|
|
|
 Re: خروج سمكة من ماسورة منزل مواطن بعطبرة (Re: Faisal Elrasheed)
|
| Quote: ود الصايم تخلينا راسنا لافي مع هشام ادم والمثقفاتيه بي هناك وتلبد بالسمك المجاني برااااك كده |
ود الصيم براهو؟؟
انا كنت مفتكرك قرد شركتة ليك بى موز فوق هناااااك جاب لى جلال جبريل اوردلوب واقع لتنطبق عليه آية (ولله فى خلقه شؤون) ونعم بالله.
اسى طالما جيت مع السمك نختك مع قائمة الكدايس لغاية ما نتأكد من فصيلتك.
بس اوعة تطلع زى كدايس سواكن الشحادين ديلك تخلع لينا الزوار والمتداخلين ... البوست دا لذيذ واناوالله مادايرو ينحرف بى وجودك.
| |
 
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: محمد عبد الماجد الصايم)
|
Quote: الزول دا أنا لقيتو فجأتن كـدا بقى صاحبي!
شايل ليهو طبنجة ياخ |
يازول ماتختشى على لغاليغك ديل!!!
البورض د لازمو حرس للناس البيكوبو الزوغة من بوستات... تارة نقدآ وتارة لتجاوز عفص الرقبة..
وبعدين ياخى صاحب العقل يميز...
اسى بالوضع دا الحاول يصاحب التانى منو؟ لو غلبتك امشى تحت بديك عذر
.
.
.
.
.
.
| Quote: شايل ليهو طبنجة ياخ |
| |
|
|
|
|
|
|
|
|
 Re: خروج سمكة من ماسورة منزل مواطن بعطبرة (Re: Mohammed Awad)
|
Quote: أنا من المداخلة التالتة ولّ الرابعة ما عارف
ناديكـ وشايفكـ عملت ميت!! |
حبوب الدغت يا عمك حبوب الدغت ..
كانو رايحات مني ...
انت بالمناسبه البتاع ده قاعد تستعمل ليه شنو قبال تجي خاشي ..
كان عندك حبوب سمحات رسل لي كروسه ياخ ..
الامور هنا مستحميه شديد ..
ـــــــــــــــــــــــــــــــــ
قالو يا ود الصايم واحد في عطبره حفر بير ولما طلعت المويه لقي فيها فسيخ عدييييييل ..
ياخ عطبره دي بالجد عاصمة السمك والشامبيون ..
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
| Quote: مع السمك المجانى دا انا خايفك تنسى الصلاة زااااااتة لمن نلقاك فى بوست هشام آدم |
إتحصبتَ الله يا محمد عوض... مالك متمني لي النفر ده!!!
نتيمم حتي ينبلج نور الحق...
عليك الله بطّل الهظار شوف لينا الفتوى... الواحد جسمو
بقى زي المررو من التيمم...
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: معاوية المدير)
|
Quote: قالو يا ود الصايم واحد في عطبره حفر بير ولما طلعت المويه لقي فيها فسيخ عدييييييل ..
ياخ عطبره دي بالجد عاصمة السمك والشامبيون .. |
غايتو يا أهلنا ناس اتبرا، البقت فيكم تبقى في حشى الكلبة.
سمكة السجم دي فرجت فيكم خلق الله لحدهمـ...
| |
|
|
|
|
|
|
|
|
 Re: خروج سمكة من ماسورة منزل مواطن بعطبرة (Re: معاوية المدير)
|
Quote: غايتو يا أهلنا ناس اتبرا، البقت فيكم تبقى في حشى الكلبة.
سمكة السجم دي فرجت فيكم خلق الله لحدهمـ... |
يا مدير انت ما متابع برنامج اسرار البحار والا شنو؟؟
سمعته اخر خبر بتاع البوليس الساكي ليه حرامي في سوق عطبره ولما جري منه بعيد طلع الطبنجه وعمرا ..
انت عارف لما عمر الطبنجه طلع ليه شنو؟؟
طبعا الخبر ده انا داير اتصل بي ناس الدار وابيعه ليهم ..
.........
.................
عطبره ياخ ..والله قال ليك عطبره دي تدنقر في الواطه يطير ليك طوالي ..
اهم شي تكون ماشي وعندك اربعه عيون ..
عشن كده مافي زول هناك بفتح ليه ماسوره ساكت لو ما معاهو تلاته شهود ولافي زول بحفر ليه حفره ساكت من غير ما يجيب مندوب الحياه البريه ..
