كتب الكاتب الفاتح جبرا المتوفرة بمعرض الدوحة
|
خروج سمكة من ماسورة منزل مواطن بعطبرة
|
Quote: فوجئ أحد المواطنين بمدينة عطبرة بخروج سمك حي من ماسورة منزله اليومين الماضيين . وقال مفوض هيئات الشباب والرياضة بولاية نهر النيل عبد المنعم محمد الخضر لصحيفة حكايات انه فوجئ بسمكة صغيرة تتراقص وهي تهبط من فتحة الماسورة مع المياه في منزله عقب عودته من مكان عمله عصراً . وأستعان عبد المنعم بجيرانه وفقاً لروايته للتاكد من ان الكائن المتراقص امامه سمكة مبدياً إستغرابه كونها تجاوزت كل الأكواع والبلوفات الممتدة من النيل الي منزله في ضاحية الحصايا دون ان تموت إختناقاً . ولقيت السمكة العنيدة حتفها أمس بعد ثلاثة ايام من وضعها في حوض صغير . وبحسب صحيفة حكايات تلقى عبد المنعم عشرات المكالمات من رفقاء العمل والأصدقاء يعزونه في فقد سمكته الجلل الذي حزن له أشد او كما قال |
|
|
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
Quote: نفس شعور اليس فى بلاد العجائب |
والله يا محمد ضحكت لمن السكرتيره جاتني تفقدني في المكتب ..!! زي ما بيقول ناصر القصبي (الله يعلعل علاعيلك) ..
------ حيدر الزين دا اليومين ديل خاشي في دور المحقق كونن ما تشتغل بيهو كتير بالله اي زول يفتح خشمو في البورد دا يشبكو ليك : اين كنت يوم الاحد من الساعه حداشر لحدي حداشر الا ربـع ؟؟
| |
|
|
|
|
|
|
Re: خروج سمكة من ماسورة منزل مواطن بعطبرة (Re: داليا الكباشى)
|
Quote: بالله اي زول يفتح خشمو في البورد دا يشبكو ليك : اين كنت يوم الاحد من الساعه حداشر لحدي حداشر الا ربـع |
يازولة والله البورض دى دا خير وسيلة فى الدفاع فيهو الهجوم.. لو ما نفع ود الصايم دا انا يبدو ليى انو الهكر دا قريبو. يعنى حمرا بيجيه ليك البوست المغضوب عليه اميدياتلى.
ولا كيف ياعمك؟
ـــــ الحمرا دى 5 طبعآ لكن بتختلف بحسب اختلاف البوست
| |
|
|
|
|
|
|
Re: خروج سمكة من ماسورة منزل مواطن بعطبرة (Re: محمد عبد الماجد الصايم)
|
Quote: لو فتحت الماسورة بعد 12 بالليل حتكب ليكم شامبيون!
|
نحن غـايتو بنفتحـها الصباح بدري بتجيب شـاي بااللبن مقنن بالقرنفل وبنفتحها العصر بجيب لينا جبنـه ..!! امبارح ساره كوركت بي بوز الماسوره يا اخـوانا زيدوا لينـا السكر شويه يـاخ..
----- اوعك تفتحها 12 بالليل يا عمك بتجيب ليها بوستات (ليليه) وبعد داك نبقى في (الطلوع في الرقبه) والسته واربعين دي ماعندنـا قـدره عليـها
| |
|
|
|
|
|
|
Re: خروج سمكة من ماسورة منزل مواطن بعطبرة (Re: HAIDER ALZAIN)
|
Quote: وقال مفوض هيئات الشباب والرياضة بولاية نهر النيل عبد المنعم محمد الخضر لصحيفة حكايات انه فوجئ بسمكة صغيرة تتراقص وهي تهبط من فتحة الماسورة مع المياه في منزله عقب عودته من مكان عمله عصراً |
ود الصايم الزول دا هو زاتو حكومة نحنا ما راضين كان ماجانا الشامبيون لي ماسورة المطبخ
Quote: حكومة ختيرة والله! تديكم موية وسمكـ بالماسورة! لو فتحت الماسورة بعد 12 بالليل حتكب ليكم شامبيون! |
تلج في السودان !! سمك بالماسوره !!
