نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: انا كمان ما إنسان زيكم (Re: خدر)
|
إلي الصديق العزيز خدر إعتذر كثيراً للتأخير مقدماً يهمني مقدماً ياخدر تثبيت نقطة مهمة أراها مهمة تتعلق برؤيتي الخاصة إبتداءاً بترشيح الحركة الشعبية لياسر سعيدعرمان مروراً بوقع الترشيح علي كثير جماهير علقت سهام أمانيها علي الحركة وليس إنتهاءاً بسحب (ياسر سعيدعرمان) من الترشيح . الكلام ده كلو مقروءاً بمواقف الحركة الشعبية مؤخراً وهنا لايعنيني علي الاطلاق ما يتحدث عنه البعض عن (صراع التيارات داخل الحركة) . كثر الحديث مؤخراً عن الحركة الشعبية وبحث الباحثون مبررات من شاكلة أن (الحركة لن تقاتل نيابةً عن أحد) وهو قول في تقديري ينتقص كثيراً من دور الحركة الشعبية كتنظيم سياسي قاتل وناضل من أجل سودان واحد ديمقراطي عادل . وهي نظرة في تقديري تصور الحركة الشعبية بمظهر آخر إنفصالي وعنصري لاغير وهو ما يتنافي مع برنامج الحركة بل ويتنافي حتي مع ما عرف سابقاً بمنفستو التأسيس ليضيع في النهاية فلسفة الحركة وتاريخها المجيد الذي عبدته بالتضحيات الجسام ليضيع كل ذلك ياطارق بين الـ(كرعين). ربما نكون جميعنا قد بالغنا في تعويلنا علي الحركة لانجاز التحول المطلوب بالرغم من أن الحقائق تقول غير ذلك . ودونك معركة (قانون الأمن الوطني) فإي وجهةٍ وجهوها الرفاق ؟ عني نفسي تعاملت مع ترشيح عرمان بنوع من الغبطة والسرور لإعتبارات كثيرة غير إنو الحاجة الأساسية بالنسبة لي علي الأقل إستعادة الحركة (لبعض مواقفها التاريخية) الداعمة للوحدة . مطالبتي للحركة لم تنعزل علي الإطلاق من مطالبات الكثيرين من الناس (الرايحة ليهم حرية ودمقراطية وتغيير) وما الي ذلك ونحنا قاعدين في مكانا ناورتنا الحركة في أعز ما (نملك) فإنغوينا لاحلامنا دون أن نفرز حتي (ده موسي ولا يعقوب ولا إخوته ولا الذئب) ومعذورون والله نحن القوم السودانيين فلا أحزابنا كفتنا شر (المتاوقة) في صحانة الجيران ولا هي جلبتنا طعاماً يكفي . بالمنطق البسيط ده أنا واحد من الناس الذين فوضوا أمرهم للحركة الشعبية بعدالله سبحانه وتعالي يعني قلنا يمكن تجي موش كان ممكن ياطارق ياخ ؟ حزب عندوا قروش وشريك أساسي في السلطة وقادر لدعم حملته الانتخابية إضافة لذلك قدموا شاباً ولا أوعي لمؤسسة الرئاسة . في المقابل كان قلبنا وعقلنا ولساننا مع الحزب الشيوعي نذهب للندوات ونعمل قدر قدرتنا ونحكي عن محمدابراهيم نقد ودالبلد . بالرغم من إدراكنا إنو فوز الرجل من المستحيلات لا لكونه موش (أد المآم) علي قول المصارنة بل لكونه ينتمي لحزب أصبح مربع أحلامه مؤخراً لايتجاوز عدم تجاوز القوي السياسية له في أي حدث يحدث . وهو إنقلاب كبير للأسف لا علي الحزب الشيوعي كجسد بل علي الشيوعيين السودانيين وإنقلاب علي الدور القيادي الذي كان يلعبه الحزب فيما مضي . لا أحق من الشيوعيين السودانيين لحكم هذه البلاد لو المسألة أخدناها بالحتة دي لكن السؤال هو أين الحزب الشيوعي نفسه ؟ وهل إكتفي بدور الفرجة والعمل بسياسة (أضعف الإيمان) . وهذا ربما يعود بنا مباشرةً لإتفاق القاهرة . والعودة الخائبة لقوي التجمع بما فيهم حزبنا ومن ثم التمثيل في البرلمان . هذه التجربة لم تقيم التقييم المطلوب وربما لن يتم ذلك مع تصاعد الأحداث ولهثنا اليومي وراء (تلاقيط الارزاق) . لا أدري علي الاطلاق ما العبقرية من الإنسحاب وما المخرج القانوني لمجمل الانسحابات التي تمت ؟ بمعني الحركة سحب مرشحها الرئاسي قومي يا أحزاب جوبا أسحبوا مرشحيكم . وقاطعوها يرحمكم الله . طيب السؤال الذي يقفز هنا مباشرة أولم تكن الأحزاب تعلم بما يحدث ؟ ولم الانتظار حتي يكون الزمن الذي يفصلنا من الانتخابات عشرة ايام بلياليها حتي يخرجوا علينا بهذه الدعاوي التي تدعم بالضرورة ما يسوقه النظام من عدم جدية الأحزاب . الإنتخابات دي معلنة منذ سنوات فلم لم تعمل الأحزاب للضغط علي السلطة قبل فوات الأوان ؟ ولم لم تقاطع الأحزاب هذه الإنتخابات وتقوم بسحب مرشحيها بمجرد إقتناعهم بممارسات المفوضية وممارسات السلطة ؟ ثم بالله عليك ياصديقي ما الداعي للحديث أصلاً عن الإنسحاب من الانتخابات الرئاسية والمشاركة في البرلمانية ؟ والقال ليهم منو إنو دي (بي لبن ودي وز أوت ميلك) منو الشار الشورة دي للحركة الشعبية إن لم يكن الإستهبال والضحك علي الدقون . قلت في غير هذا المكان إن الحركة الشعبية وصل بها الأمر للتكتيك في ما هو إستراتيجي أو يفترض أن يكون كذلك من حق الحركة أن تناور لكن المناورة علي حساب الوطن كله هذا يخصم الكثير من رصيد الحركة الشعبية . ثم سؤال آخر يا عزيزي طارق كان قد سبقني اليه العزيز عصام جبرالله بخصوص (أها وبعد ده) ؟ تري ما الممكن أن يكون في ظل هذا الفراغ الما مفهوم يعني خطة عملنا سوي كشيوعيين أو وطنيين أو أصحاب ساي شنو ؟ أما نكتفي بترديد العين بصيرة والايد قصيرة ياطارق ؟ لي عودة بكل تأكيد
|
|
|
|
|
|
|
العنوان |
الكاتب |
Date |
انا كمان ما إنسان زيكم | خدر | 04-02-10, 11:42 AM |
Re: انا كمان ما إنسان زيكم | تيسير عووضة | 04-02-10, 12:09 PM |
Re: انا كمان ما إنسان زيكم | سلمى الشيخ سلامة | 04-02-10, 12:33 PM |
Re: انا كمان ما إنسان زيكم | خدر | 04-02-10, 01:47 PM |
Re: انا كمان ما إنسان زيكم | خدر | 04-02-10, 02:18 PM |
Re: انا كمان ما إنسان زيكم | خدر | 04-02-10, 04:23 PM |
Re: انا كمان ما إنسان زيكم | سفيان بشير نابرى | 04-02-10, 05:24 PM |
Re: انا كمان ما إنسان زيكم | خدر | 04-02-10, 07:59 PM |
Re: انا كمان ما إنسان زيكم | خضر حسين خليل | 04-02-10, 09:42 PM |
Re: انا كمان ما إنسان زيكم | esam gabralla | 04-02-10, 10:09 PM |
Re: انا كمان ما إنسان زيكم | خدر | 04-03-10, 01:07 PM |
Re: انا كمان ما إنسان زيكم | الشفيع عوض شوشتا | 04-02-10, 10:10 PM |
Re: انا كمان ما إنسان زيكم | esam gabralla | 04-02-10, 10:21 PM |
Re: انا كمان ما إنسان زيكم | esam gabralla | 04-02-10, 10:26 PM |
Re: انا كمان ما إنسان زيكم | عاطف مكاوى | 04-02-10, 11:28 PM |
Re: انا كمان ما إنسان زيكم | عاطف مكاوى | 04-02-10, 11:40 PM |
Re: انا كمان ما إنسان زيكم | Amjed | 04-02-10, 11:54 PM |
Re: انا كمان ما إنسان زيكم | قيقراوي | 04-03-10, 00:41 AM |
Re: انا كمان ما إنسان زيكم | اساسي | 04-03-10, 07:36 AM |
Re: انا كمان ما إنسان زيكم | اساسي | 04-03-10, 07:44 AM |
Re: انا كمان ما إنسان زيكم | tmbis | 04-03-10, 08:07 AM |
Re: انا كمان ما إنسان زيكم | اساسي | 04-03-10, 08:25 AM |
Re: انا كمان ما إنسان زيكم | محمد عبد الماجد الصايم | 04-03-10, 08:32 AM |
Re: انا كمان ما إنسان زيكم | tmbis | 04-03-10, 08:33 AM |
Re: انا كمان ما إنسان زيكم | tmbis | 04-03-10, 08:34 AM |
Re: انا كمان ما إنسان زيكم | محمد عبد الماجد الصايم | 04-03-10, 08:36 AM |
Re: انا كمان ما إنسان زيكم | عاطف مكاوى | 04-03-10, 11:11 AM |
شعري كلو قفز | خدر | 04-03-10, 11:42 AM |
Re: انا كمان ما إنسان زيكم | خدر | 04-03-10, 01:16 PM |
الحزب الشيوعي ما عندو ميكرفون | خدر | 04-03-10, 02:56 PM |
Re: انا كمان ما إنسان زيكم | خدر | 04-03-10, 01:12 PM |
Re: انا كمان ما إنسان زيكم | خضر حسين خليل | 04-03-10, 02:54 PM |
Re: انا كمان ما إنسان زيكم | عاطف مكاوى | 04-03-10, 07:01 PM |
Re: انا كمان ما إنسان زيكم | خدر | 04-04-10, 09:23 AM |
Re: انا كمان ما إنسان زيكم | خدر | 04-04-10, 01:52 PM |
Re: انا كمان ما إنسان زيكم | خدر | 04-05-10, 07:02 PM |
|
|
|