ياخ واحد صاحبنا حلف بالتكسرو قال لي يوم كده المره شابكاهو يا راجل احفر لي حفرة دخان عشان ندفن فيها الزير ده ..
اها المره قاداهو كل يوم لغاية ما كرهتو العيشه ..
اها المره عزبته عزاب شديد ..
قام صاحبان جا راجع يوم الخميس بدري قال يحفر الحفره في طرف الحوش ..
انت عارف الزول ده لما حفر الحفره زي نص متر كده طلع ليه شنو؟؟
والله يحلفو الناس قالو ليك الطلح ده جا مارق بي نيرانو مولع تششششش يلهلب ..
عطبره دي كلها شالت منو وما كمل ..
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: فيصل أحمد سحنون)
|
| Quote: سمكة ب / أو في / الماسورة لكل مواطن. |
لكن كدا بتكتل الدش فى يد المرشح بتاع القضارف ولا كسلا ماعارف...الشعارو عريس لكل عانس ولا حاجة كدا غايتو خانتنى الذاكرة بس.
غايتو انا ماشايل الا هم فواتير ناس الهيئة القومية للمياه..
ديل لو مادفعتة بعد دا ممكن يقيمو عليك الحد..
وعادو يقول ليك بقينا هيئة الامر بالمعروف والنهى عن المنكر...
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
| Quote: عطبره ياخ ..والله قال ليك عطبره دي تدنقر في الواطه يطير ليك طوالي .. |
إنت زعلت يا دكتور والاشنو؟؟؟
عليك الله خلي لينا سمكتنا دي في الماسورة
ما توديها لينا الخور. نحن بعنا السنانير
بتاعتنا بعد ناس الإدارة بقو يجيبو لينا
الأبيض الطري بالمواسير...
| |
|
|
|
|
|
|
|
|
 Re: خروج سمكة من ماسورة منزل مواطن بعطبرة (Re: معاوية المدير)
|
Quote: إنت زعلت يا دكتور والاشنو؟؟؟
عليك الله خلي لينا سمكتنا دي في الماسورة
ما توديها لينا الخور. نحن بعنا السنانير |
يا معاويه ..
ما تركز علي الجانب الادبي من الموضوع ..حاول ركز علي الجانب العلمي من القضية ..
ــــــــــــــــــــــــــــــــــــــــــ
يا ودا الصايم تعال اشرح ليهم كيف يعاينو للنصف المليان من البتاع ..
| |
|
|
|
|
|
|
|
|
 Re: خروج سمكة من ماسورة منزل مواطن بعطبرة (Re: معاوية المدير)
|
Quote:
غايتو انا ماشايل الا هم فواتير ناس الهيئة القومية للمياه..
ديل لو مادفعتة بعد دا ممكن يقيمو عليك الحد. |
شقاوتكم شقاوة يا أهلنا ناس اتبرا،
هسع يدفعو حق الموية والا حق السمك؟؟؟
يا محمد عوض، دي طبقة عمالية كادحة.
عليك سيدي، تكلم ناس الإدآرة يبدلولنا
السمك بفول لو أمكن...
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: معاوية المدير)
|
Quote: يا معاويه ..
ما تركز علي الجانب الادبي من الموضوع ..حاول ركز علي الجانب العلمي من القضية .. |
وحات الاخوة يا فيصل الرشيد، زمان في المدرسة، في الرياضيات
الصفر ده ما كان يقدر ينافسني فيهو اجعص زول، وكذلك باقي
المواد العلمية...
في إنتظار بروف الصائم...
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: معاوية المدير)
|
Quote: وحات الاخوة يا فيصل الرشيد، زمان في المدرسة، في الرياضيات
الصفر ده ما كان يقدر ينافسني فيهو اجعص زول، وكذلك باقي
المواد العلمية... |
يعني انت طلعته ادبي عدييييييييييل كده ..
هسه تودي وشك وين من المهندسين والدكاتره السكنوالبلد ديل ..
سنا يا ولد ..
كاااااااااااااااااااااااااااااااااك..
ـــــــــــــــــــــــــــــــــ
يا ود الصاااااااااااااايم الحقناااااااااااااااااااااااااا
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Faisal Elrasheed)
|
Quote:
يعني انت طلعته ادبي عدييييييييييل كده ..
هسه تودي وشك وين من المهندسين والدكاتره السكنوالبلد ديل ..
سنا يا ولد .. |
عارف يا فيصل، أدبي عديييييل بتاعتك الجريتها دي
ادتني ثقة في نفسي لمان فكرت أقدم طلب للجماعة
الرفضو ود الصايم وبهدلوهوبهدلة العدو ديك...
