كتب الكاتب الفاتح جبرا المتوفرة بمعرض الدوحة
|
Re: قابلت وحاورت هؤلاء (((((صور خطيره))))) (Re: abd alsamie alhussein)
|
العزيز عبدالسميع الحسين
Quote: تحية لك وانت تغرق البوست بالروائع .بس لدى بعض التساؤلات ارجو الاجابة بروح صحفية اعلامية |
تسلم على الكلام الحلو ده وياريت الواحد يستحقوا وإجاباتك حـ أرد عليها زي ما طلبت
Quote: 1. اولاً حكايتك او مشكلتك شنو مع الكرفته(كل الصور اما قميص او فانلة- عندك رأى ولا فقه بتاع ملالى وكده |
الحكايه جابت ليها ملالي وكده كل الحكايه وما فيها ما بحب ربطة الخناقه دي ،،، بس بوعدك قريب جدا حتلاقي صوره بيها عشان ما تزعل
Quote: 2. ثانيا سمير غانم بيحب المزاح والقفشات .اكيد قال ليك واحدة عن السودانيين او عنك -هل حصل؟ |
أبو دينا نكاته ما بتخلص بس كان بيتونس بسياسة نكتة اللحظة والتعليق ،،، وفى واحده منهم طلبت منه الصور اللى نزلتها فى البوست قاللى يعني طالب القرب مني قلت ليهو ياريت أصل عندك بنت زي اللوز قاللى إنت عايز القرب مني عشان تتصور ولآ تتجوز ،،، ده أنت داخل على طمع ،،،
Quote: 3. ثالثاً- عايزين صورة او صور ليك مع يونس محمود ونشأت أكرم -هل توجد. |
صوري مع يونس محمود ونشأت أكرم راح تلقاها هنا إنشاء الله ،،، يونس عندي صور معاه من زمن الخور القطري ونشأت قريب رايح له هو ويونس فى الغرافه ،،،
Quote: 4. انت رائع اكثر من اللازم - ليه ؟ |
يا زول إنت جادي فى الحته دي ،،، يلا بسرعه قول كذبت عليك عشان راسي ما يكبر ويصير أكبر من هيييييك ،،، زي راااااس غليص
مع عظيم محبتي وتقديري.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
دعوة كريمة تلقيتها من الأستاذ يوسف السماني مدير إذاعة الرياضيه 104 fm لزيارة الإذاعة وتناول طعام الغداء على شرف عدد من ضيوف البلاد ،،، ذهبنا ثلاثتنا شخصي الضعيف ونجم الكرة السودانية سابقا عبدالعزيز زكريا منقستو ونجم التعليق الرياضي السوداني الصديق محمد فضل الله يوسف ،،، دخلت الى قاعة الطعام ووجدت فى وجهي الفنان المصري الرائع أحمد ماهر ورهط من الحضور من بينهم الوزير هاشم هارون رئيس المجلس الأعلى للشباب والرياضة بولاية الخرطوم والفنان الرائع محمد ميرغني والرياضي والصحفى المطبوع مدثر على البشير وأكمل الجلسة بمقدمه الدكتور عبدالمطلب الفحل ،،، جلسة استطعت أن اجمع من خلالها هذه المجموعة المقدرة من صور الفنان الرائع أحمد ماهر ،،،
واليكم أولى الصور ،،،
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
الممثل المصري الكبير أحمد ماهر وهو يشير الى العزيز محمد فضل الله بضرورة التوقف عن التصوير فى هذا المكان والتحويل الى جانب آخر عند مدخل منزل الأستاذ يوسف السماني مدير القناة حيث الإضاءة الجيده وظهور لشخصي الضعيف بجوار أحمد ماهر إستعدادا للقطات قادمة ،،،
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
يا شباب سلامات
والله وحشتونا كتير ووحشنا البوست ده وصور النجوم الحلوه دى بس أعمل شنو الظروف كانت قاسيه شويه على الواحد بس الحمدلله مرينا منها بفضل الله سبحانه وتعالي ثم بفضل وقفة الإخوه والأخوات أعضاء وقراء المنبر وجملة الأصدقاء فى السودان وفى كل مكان فى السودان قابلت كثير من النجوم ويمكن الممثل المصري أحمد ماهر ده واحد منهم لكن عندنا نجوم سودانيين صورهم حتنزل هنا ولو ما شلاقة حسين عوضاي كنت أخرّت صور أحمد ماهر دي بس تقول شنو إنشاء الله يوم صورك ما تجي يا عوضاي إنشاء الله سنواصل معكم صور النجوم بس ما تزهجوا منى إتفقنا يا شباب شكرا لتواصلكم الحميم
مع عظيم محبتي وتقديري وإمتناني.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote: منور يا حبيب وحمدلله ع السلامه .
