|
|
|
 Re: هلال البهجــة ، فكيت الزهجــــــة . (Re: عمران حسن صالح)
|
الاخ عمران حسن ..سلام
فعلا يا عمران الواحد في قمة الزهج من تلك الاحباطات والتحولات المفاجئه في هذه الايام..
ولكن بعد تلك الرباعيه من سيد البلد بدات البوصله في الاستعدال وعقبال الوطن الكبير..
شكرا عمران ومبروك الرباعيه وعقبال الاستمرار بقوه..
| |
  
|
|
|
|
|
|
|
|
Re: هلال البهجــة ، فكيت الزهجــــــة . (Re: محمد البشرى الخضر)
|
عمران
يا زول ناس السياسة ذاتهم جوك بي جاي عشان يهنوا..إنت عارف أنا من زمن صغير لما الهلال يكون لاعب تمسكني ليك ام هلا هلا من صباح الرحمن..كرعيني ما يشيلوني تقول لاعب معاهم..وتبدا الرجفة يا زول وسيجارة ورا سيجارة وقهوة ورا قهوة..لحد ما المباراة تبدا..أكون خلاااااص رايح جاي من أقرب حمام..وكان في طريقة يعلقوا لي تلفزيون في الحمام يكون أحسن برضو..لكن غايتو الليلة الهلال برررررد بطني والله..جماعتك ديل غلبتهم الكورة قلبوها دق وما عارفين انو جماعتنا ديل اول ما تتعاور معاهم بقوموا عليك ينتفوا ليك ريشك..
غايتو المغصة المزمنة من كورة مازيمبي كلها طلعوها الليلة الله يديهم العافية..
وكفاية إنو 99و99% من الشعب السوداني حينوم مبسوط خاااالص الليلة..
مافي زول يجي يقول لي النسبة دي مزورة !!
| |
|
|
|
|
|
|
|
|
 Re: هلال البهجــة ، فكيت الزهجــــــة . (Re: عمران حسن صالح)
|
يا سلااااااام يا أبو محمد ياخ!
فعلا .. هلال البهجة فكّة الزهجة!
وأحلى حاجة تجي تلاقي بوست زي دا وش قدامكـ!
الحمد لله يا حبيب
ومبروكـ لكل أمة الهلال
زي ما قال ود البشرى .. التاج دا زول كويس
شوية خبرة كـدا ممكن يصيّع المدرب زاتو!
التصرف بتاع خليفة ما كان حلو، ما تقول لي انفعال
ودقوهو وكلام زي دا، الزول دا لابس شعار الهلال يبقى
يحترم الشعار تماما. والحمد لله ربنا سترنا مع المعز
جلطات، رغم إنو القون زاتو فيهو شؤوية مسؤولية منو!
__
عارف ناس الـ ( ) حيجوا يعلّقوا على قصة خليفة دي
_
خالد عويس .. حبابكـ ألف ياخ في مدارات الكــورة!
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: محمد عبد الماجد الصايم)
|
Quote: التصرف بتاع خليفة ما كان حلو، ما تقول لي انفعال
ودقوهو وكلام زي دا، الزول دا لابس شعار الهلال يبقى
يحترم الشعار تماما. والحمد لله ربنا سترنا مع المعز
جلطات، رغم إنو القون زاتو فيهو شؤوية مسؤولية منو! |
 بس كات ترد على تليفوني عشان كنت محتاج ( أفضفض) ياخي 
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: عادل خياري)
|
Quote: سلام حبيبنا عمران وتحية هلالية خالصة
ياخي انت الفكيت الزهجة وانت الفال الحسن |
وكتين الفرح الهلالي بطلع الناس المندسين زي أخونا عادل خياري ده فالحمدلله والشكر لهلال الوطن ، معقوله يا عادل تكون بي حبة مُشاركات من 2008
أطلع تعال إتفشى هنا ياخي
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: عمران حسن صالح)
|
Quote: غايتو المغصة المزمنة من كورة مازيمبي كلها طلعوها الليلة الله يديهم العافية..
وكفاية إنو 99و99% من الشعب السوداني حينوم مبسوط خاااالص الليلة..
مافي زول يجي يقول لي النسبة دي مزورة !! |
انت عارف ياخالد الهلال دا بشبه الوطنيييين بدووووون مؤتمر
عمران جيت اقول ليك مبروك
لكن مش كنت متفق معاى انك حتشجع الزعيم فى المجموعات
وفر الفرح ,,,,لكن بجد امس الناس نامت هادئة ونست
طبزات السياسة
تسلم
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: almulaomar)
|
Quote: أقوان مساوي وأمبيلي الأربعه
نغلب بالأربعه ونصعد للأربعه
ونبصم بايدينا وكرعينا الأربعه
هلال سودانا وحروفو الأربعه
نهجم بي أربعه ودفاعنا أربعه
وهلالنا رائع وجمهور ما أروعه
ونخلي بالنا يا دوب دي المعمعه |
المُلا عمر وآدي زغروووووووووووده
أيووووووووووووووووووووو يويا
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: عبدالرحيم أبراهيم العبيد)
|
ألف مبروك ليك ولينا يا عمران
و فعلها سيد البلد وخلا الناس
تنام مبسوطة ومرتاحة من متلازمات
ساس وجاط .. والآن حق لنا أن نفرح بحق ،
بعدما نسينا طعم الفرح ذاتو ؟!