| |
|
|
|
|
|
|
Re: خروج سمكة من ماسورة منزل مواطن بعطبرة (Re: محمد عبد الماجد الصايم)
|
عطبرة ليه ؟؟
قبل كم يوم أكلنا في محطة سمكة سبع .. محطة سبعة سمك .. الود بتاع الصاج قال : في نوعات كتيرة : سمك بالطوه سمك بالحلة سمك بالجنبة سمك بالماسورة سمك بالرشوشة
كدي كان راجل إتهجم و قول حركات الحنانات ديك بتاعة : معقولة ؟؟ طوالي ...............
........ البلد دي مسكونة .
| |
|
|
|
|
|
|
Re: خروج سمكة من ماسورة منزل مواطن بعطبرة (Re: فيصل أحمد سحنون)
|
والله يافيصل ود الصائم دا شكيتو على الله..
ياخى ربنا انعم علينا بالسمك جابو لينا بالماسورة جا صحبك دا ودانا نحنا الخور بدل السمك بس دا بقى زى السكران العملو معاهو لقاء ناس التلفزيون بعد انقلاب ثورة الانقاذ . . . . . . . . . ــــــــ والاحمر دا والله الا بالمسنجر الداخلى ساااكت كدا بجيب هكر اااااااااا اقصد هوا
| |
|
|
|
|
|
|
Re: خروج سمكة من ماسورة منزل مواطن بعطبرة (Re: tmbis)
|
Quote: لكن بيني وبينك .. احتمال كبير تكون السمكة الكبيرة بيضت في الماسورة دي ورجعت البحر قامت فقست السمة الصغيرة دي وجات واقعة بالماسورة .. |
عيب ياعلاء
بالطريقة دى حتشفٍر البوست.. ويضيع علينا السمك ياخى...
ـــــ فى رواية انو الماسورة كان عندها التفااااف ادى الى هذه النتيجة
| |
|
|
|
|
|
|
Re: خروج سمكة من ماسورة منزل مواطن بعطبرة (Re: Mohamad Shamseldin)
|
Quote: الزول ده يحمد ربه..... كويس ما طلعت ليهو ذخيره حيه .... |
ماتستبعد القصة دى... بقت عادى
Quote: تاني استعملو أباريق بس لقضاء الحاجة......نحذر من استعمال الخراطيش و كده |
النجيضة...... بتلقاها عند ود الصائم فوق..
لكن بينى وبينك لو كان بدل السمكة دى دهب كان حيحصل شنووووووو؟
| |
|
|
|
|
|
|
Re: خروج سمكة من ماسورة منزل مواطن بعطبرة (Re: Mohammed Awad)
|
والله الروحة فيك ما لايق ما لايقةQuote: سجمنا! مواسير السودان بقى يركبو ليها عوادم! |
ماسورة شنو يا كاروشة !!!
إنت مش سألت عن إمكانية شراب البوز فرضية خروج السمكة,, هنا إنتفى دور الماسورة تمااااااااااااااااااااااما Quote: لكن بينى وبينك لو كان بدل السمكة دى دهب كان حيحصل شنووووووو؟ |
وفى حالة شراب البوز حقت ود الصايم دى,,
خلونا مع السمك يا حليو,,,
| |
|
|
|
|
|
|
Re: خروج سمكة من ماسورة منزل مواطن بعطبرة (Re: فيصل أحمد سحنون)
|
سلام يامدير ياتعبانQuote: لو كبّت دهب يا ايمن الطيب اوووووعك تشرب بالبوز... علي اليمين ينقشط لك شمهروش التحلك ما تعرفا... مش قالوا الدهب حارساتنو الشواطين!!! غايتو المنبر ده فيهو جِنس بِدع!!! |
يا زول ما تشوف القال داير يشرب بالبوز منو!!! إنت النوع البجليها واقفة!!
ما تحرف مسار البوست ياخ,,, عالم تحب تشتيت الكورة
شمهروش شخشيا!!!!!! العوافى يا راجل!!!..