|
العزيز حسين عوضاي
الله يسلمك يا ملك بس مالك بتقولها على إستحياء ومالك بتقولها من تحت ضرسك كده على العموم السبب واضح بس منتظرك تقولوا برااااك
تخريمة لطيفه وسؤال برئ ----------------------- صورة البروفايل اللذيذه ديك راحت وين
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
صورة حلوه ومعبره تجمع فريق العمل لبرنامج بين جيلين فى تلفزيون قطر بعد نهاية الحلقة التى كان فيها الفنان الرائع أحمد بدير والنجمة الجميله ريهام عبدالغفور ويظهر أمام الجميع الطفل يوسف ابن ريهام عبدالغفور والذى ظهر معها من قبل فى عدد من الإعلانات التلفزيونيه
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: احمد محمد بشير)
|
كتب الحبيب أحمد محمد بشير
Quote: لمن شوفت صورتك مع صفية العمري اتذكرت الاتي
مع محمد خليل ساني...مش حتقدر تغمض عينيك
واصل يا عزيزي وتحياتي للاخوة بطرفكم |
والله ضحكتني جنس ضحك ده شنو يا زول ما عملتها روتانا عدييييل والله الواحد بيحاول والصور الحلوه كتيره والواحد محظوظ إنه فى بلد كل النجوم جاييييين فيها ولسه كمان فى مجموعة أطيب سوري مصري فنانين ممثلين نجوم كوره العاب قوى بس إنت خليك قريب وما تبتعد ناس الدوحه كلهم بيسلموا عليك ويا ريت نسعد بشوفتك يوم
مع عظيم تقديري وإمتناني
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
نتحول معكم الآن الى مجموعة أخرى من صور النجوم وهذه المرة نتحول الى سوريا الجميله ومجموعة طيبة من صور النجمة السورية المحبوبة أناهيد فياض ،،، صاحبة الأدوار الرائعة ومن بينها مسلسل باب الحاره فى جزئيه الأول والثاني فى دور دلال إبنة أبوعصام والذى ادى دوره الممثل عباس النوري ،،، ولاننسى دورها الصوتي الرائع فى مسلسل سنوات الضياع وهى تجسد دور لميس بصوت رقيق دافئ يحمل من الحنية ما يحمل ،،، وبالطبع هى كذلك بعد أن إلتقيتها نهاية الأسبوع الماضي فى الدوحه وفى التلفزيون تحديدا ووجدت فيها الرقة والعفوية والروح الحلوة الجميلة ،،،
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
الأخ/ محمد خليل..
رسلت ليك على المسينجر CV بتاع صديق قال عايز يشتغل مساعد معاك... حتى لو يمسك ليك المايكرفون وأنت تسأل.. ولما تكون تعبان أو ماشي تجدد الرخصة والإستمارة أو تجيب واحد من المطار هو بيقوم باللازم.. رأيك.. الراجل مؤهل ومستنى على أحر من الجمر..
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: Kamal Karrar)
|
Quote: الأخ/ محمد خليل..