وزي ما قالوا :
| Quote: كملتو بورينا يا ناس الافريكا اسبورت |
التهاني والتبريكات لكل الهلالاب
وكذا إخواننا المريخاب والأملاب
ونتمنى أن تتواصل مسيرة (بلابل) الكرة السودانية
في دروب النجاحات حتى الوصول لمنصة التتويجات .
مبروك ، مبروك ، مبروك .. يا عمران
ومبروك يا تمبس ، ومبروك لمزاحم الضوي ومبروك لسيف كلي
وللشيف معتصم ولكل الهلالاب هنا وهناك .. بعيد وقريب .
وحقاً وصدقاً .. يا ابو محمد : هلال البهجة فك الزهجة والقرفة .
مودتي ،
( ليمو )
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: عمران حسن صالح)
|
Quote:
بعد إحباطات البلد الفورت دمـــنا
انت زاد الغربة
وابتسامة الزمن القاسي |
ياخي امس كيفني بوستيك ده من العنوان
قلت الصباح نملاهو ليك تنظير
فتشت سماء ارض ما لقيتو
الف الف الف مبروك
ياجماعة انتو و المريخاب صّلحوا فرقكم دي المراحل الجاية صعبة
وانا كنت متوقع صعود الهلال لان له ثقافة الصعود الى المراحل المتقدمة
سؤال :هل الهلال يستطيع ان يتعلم ثقافة حصد الكاسات في مثل هذه البطولات
-----------------------
عمران اولادنا محتاجين للكثير اذا كانوا في الهلال او المريخ ونهنيكم مره ثانية بالفوز الكبير
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: وليد عبد اللطيف)
|
عمران أبومحمد الفرحان أول أمس
وأبوعبيدة أبومحمد الفرحان مساء الأمس
تحيات نواضر مكللة بتاج النصر
مبرووووك للهلال الذي اسعد البلد
لأنه ماكان له أن يتقاعس عن إكمال عقد
الفرح المنداح منذ تخطي المريخ للعزالة أول أمس
والأمل عصر الأمس
والحمد لله أن إكتمل الهلال بدراً مساء الأمس
لكن ياعمران وكما أشار الأخ وليد عبداللطيف تلاحظ معنا
أن المريخ لم يكن على قدر تطلعات جماهيره رغم الصورة الجميلة
التي ظهر بها في معظم الشوط الأول ثم تراجع المستوى في الشوط الثاني
وكذا الحال بالنسبة للهلال الذي غاب تماماً في الشوط الأول
عموماً مبرووووك للهلال ومزيداً من الرقي والتقدم للكرة السودانية
صانعة الفرح لهذا الشعب الصابر المثابر.
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: أبوعبيدة محمد الأمين)
|
عمران
غايتو البسطة الاتبسطناها امبارح دي..مافي ليها مثيل إلا مباراة الاهلي المصري في الخرطوم.
ودالصايم
يا زول أنا في الهلال دة ما بهظر أبدا..صحي في رجفة لكن برضو أولادنا على قدر التحدي..عندي ود خالتي أكعب مني..اتصلت بيهو الساعة 6 مساء عشان نحضر الكورة مع بعض لقيتو قافل تلفونو ما فتحو الا بعد القون التالت..اتاريهو رجافة اكتر مني.
| |
|
|
|
|
|
|
|
|
 Re: هلال البهجــة ، فكيت الزهجــــــة . (Re: عادل عوض بلال)
|
** ابو محمد ..
** مساءك خير..
## شِــعــاره :- الله.... الوطن.... الهلال....
** من غير الازرق الدفاق يمنح هذا الشعب طعم الفرح ....
## كلما مررنا بإكتئاب من وضع البلد المائل ,,, يكون الهلال المناره التى تهدينا للطريق القويم ,,, وكلما طغى الحزن على الشعب يكون الهلال نوارة الافراح والبهجه ....
#### الهلال عقيده ,,,
#### الهلال طبيب نفسى يداوى إحباطات شعب وبلد ,,,
#### والهلال لانه واحد ولايوجد هلالان فى السماء ,, فهو مُوِحد الاُمه وصانع الفرح..
(ودام الهلال ناشراً الفرح)
(ابو محمد فؤاد) - الــمــاكــيــكــى..
