

الصورة لامبدة شارع الردمية


وناس امبدة - يا ابوحسين ودواش-مدعووين لبوست ((امبدة حضارة)) وخليكم من الخضرجية وناس حى الموسكى والازبكية..
فامبدة هى المستقبل...

Quote: فى امدرمان بلد الامن والامان أمدرمان الامام المهدى والخليفة عبدالله التعايشى والسيد عبد الرحمن المهدى والسيد على وإسماعيل الازهرى والسيد عبدالله خليل والامام الصادق ا لمهدى وكثر هم هامات أمدرمان الذين فاتنى ذكرهم فلهم منا العتبى . وستظل أمدرمان تنجب فى العظام الى قيام الساعة. اما فى مجال الرياضة فيكفينا الثلاثة العظام الهلال المريخ والموردة بإستاداتهم فهم كبار الرياضة فى بلدنا. وإنشاءالله تكونى بتشجعى فريق العامل أو الإتحاد. وفى الموسيقى والشعر فنحن الحقيبة نفسها سرور وكرومة ودالبنا وخليل فرح وعبد الرحمن الريح وعتيق والسراج والبروفيسر على المك رحمهم الله جميعاً . ياسيدتى ألم تسمعى مذياع وتلفزيون السودان وهم يبدأون يومهم بهنا أم درمان إذاعة وتلفزيون جمهورية السودان. عندما يتباهى أبناء أمدرمان بأمدرمانيتهم فهم على حق وإن أبى الغير. عندما تذكر أمدرمان الكلام كمل. انا امدرمان تأمل في نجوعى... انا السودان تمثل في ربوعى انا ابن الشمال سكنته قلبى... علي ابن الجنوب ضميت ضلوعى

Quote: أبناء أم درمان لايبخسون المدن الاخرى حقها ولكن يقفون دائماً إجلالاً وإكراماً لمكان صباهم وتقديراً لدور أمدرمان الريادى فى كل المجالات فلا تبخسيها حقها

Quote: يعني الناس الجات بعد الجفاف والتصحر 1984م ما بنحسبهم مع ناس امدرمان

Quote: وناس امبدة - يا ابوحسين ودواش-مدعووين لبوست ((امبدة حضارة)) وخليكم من الخضرجية وناس حى الموسكى والازبكية.. فامبدة هى المستقبل.

Quote: ناس امدرمان عاشرناهم جيدا منذ الصبا الباكر حيث درست بمدارس امدرمان ابتداء من الابتدائى وحتى الثانوى..ونتفهم عقليتهم تجاه امبدات بل حتى الثورات.. فلا يمكن أن يقبلوا اطلاقا بان تقول امبدة جزء من امدرمان..

Quote: معروف من زمان اولاد امدرمان المسالمة وحي العرب والملازمين وبيت المال عندهم راي في باقي اولاد امدرمان والعنصرية دي معروفه وللان.انت تقوم تختوا روحكم معاهم كدي حلوا مشكلتكم مع اولاد امدرمان ولماذا هم متبرين منكم .

Quote: نحن شديدييين ... وخلينا مع بعض .. امور الفتن دي مابتمشي معانا.

(عدل بواسطة وليد عبد اللطيف on 04-24-2010, 06:42 AM)

Quote: والما عندو محبه ما عنده الحبه : ( الشيخ البرعي رحمه الله )