رسلت ليك على المسينجر CV بتاع صديق قال عايز يشتغل مساعد معاك... حتى لو يمسك ليك المايكرفون وأنت تسأل.. ولما تكون تعبان أو ماشي تجدد الرخصة والإستمارة أو تجيب واحد من المطار هو بيقوم باللازم.. رأيك.. الراجل مؤهل ومستنى على أحر من الجمر.. |
الأخ العزيز كمال كرار
ياااااااه ده شنو الـ CV الجامد ده عايزين تخرتونا إنت وصاحبك ولاّ شنو على العموم ما عندنا مانع خليه يكون زول أساسي فى التوليفه دى وخليك من حكاية مساعد دى ممكن يجي بنفسه يعمل اللقاءات دى ويشارك فى الحوارات كمان بس هو كيف يجي الدوحه ويشرفنا بحضوره بعدين ممكن يمشي يجدد معاى الرخصه والإستماره وكمان يستقبل معاي الناس فى المطار وبعدين نمشي نعمل اللقاءات دى أهاااااااا أيه رأيك لقيتني كييييييف
مع عظيم تقديري وإمتناني
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote: غايتو يا سانى الصور الفوق دى لو كانت فى السودان كنا بنفتش ليك فى ضمانه حسا |
يا حسين ده حالتو الصور دي غايتو لو كانت صور مرح جبر دييييك كان دخلوني وين الله يستر جزيرة سواكن (سواجن) التاريخيه ما بتحلّنا ولآ رأيك شنو يا مان قال أبوديه قال ،،، تسلم على المداخله الحلوه
مع عظيم تقديري وإمتناني
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote: وانتا جاتك فى جرح طوالى كوبى بست ........ الله ينجينا منك ....... |
يا حسين عوضاي
مالك عدلت المداخله دى قايلني ما قريتها بس أخوك خايف عليك ضربتين فى الراس بتوجع عشان كده سبتها ليك قال شنو بيهضرب جنس هضربه بعدين بتقول لى الله ينجينا منك مالك يا زول أنا عملت ليك شنو ما كان كلام ومداخلات بس دي والله لو عارفك حتعمل كده كنت طنشت الموضوع ونسيتو عديييك كده
مع عظيم تقديري وإمتناني
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: mayada kamal)
|
Quote: ***** متابعين ازيك يا محمد سلاماااااااااات اخبارك شنو يا مان
متابعين بوستك
*** تخريمة بوستك دا بقى زي مسلسل نور التركي
الى الامام متابعين وكدا
ميادة |
قريبتي مياده سلامات
أخبارك يازوله واحشانا شديد شنو يا دوووووب طليتي علينا مالك كنتي مخاصمانا كده مرورك أسعدني جدا بس ما تبقوا تعملوها تاني وتغيبوا من العين معقول البوست زي مسلسل نور ياريت يبقى زى ما قلتي غايتو المسلسل متابعوا فى الـ mbc بلس وحلقاتها مولعه جدا وطبعا عدد حلقاته 154 حلقه وما عارف ده حينتهى متين بس البوست ده معقول يطول زي ده ما عارف إحتمال ،،،،
مع عظيم تقديري وإمتناني.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
Quote: يا حسين عوضاي
مالك عدلت المداخله دى قايلني ما قريتها بس أخوك خايف عليك ضربتين فى الراس بتوجع عشان كده سبتها ليك قال شنو بيهضرب جنس هضربه بعدين بتقول لى الله ينجينا منك مالك يا زول أنا عملت ليك شنو ما كان كلام ومداخلات بس دي والله لو عارفك حتعمل كده كنت طنشت الموضوع ونسيتو عديييك كده
|
الله مالك تتراجف .. يا ما حا تشوف شعاع حسا الكلمه الاخيره دى شنو كدى فهنى ... ما قلنا البيتو من زجاج ما يرمى الناس بالحجار
خارح النص
لكن اتجدعت فى السنوكر .... تسلم ومزيد من الالق يا صاحب .