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: عبدالكريم أحمد الامين)
|
Quote: ## شِــعــاره :- الله.... الوطن.... الهلال....
** من غير الازرق الدفاق يمنح هذا الشعب طعم الفرح ....
## كلما مررنا بإكتئاب من وضع البلد المائل ,,, يكون الهلال المناره التى تهدينا للطريق القويم ,,, وكلما طغى الحزن على الشعب يكون الهلال نوارة الافراح والبهجه ....
#### الهلال عقيده ,,,
#### الهلال طبيب نفسى يداوى إحباطات شعب وبلد ,,,
#### والهلال لانه واحد ولايوجد هلالان فى السماء ,, فهو مُوِحد الاُمه وصانع الفرح.. |
أخونــا عبد الكريم
ربنا يزيدكـ جمال وفرح ياخي
| |
|
|
|
|
|
|
|
|
 Re: هلال البهجــة ، فكيت الزهجــــــة . (Re: عادل عوض بلال)
|
عارف يا أبومحمد ..
أمس الصباح إتصل عليّ إسماعيل عباس قال لي أنا ما مطمئين اليوم للمباراة دي ..
قلت ليهو أنا عكسك تماماً الهلال ح يغلب برااااحة ..
ودا إستنتاج وفق معطيات معينة أولها إستقرار الإدارة في اليومين الماضيين والعودة القوية لأقطابه ووقوفهم مع اللاعبين وتسليمهم متأخراتهم ومتابعة التمارين أول بأول ..
الحاجة الثانية عودة القائد هيثم مصطفى وتحدي اللاعبين بعد العروض السيئة في المباريات السابقة ووقفة الجماهير الصلبة خلفهم ..
دي كلها كانت مؤشرات للفوز وتخطي هذه المرحلة الصعبة ..
بعدين الهلال صعب في ملعبه مهما كانت ظروفه فجماهيره تمنحه عافية الفوز بهديرها طوال زمن المباراة مما يجعل الخصم يخاف ويفقد تركيزه ..
التحية لأخوان البرنس الذين أمتعونا بالأمس وفكوا لينا الإحباط العام الذي إنتابنا ..
والتحية لجمهور الهلال العظيم والذي يؤكد كل يوم أنه صفوة وجمهور لا مثيل له ..
والتحية ليك يا أبومحمد رقم المرض تمنحنا الوقت لنكتب عن حبيب البلد ..
ألف مبروك للأهلة زرق الجباه ..
سلام يا ليمو وألف مبروك الفوز ..
اليومين ديل كله فرح خصوصاً والهلالابي الصغير (عمر) في البلد ..
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: عمران حسن صالح)
|
ألف مبروك للأهلة وللسودان بهذه المتعة المترفه التي أغرقنا فيهل أشاويس الهلال بالأمس
ودي ما غريبة على الهلال فهو منذ أن وجد على البسيطة وهو مصدر للفرح والنشوة ولقد تغنى له كرومة (وهو بالمناسبة لعب للهلال في مطلع شبابه) وغنى له من شعر عمر البنا ، أتمنى من أحد اهل الأختصاص تنزيل تلك الأغنية التي تغزلت في الهلال ولاعبي الهلال.
| |
|
|
|
|
|
|
|
|
|
Re: هلال البهجــة ، فكيت الزهجــــــة . (Re: نزار كروم)
|
كده نشوف الهيصة دى لزوما شنو
جيرانا ديل الحاصل عليهم شنو
لسع المشوار طويل ابوظبى بعيدة
المباراة كانت دور 32 لسع فى 16 و مجموعات و ماذنبى
اول مباراة جيدة للفريق منذ بداية الموسم
اخشى ما اخشى الهلال و المريخ فى الكنفدرالية و يكون وقتها الامل طار
--------------------------
| |
|
|
|
|
|
|
| |
عمران حسن صالح
محمد حيدر المشرف
احلام وهبي
جعفر محي الدين
Yassir Tayfour
Al Sunda
عاطف نورالهدى الطاهر
خضر حسين خليل
ismeil abbas
Siddig A. Omer
عبد العظيم احمد
Mohamad Shamseldin
Faisal Habiballa
khaleel
اسامه خليفه
محمد البشرى الخضر
جلال عثمان
عمر التوم
محمد سنى دفع الله
Sheikh Eldin Ismail
محمد عبد الماجد الصايم
عادل خياري
abuguta
Fadl Karrar
إدريس محمد إبراهيم
عبدالرحيم أبراهيم العبيد
haroon diyab
abdulhalim altilib
وليد عبد اللطيف
أبوعبيدة محمد الأمين
عادل عوض بلال
عبدالكريم أحمد الامين
معتصم دفع الله
keiga2000
عاطف عبدالله
أمين محمد سليمان
فيس بوك
تويتر
انستقرام
يوتيوب
بنتيريست