كدى شوف ناس عطبرة وضواحيها وينوب عنهم الطريفى ود الزين,,
تحياتى
| |
|
|
|
|
|
|
Re: خروج سمكة من ماسورة منزل مواطن بعطبرة (Re: أيمن الطيب)
|
Quote: بس أدونا خبر لمن تظهر الكوارع عشان نرجع خلاص... |
كوارع شنو يا مكاوي ..
إنت ما قريت الخبر كويس .. تاني ياعمك سنارتك دي تجي ترميها عندنا في البيت بس
وانساك من كورنيش الدمام وجرجرة الزول زاااتو ..:
- غايتو من هسع حجزت اول مشروع استثماري في عطبرة : مزرعة اسماك ومحل صيد سمك جوة حوش بيتنا :(
| |
|
|
|
|
|
|
Re: خروج سمكة من ماسورة منزل مواطن بعطبرة (Re: HAIDER ALZAIN)
|
Quote: من هسع حجزت اول مشروع استثماري في عطبرة : مزرعة اسماك ومحل صيد سمك جوة حوش بيتنا |
إنت عارف ياحيدر يا أخوي مع مشروعك ده الله يستر محمد ده المرة الجاية ما يقوم يعمل لينا بوست بعنوان خروج سمكة من عادم مواطن بعطبرة خاصة مع سعال ود الصايم التعسفي القبيل داك.
--------- مودتي
| |
|
|
|
|
|
|
Re: خروج سمكة من ماسورة منزل مواطن بعطبرة (Re: فيصل أحمد سحنون)
|
لا حولاااااااااا .. دا شنـو دا ..؟؟ يعنـي الواحد ما يشتغل ولا يمرق ولا ينـوم في البورض دا..؟؟ دي شنو (الهرجـله) دي ..؟؟
بالله يا شباب (طق طق طق زول بيطقطق بيدينو للشباب القاعدين فوق اللستك القدام بيتهم) بالله اتخارجوا لينا من هنا .. طق طق طق يلا كلو زول يمشي شوف شغلتوا .. وما (تهرجلوا ) تاني .. عالم (مهرجله) .. وتحب (الهرجله) زي عيونـها
| |
|
|
|
|
|
|
Re: خروج سمكة من ماسورة منزل مواطن بعطبرة (Re: عبدالله احيمر)
|
Quote: فوجئ بسمكة صغيرة تتراقص وهي تهبط من فتحة الماسورة |
أنا والله ما محيراني نزلة السمكة من الماسورة... بلدنا دي تتوقع فيها أي حاجة. لكن مزعلني رقيص السمكة.... سمكة نازلة من الماسورة الرقيص عليها شنو؟ و مش ترقص بس كمان تتراقص... قال تتراقص قال... سمك آخر زمن. تحياتي يا محمد عوض لكن بصراحة عندك بوستات عينة.
| |
|
|
|
|
|
|
Re: خروج سمكة من ماسورة منزل مواطن بعطبرة (Re: محمد عبد الماجد الصايم)
|
Quote: أها يا عمكـ .. المواطن دا أصبح كيف الليلة |
والله مفروض بعد دا البلاعة تكون بقت حوض سباحة ومعاهو مُركب نسبة لى فكرة الطريفى انو يكون مشروع استثمارى وكدا.. لكن انت عارف المشكلة انو تانى تجى خاشى ليك بيت فى عطبرة من باب الشارع لى الصالون الا بى عبًارة.. واوعا تتشربك فى الشبكة بس بى غادى
| |
|
|
|
|
|
|
Re: خروج سمكة من ماسورة منزل مواطن بعطبرة (Re: SHIBKA)
|
الله يجازي محنكم ضحكتونا في ليلنا الطويل دا ! بعدين محمد عوض جاء متين البورد دا و عمل ليه صحبة و ونسة مع ود الصايم و غيره من عتاولة البورد .. بالجد بوست ضارب رغم جديته و جاء في الوقت المناسب في ظل الكوابيس الشغالة في البورد اليومين ديل لاننا محتاجين نضحك شوية .. !