اكيد الود
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote: الله مالك تتراجف .. يا ما حا تشوف شعاع حسا الكلمه الاخيره دى شنو كدى فهنى ... ما قلنا البيتو من زجاج ما يرمى الناس بالحجار
خارح النص
لكن اتجدعت فى السنوكر .... تسلم ومزيد من الالق يا صاحب .
اكيد الود |
الحبيب حسين عوضاي
والله ماشاء الله عليك عيني بارده عليك بدون تعليق بس شايفك عينك بقت قويه بس انتظر الراجيييييييييييييييك
داخل النص
أشكرك على شعورك الطيب والحمدلله الموضوع عجبك خليك بس متابع حتى الأحد القادم ما عدا اليوم الثلاثاء وإنشاء صور كمال أبو ريه حتنزل هنا فى مقبل الأيام
مع عظيم التقدير والإمتنان
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد عبد الماجد الصايم)
|
Quote: دا شنو يا عمكـ
بتعاين وين إنتا؟؟
|
مالك يا بطه حاصلك شنو مالك مركز معاي كده بس راحت عليك يا عمك السؤال ما كان مفروض يكون كده كان مفروض تقول لى مالك مغمض كده عشان أقوليك ما كنت عايز أشوف كده .......
Quote:
___________ بوستيكـ راح شمار في مرقة |
البوست الـ بيخليه يروح شمار فى مرقه شنو ممكن تقول لى السبب منتظرك يا أبو الكتاكيت
مع عظيم تقديري ومحبتي.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote: يا ود الصائم
شنو ياااااخ الاسئله التجريميه دى ........ |
حسين عوضاي الحبيب
شايف اليومين ديل قومّت ليك قرون لكن تجريميه ما تجريميه جاوبنا عليه أهااااااا عندك كلااااااام تااااااني أنا اللى عندي قلته بس إنتظر القادم أحلى زي ما قلت ليك القادم أحلى ،،،،
يا ود الصايم
شايف كيف جبت لينا الكلام خليت حسين يعمل ليهو قرون بس على مين ،،، على مين ،،، على مين لقطة واحدة تكفى توسكا لمسة حنان
مع عظيم تقديري وإمتناني.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
الصورة الأخيرة لمجموعة الممثلة السورية الرائعه أناهيد فياض صاحبة الصوت الدافي فى مسلسل سنوات الضياع فى دور لميس الفاتنة الجميله وكذلك ستكون حاضرة فى مسلسل باب الحاره 3 فى دور دلال وهي شخصية ذات تأثير فى حلقات الجزء الثالث ،،، هذه الصورة إلتقطها عن قرب بعد سؤالى لها ،،، هل كانت تتوقع نجاح المسلسل التركي المدبلج سنوات الضياع فأجابت لم تتوقع كل هذا النجاح وهى وزملائها عندما دعتهم لورا أبو أسعد صاحبة شركة سامه للإنتاج الإعلامي وافقوا على العمل بوصفه بيجيب مصارى وشغل قزقزه كده وقد كان النجاح ،،، لكنها قالت إنها لن تكرر التجربة مرة أخرى بسبب طبيعتها التى ترفض تكرار الأدوار التى تنجح فى أدائها ,,,
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote:
معقوله ياسانى انتا من زمن توسكا لمسة حنان ...........
مبااااااااااااالغه |
الحبيب حسين عوضاي
مالك عايز تفتح على نفسك أبواب جهنم ما قلنا الناس اللى بيحبّوا بيحبّوا الحنان الحنان وبس مش كده يا عوضاي بعدين الاسم ده ما بيذكّرك بحاجه من الماضي كدى أقعد إتذكّر وقول لينا ،،، إتفقنا ولآ عايزني أبكّر بتنزيل الصور
مع عظيم تقديري وإمتناني.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
Quote:
الحبيب حسين عوضاي
مالك عايز تفتح على نفسك أبواب جهنم |
معقوله ياخ هى لسا ما اتفتحت .......