باقيلك شنو؟ اقدم؟؟؟
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Faisal Elrasheed)
|
Quote:
يعني انت طلعته ادبي عدييييييييييل كده ..
هسه تودي وشك وين من المهندسين والدكاتره السكنوالبلد ديل ..
سنا يا ولد .. |
عارف يا فيصل، أدبي عديييييل بتاعتك الجريتها دي
ادتني ثقة في نفسي لمان فكرت أقدم طلب للجماعة
الرفضو ود الصايم وبهدلوهو بهدلة العدو ديك...
باقيلك شنو؟ اقدم؟؟؟
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: عمران حسن صالح)
|
Quote: فيصل الرشيد ده من حلة سلكـ ولا شنو ؟؟
سجم صاحبكـ حميده بشيل ليكـ حالو بالطريقة دي |
يا عمران ..
هو سلك نصاح ..ياخ ده السلك الدبلوماسي زاتو ههههههههه
عليك الله (كروسه) دي اخر مره سمعتها سنة كم ؟؟
ياخ انا حقو امشي لي عمر الجزلي يسجل لي حلقه في اسماء في حياتنا عدييل كده ..
....
تصدق حميضه التافه مستخسر فيني حبوب الدغت ..
غايتو عملته مسكول لي تمبس كان ضرب بقول ليه يرسلهم لي ..
ود جدع وابن اصول ..ومتعود علي حتت توصيل الادويه دي ..كااااااااااااااك ..
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: عمران حسن صالح)
|
بوست لذيذ يا محمد طبنجه
تعلموا ان تروا الجانب الاممتلأ من الكوب زي ما قلت شبكه
زمان ما لاقين مويه حسه ببركات الانقاذ
Quote: الله دا ما كريم خلاص
زمان في عطبرة ماسورة فيها موية مافي
هسة بقت موية وسمك |
بقينا في البيوت نستلم مويه و سمك كمان!
يا سلام!
| |
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
| Quote: وبعدين انا عدلتها ... انت برضو خليك حكيم وعدلها من الاقتباس عشان مازول تانى يغلط فيها... ايوا خليك كدا ياخ.. |
عدلتها بعد شنو لكن ..
ده قران ما لعب .. المصاحف ماليه القوقل اكتب طرف الايه بتجيك مكتوبه ومشكله ..
انت اي حاجه الا نعمل ليك فيها لجنة مراجعه ..؟؟
فاضين نحن لي حاجاتك دي .؟؟
مره كريسيدا ومره سمكه ومره ما بعرف شنو..
بالمناسبة خبر السمكه بتاعتك شنو؟؟
قالو سيد الماسوره امس جاهو بيض سمك مارق ..
تكون السمكه دي بيضت قبال تستشهد ؟؟
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
| Quote: يعنى لو قلت ليك دا بص الكلاكلة بتصدِق؟ |
كان في اقتراح كده من ود الصايم ماعارف كلمك بيه والا لا ...
قال عنده فكره يعمل ليكم فرقه فنيه ..
اساسا عنده اورغن وساوند ..داير يتصرف فيهم ..
شوف معاك محمد الحبر ومحمد عادل ..
صدقني ممكن تفتح معاكم الشغلانيه ..
واهو كلو سمك وركشات وكندشه ..
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: أيمن الطيب)
|
| Quote: وكان وقع منك شلن؟؟؟؟؟؟؟؟ |
تتدردق يا ايمن تتدردق ..
في زول اتدردق قبل كده جاتو عوجه (:
قال ليك دردقه مضمونه ولا دنقيره مجهجهه ..(مثل ملدوفي )..
ــــــــــــــــــــــــــــــــ
*ملدوفي نسبة الي دولة ملدوفيا والتي تقع وين كده ما عارف ..