تحياتي للجميع و سلام شديد للبرلوم الشليق محمد عوض
| |
|
|
|
|
|
|
Re: خروج سمكة من ماسورة منزل مواطن بعطبرة (Re: heba Elmahi)
|
Quote: بعدين محمد عوض جاء متين البورد دا و عمل ليه صحبة و ونسة مع ود الصايم و غيره من عتاولة البورد |
للضمان كدا انتى دايرة تعملى صحبتى وانا قفلت باب العضوية دا وفتحت قدوم ود الصايم (العتاولى) لبلع السمك والمداخلات الغير شرعية زى مداخلتك دى وحاليا عاكفين على دراسات اخرى نتطرق لها لاحقا لحساسيتها الشديدة. يعنى بس الواحد تشوفو تاريخ ميلادو فى البورض دا تقومو تعملو فيها السناير وتبرلموا طوالى كدا؟ لالالالالا لكن لانو دى اول مداخلة ليك معاى ولعدم تحريف البوست الشهى دا حاكلم ليك الطريفى وحسن مكاوى يصرفوا ليك حاجة خفيفة كدا من اقرب ماسورة. وتانى لمن تجى راجعة تجيبى معاك سنارتك عشان فى ناس بتسترزق من البوست دا وقطع الارزاق حراااام
مودتى
| |
|
|
|
|
|
|
Re: خروج سمكة من ماسورة منزل مواطن بعطبرة (Re: heba Elmahi)
|
معقوله !!! ( بي حنكـ حنانات عماد عبد الله ) غايتو أنا أسقطت من حساباتي حكاية أشرب ( بالبوز) الإجازة الجاية .. بالله أعملو لينا ( UPDATE ) لي كل الخوازيق الزي دي إجازتنا قربت وما عايزين التأشيرة تطش بي سبب سمكه زي دي
______ بوست لذيذ
| |
|
|
|
|
|
|
Re: خروج سمكة من ماسورة منزل مواطن بعطبرة (Re: فيصل أحمد سحنون)
|
Quote: والله يا محمد عوض وود الصايم امبارح بالليل بعد ما رقدت خلاص قمت أضحك براي بعدما إتذكرت هذا البوست. |
ضحكت سااااااااااكت كدا؟؟ مافى صيرة شرقتك ولا حاجة من هذا القبيل؟
انا بطالب ود الصايم دا ينزل صورة جديدة ليو هنا واشارطكم ماحايعمل كدا...
. . . . . . . . ـــــــــ مصدر موثوق افاد بى انو بلع لى تامبيرة حاليا فى دراسات مكثفة على مستوى القاعدة لبحث المخارج.
| |
|
|
|
|
|
|
Re: خروج سمكة من ماسورة منزل مواطن بعطبرة (Re: فيصل أحمد سحنون)
|
يا عمران,,Quote: إجازتنا قربت وما عايزين التأشيرة تطش بي سبب سمكه زي دي |
طششان تأشيرة ولا دخول سمكة عطبراوية,,,الشارع دا إتجاه واحد يا زول,,,
الحكمة من البوست هى بطلوا تبوزو من المواسير!! بعدين المغتربين ديل كضابين ساى ياخ !! موية المواسير دى ولا بقدرو عليها ولا حاجة والبتشالق يشرب منها ببقى فى جيبو لي فلاجيل وادونى حلبة,,
ابقوا عشرة على موية الصحة,, حفاظا على بوابات الخروج,,
تحياتى,,
| |
|
|
|
|
|
|
Re: خروج سمكة من ماسورة منزل مواطن بعطبرة (Re: محمد عبد الماجد الصايم)
|
Quote: خروج سمكة من ماسورة منزل مواطن بعطبرة |
ود الصايم تخلينا راسنا لافي مع هشام ادم والمثقفاتيه بي هناك وتلبد بالسمك المجاني برااااك كده ...
بتاع الهدف ده كمل موضوع الكريسيدا وقبل علي السمك خلاص..
ــــــــــــــــــــــــ عليك الله اتأمل طبق البيض ده .. 1- محمد عوض 2- محمد الحبر 3- محمد عادل
اللهم انا لا نسألك رد القضاء ...
| |
|
|
|
|
|
|
| |