عارف يا زول يا معجون بماء الورد .. هو انا اقدر ده انا بموووووووووت فى ناس حلفا والكلاكله اللفه .
اها عاد فرزته ولا افرزك ايا ..... طبعآ دى بلسان شايقى مبين .
عارف يا سانى الكلام ده زكرنى جارنا الله يمسيه بالخير عمنا محمد نور قرافى بيقول ليك فرزته ولا افرزك ايا . يعنى فهمتو ولا افهمك ليه
ويا ويلك وسواد ليلك لو قلتا ليه فرزنى ايا......... طوالى بس ما تيسر تجيك صفيحه طايره بالقاش بتاع البوليس داك .
عشان كده اخوك كان قبل ما يسالنى سؤاله التقليدى بقول ليه فرزته ااى فرزته سمعنى سمعنى ما سمعنى يشوف غبار كرعينى بعد داك .
دحين يا اخوى انا فرزته تب .....
ودمت بالف الف خير .
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote: معقوله ياخ هى لسا ما اتفتحت .......
عارف يا زول يا معجون بماء الورد .. هو انا اقدر ده انا بموووووووووت فى ناس حلفا والكلاكله اللفه .
اها عاد فرزته ولا افرزك ايا ..... طبعآ دى بلسان شايقى مبين .
عارف يا سانى الكلام ده زكرنى جارنا الله يمسيه بالخير عمنا محمد نور قرافى بيقول ليك فرزته ولا افرزك ايا . يعنى فهمتو ولا افهمك ليه
ويا ويلك وسواد ليلك لو قلتا ليه فرزنى ايا......... طوالى بس ما تيسر تجيك صفيحه طايره بالقاش بتاع البوليس داك .
عشان كده اخوك كان قبل ما يسالنى سؤاله التقليدى بقول ليه فرزته ااى فرزته سمعنى سمعنى ما سمعنى يشوف غبار كرعينى بعد داك .
دحين يا اخوى انا فرزته تب ..... |
الحبيب حسين عوضاي
آآآآآآآى ده الشغل كده يا دوووووب رجعت لى علبك خليك وديع ،،، الدنيا ما مضمونه الفرز سمح يا حبيب خليك مع جارك قرافي
مع عظيم تقديري وإمتناني
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote: ايواااااا اقول ليك حاجه الرايه البيضاء اها كسرناها .
رأيك شنو ........ والحشاش يملا شبكتو .
سجن سجن غرامه غرامه |
العزيز حسين عوضاي
قوااااام كده غيّرت رأيك على العموم إنتظر المفاجأه الجاااياك فى البوست ده كمان ما فى رحلة العمر أصلا محتاج لصور بعض المشاهير للبوست ده بعدين البروفايل موجود الواحد صورته مما بدأ المنبر ما غيرها ممكن تكون صورة واحد وجييييييه كده و دكتور على العموم إنتظر المداخله الجايه يا ماااااان كسرت الرايه البيضاء ما كسرت الرايه البيضاء سجن سجن ما سجن سجن يا هاااااا الجاااااااياااااااك
مع عظيم التقدير.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote: سانى يا حرف N
معقوله يا حبيب انا اتطاول هو هو انا بقدر شايف التمتمه والرجفيبه دى كيف .
ياخى انتو الملوك ونحنا الرعيه .......
عهد ليس بعده نكوث .