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: معاوية المدير)
|
عمكم الفاتح جبرا ما قصر يا شباب طوالى نزل مقال اليوم عن نفس الموضوع
| Quote: كان إعتقادى فى محلو .. فقد كان لدى يقين لا يتزحزح بأن المسئولين ديل (بايتين ليهم فوق راى) وإنو لا يمكن أن يكونو غير مهتمين بضيق الحالة المعيشية التى يواجهها المواطن خاصة في ما يختص بمسألة الغذاء و(قفة الملاح) . على الرغم من التكتم الذى يلف المشروع الذى يهدف إلى توفير الغذاء للمواطنين دون أى عنت أو مشقة و(لحدت بيوتهم)، إلأ أن الأمر الآن قد إنكشف وبان بعد أن تم (البث التجريبى) للمشروع عبر توفير (الأسماك) للمواطنين عن طريق خدمات المياه المنزلية ،( يعنى من خلال المواسير الواااحدة دى) . هذا ما أكده الخبر الذى قامت الزميلة (حكايات) بنشره قبل يومين حيث ذكرت بأن أحد المواطنين بمدينة عطبرة قد فوجئ بخروج (سمك حي) ينزل متراقصاً من ماسورة منزله الذى فتحها عقب عودته من مكان عمله عصراً ، وحتى يتأكد المواطن من إنو النازل ده (سمك) وما أى حاجه تانية فقد أستعان بجيرانه وفقاً لروايته للتاكد من ذلك ، وقد أجمع الكل بأن (ده سمك) وأبدوا إستغرابهم كونه قد تجاوز كل الأكواع والمواسيروالبلوفات الممتدة من النيل وحتى (ضاحية الحصايا) حيث (الماسورة) دون ان يموت إختناقاً . كثير من المواطنين قد إستنكروا هذا الحدث بإعتبار أن ذلك يدل على (إهمال) القائمين على أمر (المياه) وعدم إتباعهم للأساليب الحديثة فى (فلترة الماء) والتأكد من خلوه من الرواسب والجراثيم ولسان حالهم يقول : الطحالب والطمى والفطريات (عرفناها) كمان القصة جابت ليها سمك ؟ لكن لو أن هؤلاء الذين تعجلوا فى حكمهم على الأمر تريثوا قليلاً وسألوا أنفسهم (بدل ما يستغربو) كيف لهذه الأسماك أن تتجاوز كل الأكواع والبلوفات حتى وصلت إلى منزل ذلك المواطن لعلموا أن الأمر هو أمر (مدبر) ومعمول ليهو (حساب) وجايبين ليهو (خبراء أجانب) وصارفين عليهو (الشئ الفلانى) بحسبانه بداية لـ (إستكمال النهضة) عن طريق مشروع (الغذاء من الداخل) أى من داخل البيوت ،هذا المشروع الذى سوف يضع حداً لمعاناة المواطن فى حصوله على متطلبات غذائه الأساسية و(يجيبا ليهو لحدت عندو) . عاوز تفطر (سمك)؟ بسيطة .. صب (الزيت) على (الصاج) وضعه على (المنقد) على مقربة من (الماسورة) بعد أن تضع تحتها (جردل) على فوهته (غربال) وذلك لتسهيل عملية جمع السمك .. (الجاى مغسل وجاهز) وعلى الزيت طوااالى ! وعلى الرغم من أن مشروع (الغذاء من الداخل) يتم العمل فيه بسرية تامة حيث يريد له المسئولون أن يكون مفاجاة للشعب الفضل ، إلا أن بعض تفاصيله قد تسربت وقد علمت بعض المصادر أن المشروع يتضمن وجبات أخرى عديدة (بالموية طبعن)تحتوى على عناصر مختلفة من المكونات الغذائية بينها .. شوربة دجاج .. شوربة عدس.. شعيرية .. سكسكانية .. كاسترد .. وعدد من (الطبائخ) السائلة كالملوخية والدمعة والنعيمية .. ولم ينس مهندسو المشروع بالطبع أن يتم برمجة (الفترة الصباحية) لينساب من خلالها وعبر (المواسير) الشاى بى لبن ! كسرة : يقال أن مشروع (الغذاء من الداخل) قد سبق وقامت به (دولة الأمازون) وفى أول يوم عند إفتتاحه قام أفراد (الشعب الفضل هناك) بفتح (المواسير) وإعداد الوجبات إلا انهم فوجئوا عند ذهابهم للأفران لشراء (الرغيف) بأن سعر الرغيفة الواحدة قد أصبح خمسة ألف جنيه (أمازونى) فقاموا بالشكوى للوالى الذى صاح فيهم قائلاً : - يعنى عاوزننا نرجع الصرفناهو فى المشروع ده كيف ؟! |
| |
|
|
|
|
|
|
|
|
 Re: خروج سمكة من ماسورة منزل مواطن بعطبرة (Re: Mohamed Ibrahim Ahmed)
|
| Quote: الأمر هو أمر (مدبر) ومعمول ليهو (حساب) وجايبين ليهو (خبراء أجانب) وصارفين عليهو (الشئ الفلانى) بحسبانه بداية لـ (إستكمال النهضة) عن طريق مشروع (الغذاء من الداخل) أى من داخل البيوت ،هذا المشروع الذى سوف يضع حداً لمعاناة المواطن فى حصوله على متطلبات غذائه الأساسية و(يجيبا ليهو لحدت عندو) . |
نشكر حكومتنا الفاضلة على إهتمامها بمدينة عطبرة، عاصمة الحديد والنار
وإختيارها كأوّل مدينة يطبق فيها هذا المشروع الهائل الذي يعتبر من أعظم
إنجازات حكومة الإنقاذ...