ودى الذى تعرفه
|
العزيز عوضاي
حسى يا حسين بترجع فى كلامك ده إنت زول ما مضمون كل مره بتقول أنا ثابت على العهد تجي تديني ضهرك بى هناك يا زول المره دى الفرصه الآخيره ليك لو ما التزمت بالمعاهده أى زول ح يجي يقول أمانه ما وقع راااااجل المره دي سامحتك يا بطل عشان خاطر عبدالله أخوك بس المره الجايه الله يعلم الواحد ح يسوى شنو وأديك ليها بلكنه بجاويه (الله تعلم الواهد هـ يسوي شنو)
مع عظيم تقديري وإمتناني.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
العزيز عبدالسميع الحسين
رمضان كريم وتصوم وتفطر على خير صور الفنان المصري كمال أبو ريه دي مخصوص عشانك وهدية رمضانيه بس عشان تعرف إنه مافي قطيعة مع الكرافته بس الحكايه بس إستسهلال وعدم رغبة فى ربط الخنّاقه دي ولسه كمان صور يونس محمود جاياك بى جااااي
مع عظيم التقدير والإمتنان.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد خليل ساني)
|
كده صور الفنان المصري الرائع كمال أبو ريه تكون إنتهت بكره بمشيئة الله ح نبدأ مجموعة جديدة من الصور ولحدي حسى ما عارف تكون مجموعة منو إيهاب توفيق ، هبه الدري ، جيهان عبدالعظيم أو إلخ إلخ إلخ غايتو لحدي ما يجي الموعد يحلها الحلاّل
مع عظيم التقدير والإمتنان.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: ابوبكر على)
|
ساني المحكاكي المعياني المدساسي
( اجيب ليك ود الصائم يفسره ليك )
تحت تحت :ـــــــــــــــــــــــــــــــــــ بكور ياجامد يعني الا نتصور مع هاله صدقي وهيفاء وهبي عشان تسلم علينا (مشتاقين والله ) عوضاي ياجميل الايام دي شايف ساني غرير الطرف وفرحان شديد وين رفع الضغط وحرقة الاعصاب مايكون خوفك ( الشوق مطر)
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد عبد الماجد الصايم)
|
ساني
يا اخوي نحن والله غير موسوعة جينيتس ما عندنا ليك طريقة، واكيد حا تنافس بهذه اللقاءت النادرة
انت يازول فطرتنا في نهار رمضان ده
وهسع شوف كلام ود الصائم ده مو كلام زول ذهلل من صورك دي
الصدقة والكفارة عليك
او كما قال شاعرنا لمحبوبته
رمضان الكريم شن قدرك بصومو.. اكلي واشربي وعقبان بشيلك لومو
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: عبد اللطيف السيدح)
|
Quote: ساني
يا اخوي نحن والله غير موسوعة جينيتس ما عندنا ليك طريقة، واكيد حا تنافس بهذه اللقاءت النادرة
انت يازول فطرتنا في نهار رمضان ده
وهسع شوف كلام ود الصائم ده مو كلام زول ذهلل من صورك دي
الصدقة والكفارة عليك
او كما قال شاعرنا لمحبوبته
رمضان الكريم شن قدرك بصومو.. اكلي واشربي وعقبان بشيلك لومو |
الحبيب الزميل عبداللطيف السيدح
رمضان كريم وتصوم وتفطر على خير والله سعدت كثيرا بمرورك الكريم تتصور كنا فاقدنك كتير فى البوست ده غايتو تسلم كتير جدا على المجامله الحلوه دي وقاعدين نحاول نقلل شويه من صور الجكس فى رمضان قلنا نخلصها كده صور عزابه وبعدين إنشاء الله نمشي لصور ناس فلانه وعلانه خليك قريب مننا وما تخاف ما راح نفطرك فى رمضان عليك الله دعواتك فى الحرم ما تنسانا منها فى الشهر الكريم دى أمانه درعتها ليك فى رقبتك وما تقصّر فيها
مع عظيم التقدير والإمتنان.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد عبد الماجد الصايم)
|
Quote: أبو بكر يا جامد أخبارك ورمضان كريم
الصورة يا عمكـ اول حاجة تعمل كليك يمين وخصائص تنسخ الكود بتاع الصورة وتعمل اقتباس وترمي الرابط
الكلام دا عارفكـ ما حتفهمو في رمضان .. خليهو في العيد أحسن ليكـ
ولا شنو |
اللذيذ حمودى العسل
شايفكم لقيتو البوست ده خلا قاعدين شغالين دروس خصوصيه وما دام إنت عارف صحبك ده ما راح يفهمك فى رمضان مالك متعّب روحك كده والله الحمدلله إنك لقيت ليك وقت عشان تجينا صادي تاني عشان ناس أبارو وناس البيضة والطياره ما خاليّنك ترقد على جنب
حمدالله على سلامة الشوفه مع عظيم تقديري.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد الطيب حسن)
|
الزوول الجميل جدآ محمد الطيب
كل سنه وانت ومن تحب بالف خير .............
شايف صحبك متجدع ويا دنيا ما فيكى غيرى هوى يا سانى قصدى ابوبكر
ليك على اجيهو ليك برواقه كده .
Quote: ساني المحكاكي المعياني المدساسي |
انتا الشى القوى ده وارد وين
المهم شا يفك فى افطار بورداب الخرطوم انشاء الله دائمآ ملمومين فى السمح تحياتى لهم فردآ فردآ سعيد جدآ ان اراهم يدآ واحده .
وكل عام والجميع بالف الف خير .
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: حسين عوضاى)
|
Quote: شايف صحبك متجدع ويا دنيا ما فيكى غيرى هوى يا سانى قصدى ابوبكر
ليك على اجيهو ليك برواقه كده .
|
ده شنو يا عوضاي قلت لى قاصد منو والله محن عجيبه دي ركّز شويه ،،، أبوبكر ولآ ساني عشان لو كان اللى بالي بالك نرجع لنغمتنا القديمه توسكا لمسة .........
مع عظيم التقدير والإمتنان.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: محمد الطيب حسن)
|
كتب الحبيب الغائب محمد الطيب حسن
Quote: ساني المحكاكي المعياني المدساسي
|
شنو البدايه اللى ما بتسر يعني بدايه شوق غير مشجعهّ غايتو ،،، الله يكضب الشينه
Quote: ( اجيب ليك ود الصائم يفسره ليك )
|
يعني كمان ود الصايم مشاركك فى المؤامره دي خسئتم يا هؤلاء ،،، قواااام كده نسيتوا صاحبكم
Quote: تحت تحت :ـــــــــــــــــــــــــــــــــــ بكور ياجامد يعني الا نتصور مع هاله صدقي وهيفاء وهبي عشان تسلم علينا (مشتاقين والله ) عوضاي ياجميل الايام دي شايف ساني غرير الطرف وفرحان شديد وين رفع الضغط وحرقة الاعصاب مايكون خوفك ( الشوق مطر) |
وكمان قاعد تحرّض البقيه علينا كده غايتو حسين ده راجل عاقل وما أظن يمشي وراء تحريضك بعدين بكور ده خليه فى حاله الزول ده هربان من ناس عايزين يعقدوا ليه على واحده عشان كده هو ما مرّكز شويه معاك
يعنى يا ود الطيب لا إنت قريب نافع ولآ إنت بعيد نافع لا قادرين نطول منك لا أبيض ولا أسود خليك فى حالك وبطّل تحريضات أحسن أفك فيك ناس الخرطوم ديل يغطسّوا حجرك
مع عظيم التقدير والإمتنان.
| |
|
|
|
|
|
|
Re: قابلت وحاورت هؤلاء (((((صور خطيره))))) (Re: ابوبكر على)
|
Quote: الكلام ليك ياحمودى اشرح ياعمك |
إنتو بتاخدوا دروس خصوصيه فى القاعه دي وييييين حقنا ،،، قايلين الدنيا رمضان وراح نفوّت ليكم والله غلطانين وما وزنتوا الأمور صااااااح بس عشان خاطر حمودي العسل وعشاهم اللذيذ داك وعشان خاطر الباركينغ اللى مافى مثلوا فى العالم خلاص سمااااااح ،،، واصلوا دروسكم بس ما تنسونا من البخرات وكده
مع عظيم التقدير والإمتنان على المرور الكريم.
| |
|
|
|
|
|
|
|