سير... سير... يا... مدير...
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Faisal Elrasheed)
|
Quote: وكمان لو شحنت
معاها دقيق يكون أفضل... |
إنت عارف يا معاويه يا أخوي
جايز في ناس يكونوا دايرين يعملو
من السمك فسيخ وما بيحتاجو لدقيق.
أحسن نشحن ليهم أزيار
يشربوا منها بدل المواسير
ويدنقروا فيها يامن يشربوا (ولهم فيها مأرب)
ويخلوا المواسير للسمك بس.
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
Quote: نشكر حكومتنا الفاضلة على إهتمامها بمدينة عطبرة، عاصمة الحديد والنار
وإختيارها كأوّل مدينة يطبق فيها هذا المشروع الهائل الذي يعتبر من أعظم
إنجازات حكومة الإنقاذ...
سير... سير... يا... مدير... |
غايتو البوست دا لو مشى الشارع تدفع تمنو..
مش قلنا ليك خلينا فى السمك؟...
خاجى الموضوع مالك؟
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
كتب Alawad
Quote: | Quote: فوجئ بسمكة صغيرة تتراقص وهي تهبط من فتحة الماسورة. |
أنا والله ما محيراني نزلة السمكة من الماسورة... بلدنا دي تتوقع فيها أي حاجة. لكن مزعلني رقيص السمكة.... سمكة نازلة من الماسورة الرقيص عليها شنو؟ و مش ترقص بس كمان تتراقص... قال تتراقص قال... سمك آخر زمن.
تحياتي يا محمد عوض لكن بصراحة عندك بوستات عينة. |
يا العوض المحتار ليها شنو؟ ........انو السمكه بترقص؟............عااااااااادي جداً........اشرحها ليك
المسئول من المويه من البحر للناس عن طريق الماسوره منو؟.............مش الهيئه ال ليلت المويه دي...............مش ياها الحيكومه يعني؟
والمواسير الموصلينها من الهيئه لحله ناس فلان ده زاتها حكوميه...........مش صح ولا كضب؟
يعني المعني ييييييييييعني............ وبالواضح الما فاضح السمكه دي زاتها حيكوميه .........ميه الميه.........مو كدي؟ مو يمكن تكون بوليص سري
وطيب ااااا جنا ها .......مادام الشغلانه كلها حيكومه في حيكومه..........هو ريسهم بيرقص.........لامن بقت علي السميكه السغنونيه دي
هو بلد من ريسها بيرقص........والله سمكها مش يرقص بريك دانس........ده يخلي ابونقدح يتفنقل من الضحك ويقرقر البعوض.........عرت الكع الماسوره التكسر رقبتك.....عرت
(هوي دحين الكلام الاخير ده لي حمارتي الختيته دي)
======
علا العفو والعافيه يا اهل الله
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
Quote: أحسن نشحن ليهم أزيار
يشربوا منها بدل المواسير
ويدنقروا فيها يامن يشربوا (ولهم فيها مأرب)
ويخلوا المواسير للسمك بس. |
والله فكرة في السلك يا فيصل.
الظاهر عليك شاطر في التجارة.
نصيحتي ليك من جوّة قلبي:
لمان تمشي مع الشُحنة ما تنسى تبلع سيخة...
| |
|
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
Quote: ياصديقى معاوية
شايف الهكر نجًح ليك قريبك
قوم لف يامزوراتى
حق الحرام مابيودى قدام |
والله يا محمد عوض، كنت داير ادخل معاهو في شمطة.
لمان لقيتو عمل لي ترويج للبوست بتاع ولدي، شِدّة
ما رُكبي ساحن، قررررربت اديهو الباسورد بتاعي...
بعدين بكري ده راسو خفيف، بكلآمك الفوق ده حايصدق
إني متواطي مع صاحبي هاكوري...
كدي تاني إنت وود الصايم واحد فيكم يهبشو...
| |
|
|
|
|
|
|
| |
محمد عبد الماجد الصايم
Mohammed Awad
فيصل أحمد سحنون
إسحاق بله الأمين
معاوية المدير
Faisal Elrasheed
ABUHUSSEIN
عمران حسن صالح
Tragie Mustafa
أيمن الطيب
محمد زكريا
فيس بوك
تويتر
انستقرام
يوتيوب
بنتيريست